10‏/01‏/2007

عندما تكون العدالة عمياء... وعارية... يبقى عليه العوض يا عماد يا كبير!!ـ


تحديث 2

اهتمام دولي متجدد بحبس عماد الكبير

القضية فعليا هي قضية رأي عام عالمي

العديد من وكالات الأنباء تتابع مهزلة حبس عماد الكبير ضحية التعذيب


البي بي سي تنشر تقريرا تفصيليا عن مهزلة حبس عماد


وكذلك العديد المنظمات الحقوقية الدولية ومن بينها


التي أكدت ما طرحته هنا من أن العدالة لن تتحقق ما لم تتوافر ضمانات حقيقية لحماية عماد الكبير ضحية التعذيب


لمتابعة ما نشرته وسائل الإعلام الدولية واهتمام المنظمات الحقوقية بحمس عماد الكبير وبقضية تعذيبه
راجع آخر تحديث قدمه وائل عباس في الوعي المصري



تحديث 1
ناصر أمين محامي عماد الكبير يتخوف من تعرض عماد للتعذيب أثناء فترة حبسه



ناصر أمين محامي عماد يعرب عن تخوفه من تعرض عماد للتعذيب داخل محبسه


عن متابعة لمدونة"عرباوى"

أعرب ناصر أمين -مدير المركز العربى لاستقلال القضاء- عن تخوفه من تعرض عماد محمدعلى (عماد الكبير)الى سوء المعاملة خلال قضائه فترة العقوبة المقررة له3 شهور) فى قضية مقاومة السلطات.واستبعد أمين تعرض عماد لتعذيب باشر على ايدى الشرطة ، بفضل ما بات يتمتع به من شهرة بعد قضيته الشهيرة ، التى جعلت المؤسسات الحقوقية المحلية والعالمية فى حالة ترقب لاى ممارسة امنية ضده وتوقع ناصر امين ان يتم مضايق عمادن خلال احتجازه مع مجرمين جنائيين أو خطرين

كان عماد قد تعرض للتعذيب على يد الضاب اسلام نبيه ومعاونيه، وهتك العرض وتصويره اثناء ذلك، اذلال له، غير ان تصوير هذه الفعلة كان سببا فى معاقبة الجناة، حيث قدم ناصر امين بلاغا الى النائب العام للتحجقي فى الواقعة مدعوما بالمقطع التسجيلى الى صوره الشرطيون لعماد، وبدأت التحقيقات، ليظل نقيب شرطة اسلام بيه وأمين الشرطة رضا فتحى رهن الحبس الاحتياطى، فيما تقرر المحكمة معاقبة عماد بالحبس ثلاثة اشهر على ذمة قضية مقاومة سلطات!.


تجدر الاشارة الى انه-قانونا-عقب صدور الحكم يتعين نقل المتهم الى قسم الشرطة التابع للنيابة المسجلة لديها القضية ، خلال يوم النطق بالحكم او اليوم التالى له ، ليتم ترحيل الجانى من القسم الى السجن الذى سيقضى به فترة العقوبة، غير انه فى حالة عماد تأخر ترحيله الى قسم بولاق الدكرور، ويتوقع ناصر امين-الى تولى الدفاع عن عماد- ان يتم ترحيل موكله مباشرةالى سجن طرة او وادى النطرون ، دون المرور على قسم الشرطة.


من جهة اخرى أصدرت منظمة العفو الدولية بيانا لها، دعت فيه السلطات المصرية الى "التأكيد على سلامة عماد وحمايته من التعرض لمزيد من الترهيب أو الانتقام في السجن. وهذه مسألة في غاية الأهمية لضمان إحقاق العدالة أثناء المحاكمة التي ستجري في 3 مارس/آذار 2007 لرجلي شرطة متهمين بتعذيبه، بما في ذلك باغتصابه، في يناير من العام الماضي"



واكدت المنظمة فى البيان نفسه ان "ما حدث مع عماد الكبير ليس مجرد حادثة منعزلة بأي صورة من الصور. فالتعذيب في مصر يظل واسع الانتشار ومنهجي، وتدعم البيِّنات المصوَّرة والخطية الآن مزاعم التعذيب وغيره من صنوف سوء المعاملة بعد نشرها على شبكة الإنترنت. "



شكرا لمدونة التعذيب في مصر التي نشرت مقال عرباوي مترجما


عندما تكون العدالة عمياء... وعارية... يبقى عليه العوض يا عماد يا كبير!!ـ

عليه العوض فيكي يا مصر




الحكم بالحبس 3 شهور علي ضحية التعذيب عماد الكبير 9/1/2007 10:33:00 مساءا

مصراوي-خاص- أصدرت محكمة جنايات الجيزة برئاسة المستشار سمير أبو المعاطي حكمها بمعاقبة عماد الكبير صاحب القضية الشهيرة الذي تعرض للتعذيب في قسم بولاق الدكرور بالحبس 3 شهور مع النفاذ وذلك بتهمة مقاومة السلطات والتعدي علي أمين شرطة واصابته.
كما رفضت المحكمة التظلم المقدم من ضابط الشرطة المتهم بالتعذيب النقيب إسلام نبيه وأمين الشرطة رضا فتحي السيد وأمرت المحكمة باستمرار حبسهما في القضية لحين جلسة محاكمتهما امام محكمة الجنايات بتهمة التعذيب والتي تقرر لها يوم 3 مارس القادم.
كانت المحكمة قد عقت جلستها ظهر الاثنين لنظر التظلم ونظر الشق الثاني من القضية وهو شق مقاومة السلطات واستمعت الي شهادة ضابط مباحث التموين النقيب محمد امين والي شهادة امين الشرطة سيف محمد.
وقررا انهما توجها لضبط نجل عم عماد الكبير في قضية تموينية بمنطقة بولاق الدكرور وفوجئا بالمتهم عماد يقف امام "بوكس" الشرطة مشهرا في وجههما رقبة زجاجة في محاولة منه لتهريب ابن عمه .
وعندما حاولت الشرطة القبض عليه اصاب امين الشرطة اسفل عينه وفي يده ثم اصاب نفسه كما استمعت المحكمة الي شهادة شاهد النفي خالد محمد عبد الفتاح الذي نفي ذلك واصدرت المحكمة حمكها السابق.

هناك 30 تعليقًا:

غير معرف يقول...

لان ببساطة البلد دى مفيش فيها حاجة نافعة، ومتقليش لسه فيها امل، قلت لك قبل كدة المهم ايه اللى هيحصل مع الكلب بعد التحقيق ادى يا سيدى اللى حصل
randa

غير معرف يقول...

العزيز الحج جرجس

كان ممكن يرضينى الحكم على عماد فى اى توقيت عادى لانه يعتبر حكم عادل جدا
اخطأ عماد بمقاومته رجال الشرطة اثناء تأدية الوظيفة واصابت مواطن بجروح اى كان وظيفته خطأ يستحق العقاب
لكن بتنازل الشخص المصاب عن القضية سابقا فى مقابل ان يسحب عماد اقواله عن التعذيب ثم العودة مرة اخرى واختيار هذا التوقيت لتبدأ رحلة عقاب عماد على رجولته

طبعا لا يكاد عقلى يتخيل عماد فى ثلاثة شهور من الجحيم تحت ايدى رجال الشرطة والمسجونين عملاء الشرطة
ان يدفع عماد ثم رجولته اضعاف مضاعفة عن اى شخص اخر هو حالة لا ادرى كيف يمكن مساندتها
كيف يمكن حماية عماد بداخل السجن من يضمن سلامة عماد
كيف نضمن ان الخلل والهبوط فى الدورة الدموية لن تكون هى نتيجة الطب الشرعى عن عماد
ماذا نستطيع ان نفعل وما الخطوة القادمة ؟ مليون سؤال حائر يقف الان
وليس الحماية الجسدية التى طلبها المحامى كافية
ماتت كل فرحتى التى حققتها رجولة عماد فور معرفتى بعقاب الرجولة المتوقع

يا الله ان كان العدل قد غاب عن الارض فليس لنا مطمع غير عدالتك

غير معرف يقول...

هي ده مصر يا عبلة

انا بوافقك في الرأي يا توتا تماما .. يعي اللي حصل فيه كده و هو برده السجن هيحصل فيه ايه جوا ... و يا اما أكتر الاسباب و الموت واحد

و بضيف الرحمة كمان على كلامك يا توتا مش بس العدل ... الرحمة بينا يا رب لان من الواضح ان الراعي قدم الرعية كبش او قربان .. اضاحي العيد كترت و 2007 بانت من أولها من أول شهر .. ربنا يستر على 11 شهر اللي باقيين

و بسال نفس سؤال راندا .. و يا خوفي يا بدران من اللي جاي في الطريق

غير معرف يقول...

انا بجد مش قادرة اعلق
لكن بتفق مع ريكا في موضوع ان الرحمة فوق العدالة و ده اللي كلمتك عليه امبارح يا جرجس
الرحمة
الحق
العدل
القوة

هما ترتيبهم المفروض يبقى كده

بالنسبة لعماد فربنا معاه
ايوه بكل جبن مني حقول ربنا معاه لاني مافيش حاجة تانية ممكن تتعمله
وان كان في تفسير بيقول انه حتى لو راح نفس المكان اللي اتعذب فيه فمش ممكن يتعمله حاجة لسبب بسيط انه دلوقتي جمعيات حقوق الانسان متابعة الموضوع بنفسهاو كمان محاميه على اتصال بجمعيات مختلفة و عيونها مفنجلة قد كده
فممكن يكون ده صح و انه ان شاء الله مش حيتاذي

لكن

ثم لكن

ثم لكن

اذا قررت الدولة المجيدة انها تعذبه و تتبع مبدا عليا و على اعدائي
فاقولكوا مبروك
كده شمشون هد المعبد علينا و عليه و على السامعين
صحيح ناس كتير حتروح في الرجلين لكن للاسف الحرية مش بتيجي كعبوة هدية مع طبق بلاستك على علبة نيدو
صح؟؟
كده الدولة بكل هيلمانها بتدق مسامير في نعشها بايديها


سلام

غير معرف يقول...

عزيزى جرجس .. أختلف معك هذه المره .. سعينا الأساسى كان لغرض وضع القضيه برمتها و كل ملابساتها أمام القضاء الذى نحترمه و نثق فى عدالته .. نحن معارضين لكننا لسنا قضاه .. ولا يجب أن نسمح لأنفسا أن نكون خصوم للنظام و حكام فى الخصومه أيضا ..القاضى حكم بحبس الضابط المجرم و هو قرار عادل ورفض طعن الضابط على قرار الحبس و هو ما أثلج صدورنا .. و فى نفس الوقت رأت عدالة القاضى أن عماد ارتكب جنحه تستحق الحبس و قرر حبسه .. و هو مايجب أن نحترمه أيضا
أذا كان الخطر الحقيقى على مصر هو خطر الفوضى , فلا ملجأ من الفوضى ألا القضاء العادل الذى نثق فيه كلنا ..و دعونا لا نكون نحن البادئين بالفوضى ..
تشكيكنا فى عدالة القضاء أذا جاء قرار القاضى بما لا تهوى أنفسنا يعنى أهدار و تسفيه كل جهودنا السابقه بالكامل و كأننا كنا نحرث فى البحر .. بينما احترام القضاء و توقير حكمه هو سبيل نسعى أليه بالفعل و علينا الألتزام به
التخوف من سوء معاملة عماد فى السجن مسأله يمكن مواجهتها أيضا بنفس الطريقه التى بدأ بها التطور .. أبلاغ النائب العام عن أى تجاوز ضد عماد الكبير .. و أعتقد أن محاميه و هيئات حقوق الأنسان العالميه الآن متحفزه للتدخل المؤثر فى حالة حدوث أى تجاوز ضد عماد .. لكن لا يعنى أطلاقا تحويل عماد ألى أله مقدس على طريقة المصريين و أسقاط كافة أخطاؤه و تنصيبه كيانا لا يمس حتى لو أخطأ .. العداله على الجميع و علينا احترامها و مساندتها لا التشكيك فيها
سمحت لنفسى بالأختلاف معك .. و متأكد من احترامك لأختلافنا

alnadeem يقول...

يا جدعان ما تبالغوش بس في مخاوفكم
قضيه عماد بقت قضيه رأي عام والناس كلها متابعاها
وكذلك المؤسسات الدوليه في مجال حقوق الإنسان
يعني من الأخر مش هيقدروا ييجوا جنبوا في السجن لأنهم ببساطه مش عايزين وجع دماغأي حاجه هتحصل لعماد جوه هتقوم عليهم الدنيا زياده هما مش عايزين ده طبعا
ما تنسوش بالأساس ان عماد اتحكم عليه من المحكمه يعني الداخليه مالهاش علاقه بحبسه
الداخليه تكون مسؤوله لو كان اتحبس بناء علي أمر اعتقال ضده مثلا
علي أي حال انا مش قلقان عليه لأنه زي ما قلتلكم
عين العالم بقت عليهم
وهما عايزين يلموا الدور
يعني هما اللي خايفين مش العكس
سلام

غير معرف يقول...

جرجس هذا لا يعني ان القضية توقفت او انتهت او اصلا كل الي عملوا ما لوش فايدة بالعكس متوقع يحصل حاجه زي دي

لانهم ببساطة مش حيسكتو ويعترفو بالبشاعة بتاعتهم في جولات يعني
انحبس عماد بس مش حيقدروا يمحو كل الي حصل

وفي الاخر كله حيبان
وانا متأكدة وعارفه ان نهايتهم قريبة جدا بس مش مع الاستسلام
الي بيختار يمشي طريق لازم يكملها للاخر

وانا مع فارس والنديم في كلامهم

وحنشوف

إسلام يقول...

يا جماعة أنا رأى من رأى العزيز عمر قناوى ، خليكم متفائلين يا جماعة وأن شاء الله هو مش حيحصل له آى حاجة وأنا بأفكر يا جرجس وعشان نكون مطمئنين أكثر أن نقرب من الموضوع اكثر يعنى نحاول نوصل لعماد ولاهله ونكون على إتصال بيه ووماتغفلش عينينا لحظة عن هذا الموضوع وده أكيد أحسن أنا وجدتك مهتم بهذا الموضوع يا جرجس يا ريت نهتم بيه أكثر وكلنا معاك ومع عماد الكبير ، وربنا معانا ومع الحق

yasser_auf يقول...

عزيزي الحاج / جرجس

لاول مرة من مدة طويلة اتفق مع فارس في حاجة بس بصراحة المرة دي هو بيتكلم صح 100 % لانة باصص للموضوع من نظرة محايدة و هي انة اخطاء فدة عقابة و نفس القاضي الي حاكمة هو نفسة الي رفض الافراج عن باقي المتهمين لحين نظر القضية الاخري.. و كذلك لو جمعت علي كلام فارس كلام امير العود في الصحافة المصرية عمك قناوي حتلاقي ان الي بيقولة برضة صح محدش حيقدر يجي جنبة لانة ببساطة حيخافوا مسجون جوة يعورة محامية يقلبها انة انضرب جوة من السجانين يعني بمعني اصح لو طالوا حيحموة هما بنفسهم جوة ... يعني لو طالوا يحبسوة حبس انفرادي علشان الاطمئنان علية حيعملوها ... عموما ان غدا لناظرة قريب و بعدين ما اظنش ان القضاء فبركها مع الداخلية ما انت عارف الي بينهم و لا الي بين الي متجوزة ابوة و عموما ربك يستر و يتولاه برحمتة

غير معرف يقول...

صحيح يا جرجس
ايه الولية العريانة دي؟؟
يا اخي اتقي الله عيب معندكش اخوات بلاستيك
خسئت يا رجل

و بما اننا احنا الاتنين بندافع عن حقوق المراءة في الوطن العربي و كوالا لامبور و ساحل العاج و غابات الامازون و سواحل مدغشقر
فاحنا بنشجب و ندين الصورة الابيحة اللي انت حاططها دي

انت فاسق و زنديق
تبا لك
و لسوف تحاسب على هذة المزة يوم لا ينفع تدوين و لا مزز

راندا و حفصوتشا معا عبر الاثير

غير معرف يقول...

الاسوأ من كده
انه اتحكم عليه يقضي المحكومية بتاعته في نفس القسم قسم بولاق الدكرور
طبعا الزفت اللي اسمه اسلام نبيه محبوس هناك
وطبعا السادة الظباط لازم يجاملوا زميلهم ويربوا الكلب اللي تطاول وبلغ عنه

من يومين ظابط شرطة قال لي بالحرف الواحد وكان متضايق جدا انهم قبضوا على الزفت اسلام نبيه .. (كده الظباط مش هيعرفوا يشتغلوا) واضح انهم فاهمين الشغل بطريقة تانية خااااااااالص عن اللي احنا نعرفه

غير معرف يقول...

اظن ان فكرة الرحمة فوق العدالة شئ ينطبق على الغلابه اللى واكلين طوب فى الشارع

انما امثال الظابط الحقير ده ما ينفعش معاه أى نوع من الرحمة

الرحمة يستحقها الضعفاء

انما الغيلان لا يستحقون الا ضرب الشباشب

عموما انا بامسى اهو يا حاج جرجس يا كبير

الحياة معجزة

ذو النون المصري يقول...

انا قرات لبوست مره و من حزني قفلت الجهاز دون كتابة اي تعليق لكن رجعت و قرات بعض ما كتبه الزملاء فرايت ان كثير من كلامهم صحيح لان القاضي طالما حكم انتهي دورنا في الموضوع لكن اعتقد ان القاضي كان يجب ان يختار توقيت لاقرار العدل لان الوقت عامل هام جدا ممكن يقلب العدل الي ظلم و هو ما شعر به الحاج جرجس و اخرون
امر اخر اود ان اشير اليه وهو الضابط الملعون متي يصدر ضده حكم ؟كان يجب تاجيل موضوع عماد كله لحين عقاب الضابط اولا ثم ياتي دور عماد بعده
في السجن انا لا اامن علي مصير عماد حتي لو كانت المنظمات الدوليه مفنجله عينها عليه لان المرض و القضاء و القدر ممكن يتعملوا صناعي

Reformer1976 يقول...

راندا العزيزة

مازلت أعتقد أنه لسة فيه أمل حتى وإن كان ضعيفا
التحقيق وسير القضية بتاعة إسلام نبيه وغالبا هياخد حكم لن يقل عن ثلاث سنوات بأي حال من الأحوال

إسلام يواجه اتهاما بثلاث جنايات وجنحة والقضية مش هينفع تتقفل على لا شيء

المشكلة بقت في عماد اللي واخد حكم عادل بتلات شهور سجن ويقال أنه سينفذه في قسم بولاق الدكرور

يعني سلمت العدالة الضحية لجلاديها
ودي كارثة

Reformer1976 يقول...

رفيقة الفكر توتا

متفق معك تماما
أنا وأنت لا نختلف على عدالة الحكم بسجن عماد ولكن أزمتنا هي مع التوقيت ومع بعض ملابسات القضية السريعة جدا

لا توجد أي حماية - في رأيي - ولا أي ضمانات بسلامة عماد... عماد حياته وصحته البدنية والنفسية في خطر شديد

وسلمي لي على حقوق الإنسان
بداخلي مرارة لا حدود لها

Reformer1976 يقول...

ريكا وحفصة

الرحمة افتخرت على العدل
دا أحد أمثال سليمان الحكيم... العدل المفتقر إلى الرحمة وأخذ الظروف والتوقيت بعين الاعتبار هو عدل منتقص وقاصر

عدالة عمياء وعارية كما عبرت اللوحة

ومن جديد أقول لحفصة
عمليا لا توجد أي ضمانات تحمي عماد من أيدي جلاديه... هم لديهم أخصائيو تعذيب م اللي يوجعوا وما يعلموش ويجيبوا هبوط في الدورة الدموية من غير ولا كدمة واحدة ومش بإيديهم لكن بإيد سجين زميل

Reformer1976 يقول...

ريكا وحفصة

الرحمة افتخرت على العدل
دا أحد أمثال سليمان الحكيم... العدل المفتقر إلى الرحمة وأخذ الظروف والتوقيت بعين الاعتبار هو عدل منتقص وقاصر

عدالة عمياء وعارية كما عبرت اللوحة

ومن جديد أقول لحفصة
عمليا لا توجد أي ضمانات تحمي عماد من أيدي جلاديه... هم لديهم أخصائيو تعذيب م اللي يوجعوا وما يعلموش ويجيبوا هبوط في الدورة الدموية من غير ولا كدمة واحدة ومش بإيديهم لكن بإيد سجين زميل

Reformer1976 يقول...

عزيزي الفارس الأخير

ثمة نقطة أساسية هي أنني لم أشكك في عدالة الحكم الواقع على عماد... ولكنني اتهمت العدالة "العمياء" بالتضبيش والتلويش بسبب التوقيت الغبي الذي صدر فيه الحكم وبسبب التعنت في قضية عماد والإصرار على أن تظل العدالة عمياء... فالقاضي ببساطة رفض أن يشاهد فيديو تعذيب عماد مدعيا بأن قضية تعذيب عمد لا علاقة لها بقضية مقاومة السلطات المتهم بها عماد
الحلاوة بقى يا عم فارس إن هذا الرفض جه من مين أساسا؟
جه من محامي الجحش اللي ماله ناقة ولا جمل أساسا بقضية عماد بتاعة ضرب أمين شرطة هو محامي إسلام نبيه
بأي صفة يحضر محامي إسلام الكلب المتهم باغتصاب عماد الكبير محاكمة المجني عليه في قضية أخرى؟؟؟ لأ مش بس كدة يحضرها البيه اللي ما عرفش يربي إبنه عبد السلام نبيه مدير أمن سوهاج السابق... ما كل دا إرهاب للقاضي وتحريف للعدالة... آسف المحاكمة لم تكن عدالتها كاملة والتعنت كان موجودا وإرهاب القضاء كان موجودا وأنا أطالب ناصر أمين بأن يختم هيئة المحكمة التي سمحت لمحامي لا علاقة له بالقضية أن يتواجد وأن يعترض عند مرافعة ناصر أمين ومطالبته للمحكمة بفهم حيثيات قضية عماد بأن يشاهدوا فيديو تعذيبه والذي هو القضية الأصلية

نحن معارضون ولكننا نحترم قضاء مصر العادل

حلو أوي بس تعمل إيه لما تعرف إن 40 في المية من قضاء مصر - العادل - ليسوا مستقلين على الإطلاق وأنهم موالون للسلطة التنفيذية وعلى رأسها الأجهزة الأمنية (تحديدا أمن الدولة)؟
60 % فقط من قضاتك يا مصر يطالبون بالاستقلال التام للقضاء... والباقون لا يحترمون أنفسهم ولا يحترمون استقلالهم ونفسهم يبقوا وزرا أو محافظين أو أي بلا أزرق ومن ثم يوالسون السلطة التنفيذية ويأتمرون بأمرها وخصوصا في قضايا الرأي العام وقضيتنا اليوم هي من هذه النوعية

لا طبعا ليس كل قاضي شريفا ولا كل محكمة عادلة وجزء أصيل من سبب معارضتنا هو عدم استقلال القضاء وبالتالس فساده!!! والحمد لله أن قضاة مصر الشرفاء يقفون معنا في نفس الخندق مطالبين بالتطهير والاستقلال

Reformer1976 يقول...

عزيزي النديم

افتراضك بأن عماد آمن بسبب إن العين بقت عليه داخليا وخارجيا هو افتراض للأسف يقوم على المنطق والمعقول ويفترض الذكاء في جهاز الشرطة - الفاسد كله - وهو غير موجود (أي الذكاء) فالشرطة جهاز غبي يحكمه أغبياء باطشون ورغبتهم الموتورة في الانتقام من عماد الذي "ضيع مستقبل ابنهم" إسلام... هم كالعصابة أو كالقبيلة أو أقرب ما يكونوا إلى سلوك المافيا الذي رأيناه في الأب الروحي... لديهم ولاء مرعب لبعضهم البعض حتى أن سقوط أحدهم - حتى وإن كان عن حق - لابد أن يتم الانتقام من الذي أسقطه بأي ثمن... لذلك فلا تراهن على أي منطق ولا على أي ذكاء... سيؤذون عماد وهذا أكيد ولا جدال حوله... ولديهم طرقهم وأنت أعلم مني بهذا

الله يكون في عون عماد الكبير

Reformer1976 يقول...

الرقيقة رشا

قضية عماد هي قضية وطن
لابد أن نرى القضية من جديد على هذا النحو
قضية عماد من الأساس كانت على حد قول الكلب الوسخ إسلام
عشان تعرفي يا بولاق الدكرور إن ما فيكيش راجل
إذن رسالة الداخلية إلى كل مصر
عشان تعرفي يا مصر إن مافيكيش راجل

شكرا
عماد سيدفع تمن رجولته واحنا كلنا مافيش في إيدنا حاجة نعملها

تحوي القضية إلى قضية عادية ينظرها قاض ما ويتناولها كأي قضية أخرى يختزلها إلى شيء باهت لا يمثل جوهر القضية ولا حقيقتها

قضية عماد هي قضية تنظيم التعذيب بالداخلية وهي قضية تعذيب المصرين بأقسام الشرطة... قضاؤنا ليس مستقلا والجميع يعلمون ذلك واسألوا محمود الخضيري وهشام ومكي

أمال إحنا كنا بنناضل السنة اللي فاتت عشان استقلال القضاء ليه لو كان هو حلو وسكر وعادل ومستقيم؟؟؟؟؟

الحكم على عماد كان عادلا لكنه كان قاسيا ومتعنتا وواقعا تحت إرهاب

ومن ثم فهو حكم يحتاج إلى مراجعة

Reformer1976 يقول...

إسلام

رأيك الحقيقة عملي ومهم
علينا أن نتواصل مع ناصر أمين المحامي وزيارة عماد في سجنه

بس على الله ما نكونش بندن في مالطة

المثقفين يا أستاذ إسلام من أمثالنا بنحب الحنجوري بس
لكن نتحرك عمليا ستجد ألف مبرر وعذر لعدم الانخراط... كلمني وننسق مع بعض إزاي نتقابل مع ناصر أمين وساعتها ننظم زيارة جماعية - بما يكفله القانون - لعماد في محبسه لتشجيعه وتعضيده وتعريفه بأن قضيته هي قضية اغتصابنا وهتك عرضنا جميعا

عماد قال بعد ما خرج من النيابة عندما شعر أخيرا أن الحق والعدل سيأخذ مجراه
"كنت قبل كدة فاكر إن كل اللي تحت ربنا ضدي"

مش نفسي أن ييجي اليوم اللي عماد يقول فيه
"والآن صرت متأكدا أن ربنا نفسه ضدي"ـ

Reformer1976 يقول...

عزيزي ياسر عوف

فيه قضايا ما ينفعش حتى للقاضي أن ينظر فيها بنظرة محايدة

وهذا ما قصدته بفكرة العدالة العمياء التي تتعرى وتصير فضيحة مع كون العدالة العمياء رمزا إيجابيا لحياد القضاء

العدالة يبدو أنها تحتاج البصر والبصيرة (وهي أهم من البصر) أحيانا

أما عن ضمانات حماية عماد

لا يوجـــــــــــــــد

لماذا لم يصدر القاضي أي أمر أو حتى توصيات بشأن حماية عماد وعدم الترض له؟؟؟ لا يوجد إجابة

لماذا لم ترد وزارة الداخلية الوسخة وتنفي فكرة أن عماد سيسجن في حجز قسم بولاق الدكرور؟؟؟ لا يوجد رد

نهاره أبيض يا عم ياسر

Reformer1976 يقول...

عزيزتي بلو ستون

سأقولها لكي بالفم المليان

جميع ضباط الشرطة كلاب
وكلهم أوساخ

لك الله يا عماد

Reformer1976 يقول...

المخرج العبقري أدهم

الرحمة فوق العدل
دا مبدأ مهم للجميع

ولكن في جرائم التعذيب تحديدا فثمة مبدأ آخر هو ما ينبغي تطبيقه وهو أن لا رحمة لمن لم يستعمل الرحمة

قال الكلب إسلام نبيه يوما مخاطبا فريسته

إرحمني يا عماد أنا مراتي حامل
الداخلية باعتني اشتريني إنت

فأجاب الضحية عماد قائلا
لماذا لم ترحمني أنت؟


جريمة التعذيب - شكرا للمشرع - لا تسقط بالتقادم... وما فعله الكلب وكل الكلاب لن يسقط ولن نرحم أي كلب ممن تورطوا في جريمة تعذيب

Reformer1976 يقول...

ذو النون المصري

كلامك مية مية يا معلم

الكلب هتبدأ محاكمته يوم تلاتة مارس
وبما إن بقى الموضوع عند إسلام افندي تحول إلى حشد قوة وبيبجيب أبوه واصحابوا بتوع الأمن عشان يرهبوا القضاة ويرهبوا عماد... يلا احنا كمان نتابع القضية ومواعيدها ونكون موجودين وبأعداد ضخمة ونوري الداخلية إن الشعب كله مع عماد الكبير

اللي فيكي يا بلد مش حاسس إنه اغتصب واتهتك عرضه مع عماد يبقى يسكت إلى الأبد

غير معرف يقول...

لنا الله يا حاج


ولسه كمان الشعب قابل


هتيجي النصرة يوم ما الشعب المطحون اللي مش لاقي ياكل هو اللي يدور علي حقة باديه

Reformer1976 يقول...

عزيزي آدم

الشعب ده لازم بقى يقوم ويصحى لاحسن خلاص قربت أتشل من أم ده شعب

دا احنا ما حصلناش ناميبيا يا راجل

إسلام يقول...

عزيزى جرجس : ـ

أنا على أتم الإستعداد للعمل الفعلى فى هذة القضية ، وانا سأكتب لك رقم تليفونى وتعالى نبدأ بنفسنا وأكيد الكل حينضم معانا لاننا مادمنا بدأنا لازم نكمل الموضوع للآخر حتى مهما حصل ومهما قدمنا تضحيات ممكن تتصل بي ونتقابل فى أى مكان وكل اللى عايز يأتى معنا ويساهم أهلاً وسهلاً ، لأن كان من الممكن أن آى واحد منا كان يبقى مكان عماد الكبير ، حتى ولو كان غلطان فعلاً ومثل ما قالوا أنه تعدى على الظابط ، ده مش معناه أنه يتعذب ويضرب ضرب بشع ، نعم لازم يأخذ العدل مجراه يعنى هو لو فعلاً غلطان المفروض يأخذ جزاه ولكن ده مش فى مصر لو نضمن أنه سيأخذ جزاه بدون أن يتعرض لآى إهانة وضرب كنا سكتنا لكن أحنا فى مصر وما أدراك بالتعذيب فى مصر عموماً ، أنا مش حاطول عليك أهه نمرة تليفونى الموبيل وأنا مستعد وربنا ينصر الحق

0107445889

وأنا منتظرك

غير معرف يقول...

البداية:18/01/2007 - 15:00
النهاية:18/01/2007 - 17:00
في الذكرى الثلاثين لإنتفاضة الخبز 18-19 يناير 1977 تدعو الحركة المصرية من أجل التغيير (كفاية)نشطائها وكل القوى السياسية

الى مظاهرة يوم 18-1-2007 الساعةالثالثة ظهرا امام مسجد السيدة زينب ضد غلاء الأسعاروتضامنا مع الحركة الإحتجاجية الجماهيريةلعمال مصر طوال شهر ديسمبر الماضى .
تقويم

abourrisha يقول...

الصديق الكريم \ جرجس

كتبت تعليقا على هذا البوست لكنه استطال بحيث أصبح من المتعذر كتابته هنا أتمنى لو تكرمت وقرأته بهذا الموقع
http://zykryaat.blogspot.com/

وليس موقع أبو ريشة المعتاد

مع التحية

لكي لا ننسى دم أحمد علي مبروك