١٤‏/٠١‏/٢٠٠٧

وهكذا نرد على حبس عماد الكبير

تابع على كفاية حرام آخر أخبار قضية اغتصاب عماد الكبير
المتهم فيها النقيب إسلام نبيه


تحديث
بناء على رغبة الجماهير التي رأت أن نشر صورة إسلام كما هي هو ما يؤدي بالهدف الأساسي وهو فضح الولد قدام معارفه وجيرانه وكل من يعرفوه شكلا ولا يعرفوا حقيقته كشخص شاذ سادي يتلذذ جنسيا بتعذيب الآخرين جنسيا فها أنا أنشر صورة المجرم إسلام نبيه كما هي وكما نشرها موقع التعذيب في مصر
وإن كنت مقتنعا أنه من الجيد أيضا أن ننوع على التشويه واللعب في الصورة كذلك كنوع من التسلية والتشفي المشروع بهذا المجرم السادي... عادي زي ما بيعملوا برة ف صور هتلر وبن لادن... ممكن بقى المبدعين على الفوتو شوب يورونا همتهم ... نهاره أبيض
إسلام نبيه ضابط شرطة عذّب مواطنا و انتهك عرضه في مركز شرطة ناهيا و صور فعلته بالفيديو

بعد حبس عماد الكبير بطل فضيحة التعذيب المهينة التي قلبت العالم كله وجعلت وزارة الداخلية كلها متهما أمام العالم كله بالتعذيب كسياسة ممنهجة نرد على حبس عماد بنشر صورة المجرم إسلام نبيه ضابط قسم بولاق الدكرور (السابق) الذي أهان عماد وعذبه وانتهك عرضه ووضعه في جحيم نفسي مرعب بنشره شريط الفيديو الذي صوره هذا المجرم وهو يغتصب عماد بعصا مقشة... القضية لم تمت فهي قضيتنا الأساسية... تعذيب مواطن هو إهانة ومهانة للوطن كله

الصورة الأصلية التي نشرها موقع التعذيب في مصر - في رأيي - لم تف الولد المجرم حقه فأظهرته واحد ابن ناس وقد تتعاطف مع مظهره الغلبان... هذه الصورة التي أنشرها هنا بقى تظهر لنا بشاعة المجرم الحقيقي اللي جوة إسلام نبيه

الصورة تعد جزءا من حملة تجريس إسلام نبيه التي أسميتها الداخلية كلها إسلام نبيه

شكرا لبرنامج الفوتو شوب

هناك ٤٢ تعليقًا:

الحمد لله يقول...

انا ليا تعليق ملوش علاقة بالموضوع انما هو تعليق على الاستفتاء اللى انت ناشرة عن التعذيب فى اقسا م الشرطة هل هو سياسة نظام ويتم تعليمه للطلبه فى كلية الشرطة ولا ظاهرة متسعة الانتشار ولكن لا يتم تعليمها للطلبة؟؟؟
طبعا كلنا متفقين على ان التعذيب فى اقسام الشرطة تخطت الظاهرة لتصبح سياسة النظام بكل اجهزتة من شرطة وغيرها ولكن هل يتم تعليمة للطلبة؟؟ اعتقد انه يتم تعليمهم على مستوى اللاوعى عن طريق زرع فى نفوسهم احساس بانهم اعلى من باقى البشر وانهم مركز قوة وسلطة لا يجرؤ احد على محاكمته او محاسبته ولا رقيب على افعاله طالما رؤساءة راضين عنه فالاولى بالطاعة والخوف هو الرتبة الاعلى وليس المجتمع والناس الذين لم يعد لهم قيمة وتم تحويلهم من بشر الى اشياء بلا حرمة او مكانة
وبالتالى من الطبيعى ان يستسيغ الضابط بعد ذلك تعذيب وانتهاك المواطنين وينام بضمير مرتاح ولا يحس انه ارتكب جريمة سواء كان التعذيب مع مجرم لانتزاع معلزمات او لمجرد اللهو والتلذذ

مراقب مصري يقول...

tawahan

طبعا تعليقك في صلب الموضوع لأن الموضوع مرتبط جدا بالاستفتاء اللي برة واللي يا ريت تكون شاركت فيه برأيك

ورأيك صائب تماما
دا اللي أنا قصدته على فكرة بكلمة تعليمه للطلبة... هو مش مادة أساسية لكنه العمود الفقري لعملية التعليم غير الواعية... تحليلك جيد جدا
وشكرا على زيارتك

Memo يقول...

هوا الغرض كان ان الناس تعرف شطله عشان يتفضح سوا بيبي فاس او كلب فيس مش دي المشكلهاحنا بس عايزين انو يتعرف و فضحيتوه تبقا بجلاجل

Memo يقول...

هوا الغرض كان ان الناس تعرف شطله عشان يتفضح سوا بيبي فاس او كلب فيس مش دي المشكلهاحنا بس عايزين انو يتعرف و فضحيتوه تبقا بجلاجل

zenzana يقول...

كلكم مطلوبين للعزاء عند حفصة البلوج بتاعها استشهد، في عملية من جنود الاحتلال والقاعدة وبن لادن وحزب البعث ف العراق والهند ومدغشقر، وكمان المحاكم الاسلامية ف الصومال
http://elnaswiel3alem.blogspot.com
سورى يا جرجس

yasser_auf يقول...

ايوة يا جرجس افضح امة ابن الكلب دة خلية عبرة لمن لا يعتبر


كل واحد فيهم من اخوانا البعدي لما يعرف ان فية ناس بتفضح بالصورة و تجرصهم و الناس كلها ابتداء من جيرانهم و عائلاتهم تعرف هما بيعملوا اية
حيتبتدي المحيطين بيهم ينبزوهم و يزبلوهم ..فعلا اضعف الايمان حيبتدي يفكر مرتين قبل ما يقدم علي ما يفعلونة بالاقسام في البشر .. احساس الشخص اي كان طالب بالامتحان او وزير انة تحت بؤرة الضوء و مراقب من اطراف اخري بيخلية يحاول يبقي انسان محترم في تصرفاتة

بص انا بعزر بعض ضباط الشرطة في بعض المواقف يعني موش ممكن يكون عندة حرامي او مغتصب و يقولة اتفضل حضرتك اقعد او تشرب اية او قهوتك اية او يكون ماسك واحدة عاملة شبكة دعارة من الفتيات الصغيرات قتلت و اقتطفت زهرة شرفهم و عمرهم و يقولها اتفضلي او حضرتك

و لا كن انا ضدد انهم يستخلصوا الاعترافات بالتعذيب و الضرب ...او انتهاك حرمة الانسان نفسة من كشف عورة او اغتصاب شرف رجل و تصويرها و نشرها لا دة بقي ابن .... و يستاهل انة لو فية قاضي بجد راجل في مصر يحكم علية بانة يتعمل فية ذي ما عمل في عماد و يتصور برضة و يروح بعد كدة... وتحفظ القضية و يسيبولنا احنا بقي الباقي كفيلين بتجريسة و فضحة في العالم العربي كلة

غير معرف يقول...

مش مقتنعة يا حاج جرجس قوي بمسألة تغيير شكله حتى لو تغيير بسيط
الغرض من الصورة فضحه و هو ما يتحقق بنشر صورته واضحة دون تعديل
لاحظت أن صورته لا توحي مطلقا بجريمته , لكنها الحقيقة , الرأي الذي كونته عند رؤيتها أنه ليس كل صاحب مظهر منمق بريء

انشر صورته زي ما هي يا حاج جرجس , خليه يتفضح

abourrisha يقول...

العزيز \ جرجس .....

سأعلق عندك هنا مرتين المرة الأولى هي تعليق على تعليق الصديق \ ياسر عوف

حيث أنه تلمس العذر لرجال الأمن عندما يعاملون المشتبه بهم في ارتكاب جرائم معاملة غير إنسانية, وهذا طرح يجب إدانته لسبب بسيط وهو أن رجل الأمن إذا اعتدى على المتهم أثناء التحقيق معه, فقد تحول إلى مجرم ولم يعد هناك فرق بينه وبين أي مجرم آخر, الفرق أنه مجرم يرتدي زي الشرطة ..... يجب على رجل الأمن أن يحترم آدمية أي مجرم حتى بعد ثبوت إجرامه .....وحتى لو لم يحترم هو آدميته....ولا أقول أن يجعل رجل الأمن مقرات التحقيق بوفيهات يقدم فيها الساخن والبارد, لكن تكون مكانا يليق بآدميته هو قبل آدمية المتهمين.
ولي ملحوظة على تشويهك لصورة إسلام نبيه ... أنت هنا أفرغت شحنة غضبك في الصورة وحولت القضية إلى مسألة شخصية والأصل أن مشكلتنا مع النظام الذي أفرز هذا الشخص وهذا السلوك .....لأنه إن لم يتغير النظام نفسه, ستظل تلك السلوكيات هي السائدة...وما أسعد النظام بنا عندما يرانا نحصر عيوبه في شخص بعينه فيعاقبه أو يقصيه خارجه وبذلك نمنحه نحن شهادة حسن السير والسلوك وبأنه أصبح نظاما بلا عيوب...
هناك وسائل أخرى أفضل لتحويل شحنة الغضب عندنا إلى طاقة فاعلة...يمكنها إحداث تغيير ملموس مهما كان بسيطا مثل الاقتراح الذي اقترحته أنت أو أحد أصدقائك بزيارة عماد والوقوف إلى جانبه في محنته ....


ويمكنكم أيضا الوقوف إلى جانب الصحفية هويدا طه والتي كانت تعد برنامجا وثائقيا حول هذا الموضوع لإذاعته في قناة الجزيرة وألقوا القبض عليها لمنعها من بث ذلك البرنامج....

تحياتي ومحبتي الخالصة ياحاج

abourrisha يقول...

الصديق الكريم \ جرجس.....
هذا التعليق هو إجابة على سؤال :هل هناك أمل ؟
وجهته لي في تعليق لك عندي وآثرت نشره هنا لأنني أتمنى أن يقرأه زوارك الأعزاء أيضا
سأجيبك على سؤالك ...... نعم هناك أمل .... وأمل كبير طالما كان هناك أمثالك ...أنت وبقية الأصدقاء كل باسمه ...

أنت تؤكد أنه لابد من دراسة التاريخ ...و الاستفادة من وقائعه ...تعالى نحكي تاريخ...
شوف يا جرجس بعد هزيمة 67 عبد الناصر اعترف أنه هو المسئول عنها وقدم استقالته لكن الناس بفطرتها رفضت أن تأتي قوة خارجية وتجبر رئيسها على الاستقالة أعادوه لموقعه حتى يتم تحرير الأرض وبعدها نبقى نقعد ونتحاسب..
وفعلا أزاح عبد الناصر عبد الحكيم عامر من قيادة القوات المسلحة وراح يعيد بنائها من جديد وكان شعاره ما أخذ بالقوة لا يسترد إلا بالقوة, وبذل الرجل كل ما أمكنه من جهد في سبيل ذلك حتى وافته المنية عام 70 .....
خلفه السادات ... كان شعاره أن 99 في المية من أوراق اللعبة في يد أمريكا, لم يكن يريد أن يدخل أي معركة, وراح يعرض كل فترة مبادرة سلام , يوجهها أساسا لأمريكا كي تضغط على إسرائيل كي تنسحب من سيناء مقابل السلام معها وإنهاء حالة الحرب ....
السادات عندما خلف عبد الناصر دخل في صراع على السلطة مع رجاله الذين كانوا يعتقدون أنهم أولى منه بها وكان همه الأول تثبيت نفسه في مقعد الرئاسة والإتيان برجال يثق بهم ويكونون تابعين له , لكن معظم المحيطين به في ذلك الوقت كانوا محسوبين على عبد الناصر ولذلك كان يبدلهم علي فترات متقاربة جدا وكان يشك فيهم جميعا .... المهم أنه لم يكن عنده أي وقت لأي معركة ... والثلاث سنوات الأولى من حكمه ـ والتي حاربنا إسرائيل بعدها ــ أمضاها في صراع مرير مع رجال سلفه والذين أسماهم مراكز القوى و لولا مظاهرات الطلبة والعمال المتكررة المطالبة بتحرير الأرض والتي كادت أن تطيح به ما دخل حرب 73....
وكانت فكرته الأساسية هي تجميع أكبر عدد من القوات وعبور القناة ....فقط العبور.... وعندها سوف يسيل الكثير من دماء المصريين والقليل من دماء الإسرائيليين, وهذا الدم الإسرائيلي القليل سوف يحرك أمريكا ويجعلها توقف القتال وتفرض معاهدة سلام يقبل بها وتنتهي المسألة...
وعندما أصدر قرار الحرب كان هو نفسه وكل من حوله من سياسيين وعسكريين ــ قبل الإسرائيليين وغيرهم ــ أول من فوجئ بأداء الجندي المصري والضابط المصري المقاتل....وحدث عكس ما توقعه تماما..... لقد سالت دماء إسرائيلية أكثر من الدماء المصرية, ولولا تدخله بعد ذلك في سير المعارك لكان هؤلاء الأبطال حققوا نتائج مبهرة .......
ماذا أريد أن أقول ؟!!

عبد الناصر وعبد الحكيم ....هزمونا في 67 والجيش والشعب المصري هم من غسل عار الهزيمة بينما كان السادات غارق تماما في صراعه من أجل السلطة ...النصر لم يكن بفضل قرار السادات ولا بفضل الضربة الجوية والهمبكة المباركية....الفضل الأول والأخير يعود للشعب ....

ماذا أريد أن أقول ؟!!
لم يتحمل الشعب المصري أن يختطف أجنبي جزءا من أرضه وصمم على استعادتها رغم تردد قيادته وتشككها في قدرة هذا الشعب......
الآن مصر كلها مختطفة..... قلة منا اختطفت الوطن وحولت بقية المصريين إلى غرباء في وطنهم, أتظن أن هذا الشعب لن يتحرك لاسترداد وطنه...أنا واثق مائة بالمئة أن الناس سوف تسترد وطنها وكرامتها ....شعبنا شعب صبور ويتحمل الكثير لكنه ليس شعبا ميتا......
وحركتك أنت وكل أصدقائك أكبر دليل على ذلك, رغم كل محاولات النظام طوال العقود الماضية تسطيح أفكاركم وتشويه كل رموزنا الوطنية, وبث روح وثقافة الاستسلام والهزيمة فيكم.... وبعد عمر طويل إن شاء الله ستحكون للأجيال القادمة عن هذه الأحداث.....

تحياتي لك ولكل أصدقائك.

tota يقول...

الحج جرجس
اسلام بعد الفوتو شوب فى صورة وحش
ده لاننا شايفين جرمه وفعلته
لكن تصور اسلام من وجهه نظر الداخلية واصدقاء الشرطة ولوبى التعذيب
شاب جميل مستقبله ضاع بسبب كائن ملهوش لازمه اسمه عماد يستحق اشد انواع العقاب من قبل المنظومة القاهرة للشعب

تفاوت عجيب بين الشعب وحامى الشعب الذى من المفروض ان يحميه لا ان يقهره
حالة غريبة وعلاقة اغرب
تحياتى

ذو النون المصري يقول...

الحاج جرجس
معذره لاني بره الموضوع الان
..................................
الاخ ابو ريشه
..................................
انت بصراحه قلت كلام اوجعت به قلبي و غيرت به ملامح وجهي تماما اثناء قراءتي لتعليقك
لم يكن السادات يريد ان يدخل في اي معركه
لولا مظاهرات الطلبه و العملا المتكرره ..المطالبه بتحرير الارض و التي كادت ان تطيح به ما دخل الحرب و كانت فكرته الاساسيه هي تجميع اكبر عدد من القوات و عبور القناه ..فقط العبور..و عندها سوف يسيل من دماء المصريين اكثر من دماء الاسرائيليين ،و هذا الدم الاسرائيلي القليل سوف يحرك امريكا و ......
و حدث عكس ما توقعه تماما ..لقد سالت دماء اسرائيليه اكثر من الدماء المصريه....
----------------------------------
انا كتبت تعليق علي ما اقتطعته من كلامك لكن لغيته لكن بصراحه ما قلته في منتهي الاستفزاز ،هل معقول ان جيشنا و قياداته كلها كان تفكيرها قائم علي عدم الدخول في حرب ؟و ماذا عن الاعدادات التي استمرت سنوات و خطط الخداع و اعادة بناء الجيش و طرد الخبراء الروس .......كثير جدا ممكن يتكتب بشان الحرب و خططها التي تدرس بعكس النكسه في الاكاديميات العسكريه في عدد بير من البلاد
و هل بهذه البساطه ممكن شوية مظاهرات تتسبب في حدوث حرب انتقل بسببها اكثر من 100،000 عسكري الي الميدان غير المشاركه السوريه
اعتقد ان كلامك ده في منتهي الغرابه!!!!؟
ردي كان بسبب ان الاعتقاد في امجد ايامنا الحديثه لابد ان يحاط بحمايه حتي لو كانت حقيقته مملوءه بالعيوب
تاريخنا لن يصلحه الاعتقاد فيه بانه كان كله عيوب
تاريخنا في حاجه الي ترقيع عيوبه و تمتينها لا البحث عن مجده و تقطيعه
----------------------------------
كنت ارغب في الاطاله لكن ما علينا
للجميع خالص تحياتي
كان نفسي توضح معني ان السادات كان فاهم ان دماء الاسرائيليين هتكون اقل من دماء المصريين
كلمتك صعبه جدا و احزنتني جدا
----------------------------------
ارجو ان ميكونشي فيه زعل لان نفس الموضوع كنت شغال فيه مع واحد ناصري من بوست فات عند مدونه اعرفهالك تحياتي

مراقب مصري يقول...

memo

رأيك صح وكلامك مظبوط الهدف إن الناس تشوف شكله وصورته ويبقى وشه معروف عند الناس فيتفضح

أنا بس حبيت الفضيحة تبقى بجلاجل وأم جلاجل دي هي الفضيحة اللي بأجراس الشهيرة بالتجريس

لما كان المجرمين زمان أوي يقعدوهم على حمار بالمقلوب ويعلقوا عليهم أجراس أو جلاجل ترن وتجلجل وهوما دايرين في البلد وكانوا مرات بيلطخوا وش المجرم بالبوية أو جعله أراجوز بطرطور والهدف هو سحق معنويات المجرم وفضحه وجعله عبرة لمن يعتبر

تشويهي لصورة الولد إذن هو جزء من هذه العقوبة الشعبية القديمة المسماة التجريس ولسة كمان ممكن نعمل صور فيها عيال صغيرة بتشاور عليه وتقول العبيط أهوه

يمكن إسلام مش هيشوف ده بنفسه لكن زمايله اللي ف أمن الدولة واللي بيتابعوا مدوناتنا هيشوفوا ويعرفوا إننا وراهم لحد ما يتفضحوا ويتجرسوا واحد ورا التاني

دي وجهة نظري المتواضعة

مراقب مصري يقول...

زنزانة الجميلة

ما قلتي ليش وجهة نظرك إيه في عرض صورة الولد مشوهة على هذا النحو إظهارا لطبيعته الإجرامية الحقيقية؟

مراقب مصري يقول...

صديقي ياسر عوف

طبعا مش بنطالب إن المجرمين في الأقسام يشربوا شاي وقهوة لكن إنهم يتعاملوا كبني آدمين وتقرأ عليهم حقوقهم والمفروض يبقى فيه إشراف قضائي على أقسام الشرطة ويبقى فيه إحترام تام ومطلق لقاعدة أن المتهم بريء حتى تثبت إدانته

القاعدة دي تنفي أي تبرير أهبل وسخ للتعذيب بحة أن المتهم اغتصب واحدة أو قتل قتيل ولازم يطلع دين أمه في القسم

ببساطة القانون بيقول لنا إنه بريء إلى أن يدينه القضاء مش يدينه الكلب الظابط النبطشي

أتفق بقى معك تماما في بقية تعليقك
أنا رأيي إن عقوبة التجريس الشعبية لازم ترجع تاني... ولابد أن يشارك الشعب في عقاب جلاديه وتجريسهم وفضح أمهم وعيلتهم الواطية كلها

مراقب مصري يقول...

عزيزتي بلوروز

متفق معاكي فيما طرحتيه عن ضورة عدم تغيير الشكل عشان الفضيحة تبقى أوقع ويتعرف وسط ناسه وجيرانه إنه هو دا الكلب اللي عذب عماد الكبير

أنا بالفعل نشرت صورته كما هي لمدة طويلة وحبيت بقى أتسلى عليه شوية

عملا بنصيحتك هاحط الصورة الأصلية وجنبها الصور الاشتغالات التانية

زي ما قلت لميمو فوق... قضيتنا هي تجريس هؤلاء الكلاب مش بس فضحهم والكشف عن هويتهم... لابد من السخرية منهم وإهانتهم وجرح مشاعر أهاليهم اللي ما عرفوش يربوهم
(تذكري إن أبو عماد الكبير مات من حرقة قلبه على ابنه)
من حق عماد إن نبيه عبد السلام أبو إسلام مدير الأمن السابق قلبه يتحرق على ابنه أو يموت حتى بالذبحة بسبب قهرته على ضياع مستقبل ابنه والتشهير به

دي عدالة ربنا يا دكتورة

إسلام مش مجرد شخص واحد

إسلام هو كل الداخلية بكل بطشها وقلة أدبها... يبقى نسيح له ونأدبه

مراقب مصري يقول...

عزيزي الكريم أبا ريشة

تفريغ شحنة الغضب في تشويه إسلام لن أنكره ولكن القضية هنا هي قضية عامة بالفعل كما تفضلت أنت وأشرت وليست مجرد شخص إسلام بل النظام بحاله... تمام

أنا بس عايز أحصرها مش في المطلق بتاع النظام بحاله لكن في الداخلية تحديدا عشان نعرف ننشن كويس... إحنا مش بس شغالين على قضية عماد الكبير وبس لكن - المدونين - شغالين على ملف التعذيب في جهاز الشرطة... عشان كدة سميتها وزارة التعذيب...

شخصنة القضية في فرد اسمه إسلام نبيه دا برضه مهم... فالناس عايزة تشوف حاجة ملموسة متجسدة تقول لهم الوزارة وسخة أد إيه... أهو بقى إسلام نبيه دا هو التجسيد الأمثل لوساخة وزارة الداخلية كلها

عشان كدة في بوست سابق حطيت على صورة إسلام شعار أن الداخلية كلها إسلام نبيه وبالتالي صار تشويهه حقا وواجبا بل وفرض عين على كل مؤمن... وهنفضل وراه لحد ما ياخد حكم محترم وبعدها نشخصن القضية في حد تاني وتالت... شخصنة القضية لا تعني أنها صارت شخصية... فلا أحد فينا يعرف إسلام كبني آدم ولا يعرف أبوه ولا أمه بس هي عيلة واطية طبعا وابن مجتمع واطي... فالموضوع ليس شخصيا لكنه عاما ومشخصنا فقط لغرض التنشين وتوضيح الرؤية بدلا من ضبابيتها

الشرطة كلها بتساند إسلام وبتتوعد عماد إذن مفيش بقى كذبة الشرطي الصالح والشرطي الطالح

كلهم اولاد ستين ف سبعين

مراقب مصري يقول...

عزيزتي توتا

إنتي اللي فاهماني
أنا بالظبط زي ما انتي قلتي... حبيت أشوف إسلام وأوريكوا معايا أنا شايفه إزاي... مهم نشوفه من جوا... ولو الصور تساعدنا على ده يبقى خير... الجدل نفسه حوالين صورته المشوهة هو جدل شديد الإيجابية وبيرسخ صورته أكتر في أذهاننا... صوتتي ف استطلاع الرأي اللي برة؟؟

zenzana يقول...

شوف يا كوكو
اولا انا كنت فعلا افضل ان صورة الواد ده تتحط عشان مننساش ملامحه الحقيقية ، دى الفضيحة بجد، زى ما الناس علقت.
انا بشوف وشوش الناس وفق ملامح معينة انا اللى بحطها لهم، فى عقلي (او بواقي عقلي)

النقطة التانية، معرفش هل ممكن اضرب عليها ولا لاء، او اذا كانت حتى صح، بس ممكن تاخدها على انها تخريفة من عيلة وغلطت
وهى ان هل انت شايف ان شتييمتنا وتجريسنا لاسلام نبيه ممكن تدخل تحت بند الاعتداء على الحياة الشخصية للاخر؟
والله مجرد سؤال، مش رأى مؤكد بالنسبة لى، يعنى انا فاكرة انك لما عملت بوست عن الاخوان كان في بوستين واحد ضدهم، والتاني بيأييد حريتهم

انت اللى دفعتنى ان افكر ف التخريفة دى، لان اكيد المجرم له برده حقوق
انا مش بنكر كل اللى هو هببه، بس بحاول اشوف الموقف من وجهات نظر تانية بس

مراقب مصري يقول...

زنزانة رقيقة القلب

تجريسنا لإسلام يا أمي فرض عين على كل مؤمن ومؤمنة بلغ سن الرشد... دا نص يبطل معه أي اجتهاد... لأ اطمني خالص من الناحية دي

شرعيا إنتي في السليم
وقانونيا الحمد لله بلدنا ما بيحكمهاش قانون فبرضه إنتي في السليم

وما تقلقيش خالص على حرية المحروس إسلام... هو مقضيها إستيميشن وبنج بونج وفرجة على روتانا مع المحاريس اصحابه في مركز شباب قوات أمن الجيزة اللي هو محبوس فيه ومش لابس أبيض في أبيض زي ما القانون - الله يرحمه - ما بيقول لكن عادي جدا بالتريننج سوت والحياة كول جدا وموبايله معاه واحتمال الجيم بوي كمان

التجريس غالبا هيفضل هو العقوبة الوحيدة اللي مش هينغع يتجامل فيها وتتخفف... فبعد إذنك بدل التنظير افتكسي لنا افتكاسة كدة إزاي تمسخري بيها الولد وتحرقي قلب أهله عليه وتحسسيهم بالعار بسبب إنهم خلفوه وإنهم ما عرفوش يربوه

zenzana يقول...

طب يا كوكو انا بس كنت بسأل سؤال متزوقش احسن ممكن اقع على ارض البلؤ، وممكن اعتبره تحرش، مع انك لسه قايل "يا امى"مش عيب يا بنى تزق مامتك
ههههههههههههه

zenzana يقول...

ذو النون يا روحي، مكنتش واخدة بالى انك من اصحاب الوهم بتاع اول هبشة جوية، طب انت بزمتك فى حد يدخل حرب مية الف عسكرى، وتقوللى تدرس فى كليات عسكرية، يا بنى دى بتدرس فى منشية ناصر لتخريج الزبالين، بلاش يا حبيبي تهوب جنب بلؤات الناصريين الا لما نرشها بيرسول الاول.
اما مسألة الدم دى ما تخدش ف بالك دى حتة استراتيجية ولا راحت ولا جات الحكام العرب، ولاد ... بيفكروا بيها بما ان الانسان العربي فى بلادنا رخيص، لكنه غالى حتى فى اسرائيل، وليه تمن، فا وايه يعنى كام الف يموتوا فى مقالب عشرة خمشتاشر، بسسسسسسسسسسسسسس طز يعنى.
اوك ذو النون ممنوع عنك البلؤات اياها، وكمان الاغانى اللى ملفوفة بانجو، بتاعة اول هبشة جوية، واختارنا اختارنا...انا همشي احسن اعك. سلام

ذو النون المصري يقول...

راندا انا لم ادخل عند بتوع ال....اليي قلتي عليهم اطلاقا لكن كلامي كان مفصول تماما في غرضه عن شخصية الحاكم و يهدف الي ان نحافظ علي انجازاتنا امام انفسنا و ابناءنا حتي نجد شيء نفخر به يعطينا الامل في قدرتنا علي انجاز شيء شبيه او افضل منه لكن كل منحقق نصر نقول دا اصله كذا و كانت النيه كذا و نقلل منه كده هتيجي علينا ساعه لا نجد فيها حدث حقيقي واحد يعطينا دفعه للامام بهدف اصلاح واقع يغم
يا ريت اكون وضحت بصوره جيده
اما حكاية الناصريه او الساداتيه فانا بعيد عن التسميه باسم اي رئيس لكن احب ناصر لبعض انجازاته مع التحفظ علي بعض اعماله و بالمثل اعشق السادات لكن مع التحفظ ايضا

zenzana يقول...

طيب يا سي ذو النون عشان تتبط وتقعد على حيلك، مفيش نصر عسكرى حققنا الا حالتين، وللاسف بيتم التعميم عليهم من كل الناس والسلطة الواطية كمان، الاولى تجربة الكتيبة 141، التى قادها مصطفي حافظ، فى قطاع غزة، من فبراير 1958
والتجربة التانية حرب الاستنزاف من 1969،
لحد تقريبا 1971،
هتقوللى حرب اكتوبر هقولك انتصار معركة لكن مش انتصار حرب
يلا بقي

^ H@fSS@^ يقول...

زنزانة
ايه التخريف اللي بتقوليه ده
دي اشرف حاجة حصلت لنا
حرب استنزاف؟؟؟!!!؟؟؟
اجيبلك خالي يحكي ليك عليها
طيب ماشي حرب استنزاف
بس متقوليش حرب اكتوبر ماكنتش حرب
حقطعك
احنا حاربنا بكل شرف و بكل اللي عندنا و مش مشكلتي ان الحمار الكبير هو اللي كان ماسك الضربة الجوية
بس بقية الحرب كانت مشرفة و اتعمل فيها اللي نقدر عليه
ايه ده بقى حتهرفي ولا ايه

نفرزتيني و انا لسه في حالة حداد

معلش يا ذو النون
هي حتعتذر كمان شوية
سلام

abourrisha يقول...

الصديق العزيز \ جرجس.....

أرجو أن تتقبل اعتذاري عن كثرة تعليقاتي عندك وكنت قد كتبت رد على تعليق الصديق ذو النون المصري الذي انزعج من انتقادي للسادات ... وكأن قادتنا دائما على صواب منزهين عن الأخطاء.....
صديقي ذو النون أرجو أن تتمكن من قراءة تعليقي في مدونتي هذه
http://zykryaat.blogspot.com/
لأنه أطول من نشره هنا

مع كل التحية والود

zenzana يقول...

حبيبتي ما تزعليش، هى دايما كدة الحقيقة مرة، ولو انى مش محتكرة حقيقة،بس لا يا حفصوتشتى مش هعتذر طبعا لانى عارفة كويس انا بخبط فى انهى حلل، وانا مازلت عند رأيى، بلاش الهبل الاعلامي دا بقي، وشغلى الطاسة، ايوه يا ذو النون من اشرف المعارك فى تاريخنا حرب الاستنزاف، و المقاومة فى قطاع غزة ف اواخر الخمسينات، حرب اكتوبر اه كانت انتصار معركة لكن مش انتصار حرب، روحوا استنضفوا واقروا، كمان لازم تشغلوا الطاسة اللى بتاكل رز مع الشياطين، يعنى مش نقرا صم، ونقول اه دا صح، لان كل التاريخ مزيف، .
سورى يا كوكو عملتها مراجيح

zenzana يقول...

بقول ايه يا كوكو

بخصوص الصورة الاولي للواد بن ...مش شايف انك بعمايلك السودا فى شعر الواد، بأنك خليته اكرت، وكمان تقلت له حواجبه، دا اسمه تنميط لصورة المجرم، وممكن اعتبره تمييز ضد اللى شعرهم اكرت، زيي انا شخصيا، فا يا ريت بلاش ترسيخ حاجات وحشة فى عقل المدونيين دا دول اللى طلعنا بيهم من البلد.
صباحه فلة.

^ H@fSS@^ يقول...

زنزانتي
نستنضف؟!!!؟؟؟
بقلك نص اهلي كانوا في الحربين و كمان في الاستنزاف
مش بس كلام كتب
و ايش معنى كتبك انتي تبقى صح و كتبنا تبقى غلط؟؟؟؟
كمان حرب اكتوبر كانت حرب مش معركة لان الجيش اللي حارب حارب بكل ما اوتي من قوة و عتاد حاربوا بكل اللي يمكلوه و تاني حفكرك بان دي شهادة قرايبي مش كلام كتب
ايوة حصلت حرب في اكتوبر
و حرب رائعة و حرب يفخر بيها اي شحص عايش على ترابك يا مصر
معركة دي تبقى حاجة و تعدي لمده يوم ولا اتنين بس هما حاربوا اكت رمن كده و قاوموا و عملوا اللي عليهم
اسفه مش قصدي انك لازم تغيري او تقتنعي باللي بقلوه بس لو انتي تفكيرك كده و تفمير ناس كتير كده يبقى انتي بتبخسي بحق و قدر الجندي المصري الاصيل
ممكن تختلفي مع السلطة الموجودة في الوقت ده لكن لا يمكن اننا نسلب الجندي المصري الشريف انتصاره اللي ناله عن جدارة و دفع فيه دم قلبه و اخد فيه رصاص و شظايا
حصلت حرب و على مدار كذا يوم و باقصى ما يمكن فعله مقارنة بالقوة و العتاد اللي كانت مع الطرف المعادي

و ده كلام ناس شهادة حية
مش كتب

سلام يا عزيزتي

zenzana يقول...

يا حفصة يا حبيبتى، انا هعيد لك تانى، الحربين المشرفتين، حرب الاستنزاف، وحركة المقاومة فى قطاع غزة نهاية الخمسينات، كانت قايمة على العنصر البشري، اللى هو الشعب، مع امتزاجه بعناصر اخرى من الجيش، فى الغالب مهمتها التدريب، اما اكتوبر، فهى معركة حصل فيها انتصار عشان سي البتاع وقتها يقول يا اللى اسمكوا امريكان انا اهو، لكن مش حرب انتصرنا فيها، مع احترامي لكل البطولات والارواح اللى استشهدت فيها.
على فكرة العيلة كلها شاركت ف العبور ما عدا انا،يعنى ابويا وخالى وعمى كمان، متلقيش حق الشعب محفوظ.

الأميره أوسه يقول...

أعترض
بما أنى من المحاربين القدامى
وأشتركت فى حرب المعيز
اللى حصل أن المعيز طلعت فوق السكه الحديد عشان تاكل الفلنكات
أتصدينا كلنا شعب وجيش وخرفان
لجيش المعيز
وأنتصرنا ومات مننا اللى مات
وأصيب ناس كتير
والفضل فى أنتصارنا يعود للخروف
صاحب أول نطحه فى المعركه
=============
أم بالنسبه لحرب أكتوبر
فيكفى العبور المشرف
ويكفى شجاعة الرجال على خطوط النار
وبسالة المصريين

lastknight يقول...

كنت ممتنع عن التعليق مبدئيا لأن نشرك للصوره كفايه و خلاص .. لكن لاحظت حالة ادمان استمناء حاد على مدونتك من جانب الزميلين أبوريشه و زنزانه .. عبد الناصر بطل قومى و السادات كان عميل .. أحه .. لا مؤاخذه أحه بجد .. و لأول مر أخرج عن حدود الأدب .. بالمقياس ده يبقى أسلام نبيه بطل قومى مش مجرم .. لأنه امتهن كرامة الشعب و أهدر شرفه زى عبد الناصر ما عمل بالظبط لما نشر كلابه يقبضوا على المعارضين الشرفاء و يمتهنوهم فى السجون و بعدها سلم سينا و قناة السويس لأسراءيل عمدا .. رغم تقارير المخابرات اللى حددت موعد و طريقة الهجوم الأسرائيلى بالظبط .. الشهيد السادات الله يرحمه حاكم مراكز القوى و على رأسهم شمس بدران اللى يعتبر الأستاذ الأصلى لأسلوب أسلام نبيه .. يبقى كخه .. و المهزوم اللى طلق كلابه على الشعب تنهشه و ترعبه يبقى بطل ؟؟ .. بجد بجد .. حالة استمناء أو اشتباه فى الشذوذ .. واضح انكم غاويين اللى يمتهن كرامتكم و يتهزم .. أما اللى ينتصر و يرجع الحقوق و يزيل مراكز القوى يبقى عميل .. للمره التانيه أحه .. و فعلا خساره التفكير و الكلام فى الموقف ده .. أمثال أسلام نبيه فعلا هم اللى ينفعوكم .. هاتحبوهم و تقدسوهم .. و لما يضيعوا شرفكم هاتهللولهم

حرب اكتوبر و الانتصار الوحيد للعرب على أسرائيل تبقى مجرد معركه ؟؟ امال حرب اليمن اللى راح فيها تمانين ألف عربى أغلبهم مسلمين بأيد مسلمين تبق أيه ؟؟ فتح مبين ؟؟ بجد أحه .. عبد الناصر هو النسخه الأصليه من الخاين صدم حسين .. الأتنين حكموا دول عربيه قويه .. و الاتنين استهلكوا جيوشهم فى حروب عربيه عربيه عبد الناصر فى اليمن و صدام فى الكويت .. عشان يجهزوا بلادهم للهزيمه قدام اشائيل و أمريكا .. ازاى لسه فيه حد مش قادر يشوف الحقيقه دى ؟ أزاى لسه فيه حد بيقدس خاين مهزوم و ينكر فضل رجل دوله بطل ؟
كارثه .. عشان كده أجنا فعلا دواجن .. بنستنى اللى يرميلنا الطبيخ البايت على الأرض و يهشنا بعصايه بره الشه و يطلع دين أبونا .. و نسبح بحمده .. أما اللى ينتصر و يشوف الحقايق و يحوش عننا الكلاب اللى نهشت عرضنا يبقى خاين ..
مقايسكم مغلوطه .. و كان ممكن اسكت و خلاص لولا الأهانه المتعمده لبطولة الجيش المصرى فى أكتوبر 73 و قائده الأعلى ..
معلش يا جرجس أول مره أخرج عن أدبى فى التدوين تبقى فى مدونتك .. بس الحقيقه حرقة الدم اللى بتجيلى بتحسسنى بأحباط شديد .. الناس دى بتقرا التاريخ ازاى ؟ و هاتشوف الحقايق أمتى ؟ هايفضلوا غرقانين فى تخيلاتهم الاستمنائيه دى كتير ؟. حاسس أن كل الأفكار و الحقايق بتروح هدر لما بتتقال للمغيبين مدمنى الأستمتاع التخيلى .. معلش سامحنى يا جرجس

^ H@fSS@^ يقول...

ليا ملحوظتين مالهومش دعوة بالسابق مناقشته
اولا:صورة الزعيم المفدي بس في حالة لو رجع عن رأيه الزملكاوي فيها حاجة صغيرة
الظاهر ان فيه بقعة ضوء باينه من ورا راس حضرته الكريمة
فالكلام باين انه المطاز السري

يا ريت بقى الفوتو شوب اللي عندك يحل المشكلة دي


ثانيا:
انت لسه حاطط اللينك بتاع المرحومة البلؤ القديمة و ده غلط انك تدي عنوان مش صحيح للسادة المدونين
بس انا عارفة انت عملت كده عشان خايف مني و من سطوتي
غيره احسن لك و بسرعة
و النداء ده بوجهه لكل مدون حاططني عنده في الروابط
اهدم حمامك القديم و حط الرابط الجديد
سلام

ذو النون المصري يقول...

حلو كده ولعت!!!اطلع اعلق علي الموضوع
..اولا انا كنت محجم عن التعليق لسبب
التجريس الموجود علي المدونات انا شايف انه عمل مسجون و لا يؤدي الي نتائج فعاله لان المدونات في الاول و في الاخر لن يطلع عليها الا نحن ،و يوم منكتر قوي كم سيكون عددنا ؟؟؟؟؟؟؟؟
لهذا اعتقد في عدم او الجدوي المحدوده جدا للتجريس في المدونات لكن اذا اعتبرنا انه ما باليد حيله فهو جهد يدل فقط علي مشاعر طيبه لكنه لن يكون كما قلت فعال في التجريس و الفضح
انا لي اقتراح تجريسي اخر ليه منطبعش هذه الصوره و نلصقها كالمنشورات بصوره سريه علي الحوائط في منطقة موقف سيارات بولاق حيث يعمل عماد و بها يعرف جميع سائقو الموقف ان حقه لم يضع هدرا و انهم تحت الانظار و هناك من يقف معهم ايضا اذا حدث لهم مكروه
في الموقف ستصل رساله لهم جميعا و بالرقب من قسم الشرطه ايضا و ايضا في المنطقه التي يعيش فيها هذا الكلب الذي فعل هذه الفعله كي يعرفه المقيمين بالقرب منه صغار و كبار و في ذلك تجحيم لحياته و تنكيد لها
زمان كان الضباط الاحرار و السياسيين المصريين بيعملوا منشورات و بيوزعوها في جنح الظلام و الان الاخوان المحظوره بتوزع منشوراتها في المساجد عيني عينك فمفيش مشكله اذا احنا كمان وزعنا لكن سرا دون اي علم من احد
فيه فكره احسن
ليه منلصقش هذه الصوره في سيارات السواقين زملاء عماد منها انهم بيعلنوا تضامنهم معه و منها انتشار اوسع منين مالسياره ماشيه الاعلان التجريسي شغال
ممكن عيلة عماد نفسها ان امكن توزع الصوره علي السواقين لضمان الفاعليه و الموافقه منهم
هاتمني اكتر ..ياريت الصوره تكون بوستر بلاستيك او شفاف كي نضمن استمرارها لاطول فتره ممكنه

ذو النون المصري يقول...

هههههههههههههههههههههههههههههههههه
حلوه جدا الحته دي !!!!!!!!!!!!!!!!؟
قرات تعليقي السابق فانتبهت لكلمتين الاولي الضباط الاحرار بيوزعوه في جنح الظلام
و الثانيه جماعة الاخوان المحظوره بتوزعه في المساجد عيني عينك
ضباط يعني بتوع سلاح و كمان ايه ؟احرااااار بيوزعو منشورات في الضلمه
لكن الاخوان الايه؟المحظووووووووووووووره بتوزعه في المساجد بالنهار
شفت المفارقه احرار بالليل و محظوره بالنهار

^ H@fSS@^ يقول...

عزيزي ذو النون
يخرب بيت اللي يزعلك يا شيخ
انت بتجيب الاقتراحات دي منين؟
ما علينا
عارف احنا ممكن نعمل كده فعلا بس ان شاء الله لما الحكومة تتجن بجد و تقرر انها تعمل ردة فعل مناسبة حتكون انت اول واحد يتلم في البوكس
و احنا وراك طوالي
طيب عاوز تنشر المقترح اعمل حدق زي الضباط اللي ضربت بيهم المثال و انشره تحت اسم مجهول
هههههههههههههههههههههههههههههههههه
موتني من الضحك
يخرب عقل شيطانك
انت وصلت للحبكة دي ازاي
عمرها ما جت في بالي حكاية الاحرار في الظلام بينما المحظورة في وضح النهار
شرقتني من الضحك
خخخخخخخخخخخخخخخخخخخخخخخخخخخخخ

منك لله يا بعيد

ده انت طلعت بلوة مسيحة لكن بتصحى كل عشرين سنة مرة
و بحساب سنك معناها انك صحيت مرة واحده
لكن ايه صحوة سباقة ولئيمة و مكارة
قسم و سمعني كمان


يلا اشوفكم على خير
رايحة عندي خناقة مع البنت الامريكانية اللي ساكنه معايا
دعواتكوا بانتصار باهر زي انتصار اكتوبر المجيد
و على راي شهروزة
نياهاااهاااا

zenzana يقول...

بناءا على طلب الجماهير، حبة مسخرة على اسلام نبيه.

شكرا يا كوكو على توضيح ان ابننا اسلام واخد حقوقه ف مركز شباب قوات امن البتاع، كويس الموبيل معه، ومش لابس ابيض ف ابض، احتمال بيحب يلبس بيبي دول، مع فول ميكاب،يمكن كمان الجيم بوى، اللى هو فى لغات اخره معناه الواد بتاع الماساج ف الجيم، وهو ف الغالب جاى، وبما ان الواضح ان المحاريس ف البتاع دا بتاع قوات امن البتاع مبسوطين، يبقي الواد اسلام بسط الجميع هناك، بما انه شاذ و سادى (اتضح ان معظم الداخلية ساديين) يعنى مش هيمانعوا لو الواد دا يعمل زى حسن فايق فى احد افلامه، لما كان بيتحزم ويشخلل بالسجات فى ايديه، ويقول انا عاوز واحد يهزئنى يهزئنى، كوسيلة لاغراءه، وانبساطه ف النهاية، بعد كل الموجودين ف المركز ياخدوه بالدور ويجربوا فيه كل وسائل الاغتصاب الواطيةبتاعة الاقسام، لكن طبعا برضا الطرفين (اسلام نبيه وجميع المحاريس، )كل الوسائل بما فيها المقشات، ومش بعيد يوم المحاكمة، يبوس ايد القاضي يرجعوه المركز تانى، فى هذه الحالة من موقعى و مركز هذا بما انى من المدافعين عن حقوق المجرمين، هكون سعيد، ان الواد اسلام سعيد ومبسوط، وواخد ما يستحقه،
كفايه مش قادرة ...انتوا بقي كملوا وتخيلوا اسلام لابس البيبي دول ويا ريت لونه يكون احمر مع فول ميكب، وشعر قصير، ووووووواااووووو،
ملتو سيكسي

abourrisha يقول...

الصديق العزيز \ جرجس ......
اسمح لي مرة أخرى بالرد على الفارس النبيل
يا سيدي الفارس لماذا كل هذا الغضب ؟....
كيف فهمت أنني أدافع عن عبد الناصر مما كتبت ؟ أرجوك...... التعليق الذي كتبته أمامك وأمام القراء أين كلماتي التي قلتها أدافع فيها عنه؟ ومن ثم ألبستني عباءة الناصرية ورحت توجه لي السباب ؟
وكيف فهمت كذلك أنني قلت عن السادات أنه خائن ؟ أين هي كلماتي بالضبط التي وصفت فيها السادات بالخيانة ؟
وهل السادات منزه عن الأخطاء؟ وهل كل قائد في نظرك يخطأ في أحد قراراته يصبح خائنا ؟ ألم يكن السادات بشرا يمكن أن يخطأ ويصيب ؟ ألم يكن السادات رئيسي ويحق لي انتقاد سياسته ؟
وهل إعجابك به يعطيك الحق في إهانة من ينتقده ؟
ثم لماذا تعتقد أنك تحتكر الحقيقة كلها حول الحروب التي خضناها, لماذا لا يتسع صدرك للنقاش ؟ ألسنا كلنا مصريين لنا نفس الحقوق؟ أم أنك تحتكر أيضا الوطنية؟

لماذا قبل هجومك العنيف هذا لم تقرأ جيدا ما كتبته ؟ لماذا لم تقرأ ما قلته أن عبد الناصر وعبد الحكيم هم من هزمونا..
ومع ذلك ختمتني بخاتم الناصرية وألقيت بي في الجحيم ؟ هل كان عندك مشكلة ورأيتها فرصة تنفس فيها عن غضبك في أول شخص قابلته؟

لماذا لم تقرأ ردي على الصديق ذو النون في موقعي الذي كتبت عنوانه له وهو رد موثق وسألته إن كان عنده وثائق تنفي كلامي يدلني عليها وأنا مستعد أن آخذ بها وأغير رأيي...

لماذا اتهمتني أنني أغمض أبطالنا الذين حققوا نصر أكتوبر حقهم وقد عشت معهم وعايشت ما قاموا به منذ 67 حتى 73 ودفنت بيدي الكثير ممن استشهدوا(هل قرأت البوست الأخير لي ولن أقول لك ما سبقه)...... كما استشهد لي صديقان من أقرب وأعز الأصدقاء أحدهم في حرب الاستنزاف والآخر في حرب أكتوبر ؟؟؟

هل يمكنني أن أخون دماء من أكلت معه ومن مازحته ومن شاركته أحلامه ومن.......

هل يمكنني أن أخون نفسي وقد كدت أقتل عشرات المرات بالرصاص الإسرائيلي.

هل عرفت هدفي أصلا من كتابة الموضوع وهو أن من صنع نصر أكتوبر هم الجنود والضباط الذين قاتلوا وليس القادة الذين خططوا وأثبت ذلك بالوثائق وكان ما أردته في النهاية أن أبين لأبناء هذا الجيل أنهم قادرون على تخطى أي قيادة منتظرة وتحقيق ما سبق وحققه آباؤهم , وأنني لم أكتب لمهاجمة السادات أو الدفاع عن عبد الناصر؟

في النهاية يجب أن تعرف أن العنف اللفظي يؤذي أحيانا أكثر من العنف الجسدي ...وتعليقاتنا هنا في الأصل كانت إدانة لاستخدام العنف ووصف من يستعمله بالإجرام
ويجب أن تعرف أيضا أنني أعرف قاموسا من الألفاظ البذيئة... لكن لن يستدرجني أحد أبدا لاستعمالها لأنني أكبر من ذلك بكثير ...
وفي الختام ...لن تغير رأيي أن من صنع نصر أكتوبر هم الجنود والضباط الذين قاتلوا ...وأن السادات حاول بكل طريقة تجنب دخول الحرب وأرسل العديد من الرسائل لأمريكا لتجبر إسرائيل على الانسحاب من سيناء ... وعندما لم يستمع له الأمريكان أضطر لدخول الحرب ....هذه قناعتي ولن تغيرها حتى لو وضعت في مؤخرتي مائة من العصي(أيها الفارس النبيل)...

آسف يا جرجس مرة أخرى وهذا آخر تعليق في هذا الموضوع
مع التحية

ذو النون المصري يقول...

يا اساتذه بلاش الموضوع يولع الحكايه بسيطه متستاهلش
احنا في الاخر كلنا بنغير علي بلدنا و بلاش نختلف

غير معرف يقول...

ولا سورى ف السيناريو كان قصدى حسن عابدين مش حسن فايق، انا زهايمر يا جماعة، اما فارس، كفاية عليك ما كان بيننا على الماسنجر، لانى مش فاكرة حاجة.

شاطر يا ذو النون يا حبيبي، انت احسن من الواد فارس، مودب ومبتشتمش حد، ولا تتهم الناس على اللى مقالوهوش، من الاخر عروستك عندى.


ثم انت يا سي جرجس، ماتطلع بقي خلى فارس يسكت بدل ما هو عمالة يقطع ف هدومنا وصفر له وطلع كارت اخضر.
ثم فين البوست الجديد؟
انا بسن سنانى .
ههههههههههه
من غير مسخرة هسجل باسمي عشان البتاع دا مش شغال، معرفش ليه؟
randa

ميدو يقول...

السلام عليكم
العائلة دى أنا أعرفها كويس أوى أتعاملت مع أخوة وأبوة الى هو كان مدير أمن سوهاج سابقا.
يمتلكو شركة توريد مواد غذائية وعندهم أموال لا حصر لها ربنا يزيد الجميع بس بلحلال.
المهم أتعاملت معاهم حوالى 3 سنوات بحوالى 250 ألف جنية بصورة دورية وبلطبع كانو واخدين أحطياطتهم عن طريق أمضائى لشيكات على بياض.
عشان ماطولش عليكو.
فى السنة الأخيرة تعثرت عن دفع دفعة أخيرة وهنا كانو وجها أخر .
على الرغم أنهم كسبو من وأنا كسبت منهم وتعاملهم كلة بفائدة عند التأخير عن الدفع أكتر من يومين فائدة بنسبة 25 % من المبلغ المتبقى.
ومن هنا ظهر ناس غير الناس طبعا تم رفع الشيكات فى أقل من شهر وبما أن والد أسلام نبية لواء شرطة متقاعد قام بتوصية المباحث كلها عليا .
عشت ظروف زفت مافيش داعى أفتكرها
وكان المبلغ المتبقى عليا هو 70 ألف جنية.
فقررت الأستغناء وبيع سيارة لدى تساوى هذا المبلغ.
وعندما ذهبت لتصفية هذا الحساب كانت كارثة قال لى أخو أسلام أن المبلغ أصبح 130 ألف جنية نتيجة الفوئد الى بيضفوها بدون وجة حق ولا رحمة وهذا خلال شهرين والله على مأقولة شهيد.
كانت الشرطة كل يوم عند عملى وعند منزلى فأغلقت العمل وأقمت مع أحد الأشخاص المحترمين بجد كدت أن أموت فى هذا الوقت من أفتراء هؤلاء السلطة والنفوذ.
وفى هذا الوقت كانو يساومونى على أن يدخلو معى شركاء فى تجارتى وفى رزقى وفى كل ممتلكاتى التجارية بنسبة 55 % لهم بمعنى أن أكون خادم لهم.
فقمت ببيع شقتى التى أعيش بها بسعر بخس والحمد لله على كل حال.
وعندما جهزت المال المطلوب منى قالو لى فى هذا اليوم أنة زاد 15 ألف جنية
وتم طردى من مكتبهم بصورة مهينة جدا.
عن طريق الواء ذات السلطة والنفوذ فأحضرت باقى المال وخلصت الموضوع وتم التنازل عن القضايا المرفوعة ضددى والله بلذل والأهانة وكان ذلك فى عهد مبارك والعادلى فكنت لاحول بى ولا قوة.
الى أن خسرونى كل حياتى حتى الأن وهم ينعمون بلحرام والفوائد.
فحسبى الله ونعم الوكيل فى هؤلاء الناس عديمى الشعور والهباشين منهم لله.
وأسف أذا كنت قد أطلت عليكم ولكن كنت أوضح لكم أن الأب كذلك فماذا يصبح الأبن أذن. وشكرا على سعة صدركم.

منتصر بالله يقول...

السلام عليكم
العائلة دى أنا أعرفها كويس أوى أتعاملت مع أخوة وأبوة الى هو كان مدير أمن سوهاج سابقا.
يمتلكو شركة توريد مواد غذائية وعندهم أموال لا حصر لها ربنا يزيد الجميع بس بلحلال.
المهم أتعاملت معاهم حوالى 3 سنوات بحوالى 250 ألف جنية بصورة دورية وبلطبع كانو واخدين أحطياطتهم عن طريق أمضائى لشيكات على بياض.
عشان ماطولش عليكو.
فى السنة الأخيرة تعثرت عن دفع دفعة أخيرة وهنا كانو وجها أخر .
على الرغم أنهم كسبو من وأنا كسبت منهم وتعاملهم كلة بفائدة عند التأخير عن الدفع أكتر من يومين فائدة بنسبة 25 % من المبلغ المتبقى.
ومن هنا ظهر ناس غير الناس طبعا تم رفع الشيكات فى أقل من شهر وبما أن والد أسلام نبية لواء شرطة متقاعد قام بتوصية المباحث كلها عليا .
عشت ظروف زفت مافيش داعى أفتكرها
وكان المبلغ المتبقى عليا هو 70 ألف جنية.
فقررت الأستغناء وبيع سيارة لدى تساوى هذا المبلغ.
وعندما ذهبت لتصفية هذا الحساب كانت كارثة قال لى أخو أسلام أن المبلغ أصبح 130 ألف جنية نتيجة الفوئد الى بيضفوها بدون وجة حق ولا رحمة وهذا خلال شهرين والله على مأقولة شهيد.
كانت الشرطة كل يوم عند عملى وعند منزلى فأغلقت العمل وأقمت مع أحد الأشخاص المحترمين بجد كدت أن أموت فى هذا الوقت من أفتراء هؤلاء السلطة والنفوذ.
وفى هذا الوقت كانو يساومونى على أن يدخلو معى شركاء فى تجارتى وفى رزقى وفى كل ممتلكاتى التجارية بنسبة 55 % لهم بمعنى أن أكون خادم لهم.
فقمت ببيع شقتى التى أعيش بها بسعر بخس والحمد لله على كل حال.
وعندما جهزت المال المطلوب منى قالو لى فى هذا اليوم أنة زاد 15 ألف جنية
وتم طردى من مكتبهم بصورة مهينة جدا.
عن طريق الواء ذات السلطة والنفوذ فأحضرت باقى المال وخلصت الموضوع وتم التنازل عن القضايا المرفوعة ضددى والله بلذل والأهانة وكان ذلك فى عهد مبارك والعادلى فكنت لاحول بى ولا قوة.
الى أن خسرونى كل حياتى حتى الأن وهم ينعمون بلحرام والفوائد.
فحسبى الله ونعم الوكيل فى هؤلاء الناس عديمى الشعور والهباشين منهم لله.
وأسف أذا كنت قد أطلت عليكم ولكن كنت أوضح لكم أن الأب كذلك فماذا يصبح الأبن أذن. وشكرا على سعة صدركم.

منتصر بالله يقول...

السلام عليكم
العائلة دى أنا أعرفها كويس أوى أتعاملت مع أخوة وأبوة الى هو كان مدير أمن سوهاج سابقا.
يمتلكو شركة توريد مواد غذائية وعندهم أموال لا حصر لها ربنا يزيد الجميع بس بلحلال.
المهم أتعاملت معاهم حوالى 3 سنوات بحوالى 250 ألف جنية بصورة دورية وبلطبع كانو واخدين أحطياطتهم عن طريق أمضائى لشيكات على بياض.
عشان ماطولش عليكو.
فى السنة الأخيرة تعثرت عن دفع دفعة أخيرة وهنا كانو وجها أخر .
على الرغم أنهم كسبو من وأنا كسبت منهم وتعاملهم كلة بفائدة عند التأخير عن الدفع أكتر من يومين فائدة بنسبة 25 % من المبلغ المتبقى.
ومن هنا ظهر ناس غير الناس طبعا تم رفع الشيكات فى أقل من شهر وبما أن والد أسلام نبية لواء شرطة متقاعد قام بتوصية المباحث كلها عليا .
عشت ظروف زفت مافيش داعى أفتكرها
وكان المبلغ المتبقى عليا هو 70 ألف جنية.
فقررت الأستغناء وبيع سيارة لدى تساوى هذا المبلغ.
وعندما ذهبت لتصفية هذا الحساب كانت كارثة قال لى أخو أسلام أن المبلغ أصبح 130 ألف جنية نتيجة الفوئد الى بيضفوها بدون وجة حق ولا رحمة وهذا خلال شهرين والله على مأقولة شهيد.
كانت الشرطة كل يوم عند عملى وعند منزلى فأغلقت العمل وأقمت مع أحد الأشخاص المحترمين بجد كدت أن أموت فى هذا الوقت من أفتراء هؤلاء السلطة والنفوذ.
وفى هذا الوقت كانو يساومونى على أن يدخلو معى شركاء فى تجارتى وفى رزقى وفى كل ممتلكاتى التجارية بنسبة 55 % لهم بمعنى أن أكون خادم لهم.
فقمت ببيع شقتى التى أعيش بها بسعر بخس والحمد لله على كل حال.
وعندما جهزت المال المطلوب منى قالو لى فى هذا اليوم أنة زاد 15 ألف جنية
وتم طردى من مكتبهم بصورة مهينة جدا.
عن طريق الواء ذات السلطة والنفوذ فأحضرت باقى المال وخلصت الموضوع وتم التنازل عن القضايا المرفوعة ضددى والله بلذل والأهانة وكان ذلك فى عهد مبارك والعادلى فكنت لاحول بى ولا قوة.
الى أن خسرونى كل حياتى حتى الأن وهم ينعمون بلحرام والفوائد.
فحسبى الله ونعم الوكيل فى هؤلاء الناس عديمى الشعور والهباشين منهم لله.
وأسف أذا كنت قد أطلت عليكم ولكن كنت أوضح لكم أن الأب كذلك فماذا يصبح الأبن أذن. وشكرا على سعة صدركم.

لكي لا ننسى دم أحمد علي مبروك