11‏/03‏/2007

المصائب لا تأتي فرادى... ابتسم أنت في ظل أوسخ نظام في التاريخ

نبتدي منين المصايب؟
نبدأ من الأحدث

طيب


دا محمد الشرقاوي
شاب مصري عنده 25 سنة

شرقاوي ناشط سياسي عضو في كفاية
ومدون مصري وسبق اعتقاله وتعذيبه من قبل ضباط أمن الدولة بقسم قصر النيل

شرقاوي - بحسب ما نشره دماغ ماك - كان بيجهز لنشر فيديو تعذيب جديد
وكمان كان بيحضر ملف قضية تعذيبه هو شخصيا عشان ينشره قريب

المصيبة بقى إن شقة شرقاوي اتفتحت - بشكل احترافي جدا -
وجهاز الكمبيوتر المحمول (اللابتوب) بتاعه - اللي عليه كل الملفات دي - اتسرق!!


ده لاب توب زي اللي اتسرق من عند شرقاوي


محمد راح يعمل محضر في نقطة شرطة التحرير قاموا رفضوا ... و قالولوا لازم تعمله في قسم قصر النيل ودا القسم اللي تم فيه تعذيب شرقاوي إبان اعتقاله

لغاية دلوقت مفيش أخبار وإن كان دماغ ماك بيأكد أن الفاعل معروف وإنه بكدة بيعلن الحرب على نفسه

ما زلنا في انتظار أخبار جديدة عن الموضوع ولغاية ما يجد جديد كل مدون يخلي باله من لاب توبه

=======


وفي سياق منفصل متصل مازال المدونون في مصر ومعهم المهتمون بحرية التعبير والحريات يتابعون مهزلة الدعوى القضائية التي أقامها قاض مصري رئيس محكمة بالاستئناف العالي بالأسكندرية ضد رئيس الوزراء ووزير الاتصالات ووزير العدل ووزير الداخلية والنائب العام طالب في نهايتها بإصدار حكم قضائي بإلزام رئيس الوزراء والوزراء بإغلاق 21 موقعا إلكترونيا ومدونة مصرية من بينها موقع كفاية وموقع الشبكة العربية لمعلومات حقوق الإنسان وموقع الحركة المصرية من أجل التغيير كفاية و
مدونات بنت مصرية و يحيى مجاهد و مدونة عمرو غربية وغيرهم


دا الخبر اللي جه في روزاليوسف يوم 2 مارس الجاري


وجدير بالذكر أن القاضي رافع الدعوى هو القاضي عبد الفتاح مراد الذي اتهمه عدد من المدونين وكذا بيان الشبكة العربية بأنه نقل - في كتاب صدر له حديثا - نحو خمسين صفحة كاملة من تقرير الشبكة العربية لمعلومات حقوق الإنسان ، والصادر في 13 ديسمبر 2006 تحت عنوان " خصم عنيد :الانترنت والحكومات العربية"، دون أن يشير إلى المصدر أو يقوم بالتنويه عن هذا النقل، بالتعدي على قانون حماية الملكية الفكرية رقم 82 لسنة 2002م وقد نبه عمرو غربية في مدونته حوليات صاحب الأشجار إلى حالة نقل أخرى في كتاب قاض مصري عن المدونات فقد ثبت نقل القاضي أيضا لأجزاء من دليل التدوين الذي تعده بنت مصرية




المصيبة هنا هي أن هذا الرجل الذي ثبت نقله لهذه المواد في كتابه دون إشارة لمصادرها هو قاض بإحدى أعلى مستويات المحاكم في مصر وهو المفترض فيه أن يحكم بين الناس بالعدل والمصيبة الأفدح أن هذا الرجل بيلعب على نغمة سمعة مصر اللي احنا بنشوهها والرئيس وإننا بنهينه... شفتوا الحلاوة؟ خدوا بقى أم المصايب... هذا القاضي المحترم هو من سيقف أمامه عبد الكريم سليمان (المدون كريم عامر) في الاستئناف لاستئناف الحكم بسجنه ثلاث سنوات بتهمة ازدراء الأديان وسنة بتهمة إهانة الرئيس... وطبعا كدة الجواب باين من عنوانه وواضح الراجل العبقري ده مفاهيمه إزاي عن حرية التعبير على الإنترنت!!!

المنع والمصادرة واستعداء الأمن والدولة لكل من يكشف فضائحي... هذا هو شعار الرجل في الحياة!!!
شفتوا الحلاوة؟

========

مزيد من المصايب تأتينا على لسان وزير خارجية مصر اللي طالبه الرأي العام ونواب الشعب باتخاذ إجراء مع إسرائيل بحجم فضيحة قتل الأسرى المصريين التي أذاعوها هم في فيلم وثائقي فيصرح الوزير قائلا:

لن نقطع علاقاتنا مع إسرائيل بسبب «فيلم»!!ـ

طب أنا مش هارد عليه ردوا انتوا!! إيه المصايب دي يا اخواننا!! هو خلاص بقى دمنا وشرفنا وتاريخنا كله رخيص للدرجة دي؟

من أكتر المصايب اللي قالها الوزير - بسلامته - واللي استفزت الناس جدا كانت جملة له بيقول فيها
أن مصر انتقمت لأرواح شهداء 67 في 6 أكتوبر 73 وأضاف أن مصر سوف تتابع هذا الملف حتي تتحقق من إشارة تدين اسرائيل، وأنه منذ تفجر الموضوع عام 95 ونحن نسمع ونرصد ونسعي للحصول علي أي معلومة!! شفتوا الهنا اللي احنا فيه؟؟؟

دم الأسرى خلاص ننساه وننسى أمهم عشان مصر انتقمت وخلاص في 1973
ومن اتناشر سنة الخارجية المصرية قاعدة تسمع وترصد وتسععى للحصول على أي معلومة - بروح امهم - تخص الموضوع
وإسرائيل في لحظة واحدة كشفت كل المعلومات في فيلم وثائقي بيضربوا بيه دين أم كرامتنا القومية في مقتل وخارجيتنا لسة
بتسمع وترصد وتسعى ... جتها ستين نيلة اللي عايزة خلف!! ما تفوق وتحس بقى يا أستاذ أبو الغيط... ولا انت مش مصري؟؟
=============

وختام المصايب نعلمكم أن صحة الرئيس جيدة جدا وإنه مفيش حاجة في الدنيا - ولا في الآخرة - هتخليه يسيبكم أبدا أبدا أبدا



ولا لإهانة الرئيس ولا لمسخرة الرئيس
ونندد بكل الأشكال اللي عايزة تشوه سمعة مصر اللي هي سمعة الرئيس وسمعة عائلته ونظامه
وندين ونستنكر كل شتيمة وسخة بيشتمها المصريون للرئيس ليل نهار ... قطع لسان أي كلب يقول على الرئيس إنه معندوش دم أو إنه عميل أمريكاني
وندين ونستنكر كل إشاعات مغرضة يطلقها المصريون الكلاب بإن الرئيس وولاده حرامية
ونرفض تصديق أي حيوان يقول إن الرئيس وعيلته سرقوا 200 مليار دولار وهربوها برة مصر
هي مصر أصلا تساوي المبلغ ده يا هُبْل؟؟



ولا يهمك يا ريس يا سكرة
إحنا اولاد كلب نحب المسخرة
وما يطمرشي فينا لقمة عيشك
ولا نحمدشي ربنا على نفشة ريشك
يا باشا نوطى
إحنا وربنا يعليك
إركب فوق ضهورنا ودلدل رجليك
والله بتتعب وجميلك ما عارفين نوديه فين
جميلك تعبنا طلع من نافوخنا يا منَخْرَب الملايين


هناك 32 تعليقًا:

غير معرف يقول...

دا إنتا دخلت المواضيع كلها في بعضها وأنا حرد عليك واحدة واحدة
1- بالنسبة للقاضي فإحنا عندنا أحسن قضاه بالصلى علنبي
2-بالنسبة للخارجية دول ناس فنوا عمرهم في خدمتنا وإحنا مانستاهلشي
3- بالنسبة للرئيس و أسرتهفأنا مبحبش أتكلم عل حد مش موجود وميأدرشي يدافع عن نفسه
وبطلوا حقد وغل وكراهية وخصخصة وعولمة وإحتباس حراري

Reformer1976 يقول...

كدة يتبقى شرقاوي!!! مين يرجع حق شرقاوي؟؟
مش بس حقه اللي هو اللاب توب اللي اتسرق
لكن حق شرقاوي اللي الكلاب دول انتهكوه مين هيرجعه؟؟؟ دا أهم موضوع في المواضيع

MAKSOFA يقول...

ردا علي ما كتبته
كفايه حرام

Reformer1976 يقول...

فعلا يا ست مكسوفة

كفاية جدا حرام أوي

zenzana يقول...

باقي مصايب سيادة القاضي السكرة ابو ...حمرا انه من المفترض ان قضية كريم عامر في الاستئناف تبقي قدام سيادته بكره
يعني من اربع سنين لاعدام

Reformer1976 يقول...

غدا إذا لناظره قريب وهنشوف سيادته هيطس الواد كام سنة... وعلى رأيك مش بعيد يديله إعدام مع الرأفة أو يقيم عليه حد الحرابة

نبيــذ يقول...

ان شالله بس يفضلوا اربعه

Reformer1976 يقول...

يا ست نبيذ

ما هو دا خوفي إن الراجل فعلا يطسه قد عشرة خمستاشر سنة أو يأمر بتقطيع أرجله وأيديه على أساس إنه مفسد في الأرض... الراجل فاهم حرية التعبير فهم منيل بستين نيلة... وأي واحد بيتف جنب الرصيف يبقى بيهين رئيس الجمهورية على أساس إن الرصيف والكوبري والنفق من أهم إنجازات الرئيس

sandi يقول...

you have great site. I like it kisses from Poland :* and visit my friend www.the-life-of-death.blog4u.pl :*:*

نبيــذ يقول...

أسلوبه فى الكتاب و شويه الشوشرة اللى عاملهم شكلهم دعايه لنفسه

وبعدين ما بنت مصريه لها الحق بتوجيه اتهام ليه بحكم نقل أجزاء من مدونتها فى كتابه

هو فعلا ربنا يستر ع الحكم بتاع كريم
3 سنين ازدراء أديان و الموضوع أصلا مش أكتر من 6 شهور

بس أنا ماتوقعش انه هايوصل لأكتر من أربع أو 5 سنين بردو
ولا حتى هايقل عن كده

kisses from Egypt ;D

Reformer1976 يقول...

المحاكمة بكرة ويا خبر النهاردة بفلوس بكرة هيبقى ببلاش... في صحتك
;)

غير معرف يقول...

من سخرية القدر ان هناك قاضى يبكى ويستجدى رئيس الدولة لعلاج زميل له مصاب بورم فى المخ فى المانيا على نفقة الدولة رفض وزير العدل اللى عينة رئيس الدولة علاج القاضى المريض على نفقة الوزارة ـ وقاضى تانى ـ لايتعظ ويظن انه بعيدا عن المرض وبعيدا عن عدالة السماء باع نفسة للشيطان ـ يقدم مدونين قربنا لرئيس الدولة طمعا فى منصب او جاة ـ كنت الى عهدا قريب اظن ان جميع القضاة ملائكة ولكننى بعد ان رايت واحدا منهم يشرب الخمر وهو مسلم اقتنعت انهم بشر وموظفين ايضا منهم الصالح زى الدكتورة نهى الزينى والمستشار هشام البسطويسى مثالا للشرف والنزاهة ومنهم الطالح زى عبد الفناح مراد هذا النكرة الذى يريد ان يخرس كلمة حق لغرض ما فى نفسة الشيطانية

توتة توتة يقول...

لا عجب فنحن في ظل اوسخ نظام في التاريخ

Reformer1976 يقول...

عزيزي المجهول
أنا أقدر مشاعرك ولكنني أربأ بنفسي عن أن أسب القاضي الفاضل الذي يقف أمامه الناس كبيرهم وصغيرهم للاختصام وطلبا للعدل والحق... ما زلنا نحترم القضاء ونحترم كل من يجلس على المنصة ولكن أيضا القاضي إنسان وهذا الرجل أخطأ كإنسان وليس كقاضٍ... وبكرة هنشوف حكمه ونعرف إذا كمان هو بيحابي في القضاء ولا عادل فعلا... بس أنا مش مستبشر خيرا

BlueRose يقول...

معلش يا جرجس قول تاني عشان انا تركيزي النهاردة تحت الأرض
القاضي رافع الدعوى بيطالب باغلاق المواقع اللي هو تحديدا نقل منها و الموقع اللي فضح النقل ؟؟؟؟؟؟

Reformer1976 يقول...

عليكي نور يا دكتورة

بالظبط كدة
نظام اللي يفضحني واللي يتشدد له
وعليا وعلى أعدائي يا رب

وبكرة بقى يحلي بعبكريم

المصري افندي يقول...

ازيك يا حاج
انا عندي ملاحظة
المشكلة مش في اللابتوب اللي اتسرق ده شئ عادي مش جديد
المهم السؤال
من اللي شرقاوي فضفض قدامه عن الموضوع بتاع الملف اللي بيجهزه وكان السبب في وصول الخبر للأمن؟؟؟؟؟
أظن سؤال منطقي يحتاج من شرقاوي وقفه مع النفس والتفكير فيه
مش كده ولا ايـــــــــــــه !!!!!!!!

Reformer1976 يقول...

المصري أفندي

كلامك مظبوط... بس هو شرقاوي وماك بيأكدوا إنهم يعرفوا اللي ورا الموضوع

ولحد دلوقت مفيش معلومة جديدة

يبدو إن الحرص اليومين دول يا محمد بقى أكتر من مجرد واجب... دا بقى فرض

Ahmed Shokeir يقول...

فعلا هما بيأكدوا كده إنهم فقدوا عقلهم

لما يفكروا يقفلوا مدونة زي بنت مصرية

والله في موضوع القضاه ده انا ليا تحفظات كتيرة من فترة بس شكلي كده ناوي اكتبها أصل الموضوع زاد عن حده والواحد كان بيعمل زيك زي ماقلت في التعليق مش عايزين نقرب منهم بس عشان نحس إن لسه فيه حاجة جميلة لم تتلوث وتدينا أمل

Reformer1976 يقول...

فاهمك كويس يا عم شقير

ما هو القضاة دول اللي هتفنالهم السنة اللي فاتت إنهم أمل مصر... وطبعا دا حقيقي بس مش كلهم مستقيمين واحنا عارفين دا كويس... فيهم الصالح وفيهم الطالح... فيهم المستقل وفيهم المشتاق (من عبدو مشتاق)... والحياة بتمشي

السنة اللي فاتت كان فيه تأكيدات بأن فيه نحو ستين في المية من القضاة مستقلين فعلا وموالين لجماعة نادي القضاة

بس دا ما يمنعش إن فيه 40 % موالين للمجلس الأعلى للقضاء اللي هو فعليا بتاع النظام وموالي للسلطة التنفيذية ودول للأسف منتشرين في كل مراحل القضاء لغاية النقض... وراجع قضايا كتير على رأسها قضية الدكتور أيمن نور هتكتشف المصيبة اللي احنا فيها وكمان وصلنا لها ازاي

اكتب يا عم شقير ولا يهمك

يا ما دجت على الراس طبول

وفي الآخر لن يصح إلا الصحيح
وحماية القضاء الشريف مش هتيجي بالمدارية على الفاسدين وغير المستقلين ولكن بكشف أي بعة سودا على ثوب العدالة الأبيض

شكرا على اختيار تدوينتي باعتبارها بوست اليوم بالأمس

ahmEd_H يقول...

azyk ya 7aag gergs wa7shny walhi


eeh da homaa 7aybd2oo ye7gbooa l blogs

santohom sodaaa

modo3 ser2t al sharkawy da khteeer gdn begd !!!

taib hoa 3aml ma7dr wla laa2 l7d delwty ! ma3a eno malosh lazmaa y3ny bas ana 3ayz a3rf

Reformer1976 يقول...

أيوة يا عم أحمد يا مصري

هيقفشوا المدونين من هنا ورايح... ماهو لما سكتنا لما حبسوا كريم - وبعضنا هللوا لحبسه - هما أدركوا إننا لقمة سائغة وما لناش تمن ولا دية... وتذكر أن كريم مش بس اتحبس عشان كافر لكن كمان عشان قال مبارك رمز الاستبداد وقاهر العباد... تخيل؟؟؟ يعني ألف باء تدوين اللي هو في أغلب مدوناتنا بيحبس المدون سنة... في صحة التدوين والمدونين

لما قلنا إن التضامن مع كريم مش معناه الموافقة لى آراؤه الناس اعتبرتنا كفرة وما كانوش عارفين إن اللي هيسجنوا كريم الكافر النهاردة هيسجنوا بقية المدونين المؤمنين بكرة... ولسة الجايات أكتر م الرايحات

بالنسبة لسرقة لاب توب شرقاوي أنا برضه زيك معنديش أي تفاصيل لسة ومستني التحديث

bluestone يقول...

فاضل ايه في البلاوي ؟؟ فاضل ايه ؟؟؟؟؟

مش كتير ....
ايه الاكتئاب ده على الصبح يا عم الحاج
كل دي اخبار مهببة ... انا ضغطي علي بجد
ايه التهريج والعبث اللي البلد فيه ده

-يعني حاميها حراميها ولا ايه بالظبط.. واحد ينزل من بيتهم يرجع يلاقي الكمبيوتر بتاعه مسروق ولو عايز يشتكي لازم يزلوه ويروح يشتكي في الحتة اللي اتبهدل فيها ... ايه الذل ده ياربي؟؟؟

--
قاعدين نجعر نزاهة القضاء المصري نزاهة القضاء المصري ... هتيجي منين؟؟
ماهو طالما النظام كله كده .. يبقى ده يعني اللي هيفلت ويطلع كويس
..
وبعدين هو السيد القاضي المحترم ممثل العدل ومطبقه بين العباد بدل ما يتكسف ويعتذر على خطأ النقل من آخرين بدون ذكر المصدر يروح يطبق مثل خدوهم بالصوت ؟؟؟ واظن هنا هتبقى خدوهم بالدعاوي القضائية ...

عايز يلاعبهم في ملعبه .. مش ده استغلال لسلطته برضه ولا ايه؟؟؟
وبعدين هو مش المفروض انه هو اللي يترفع عليه قضية لانه ناقل بدون ذكر المصدر وده اسمه تعدي على حقوق الملكية الفكرية ....

هما بطلوا يذاكروا قانون ولا ايه؟؟
ولا الكانون اللي بيقولولنا عليه غير الكانون اللي بيطبقوه ..

وبعدين المفروض قبل ما يحاكموا كاتب بسبب محتوى نشر على الانترنت اصلا لازم يبقى قواعد وقوانين وتشريعات لاستخدام الانترنت .. ولا هو اي صابون وخلاص

المجتمع اللي فاهم لحد دلوقتي ان المدونين دول حزب ولا هيئة ولا نيلة .. هيجي القاضي طبعا يحاكم ممثل المدونين .. يعني هو متغاظ من المدونين اللي فضحوه .. فهيطلعه على جتت المدون كريم .... ده ايه الحلاوة دي ؟؟؟؟ وكله بالأنون

----
اما بالنسبة للفيلم
اي رد فعل مصري رسمي كان متوقع
احنا عدينا يا سيدي من زمان
زمان كنا بنزعل ونتضايق قوي من اننا بنكتفي بالشجب والاستنكار ...
احنا عدينا المرحلة دي من زمان ..ودخلنا في مرحلة تانية خااااالص ....
ولا بلاش ..

omar مشروع بطل يقول...

و الله و عملوها اللى مش رجالة ..
nothing is unexpested from this dirty political system

Reformer1976 يقول...

يا ست قهوة عالية

صدقيني أنا مكتئب من الأخبار المقرفة دي بقالي أربع تيام لا باخرج ولا بادخل من إحساس العبثية البوهيمي - والبهيمي - اللي احنا فيه ده

لسة دلوقت جاية الأخبار بتأييد الاستئناف لحبس كريم وإيه... كريم محبوس بناء على مادة في القانون تم إلغاءها أساسا والقاضي تعامل مع الموضوع على إنه عادي جدا وطبعا حكم مشاعره الدينية في القضية مش القانون ونصوصه

نهاره أبيض
===============

عمر مشروع بطل

هي كدة قفلت زي دور الدومنة اللي بيلعبوه تسعة صعايدة

Epitaph يقول...

we're declinging too fast!! that's kinda fearful!! what's happening..for God's sake!!

____
p.s. I enjoyed the exclusive videos about Ayman Nour.. Wtg begad!

أحمد عبد الفتاح يقول...

حق شرقاوي ميرجعوش البويس
حق شرقاوي يرجع المدونيين
وان كنت انا من منتقضين اسلوب شرقاوي في الكتابه بس مدام وصلت لكده يبقي لا والف لا
مه المدونين مش .... معلش انا اخوان ومينفعش اقول الالفاظ ده
انا بدعوا لحمله علي كل المدونات نربي فيها كلاب الداخلية

أحمد عبد الفتاح يقول...

اما بقه موضوع القاضي فانا شايف ان رقم 21 ده قليل قوي وده يدل اننا مش مهتمين انا عايزه يلغي الدعوه ويرفع دعوه بغلق 12648674642 مدونه ايه رايكم ؟

Reformer1976 يقول...

العزيزة إبيتاف

فعلا إحنا بننحط بسرعة مرعبة على كل المستويات... وأعتقد إننا كدة داخلين على فوضى شاملة وعارمة في كل شيء

أنا حزين
==============

أحمد عبد الفتاح

طبعا المدونون ليهم دور مهم بس إحنا فعليا ما نقدرش نعمل كل حاجة... كل اللي بنحاول نعمله إننا نعلي منسوب الوعي شوية عند الناس والناس مصرة تفضل متدهولة على عين أمها في اللي هي فيه واللي وجدت آباءها عليه والأزمة إن محدش بيفكر ولا عايز يفكر... ولما قلنا مثلا إن حبس كريم الكافر النهاردة هو مقدمة للتنكيل بالآخرين "المؤمنين" بكرة أغلب المدونين والرأي العام كله ضحك علينا وكأننا شوية هبل وكفرة وزنادقة... الآن أقول لهذا الرأي العام وكل من شمتوا في حبس كريم وكل من فرحوا بحبس الكافر ورغبوا حتى في إقامة حد الحرابة على الولد وتقطيع رجليه وإيديه وصلبه على أساس إنه مفسد في الأرض أقول لهم جميعا: مبروك عليكم الحكم على كريم ولسة قضية الحسبة كمان هياخد فيها تلات سنين كمان ع الأقل... أقول لهم آسفين كان نفسنا يقطعوا له رجليه وإيديه ولسانو لو عايزين بس مفيش من دا النهاردة كان فيه وخلص... أقول لهم افرحوا... ولكن الدور عليكم وعلينا غدا... أقول لهم جميعا اتنيلوا على عين أمكوا

غير معرف يقول...

ماهو النظام ده اللى سايب أمثالك ياوسخ
صحيح
انت مكانك مش السجن
الزبالة

المصري افندي يقول...

طب يعني لما انت شجاع كده وبتعرف تشتم مكتبتش اسمك ليه
ثم فيه طرق اكثر احتراما للاعتراض
منها ان حضرتك متدخلش علي مدونته تاني
ومنها انك تعترض بطريقة تليق بالمجتمع التحضر اللي المفروض اننا منه
ثم يعني هو شتم حضرتك
ولا حضرتك اسمك اللي مش عايز تكتبه
النظام
شكرا يا أخ نظام

غير معرف يقول...

قالو العمي في القلب مش في العين
قلت حكومتنا عندها الأثنين
فرقو أخين مسلم ومسيحي في بلد أمين
ولعو نار الفتنه والمصيبه سمعنا كلامهم وسكتنا
قالو فتنه طائفيه قولتله أسكت يأبوطقيه
شايل نجومك علي كتفك ومش مبطل أذيه هو ده العلمهولك في الكليه
يأخي أقلع البدله وقف مع ولدنا
ديه حكومتك باعت بلادنا
حتي القضاء بينهار علي أيد حكومه كلها أسرار
والصحافه بتتباع لناس في الاصل أتباع
أدعيلك يارب تنفذها وتحررها وأسجدلك علي أرضها وأسقي بدموعي زرعها وقوم من سجودي ألقيها طرحه أم الدنيا يافرحه....وعجبييييييي

لكي لا ننسى دم أحمد علي مبروك