29‏/12‏/2006

آخر خبر: إحالة الضابط المجرم إسلام نبيه إلى محكمة الجنايات

يبدو أن جلاديك يا عماد لن يفلتوا بجريمتهم


ضحية جريمة التعذيب البشعة عماد محمد علي الكبير
.
كما تابعتم معنا على مدى الأيام القليلة الماضية منذ نشرنا خبر إلقاء القبض على إسلام نبيه الظابط المتهم باغتصاب عماد الكبير وحبسه على ذمة التحقيق... فقد كان يوم أمس الخميس 28 ديسمبر يوما مهما جدا في سير القضية فقد قررت النيابة إحالة القضية إلى محكمة الجنايات
.
أهمية هذه الخطوة الجادة في سير القضية تكمن في كونها تأتي وسط تشكيك شعبي في جدية النظام في محاكمة الضابط المجرم ومعاقبته، حيث أنه نجل مسئول أمني ذي مكانة رفيعة، حيث كان يشغل والده منصب مدير أمن سوهاج (في الفترة من 1995 - 1997)ـ
.
ولكن اليوم بات في حكم المؤكد أن قضية عماد الكبير لن تمر دون عقاب ولن يفلت مرتكبوها دون محاسبة
.
خبر إحالة إسلام نبيه ورضا فتحي إلى محكمة الجنايات انفردت به جريدة الفجر
.
.
.
.
فقد كتب وائل عبد الفتاح:ـ
أصدر بكر احمد بكر مدير نيابة حوادث جنوب القاهرة قرار باحالة النقيب اسلام نبية وامين الشرطة رضا فتحى الى محكمة الجنايات وذلك فى قضية تعذيب عماد الكبير والتى كشفتها الفجر وللمزيد من التفاصيل تابعوا اخبارنا الطارئة هنـا
.
شكرا للزميل العزيز محمد الشرقاوي صاحب مدونة كتابات

هناك 14 تعليقًا:

غير معرف يقول...

انا متاكده ان الداخلية والدولة نفسها حتسقط مش بسبب عماد و بس لا بسببك انت و شرقاوي كمان هههههه
من منبري هذا اقلك تسلم ايدك

غير معرف يقول...

الحاج جرجس

انا بصراحة مش بعلق كتير بس بقرأ عندك انت خلاص سيبت الطب وبقيت صحفي :)

ربنا يسمعنا دايما اخبار كويسة

وكل سنة وانت طيب واعياد مجيدة

zenzana يقول...

يسمع من بقك الحلوة دا يا حفصوتشا، وساعتها ادبر انا لانقلاب فى السلطة ضد النديم، ونكمل السيناريو دا اللى عمله مرة الحاج جرجس، احنا كنا وقفنا فيه عند النديم لما يتلقح فالسجن مع ايمن كوز، ساعتها انا ادبر لسرقة بنك، وباستخدام سحرى ودلالى ع الجنس الاخر، من الظبابيط فالسجن اللى فيه النديم، نطلق سراحه، نبدأ ثورة من هناك، زى بتاعة اسمه ايه دا سجن الباستيل، وناخد السلطة بما ان النديم كان من المناضلين المحابيس، وهو سبب كافى ان نخليه الرئيس، وبعد ما الامن يستتب، انا وجرجس، بما اننا المقربين من الملك (لانى قرفت من الجمهوريات)
ندبر تانى لانقلاب، وجرجس يجيب شوال ماريجوانا مستورد من اطاليا، صاحبي مارتين هيورده، والحاج جرجس يسطل النديم، وانا بما انى الست اللعوب، نخلي النديم يختم لنا ويبصم على تنازل عن الامبراطورية، ويصحى الصبح يلاقي نفسه تانى مع ايمن كوز، ويفضل يندب حظه، بما ان الواد النديم دا منحوس من يومه

ليه بس يا ست رشا مالهم بس الصحفيين؟ هما صحيح بيتعمل فيهم بلاوى وبياخدوا شلاليط حرامية، وغلابة، لكن ساعة ما بتقوم الهوجة تلاقيهم على طول ف قفا المدفع، ثم تلاقي زهق من سحب العيال من البطون، فقال اسحب افكار من العقول احسن، واهو طلع احسن،
يا واد يا جرجس انا معرفش شكلك لانى شفتك مرة من بعيد، وعندى زهايمر، ابقي دور عليا النهاردة، هبقي لابسه اسود فوق، وبير السلم ازرق
سلام بقي اروح امأمأ شوية مع خروف الجيران
اعياد مجيدة وسعيدة،
randa

Aoossa يقول...

أيه ده
الكمنت بتاعى راح فين
أنت لغيته ليه
ولا عملت تحديث
على العموم
خير ده خبر كويس فى نهاية السنه
هابى نيو نير ماى ديــير
Happy new year my dear

غير معرف يقول...

كل سنه وانت طيب يا جرجس..عام سعيد واعياد ميلاد مباركه

غير معرف يقول...

رائع

غير معرف يقول...

tanti auguri a te
كل سنة وانت طيب، وسنة سعيدة،

boune anno,

لما اشوفك هندور على مترجم لينا احنا الاتنيين، ههههههه
على فكرة فى واحد اهبل سابلك تعليق عندى ابقي عدى اقراه
سلام يا ابونا
randa

غير معرف يقول...

اسلام نبيه هو زيل الأفعى
وما اخطر ضرب الأفعى على زيلها

غير معرف يقول...

بت يا راندا
انا اجي اكتب اسم بلوجي تقوم بلوجك يقلي مافيش بلوج بالاسم ده؟؟؟ انتي مالك معقداها ليه
خلي البساط بلوجاوي والنبي
قسما عظما اذا مشفتيش حل للموضوع ده قريب لافجرلك سور المدونة و انط
يعني مدونة جديدة و كمان رايحة تتانعري و تفتحي بلوج من الحاجات الغالية
ماله بلوجسبوت او غيره
خليكي على قدنا و النبي

مبقتش عيشه
يلا سلام

غير معرف يقول...

هههههههههههه يا حفصوتشا، احلى نكتة انى دلوقتى قاعدة بره مش عارفة انط من ع السور، شكلى فعلا هسيب المدونة دى، وادور على غيرها، لانى مش فاهمة حاجة، انا رضيت لان بعض الصعايدة، قالوا انها سهلة لمحدثى النعمة اللى زيي لكن مش باين، عندى كذا فكرة بوست ، لكن اهو قاعدة ع الباب مش عارفة اعمل حاجة، بيقولى ان مفيش مستخدم بالاسم دا، وكمان الباسوورد جديدة على ام المدونة دى.
يلا انا هفجرها، كل سنة وانتى طيبة يا حفصوتشتى.
randa

ذو النون المصري يقول...

احلي كلام سمعته النهارده كلام راندا
يعني انتي كمان فشلتي في دخول مدونتك ؟انا بحاول اكتب تعليقات كذا مره و مفيش اي نتيجه
عموما كل سنه و انتم بخير كلكم
----------------------------------
كل سنه و انت بالف خير يا اخ جرجس
كل سنه و انتوا طيبين
----------------------------------
و مبروك علي الاخبار المحليه السعيده
و بلاش سيرة الاخبار العربيه النكديه الان
خليها وقت تاني جايز يبقي لها بوست مخصوص

Reformer1976 يقول...

العزيزة حفصة

كله هيسقط قولي انشالله
===============


العزيزة رشا

كل سنة وانتي طيبة
أتمنى السنة الجاية نسمع مزيد من الأخبار الكويسة
==============


العزيزة راندا

كنتي فين يا هانم يوم الجمعة؟
اللواءات بتوع أمن الدولة في المظاهرة سألوا عليكي وأحد مراسلي وكالات الأنباء جه في المظاهرة سألني

هي راندا مسيحية ولا مسلمة؟
ههههههههههههه
====================


الأميرة أووسة

أنا معرفش كومنتك راح فين؟
عموما واحدة بواحدة
لما تجيبي كومنتي أبقى أدور لك على كومنتك
بس أنا عمري ما أقدر أمسح لك كومنت يا برنسس
====================



الرأفتاني المهاجر


كل سنة وانت طيب
===================



أخي الفارس القديم


شكرا
===================



واحد من الناس



كلامك صح
بس احنا مش عاملين حملة ضد إسلام نبيه بس
الحملة كما أسماها وائل عبد الفتاح اسمها الحملة ضد التنظيم السري للتعذيب في الداخلية
اعتقادي الشخصي أنه لابد بالفعل من استمرار الضغط إلى أن نصل إلى محاكمة وزير الداخلية
ورئيس الجمهورية باعتباره القائد الأعلى لجهاز الشرطة

وبعدين بلاش إحباط بقى الله يكرمك
===================



ذو النون المصري الجميل

كل سنة وانت طيب
اعذرني ما قدرتش أقاوم رغبة الكتابة في أحد الشئون العربية الكئيبة وهو اعدام صدام

غير معرف يقول...

أسكت يا جرجس مش هتصدق والله انا بجد أول مرة احس فعلا انى صعيدية بجد، دى قصة لازم تتعمل لها تدوينة، ركبت تاكسي، انا على بعد 15دقيقة من الميدان، وقلت للراجل الميدان، بص لي كدة، وقبل ما اوصل الميدان، ف احمد عرابي، كان المرور واقف، راح الراجل قالى شكلك رايحة المظاهرة، بكل هبل قلت اه، فى مانع، قالى اه، وندهلى بيه من اللى فى المرور، وبعد خناقة وهيصة نزلت من التاكسي، وقررت يلعن ابوكوا والله لاخدها مشي، وفعلا وصلت الميدان بعد وقت طويل جدااااااا، المهم انا لقيت عربيات الامن المركزى، وبكل عبط، مشيت من بين العربيات، وبدور ع المظاهرة، فا فى بيه كدة طويل قالى انتى بدورى على ايه؟ قلت ع المظاهرة، قالى يا بجحتك، المهم شتمتوا ، راح طلب البطاقة، انا عمرى ما بمشي ومعايا بطاقة، حجزنى فى الشارع، ومصر يوديني القسم، قلت له يلا بينا، كان مستغرب انى مستبيعة، المهم انتى بتشتغلي فين؟ روحت مصدراله البعبع بتاع اليومين دول، المهم سابنى، روحت الميدان فعلا توهت ولفيت ودورت وبرده معرفتش اوصل للمظاهرة، هنا بس اقتنعت انى صعيدية اصيلة، عارف يعنى ايه تروح متعرفش توصل لمظاهرة؟ اكيد العيب مش ف المظاهرةههههههههههههههه
randa

غير معرف يقول...

يا عم جرجس هو مفيش فى ام البلد دى غير يا مسلمين يا نصارى، ما اكيد فى ناس تانيين، بس هى البلد دى فيها بعض العنصرية، كفاية انهم ما بيقبلوش اصحاب الشعر الاكرت، رغم ان تلات تربع المصريين شعرهم اكرت، والربع اللي باقي، يا نص مش مصري، يا ضربينه فالخلاط،

ايو يا عم ذو النون، والله مش عارفة ادخلها من اول امبارح، وكنت عاملة حسابي انى مجرشة ف العيد قدام الكمبيوتر، علشان املاها بما انها فاضية وعرة وقرعة متفرشتش، لكن والله لاغيرها،
يلا كل سنة وانتوا طيبين!
randa

لكي لا ننسى دم أحمد علي مبروك