27‏/01‏/2007

في ذكرى عيد الشرطة، الشرطة تقتل مواطنا وتصيب عشرين آخرين بجروح في الجيزة

تحديث وتصويب

ذكرت في الخبر - نقلا عن جريدة الجارديان - أن القتيل أحمد حمدان يبلغ من العمر 42 سنة في حين أن الخبر الصحيح أن سنه 19 سنة

من جريدة الجارديان أنقل إليكم الخبر التالي


مقتل مواطن، وإصابة 20 آخرين بجروح في إطلاقِ نارٍ بالقاهرة

الخميس 25 يناير/كانون الثّاني 2007 9:46 مساءً

كتب عمر سنان

من الأسوشيتد بريسِ

الجيزة، مصر (أسوشيتد بريس) - إندلعَ إطلاق نار يوم الخميسَ بين الشرطةِ ومحتجّين يعارضون بناءِ برج هاتف خلوي جنوب الجيزة، وأدى إطلاق النار إلى مقتل رجل واحد وإصابة 20 آخرين بجروح بحسب ما قالته السلطات.

وكان عِدّة ألاف مِنْ سكّانِ بلدة كفر ترك - التي تقع على بعد نحو 19 ميلا جنوب مدينةِ الجيزة الملاصقة للعاصمة القاهرة - تَجمّعوا للإِحْتِجاج على محاولةَ شركة أوراسكوم للإتصالاتِ - المالكة لشركةِ موبينيل للهاتف الخلوي في مصر - لنَصْب البرجِ في المنطقةِ.

السكّان الغاضبون كَانوا خائفين من أنَّ يُسبّب تعرّضهم إلى الإشاراتِ الإلكترونيةِ مِنْ البرجِ مشاكلَ صحية.

أحمد حمدان البالغ من العمر 42 سنة، قُتِلَ بإطلاقِ النار العشوائيِ، حسب ما قالَ أحد مسؤولي الشرطة الذي اشترط عدم الإفصاح عن اسمه لأنه لَمْ يُخوّلْ للكَلام مع أجهزةَ الإعلام.

قالَ المسؤولَ بأنّ الشرطةِ أطلقتْ النار على الهواءِ على سبيل الدفاعِ. وكانت الشرطة قد استدُعِيتْ لحِماية موظفي شركةِ موبينيل.

المنطقة طُوّقتْ مساء الخميسَ مِن قِبل الشرطةِ مخافة حدوث المزيد من الإضطرابِ
===========

اقرأ أيضا عن اعتصام 2000 من قوات الأمن المركزي في المحلة بعد وفاة زميل لهم أطلق النار على نفسه بسبب سوء المعاملة... الظاهر إن المحلة دي بلد رجالة بجد... الشهر اللي فات اعتصام رجالة غزل المحلة ودلوقت اعتصام جنود الأمن المركزي... وطبعا الداخلية والعادلي مش فارق معاهم غير أمن مبارك وعيلته

هناك 8 تعليقات:

abourrisha يقول...

يا جرجس إهدى

أنا خايف عليك

إنت زي ما يكون مفيش وراك غير الناس دي

نوع شوية

يعني اكتب مرة عن الداخلية ومرة عن الصحة والدم الملوث ومرة عن التعليم ومستواه وإننا أصحاب المركز الأول على مستوى العالم في الأمية
وعن الإعلام وتلفزيون الريادة

علشان الناس دي متحسش إنك مستقصدها

دول مايعرفوش ربنا

مع دعواتي لك بالتوفيق إن شاء الله

Reformer1976 يقول...

لأ يا ابو ريشة إنت ظالمني... أنا بقالي فوق التمانية واربعين ساعة ما كتبتش عنهم... صحيح إن بين البوستين نزلت مظاهرة مخصوص عشان ننكد عليهم عيدهم بس كل دا ما يقولش إن فيه شبهة استنصاد من جهتي ناحيتهم خالص

وبعدين أصل هتعمل إيه بقى... الداخلية يبدو إنها حيطة واطية ومغرية بالنط عليها... ويا حرام مفيش ف إيدهم حاجة يعملوها وأغلب م الغلب زي الست المتطلقة كدة

يلا ربنا يستر على ولايانا

pegasuselmasry يقول...

فى العيد الكبير الناس بضحى على الخرفان

و فى عيد الشرطة البوليس بيضحى على الشعب المصرى

هى دى النظرية

تحياتى
بيجاسوس المصرى

شــهــروزة يقول...

مفرسش اللى جابونى الا فى يوم عيد البطيخ دة راح ابو بركة الكبير وجنب منه العادلى نازل جنبه من العربية بتاعته يعنى مش من العربية اللى وراه
زى ما يكون ابن المفكوكة بيطلع لنا لسانه ويفلفل لنا بايديه زى نسوان زمان ويقولنا
قاعد انا وهو على قلبكم
واخبطوا راسكم فى الهرم الكبير
المهم نازلين هم الاتنين عشان
يضع اكليلا من الزهور المروية بدماء المصريين على النصب التذكارى الجديــــــــــــد
للشرطة
وقال اية يخويا؟؟
بيرمز القوسين اللى فى الآخر فوق لتحالف قوى الشعب مع الشرطة التى تشيع الأمن والأمان فى ربوع الوطن
وتحقيق طفرة أمنية تاريخية
وحط ألفين خط تحت تاريخية دى وحياة النبى

ماهو على رأى المثل

الشعب ومؤخرات الشعب فى خدمة الشرطة

وسمعنى سلام خللى عصاية المقشة صاحية

tota يقول...

حج جرجس

شىء ايجابى ن قرية تنتفض وتعترض وتقول ما بداخلها رفضا لاى حاجة تضر بصحتهم
الشىء الغريب ان الناس لم تطالب بشىء غريب يغضب الحكومة حتى تطلق الرصاص الحى على احدهم ليموت شاب من شباب القرية لا ذنب له غير انه يخاف على اهله ونفسه
الشرطة فقدت السيطرة على نفسها واصبحت اسوء مثال
حسبى الله ونعم الوكيل
المجرم الجانى الذى يتستر على ما يحدث ويقوده بصفته الوزير ليس لديه اى احساس نحو الشعب او الانسانية من الاساس
وان الاوان ليقيل نفسه لو يملك ذرة كرامة

تحياتى

Reformer1976 يقول...

بيجاسوس المصري

طبق اليوم احتفالا بعيد الشوربة
طبق لحم آدمي محمر ومتشوح مع حلقات البصل ويقدم مع شوربة لسان مدونين ويقدم بارد وتلم وماعندوش دم والحلو مخاصي بشرية مشوية وتقدم مع منبار من أمعاء آدمية من ضحايا مذابح الشرطة

وبالسم الهاري للي يطفحوه

Reformer1976 يقول...

شهروزتي العزيزة

فاكرة لما قلت زمان قلب ورئتين ومفيش مخ؟
هو خلاص النظام كله فقد المخ والفهم
البطش بقى هو اللغة
ناس بتحدف طوب تضربهم بالرصاص؟؟؟؟
طبعا العنف ممنهج وسياسة منظمة
العادلي أساس الملك في مصر الآن

ابقي سلمي لي ع الإخوان منين ما تشوفيهم وقوليلهم إنتوا لا عندكوا دم ولا كرامة ما تقفوا وقفة رجالة عشان حتى خاطر ضحاياكم اللي اتقتلوا أو اتعذبوا ف سجون النظام... جتكوا نيلة مليتوا البلد

والنبي كمان يا شهر يا حبيبتي تفي عليهم تفة كبيرة وقوليلهم اتفو يا بتوع الدم الفاسد يا متواطئين مع هايديلينا يا كفرة يا مجرمين

(إيه علاقة الإخوان بالبوست... كل السكك منفدة على بعضيها يا قمر)ـ

Reformer1976 يقول...

توتا العزيزة

ناس اعترضت وحدفت طوب يدوا عليهم بإطلاق رصاص حي ويموتوا واحد ويصيبوا عشرين؟؟؟؟ وفي الآخر البيه الظابط النيابة موجهاله تهمة ضرب أفضى إلى موت

غالبا فضل "يضرب" فيه بالرصاص والغريب إنه ما بيموتش فـ "ضربه" تاني لحد ما خلص عليه... دي قراءة النيابة مش قراءتي... حاجة بقت مش نضيفة خالص... طبعا ما أقدرش أقول وسخة عشان عيب

لكي لا ننسى دم أحمد علي مبروك