28‏/12‏/2006

اهتمام دولي بخبر القبض على إسلام نبيه الظابط المتهم بالاعتداء على عماد الكبير


استجواب ضابطين مصريين اتهما بالاعتداء الجنسي

النيابة العامة بمصر تأمر بحبس شابط متهم بالتعذيب

وزارة الداخلية بمصر متهمة بممارسات بوليسية وحشية

هناك 28 تعليقًا:

غير معرف يقول...

فاكر يا جرجس الجملة بتاعت ( الله أكبر فوق كيد المعتدي ) ده بقى اللي انا فعلا حاسة بيه دلوقتي ... و فعلا زي ما انت و فارس قلتواالضغط بيجيب نتيجة .. والكلاب دول ان شاء الله هيروحوا في ستين داهية و عقبال الباقي يا رب .

و بدعيلك دايما يا جرجس تكون زخرا لهذا الوطن و دايما فاضحهم .. فاضح الوحشين و ساتر على الناس الحلوين .. واخد بالك :):) صباح الشوكلاته بالبندق على كل الناس

Reformer1976 يقول...

أنا بأطالب بالرجوع إلى عقوبة التجريس بتاعة المماليك
والواد إسلام دا يركب الحمار بالمقلوب ويتهتر هترة ما حصلتش

أصل الستر دا نعمة من ربنا
بس للي يستاهلها
أما دا بقى فيستاهل الفضيحة والجرسة

نهارك عسل

غير معرف يقول...

لا يا سي جرجس، انا مش هكتفى بالتجريس، لازم يدوق العصايا، احنا اخر مشروع المقاشات ايه؟ شكله اتنسي المفروض يبقي عندنا احتياطى مقاشات ، وكل ما واحد من ولاد ...يتفضح فى قضية تعذيب، نجرسه وكمان يا خدله مقشة ولا اتنين، لكن اللى مصبرنى ان اكيد اسلام ورضا هيتقابلوا فى السجن مع كام واحد اتعمل معاهم زى ما اتعمل مع عماد، وساعتها هياخدوا بالتأر، أو على الاقل بعض مساجين مصر هيتبسطوا، بعمل الواجب مع ظابط سابق واتكى قوى على كلمة سابق، وامين شرطة برده سابق، و مش قادرة اقول الكلمة بالعربي، لكن ممكن اقولها بلغة تانية امين شرطة فونوكيو فليو دى بوتانة.
صباحه عسل يا عم جرجس، فين حفصوتشا؟
randa

Aoossa يقول...

النيابة العامة بمصر تأمر بحبس شابط متهم بالتعذيب

صلح الخطأ الأملائى يا جرجسكوا
شاطر بس تقوللى الصورة بتاعت واحد برازيلى

راندا
بصراحه أنا معجبه بكلامك فى الموضوع ده
لأنى كنت متخيله أنى الوحيده اللى بكره الداخليه ومماراستها الوحشيه
بس أيه اللى أنت كتبتيه ده
فرنساوى يعنى
طيب فين الترجمه
فليو دى يعنى ولد بالأيطالى
أحب أشرحلك أيه اللى بيحصل بالضبط مع رجال الشرطه فى السجون من خلال روايات أصدقائى المجرمين الشاطرين
أولآ حفلة أستقبال
ودى عباره عن حلقه والشرطى بيكون فى المنتصف وهو لابس فستان من البطاطين و ماسك حاجه زى الصاجات وبيرقص وبينادوا عليه بأسماء مثل أرقصى يا فوزيه
ألعبى يا شوشو ثم تبدأ حالة من الهيستريا يتخللها شلاليط و ضرب على القفا ثم تحقيقات وأسئله
ثم يتم التحرش بيه
وده مش يوم وخلاص
دى حفلات يوميه طوال مدة حبسه
والمقصود بيها تفريغ الشعور الكراهيه تجاه الشرطه
عشان كده انا بقترح أنهم يحطوا أمين شرطه وضابط فى كل زنزانه لزوم التفاريح
و كل عام وأنتم بخير
سنة 2006 سنه غير عاديه وأحداثها دراميه وحزينه وغايه فى السؤ أنتهت بفكرة تعديل الدستور أو تجديده
بحيث يناسب مقاس البيه الصغير
مع أحتفاظ الرئيس بالحكم الى أخر نفس فيه
البلد راهت فى داهيه باين
سلام بقا أروح أتفرج على خروف الجيران
يمكن أعرف أسرقه

alnadeem يقول...

ان شاء الله اللي جاي أكتر من كده

معلومه مهمه
في مشاكل ضخمه جوه الداخليه حاليا

غير معرف يقول...

اتجرسنا
واتسيحلنا
وفضيحتنا هاتبقي بجلاجل
واش... يا انشراح علي شرفك اللي راح

غير معرف يقول...

eh el 7alawa de ya 7ag???
eb3atly nemretak
mak1yaw@hotmail.com

غير معرف يقول...

ba3d eznak esta3art el banar

غير معرف يقول...

ترالالا لالالام تشك تشك تشك الدنياالربيع و الجو بديع بس اياك تقفلي على اي مواضيع

و الحياة بقى لونها بمبي لمااتحدت صفوفنا و اتكلمناو المعبد مطربق على كهنته
اليوم انا اخيرا فرحانة بجد
لكن
برضة حقول لسه قدامنا كتير و ان كانت طوبة موضوع عماد كسرت ازاز كتير و طيرته على روس اكتر

رانداحبيبة جلبي من دوا ياستي رحت مدونتك و حاولت اخش من الباب منفعش قلت ادخل من الشباك بردة مفتحش قلت انط من عند الجيران قالولي امشي اطلعي بره
ايه حكايتك؟؟؟ هي زنزانتك حبس انفرادي؟؟؟
اعمليلك مدونة بسيطة يسهل على امثالي الولوج اليها حتى ذو النون هو كمان شفته و هو بيتشعلق عالسور قام وقع
سلامي

Reformer1976 يقول...

راندا الجميلة

أعتقد إن ما قالته الأميرة أووسة هو خير تعزية لسيادتك

تخيلي الواد إسلام وهو لابس الفستان وممسكينه الصاجات

صدقيني منظر مسخرة
بس هيبقى لايق عليه جدا
ولا بقى لما العيال المساجين يتحرشوا بيه

قشطة
يستاهل بصراحة

في اعتقادي إنه الضغط في هذه المرحلة مفيد جدا عشان تفضل القضية قضية رأي عام ويمكن دا يساعد على تغليظ العقوبة

Reformer1976 يقول...

العزيزة أووسة
شكرا للتوضيح
بس اسمحيلي لن أصحح الخطأ المطبعي
لما تبقي حضرتك تشيلي صورة رونالدينيو الأول من على البوست الأخير بتاعك بدل ما انتي مشوهة سمعة الراجل يا عدوة البرازيل وكارهة كرة القدم

شفتي آخر الأخبار؟
إسلام اتحول على الجنايات

كدة الموضوع جد
مفيهوش هزار

ما تخليكي جدعة وتسمعي كلام فارس وتيجي معانا في العزومة بتاعة بعد العيد

Reformer1976 يقول...

أخي العزيز النديم

يسمع من بقك ربنا
طب المعلومات اللي عندك مش قابلة للتسريب؟
ههههههههههه
=====================

على فكرة
فيه جملة طحنتني في مقالك الأخير في الدستور
تلك الجملة التي قالتها السيدة العراقية التي أتت إلى الجريدة وقالت معاتبة: الشعب العراقي استحمل المصريين سنين طويلة واحنا مش عارفين نعلم اولادنا في مدارس مصر!ـ

هو احنا شعب واطي يا عمر؟
أنا رأيي إننا شعب واطي
بس كنت عايز أتأكد

Reformer1976 يقول...

ياد يا عربي

يقال إن البت انشراح بتفكر ترفع عليك دعوى سب وقذف ... إوعى وشك

Reformer1976 يقول...

دماغ باشا ماك

الله يكرمك يا ذوق
بعت لك تليفوناتي في ورقة
الورقة طارت في رجل حمامة
ورجل الحمامة مكسورة
بس عادي
ما كل حاجة في بلدنا مكسورة
أول ما الحمامة توصلك
كلمني

Reformer1976 يقول...

العزيزة حفصة

شكرا على جو التفاؤل بتاع الدنيا ربيع وبمبي بمبي

اللي اتعمل رائع واللي باقي أكتر

ومتهيأ لي إن 2007 هتبقى سنة خير بجد

zenzana يقول...

شكرا يا اوسة هانم على التوضيح، لكن اللى حازز فى نفسيتي انى مش ضامنة اذا كان فى سجين او امين شرطة تانى ابن ... يقدر يصور حفلات الاستقبال، فكان نفسي مثلا ان الفيديو ينور هنا عند الحاج جرجس، ونعملها سيما ومراجيح، دا المهم ان اسلام ورضا يتفضحوا اكتر واكتر،

اما بالنسبة للشتيمة أصلي بحاول اكون مؤدبة وبشتم بأى لغة يفهمها اقل عدد من الناس اللى هنا عند الحاج، احتراما للحاج جرجس،(فكرنى اخد البركة وابوس ايدك النهاردة يا جرجس)

بس انا لى عتاب (حلوة عتاب دى)
بلاش والنبي تشتمى ف المزة البرازيلي رونالدينو،دا واد زى العسل، اصلي من المعجبيات بيه، ومن المشجعات لمسيرته، وبصراحة مرة اضربت بسبب جول جابه فى اي سي ميلان الصيف اللى فات، فا ضرب بسبب رونالدينو زى اكل العسلية بالنسبة لى، واوعى اهو انا اشجب من البداية، اوعى رجلك وشلاليتك عن توتى بتاع نادى روما والنبي، احسن اتصدم، وقلبي يقف .

يا حفصوتشتى هانم السماح يا اهل السماح، متخديش عليا والنبي، بت مفعوصة نونو بلوجر بيزحف على ...الحمرا، اصلي عملت بوست واحد بس، والمدونة اصلا فاضية، فكل الحكاية ان المطلوب من سيادتك تصفح الصفحة الاولى بس، اما لو عايزة الباقيين لما املاهم طبعا تنوري، فالمفروض، انك تطلبي ان يكون لديكي حساب ويتم ارسال الباسوورد اليكي عبر الاميل، اصلي ياستى المدونة دى عاملها مجموعة صعايدة، واخدة بالك من القفل اللى ع باب المدونة!!انا نفسي ساعات مبعرفش ادخل ههههههههههههه،
برنسيسسسس rika
شكرا يا فندم نورتيني انا حبيت اعمل لك النسكافيه لقيتك مشيتي، ع العموم يا رب متكونش اخر الزيارات، وعقبال ما الحاج جرجس يعدى يزورنى، وساعتها هنحنى وابوس ...اوبس ايده علشان المدونة يحصلها البركة!!

غير معرف يقول...

يلا خليها تخرب عليهم

غير معرف يقول...

الف مبروك يا جرجس .. بجد بجد أنشاء الله سنه حلوه علينا جميعا .. على فكره .. على مدونتى اللى انت ماعلقتش عليها ( عنك ما علقت ) فيه تعليق بيسأل عن السناريوهات المتوقعه .. أيه رأيك تعملهولنا مو\ضوع مناقشه .. ايه السيناريوهات المتوقعه للمستقبل .. و أيه اللى ممكن نعمله
مخمخ كده .. و اديها تكنولوجيا

ذو النون المصري يقول...

انا مخالف يا حج جرجس المصريين مش شعب واطي كما تتخيل اطلاقا انا عارف انك تقريبا بتقول الكلام ده من غلبك و قرفك لكن الناس تعمل ايه في عراقي القانون لا يضع له مكان في مدارسنا
و القانون انت سيد العارفين اتعمل ازاي
اذا كنا احنا الشعب المصري صاحب البلد و بتتعمل فينا قوانين تفصيل تضرنا و لا تنفعنا و ما باليد حيله نتحاسب ازاي علي قوانين معملتش حساب العراقيين في مدارسنا
و بعدين انت شايف المصري معمول حسابه اصلا في مدرسته؟
طبعا لا
احنا كمصريين شعب عريق و مكافح جدا لكن مظلومين
ارجع لبلاد غيرنا كالخليج او ليبيا مثلا هل بيعاملوا العراقيين احسن منا ؟و هل بيعاملوا الصريين بصوره طيبه ؟مع العلم اننا شلناهم و استحملناهم اكثر من العراقيين ما استحملونا
شوف الواطي مين؟
احنا كمصريين مغلوبين علي امرنا
ادعوا و قولوا امين ان ربنا يعيننا و نكمل المشوار و نغلب من غلبنا علي امرنا علي امره
قولوا امين

ذو النون المصري يقول...

علي فكره التجريس الذي تطلبه الحكومه و المثقفين هيقولوا انها ضد حقوق الانسان
ههههههههههههههههههه
في الحاله دي نقترح عقوبة العصايه هنا بقي مسكناهم
لا حد هيقول انها ضد حقوق الانسان و لا غيره

غير معرف يقول...

قذف
يبقي هي اللي توعي وشها
:)

Reformer1976 يقول...

ahmEd_H

هي خلاص فعلا بتخرب
المهم الخراب وهو بيحصل ما يجيش على دماغنا

Reformer1976 يقول...

ذو النون المصري

أعتقد معك أننا لسنا بالفعل شعبا واطيا وحدنا

الحقيقة متفق مع رأيك وطرحك جدا
ولكنه يوصلنا إلى نتيجة حتمية بأن الشعب العربي كله شعب واطي

للأسف
متى يعلنون وفاة العرب
على رأي عمنا نزار

كل سنة وانت طيب

Reformer1976 يقول...

ذو النون المصري

أعتقد معك أننا لسنا بالفعل شعبا واطيا وحدنا

الحقيقة متفق مع رأيك وطرحك جدا
ولكنه يوصلنا إلى نتيجة حتمية بأن الشعب العربي كله شعب واطي

للأسف
متى يعلنون وفاة العرب
على رأي عمنا نزار

كل سنة وانت طيب

ذو النون المصري يقول...

نعلن وفاة العرب ليه يا مولانا و نعمل ايه بعد الاعلان
هو فيه حاجه بعدها غير الغسل و الكفن و الدفن؟
ثم ياكلنا الدود و نحن في القبر وحدنا ليس معنا الا اعمالنا ان كانت خيرا فخير و ان كانت شرا فشر
ماذا اعددنا لهذا اليوم و ماذا اعددت له يا جرجس
هناك الجسم ممدود ليستاكله الدود
الخ....................

ذو النون المصري يقول...

ياريت تقولي منذ متي و نحن شعب واطي كما تقول و هل حسب رايك هي حاله طارئه علينا ام نحن هكذا دائما؟وما السبب في رايك؟
ياريت تريحني و يكون عندك اجابات

Reformer1976 يقول...

عزيزي ذو النون المصري


بتسأل أسئلة صعبة أوي


أعتقد أنه بعد الموت يوجد بديل وحيد للشعوب غير الغسل والتكفين والدفن وأكل الدود

يمكن لبعض الشعوب أن تقوم من جديد
البعث من الموت هو أمل هذه الأمة
وأمل كل أمة من أمم الأرض بعد هذا التردي والموات الذي آلت إليه كرتنا الأرضية

تسمع عن كلمة عصر النهضة؟
اللي هي باللغات الأجنبية
Renaissance
معناها الحرفي الولادة الجديدة أو الولادة من جديد أو البعث بعد الموت... دا اللي حصل في أوربا بعد عصور الظلمة الطويلة ولكن دا مرتبط دايما بالإصلاح
reformation
الذي هو إعادة هيكلة كل شيء
وإعادة تشكيل كل شيء وإعادة البناء على أساسات صحيحة
===========================


لا أستطيع أن أتقصى تاريخ الوطيان في الوطن المسمى العربي
بس ربما لو راجعنا التاريخ والتراث
(وربما كنت أنت أقدر مني في هذه الناحية)
لوجدنا تراثا عظيما من الوطيان الذي هو بالفصحى الانحطاط من أول عصور الجاهلية وفجر الإسلام ومغربيته والشعرا الجامدين أوي اللي كان أي حاكم يشتريهم بصرة دنانير إلى تاريخ الفتنة الكبرى ومقتل عثمان ومقتل الحسين شهيدا وغيره وغيره من تاريخ الخسة والدناءة والوطيان اللي على أصوله واللي بتنا نرتعب حتى من مجرد النبش فيه لأنه عورة عربية وربما اعتبره البعض عورة دينية لا ينبغي فضحها

راجع التاريخ فستجد الوطيان في الدي إن إيه العربي منذ القدم

وأتمنى أن أكون مخطئا ويطلع أننا أجدع وأشرف وأفضل ناس
وابقى حط من عندك كل صيغ أفعل التفضيل وأفعل به كمان لزوم النشوة العربية المزيفة

بس في الآخر واطيييييييييين جدا
يا راجل شوف الكلاب اللي راحزا يعدموا صدام وهما بيكبروا ويصلعموا وكأنهم بيدبحوا خروف العيد مش رئيس دولة كانوا بيحشوا ويرموا له وتقريبا وصلوه إلى مرحلة العبادة

مش دا وطيان؟؟؟؟؟

ذو النون المصري يقول...

قرات كلامك لكن غير متفرغ لمناقشته الان بالاضافه الي ان كلامنا هنا معزول عن الجميع ساوافيك علي احدث بوست للمواصله حينما اكون متفرغ لك تحياتي و كل سنه و انت طيب

لكي لا ننسى دم أحمد علي مبروك