25‏/03‏/2007

مبارك بدأ ضرباته الاستباقية لسحق المعارضة ضد تشويهاته الدستورية

مبارك ونظامه بدأ ضرباته الاستباقية لسحق المعارضة المصرية

أنباء تتردد عن اختطاف الأمن لجورج اسحاق واحتجازه من قبل جهاز أمن الدولة
ولا يزال مصيره مجهولا وحركة كفاية تدعو كافة المدافعين عن الحريات العامه وحقوق الإنسان بمطالبة السلطات المصريه بالإفراج عنه وتؤكد كفاية ان هذا الإجراء الهمجي من الأمن المصري لن يثني نشطائها عن الإستمرار في تظاهراتهم وإعتصامتهم وفعاليتهم ضد تزوير دستور مصر


كذلك قرر النظام أن "يديها كمان حرية"
حيث تمت مصادرة العدد الجديد من جريدة الكرامة من قبل أجهزة الأمن المصرية
لكون العدد صادرا متشحا بالسواد حدادا على التشويه الدستوري المزمع إقراره وحمل الجريدة بوسترا لحركة كفاية بعنوان معا لخلع الدكتاتور


صورة من البوستر الذي حملته جريدة الكرامة المصادرة
(نقلا عن موقع حركة كفاية)


والآلاف من قوات الأمن المركزي تحاصر ميدان التحرير قبيل الموعد المحدد من قبل الحركة المصرية من أجل التغيير(كفاية) للاعتصام المفتوح الذي دعت إليه في الساعة السادسة من مساء اليوم الأحد 25 مارس 2007 للإعلان عن استمرار الرفض الشعبي للتشويهات الدستورية المقترحة من قبل النظام والتي ترسخ لدولة بوليسية تسحق الحريات والحقوق الأساسية للإنسان


نراكم في الاعتصام المفتوح في الحديقة المستديرة لميدان التحرير
الساعة 6 مساء اليوم وحتى صباح اليوم التالي

ولا أراكم الله مكروها في دستور لديكم

هناك 6 تعليقات:

ذو النون المصري يقول...

الجوازه باطله يا جرجس
الجوازه باطله
المخنس اللي عاوزين يجوزوه البلد مبيعرفش!!!!؟
مبيعرفش اي حاجه
فين الائمه و رجال الدين المسيحي اللي المفروض بيظهروا في الاوقات اللي زي دي دايما
هما فين؟
مبارك للاسف دبر و عمل احتياطاته في كل حاجه
شعب جاري تجهيله و تسطيحه علي مدار عشرين سنه و اكثر
ازهر جاري تشويهه و تسطيحه هو الاخر و تدجين علماؤه حتي لم يبقي فيه راس الا و خلعه
الكنيسه علي نفس الحال و مش بعيد تكون الاحداث الطائفيه من بين خططه للسيطره علي التيارات المسيحيه اكثر
مش عارف هو كده زكي و للا غبي
حاسس ان مكر الله ممكن يكون بيدبر له شيء
و يمكرون و يمكر الله و الله خير الماكرين
تحياتي
فيه مقاطعه للاستفتاء و للا لا؟

Mohamed A. Ghaffar يقول...

سؤال مهم

هل انفردت كفايه بالدعوة؟؟

Reformer1976 يقول...

عزيزي ذو النون

طبعا الجوازة باطلة... بس مين جاب سيرة الجواز أساسا؟؟؟ دول عايزين يرافقوا بس... دي ناس لا مؤاخذة وعايزين مصر تبقى لا مؤاخذة... طب إنت ترضاها لمصر اللي هي أمك وأمنا كلنا إنها تبقى لا مؤاخذة؟ خلاص يبقى وقفة قوية
للحرية
ضد مبارك
وبتوع مبارك
وزنانزين مبارك
ويا حرية فينك فينك
حسني مبارك بيننا وبينك

بالنسبة للمقاطعة... أنا رأيي إنه ملوش لازمة الدعوة أساسا للمقاطعة لأنه الناس مقاطعة باختيار حر واعي وإن كان عفويا... فهما ما بياكلش معاهم لا كدب الحكومة ولا الحنجوري بتاعنا... الناس في ملكوت تاني يا أستاذ
==========


محمد عبد الغفار

كفاية ما دعتش بس لاعتصام النهاردة... كفاية داعية امتوالية لا تتوقف من المظاهرات والوقفات والاعتصامات ضد التشويهات الدستورية العتيدة... اللي دعا لاعتصام النهاردة قوى وطنية مستقلة بينها شباب من كفاية وغيرهم وده هتلاقيه واضح في الدعوة للاعتصام المنشورة بتوقيع شباب بيحلم ببكرة

حاجة تانية أنا مثلا مش في كفاية وإن كان اسمي كفاية حرام... تشابه أسماء ليس أكثر وحاجة كمان... كفاية أكثر من مجرد حركة أو تنظيم ما... كفاية صرخة شعب بيقول كفاية وعشان كدة كفاية هي كل الناس اللي خلاص اتخنقت وبتقول كفاية بقى

ahmEd_H يقول...

هو قالك احنا نخطفة بدرى شوية

مصر هى خالتى

مش اى حد يلعب بعقلكم تصدقو يقول...

يا ناس فين عقلكم هو اى حد يقلكم تعالو مظاهرات تروحو دول مش مصريين دول ناس عاوزين البلد تخرب متصدقوش اى حد يقلكم تعالو البلد بتخرب حرام عليكم سيبو البلد تروق شويه وبعدين اعملو اللى انتو عاوزينه شوفو الدول التانيه فرحانه فينا ازاى للاسف يا مصريين كنت فكركم ازكى من كده وبتعرفه تحسبوها صح لكن انتو اديتو فرصه للدول التانيه تفرح فينا

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت

لكي لا ننسى دم أحمد علي مبروك