٢٦‏/٠٣‏/٢٠٠٧

مزيد من المهازل في الاستفتاء على تشويه الدستور

أحمد حلمي المحامي يكتب شهادته الشخصية على تزوير الاستفتاء على التشويهات الدستورية الأخيرة

فضيحة فى عابدين .. التزوير عينى عينك

الساعة الرابعة ظهرا .. الجو يسوده هدوء شديد وبدأت حالة الاسترخاء تعم اللجان الانتخابية .. دخلت إلى مكان التصويت المقيد به .. مدرسة الوحدة العربية .. شياخة السقايين .. عابدين .
المدرسة من الخارج أتملاءت بلافتات تحمل شعار الحزب الوطنى وتحث المواطنين على التصويت بنعم لتعديل الدستور .
داخل المدرسة هدوء قاتل .. مجموعة من الشباب يضعون شارات للحزب الوطنى ويمسكون كشوف انتخابية .. ولا يوجد ناخبين ..
تقدمت لهم بطلب الاستفسار عن اللجنة التابع لها فأعطونى ورقة من اوراق الحزب الوطنى عليها بياناتى الانتخابية .. صعدت الى الطوابق حيث يتم التصويت فى طابقين ومررت على اللجان بهدوء .. وكانت الفضيحة ..
اقرأ المزيد

هناك ١٢ تعليقًا:

كلبوزة لكن سمباتيك يقول...

حسبي الله و نعم الوكيل

مراقب مصري يقول...

المهم بعد ما نتحسبن هنعمل إيه بقى؟؟

غير معرف يقول...

ما احنا لما جينا نعمل زورو ولما قاطعنا قالو سلبية و لما اتظاهرنا اتضربنا و اعتقلنا و اتبهدلنا و مفيش حاجه اتغيرت نعمل ايه بقا

مراقب مصري يقول...

العصيان الكدني والإضراب الشامل هو الحل

zenzana يقول...

والله انا بقول من الصبح
عصيان مدني
ومحدش فاتح بقه

معنى كدة انك هتشارك ف الدعوة لعصيان مدنى؟

مراقب مصري يقول...

طبعا مشارك ومحرض ونهاره رز بلبن وع الوش إشطة

قسما سأنتصر يقول...

لا زم ننزل الشارع

tota يقول...

حج جرجس
وبانت نتيجة التزوير وطبعا بدون نقاش مفيش نزاهة فى اى حاجة فى البلد هتيجى على الاستفتاء هيكون نزيه
بس شوفت الدقة 75.9% نتيجة مشرفة
الف مبروووك على الابداع فى التزوير

سيبها على الله يقول...

الحاج جرجس
احييك على هذا المجهود الرائع...فى احدى ردودك تكلمت عن العصيان المدنى والاضربات ...وهى فكرة ليست
بجديدة وكان قد اطلقها من قبل الاستاذ محمد عبد المجيد والمعروف بطائر الشمال وكانت على منتدى شئون
مصرية
ومنتدى الواحة المصرية ولكن للاسف لم تنجح الدعوة ولذلك انا اسألك كيف السبيل الى احياء هذةا لفكرة
ولاسيما ان المدونين باتوا قوة تخشاهم الدولة والنظام ....ياريت محاولة فتح الموضوع ودراسته دراسة وافية
وشاملة واعلان ذلك فى حملة ضخمة يرعاها المدونين فىالمدونات والمنتديات المصرية ولكن يجب ان نبدأ وحالا

3rby يقول...

يا عم جرجس انت ليه بتكتب بالحبر السري

يا تغير الخلفية ياتغير لون الخط

مراقب مصري يقول...

محمد يوسف

لازم ننزل الشارع... بس ننزل نعمل ايه؟ إنت محتاج مشروع إعادة بناء وعي عند الناس بعد الانحطاط اللي وصل له وعي الناس... مشروع للنهوض بالناس اللي في الشارع مش مجرد إني أنزل أتظاهر واعتصم وسط ناس كالبهائم لا تعرف يمينها من شمالها ولما بيشوفونا بننضرب ونتسحل يقولوا علينا "يستاهلوا"... لازم نوعي الناس ونتواصل مع الشارع بجد
===================


عزيزتي توتا

مجدي مهنا يوم ما نتيجة الاستفتاء ظهرت قال مقولة عظيمة مفادها إن إذا كان الشعب اختار وسكت وقبل باللي بيحصل يبقى يشرب بقى... طبعا النخبة يقع عليها اللوم فيما سيشربه الشعب كله فالنخبة لم تأخذ بيد الشارع وتفهمه لكن جات على آخر أسبوع قبل الليلة الكبيرة وجعجعت ونصبت المولد بتاعها قصاد الملود بتاع التانيين والشعب في الحالتين مستكنيص وقاعد يضحك على دول ودول.... بس دا لا يعفي الشعب م المسئولية... ما موريتانيا أهي شعوبها ضفرها برقبتنا واحنا بس قاعدين نعلق اللوم على شماعة الآخرين يبقى نشرب بقى
================


الأخ سيبها على الله

فكرة العصيان المدني فكرة مش سهلة كدة وكأنها السكينة ف الحلاوة... إنت بتتكلم على شعب أصلا شبه ميت ولا حراك في جثته وبصيص أمل ضعيف جدا فالأمور مش بالسهولة اللي انت بتحلم بيها... بس هو طبعا النظام شاف الاعتصامات والإضرابات العمالية وشاف تأثيرها ومرعوب منها وبالتالي هما برضه متأهبين ومستنفرين لإجهاض أي تحرك شعبي جماعي ومستعدين بغشومية غريبة إنهم يسحقوا أي عدد من الناس ويسجنوا ويخطفوا وممكن يقتلوا أي عدد من الناس كمان لو لقيوا أي تحرك جدي وسط الناس... وبعدين إنت طول ما انت مسمي نفسك "
"سيبها على الله" تفتكر هيبقى فيه فايدة؟؟ الله نفسه بيقول "إن الله لا يغير ما بقوم حتى يغيروا ما بأنفسهم" بمعنى أن الله نفسه سنتظر مبادراتنا الإنسانية والتي عندها سيبدأ الله في التدخل ولكنه لن تدخل ليغير قوم شعارهم "سيبها على الله"!!! أتمنى ألا أكون ضايقتك
==============


عربي

المشكلة إن المدونة كانت تقيلة بس فالخلفية البيضا كانت ما بتظهرش... أنا خففت المدونة شوية وشيلت اللنكات أم صور للتخفيف... جرب تاني كدة وقول لي إيه النتيجة؟

3rby يقول...

مافيش نتيجة
هي هي

لكي لا ننسى دم أحمد علي مبروك