31‏/12‏/2006

آخرة خدمة الغز الموت شهيدا... تحديث هام: فيديو جديد لجثة صدام يصور جرحا غائرا برقبته

تحديث 3

الخبر اللي جاي دا أحدث خبر نشرته السي إن إن عن توابع إعدام صدام

الفيديو المصاحب والذي وضعت لنكه هنا أنصح الجميع بعدم مشاهدته وليس فقط ذوي القلوب المرهفة ومن هم دون الحادية والعشرين

الفيديو دا أبشع مما يمكن تخيله

دا نص الخبر اللي نشرته السي إن إن منذ ساعات قليلة واللي فيه وصف تفصيلي لمحتوى الفيديو المفزع


فيديو جديد لصدام وكدمات على وجهه
0922 (GMT+04:00) - 09/01/07
صدام والأنشوطة تلتف حول عنقه
لندن، بريطانيا (سي إن إن) -- ظهر شريط فيديو جديد للرئيس العراقي الراحل صدام حسين يبدو فيه عقب إعدامه بجرح في رقبته وكدمات على وجهه.
وبُثت لقطات الفيديو الجديدة الاثنين، وفيها بدا صدام، وهو يرتدي القميص الأبيض والبدلة السوداء التي شُنق بها، ممددا على الأرض ومغطى بملاءة بيضاء.
ولم تستطع سي إن إن التحقق من مصداقية الشريط عبر مصادر مستقلة. والموقع الالكتروني الذي بث الشريط هو

http://www.liveleak.com/.
وتبلغ مدة الشريط 27 ثانية، وفيه تقترب الكاميرا من جثة صدام، فيما يقوم شخص بكشف الغطاء عن الجانب الأيسر من وجهه.
وفي التسجيل الصوتي المرافق للقطات، يحث شخص، شخصا آخر على التقاط صورة بسرعة لصدام والمغادرة.
ويبدو الشخص الأول وكأنه المشرف على الموقع، وهو يسمح للشخص الثاني بالدخول بكاميرا فيديو، ويدور الحوار التالي:
الرجل الأول: "بسرعة، بسرعة من فضلك، التقط صورة واحدة."
الرجل الثاني: "نعم أسمعك."
الرجل الأول (يصيح عندما يمتد زمن تصوير الفيديو أكثر من لقطة واحدة) : تعال هنا، ما الأمر؟"
الرجل الثاني: "أسمعك، أسمعك."
الرجل الأول يتحدث إلى رجل ثالث: "أبو علي، تعال هنا، وتعامل مع هذا."
الرجل الأول (يبدو ثائرا بسبب طول فترة التصوير الذي يقوم به الرجل الثاني) : "تعال، حبيبي، سأتحدث بأدب مرة واحدة، وإلا سأصبح غاضبا بالفعل."
الرجل الثاني: "أسمعك."
وشريط الفيديو هو الثاني الذي يُبث على الانترنت منذ شنق صدام السبت في 30 ديسمبر/كانون الأول، والذي وافق أول أيام عيد الأضحى.
ويُظهر الشريط الأول الذي التقط بكاميرا هاتف جوال، منفذو إعدام صدام، وهم يضعون الأنشوطة خلف أذنه اليسرى، وفقا لما تقضي به بروتوكولات الإعدام، لضمان سرعة الوفاة.
ولم تظهر كدمات على وجه صدام في الشريط الأول.
وقد أثار إعدام صدام احتجاجات في مختلف دول العالم، من الأردن إلى إيطاليا.
وقالت محتجة على الإعدام في روما إن طريقة تنفيذ إعدام صدام "دون المعايير الدولية لحقوق الإنسان."
وفي العراق، أقيمت تظاهرات، ومواقع للعزاء في صدام.
وفي الأردن، قالت رغد ابنة صدام الكبرى أمام حشد من المتظاهرين " بارك الله فيكم لتكريم صدام، الشهيد."
وفي وقت سابق، دافع رئيس الوزراء العراقي، نوري المالكي، عن إعدام صدام، وقال "إعدام الطاغية (صدام) لم يكن قرارا سياسيا كما يصوره أعداء الشعب العراقي."
وأكد المالكي أن "الحكم نُفذ بعد محاكمة شفافة وعادلة لا يستحقها الديكتاتور."




في حالة تعذر فتح الفيديو اضغط هنا

تحديث 2

كاريكاتير من الجزيرة.نت


كاريكاتير عامر الزعبي

تحديث

وكالة رويترز للأنباء تعلن عن تحقيقات تجريها الحكومة العراقية عن الكيفية التي تم بها تصوير الفيديو المثير للجدل والذي يظهر عملية إعدام صدام بالكامل دون حذف والتي يبدو أن أحد الحراس قد صورها بكاميرا هاتفه النقال

بعض المواقع أزالت بالفعل الفيديو المذكور بعد أن انقلب السحر على الساحر وأدى عرض الفيديو البشع إلى تعاطف عام في الشارع العربي والإسلامي مع جريمة قتل صدام حسين على هذا النحو البشع وخصوصا مع وضوح أن جلاديه من الشيعة كانوا يهتفون هتافات طائفية جعلت الشارع العربي ذي الأغلبية السنية يتعاطف مع الرئيس الراحل

ها هنا بعض الصور الأرشيفية للفقيد الذي ربما لا يذكر العديدون من أبناء الجيل الجديد من هو صدام حسين ولا يذكرون هيئته بعد أن بتنا على مدى العامين الماضيين لا نرى سوى صوره التي صدرها الإعلام الأمريكي لقائد مهزوم ومهان
هذا هو صدام الذي كان... والذي واجه الموت بشجاعة غريبة حقا ما زالت تحيرني أنا شخصيا كما حيرت الكثيرين





كل سنة وانتوا طيبين
.
في فجر أول أيام العيد احتفلت الحكومة العراقية وقوات الاحتلال الأمريكية
بإعدام الرئيس العراقي الدكتاتور صدام حسين
.
أول ما جاني الخبر بعد دقائق من حدوثه كان رد فعلي البسيط إنها بالطبع تمثيلية ولا يمكن أن يكون التنفيذ حقيقيا فصدام منذ بداية صعود نجمه وإلى ليلة سقوط بغداد كان عميلا أمريكيا حتى النخاع
.
قلت لأختي أنني سأكتب موضوعا أفضح فيه التمثيلية بتاعة إعدام صدام
غير أن أختي مشكورة أثنتني عن هذه الفعلة المتهورة بقولها
دا انت تفقد مصداقيتك عند القراء لو كتبت الهبل ده
وبيني وبينكم كلامها كان مقنعا
فيديو إعدام صدام عرض في الفضائيات
والجميع متأكدون أن القتيل المدلى من الحبل هو صدام
والجميع متأكدون أن الجثة المسجاة على طاولة المشرحة هي جثة صدام
خلاص
يبقى مافيش قدامي غير إني أعترف وأقر بأن صدام أعدم بالفعل
المشكلة التي وقعت فيها بعد اضطراري للاعتراف بالأمر هي المشكلة الأخلاقية
أكان إعدامه حكما عادلا؟
هل استحق الحكم؟
وهل حوكم أصلا محاكمة عادلة؟
أي عدالة في محاكمة حكمها معروف مسبقا؟
.
بكل أسف تحول المجرم الدكتاتور إلى بطل وشهيد
.
كانت آخر كلمات البطل الشهيد صدام حسين هي النطق بالشهادتين
طبعا لا يحكمن أحد على أحد بما خفي في الصدور
ولكن القراءة النفسية لصدام وتاريخ صدام تجعلنا ندرك أن الرجل هو مثال متجسد للبارانويا في أفحش تجلياتها
ضلالات العظمة وضلالات المؤامرة
القتل العشوائي للمعارضين سواء بأوامره أو بيده وبمسدسه الشخصي
قيل أن الرجل صرخ قبل موته بلحظات أن فلسطين عربية
أيوة بأمارة إن المدخل الوحيد لتحرير فلسطين كان هو غزو الكويت
كل هذه الحركات الغريبة من قبل شخص مقدم على حبل المشنقة بتهمة قتل هو بالفعل متورط فيعا وفي أيشع منها
ليست سوى إظهار لأعراض البارانويا التي يعاني منها
وعلى الأرجح كان في هوس عظمته يرى التاريخ وكتبه أقرب إليه من حبل المشنقة فصرخ صرخته المدوية فبسطين عربية وبعدها الشهادتين لا لشيء سوى أن تذكر كتب التاريخ (وما أهطل كتب التاريخ في بلادنا) أن صدام مات بطلا وشهيدا بأيدي المحتل الكافر
.
.
دا فيديو يصور عملية إعدام صدام بالكامل ودون حذف
اتفرجوا عليه بسرعة قبل ما ميتا كافيه يرفعوه بحجة أن محتواه غير لائق



SADDAM HÃœSEYIN FULL EXECUTION - video powered by Metacafe


ملحوظة: تم بالفعل كما توقعت رفع الفيديو من على ميتا كافيه
بالطبع الأهمية الوحيدة لهذا الفيديو يا جماعة هي تأكيد أن صدام أعدم بالفعل
بالإضافة إلى أن من قتلوه لم يكونوا منزهين من الغرض كما يبدو من صيحاتهم ذات النزعة الطائفية
اللنك الأصلي للفيديو الكامل لإعدام الرئيس العراقي السابق صدام حسين أهوه
وطبعا الفيديو ده لا يصلح لذوي المشاعر المرهفة لأن محتواه صادم وقاس بالفعل

(لاحظوا في الفيديو أعلاه كيف تعلو صيحات الحضور بصب اللعنات على صدام وإعلانه بأن مآله إلى الجحيم.... يبدو أن الواقفين معظمهم آلهة يشقون عن ذات الصدور)
.
مات الطاغية وسيموت الطغاة الآخرون
ولكن لا نتمنى لأي طاغية في أي مكان
أن يتحول إلى شهيد وبطل كما حدث مع الطاغية صدام
صدام والقذافي والأسد (الأب والابن) ومبارك (الأب والابن) وجميع الحكام العرب هم دكتاتورات وطغاة
ولكن تحويل أي منهم إلى بطل وشهيد كما حدث مع صدام حسين هو خطأ كبير ومفزع إذ يكرس الدكتاتورية والطغيان طالما كان بأيد محلية!!ـ
.
السؤال هو... لماذا ينبغي على الشعوب أن تنتظر موت الطغاة (بغض النظر عن الطريقة) ولا تغير الشعوب طغاتها وتلفظهم بنفسها ... لماذا صارت أحوالنا إلى هذا الدرك الأسفل بين شعوب الأرض؟
لماذا صرنا مطية لأي عتل زنيم ييجي بعد عتل زنيم آخر ويركب كأن البلاد باتت جميعها قحابا؟
.
س. يا فرعون إيش فرعنك؟
ج. ما لقيتش حد - بروح امك - يلمني!ـ

هناك 112 تعليقًا:

Aoossa يقول...

أيوه يا جرجس سيح سيح
لحد الناس متحاول تفهم
هو صناعيه أمريكيه تم الأستغناء عنها
بعد أن أصبح الحكام جميعهم عملاء
أنت عارف أنى مش عايشه الحلم العربى والكلام الفاضى ده
ولا عندى شعور بالكراهيه تجاه الغرب
بس فعلآ المره دى شعرت بمراره غربيه
لأن الشنق كان فجر العيد
يعنى برقية معايده بدم صدام وبعد كده
يرفضوا دفنه فى تكريت ويدفنوه الفجر
ده كان ناقص يمثلوا بالجثه
أحنا فى زمن الهيمنه الأمريكيه
وقانون الغاب هو اللى بيحكمنا
بجد شعور بالمهانه أجتاحنى مع الخبر
هل قتل صدام نهايه لمشاكل أمريكا
أم هى بدايه لنوع أكبر من المشاكل
هل العراقيين هيكتفوا باللى حصل
أبدآ النهارده عدد القتلى كتير
وياترى أعدموه عشان يكون عبره لغيره
أسئله كتيره فى دماغى
أقولك سر
أنا مستعده أهاجر بلد شيوعى
بس المهم يكون فيها أحترام لأدمية البشر
و ميكونش فيها أضهاد دينى ولا عنصريه والأهم متكونش تابعه لأمريكا
المدينه الفاضله
أنت عارف أنا كاتبه بوست وبتسأل فيه
هل شنقهم لصدام ممكن يحوله لشهيد
يظهر الأحتمال ده فكرت فيه أنت كمان
تحياتشى

غير معرف يقول...

واعروبتاه

غير معرف يقول...

صدام حسين= الحجاج بن يوسف الثقفى

هو ظالم اتظلم
عادى كما تدين تدان

ادبح يوم النحر ده مش عادى

رساله للمسلمين والعرب الخروف بتاعكم احنا هندبحه اهو

وديه استراتيجيه بوش الجديده

اللى هى لو صدام العراق مات صدام امريكا لسه موجود

وبغباءه المعهود واللى هو مش جديد وقع امريكا فى مطحنه العراق من اول وجديد
المقاومه هتبدا من بكره بجد وهتشوف امريكا الويل بغبائها اللى هو مش جديد
وبعدين انا شاكك والله يا جرجس برضه انه مش هو وانه عايش زى الزرقاوى اذا كان موجود اصلا الزرقاوى ده اترمى عليه قنبلتين 2 طن يعنى يخلوا النمله تكفر وال ايه وش الزرقاوى بعد ما مات سليم ما فيهوش ولا خدشه وصدام حسين ما نزلش ولا نقطه دم فى الفيديو هو عميل وتلاقيه قاعد فى قصر فى امريكا دلوقتى والله انا متهيالى ان كل ده فيلم امريكانى من بتاع المعلم جيمس بوند
لان مش معقوله يكروتوا كده وما يخدوش منه معلومات بص انا مش فاهم وعقبال باقيه الخرفان

Reformer1976 يقول...

الأميرة الجميلة أووسة

المرارة واحدة
والفقعة واحدة
والجرح العربي واحد
والعار العربي واحد

العدالة هي التي ذبحت في هذا اليوم
الحق تم إعدامه
والحقيقة ووريت الثرى في جنح الظلام
in the dead of the night
هكذا قالتها رويترز
نعم
في موت الليل ووري صدام الثرى
وفي موت الليل دفننا الحقيقة والعدالة
دفننا إنسانيتنا
دفننا كرامتنا
وابتلعنا وراءها جردل ماء
نحن قطيع من الإماء
بل نحن قطيع من النعاج

أكان صدام مجرما؟
بلى هو أكثر من مجرم
بل هو قاتل خسيس وعميل خائن
دمر دولة
وأهان شعبا
وأجاع أمة
وأذل الملايين

هل إعدامه أراح العالم؟
لو أن العالم لديه ضمير
لصرخ وقال وا لعنتاه
وا لعنتاه على القوم الكافرين

لماذا نقتل القاتل بالظلم؟
لماذا نحول المجرم بطلا وشهيدا؟
لماذ نجعل من المجرمين الذين حكمونا عقودا أبطالا وشهداء وندخلهم التاريخ على محفات من ذهب؟
ها هو المجرم صار شهيدا
ولماذا؟
فقط لأننا آثرنا أن نكون حيوانات
ولم نرض بعدل الله وحقه
رفضنا العدالة فاستحققنا المهانة
واستحققنا أن يصير المجرم القاتل شاهدا وشهيدا
شاهدا على قذارة نفوسنا
ونجاسة قلوبنا
وشهيدا صنعنا له مقاما
وهو العتل الزنيم
وجعلنا من موته أسطورة
سيحكيها
- بكل أسف -
تاريخنا العقيم الأبله

يا لتفاهة هذه الشعوب
كل ما يشغلها أين سيذهب الطاغوت
أبعد موته سيؤثر مآله على مصير الشعوب؟
أمتكم تحتضر وأنتم تنشغلون بمصير روح الدكتاتور!ـ
أإلى جنة الخلد أم إلى درك سفلي من الجحيم
وما الفرق أيها الجهلاء
العراق تحول إلى أشلاء
وعقولكم لا يشغلها سوى
إن كان قد هبط إلى الجحيم
أم صعد إلى علياء السماء

أي عبث صارت إليه عقول هذا الشعب
شعب من المغفلين صرنا
فاستحققنا أن يحكما ذوي العاهات العقلية
وأبناء التعساء
هنيئا لكم يا شيعة مقتدى مقتل الطاغية
ولكن اعلموا أنكم بقتله دون عدل
صنعتم منه أسطورة حمقاء
وما أحمق أساطيرنا وأساطيركم

أفلا لعنة الله على الأغبياء

(متهيأ لي يا أووسة معنديش رد على ما كتبتيه سوى ما كتبته)
الله يخرب بيت الغباء

Reformer1976 يقول...

حفصوتشا

وا عدالتاه!!!!!!

Reformer1976 يقول...

yasser shams aldien

اللي بحاول أقوله في البوست دا
إن دي أسوأ مصيبة ممكن تحصل
إن أي طاغية يتحول لبطل وشهيد
لا يا عم عايزينهم يموتوا موتة ربنا
والأفضل إنهم يتعزلوا بإرادة شعبية
بس مين يقوِّم الشعوب من موتها العميق؟
قول بقى يا رب
هو الوحيد اللي يحيي الشعوب وهي رميم

Ironcobra يقول...

تسلم أيدك لأول مرة أوافقك 100% في كل حاجة كتبتها , مش عارف أية الناس الهبلة اللي عمالة على العروبة و الأسلام دي .

غير معرف يقول...

يا جماعة اللي يشوف راندا يقول لها إننا شطبنالها مدونة مفروشة سوبر لوكس تسليم مفتاح

عنوان المدونة أهو
http://zenzana.blogspot.com/

ابقي خدي نمرتي من عمر يا راندا عشان أديكي المفاتيح

حفصوتشا كانت شريكتي في هذه الجريمة النكراء...حد بس يلاقي لنا راندا

Reformer1976 يقول...

طبعا اللي فوق دا هو أنا بس كنت لسة داخل باليوزر نيم بتاع راندا الجديد بعد ما شطبنا لها مدونتها الجديدة

تحياتي للجميع

شــهــروزة يقول...

مهما كانت جريمته فى حق شعبه

لكن يتقتل بايد احتلال؟؟؟
دة اللى مرفوض
وقاتليه ليسوا بخير منه يا جرجس
ومن صدام للمالكى والشيعة يا قلبى لا تحزن
صدام كان محجم الخطر الشيعى والمد الصفوى فى بلاده
واول ما اتبحبحت معاهم
نزلوا تقتيل وتذبيح فى السنة
وفى الاجئيين الفلسطينيين والسوريين والمصريين فى العراق بكل روح التشفى والغل والحقد المذهبى اللى هم فيها
صدام هو الوحيد اللى كان قادر على السيطرة على هذا المد المتوحش فى بلاده
ولو انت مكانه
كنت عملت أكتر من كدة يا جرجس

محدش يعنى وسط المعمعة دى كلها افتكر ان صدام حسين كان هو الوحيد اللى بيعامل المصريين احسن من العراقيين وكان فاتح نص بيوت مصر لية؟؟
محدش افتكر ولا قال ان صدام حسين هو الحاكم العربى الوحيد اللى احتوى واستضاف الآف من الفلسطينيين اللاجئيين وشيد لهم احياء خاصة بهم وجهز لهم وظائف ورواتب تعينهم على المعيشة؟ وهم هم اللى الشعية دلوقتى بتقتلهم وتتشفى فيهم بابشع طرق القتل والتكيل بمباركة حكومة المالكى وتحت اشراف ما يسمى بالجيش العراقى دلوقتى وما يعرف بفرق الموت؟؟
محدش لية افتكر ان صدام حسين كان أول من أوائل الناس اللى دعمت السلطة الفلسطينية بالمال والعتاد وكل ما كان يستلزم واللى مخرجش من ايد أى كلب عربى يعمله؟؟
ومحدش لية افتكر ان ايادى صدام حسين على مصر بالذات أكتر من ايادى الشايخ زايد اللى بيتغنوا باسمه ليل ونهار وكأنه هو اللى بنى مصر وانه هو الحلوانى اللى فى الاغنية الشهيرة؟؟

أنا مش بأؤيد صدام
لكن زى ما طلعتوا عيوبه وجعلتوه طاغية
افتكروا أفعاله الخيرّة على شعوب المنطقة يا جرجس

وبلاش نمسك بس فى حرب الكويت وتوابعها
لان صدام مش ملاك
وعلى رأى حفصة ما قالت
من منكم بلا دكتاتورية ولا قهر فليرمه بحجر


عموما
انا كل اللى حارقنى
انه اندبح على ايد محتل يتغنى بحقوق الانسان والفضيلة وهو ابعد ما يكون عن الانسانية
وصدام زيه زي غيره من مجرمى الحرب وكان الأولى انه يتعامل زيهم
دة على الأقل

مش بالتشفى والغل والحقارة اللى اندبح فيها ودون ادنى مراعاة لشعور والمسلمين فى العالم
وله كل الحق ان يتحول فى اعين العالم لبطل وشهيد
لان دى غلطة منهم هم
وغلطات الكبار
لا تغتفر
يبقا من حق صدام كلمة شهيد وبطل طالما مات نتيجة غباء وحقاره قاتليه

ومالوش لزوم بقا الكلام فى حق الراجل سواء كان وحش او سفاح او او او
فهو الآن بين يدى خالقه
يحاسبه كما يشاء
ومحدش عارف دلوقتى مين فينا اللى غلط
ومين فينا اللى صح
كل اللى اقدر اقوله
انه كان عيد اسود على الكل بلا استثناء

ولو سمحت
بلاش لهجة التشفى اللى فى كلامك انت كمان يا جرجس
لانها بتجرحنا اكتر ما بتفرحنا
كفاية الهم والغم اللى احنا فيه
وكفاية المرار اللى فى صدورنا ومش راضى يفارقنا كأنه التصق فينا التصاق الجلد باللحم

وعموما مش منتظرة رد على تعليقى

غير معرف يقول...

بغض النظر عن نظريات المؤامرة في موضوع صدام وهي على فكرة كتييييييير
من اول انه صناعة امريكية وتمثيلية امريكاني
وان اللي اعدموه اصلا شبيه وان صدام الحقيقي هربوه .. او نظرية انه فقيد الامة العربية الذي تعرض لخيانة من الجيمع ووقف امام الفرس والامريكان لصالح اهل السنة العرب بينما هم خانوه

--
بغض النظر عن شوية النظريات اللي فوق الحقيقة الواضحة الرجل كان طاغية قاتل مصاص دماء
ولا داعي لتحويله لفقيد الامة وشهيد الاسلام .. لانه لو اعدم بيد عراقية خالصة في محاكمة عراقية كان العرب سيهللون ويرقصون فرحا بزوال الطاغية اللي شرد شعبه وعاث فسادا في المنطقة

-- نقدر نقول ان من اعدم هو صدام حسين
سواء كان هو او لأ

الفكرة الرئيسية في المسألة هي الرمز
اعدام طاغية عربي وتسريب او نشر شريط الاعدام وبمنطق برضه اضرب المربوط يخاف احمدي نجاد وبشار

ربما تكون دي السياسة اليومين دول
لكن لازم نقرا التاريخ
حتى ان لم يكن صناعة امريكية .. فالرجل كان يظن ان امريكا حليفته سرا .. التاريخ بيقول كده
لم يتخيل ابدا ان يخدعه الامريكان
بعدما وعدوه بعدم التدخل في حربه مع الكوايتة ... لكن يا عيني الوعود طلعت امريكاني
--
الولايات المتحدة كانت على ثقة من وجود اسلحة دمار شامل في العراق ..ببساطة هي اللي باعتها له ..ه
--
نظرية اخرى تفيد بان امريكا تشعر بالتورط في مستنقع العراق ..وتريد ان تخرج منه في اسرع وقت ممكن وكفاية على كده .. وقبل ما تمشى لازم تنضف وراها
وتسيب اهل البيت ياكلوا في بعض

حققت ما كانت تسعى اليه واسقطت صدام مهدد الاشقاء الحلفاء لواشنطن بالخليج
ولم تخسر الكثير سوى حكومة واحدة وكام ميت عسكري وكله بفلوس الزيت العراقي والسعودي

ومن دقنه وافتله يا معلم
لازم نقرا التاريخ
حاولت اعمل كده لما اتكلمت عن صدام
لقيت ان الورق الاصفر فيه بين السطور كلام كتيييييييييير

غير معرف يقول...

عزيزي جرجس اسمحلي اعلق تاني بعد قراءة البوست كذا مرة

حرجع تاني و اقول لو كان صدام عميل امريكي مكناش اقدم على قصف اسرائيل في عمقها
و عشان هو الوحيد حتى الصيف الفائت اللي قصفها فهو الوحيد اللي استحق الموت في نظر امريكا حتى توضح لنا ان اللي حينكشلي عش اسرائيل دي نهايته

العميل الحق هو من يبقى مسالما لا معكرا الصفو العربي النائم
العميل الحق هو اول من يجعجع بالكلمات و لكن لا يفعل اي شئ
العميل الحق هو من تكتشف من اخبار خارج بلدك انه على اعلى درجات السمن و العسل مع العدو المزعوم
العميل الحق هو الذي يتلكك حتى لا يفعل اي شئ ايجابي
هذه هي شروط العمالة
لا اعتقد ان صدام استوفى منها الكثير او حتى القليل؟؟؟!!!!؟؟؟؟

قتله لم يجعل منه شهيدا عالفاضي
هناك اساس لاي شئ في هذا الموقف
الموقف كله اعقد من عميل او لا عميل

شبكة معقدة من المصالح و المحسوبيات العالمية و ما ادراك ما هي

غزوه للكويت كانت له ابعاد كتيرة
لكن في رايي مظنش كان عمالة

و احب اوضح معلومة لكل من يقول انه كان طاغية
بصوا على تشكيل حكومته
طارق عزيز مسيحي
طه ياسن رمضان مسلم شيعي
الصحاف
مسلم سني
و اخر للاسف لا اذكر اسمه بتاتا كان كرديا
ارايت مثل هذة الخلطة الوطنية متجمعة في اي من حكوماتنا العربية؟؟؟؟؟
طبعا هناك من سوف يصرخ انهم كلهم عملاء
و لكن.....!؟
هناك قطعة كبيرة و غامضة ساقطة من الصورة المراد لنا رؤيتها

شهروزة ذكرت كلام كتير عن ايجابيات حكمه
و هما صح و عليهم اضافات
هو الوحيد الذي فهم مبدا المواطنةو العروبة و جعله واقع ملموس
في العراق هناك مصريين
فلسطينيين
سودانيين
كلهم الان متجنسين و يشعرون بالانتماء و لديهم اعمالهم الخاصة

و كما له ايجابيات فله سلبيات
و لكن
من من الحكام بدون سلبيات؟؟؟
بل بدون مصائب و دماء تصل للاعناق؟؟؟

شهروزة العزيزة
اشعر معك باليم المصاب كما يقولون و لكن لا اعتقد ان جرجس يقصد التشفي او المهانة

انها ببساطة وجهة نظر مختلفة
يوجد الكثيرون ممن هم من نفس النظرية و لهذا حديث اخر
و لكن ليس باليد حيلة
الموقف متشابك حتى اني متخبطة لاقصى درجاتي
لم اكن على هذا التخبط و التردد في اتخاذ صف معين مثلما انا الان و لكن طبعا اتفق مليوووووون الميه انه اذا كان لابد من القصاص
..... فبيدي
لا بيد عمرو

تحياتي

Reformer1976 يقول...

العزيزة شهروزة

جميل منكِ أن تذكري الجميع بمن هو صدام وكيف كان قبل أن يقع بين أيدي الكلاب

المثل البلدي جدا بيقول إن وقع العجل كترت سكاكينه

ودا اللي حصل بالظبط
كله بيتشفى في الراجل واتفرجي على القذارة بتاعة من أعدموه وشعاراتهم الطائفية تكشفي كم الوطيان والدرك الأسفل الذي وصلنا إليه كعرب

الحقيقة أنا معجب جدا بموقفك اللي فيه بتذكري محاسن الراجل اللي كان معبود الجماهير في الوطن - لا مؤاخذة - العربي في زمن من الأزمنة

كل مثقفي اليسار اللي مش سامعين لأمهم حس اليومين دول قبضوا من فيض كرم الفقيد الراحل

فاكرة الاحتفال الضخم سنة 90 قبل غزو الكويت لما عملنا في مصر ما يسمى بمجلس التعاون العربي وكنا فيه إحنا والعراق واليمن والسلطة الفلسطينية

وكان وقتها إعلام صفوت بيروج للزعيم صدام حسين على أنه بطل عروبي مذهل وكنا سمنة على عسل معاه

طبعا صدام له ما له وعليه ما عليه
فهو ليس إلها منزها عن الخطأ
وكل الزعماء العرب طغاة وكلهم يستحقون المحاكمة
ولكن أي محاكمة
فقط المحاكمة العادلة عند الست لاهاي كما قلتي في موضوعك

قتل صدام لم يكن إعداما
كان قتلا وكان جريمة وسبة وعارا في جبين الإنسانية... وبالفعل هو تحول إلى بطل وشهيد على الرغم من كونه مجرما كالباقين

أنا أتحدث عن الموضوع من الناحية الإنسانية والسياسية وليس من الناحية العروبية ولا الدينية
ولكن أقدر تماما رأي من يأخذزن الأمر على نحو عروبي أو ديني

إنسانيا الرجل وإن كان فيه العبر - كالباقين - إلا أنه ظلم وقتل بغير محاكمة عادلة... لو كان حوكم محاكمة دولية عادلة وأخذ براءة لما كان عندي أدنى مشكلة

لم لأتشف في صدام
ولا أنوي فعل ذلك
ولكن يؤرقني تحوله إلى بطل وشهيد ودخوله كتب التاريخ كبطل وشهيد دون تناول سيرته بموضوعية

عندنا الناس للأسف يا شهروزة يا إما نصنفهم في كتب التاريخ كأبطال وأنصاف آلهة كصلاح الدين أو كلاب اولاد كلب كالملك فاروق

ودا هطل تأريخي وعدم نضوج
صلاح الدين كان بني آدم عادي جدا له إنجازات زي أي حد وله أخطاء ونقائص
(المفروض دا بديهي جدا)
والملك فاروق كان إنسانا عاديا جدا
له ما له في السياسة والحياة والتاريخ وعليه ما عليه
(مشعارف ليه الناس مش قادرة تشوف بديهيات الحياة بهذا الوضوح)

تخيلي لو السيناريو اللي حصل مع صدام دا حصل لأي سبب مع الراجل اللي عندنا
ويتحول بسلامته إلى بطل وشهيد
يا نهار اسود
دا شيء مفزع بالنسبة لي
وننسى كل حاجة بقى
وننسى الـ 200 مليار اللي هربها برة مصر هو ورجالته ونذكر فقط في كتب تاريخنا أنه صاحب أول نصر جوي على إسرائيل وأنه من قاد تنمية مصر في عصر السلام وأنه باني أنفاق مصر وكباريها وحافر مجاريها وأنه مات شهيدا وبطلا على أيدي قوات الاحتلال الأجنبية الغاشمة والكافرة أيضا

دي أسوأ نهاية
الله لا يورينا هذا اليوم
دا جزء من الأمل الباقي إن الناس دي كتب التاريخ تفضحها وتقول فيها ما يوفيها حقها
وتتجرس رسمي
مش نلاقي لهم حجة يبقوا بيها أبطال وشهداء

صدام حسين بالفعل الآن بطل قومي
(قتل على أيدي المحتل ودون حتى ماكمة عادلة)
وهو شهيد عدالة
(لا يهمني إن كان شهيدا بالمعنى الديني أم لا لكنه شهيد العدالة حقا)

دي نهاية كانت بالنسبة له مُرضية جدا
حد يكره الخلود في صفحات كتب التاريخ كشهيد سياسي وبطل قومي

كل مجازر السفاح سينساها القوميون
وكل كبائره سيغفرها له الأصوليون
فهو أول قائد عربي يقصف إسرائيل
(يا فرحتي... وكأنه حرر القدس يعني)
(وللعلم مبارك سبقه بأول ضربة جوية دك بيها الجيش الإسرائيلي فهل تغفرون لمبارك أيضا؟)

لست متشفيا على الإطلاق
بل أنا مثلك أدور حول نفسي
هل أمريكا غبية إلى هذا الحد؟
هل الشيعة بهذا القدر من الحيوانية التي رأيناها في مشهد اغتيال صدام؟
هل قتل صدام على هذا النحو سيحل أي مشكلة؟
وألف هل
وليس من حل
والأمة مراق دمها
على الأرصفة
والكلاب تلعق الدما
صار الدم العربي رخيصا
وصار العالم نجس القلب
متبلد المشاعر
والرجل الأهبل
في البيت الأبيض
يحتفل
والدم العربي مراق على الأرصفة
ما أبشع هذه الميتة
إنها ميتة الإنسانية
وليس فقط
موت العرب
ضمير الإنسانية مات
فافصلوا الأجهزة
وانزعزا خراطيم الحياة
فالإنسان
مات سريريا من زمن
والدم العربي مراق على الأرصفة
والكلاب تلعق من دم الإنسان كما تشاء
فلا الميت قادر أن يردعها
ولا إنسان بقي ليدفن الجثة
كلنا خطاة
طلنا طغاة
كلنا صدام
وضمير الإنسانية قد شنق
أي شماتة تلك التي
أُتُّهم أنا - المشنوق أيضا - بها
الدم المراق هو أيضا دمي
والكلاب لا تتوقف عن اللعق
فهي من الدم العربي لا تشبعُ

Reformer1976 يقول...

عزيزتي صاحبة القهوة العالية

الورق الاصفر فيه بين السطور كلام كتيييييييييير

جبتي التايهة بجد

البوست بتاعك على فكرة في رأيي من أكتر الموضوعات اللي كتبت في موضوع إعدام صدام دقة وتدقيقا... ليس لأجل المجاملة البلوجرية المعتادة أقول هذا بل لأنك من القلائل الذين لم يغويهم الحدث الساخن الطافي على السطح وهو حدث الإعدام واستقطاعه خارج سياقه المتكامل... اللي هو الليلة على بعضيها اللي اسمها صدام حسين

من أول طفولته لحد دراسته وصعود نجمه السياسي إلخ إلخ

وهذا ما فعلتيه أنتِ
على الرغم من سخونة الحدث الأخير إلا أنك لم تعتبريه هو القصة
بل فصلا واحد فيها
ربما لا يكون فصلها النهائي
فلا يزال الستار لم يسدل بعد

لا أدعي أنني قرأت موضوعك الأخير بالكامل... لذلك فلم أعلق عليه إلى الآن ... لكنني اطلعت عليه بالأمس ووجدته وثيقة هامة وشاملة جدا... أحتاج لوقت كاف لدراستها وقراءتها بعمق وأقرأ ما بين السطور فيها

التاريخ
التاريخ
التاريخ

هو الفريضة الغائبة
والعنصر الغائب في المعادلة
فما بين الراسب الأبيض
والأبخرة السوداء
يحدث التفاعل
ولكن غياب العنصر من المعادلة
يوقف سير التفاعل
وقد تنكسر أنبوبة الاختبار
من فرط السخونة
وغليان بقية العناصر
في غياب العنصر الأساسي
لإتمام المعادلة
سياسة زائد دين
وعلى السهم تاريخ
ينتج لديكِ
ما يسمى بمصير الأمم
بيد أن أممنا جاهلة
لا تضع على السهم سوى دلتا
رمز السخونة وإشارة اللهب
مصير الأمم في المخبار يتحدد
ونحن أجهل خلق الله بالكيمياء

إذن فلندع الآخرون يرسمون مصائرنا
ولنترسب نحن في قاع المخبار
وتتصاعد من رواسبنا الأبخرة السوداء

شــهــروزة يقول...

تشكيل عقول الناس يا جرجس بالاعلام المستورد واللى كلنا بنشوفه ليل ونهار عن ان صدام كان وكان وكان
جعل الكل يغمى عنيه عن ماضى الرجل ويسير وراء القطيع الأجوف ويقول ويردد الصورة القبيحة اللى بتترسمله
من غير ما حد فيهم يكلف نفسه ويدور على ايجابيات الرجل
طيب حد بقا من اللى شمتان فى موت صدام دلوقتى وفرحان بتحرير العراق منه
يقوللى ملامح العراق دلوقتى بعد صدام اية؟
ويا ريت يتفضل ويشرحلى ايجابيات ومسالب ودرر الحكومة الحالية وما تتمتع به من ديموقراطية
ديموقراطية ونزاهة حرمت منها حتى مواطن عراقى انه يتحاكم محاكمة عادلة
اللى هو صدام نفسه

تشكيلة المذاهب والطوائف فى حكومة صدام ايام حكمه
زى ما قالت حفصة
مستحيل تلاقيها فى اى دولة عربية تانية باستثناء لبنان
دلوقتى قوللى ملامح حكومة المالكى اية؟؟؟
85% منها شيعة والباقى سنة وعلى فيض الكريم
الوزارات السيادية والحيوية واللى مفترض انها أمنية فى ايدى الشيعة
واتفرج على الشيعة والمذابح اللى عاملينها فى العراق دلوقتى

بعيداااا عن اى منحنى دينى او مغزى عقائدى
الموضوع لا ينظر اليه من هذه الزاوية
لكن ينظر اليه من منظور حقوقى
منظور المساواة
حتى لو كانت فى الظلم
فالمساواة فى الظلم عدل فى حد ذاته


النظرة الحيادية اللى بنطالب بيها يا جرجس بتقول نعدد محاسن الرجل بالتساوى مع مساوءه
مش نقول انه كان وكان وكان
والكل ينسى هو عمل اية؟
ونص بيوت مصر كانت مفتوحة منين؟؟
اللى حينكر على الرجل كدة
يبقا سامحنى فى اللفظ
يبقا واطى
أوطى من شفرة الموس على الأرض
ويستاهل انه يتحكم من واحد زى مبارك
أكبر ناكر للجميل والمعروف
حتى ناكر لجميل الشعب اللى مستحمله طول السنين دى على قلبه

ومحدش يقدر ينكر ان صدام الوحيد اللى كان فاهم معنى كلمة عروبة بكل ما تحمله الكلمة من معنى
ودة برضة زى ما حفصة اشارت
كان واضح من احتواءه لكل الجنسيات العربية تحت جناحه
وفى معاملته اللى محدش يقدر ينكرها وتفضيله لهم فى الوظائف والمعاشات
وهو أول من نادى بمجلس تعاون خليجى يا جرجس
ولما بدأوا يعملوه
عملوه على جثته

للأسف
لسة التاريخ أعور
مش بيشوف الا بعين واحدة وبس
زى العدالة نحو الشرقيين
والعين المفتحة
مفنجلة على المساوىء وبس
على الغلطات
على الهفوات
على السقطات

تاريخ أحمق

شــهــروزة يقول...

على فكرة يا جرجس
لو قريت البوست بتاعك كويس
حتحس تلقائى ويوصلك شعور بالشماتة رغم انكارك لكدة
وأعتقد ان تعليق أوسا برضة بيقول انه وصللها نفس المغزى

اكيد مكنتش تقصد الشماتة
لكن المتلقى حيوصلله الشعور دة بمنتها السهولة واليسر
من لهجتك نفسها

رغم ان حسن النية متوفر فى عندك
لكن محدش بيستقبل القراءات بالنية
بيستقبلها كما هى
يعنى لو تكرمت
ابقا خفف من حدة لهجتك شوية
مش مراعاة لشعور المسلمين
لاااء
مراعاة لشعور العرب اللى انت منهم
واللى السواد الأعظم منهم مقهور من انه عاش وشاف يوم أسود زى دة
ومحدش عارف الدور الجاى على مين

وانت عارف شهروزة لما بتقولك حاجة بتقولها لية وبنية اية

غير معرف يقول...

يا جرجس
العرب كانوا دايما فاشلين في دراسة التاريخ .. فالعرب لا يعون الدرس ابدا
العرب شعوب انفعالية هوائية
تتحرك بانفعالاتها وليس بعقلها
اصلا العرب ماعندهمش عقل جمعي
يتحركون بسياسة القطيع
--
لا انكر اني انزعجت جدا لنبأ اعدام صدام حسين .. وهالني واحزنني مشاهد اعدامه .. لاسباب انسانية بحتة
لا احد يستحق ان يعدم هكذا والكراهية تحيط به .. وكل ما كنت افكر به هو اقرباءه وبناته وهم يرون هذه المشاهد

ولذلك فضلت تنحية انفعالي جانبا بعض الشيء لافكر قليلا ..بعيدا عن الانفعال

وتذكرت ذلك المطرب الكويتي الذي اشتهر بعد ذلك في اغنية يتباكي فيها على الكويت (بيتي وبيقول بيته اللي جه يعتدي ومسجد لله بنيته بيقول ده مسجدي)

وكيف لعن صدام وسب العراقيين طوال اعوام وكيف صور على انه الوحش الطاغي الذي اذاق صنوف العذاب للعراقيين ولغيرهم في المنطقة

ثم البكاء المر عليه بعد اعدامه وبعد ان تحول الي فقيد الامة .. اذن هناك شيء غير منطقي بالمرة .....
واكتشفت ان العرب اصلا ظاهرة غير منطقية ..
لا ظاهرة غير صحية اصلا

--
اؤمن ايضا انه لا يوجد ملائكة وشياطين على الارض فقط بشر مظيج مزهل من الاثنين
كما اؤمن بشدة ان السياسة لا دين لها ولا اخلاق اصلا
وان العالم يحكمه المال وان الاقتصاد هو الاب الشرعي الحقيقي للسياسة ..اللي هي اصلا بنت حرام

غير معرف يقول...

شهروزتي حبيبتي
بس احب اوضحلك نقطة صغنتورة جدا

موضوع التدبيح اللي بيعملوه الشيعة في العراق له ابعاد لا تتخيلي تشابكها
او يمكن تتخيلي لكن احب اوضحلك
كل من السنة و الشيعة في العراق لهم جانبين
الشيعة يوجد منهم السئ و الجيد و ايضا نفس الحال بالنسبة للسنة
و الهدف؟؟؟
احداث فتنة طائفية ليس لها مثيل من قبل او من بعد
و لكن دعيني اوضح شيئا للاسف الاغلبية السنية في العراق الان يمولها و يتحكم فيها الوهابيون
طبعا انتي عارة دول خطرهم قد ايه؟؟؟؟
مش محتاجة افكرك
لذلك حقلك و عن علم لان كان ليا لوقت قريب اصدقاء عمل من العراق و انقطعت صلتهم بيا لاسباب كثيرة و ادعي ربي يكونوا بخير و سلامة


الشيعة مطحونون كما السنة بالظبط
و السنة يجري ارهابهم من سنة بشكل اسواء مما يحدث للشيعة
اي ان النتيجة هي العشب المطحون بجميع طوائفه و بين هذا و ذاك المسيحين الغير معترف بوجودهم الان و ذلك لاضافة بعد طائفي جديد للفتنة و الظلم
اي انه من جديد تنجح اللاانظمة الهمجية بيجميع اطرافها في سحق المواطنين

يا جرجس يا عزيزي
في رايك حال العراق احسن دلوقتي و لا قبل كده؟
احب اعرف وجهة نظرك

و طبعا اي حد تاني

مرة تانية و
لا عزاء للشرفاء
بالنسبة لي هذا يوم مماثل ليوم النكسة يونيو و نكبة 48
فهل من مزيد؟

غير معرف يقول...

انا لسه مقرتش التعليقات اللى مكتوبة عن صدام، لكن بالنسبة لى كانت غريبة، وافتكرتها نكتة، كنت يوم العيد الصبح، بفتح الماسنجر، فا بلغني صديق ان صدام اتعدم، انا تنحت، مدورتش ع الفيديو عشان اشوفه، ولا علي تأكيد للخبر، واختى جات البيت اول خبر صدام اتعدم، اليوم كله قطع النت من عندى، لكن انا مع صدام بحس انى لى مجموعة حكايات او كوارث، اولا انا كنت ضد اعدامه، خصوصا بأيد امريكان، او اى محتل، وكنت بتمنى كتير ان الافضل له ولنا انتحاره، لكن بما انه جبان معملهاش، انا زرت العراق سنة 1999، كنت لسه زى ما بيقولوا ورور، وعن الزيارات كان فى فعلا حكايات، اما باقي كوارثه، من ضمنها ان ابويا قضى سنة ف سجن صدام ايام احتلاله للكويت، اما الكوارث الكبري، فكانت السنتين اللى قضيتهم بره، كان شغلى فى مركز طواريء استقبال لاجئين، ومنهم كتير ضحايا صدام، فا محتاجة قاعدة طويلة تحكي مأسي، اكراد وعرب وشيعة، وسنة، وتركمان، لو طلته كان ممكن اقتله ، رغم انى ضد فكرة القتل، او الاعدام، وبصراحة انا مش متعاطفة تماما معاه لكن احساسي ان اعدامه مهزلة.
randa

Reformer1976 يقول...

عزيزتي حفصة

دعينا نقرأ التاريخ
دعينا كما قلت بلوستون
نقرأ ما بين السطور المنسية في الورق الأصفر

هو يا إما يطلع صلاح الدين ونألهه
يا إما يبقى ابن كلب وكافر وإلى جهنم وبئس المصير

أعتقد أننا جميعا نحتاج إلى الاتزان والتعقل في الحكم على الأشخاص وعلى الأشياء

لا أرى أي ضرورة للدفاع عن صدام حسين وإظهراه في صورة البطل القومي أو الديني المغوار لأنه وإن ضرب صاروخ ولا صاروخين في إسرائيل إلا أنه لم يحرر أرضا

مبارك مع السادات حرروا أرض بحرب انتصرنا فيها على إسرائيل
إلا أن كليهما طاغية وكليهما دكتاتور

السادات له ما له... فهو صانع نصر أكتوبر وهو صانع أفضل معاهدة سلام مع العدو الإسرائيلي وهو من أرجع أرضنا المحتلة بالكامل

لكنه كان دكتاتورا - كالباقين - وكان طاغية كالباقين ... واللي مش شايف كدة يراجع 5 سبتمبر 81 وعادي يعني هو اللي قمع الثورة الشعبية بتاعة يناير 77 وعادي يعني دكتاتور طبيعي جدا وعادي جدا وهو اللي بلانا بالمد الوهابي من خلال علاقته بكمال أدهم بتاع المخابرات السعودية وعدنان خاشقجي... وعادي جدا انتهى به الحال أن قتل على أيدي المارد اللي قتله... برضه عادي جدا
لا هو شيطان ولا هو ملاك

كان نفسي أطبق نفس الموضوع على مبارك كمثال آخر بس مش عارف... يمكن لأنه لسة عايش - إكلينيكيا - فمش عارف أذكر له محاسن... بس النقطة المفروض إنها وصلت

هؤلاء جميعا ليسوا آلهة
هم بشر خطاؤون
يخطئ المرء منهم فنقول أخطأ
ويصيب فنقول أصاب
وإن أجرم منهم أحد
(وجميعهم مجرمون)
فالحق والعدل يقتضيان محاكمة عادلة لأي منهم

غير كدة هتحوليهم إلى أبطال وشهداء وهم أبعد ما يكون عن كدة

ودا اللي حصل مع الفقيد الراحل صدام
ودي المصيبة

اغتياله بهذا الغباء ودون محاكمة عادلة جعله بطلا وشهيدا
وجعل أي تناول له كإنسان يخطئ ويصيب ويرتكب جرائم تستحق المحاكمة العادلة ضربا من التشفي والشماتة وهو ليس كذلك

غير معرف يقول...

لالالالالالا ترترتر، انا بقالى مدونة ايه الحلاوة دى،شكرا جدا جدا يا عم جرجس، ايدك ابوسها، شكرا يا ست هانم حفصوتشا، انا مش عارفة اشكركم ازاى؟
هتصل بيك يا فندم، لانى فعلا نفسي اشوفك،
بالنسبة للبوست جميل، امبارح عميانى كدة اديت اللنك بتاعك لصديق صحفي كان عاوز يعمل موضوع وخلاص عن اعدام صدام، انا اقترحت عليه انه يشوف صدى اعدامه ع المدونات، لان الناس مشغوله بالعيد، كمان لاهميه الحدث، وقلت ادخل ع مدونة جرجس، انا عندى احساس انه هينزل بوست، لانى انا كان نفسي اعملها لكن بما انى قاعدة على باب مدونتى مش عارفة ادخل فامعملتش، صحبي ما صدق، وبلغنى فعلا انك عامل بوست.
تانى حاجة يا حفصوتشتي انا زهقت من كل المتاجرين بفلسطين، فيا رب يولعوا، وبصراحة انا مش معاكي ان الخلطة السرية لحكومته اللى كان عاملها تخليني اتغاضي عن بلاويه مع كل طوائف وعرقيات العراق، دا عامل زى حكومتنا الواطية هنا، لما خلوا يو7 يناير اجازة، ولا فى وزير معرفش ايه مسيحي، وكمان محافظ قنا السابق، اللى ودوا دلوقتى اسكندرية ولا مش عارفة اى محافظة، بس علشان يقولوا ان كله تمام ومفيش فتنة طائفية، وان اقباط مصر عيشتهم بمبي بمبي.

اما حكاية المد الصفوى والبطيخ انا مش مهتمة بيها، ولو انه مش سبب انك تشتغل جزار،ولو انى بتفق انه كان له جمايله على المصريين والفلسطينيين، بس اكيد ان المصريين هناك مكنوش قاعدين عواطليه ومرتباتهم بتتصرف لهم، اكيد كانوا بتطلع عين ابوهم ع القرش، زيهم زى ما كانوا ف الكويت، وغيره من الخيم اللى عليها علم، انا واحدة من الناس، ابويا عاش بالعراق خمس سنين، واخوالى الاتنين كل واحد عشر سنين، لكن اكيد دا كان بتعبهم وشقاهم،
لكن اعتقد ان طالما كنت دكتاتور لابناء شعبك، فدا يمسح كل جمايلك على كل مخاليق الله باستيكة
randa

Reformer1976 يقول...

عزيزتي شهروزة من تاني

حكمك علي بأنني أتشفى في صدام والمسلمين والعرب حكم غير صحيح أعتقد أنه نابع عن انفعال مبرر بحكم جسامة الحدث الشديد السفالة ألا وهو قتل رئيس عربي (بحكم الشرعية الدولية هو الرئيس الشرعي لدولة العراق المحتلة) بيد أمريكا وعملائها الجدد في العراق

الحدث بالطبع مؤلم ومحزن
قتل إنسان دون محاكمة هو حدث بشع ود ألف باء إنسانية وألف باء عدالة

لا يمكنني أن أتشفى في مقتل صدام لأنني ضد إعدامه من دون محاكمة وضد الحكم المسبق على أي مجرم دون محاكمة عادلة

لو أن محكمة كالعدل الدولية بلاهاي كانت حاكمت صدام وبرأته لكنت سعدت جدا بالحكم

حتى إدانة صدام على جرائم قد يكون ارتكبها بالفعل صارت غير ممكنة بموته

ومن ثم فقد صار بطلا بالفعل وشهيدا
كل ما قلته في هذا السياق هو أنني حزين أنه تحول إلى بطل وشهيد
كنت أفضل أن يحاكم كمجرم حرب ويدان أو حتى يبرر

أختم حديثي بالقول الحق
أن مبرئ المذنب ومُذَنِّب البريء كلاهما مكرهة أمام الله

هذا هو إيماني
وهذه هي مشكلتي
ليست تبرئة الرجل أو تذنيبه
بل العدل
والحق
وهو ما غاب تماما عن محاكمته وعن قتله وفيما يبدو سيغيب أيضا في ما بعد موته
وسيغيب أيضا عن كتب التاريخ

أعلم أن حزنك وانفعالك هما ما جعلاكِ تتهميني بالتشفي
(والتلميح للتشفي ليس فقط في صدام بل في المسلمين جميعا)
وهذا الاتهام لا يمكنني أن أقبله
لأنه غير حقيقي
ولكنني لا ألومك على انفعالك
لأنه مبرر
فالمصيبة بالطبع كبيرة
والجرح غائر ومؤلم حقا

لك وللأمة العربية كلها الله

غير معرف يقول...

مش عارفة اقول ايه؟ بس انتى وجرجس خليتونى ابكي دلوقتى، انا فعلا حاولت ع البلوج سبوت، ومكملتش بما ان المنحوس منحوس، لان النت قطع، شكرا جدا جدا و من هنا لحد سنة قدام، هدية مقبولة يا حاج جرجس، ويا حفصوتشتى، اقولك حاجة معرفش تزعلك ولا تفرحك، انا اعز مخلوق عندى جدتى الله يرحمها، واسمها حفصة، اقري قصتها عند عمر.
حاج جرجس عاجزة عن الشكر والانحناءات، لحد ما مرة هنزل وانا بنحنى مش هعرف اطلع، لكن احب اقابل سيادتك الاسبوع دا لو عندك وقت، حفصوتشتي كان نفسي تكونى موجودة، وتشوفى و تتفرجي على لقائي التاريخي بالحاج جرجس، لانى شفته مرة واحدة لمدة خمس دقايق انتى عارفة نظام الزيارات فى زنازين مصر

انا بحب المقلوبة والومانية بتاعة اهل غزة، وكمان اموت انا فى حب المسخن،
ايه دا دهب يا قوت ايه، دا انا جالى مدونة مفروشة وجاهزة وكمان تمليك تقفيل بره
هههههههههههههههههههه
احلى هدية ف حياتى كلها، بعد الموسوعة الفلسطينية ام متين دولار،، مكتوب عليا جمايل وافضال الفلسطينية، وجرجس ههههههههههههههه
randa

ملحوظة بما انى معرفتش اعلق عندى هعلق غسيلي اقصد كلامى هنا، الظاهر انى مكتوب عليا افرش قدام باب مدوناتى ومعرفش انط من ع السور، زى اللى مجوز اتنين والاتنين مديينوا على قفاه هههههههههه

Reformer1976 يقول...

عزيزتي بلو ستون

أتمنى أن نفعل جميعا مثلك وننح في هذا الموضوع انفعالنا وحزننا ووجعنا جانبا

الكتابة الانفعالية
(عن خبرة)
بتخسر الواحد الكثير من المصداقية والكثير من الأصدقاء


التاريخ من تاني هو المفتاح

صدام أكتر واحد فهم ده
وعشان كدة دخل على المشنقة وهو مش شايف غير التاريخ
اللي هيذكر - بهطل - أنه كان شهيدا وبطلا قوميا ودينيا
ولأننا كعرب نعشق الأكاذيب والأساطير فسنصدق فقط أنه بطل وشهيد
وأنه كان وكان وكان
وسننسى كل دم بريء قد يكون مذنبا بالفعل بسفكه بشكل مباشر أو غير مباشر

هذا الرجل يقال أنه قتل ابن عمه بمسدسه الشخصي
وقتل بنفسه زوجي ابنتيه اللذين تمردا عليه... وهذين تحديدا قتلهما بعد أن أعطاهما العهد بالأمان

يعني حتى بالمقياس الشعبي يمكن أن يقال عليه باعتباره لا عهد له أنه واطي

دا طبعا إن صحت هذه الروايات
لذلك كان ينبغي أن يحاكم هذا الرجل محاكمة عادلة وأمام قضاء دولي عادل ومحايد... فإن كان مذنبا لوجبت إدانته وإن كان بريئا لوجبت تبرئته


التاريخ كان هو المفتاح والآن سيصير التاريخ هو الضحية

Reformer1976 يقول...

العزيزة راندا

إيميلي هو
reformer1976@yahoo.com

Reformer1976 يقول...

راندا

ابعتيلي إيميل عشان أبعتلك المفاتيح بتاعة زنزانتك

غير معرف يقول...

لا مش معقول يا راندا
ايه الصعب بقى انك تعلقي و تخشي مدونتك الجديدة؟؟
ابعتلي لجرجس و هو يديكي مفتاح الشقة و خلصينا بقى

ايه ده انت بتموتي في الشحططة شكلك كده
و بعدين يا ستي انا يكون ليا الشرف ان اسمي يطلع زي اسم جدتك الف رحمة و نور عليها
و ده يثبت انك فعلا صعيدية لان الاسم ده مشهور في صعيد مصر فقط
لكن انا اعلنها من هنا انا مش صعيدية بتاتا و لا ليا اي عرق
صحيح مخلطة من كل لون شوية لكن معنديش عرق صعيدي ابدا
كفاية النصايب اللي فيا
:)

غير معرف يقول...

الحمدلله مش كفاية لسطينية كمان عايزة تطلعي لى صعيدية دا انا كنت اموت نفسي.
المهم دلوقتى انا عدلت الشقة الاولنية، والتانية اشتغلت يا حلاوةةةةةةة
randa

Reformer1976 يقول...

يا راندا

بعت لك اليوزر نيم بتاعك والباسورد في إيميلك
خشي افتحي بقى

غير معرف يقول...

العزيز الحج جرجس

كل عام وانت بخير وعسى الله ان يجعل عامنا الجديد 2007 يحمل فى جنباته افضل الاشياء

بداية بمحاكمة صدام التى هى بكل المقاييس محاكمة غير عادلة منها الى توقيت تفيذ الحكم مرورا بتصوير الحدث لينشر على الملأ بهذا المنظر

كلها افعال سيذكرها التاريخ جيدا

كلمة كوفى عنان التى فعلا بقدر صدقها كانت مؤلمة
اين العراق الان من عراق صدام

اندرك ان اكبر قوة عربية فى المنطقة تلاشت بعد ان حافظ صدام على كيانها ما يقرب من 24 عاما كان ضحيته حوالى مليون عراقى شهيد فى حين فى الثلاث سنوات الاخيرة فقط مات 650 الف عراقى وصارت العراق جسد مهلهل لا نعلم مدى صموده

انا لست فى جميع الاحوال منحازة الى صدام وكنت اتمنى ان يأخذ العدل مجراه ولكن امنية العدل تلاشت تماما

وكنت اتمنى ايضا ان نرى مواقف عربية تطالب بالعدل بعد رؤية هذه المحاكمات العلنية
وكنت اتمنى ان ينفذ الحكم فى غير هذا التوقيت المهين للامة الاسلامية
وكنت اتمنى ان لا يهان رئيس جمهورية
بهذا المشهد وتصوير تأرجحة وتأرجح العدالة الدولية معه

حقا هى نهاية للطاغية لكن نهاية غريبة خرجت عن دائرة التصورات
ربما الشىء الايجابى الوحيد فيها هى السادة الرؤساء عندما يشاهدون نهاية الطاغى ترى هل يحرك هذا شيئا فى نفوسهم
ترى هل يظل الطغيان وسيلتهم

ربما اكون متفائلة بالعام الجديد واهذى بالاحلام
لكن اكثر الاختراعات كانت فى البدء احلام


تحياتى

غير معرف يقول...

الجميع شاهد ورأى ما حدث ويحدث الجميع كتب واختلفت الاراء وكلن له حقه في ابداء مشاعره..هناك من تعاطف ومن فرح بالخبر ..حتى في البيت الواحد نجد اختلاف الاراء ماذا حصل ولماذا؟؟

في نظري المحاكمة لم تكن عادلةوالحكم كان جريمة في حق الانسانية لا انا لم انسى ما فعل صدام ولكن الا نرحم الا نرأف
اوروبا كلها طلبت الرحمة لصدام..نعم هو قتل ويستحق ان يقتل على جرائمة ولكن كنت اتمنى ان يكون القضاء عادل
لماذا لانه انسان
وارحموا عزيز قوم ذل
بالنسبة لي لم احب صدام لتاريخية ولكن ايعقل كيف يقتل بهذه الطريقة وان يتتصاعد الهتافات بانه الا الجحيم ذاهب من هم ليحددو ان كان سيذهب للنار او للجنة ..لم يجعلوه يكمل الشهادة

اهذاكذا يعامل الانسان في اوطاننا
اضحك على الفصام الذي في مجتمعاتنا اتذكر البوست الذي كتبته عن الفصام نعم
هو فصام يقولون ان هناك عراق جديد بعد صدام
ومن اول ما القو القبض عليه ونحن نرى عراق دامي
يقتلون بعضهم البعض

اصدام هو الذي قتلهم ذلك الرئيس الذي كان يلوح ويصفق له
هم نفسهم من كانوا يهتفون باسمه

والفصام انهم هم من وقعوا قرار اعدامه وحاكموه وشنقوه

ااسف على هذه المرحلة التي وصل لها البشر
ليس تحيزا ولا تعاطفا لجهه على الاخرى ولكن الا يحترم الانسان قليلا


تحياتي واتمنى ان نرى ايام اجمل وارحم من هذه الايام

مصرى متغرب يقول...

عزيزى جرجس
بصراحة انا ماكنتش عايز اكتب فى الموضوع دة من كتر الاحباط الى عندى قد كدة احنا ولا حاجةقد كدة احنا اصبحنا بدون قيمة قد كدة العالم بيستهتر بينا انا عايز الفت نظرك لنقطة مهمة جدا فى الموضوع وهى نقطة التوقيت فجر اول ايام عيد الأضحى يعنى قمة الاهانة للعرب ادى ضحيتكم احنا بنضحى بصدام انتم بتدبحو بقر وغنم واحنا بندبح صدام واذا تم تشبيه رئيس دوله بهذا التشبية فالعرب جميعا بقر واغنام
عزيزى جرجس والله ان انا كمان كان عندى نفس احساس نظرية المؤامرة بس لما شوفت الشريط كامل بعنية صدقت وانا كنت من فترة كبيرة صعبان عليا صدام من منطلق ارحمو عزيز قوم ذل
وانا من خلال معرفتى القليلة بالعراقيين اجزم انة لاينفع فى حكم العراق الا واحد مثل صدام فالعراق ليس مصر فالعراق بة سنة وشيعة واكراد وعلويين و000000 واسماء لا اعرفها اذا لم يمسك الحاكم كل هؤلاء بيد من حديد فسيحدث مثلما يحدث الان
العراقيين الذين ضربوا تمثال صدام بالشباشب هم الذين هتفوا له من قبل وهم الذين هتكت اعراضهم وما زالت وما زالو يهتفون ضد صدام اما من وضعوا على الكراسى فكل همهم ملء جيوبهم من خيرات العراق نعم ملايين تهرب الى جميع دول العالم ولك الله ياعراق

اما صدام -وانا اختلف مع الكثيرين - فأنا اعتبرة بطلا نعم ففى عهدة لم يكن هناك مصرى يهان داخل العراق بل كانو يعيشون مثل اهل البلد واكم من قرى مصرية بنيت بالكامل من خير العراق وكان سبب حبه للمصريين هو عشقة لجمال عبدالناصر وحلمة بالقومية العربية الى بسببها كان بيعطى البترول للاردن ببلاش وياما دفع ملايين لفلسطين وغيرها
لو كان صدم عميل كان زمانة زى بقيت الكلاب قاعد على كرسية ولا انتم مصدقين ان امريكا هاجمت العراق علشان خاطر الكويت ؟؟؟
لو كان صدام عميل وماكانش ضاغط على رقبة امريكا بالبترول بتاعة وحاططها تحت جزمتة كان زمانة لسة على كرسية
صدام بطل نعم
اخطأ نعم
ومن منا بلا أخطاء
ايها العملاء رحل صدام والدور على بشار
وبعدة خلاص خربت

Reformer1976 يقول...

الجميلة رفيقة الفكر توتا

غريب ومرعب حال هذه الأمة
يبدو أن الرؤساء والطغاة العرب سيتمنون نهاية مجيدة كنهاية صدام فهم بجد يتطلعون إلى ما سيكتبه التاريخ عنهم

كتبت جريدة الدستور تتساءل وكأنها جابت التايهة عما إذا كان مبارك قد شاهد اغتيال صدام

وكأن الجريدة - بهطل - تبقول للرئيس إن دا مصير كل طاغية... في حين أن الجريدة فاتها أن أي رئيس عربي من الطبيعي أن يحلم ويتمنى مصيرا كمصير صدام

فهو مجرم مثلهم جميعا
ولكنه دونهم جميعا تحول في التاريخ إلى بطل وشهيد وستتناسى كتب التاريخ كلها جرائمه وفظائعه وسيحيا ما تبقى من نسله ينعمون بأرصدته الطائلة المهربة إلى بنوك سويسرا

بالطبع قرأ الرؤساء
وبالطبع يحلمون بمصير مجيد كمصير صدام البطل
عشان كدة كانت دعوتي إلى الله إنه يحرمهم من نوال موتة مجيدة كتلك التي ماتها البطل المغوار صاحب أول ضربة صاروخية في قلب إسرائيل الزعيم والقائد وملهم الأمة العربية المهيب الركن صدام حسين التكريتي

Reformer1976 يقول...

رشا الرقيقة

العدالة ماتت
والعقل العربي مات
محدش عاد يفكر في العدالة ولا بالعقل

أنا بجد باتحسر على العراق
دا المهم
وزي ما قالت توتا
المقارنة للأسف لازم تبقى بين عراق صدام وعراق ما بعد صدام

لماذ دائما يكون الاختيار لنا كعرب في أوطاننا العربية ما بين المقلاة أو النار؟

Reformer1976 يقول...

عزيزي المصري المتغرب

متفق معك إلى حد بعيد
ولكن في اعتقادي أن العراق ومصر وأي دولة أخرى من دول عالمنا العربي من المحيط لا مؤاخذة إلى الخليج لا تحتاج إلى تلك القبضة من حديد التي تشكمها وتعرف تقمع الكل فلا تقوم ثورات ولا انقلابات ويجبر الجميع على التعايش "السلمي"... في اعتقادي أن الحل هو الحرية
الحرية هي الحل
الحرية واختيار الشعب الحر هو ما يصنع الأوطان الحقيقية
العراق لم يتحرر
العراق سيق من أسر إلى أسر
من احتلال وطني إلى احتلال أجنبي

نحن في مصر تحتل أوطاننا عصابة من المرتزقة... لذلك صار خيار النضال فرض عين على كل وطني

النضال لأجل ماذا؟
لأجل الحرية
ليس النضال الفئوي لأجل سيادة وهيمنة تيار ما على الباقين
بل النضال الوطني لأجل التحرير الكامل

الحرية هي الحل
المواطنة هي المبتغى
الوطن الحر هو الغاية المنشودة

ekraammalik يقول...

الحاج جرجس
سابعث لك تعليقي بعد كم يوم لاني مريضة جدا وغير قادرة على التركيز
تحياتي

Reformer1976 يقول...

العزيزة إكرام
كل عام وأنت بألف خير
متعك الله بالصحة والعافية
تحياتنا من مصر لك ولشعبك الحبيب

Epitaph يقول...

well.. I've watched the video before uncut... saw how they "slaughtered" our dignity,, and sent the message to the Arb world.. They have victimised Saddam.. I dunno how they are not aware of that! they made him a victim and a patriot!

Despite all his deeds, and the bloodshed he caused during his bloody reign, and despite his minor stances as a true leader, the dictator is made a martyr!! yes! and see the timing of his execution, the way he did that .. the curses, and the bruises on his face after his death! he's been beaten.. the humble funeral of a tyrant! what the hell is that! I dunno, my friend GerGes!

ThE LoTuS FlOwEr يقول...

hi
u r so right .. saddam was auful
i still remember wen i waz in elementary schl adn how he trrified us

the bad thing that u.s is the ( one) who get rid of it ..

it should be ( us 0 who did it )
thnx

yasser_auf يقول...

عزيزي الحاج جرجس
تحية طيبة و بعد
أسف اني بكلمك هنا و خارج عن موضوعك و لاكن لا اعرف ايميلك الشخصي عموما و ايمائا الي ما نشرتة في صفحة فارس قديم و الخاص بالمحادثة بينكم بخصوص موضوع وحشتيني
اظن انك محظوظ حيث انة سابك تنشر المحادثة بينكم .... لانة طبق ديمقراطيتة معي بانك تتكلم و دور علي الي حيسمعك و لم ينشرها
كل دة علشان قلتلة هي لية العزيزة الغالية كل ما يتقابلوا بتعيط ... و هو رفض نشرها مع العلم انة دايما يعمل معايا كدة
بيقول عليا لساني فالت و ما يصحش ينشر الي باكتبة يعني بيطبق عليا نظريات الحزب الوطني الديمقراطي بانها ديمقارطية اتكلموا و دوروا علي الي حيسمعكوا او ينشر لكم يصح دة برضة بزمتك ...يرضيك دة ... برجاء انك بقثي تسيحلة و تفهمة ان كدة عيب و ما يصحش لازم يسمع جميع الاتراف
عموما انا كل الي قلتهولة ان البنوتة الصغنونة الرقيقة بتعيط لانها مكسوفة تقولة ابقي استحمي يا فارس قبل ما نخرج سواء بس

اخوك ياسر عوف ( الزمن الجميل....الي نزلتلة العربية البحر )

Aoossa يقول...

عارف يا جرجس
أنت سرك باتع
كنت تيجى تقولى التعليقات عندك فوق المائة تعليق
ههههههههههههه
محدش بيعدى من جنب البلوج بتاعى
تقريبآ ريحته وحشه
أو واحد عينه حلوه بص بصه مش حلوه
مش أقصدك أنت
أنا بفكر ألغى المدونه أو أقلبها كشك سجاير
بقولك تعالا شوف البوست الجديد
وهات فارس معاك عشان أسمكم مكتوب
أيه ده أربعين تعليق يا جرجس
ده انت لو قلت ريان يا فجل
كله هايجى يعلق
هههههههههههههه
فاكر
كل شويه هانط فى البلوج بتاعك وأديك عين بس جامده
مستنياك
باى بقا

Reformer1976 يقول...

الصديقة العزيزة إبيتاف

هذا الذي تسألين عنه هو الغباء الأمريكي
هذه هي الحيوانية العربية ممثلة في أولئك الجلادين العرب المسلمين الشيعة
(لأا أعلم لمذا يصر الأغلبية على وصف جريمة قتل صدام أنها تمت بأيدي أمريكية... نعم الأمر كان أمريكيا ولكن اليد كانت يد عربية مسلمة شيعية)
هذا الذي تسألين عنه هو فضيحة انحطاط الإنسانية كلها وليست كما يصر البعض أنها فقط طعنة وعار على العرب والمسلمين وحسب
إعدام متهم (غالبا مذنب) بدون محاكمة عادلة هو محض انحطاط على مستوى الجنس البشري كله
(جميعنا قتلنا صدام)
طبعا شيوع التكنولوجيا وإمكانية تصوير الشو الإعدامي (على وزن الإعلامي ومفيش فرق) وإذاعته على الهواء دا حدث تاريخي غير مسبوق

على فكرة لو واحد مذنب باغتصاب أو قتل وشفتيه لحظة إعدامه من الطبيعي جدا إنك تتعاطفي مع إنسان بيموت قتلا
فما بالك بإعدام رئيس دولة محتلة
(بحس القانون هو لا يزال رئيسها الشرعي)
وما بالك تعمد ذبحه صبيحة يوم عيد "الأضحى"... غباء في غباء

السحر انقلب على الساحر والشريط اللي عرضوه والشريط التاني اللي تعمدوا تسريبه (اللي انا عارضه عندي) تحول وأدى إلى تعاطف شعبي عربي وإسلامي غير مسبوق... لدرجة إن الكثيرين من تاني بدأوا يناقشوا فكرة تفضيل الاستبداد المحلي الصنع على الاستبداد المستورد

خلي بوش يشرب
وخلي الشيعة يشربوا
وخلي أي حد يشرب
يشرب عشان ينسى
المتهم اللي غالبا مجرم تحول إلى بطل وشهيد ودخل التاريخ من أوسع وأشرف أبوابه... وهو شرف بالطبع لم يكن ليستحقه

Reformer1976 يقول...

عزيزتي زهرة اللوتس النابتة في الكويت

ليست الأزمة الحقيقية هي بأي يد قُتِل صدام حسين

القضية الحقيقية هي العدالة... هذا الرجل متهم بجرائم ضد الإنسانية.. خير وبركة... بس المتهم يا عزيزتي بريء حتى تثبت إدانته

واللي يثبت إدانته ليس هو أنا أو إنتي أو الشيعة أو الأكراد أو الكوايتة الأعزاء

اللي يثبت إدانته لابد أن يكون هيئة قضائية عليا محايدة... ودي نجيبها منين؟
ما ينفعش أولا تكون أمريكية فأمريكا كسلطة احتلال ليست محايدة ووجودها أصلا في العراق ليس شرعيا
ولا يمكن أن تكون عراقية لأن العراق إما سنة بعثيين موالين لرئيسهم الشرعي - بحسب القانون - صدام أو شيعة وأكراد وغيره من المعارضين والكارهين للرجل بسبب اتهامات تخصه بإبادة بشرية لجماعات منهم في عهده

إذن البديل الوحيد هو محكمة دولية
يعني العالم شاطر بس يعمل محكمة دولية لقتلة الحريري نكاية في سوريا ومواليها وعند صدام العالم يبقى قطة؟

لو محكمة دولية حكمت عليه بالبراءة دا بالنسبة لي يبقى العدل ولو حكمت عليه باإعدام فيبقى برضه دا العدل

طيب صدام متهم
أي أنه بريء إلى أن تثبت إدانته
ولكنها من وجهة نظري لم تثبت
بسبب الشك في المحكمة
إذن مات بريئا
بل وشهيدا
بل وبطلا
شفتي أنا محروق دمي ليه؟؟؟؟؟

غصبن عن عين أمي وعين التخين هو بطل وشهيد وبحكم القانون الدولي والشرعية الدولية واللي مش عاجبه فينا يخبط راسه في الحيط
(وبما إنك مش عاجبك زيي تعالي ندور سوا على أقرب حيطة... بس شوفي لنا حيطة حنينة وحياتك)

Reformer1976 يقول...

صديقي اللي لسة معرفوش ياسر عوف

بص يا جميل
أنا بحبك أصلا من ساعة ما قريت الزمن الجميل ومعاك في كل اتهاماتك لحبيبي فارس... هو فعلا دكتاتور كبير وبعدين دا اضطرني أحذف حاجات من الحوار بتاعنا وأحط حاجات وأنا طبعا مقهورا عدلت على مزاجه... بس كل دا كوم والحديث عن موضوع الحموم دا كوم تاني

للأمانة البحتة الراجل ما بينزلش من بيتهم غير لما يستحمى حتى في عز البرد

الليلة دي مثلا أنا لسة كنت سهران معاه أنا ومجموعة من اصحابنا والراجل رفض وأبى واستنكر وشجب وأدان مجرد فكرة إنه ينزل قبل ما المية تيجي عشان يستحمى ويتقمع ...وبالفعل تأخر ساعتين عن الموعد فقط ليستحم ويتقمع... يا راجل دا حتى جاب القمع معاه... كله إلا الحموم

لأ فارس طول عمره بيه وابن بهوات
دا آخر البورجوازيين في البلد
(بعديك طبعا يا باشا)

وبعدين أنا لا يمكن أبيع صاحبي أبدا

(إيميلي
reformer1976@yahoo.com
ابقى ابعتلي قول لي لو هنبيع هتشتري على كام)

alnadeem يقول...

يا عالم انا تعبت من خلط الأوراق اللي بيحصل دايما في أي موضوع الناس بتتناقش فيه
الإخوه اللي بيدافعوا عن هذا المجرم اللي غار في ستين داهيه الواد مش فاهم يقوللهم ايه بصراحه
ما انتوا لوكنتوا بالصدفه كده اتولدتوا شيعه ولا أكراد وولادكم اتقتلوا بالغازات الكيماويه ما كنتوش هتقولوا كده
وبعدين يا ست شهروزه
انا نفسي أفهم
أنهي خطر شيعي بالظبط اللي صدام واجهه
أيه هو وجه خطوره الشيعه علي حضرتك وعلي الأمه العربيه؟

يا عالم يا ريت الناس بس تتخلي عن العواطف قليلا وتشغل ذاكرتها وتحكم عقلها
شكرا

Reformer1976 يقول...

الأميرة الرائعة أوووووسة

ضحكت بجد جدا جدا وانا بقرا تعليقك
آه طبعا فاكر المرة اللي قلت لك فيها الكلمتين دول
بس انتي قلبك اسود أوي ... إيه دا

آه أنا كمان دخلت نادي المئة من فترة
ومرة فعلا قلت ريان يا فجل عملت 93 تعليق... هههههههههههه

بس في المقابل بقيت مدرك إنه لو سبت مدونتي فترة أو بطلت أدون فترة هخسر كتير من جمهوري...لسة كنت باتناقش مع بعض المدونين الليلة حوالين هل نكتب لنعبر عن أنفسنا أم نكتب لكي يقرأنا الآخرون
وطبعا الإتنين مهمين وموجودين

الأميرة جات في وقت قللت من تواجدها في مدونتها... وأعتقد إن ده بيبقى له تأثير جامد... الناس بتتعلق بالكاتب (اللي هو المدون في حالتنا)
وبيبقى لهم حق عليه... ومن حق الجمهور اللي بيقروا إنهم يلاقونا متاحين ومديينهم مساحة ووقت وبنرد على تعليقاتهم

العلاقة بين الكاتب والقارئ علاقة غريبة جدا ... علاقة كعلاقة عبد الناصر بالجماهير كدة... آسر الجماهير وأسيرها... نفسي العلاقة ما تكونش كدة... بس الناس بتحب الهالة اللي حوالين ناس معينة


تفتكري يا بت يا أووسة الناس صدمت فيكي لما عرفوا إن صورة المزة أم كات اللي كنتي حاطاها قبل رمضان طلعت مش صورتك بجد؟

احتمال
بس ف كل الأحوال
إدي الناس الطرشة
اكتبي اللي جواكي واللي حاساه بصدق
وما لكيش دعوة بالباقي


أو فيه فكرة تانية

اكتبي ريـــــــان يا فجــــــــل
وهتلاقي مئات واقفين على باب مدونتك
القضية في النهاية هل ما نكتبه له قيمة أم لا... دا المقياس الوحيد لليلة بتاعة التدوين كلها

Gid-Do - جدو يقول...

حاج جرجس
تخيل لو كان فية ديمقراطية ـ بقول تخيل ـ وكان صدام حسين ترك كرسى الحكم وجلس وكتب مذكراتة ـ اعتقد انها كانت حتكون مذكرات فى منتهى الاهمية ـ تخيل برضة ـ لوكان حكم علية بالسجن مدى الحياة وبرضة كتب مذكراتة وهربها من سجنة كان حيقول اللى محدش يعرفة عن السياسين بتوع المنطقة ودور امريكا اللى محدش يعرفة لكن بكل اسف مفيش ديمقراطية علشان الرئيس السابق يكتب مذكراتة ـ واتعمل فية اللى عملة فى غيرة ـ الدكتاتورية سلاح ذو حدين

Reformer1976 يقول...

عزيزي جدو

لو كان فيه ديمقراطية مكانش بقى حال الشعوب الغلبانة دي بقى كدة

وكان زماننا بني آدمين بجد
إحنا ما حصلناش بقايا آدمية منتهية الصلاحية

لو كان فيه ديمقراطية ما كنت تحتاج احتلال عشان تزيح طاغية ولا حتى انقلاب

لو فيه ديمقراطية كانت شعوبنا حولت هؤلاء المرضى النفسيين جميعا إلى مصح عقلي وليس إلى كراسي الحكم لعقود طويلة

لو فيه شوية ديمقراطية في شعوبنا على شوية خلايا مخية غير ضامرة... يااااااه

كت هتبقى قشطة بالملبن
بس يلا
خيرها ف غيرها
حاول مرة تانيةوخليك معانا ع الخط
ونقول ألووووووو

مصرى متغرب يقول...

عزيزى جرجس
الحرية كلمة جميلة تطبيقها صعب
لاننا تعودنا اننا لانستطيع ان نمارس حريتنا بدون اساءة للاخرين فحريتنا كما نراها نخن هى ان نتمكن من الاساءة للأخرين والسخرية منهم
نحن العرب عاطفيين وانقياديين الى أبعد درجة فيكفى ان تقول مثلا ان جرجس يسخر من الاسلام ستجد مئات المهاجمين لجرجس دون أن يكون هناك من يتأكد من صحة الكلام وهكذا السنة تسمع ان واحد شيعى قال حاجة تقوم حريقة وهكذا
زى ماعندنا فى مصر مثلا ممكن خناقة بين اتنين جيران تتحول الى فتنة طائفية لمجرد ان احدهما مسلم والأخر مسيحى حتى وان كان سبب الخناقة حاجة تافهة مالهاش علاقة بالدين
مشكلتنا ان احنا مانعرفش نتحاور يعنى الى معانا كويس والى مش معانا يبقى كافر وغلط لان احنا على طول صح
مشكلتنا ان احنا ماعندناش القدرة على اقناع الأخرين برأينا بس نشتمهم لو مافهموش الى احنا مش عارفين نوصله لهم
جرجس العراق مثلها مثل كل الدول العربية اناس يتعاملون بأعصابهم وينسون عقولهم والى مكبر مشكلتهم انهم كذا طائفة يعنى مش مسلمين ومسيحين بس زى مصر لا دول اكثر من 20طائفة وفئة وللأسف علماء (ان صحت التسمية ) كل فئة لايكتفون بتحبيب المنتمين لهم بتعاليم هذة الفئة بل يقومون ايضا دون ان يطلب منهم بتكفير جميع الفئات الاخرى ولان العراقيين مثلهم مثل كل العرب
يضرب الدم فى النافوخ يقوم واحد سنى يفجر فى شيعى وشيعى يفجر فى سنى والخ

صدقنى لو حد فيهم فكر ولو لحظة هاتلاقى ان امريكا كانت محتاجة بس انها تفجر المرقد الشيعى الى كان معمول بالدهب علشان الفتنة تشتعل يعنى بس عود كبريت امريكانى واحنا جوانا الجاز والبنزين والقش

العراق لن تنفع معاه حرية ولا ديموقراطية ولن ينفع معه سوى صدام
صدام فقط

ذو النون المصري يقول...

يا عم الحاج جرجس انا عمال اقراء بقالي يومين و مش عارف صراحه اكتب ايه؟
البوست الذي انشغلت معك فيه (بوست سابق)و تحدثنا عن الاخلاق المصريه و العربيه و ما الت اليه الان فكرت كتير في كلامك هناك و بحثت ووجدت رد علي بعض النقاط فيه لكنه رد طويل جدا خرج عن موضوع الساعه الان
و موضوع اليوم عويص عاوز ايام علشان الواحد يلاقي كلام مربوط يعرف يقوله
الكلام في عقلي مفكوك من بعضه انا مرتبك بشده مش عارف الراجل ده اصله ايه بالظبط لكن انا هاعلق علي موضوع التاريخ و دراسته عندنا و كيفية استفادتنا منه
هعدي عليك مره تانيه
لان صلاة العشاء حانت الان
كل سنه و انت طيب
و لك مني خالص التحيات

شــهــروزة يقول...

alnadeem
أسفة انى جيت اعلق تانى
لكن لو انت يا سى نديم متعرفش الخطر الشيعى
يبقا حاقولك تابع الاخبار المستخبية وانت تعرف طالما بتقول انك صحفى وأبصر اية
لو صحفى حتعرف تجيب اخبارك كويس والمعلومات صح
لكن لو مش عارف بقا تبقا دى غلطتك انت
مش غلطة الست شهروزة

----
جرجس
عموما انفعالى انا حرة فيه
وحتى لو افقدنى مصداقيتى
فأنا مأعرفش ألعب على كذا حبل
هو خط واحد اللى أعرف امشى فيه
وابقا اقرا التعليق الاخير بتاعى كويس وحاول تفهم انى قلتلك ان حسن النية متوفر
الا بقااا

اذا كان كل واحد مستنى يشيل سكينة ورا ضهره للتانى

ذو النون المصري يقول...

التاريخ من تني هو المفتاح
صدام اكتر واحد فهم ده
و عشان كده دخل علي المشنقه و هو مش شليف غير التاريخ اللي هيذ كر بهطل انه كان شهيد و بطلا قوميا و دينيا
----------------------------------
الكلام السابق كلام الحاج جرجس في احد تعقيباته و انا و الله لا استبعد ابدا ان يكون صدام فعلا فكر في هذا و ان كنت لا اراه عيبا الا من حيث انه فكر في التاريخ متاخرا جدا لماذا لم يفكر في التاريخ بصوره مبكره في بداياته قبل ان يرتكب كل هذه الجرائم؟ هذا سؤال لا اجابة له عندي مع العلم اني لا استبعد هذا الراي
..................................
ناتي للمهم وهو كيف استفدنا من تاريخنا نحن العرب في الفتره الطويله الماضيه ؟
اولا :احب اسجل ملاحظه هي انني تقريبا لا اقراء في التاريخ لسبب بسيط و هو ان كتب التاريخ عندنا لا تصلح للقراءه اصلا لكثرة ما بها من اكاذيب لان كل حاكم يطتبه علي مزاجه الشخصي
مثلا لو فكر مبارك في عمل عشرين لوحه عن تاريخ مصر كاملا فسيكون نصيب التاريخ الفرعوني مثلا عشره و الاسلامي اثنتان و الحديث ثمانيه منهم واحده لعبد الناصر و اثنتان للسادات منهم واحده شركه مع مبارك و الباقي كله لمبارك و ربما تبدو صور وهناك عصور باكملها لن تاتي كاليوناني و القبطي مثلا و ستبدو صور كل العصور بالوان قاتمه لكن صور عصر مبارك كانها لسه مغسوله ببرسيل
..................................
مثل اخر :اقرا كتابين عن عبد الناصر واحد من تاليف ناصري و اخر من تاليف اخواني و حاول تكون في زهنك صوره عن عبد الناصر
اولا الناصري سيكتب عنه كانه جبريل امين الوحي عليه السلام اما الاخواني فسيكتب عنه كانه ابليس عليه لعنة الله
--------------------------------
ساوافيك مره ثانيه بعد قليل
سلام

غير معرف يقول...

ايها الناس
في الثامن عشر من يناير عام 1977
خرجت جماهير الشعب المصري بعفوية ضد مهازل النظام الفاسد الجاسم على أنفاسها
يومها خرج علينا رئيس الجمهورية السابق واطلق على انتفاضة الجياع في مصر لفظ حرامية على الانتفاضة وعلى فقراء وجياع شعبه
بعد أسبوعين من اليوم تهل علينا الذكرى الثلاثين لهذه الانتفاضة، علينا رد الاعتبار لهذا الشعب ولخروجة المقدس
ورد الاعتبار لشهداء يومي الإنتفاضة في القاهرة والإسكندرية الذي تجاوز الألفين من المصريين الفقراء

ذو النون المصري يقول...

النموذج الواضح جدا في كيفية استفادة العرب من التاريخ هو فتنة الخليفه عثمان بن عفان رضي الله عنه
كانت الفتنه كما هو معرف انتهت باغتيال الخليفه لاسباب قال من قتلوه بعد الثورة عليه انها مخالفات ارتكبها اوجبت الخروج و الثورة عليه
لماذا ثاروا ؟الجواب لمخالفات راوها في نظام الحكم
سؤال اخر ما هي الاخطاء التي يمكن ان يكون الخلفه قد ارتكبها ادت الي الازمه؟
في رايي ان الاخطاء الاساسيه كانت في نقطتين
الاولي :ان نظام الحكم في البلاد لم ينتبه الي نقطه هامه هي انه صار يحكم نصف العالم المعروف في هذا الوقت و في هذه البلاد العديد من الاديان و اللغات و الثقافات و الامبراطوريه صارت مترامية الاطراف لم يعد يصلح لها نفس دستور الحكم الذي صلح للقبائل التي شكلت الاجيال الاولي للاسلام
كان نص دستورهم الوحيد هو الشوري كاسلوب لاختيار الحاكم لكنهم لم يغيروا اي شيء اخر كتحديد مده للخلافه او تحديد نظام لخلعه اذا خالف الدستور المتفق عليه او تحديد اسلوب لحسابه و محاكمته
كل هذا كان يجب ان يحدث قبل الازمه لكن للاسف الخليفه عثمان لم يتولي قيادة اي عملية تطوير لنظام الحكم و نتج عن هذا الخلل ان ارتبكت الامبراطوريه و قتل الخليفه
الثانيه:هو ان النظام الاداري للدوله لم يتطور في جميع جوانبه لانه تطور فقط في النواحي العسكريه فالجيش شديد التنظيم و النواحي الماليه و الاجتماعيه
لكن كان يجب استحداث مناصب جديده مثل وزير الامن الداخلي لان عدم وجوده تسبب في سهولة انتقال الثائرين الي المدينه و تطويق بيت الخليفه دون مقاومه الا من اصدقاء الخليفه و محبيه لا من جهاز امن رسمي
..................................اسف لاني اطلت لكن ناتي للمهم
كيف استفاد العرب من هذا الدرس ؟
في العصر الحديث صارت فتنة عثمان مبرر كي تقوم حكومة السعوديه مثلا باصدار فتاوي تحرم التجمعات المعارضه لنظام الحكم منعا للفتنه
و ايضا ممنوع قيام الاحزاب المعارضه و تحريم صحف المعارضه
باختصار كل ما حدث من استفاده لمنع تكرار الفتنه ليس هو ان يضبط الدستور بما يحقق امكانية محاسبة الحاكم و خلعه و الثوره الشرعيه القانونيه عليه
لا !!!!!!!!!!!ان الحل عندهم هو ان لا يكون هناك معارضه من الاساس لا صحف !لا احزاب !لا مظاهرات !لا اي شيء يمكن ان يؤدي الي الفتنه
يعني بدل ما الحاكم يجي علي نفسه و ينزل شويه عن بعض سلطاته ،،،،،لا دا الشعب هو اللي يجي علي نفسه و يتنازل عن كل حقوقه
..................................
شفت كيف نستفيد من تاريخنا لكن بالمقلوب!!!!!!!!!!!!!!!!!!!!!!؟
__________________________________
بالمناسبه يا ست راندا هي الاستفاده من تاريخنا بالمقلوب له علاقه بالمقلوبه اللي بتطبخيها؟
--------------------------------------------------------------------

ذو النون المصري يقول...

بصراحه مره تانيه تاريخنا انا باعتبر لقراءه فيه لعرب تضييع وقت
لكثرة الاكاذيب التي تحتويها هذه الكتب

ذو النون المصري يقول...

عموما ربنا يستر
الظاهر اننا هنفضل نقول ربنا يستر لحد منموت احنا و عيالنا

Reformer1976 يقول...

عزيزي المصري المتغرب

بص يا سيدي... لما بقول إن الحرية هي الحل فأنا أتصور أن ما يسميه البعض (وعلى رأسهم نظام الحكم الأهطل بتاع عزبتنا) الآثار الجانبية للحرية والديمقراطية وإننا كما قال فض فوه سي أحمد بيه نظيف لسة في كي جي وان نضوج سياسي وفكري وما ينفعش ناخد الحرية جرعة البالغين لكن لازم ناخدها بالقطارة ومخففة بالبطش والدكتاتورية والقهر... أنا أتصور أن ما يتحدثون عنه هو محض هراء

شعوب أقل منا تنمية ودول أحط منا حضاريا مارست الديمقراطية والحرية بشكل كامل وعادي يعني ما جالهمش صدمة من تعاطي الحرية الكاملة ولا حصلت فوضى فظيعة مريعة ومحدثي الحرية ما عرفوش يتاطوا مع الحرية... بالعكس الحياة مشيت زي الفل والشعوب بقت قادرة تاخد قراراتها بنفسها دون وصي أو دكتاتور متسلط

مشاكل التعاطي المباشر للحرية (تذكر أن الأصل في الحياة هو الحرية) بعد أزمنة من القهر والطغيان (هذا إن سلمنا بوجود مشاكل للحرية أساسا) هذه المشاكل حلها الكزيد من الحرية... الحرية الكاملة لأي شعب في الدنيا (وشعوبنا العربية مش عجبة)
ستغير تاريخ هذه الشعوب وستجعل السياسيين والحكام يدركوا حجمهم الحقيقي كمجرد موظفين شغالين عند شعوبهم فيحترموا نفسهم ويحطوا الشعوب دي فوق راسهم وإلا الشعوب الحرة دي تحطهم تحت جزمتها

أمريكا بقى مصلحتها إننا كعرب نفضل مضحوك علينا بفكرة الحرية ليها أضرار والديمقراطية بتعض والليبرالية ضد الدين والعلمانية زندقة وكفر صريح

بالرغم من أنها تدعي كل الإيديولويات اللي فاتت لكن مصلحتها إننا نفضل عبيد مش أحرار... ونفضل مقتنعين إن الأنظمة الدكتاتورية اللي هي بتعضدها ضد الشعوب هي الحل الأمثل لينا عشان إحنا شعوب كخة وغير ناضجة وده غير حقيقي

إحنا بس شعوب مقهورة
إدينا حريتنا 24 شهر بس وتعال قيم التجربة لكن دا عمره ما حصل في تاريخنا

اللي بيقولوا القهر هو الحل الوحيد
(وانا لا أسخر على فكرة من وجهة نظرك القائلة بذلك)
أرد وأقول لهم إننا جربنا القهر ونتج عنه كل هذا الانحطاط العربي الذي نحياه

والذين يدعون أن الإسلام هو الحل
(وبعضهم يقول جربونا وكأنهم لم يجربوا بعد وهذا كذب)
أرد وأقول جربناكم في إيران واهي زفت
وجربناكم في أفغانستان واهي زفتين
وجربناكم في السعودية واهي في الحضيض الأسفل حضاريا
وجربناكم في وفي وفي ووجدنا أن تجارب حكمكم فاشلة ومريعة وقمعية وتخريبية للحضارة والحياة

الحل الوحيد الذي لم تجربه شعوبنا يا مصري يا متغرب هو الحرية
لم نتذوق طعمها من عشرات القرون
تعال بجد ندعو لتجريبها
بيقولوا عليها بتجيب نتايج حضارية هايلة


تحياتي لشخصك الكريم

(عشان نختصر الهراء والخناقات الهطلة مع الإسلامويين السياسيين نقول إن رفضنا للإسلام هو الحل هو رفض منظومة إيديولوجية سياسية وليس رفضا ولا إهانة لدين ما... خلاص؟)

Reformer1976 يقول...

عزيزي ذو النون

أنا مازلت أتطلع إلى مواصلة الحوار حول الشخصية المصرية والعربية والمنظومة الأخلاقية والقيمية التي تحكم هاتين الشخصيتين

في آخر حواراتنا كنت أنا أتساءل إذا ما كنا نحن شعوبا واطية ومن جانبي كنت أجيب على التساءل بأننا بالفعل شعوب واطية وإن كنت اليوم أعيد النظر في الأمر حيث أنني بالفعل أرى شعوبنا بقدر من التعاطف فشعوبنا مشكلتها الحقيقية هي القهر ... نحن شعوب مقهورة ومستعبدة وربما كان هذا القهر وهذاالاستعباد (بأشكاله المختلفة وعلى الأصعدة المختلفة) هو سبب ما يبدوا بالفعل على أنه وطيان

سعيد ومتطلع لمواصلة الحوار
وكما ترى كل المواضيع وكل الحوارات في الآخر منفدة على بعضيها

تحياتي

Reformer1976 يقول...

عزيزي النديم

عشان نبطل خلط أوراق محتاجين حاجتين

أولا إننا نحترم حاجة اسمها التاريخ
وحاجة تانية إن منظومة قيمنا يعاد تعريفها من جديد بدل الفراغ القيمي اللي احنا عايشينه ودا اللي خدنا فيما وصفته أنت يوما بأننا نحيا حالة من الانحطاط في كل شيء

Reformer1976 يقول...

صديقتي العزيزة شهروزة

الانفعال لا غبار عليه وخصوصا في حدث بالفعل يبدو أنه يمس مشاعر الكثيرين (وبالطبع أمريكا تعمدت هذا المساس بل والطعن باختيار يوم عيد الأضحى لذبح صدام)... أزمة الانفعال بس في أنه لما بيخرج عن السيطرة بيخلينا قريبين جدا من خسارة أناس نعتبرهم بالفعل أصدقاء لنا... آخر مرة انفعلت فيها في مدونتي هنا كدت أفقد أحد أعز أصدقائي

وأعتقد أنني من يومها بجاول ألا أعلق وألا أدون وأنا منفعلا

مرات باعمل تنفيث انفعالي بإني أتصل بصديق أبث فيه كل انفعالي وأقول له أنا هاكتب كذا وكذا وهافش غلي كله والصديق يهدي فيا أو ينتقد انفعالي... بس المهم إني في الآخر ما بكتبش اللي انا بفكر فيه وانا في خضم الانفعال

أنا شخصيا مش مستعد أخسر صديق ليا بسبب أي تدوينة أكتبها مهما كانت أهمية الموضوع

بالنسبة لموضوع ذكرك لحسن النية وتوفره لدي... يا ستس أنا بشكرك... بس كان متوافر كمان جنبه اتهام شبه صريح بالتشفي في الإسلام والمسلمين ودا طبيعي ما عرفتش أبلعه وخصوصا إنه من حضرتك

أما بالنسبة لموضوع اللعب على كل الحبال فبما إنه لم يوجه إلي منك بشكل مباشر كاتهام صريح فسأعتبر أنه غير موجه لي على الأرجح لاعتقادي بتوفر حسن النية وما حدش أحسن في نيته من حد

أما حكاية السكين اللي ورا ضهر الناس لبعضيها فأنا أشب وأدين وأستنكر إن حد يحط السكينة لاخوه ورا ضهره... إيه العبط دا؟؟
ما كدة أي حد يشوفها
أمال الجلابية عملوا لها سيالة ليه

نياهاهااااااا
(على رأي مدونة صديقة ما تعرفيهاش)

Reformer1976 يقول...

عزيزي المعزوز جدا ذو النون المصري

حديثك عن التاريخ شيق جدا جدا
وطول ما انا بقراك حاسس إني عايز أنط من ع الكرسي واقول أهوه يا اخوانا
واحد بيفهم أهوه
واحد بيقول اللي باتنطط عشان أقوله وماحدش سامعني ولا معبرني

التاريخ
التاريخ
التاريخ

سؤالك في محله جدا في موضوع ليه صدام ما فكرش في التاريخ إلا بعد ما خربها (ومعه آخرون) وقعد على دين أمها (تلها في رواية أخرى)... لا أملك جوابا لسؤالك ولكن ربما كان الدكتور العبقري أحمد عكاشة يجد تفسيرا منطقيا ونفسيا للأمر

الفتنة الكبرى دي يا ذو النون من أكتر المناطق الشائكة في تاريخنا العربي كله وللأسف لو حد فتح بقه في الموضوع دا هوب تتسن السكاكين عليه ... إما سكاكين التكفير أو الاتهام بالتشيع... ومش بعيد يتهم بإهانة القوات المسلحة على أساس إن الملف دا كمان اتقفل لتورط الكبار فيه... والمصيبة إن الملف دا بالذات متقفل عشان تورط الكبار فيه

ولنا مثال قريب في تكفير جريدة الغد والقائمين عليها لما فتحوا الملف واتكلموا على حقائق تاريخية مكتوبة في كتب التاريخ بس طايلة ناس كبار وتقال من وزن السيدة عائشة وعمرو بن العاص وغيرهم

التاريخ يا باشا في بلادنا عورة
وبالتالي لازم تغطيه من تحت الركبة لفوق السرة وإلا هتبقى فضيحة بجلاجل

عاجبنا الحال على كدة؟
يبقى خلينا نقول من هنا ليوم الدين ربنا "يستر" ... في حين لإنه أحيانا "الفضح" هو الحل كبداية للتطهر الحقيقي

كمل من فضلك الحوار والحديث عن التاريخ وعن غيره

أراؤك تثري الحوار جدا وتجعل التدوينات تكتسب بعدا وثائقيا هاما بل ولا غنى عنه

شكرا لحضورك المميز

Reformer1976 يقول...
أزال أحد مشرفي المدونة هذا التعليق.
شــهــروزة يقول...

انت غريب بجد يا جرجس
زى ما تكون بتتلذذ باتهامك انك ضد الاسلام والمسلمين مع انى مصدرش منى أى كلمة ولا تلميح عن كدة
لية أول ما قلت تشفى نط فى عقلك على طول انى باتهمك ضد المسلمين؟؟
مع انى قلت الكلام دة لمسلمين كتير
وكانوا بيستمتعوا بتشفيهم فى اللى حصل لصدام
طيب يبقوا هم ضد مين؟
دة اللى أنا مستغرباه من موقفك بجد

زى ماتكون بالفعل بتتلذذ بكدة أو بتبقا مبسوط وحد بيتهمك التهمة دى
حسستنى انى لمحت بكدة فعلا من غير ما أقصد
وراجعت كلامى كله ملقيتش فيه أى تلميح ولا حتى من بعيد لبعيد عن كدة

كل ما قصدته هو احترامك لشعورنا كعرب
أو حزانى
أو مكلومين
أو مصدومين
أو فى حالة حداد ولو على أنفسنا
بغض النظرعن ديانة أو نوع او لون


حسستنى أنى باكتشف حد جديد هنا اسمه جرجس
مكنتش شايفاه
بس جرجس القديم كان أحسن بكتير

الحبال مش موجه ليك
موجة لأى فكرة بتغنى فى القطيع علشان تعجب القطيع وتخاف انها تقول رأيها أو فكرتها الخاصة حتى لا تتعرض للنقد
زى ما بيحصللى كل مرة أعلق عند حد وأخالفه الرأى
لية ولية؟
كل اللى بيعلقوا
كويس صد برافو وماله انا معاك
ولما يظهر حد مختلف
يبقا الحبل يتلف حول رقبته احسن

مش باقولك جرجس القديم كان بيفهم بسرعة ومش بيتعبنى كدة كل شوية؟

Reformer1976 يقول...

عزيزتي شهروزة

بلاش لهجة التشفى اللى فى كلامك انت كمان يا جرجس
لانها بتجرحنا اكتر ما بتفرحنا
كفاية الهم والغم اللى احنا فيه
------
على فكرة يا جرجس
لو قريت البوست بتاعك كويس
حتحس تلقائى ويوصلك شعور بالشماتة رغم انكارك لكدة
-------

ابقا خفف من حدة لهجتك شوية
مش مراعاة لشعور المسلمين
لاااء
مراعاة لشعور العرب اللى انت منهم
==================
أنا بجد راجعت كلامك أكتر من مرة عشان أقيم ما فهمته من الكلام
أنا ما قلتش إنك اتهمتيني صراحة بالتشفي في المسلمين لكن قلت إنه كان فيه تلميح بكدة أو على الأقل دا اللي انا فهمته... والحمد لله إنه طلع سوء فهم مني... أنا فعلا الموضوع ما كانش بالنسبةلي مؤثر عاطفيا خالص على المستوى الشخصي وربما دا السبب اللي خلاني ما أعرفش أقدر زيادة (على الأقل في كتابة البوست وليس التعليقات) إن الموضوع على المستوى العاطفي واصل لحتة جامدة مع الناس كدة

حاولت أتدارك موضوع مراعاة مشاعر الناس ده بعد كدة في التعليقات وفي التعاطي حول الحدث... لكن لا أدعي أنني شعرت بما شعرتي فأنا على الرغم من انتمائي للثقافة العربية بحكم اللغة إلا أنني لا أؤمن بخرافة القومية العربية ولا بالطبع بموضوع الأمة الإسلامية اللي الإسلاميين عايزين يقيموها كإمبراطورية سياسية وليس كمجرد انتماء ديني

إيماني بالقومية المصرية وبالهوية المصرية واللي هي متسعة جدا عشان تستوعب جواها وتبلع كل الفوارق الثقافية والعرقية والدينية ولو ركزتي معايا هتكتشفي إن انتي كمان بتدوري على نفس الهوية دي
المصرية
أنا ما اعتقدش إن فيه جرجس قديم وجرجس جديد... لكن على كل بافكر جديا فيما طرحتيه في تعليقك الأخير ومين عارف

ربما يضطرني الأمر لترك التدوين كله مؤقتا لو ثبت فعلا إني ضللت الطريق في تعبيري عن ذاتي وصرت لا أعبر عنها بالحقيقة... كلامك ورأيك موضع تقدير فائق مني

ولك كل التحية

Reformer1976 يقول...

شهروزة العزيزة تاني

لو هنخلي التعليقات بس مكان نسمهع فيه المديح لأفكارنا يبقى قفل المدونات أحسن... ومن ثم رأيك كلن موضع ترحيب واحترام مني ولا يزال مهما كان مختلفا
وإن بدر مني أي هجوم على شخصك فأوضحي لي فين بالظبط لكي أعتذر

من حقك تختلفي معايا وأقدر اختلافك بل اختلافك واختلاف الآخرين هو ما يثري الحوار ويجعله حوارا بجد وليس صوت يتردد ولا يسمع إلا صداه

وبعدين هو فيه إيه؟؟
لهجتك بتقول إنك زي ما تكوني زعلانة مني وناوية تخاصميني
لا يا ستي أنا لن أنول الفرصة للعزال يشمتوا فينا... إنتي على راسي من فوق إنتي وأرائك يا ستي
وبالعند في أي عزول من إخواننا البعدا أعلنها من منبري هذا أنا وشهروزة إيد واحدة يا بهجت وعاش الهلال مع شهروزة وعاشت البطاطس مع الفراخ

فكيها بقى
وبعدين مين صدام حسين دا اللي هيخسرنا بعض
عاشت شهروزة حرة مستقلة
ويسقط الدكتاتورات اللي هيخسرونا بعض

اضحكي بقاااااااااا

Reformer1976 يقول...

شهروزة كمان مرة

تفتكري إيه اللي حصل لجرجس القديم اللي كان بيفهم بسرعة؟
الزهايمر مثلا؟
أو إنفلونزا طيور جابت أجله؟
ولا خد دور بارانويا هو التاني؟

alnadeem يقول...

العزيزه جدا شهروزه
واضح اننا مختلفين جذريا في هذا الموضوع
أولا أنا شخصيا لا أري في التشيع كمذهب أي مشكله بالأساس
الشيعه هم من الفرق الإسلاميه الأساسيه والمهمه والمؤثره في تاريخ الحضاره العربيه والإسلاميه وفي كافه مراحلها من زمن العباسيين والفاطميين
وحتي زمن حسن نصر الله أهم رمز عربي موجود علي الساحه سواء اتفقنا أو اختلفنا علي ذلك

ثانيا يا عزيزتي أن عايزك بس تبطلي العصبيه اللي بتردي بيها دي وتجاوبيني
ما هو وجه الخطر الشيعي
وخطر علي مين بالظبط
علي مصر اللي بتبعد عنها ألاف الكيلوماترات؟
والا علي الإسلام اللي هما فصيل من فصائله ؟
والا علي أنظمه الخليج العربي العميله لأمريكا؟
والنبي يا جدعان اللي عارف حاجه عن الخطر الشيعي المحيط بنا يلحقني بأي معلومه لأن واضح اني جاهل بهذا الموضوع

غير معرف يقول...

الزعيم المفدى عمر القناوي
اول مرة اشوف واحد اسمه عمر بيدافع او على الاقل موضوعي مع الشيعة!!!؟؟
هههههههههههههههههههههههههههههه

للحديث بقية

غير معرف يقول...

يا ريس عمر فضحتنى، وزعلت الناس، بجهلك اشرح وفسر، ان سيادة الاستاذ الله يكحته كان واقف زنهار ضد الخطر المهلبي، قصدي المهبلي يييييييييي الخطر لا مؤاخذة الشيعي، فا نط على ايران، وحاربها لصالح الامريكان، وكمان طخ، وحرق، ورش بالبيرسول، قصدى الكيماوى الاكراد،فى حلبجة، والانفال، وسمم مياه ابار السنة، وكل دا علشان الخطر المهلبي، والنبي سمع كتاب
الخطط الصدامية، ف النط على غيرنا لخدمة حبايبنا الامريكان
اقرا يا عمر مش ممكن كدة
randa

ekraammalik يقول...

السلام عليكم

اكتفيت بقراءة سطر او سطرين من كل تعليق وشعرت بمدى تباين الاراء .... عموما أنا ضد الرأي القائل أن صدام شهيد مهما كانت ظروف نهايته... والمشكلة الحقيقية اننا بدأنا نلصق لقب شهيد بأي كان.... يمكن المفروض اولا أن نبدأ بتحديد من هو الشهيد... تطلع علينه المذيعة لتقول انفجرت مفخخة وكانت الحصيلة كذا شهيد أو تم العثور على كذا جثة لشهداء مغدورين... وبصراحة انا اتعجب لان هؤلاء البشر يجب تعريفهم بضحايا وليس بشهداء... هناك فرق بين الضحية والشهيد....

وهنا صدام حسين لاضحية ولاشهيد ....
صدام مع شديد احترامي لكل الاراء طاغية اخذ جزاءه ومع الاسف لم يحاسب بالشكل الصحيح والمناسب على ارواح الاف الابرياء الذين ازهقها بدم بارد
لم يحاسب على تدمير اجيال كاملة في العراق لم يحاسب على تدمير العراق لم يحاسب على اعمارنا التي نحياها وكأنناأموات أو الات مسيرة لامخيرة سعيا وراء تحقيق اتفه الامور لتحقيق انسانيتنا
لم يحاسب على مستقبلنا وامانينا وهيبتنا واحترامنا لذاتنا واحترام الاخرين لنا لم يحاسب على الارض التي لوثها لم يحاسب على الزرع الذي اتلفه تطول قائمة الحساب ......
لو كان الشعب هو من حاسب صدام لاختلف الامر لحق الحق لكن من صنعه هو من اراد له الحساب هكذا ويارخص الصورة التي أظهروه فيها.....

فرحون انتم بالصورة التي ظهر عليها... مشى لحبل المشنقة برجليه ثم ماذا؟ نسيتوه عندما اخرجوه من الحفرة؟ لو كنتم تعرفون صدام لعرفتم انه انسان يحب الظهور ويستغل اي فرصة للظهور بما رأه مناسب....

تعبت سارسل لك تكملة تعليقي لاحقا

تحياتي

Aoossa يقول...

سبعين تعليق
يااااااااااااااااااه
كتيــــــــــــــــــــــــــر
فزززززززززززززززززززززززززيع
مــــــــــــــــــــــــــــــريب
هههههههههههه
هو أنت من التلاتينى عمرانيه
ده أنت هتاكل ضرب لما تشبع
أنا كنت عايشه فى شارع مستشفى الصدر
تحديدآ فى حارة أبوطيره
أيوه حاره
فيها أيه
وكلنا مسجلين خطر
تكونش ساكن عند سيد درويش
و بتدعى أنك تلاتينى
على فكره أنا كتير قفلت شارع مستشفى الصدر ده من المغرب
كنت بتخانق مع سواقين الميكروباز
شكرآ على صورتى عندك اللى أنت حاططها
على البلوج مع الجميله شهروزه
وحفصوتشا
دى لفته تستاهل عليها أنى أعفيك من دفع الجمارك للعبور من شارع ترعة الذمر للوصول للجيزه
عيد سعيد عليك
مش العيد بكره برضه
عشان أكون أول واحده تعيد عليك

ذو النون المصري يقول...

كل سنه و انت طيب و بخير يا حاج جرجس

Epitaph يقول...

كل سنة و انت طيب يا حاج جرجس
:)

Epitaph يقول...

looooooooool sorry me again... I laughed a lot at the photo on the blogs' list LOL... very thoughtful of you..:D thank you! looool well that's a very nice surprise lol!

Gid-Do - جدو يقول...

كل سنة وانت طيب ياباشحكيم دة بمناسة عيد الميلاد وان شاء الله العيد الجاى تكون محقق احلامك

alnadeem يقول...

الله يفقربك ويخرب بيتك
هموت من الضحك ع الصور والتعليقات اللي انت حاططها علي جنب في المدونه دي

عموما الحمد لله انك ما حطيتش الصوره التانيه كانت هتبقي فضيحه

كل سنه وانت طيب يا مينا
ويا رب تفضل مصر بخير وطن بتاعنا كلنا

غير معرف يقول...

كل سنة وانت طيب يا جرجس
والعائلة الكريمة بخير
ويا رب سنة سعيدة عليك قوي
وتحقق احلامك كلها

وبعدين ايه الشغل الجامد ده
ماشي يا عم
قولتلي لسا عايز تتعلم فوتوشوب
;)

Thanks a lot (F)

مصرى متغرب يقول...

عزيزى جرجس

عيد سعيد ياحاج
واعياد ميلاد مجيدة لجميع الاخوة المسيحيين

وكل سنة وانتم طيبين

yasser_auf يقول...

الاسكندرية في 7/1/2007

الاستاذ الحاج / جرجس

كل سنة و انت طيب بمناسبة عيد الميلاد اعادة الله عليك و علي اسرتك و علي احبائك جميعا مسيحين كانوا او مسلمين باليمن و الخير و البركات
و كل سنة و انتم جميعا طيبين

ذو النون المصري يقول...

هيييييييييييه اخخخخخخخخخخ
عرفت اسمك يا حاج جرجس
ابسط يا عم اسمك جه في التعليقاااااااات

ذو النون المصري يقول...

كل سنه و انت طيب انا كنت ناوي اعمل عمل شرير اليله الماضيه كنت نوي اطب علي مدونتك بالليل و انت بره و افتح الحنفيات و اغرقلك مدونتك بالميه
دعابه يعني في ليلة العيد

شــهــروزة يقول...

النهااااااردة العيــــد
كل سنة وانت طيب يا جرجووس
قال كنت فاكرة انى أول المهنئين
لقيت عندك زحمة ولا زحمة لحمة العيد بتاعنا


عيد سعيد ياد يا جرجس
مزنوقة برة مدونتك بقالى ساعتين مش عارفة ادخل هنا
المدونة بتفتح بالعافية وتقيلة أوى من الفرش الجديد اللى انت عامله

بس مبروك يا مولانااا
اية الشقاوة دى؟
هو كل ما واحد ربنا يفتحها عليه ويعرفله كلمتين هتميل
يفترى عالخلق كدة؟

فكرة مفتكسة وحلوة
بس تقلت المدونة شوية

مش ملاحظ ياد انت ان صورتى اصغر واحدة فيهم؟
مش عارف توسعها شوية كدة طول وعرض؟؟
مشكرين يا عم عالحلاوة دى

عقبال كدة شريط الاخبااااار

نيااهااهاااااااااا

zenzana يقول...

ايوة يا جماعة كملوا انتوا روحتوا فين؟
ماتقلقوش، جرجس ف السكة دلوقتى، كان بقفل منتئة تانية، وجاى حالا ف خلال ساعتين كدة، هيخلص بس ع الزمامير والبلالين وبمب العيد وجاى
ايه محدش يعنى عيد عليا، وقالي كل سنة وانتى طيبة، ولا انتوا لكم ناس ناس، حلال فيكوا الحاج جرجس.
طب بالعند كل سنة وانا طيبة، وعيد سعيد، ولو انه خلص.
يا ذو النون تعالي نعملها سوا دلوقتى، حتى جرجس لما يرجع ميعرفش يحط رجله فيها.تخيل رد فعلوه...هيرفع النظارة ويمد راسه شبرين قدام، وصوته زى اسمه ايه دا الممثل محمد عوض، ويقول ..ايه دا؟ مين المتأمر اللي عمل كدة؟..
أكيد اسلامي من اياهم ، وبعدين يهرش في راسه، ....م ممم ممم ممكن دى؟
أه وليه لا؟ ممكن يكون اللي اسمه ايه دا((طبعا بكل الاطة)
ايوه هو اللعين دا سدام ..
هههههههههههههه

سلام
randa

Reformer1976 يقول...

عزيزي النديم

لأ ما لكش حق
دارس تاريخ وكمان ما تعرفش الخطر الشيعي؟
ثكلتك أمك

تستاهل التعليق اللي علقته عليك البت حفصوتشا

عمر وبتأيد الشيعة... إخص عليك يا بو نور... دا انت كنت ناقص تسميه علي أو يمكن اسمه الحقيقي نور الإمام واحنا ما نعرفش

نياهاهاااهااا

بالمناسبة ما تيجوا نعمل دراسة مشتركة بجد في موضوع الفتنة الكبرى ومعانا الأستاذ ذو النون ونجيب الحقايق التاريخية على بلاطة وسيح سيح يا عم الحاج... إلا الخطر الشيعي دا معدي يا ابو نور؟

Reformer1976 يقول...

حفصوتشا

يقال أن عمر شيعي أساسا ومسمي نفسه عمر من باب "التقية"... بس برافو عليكي إنك فضحتيه
==============


زنزانتي الغالية

أوتجرؤين أيتها السافرة الفاسقة الزنديقة المتزندقة أن تتشدقي بالسخرية على الخطر الشيعي وتصفينه بالمهلبية والدمعة بالتقلية... ثكلتكي أمك يا بنت أبي جهل وبنت اخت أب لهب
أيا بنت خالة أبرهة الحبشي ولك الجنة يا صدام يا ابن ام صدام

Reformer1976 يقول...

العزيزة العراقية الرائعة إكرام

حقا تلخص كلماتك عمق المأساة
صدام حسين لاضحية ولاشهيد
صدام مع شديد احترامي لكل الاراء طاغية اخذ جزاءه ومع الاسف لم يحاسب بالشكل الصحيح والمناسب على ارواح الاف الابرياء الذين ازهقها بدم بارد

نعم مع الأسف لم يحاسب بالشكل الصحيح ولم يحاكم على نحو عادل ولكن مهما كان... تحويله إلى بطل وشهيد هو جريمة أخرى في حق شعب العراق الشقيق الذي يعرف أكثر منا جميعا من هو صدام وكيف كانت أيام صدام

كنت أتمنى يا عزيزتي أن يحاكم الطاغية لا أن يقتل دون محاكمة عادلة
وكان الله في عون ملايين العراقيين الذين صارت حياتهم جحيما بسبب ما جناه هذا العميل المخابراتي عليهم من أول حرب إيران إلى غزو الكويت إلى تسليم بغداد والعراق كله إلى أيدي المحتل الأمريكي ومن المقلاة إلى النار يا قلبي إحزن جدا

Reformer1976 يقول...

أسئووستي العزيزة الجميلة
لأ والتعليقات داخلة ع التسعين أهوه
هههههههههههههه
بس ما نصهم تعليقاتي
هههههههههههههه
يعني نصهم مفروض ما يتعدش

إيه المناتئ البلدي اللي انتي بتقولي عليها دي؟

ياي مستشفى الصدر؟
يااااي
إنتي بتقولي كلام مش لتيف خالص
مش الصدر دا اللي بيبقى في الفرخة من فوق وف نصه القرقوشة؟
إنتي شكلك بيئة أوي
وبتتخانقي مع سولقين الميكروباز
ياااااي
لأ أنا مش بيئة زيك خالص
أنا ساكن في شارع التلاتيني أنعم وأكرم
ومبركبش المواصلات الشعبية البيئة دي أبدا
أنا باركب توكتوك
هههههههههههه
أصل انا من يومي نزيه وابن عو زما بستخسرشي ف نفسي حاجة

مكيش حبايتين ترامادول أو قنينة كودافين لحد آخر الشهر؟

واما انتي من قاطني العمرانية سابقا إيه اللي حدفك بقى على عماد الدين؟؟؟

شكلك كدة ممثلة مرسح من بتوع مرسح الدولة والفن من أجل الفن دول

طب اتاخري كدة وسيبي لي مكان جمبك ع الرسيف أهو نخمس في شريط السردالود ده سوا... إنتي فعلا على فكرة كنتي أول من هنأ بالعيد المجيد... شكرا يا ستي ومبسوط إن عجبتك الصورة ذات اللنك بتاعتك... قمر يا اخواتشي قمر

Reformer1976 يقول...

ذو النون المصري العزيز

كل سنة وانت طيب
شكرا على التهنئة

Reformer1976 يقول...

الأمورة الصغننة إبيتاف

مبسوط إن عجبتك الصورة بتاعتك
أنا طلع عيني احد ما عرفت أجيبها
بس يلا مش خسارة في أحلى إيبي في الدنيا

كل سنة وانتي قمراية

غير معرف يقول...

قولي يا جرجس انت مش ناوي تهيس ولا ايه؟

Reformer1976 يقول...

جدو العزيز

شكرا على تهنئتك الغالية
==============

النديم تاني

تصدق برضه فكرة!! صورتك التانية ممتازة
آهوه حتى الناس تشوف النضال اللي على حق... عاشت الفانلة حرة مستقلة

نياهههااهااهههااا

Reformer1976 يقول...

رشا الجميلة السكرة

دا شوية الشغل دول عاملهم كدة ببرنامج كولاج على أدي خالص
مازلت مستني إنك تعلميني فوتو شوب طبعا
ما قلتيليش رأيك إيه في صورة بيت الأحلام بتاعك وانتي بتبصي عليه
دي الصورة اللي رسمهالك عبدالله

ربنا يحقق لك حلمك ويدي لك البيت اللي نفسك فيه

Reformer1976 يقول...

مصري متغرب

شكرا على التهنئة وعايزين نشوفك بقى
--------------

ياسر عوف الغالي صاحب الغالي

شكرا على التهنئة بالعيدين
عيد الميلاد المجيد
وعيد ميلاد فارس اللي هو مش مجيد خالص
هههههههههههههه
---------------------

ذو النون قطاع الطريق ورجل العصابات الجامد

آخر مرة يا كبير
بلاش تغرق المدونة وحياتك
دا حتى شوية الصوور الجديدة لسة حبرهم ما نشفش

آخر مرة يا كبير

هاجوزك فؤادة يا عتريس
بس بلاش تغرق المدونة

Reformer1976 يقول...

شهروزة النوزة كونوزة

صورتك صغيرة صحيح بس هي الوحيدة اللي بتتحرك... بس برضه عندك حق ... ما انا قلت لك ابعتي لي الصورة بتاعة المزة الوردي اللي بتنفخ من بقها اليونيكورن

بالنيبة لإن المدونة بقت تقيلة
أنا حاولت أخفها شوية
شوفي كدة إيه الأخبار وقوليلي

ابعتي لي بقى شريط الأخبار وخليكي جدعة
شكرا على التهنئة بالعيد

Reformer1976 يقول...

زنزانة الجميلة

بقى دي آخرة إني بنت لك زنزانة معتبرة تتلمي فيها تتفقي مع الواد ذِنُو وتغرقوا لي المدونة في جنح الظلام

ماشي يا ستي
أنا هاضطهدك على حق بقى
وبعدين عايزة الناس تعيد عليكي بتاع إيه؟
ما ترسي على بر هو انتي .... ولا ... ؟؟
مش بقول لك هاضطهدك اضطهاد عنيف زي اضطهاد الرومان للأقباط والحاكم بأمر الله برضه للأقباط واضطهاد مبارك للأقباط والمسلمين والبهائيين والملحدين والكل كليلة (ودمنة بالمرة).. عشان تعرفي إني نابي أزرق وزعلي وحش

نياهههاهههاااا

غير معرف يقول...

يا عم انت بتحتقرني ليه بس
ديه مش اول مره تسبلني

غير معرف يقول...

ولا يهمك يا جرجس من عنايا
اعلمك فوتو شوب
لما تفضى طبعا
لاني عارفه انك مشغول اليومين دول
ربنا يوفقك

وعاجبني قوي الي عاملو والبيت والصورة بجد حاجه جميلة احلى مني بكتير

:)

مرسي

غير معرف يقول...

ها يلا مين لسه معلقش؟ يلا قبل ما ييجي جرجس، زمانه جى، يلا قبل ما نقفل، فاضل انزل اجيب العيال اللى ع القهوة، يلا خليهم يكملوا ميه، والا هجيب جردل مياه حلوة ، وقول كل واحد يروح يلعب عند مدونته.
مش هرد عليك يا جرجس، أصلي مخاصماك
خدت البلالين كلها، لوحدك، مش كفاية العيديات، لا وكمان يا عم هتتعلم فوتوشوب، هههههههه الله يرحم جدك.

يلا يا ذو النون يا ترى هنعمل ايه النهاردة في المدونة دى؟
امبارح كان كام جردل مياه، ممكن النهاردة نرشها بيروسول، وننقل الزباين عندك، و عندى، وكمان عند أوسسسسسسسسسسا بما ان جرجس راح بلطج واخد الزباين من هناك.ههههههه
randa

غير معرف يقول...

بت يا راندا
يعني بقى عندك بلؤ و برضة دايرة تعلقي و انتي مجهولة و متوقعة يكون عندك معلقين ازاي يعني؟؟؟؟؟

بصي خلي التعليقات توقف على 99
عشان تكون نفس عدد اسماء الله الحسنى
هههههههههههههههههههههههههههههههههههه

يعن يمحدش يعلق ورايا
تعالي علقي عندك او عند ياو عند ذو النون

باي

Reformer1976 يقول...

عزيزي عربي

أنا آسف لسقوطك سهوا مني في ردودي على التعليقات... بالطبع الخطأ غير مقصود

يا باشا أنت على البال دايما وبعدين أنا امبارح كنت عندكوا وعلقت على موضوع منجي... وانت ومنجي إيه؟ ماهو واحد يا ريس... ومبروك التجديدات التقنية في مدونتك

بالنسبة للتهييس أنا بحاول ألاقي وقت بس مش قادر... سامحني

Reformer1976 يقول...

رشا الجميلة

مفيش حاجة ولا حد ف الدنيا أجمل وأرق منك

دا مطلق وليس نسبيا

Reformer1976 يقول...

كبيرة البلطجية المعلمة راندا اللي واخدة بشلة ف وشها

بصي بقول لك إيه
إذا كنتي بلطجية إيراط إحنا لامؤاخذة مقطعين البطاقة ولا حد يهمنا ولا سجن يلمنا

وكل واحد يروح جنب زنزانته
خلاص هنرش مية
واللي يرش مدونتي بالمية أو أي سزايل أخرى أرش زنزانته بالدم واغرقها دم

لأ دا احنا دمويين أوي
أكتر من حزب البعث

بيقول لك آخر نكتة
مصطفى بكري قال إن محامي صدام بلغه إن آخر حاجة سأل عليها قبل ما يدبحوه ع العيد كانت مصطفى بكري وعبد الباري عطوان لسة على موقفهم مني؟
فلما أجابوه بالإيجاب قال الله يرحمه إذن الأمة العربية بخير

طبعا أنا عارف نفسك تأبحي وتقولي حاجات كتير بس يلا
خدي على صدرك واكتمي
يعني جت على مصطفى بكري

Reformer1976 يقول...

العزيزة حفصوتشا

متفق معاكي فيما قلتيه للأخت صاحبة الزنزانة وقطاعة الطرق الست راندا الأبهة
(زي حنفي الأبهة كدة)
يعني عملنا لها مدونة محترمة تسليم مفتاح وبرضه دايرة في الفضاء الافتراضي حافية كدة

يرضي مين ده يا ناس

غير معرف يقول...

جرجس صورتي تجنننننن اوييييييي شكلها تحفة بجد ... عجبتني بشدة يا دكتور و لو قارنت بين الصروتين هتلاقي في شبه كبير عشان كده بحب الصورة ده زي صورتي بالضبط ... و عقبال الفوتوشوب يا فندم ما انت ماشي زي القطر و لا حد همك براحتك يعني ما انت كمان حر ... و انا التعليق رقم 104 المفروض اخد جايزة يعني بلاش التنفيض ده احنا قلنا التنفيض للناس اللي تستاهل ... مستنية هديتي بقى تبعتها بالبريد المستعجل و بلاش تنفيض ماشي ؟؟

Reformer1976 يقول...

يا ريكا يا جميلة

صورتك منورة المدونة
المهم قولي لي
رأيك إيه في الفيديو الجديد المصيبة ده؟؟؟

غير معرف يقول...

طبعا انت استفزيت فضولي بالتنبيهات و التنويهات و التحذيرات اللي في الأول و الحمد لله ان مدته قصيرة ... و طبعا الف حمد ليك يا رب ان مودي مش اتغير و الا كنت طلعته عليك ..
و زي ما اتفقنا الصورة بتتفوق على اي كلام دايما .. يعني الرسالة اللي انت قلتهالي ( هي كده يا كلاب ) هي فعلا حقيقة .. و ربنا يستر علينا منهم ( العملا و اللي مشغلينهم )و من شيطانك الصحفي يا دكتور

Reformer1976 يقول...

ريكا العزيزة

كدة الليلة ابتدت تبان لبتها كويس

الأمريكان ورطوا الشيعة وشربوهم الليلة بتاعة دبح صدام ع العيد
والشيعة ما تعرفيش إزاي بهطل شربوا المقلب... وهو دا بالظبط مربط الفرس

كل العالم الإسلامي السني دلوقت بقى بيبص للشيعة (إيران بالبلدي) على إنهم دبحوا رئيس دولة مسلم سني على عيد الضحية... ودبحوه قبل ما يكمل الشهادة ويقول محمد رسول الله... كل ده له دلالاته... والقضية كدة إشطة أوي... ضربوا النفوذ الإيراني في المنطقة في مقتل وف نفس الوقت بيدمروا شعبية حسن نصر الله قاهر إسرائيل اللي السنة كانوا متناسين إنه شيعي لمجرد إنه ضرب إسرائيل في العمق... وفي النهاي الوضع كله عدى مجرد إعدام صدام إلى أزمة حقيقية تنذر بانفجار وفوضى ومذابح بين السنة والشيعة ليس في العراق فقط
وكله عشان خاطر دين أم الشرق الأوسط الجديد... على الأقل دي قراءتي لليلة في ضوء الشريط الجديد اللي تم تسريبه واللي بيأكد إن الشيعة اللي دبحوا صدام غالبا مثلوا بجثته
كله مقصود والوضع خطير جدا

غير معرف يقول...

ليهم حق يعملوا كده يا جرجس طلما لقيين الهبل اللي يشربوها ... انت قلت الشيعة وقعوا في الخية .. بص يا جرجس انا من السنة و ليا اصحاب شيعة و عايزة اقولك اني اللي مثلوا بجثة بصدام ( و ده اللي اوسا في اول تعليق كانت خايفة يكون حصل ) دول مش شيعة او مش هما دول الشيعة و لازم يكونوا السنة فاهمين حاجة زي ده وحط تحت فاهمين ده مليون خط .. لازم الناس تفهم زي ما انا و انت اتفقنا ... واحد من زمايلي شاف شريط الاعدام معايا و هو من الشيعة لقيته بيقوللي دول جلادين و لا يمكن يكونوا بني ادمين حتى مش سنة و لا شيعة و يبقوا السنة أغبياء لو اتكلوا على الشريطين دول عشان يقتلوا في الشيعة ...
بس ارجع و اقول معلش احنا بنتبهدل عشان احنا غالبا غاويين كده .. تبقى الحاجة باينة زي الشمس و برده نعمل مش واخدين بالنا .. عايز حالنا يبقى كده و محدش يدينا على قفانا و يخرب المعبد فوق راسنا هذا ما نجنيه على أنفسنا بعندنا و تصلب رأينا اللي مش بنتشطر بيه غير على بعض .. لكن الناس تحاول تتعب نفسها و تفهم و تقرا اللي مش اتكتب و تسمع اللي مش اتقال .. لا ليه يتعبوا نفسهم .. ده شيعي يبقى حلال فيه القتل .. و طبعا الشيعة نفس الشيء لازم يردوا الصاع بصاع زيه ( بلاش صاعين لحسن يقولوا اني متحيزة و لا حاجة :) )...
اما موضوع شعبية السيد حسن نصر الله فمظنش انها هتتأثر بالمرة ... و الناس عمرها ما تناست انه شيعي على فكرة .. الناس تغاضت في الوقت ده عن خلافات السنة و الشيعة و الدروز و مسلم و مسيحي .. أنا في وقت حرب لبنان حسيت قد ايه لو الناس فهمت ممكن تعمل حاجة .. بعيدا عن مين خرج مهزوم او منتصر و مين معارض او مؤيد للسيد حسن نصر الله .. بس وقتها الناس كانت فاهمة .. و لحد دلوقتي برغم كل اللي بيتقال من جنبلاط و أتباعه عن السيد حسن نصر الله و المعارضة الا ان شعبيته مش اتهزت بالمرة ( أنا حاسة اني خرجت من اساس الموضوع و اتكلمت عن حاجة تانية .. صح ؟؟ ) ما علينا اهو كله بينفد على بعضه آجلا ام عاجل

غير معرف يقول...

بص يا جرجس
القطع اللي في رقبة صدام لازم يحصل من قوة الحبل و طرقعت فقرات عنقه
و انت دكتور و سيد مين يفهم
في ناس حاولت تقول انه تم الاعتداء عليه لكن ده مش صحيح
حتى حتلاقي عند اوسه بوست بحاله عن الموضوع
الحاجة التانية ان القطع ده ناحية الشمال اي ناحية مكان عقدة الحبل و دي نوعية احبال بتكون قوية و فتاكة جدا
حسبي الله و نعم الوكيل

بي اس:
معلش يا فندم حضرتك صحفي مخضرم و كل حاجة لكن انا برضة فتشت حكاية الطعم اللي شربوه الشيعة بدري بدري من زمان و قومت الدنيا عليه و استحثيت ناس انها عملت بوسترات ادانه
اللي عاوزه يج يياخده من عندي او يقلي
هههههههههههههههههههههههههههه

سيلامو عليكوا

abourrisha يقول...

الصديق الكريم \ الحاج جرجس

أولا: كل سنة وأنت طيب...(على فكرة 7 يناير هو يوم عيد بالنسبة لي أنا أيضا لأني تزوجت في مثل هذا اليوم منذ خمسة وعشرين سنة )

ثانيا: أرجو أن تتقبل تحياتي وشكري على كلماتك المشجعة...التي تفضلت بها عند العزيزة\ توتا في تعليقك الأخير عندها والحقيقة أنك أربكتني بعض الشئ( ولذلك تأخرت في الرد).....لأنني أردت أن أرسل لك التحية لكن خجلت من كتابتها عند العزيزة\ توتا لأنني سبق وعلقت عندها ثلاث مرات, وخشيت أن أثقل عليها وخصوصا أن ما سأكتبه لا يخصها, وخشيت أن أصبح كالضيف الثقيل الذي لا يستأذن إلا إذا رفع عليه أصحاب المكان المقشة......
وكذلك ترددت في الكتابة عندك لأن ما سيكتب ليس له علاقة بموضوع البوست .....وأخيرا قررت الكتابة عندك ...
ولعلمك أنا من فراء مدونتك من بدايتها..... لكن لم تسمح ظروفي الماضية بالتعليق.

وبالنسبة لما أكتب فسوف أتابع الكتابة إن شاء الله (طالما كان هناك قلب ينبض ونفس يتردد في صدري).

يا صديقي مصر بلد عظيم وشعبها شعب عظيم, وأنا واثق أننا سنتخطى هذه الأيام الصعبة, وأننا سوف نرقى ببلدنا للمكانة التي تستحقها.....ودليلي على ذلك أنت وتوتا والآلاف كما قلت من الشباب الواعي والناضج.

لك كل المحبة والتحية والود

Reformer1976 يقول...

ريكا وحفصا العزيزتان

القضية مش الشيعة حلوين ولا كخة
بس فيه فعلا مشكلة إن العالم السني دلوقتي شايف إن اللي "قتلوا" صدام وبهدلوه هما الشيعة... سيبك من أي حاجة تانية

طبعا عملا بقاعدة اللي في القلب في القلب... هنشوف بلاوي الوقت الجاي

ربنا يستر

Reformer1976 يقول...

أبو ريشة الجميل

قولك بأنك تتابع مدونتي ومنذ بدايتها أدهشني وأسعدني وشرفني

سرني جدا التعرف على مدونتك وتشجيعي لم يكن من فراغ وإنما عن قناعة عميقة أننا لو عرفنا التريخ وشهاداته الحية لاختلفنا كثيرا

تحياتي لك وشكرا جدا جدا لتعليقك

لكي لا ننسى دم أحمد علي مبروك