14‏/01‏/2007

مصير كل زملكاوي... حاسب على عقلك يا عمر يا قناوي

عثرت على هذا الفيديو بالصدفة وأعرضه عليكم مع إهداء خاص لصديقي الصدوق عمر قناوي دون أدنى تعليق مني


وفي حالة إن الفيديو ما فتحش خش عليه من هنا

ومادام الشيء بالشيء يذكر يبقى خدوا كمان الفيديو دا كمان




No english title - video powered by Metacafe

هناك 16 تعليقًا:

alnadeem يقول...

تحذير هام
ممنوع التعليق علي هذا البوست
وإلا سالت الدماء أنهارا
هخللي الدم للركب النهارده يا جرجس
هي وصلت لكده
تبيع مبادئك يا جرجس لصالح حزب وطني الكره المصريه
خلاص إبيتف وريكا جندوك؟
دفعولك كام ؟ هه؟ إنطق قول
ماشي يا لص بغداد يا مطبع يا عميل
وانا هعرف ارد ازاي

Reformer1976 يقول...

النديم الحبيب

لقد هجرت متابعة الكرة المصرية منذ كنت مراهقا... بس معلهش المرة دي ما قدرتش أقاوم شيطاني الصحفي... الفيديو قاتل ومدمر... الراجل اتجنن فعلا... وبعدين كله كوم ونظرة خيري رمضان ليه في الفيديو كوم تاني... حاسس إن خيري هيطرشق من الضحك... وبعدين الفيديو أصلي وخبير الصوت أثبت بما لا يدع مجالا للشك إن الفيديو أصلي وأصيل ولا يمكن أن يكون مزيفا

كان الله في عون عمرو أديب وكل زملكاوي ما بيشربش اللبن الصبح وأهوه أديك شايف النتيجة

على فكرة النادي الأهلي ليس نادي السلطة بل هو نادي الشعب ونادي جماهير مصر الأصيلة... الجماهير التي خرجت صبيحة 18 و19 يناير 1977 هي جماهير النادي الأهلي النادي الأحمر رمز اليسار الوطني ونادي البروليتاريا المتعطشة للحرية... وليس الزمالك إلا نادي البورجوازية المتعفنة التي مآلها إلى مزبلة التاريخ

lastknight يقول...

و الله حرام عليك يا جرجس .. هو ايه يعنى ؟ هو عمر قناوى ده مش روح برضه ؟ تعذبه كده ليه ؟
عموما أنا هاساعد عمر حبيبى .. ده زى ابنى برضه .. هاجيبله قميص الأكتاف و ادخل عليه بالراحه .. اقوله البس ياقناوى .. البس ياقناوى يابنى .. هاجوزك هنومه .. و هاخليك تغلب الأهلى .
هاهاهاهاه .. معلش ياعمر .. بس القافيه حكمت

غير معرف يقول...

هههههههههههه حلو اوي الثلاثي المرح ده ....
جرجس انا مش عرفت اشوف الفيديو بس انا مع الأهلي طبعا قلبا و قالبا و على فكرة يا عمر انا لا أجند أحد ... نادي الشعب هو اللي بيجبر الناس انها تحبه .. و بعدين انت ايه الظلم اللي فيك ده .. يعني ساعة ما الأهلي اتغلب عملت فرح على المدونة و لما الاهلي غلب في الماتش اللي بعدها و لا جبت سيرة ... ده قمة الديكتاتورية و التعسف .. و في الآخر تتهمني انا و ابيتاف اننا بنجند جرجس .. لا يا عمر احنا كلنا احرار و خليك في غيظك موت حرة ( حرة بفتح الحاء و الراء و تسكين التاء المربوطة )
فارس الجميل :):):):) ضحكني اوي تعليقك و قافيتك بس يا رب عمر يفهم بقى و يحاول يتنكر لهذا النادي المجهول الهوية المسمى بالزمالك .. ارجع لرشدك يا عمر ... ارجع لدين اباءك يا عمر .. هذا النادي المجهول ما هو الا رجس من عمل الشيطان .. ربنا يهديك للحق اللي هو الأهلي يعني .. دعوة لكل زملكاوي .. سلام

alnadeem يقول...

هنومه دي تبقي خالتك انت وهو
لو رجاله انزلولي وسط البلد
يا غجر

zenzana يقول...

لا اخس عليك اخس يا فارس

حد يكلم الزعيم كدة؟

سورى يا عمر هو انا كمان ممكن اهرء شوية؟ (ايه مؤدبة من يومي



خدها حكمة من واحدة زيي


الاهلي هو الحل
هههههههههههه

صفصف لادي يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

اول مرة اضحك بعد وفاة اولادي

يخيبك يا جرجس
حد يتشفى في رئيسخ بالمنظر ده
موتني يا اسمك ايه

يا سيد عمر
انت كده حتخليني اسحب اقتراعي لك بانك تكون الرئيس و الزعيم المنتظر
زمالك مين يا عم
في نادي بالذمة يفضل يخسر كل ماتشاته بكل قباحة عين فارغة؟؟؟
خلي مرتضى منصور ينفعك
ده شخصية نيلة اوي
حد يشجع نادي رئيسه مهتور بالشكل ده؟؟
حشك فيك و اسحب اقتراعي اديني بقلك اهو
استهدى بالله و روق فكرك و حول لفكر جديد على راي الحزب الوطني و غير الزمالك و روح للاهلي

انا وصلتني اساسا اشاعة بتقول ان عمرو اديب غير اتجاهاته الكروية لكنه خايف يفصح عنها عشان ميطبقوش عليه حكم الردة

هههههههههههههههههه
لا اراكم الفضاء مكروها في بلوج لديكم

سلام

Reformer1976 يقول...

فارس قديم

هنومة باعتة لقناوي إزازة بيبس ساقعة يرطب بيها على قلبه بع الفيديو المسخرة ده

قناوي هنوومة باعتة لك إزازة البيبس دي
دا شربات الفرح يا قنااوي
اشرب يا حبيبي
المعازيم اهم واقفين مستنيينك
الليلية ليلة فرحك يا قناوي

حتى القميص الابيض (بتاع الزمالك أهو) دخل إيديك يا قناوي في كمام القميص
اشرب بقى يا قناوي

يااااااه يا فارس أول مرة أكتشف إن يوسف شاهين هو كمان اتجنن بسبب الزمالك

واضح إنها شوطة وماشية في الزملكاوية

alnadeem يقول...

يا ست حفصه
مرتضي مش رئيس النادي

Reformer1976 يقول...

ريكا الجميلة ابعتي لإبيتاف وقوليلها تيجي توجب برضه مع عمر... هذا الفيديو لابد أن يشاهده كل زملكاوي وكل أهلاوي وكل إسماعيلاوي... لكي يعرف الجميع أن النادي الأحمر لن ينهزم أبدا أبدا مهما يكوووووون

Reformer1976 يقول...

النديم تاني

هنومة اللي هي تبقى خالتي بتسلم عليك يا قنااوي وبتقول لك ما تبقاش تشجع الزمالك عشان تبقى تعطف عليك وتديك إزازة ببس ساقعاااااااا

Reformer1976 يقول...

زنزانة الجميلة

فعلا الأهلي هو الحل
نطالب من هنا بانتخاب إيمانويل جوزيه لرئاسة الجمهورية

Reformer1976 يقول...

معكي حق يا حفصة

لقد صبأ عمر ابن قناوي واتبع هذا الدين الأبيض الجديد الذي جعلوا نبيه ها المرتضى المنصور
... مدد يا قناااااوي مدددددد

alnadeem يقول...

يا عيني يا جرجس
الناس استجابت لتهديدي وخافت تعلق
عشان تعرف بس اننا ما بنهزرش
ههههههههههههههه

صفصف لادي يقول...

يا نديم
(خد بالك انا شلت الالقاب خلاص) مرتضى منصور رئيس مش رئيس بس فضل ماسك الحكم و انتوا راضيين بيه و عمل بلاوي
و بعدين انت مبقتش الرئيس خلاص بعد ما هدتتنا بعد التعليق و انا من منبري هذا حقل حعلق زي ما انا عاوزة
كنت فاكراك رئيس كده و كده طلعت رئيس بجد
ياحسرتااااااااه
يالهوتاااااااه
ماشي يا قناوي
خلي الزمالك ينفعك

سلام

Epitaph يقول...

ههههههههههههههههه


معلهش الامتحانات بقي
و شوفته متأخر

ههههههههههههههههههههه


ايه اللي جري للزملكاوية

معلهش

و النبي لا تزعل نفسك يا عمر باشا

كام ماتش يعني
معلهش
مصيركم تفرحوا مرة من نفسكم

عن اذنكم انادي علي ماما الزملكاوية تتفرج ع الفيديو ده
ههههههههههههه

لكي لا ننسى دم أحمد علي مبروك