20‏/01‏/2007

ضابط أمن الدولة أشرف صفوت يقتل مواطنا مصريا بتعذيبه حتى الموت... وها هي الأدلة



عن قضية مقتل المواطن محمد عبد القادر منذ نحو أربع سنوات في قسم شرطة حدايق القبة

على يد النقيب أشرف صفوت الذي عذب عبد القادر حتى الموت

وتمكنت الحركة من الحصول على صور تقرير الطب الشرعي الذي يثبت وقوع التعذيب حتى الموت




إلى كل مصري لا يريد أن يستيقظ يوماً على نبأ اكتشاف مقبرة جماعية لضحايا سفاحي أمن الدولة


إلى أي "رجل رشيد" وجد نفسه - بطريق الخطأ - مسئولاً في وزارة الداخلية وأجهزة النظام المباركي


إلى كل إنسان يحترم حقوق الإنسان وآدميته إلى كل من يهمه الأمر


بتاريخ 16 سبتمبر 2003 قام النقيب بمباحث أمن الدولة المدعو/ أشرف مصطفى حسين صفوت باستدعاء المواطن / محمد عبد القادر السيد - رحمه الله - وشقيقه سامح إلى قسم شرطة حدائق القبة ؛ بناء على أمر اعتقال غير قانوني , حيث تعرّض محمد عبد القادر لتعذيب بشع من المجرم المذكور أدى إلى وفاته بعد خمسة أيام من تاريخ اعتقاله , ولا يزال شقيقه سامح معتقلاً حتى الآن


رفض أهل المجني عليه تسلم جثته ولجأوا إلى جمعية المساعدة القانونية التي أبلغت النيابة , وأثبت الطب الشرعي بعد معاينة جثة الشهيد محمد عبد القادر أنه تعرض لإصابات " بكدمات محمرة وتجمع دموي بالشفاة السفلي والحلمة اليسري والرسغ الأيمن والساعد الأيمن والصدر والذراع الأيسر والفخذ الأيسر والساق اليسري (..)و انسكابات غزيرة بالرأس والبطن وهي إصابات ذات طبيعة رضية حدثت من المتصادمة بجسم أو أجسام صلبه (..) وتلك الإصابات حيوية حديثة تعاصر تاريخ الوفاة".وأكّد تقرير الطب الشرعي وجود "تقدد وتأثير حراري" في الثدي الأيمن والأيسر والقضيب يشبه التأثير الناتج عن الصعق بسلك كهربائي , حيث تعرض لهذه الإصابات قبل ساعات من وفاته


خلال متابعة القضية واجه محامو جمعية المساعدة القانونية صعوبات كبيرة تمثلّت في منعهم من الاطلاع على النسخ الكاملة للتحقيقات - بالمخالفة لقانون الإجراءات الجنائية - وامتناع وزارة الداخلية عن تنفيذ عدد من قرارات ضبط وإحضار الضابط المتهم , وفوجيء المحامون في جلسة 4 نوفمبر 2006 بقيام أهل المجني عليه بإلغاء التوكيلات القانونية وتنازل الأسرة عن الإدعاء بالحق المدني ضد الضابط ؛ بعد تعرضهم لضغوط ومساومات مفادها : الإفراج عن ابنهم الحي مقابل التنازل عن حق ابنهم الميت !!ـ


وهاهو جلاد وقاتل آخر يوشك أن يفلت من العقاب ؛ ليعيث قتلاً وتنكيلاً وصعقاً في المزيد من المواطنين المصريين داخل سلخانات أمن الدولة ومجازرها البشرية, وليتأكد يوماً بعد يوم أن النظام المباركي يرعى الجلادين ويغطي على جرائمهم ويمنحهم الحماية بما يشجع زملاءهم على انتهاك الناس واتباع سياسة التعذيب الممنهج


الفرصة الأخيرة للحفاظ على حق الشهيد محمد عبد القادر - وحق المجتمع - وحق بناته الثلاث , هي تدخل النائب العام المستشار عبد المجيد محمود ,و الوصي على مصالح البنات القصّر رئيس نيابة الأسرة للولاية على المال - حدائق القبة - باتجاه استمرار الدعوى ضد المجرم والإفراج الفوري عن سامح شقيق الشهيد , حيث تنعقد جلسة المحاكمة التالية في الثالث من فبراير القادم


إننا نحمّل كافة الجهات المسئولة ومنظمات المجتمع المدني - والمجتمع المصري بكامله - المسئولية القانونية والأخلاقية الكاملة المترتبة على الآثار الخطيرة الناتجة عن انعدام العدالة وضياع الحقوق وفشل الطرق الشرعية والنظام القضائي المصري في معاقبة المجرمين من ضباط الشرطة , وإذ نضع هذه الجهات أمام مسئوليتها نعرض للرأي العام من واقع التقارير الأصلية للطب الشرعي صور الإصابات التي لحقت بجسد الشهيد محمد عبد القادر وأدّت إلى مقتله تحت التعذيب



تحذير:الصور قد تكون صادمة جدا للبعض وغير مناسبة للأطفال لذلك وضعناها في ملف منفصل هنا






من موقع الحركة المصرية لأجل التغيير كفاية
ولقراءة تغطية شاملة أيضا لنفس القضية باللغة الإنجليزية
اذهب إلى موقع عرباوي
شكرا للزميل محمد الشرقاوي صاحب مدونة كتابات

هناك 28 تعليقًا:

ذو النون المصري يقول...

نحن لازلنا نتحاور و نتجادل في قضية عماد الكبير و قبل منوصل لاي حل و كيف سنقوم بدعمه تكون المفاجاه هي مصيبه اكبر مش عرض مهتوك هذه المره و انما روح بحالها
نروح فين؟.نسيب البلد و نهاجر !!!!؟نموت كما ماتوا فداءا لمبارك حبيبنا.....اععع؟
مش عارف صراحه انا نفسي افوق من الغم دا كله
هل الجا للمخدرات كي لا افيق؟
من غم لغم
ايه حكاية البلد؟

zenzana يقول...

ذو النون يا حبيبي انت لسه بتشاور عقلك؟
يلا يا بابا اتكل اذا كنت فاكر ان القضية دى مفاجأة؟
دا السيناريو اليومي

Reformer1976 يقول...

المصيبة اللي بجد يا جماعة هي في الصفقة اللي الداخلية عملاها مع عيلته... نديكوا الصغير وتضحوا بدم الكبير!!! وبالتالي الكلب أشرف صفوت بالطريقة دي ممكن يفلت من العقاب لأن أسرة الشهيد اللي مات اتنازلت عن القضية

zenzana يقول...

كما هو الحال دايما في معظم قضايا التعذيب

واحد للتعذيب والتاني للتفاوض

صفصف لادي يقول...

عزيزي جرجس
اهمد شوية
انا مش ملاحقة اطلع من حالة اكتئاب تقوم فاقعني اللي بعديها
من محمدعمارة لعماد الكبير للشهيد عبدالقادر يا قلبي لا تحزن

انا بجد مكتئبة و منهارة
يتقتل ليه المسكين ده و امتى حيتوقف الكلام ده كله

طيب صحيح انا مش في البلد حاليا لكن لو حبيت اجي اعيش لاي سبب
ازاي اامن على نفسي و على عيلتي

حسبي الله و نعم الوكيل فيكي يا بلد
حسبي الله و نعم الوكيل فيك يا اللي عملت كده في البلد

اللهم اني لا اسالك رد القضاء و لكني اسالك اللطف بينا كلنا قبل ما نتجنن

جواز عتريس من فؤاده لازم يتوقف خلاص
كفايية حرام بقى

lastknight يقول...

جميل .. فعلا جميل .. الرجاله اللى تابعوا عماد الكبير ابتدوا يشجعوا ناس تانيه تدخل على الخط لمواجهة جرائم الشرطه .. عظيم .. المهم بقى أن كفايه أو غيرها يبين أماره و يتابع صح بدون صفقات لحد مايوصلوا لنتيجه حقيقيه زى اللى وصلها الرجاله اصحاب قضية عماد الكبير ..
أحتمال أكون أصبت مؤخرا بالبارانويا .. لكن بعد وقوع كفايه تماما فى قبضة اليسار و الناصريين .. و خروج الليبرالين و الأخوان منها .. مش عارف ليه الفار بيلعب فى عبى .. على كل حال القضيه عامه .. و لو فيه حاجه نقدر نساعد فيها غير مظاهرات بترفع صور عبد الناصر .. بلغنى

kaed يقول...

و اللة يابنىالواحد خلاص فاض بية و كل يوم بيعدى أسود من التانى وحكاية التعذيب دى مزودة السواد اللى الواحد فية ... إنت إعمل اللى عليك و إفضح و لاد النجسة دول وسيب الباقى على ربنا

Reformer1976 يقول...

العزيزة حفصوتشا

الاكتئاب يبدو أنه صار فرض عين على كل بني آدم عنده دم

ربنا يسترها

Reformer1976 يقول...

عزيزي فارس

البارانويا يبدو أنها صارت فرض "كفاية" على كل مؤمن بوطنية السادات العظيم ويلعن سنسفيل عبد الناصر في كل صباح ومساء بس الحمد لله الطب اتقدم كتير... ودلوقت ممكن تتعالج بقرصين تلاتة موضوعية كل يوم وتشرب وراهم شربة عدم انحياز وتتغطى ببطانيتين حياد عشان تعرق والحمى تروح

Reformer1976 يقول...

عزيزي قائد

فضحهم واجب علينا كلنا... أتمنى إنك تشارك وتنشر أخبار التعذيب على مدونتك وتوقع على المناشدة اللي اللنك بتاعها محطوط في التدوينة

ذو النون المصري يقول...

انا بدات اؤمن بضرورة الكفاح المسلح ضد هذه الفئه من الناس!!!
لماذا لا يكون هناك خلايا سريه تقوم بعملية القصاص منهم طالما لا توجد حكومه او بالاحري طالما الحكومه معهم و تحميهم!!!؟نحن في حاجه للخروج من غرف النت الي عمل تنظيمي كالاخوان او الجيش الاحمر مثلا
انا اشرت اكثر من مره في اماكن متفرقه لضرورة التنظيم بدلا من العمل الفردي لان العمل الفردي في المقاومه قليل الجدوي

Reformer1976 يقول...

الحل عزيزي ذو النون ليس في الكفاح المسلح

الحل هو الحرية

الجميع يخيروننا بين خيار الاستبداد السياسي الحالي ةالاستبداد الديني المحتمل

بينما البديل الحقيقي هو الحرية... رغبة الشعب في التحرر هي العنصر الغائب عزيزي ذو النون

الشعب عاجباه وساخة الإخوان المسلمين اللي بيدافعوا عن هاني سرور بتاع الدم الفاسد... خلاص خلي الشعب يشرب... مش الشعب دا اللي اختار يدخل الإخوان شريكا في السلطة؟ الشعب اللي بيتريق علينا واحنا بنتظاهر في الشوارع عشان رغيف الخبز... مش هما دول اللي احنا يننزل الشارع وننبح أصواتنا عشانهم وفي الآخر شايفيننا ناس هبلة... خليهم يشربوا

yasser_auf يقول...

لا تعليق سوا حسبي الله و نعم الوكيل
فيك و ففارس جبتولنا اكتئاب نفسي علي رايء حفصة

عموما بمعدل خروج مثل هذة المواضيع من ارشيفات افكار و ادراج من خفوها و تسللها للناس و ابتدا نشرها

هي بداية سقوط حكومات الديكتاتورين
علي مستوي العالم كلما ذات الطغاة في طغيانهم و كلما ظهرت عيوب و عنف و اجرام و اثار الايدي الحديدية لهؤلاء فهذا معناه بداية الهاوية و السقوط و ضعفهم هم كحكام لانة فقد سيطرتة و قبضتة من علي من هم تحت ايدية و بالتالي فقد سيطرتة علي الناس كمان ...

صفصف لادي يقول...

عزيزي جرجس
اسمحلي
لكن مش معنى ان فارس خايف من وقوع كفاية في قبضة الناصرين يعني هو قصده انها لازم تكون ساداتية
اولا مافيش حاجة اسمها ساداتيين مساواة بالناصريين و ده لاسباب كتيرة يطول شرحها دلوقتي
ثانيا حركة كفاية كانت في الاول قايمة لجميع طوائف الشعب مهما كانت توجهاتها او ميولها
دلوقتي تحولت الى حركة اغلبها ناصريين و عايزين يحولوها لمكان تاني ليهم و اذا كلامي مش عاجبك لا انا ولا فارس روح اسال وائل عباس لانه اشار للموضوع ده من فترة طويلة
الفكرة ان كفاية تفضل من دون اي توجه لاي رئيس مصري سابق او حتى لاحق
المفروض كفاية تفضل للناس و بس و ميستولاش عليها اي طرف او تيار
بس هي دي الحكاية

lastknight يقول...

جرجس .. اعتبر ان ردك على تعليقى استخفاف فى غير محله بالفكره , و كلام غير موضوعى فى محل الجديه .. و أعتقد أن الأمتناع عن التعليق عندك هو الرد المناسب

tota يقول...

الحج جرجس
قرأت البوست عند شرقاوى من يومين
وبالطبع هو نتأ للجرح الحى الذى لم يلتئم بعد ويبدو ان كتاب التعذيب بدأت صفحاته تنشر ورقة تلو اخرى مكتوبة بأهات وانات وآلام المعذبين او زويهم

الحق ان الموضوع قاسى وزد عليه الصور التى نشرت لتدعم الحدث فما زادته الا قسوة
لكن يا ترى سبب الوفاه هبوط فى الدورة الدموية ام ماذاكان السبب المعلن وقتها

اعتقد سنحتاج وقفات كثيرة فى المرحلة القادمة ودعم من جميع الجهات لان المواجهة مع جهة المفروض انها الحامى الا انها الجلاد الذى يأن الشعب من تأثير سياطه
لا املك غير ان اقول حسبى الله ونعم الوكيل والغضب يملئنى ولا اعرف كيف والا متى

Reformer1976 يقول...

ياسر عوف

يسمع من بقك ربنا وتكون دي بجد إرهاصات سقوط حكم الدكتاتور

وما تكونش مقدمات لمرحلة جديدة من الاستبداد

Reformer1976 يقول...

حفصوتشا

ما تقولينه هو على قدر كبير جدا من الدقة... الحركة تمر الآن بمنعطف مرعب مثلها مثل أي شيء آخر في هذا البلد... وكلام فارس على الرغم من تأثره بفكرة مسبقة وهي الهجوم على كل ما هو ناصري إلا أنه حقيقي وواقعي في أبعاد كثيرة منه... على سبيل المثال في مظاهرة يوم الخميس الماضي لمواجهة غلاء الأسعار رفع المتظاهرون صور عبد الناصر باعتباره رمز الكرامة وهو نوع من الهطل ليس فقط لأن الموضوع بتاع المظاهرة بعيد عن هذا الهطل لكن عبد الناصر هو رمز هتك الكرامة في السجون في حقبة الخمسينات والستينات وهتك الكرامة العربية في نكسة 67 وغيره وغيره

أستغرب جدا من أولئك المطالبين بعودة عبد الناصر ليرد لهم كرامتهم... ما هذا الهطل؟ إننا نطالب بحرية لم يصنعها لهذا الوطن لا عبد الناصر ولا السادات ولا مبارك بالطبع إننا نطالب بمستقبل مختلف عن كل قرف الماضي

Reformer1976 يقول...

عزيزي فارس

هو الواحد ما يعرفش يهزر معاك خالص يا أخي؟؟
خلاص آسفين يا سيدي

خد الكلام الجد
عندك حق في طرحك بتاع سيطرة اليسار والناصريين على كفاية وهو ما تجلى في المظاهرة الأخيرة اللي كانوار رافعين فيها صور عبد الناصر "رمز الكرامة" وهو شيء محزن إن الناس مخلصة لأيديولوجيتها أكتر من إخلاصها للوطن بجد!! ودي الكارثة... كمال أبو عيطة كان واقف يهتف يا عم فارس نفس الهتافات اللي هو نفسه كان بيهتفها من 30 سنة في انتفاضة الخبز... كان ناقص بس يقول مرعي بيه يا مرعي بيه

بس أنا برضه مش عايز أحكامنا المسبقة - برغم صحتها النسبية - تخلينا نفقد موضوعيتنا في التعاطي مع الجهود الجادة اللي بتحصل زي موضوع فضح التعذيب وغيره... مين عارف يمكن التقليديين بدأوا بالفعل يشوفوا التحرك بتاع القوى المستقلة وبيحاولوا يلحقوا بالركب بتاع القوة الجديدة ويمكن مزايدة على قضية كسبانة... وماله؟ حتى لو كدة بس القضية في ذاتها وهي قضية التعذيب وفضحه هي قضية شريفة وتستحق

سمعت أيضا أن الإخوان هم التانيين أخيرا فاقوا وبدأوا يفتحوا فتح ملفات التعذيب... ما هو أصل دا الموضة اليومين دول... بس وماله برضه... خير... حتى وإن كانت الدوافع هبلة وفيها تزيد بس القضية حقة وشريفة يبقى برضه هندعمهم في وقفتهم

وبعدين يا ريس إحنا ما نقدرش على زعلك أبدا... خليك فريش إحنا ف رحلة

(وما حدش عارف هتخلص إمتى)

Reformer1976 يقول...

توتا

سبب الوفاة كما أتى في تقرير الطب الشرعي هو كالآتي:ـ

تبين وجود حرق بحلمة الثدى اليمنى واليسرى والشفة السفلى والقضيب " العضو الذكرى " وهى ذات طبيعة حرارية حدثت على الأرجح من ملامستها لمصدر تيار كهربى بسلك كهربى. (وأن الوفاة فى وقت معاصر لهذه الإصابات فى خلال 8 ساعات سابقة على حدوث الوفاة) وأن التعرض لهذا المصدر الحرارى كان سببا فى هبوط حاد فى الدورة الدموية للمجنى عليه مما نتج عنه الوفاة. كذلك أكد التقرير أنه لم تكن به ثمة أصابات مرضية.

يعني بالبلدي الصعق الكهربائي هو ما أدى إلى توقف القلب والدورة الدموية والوفاة

أتفق معكِ في أهمية تضافر الجهود بتاعة المجتمع المدني... بس القضية الحقيقية هي أن وزارة الداخلية رفضت الامتثال إلى النيابة العامة وقتها بتسليم ضابط أمن الدولة المجرم

عشان كدة أهمية فتح القضايا دلوقت ورا بعضيها هو في فضح وزارة التعذيب أمام الرأي العام وأمام السيد الرئيس المُغيب عن الواقع بحكم السن وبحكم التقارير المضروبة وبحكم انشغاله عن الشأن الداخلي بكيفية تمرير الحكم بنجاح للمحروس ابنه

الليلة على بعضيها في غاية الأهمية والخطورة

zenzana يقول...

يا عم فارس ارحموا من في الارض يرحمكم من في السماء.

karakib يقول...

شيء مقرف جدا

Reformer1976 يقول...

العزيز كراكيب

هكذا للأسف هو واقعنا في هذه العزبة... شيء في غاية القرف

عندك حق

Aoossa يقول...

قمت بالتوقيع من أجل القبض على هذا المجرم الأثم
وبكل أسف وجدت أن التوقيعات عددها أربع وثمانون فقط
الناس بتكسل أنها توقع
وبتكسل تتظاهر
وبتكسل تعترض
وأعتقد أنها توقيعات المدونين فقط
خساره يا مصر

Aoossa يقول...

على فكره مدونة زنزانه مش بتفتح

whyme يقول...

الكرامه اذا انتهكت ولدت ولوداً مشوهين لا يعرفون الا معنى واحد فقط وهو الانتقام و حتماً ستأتى ساعه الانتقام
فان الله لا يغفل ولا ينام

الانتقام لكل من ساعد ودلس و و ابتز هذه الاسره الضعيفه و انتهك هذا الابن الضحيه
تحياتى
واحد قلبه و لسانه عجز عن الحياه عند رؤيه تلك الصور

Reformer1976 يقول...

الأميرة أوووسة

شكرا على ملاحظتك الذكية... حتى الذهاب إلى لنك واحد وتسجيل شوية بيانات مكسلين نعمله وعايزين نحرر مصر

التدوينة بتاعت الشهيد عبد القادر دي مفروض إن عدد اللي نشروها كبير جدا نقلا عن كفاية وعرباوي وشرقاوي... وبالرغم من كدة كل الأسماء اللي زادت في المناشدة ما تزيدش عن عدد المدونين اللي نشروا مش بس اللي قروا... أنا ساعة ما نشرت كان عدد الموقعين حاجة وستين

مش حاجة تكسف يا أوختشي؟؟؟؟

Reformer1976 يقول...

عزيزي المهندس واي مي

فكرة انتهاك الكرامة المصرية أصبحت من أبجديات السياسة التي ينتهجها نظام مبارك

والتعذيب في رأيي هو سياسة ممنهجة ويتم تعليمه للطلبة في أكاديمية الشرطة

وشوف الفيديو ده عشان تعرف

http://www.youtube.com/watch?v=r3DeesXDmME

لكي لا ننسى دم أحمد علي مبروك