26‏/03‏/2007

يحدث في مصر الآن... سحق القانون بالبيادة الميري

ما زالت الأخبار ترد عن مهازل تحدث في أحداث الاستفتاء

المصري أفندي يكتب من قلب الحدث:

عن مهازل تجري في اللجان النتخابية ويؤكد أن الإشراف القضائي وهم كبير ولا يوجد قضاة في اللجان بما يؤكد أن تنفيذ المادة 88 المعدلة التي تلغي إشراف القضاة على اللجان قد بدأ تنفيذه فعليا قبل حتى التصويت على التعديلات الدستورية

وأيضا أنباء عن انخفاض الإقبال على اللجان الانتخابية وخطف أربعة جدد من نشطاء كفاية

وشحن الموظفين والعمال و طلاب الجامعات إلى لجان الانتخاب للتصويت بدون حتي اثبات للشخصية
============


سيبكم بقى من قصة الاستفتاء ومهازله
ونرجع لزملائنا المختطفين

عندنا ما يزيد عن عشرين زميل من زملائنا اللي اتخطفوا امبارح ما يزالوا مجتجزين داخل عربتي ترحيلات ومرميين في الصحرا في العربيات... 19 ساعة محبوسين جوة العربية دي إنتوا مش متخيلين حجم التعذيب اللي بيتعرضوا له... لا هو ولا إضاءة ولا أكل ولا شرب ولا حتى قضاء الحاجة... وطبعا كلاب الداخلية اللي خاطفينهم مش عايزين يعرضوهم على نيابة ولا حتى يحجزوهم في قسم لأن هما عارفين إنهم عصابة وإن اللي بيعملوه فينا مش قانوني وبالتالي هما قرروا يدوسوا القانون بالجزمة ويدوسوا على أي قيمة نبيلة لسة ما ماتتش
============

وعلى هامش الأحداث
مساخر على عينك يا تاجر


البابا شنودة يدعو أتباعه إلى المشاركة في الاستفتاء والموافقة على التعديلات الدستورية

نوارة نجم تكتب عن صفقة قذرة لبيع الورد "يا معلم"!

وزنزانة تنتقد القيادات الذين تقاعسوا عن حضور الاعتصام

والتدوينة الجدلية التي نشرها المدون الإخواني النشط أحمد عبد الفتاح
والتي يزايد فيها على كل التيارات السياسية ما عدا الإخوان
وأيضا يزايد فيها على وطنية أشخاص بعينهم من المدونين والنشطاء
(أهي فورة غضب من ناشط محبط بسبب ما رآه بالأمس أم أنها تعبير عن عقلية إخوانية استعلائية تكفيرية إقصائية؟)
أنا شخصيا مش عاوز أحكم... اقروا انتوا واحكموا

هناك 4 تعليقات:

أحمد عبد الفتاح يقول...

العزيز جرجس
والله جميل اوي الي انت عملته ده
خلتني مزايد علي القوي الوطنية عدا الاخوان ومشكك من وطنية الناس واديت خيارين لبوستني يا اما تعبير عن عقليتي التكفيري ةالاستعلائية يا اما فورة غضب وفي الاخر بتقول مش هحكم عالبوست
طب فهمني كل الكلام ده ايه ؟؟؟ مدام مش حكم
جرجس من الاخر
ده رايي وانا حر
وعلي فكره راجع البوست انا منتقض الاخوان وموقفهم
قلت بس انهم بيعرفوا ينظموا ولا عندك مانع في ده كمان ؟؟؟
وعيب قوي كلمة بكفر واستعلاء والالفاظ الي سارقها من حزب توتو ده
والتغطية هايلة يا مان

Reformer1976 يقول...

أنا رأيي الشخصي إن البوست اتكتب في فورة غضب ودا مش إدانة مني لشخصك لأني بالعكس متفق إن فيه شبهة استهبال في إن الشباب يتسابوا يتفعصوا في ميدان التحرير ويتخطفوا من طلعت حرب في الوقت اللي فيه ناس تانية بتتوجه مباشرة ناحية النقابة على أساس إنها أمان (ما هو الأمن مشغول في فعص الشباب في التحرير وطلعت حرب) ويروحوا النقابة على حساب حرية وكرامة الشباب اللي انضرب واتخطف في التحرير و طلعت

دا أنا وانت متفقين فيه بس اللي أختلف معاك فيه هو المزايدة على كل من لم يتواجد في موقعة التحرير وطلعت والتلسين بشكل غير مباشر وبشكل مباشر إنه مش وطني ومش شجاع والهروب والتدوين من جحر وما إلى ذلك مما ورد في بوستك وأنا ضد المزايدات... وانت عارف كويس أوي إن اللي بعمل تغطية خبرية لحدث دوره مش أقل أهمية ولا وطنية ولا شجاعة من اللي اتضرب واللي اتحبس

أنا رأيي إنك كتبت في فورة غضب ودي مش شتيمة ولا حكم على شخصك فأنا رأيي إنك مدون مجتهد وعامل شغل كويس جدا بس في مرات مهم إنك تفرمل نفسك وما تكتبش وانت منفعل وساعتها ينفع تنتقد زي ما انت عايز بس بشكل فيه مصداقية وموضوعية واتزان فكري مش محمل بعاطفة غضب منفجرة بتشيل اللي ف وشها

بالنسبة لموقف الإخوان في الشارع من أول خمستاشر مارس لحد النهاردة كان موقفهم زفت ومتقاعس جدا ويمكن لأي حد في فورة غضب يقول إنهم بيعقدوا صفقات أو إنهم بيطاطوا للنظام وبيلعبوا من تحت لتحت... ويا عزيزي على رأي الشوام... ياللي بيته من بلور ما بيرمي بحجارو الناس... أو كما قال السيد المسيح من منكم بلا خطية فليرمها بحجر

تحياتي واحترامي

Reformer1976 يقول...

يا ريت بس فكرتي تكون وضحت إن سوء التنسيق أو حتى غباء التحرك لا يعطي مسوغا للمزايدة على وطنية الآخرين وشجاعتهم وخصوصا إذا كانت هذه المزاريدة لصالح فصيل عليه كتير من علامات التعجب والاستفهام في الأزمة الدستورية الأخيرة

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
شات انحراف
انحراف
منتديات منتديات عرب كول
غلا الروح
شات غلا الروح
شات صوتي
شات مغربي
قوانين الشات الصوتي
برامج كام وصوت

لكي لا ننسى دم أحمد علي مبروك