22‏/01‏/2007

افرح يا هرتزل في قبرك... مبارك سيجعل رئيس الموساد رئيسا لمصر

على مسئولية الجزيرة. نت

وعادل حمودة



التعديلات الدستورية الجديدة يمكن بمقتضاها أن يصير رئيس الموساد رئيسا لمصر!!ـ


على قد ما الخبر دا عبثي جدا وهزلي جدا إلا أنه يوضح العقلية التشريعية العبثية التي تسيطر على مطبخ صنع القرار التشريعي فيما يخص التعديلات الدستورية المباركية الأخيرة


رئيس الموساد رئيسا لمصر!
محمود جمعة-القاهرة
اهتمت الصحف المصرية الصادرة اليوم الاثنين بعدد من الموضوعات من أهمها التعديلات الدستورية الأخيرة التي يمكن أن تسمح لرئيس الموساد الإسرائيلي أن يكون رئيسا لمصر, والإستراتيجية الأميركية الجديدة في العراق, والعلاقة المتأزمة بين النظام والإخوان المسلمين، وموضوعات أخرى متنوعة.

بنص الدستور
"لا يشترط الدستور جنسية لرئيس الجمهورية وهو ما يتيح لأميركيين وإسرائيليين وأستراليين يحملون الجنسية المصرية ترشيح أنفسهم لمنصب رئيس الجمهورية "حمودة/ الفجرصحيفة الفجر الأسبوعية المستقلة نشرت مقالا للكاتب عادل حمودة يبدي فيه عددا من الملاحظات حول التعديلات الدستورية، مؤكدا أن الدستور لم يمنع مزدوجي الجنسية من ترشيح أنفسهم للرئاسة ولا يشترط تأدية الخدمة العسكرية.

ويصف حمودة التعديلات الدستورية ساخرا بأنها منزوعة الدسم وخالية من الفيتامينات اللازمة للتحول الليبرالي الذي وعد به الرئيس مبارك، وعرض الكاتب مجموعة من مواد الدستور التي بمقتضاها يمكن أن يصبح رئيس الموساد الإسرائيلي رئيسا لمصر ومنها أن الدستور لا يحدد ديانة الرئيس في الوقت الذي ينص على أن الإسلام دين الدولة.

ولا يحدد الدستور أيضا "جنس الرئيس.. رجلا أم امرأة؟ وهو ما يعني أن المرأة يمكن أن ترشح نفسها للرئاسة. لكن وجود الشريعة الإسلامية كمصدر رئيسي للتشريع يحول دون ذلك".

ولا يشترط الدستور جنسية لرئيس الجمهورية فليس فيه نص يمنع مزدوجي الجنسية من ترشيح أنفسهم للرئاسة، وهو أمر شديد الخطورة -كما وصفه حمودة- حيث يتيح لأميركيين وإسرائيليين وأستراليين يحملون الجنسية المصرية ترشيح أنفسهم لمنصب رئيس الجمهورية و"لن يعتد بقوانين تمنع ذلك فالدستور أبو القوانين.. ولا يجوز مخالفته".

وأنا أقول أنه ربما تتحقق بحسب هذا الدستور رغبة سي الأستاذ مهدي عاكف في أن يحكمنا يوما أي عربجي من أي داهية طالما كان يتبع دولة الخلافة الوهمية اللي في دماغه... آدي التعديل الدستوري وآدي دماغ المشرعين في بلادنا... يا مهلبية يا




هل من الممكن أني يأتي اليوم الذي يحكمنا فيه إسرائيلي؟؟؟؟؟؟

هناك 38 تعليقًا:

zenzana يقول...

طب ومالهم الاسرائيليين؟ انت عنصري ليه يا دكتور؟ دول ولاد عمنا، خلي زيتنا يبقي ف دقيقنا، وبما انهم بخلا خلينا نجيب الزيت من عندنا كمان، ان شاالله ما حد حوش
بس انا كانت امنيتي ان اللى يحكمنا يبقي هندى وعنده فيل بمبي بخمس زلاليم عشان لما يطلع بتصريح يفقع ما نزعلش وما نخدش علي كلامه!!
هههههههههه

Aoossa يقول...

عارف الموضوع فيه مبالغه
لكن تخيل فعلآ لو ان واحد صينى حكم مصر
أو أى شخصيه مستنيره
و الشخص ده دفع مصر فى طريق التقدم
و حكم مصر بعدل ونشر الحريه
هل ستكون مع أو ضد هذا الشخص
بالنسبه لرأيى الشخصى
أنا لايهمنى نوع الرئيس ذكر أو أنثى
لا يهمنى ديانة الرئيس
لا تهمنى خصوصياته
يهمنى أن يكون عادل ويخاف على مصر
ويعمل من أجل المصريين جميعهم بغض النظر عن توجهاتهم الشخصيه
أنا أفضل مدير أشتغلت معاه
كان اجنبى ومش متدين
لكن كان بيجيد لعبة القياده
ويتسم بأخلاق طيبه ويعدل بين الجميع
و كانت النتيجه أن المكان كسب
والموظفين أرتاحوا
بعد تغير الأداره وأحضار أكتر من مدير مصرى
ظهرت وجوه للعنصريه والكراهيه
و معاداة الآخر
والمكان خسر وأنهار كلية
مش معنى كده أننا نجيب رئيس أجنبى
لكن صدقنى البلد دى محتاجه توجه علمانى
ودستور علمانى يحترم الأنسان
كل دساتير العالم المتقدم علمانيه
العنصريه عندما تصبح سمة دوله
فلابد من أنقسامها
الوطن لا دين له ولا نوع
بطل بقا يا حاج جرجس
يا أخوانى يا مندس
ههههههههههههه

Reformer1976 يقول...

زنزنزانة الجميلة

أظهري وجهك الحقيقي يا عميلة الإسرائيليين يا بتاعة التطبيع

يقال إن الرئيس الذي يحكمنا الآن ينحدر بالفعل من أصول هندية والفيل بتاعه عنده سبعين مليون زلومة وطبعا ما تسألينيش الزلاليم دي كلها فين

عشان الإجابة هتحذفها الرقابة على المصنفات الزلومية

Reformer1976 يقول...

أسئووستي الغالية

إنتي الوحيدة اللي قفشتيني يا بنت الإيه... أنا فعلا إخواني أصيل بس كنت باضحك عليكوا وعامل الحاج جرجس... بس أنا في الحقيقة مهدي عاكف وكنت مستعبطكوا

يا بنتي ما انا قلت نجيب مدرب أجنبي - أصدي رئيس أجنبي - إنشالله من أندونيسيا واهي بلد إسلامي زينا... وقعدوا يتريقوا عليا ويقولوا إن انا مش وطني... وطني دا بالجزمة في مقابل وطننا الحقيقي اللي هو الأمة الإسلامية... إنتي الوحيدة اللي فهمتيني يا أخت سوسة عشان كدة لما هنمسك الحكم مش هاديكي بالجزمة مع المعارضين الجهلاء لكن هنلبسك تاج الجزيرة... اللي هو السلطانية

نياهههههااااا

Epitaph يقول...

تخيل بقي دي
و يطلع يقلب يوم ستة اكتوبر المجيد من عيد اول ضربة جوية الي عيد الاحزان
و يعملوا لنا جدار عازل
بين الحرامية و النصابين و الشعب البيئة الفقير
فيبقي علي ناحية نلاقي 70 مليون فقري
و الناحية التانية الناس الكلاس اللي سرقنا

يالهوي

عمار يا مصر

Reformer1976 يقول...

بس لعلمك... الحياة هتبقى إشطة جدا وهنبقة في نعيم اقتصادي لا من قبله ولا من بعده

وبدل العرقسوس هنشرب شامبو إسرائيلي لما مصاريننا هترغي وتبقى مزجلقة ع الآخر... ودا طبعا هيبقى أفضل علاج للإمساك المزمن اللي عند المصريين واللي عامل لنا البواسير والنواصير اللي مبهدلة مؤخراتنا

شفتي بقى الريس عامل علينا ازاي؟
ماهو برضه شارب شامبو ومش قادر ما يعملش علينا... وان ما كانش ريسنا حبيبنا يعمل علينا إحنا أمال يعمل على مين؟ يعمل على روحه؟؟

ذو النون المصري يقول...

يا عم جرجس انا كنت ناوي اخش معاك في خناقه لان انا بصراحه دمي نشف و اعصابي استوت منك في اللي فات المره دي كنت ناويلك بجد لكن اللي منعني تعليق راندا هو اللي خفف حدة زهقي شويه
و بصراحه قهقهت من الضحك عليها
هسيبك الان و ارجع اعلق بس لما اكشر الاول

ذو النون المصري يقول...

منك لله يا جرجس !!!!يا عم هو انت معندكش رحمه خالص ؟
ايه الفيديوهين اللي انت حاطتهم علي جنب دول
دا حمار مسكين تجيبه علانيه كده امام العالم ؟
انت المفروض تتحاكم لانك شوهت صورة مصر
انا مش عارف اقول ايه حاجه مصيبه خالص الواحد مش عارف يضحك وللا يبكي
لا !!و التعليق بوظان خالص
انا كتبت بعد القراءه مباشرة علي غير العاده لاني بضحك الان
لما اكشر هرجعلك تاني
سلام

Reformer1976 يقول...

ذو النون المصري

أنا كمان باضحك موت على المراجيح اللي انا عاملها في المدونة... بس يلا خلي الناس تهيص... استنى بالفيديو التالت كمان يا باشا

استعد!!!!!ـ

غير معرف يقول...

افهم يا عم انت وهو التعديلات دي وخصوصا عدم اشتراط الجنسية المصرية عشان عيون الوريث اللي نصة بريطاني عشان كدة المداة دي بالذات تبقي مبهمة عشان خاطر امة

Reformer1976 يقول...

طبعا المجهول الغامض دا يا شباب هو الأستاذ الدكتور فتحي سرور ومش عايز يقول لنا على نفسه... بس عرفتك يا فتحي... طبعا تعبانين اليومين دول في طبخ الدستور الجديد على نار هادية

كان الله في العون يا راجل
وأخبار الترزية إيه في تفصيل الدستور الجديد؟
تلاقي المقصات عندكوا رايحة جاية ما بتهمدش

الله أكبر اللهم لا حسد
كتر الله من أشغالكوا وقلل من أمثالكوا

ابقى سلم لي والنبي يا شيخ على أبو الزيك... أيوة الأستاذ زكريا بتاع الزتون... وقول له عايزين برطمانين زتون مخلل بس يتوصى بالفلفل

karakib يقول...

أنت مصدق كده ليه موضوع تعديل الدستور
ده أن دل علي شي فهو يدل علي براعة التمثيل .. لأنه أنت لما بتتفرج علي مشهد في أي فيلم بتتأثر بالرغم من انك عارف أنه فيلم
يا بتوع الأوسكار أنتم فين يا جدعان

دعاء عادل يقول...

هل من الممكن أني يأتي اليوم الذي يحكمنا فيه إسرائيلي؟؟؟؟؟؟
انت قفلت الوضوع بالسوال الغريب ده
طبعا يا ابنى ممكن
ما هو اللى ماسك الرياسه
دلوقتى يهودى
فا عادى بقى كل حاجه ممكنه.

واكيد دخلت الدايره من غير ما تستأذن حتى ده شرف لينا يا بوب

مصرى متغرب يقول...

جرجس باشا
انا عايز اطمن الشعب مش هايحكمنا اى اسرائيلى لان اسرائيل نفسها مش هاتلاقى حد عندها يبوظ فى البلد ويخرب فيها زى ننوس عين امه مابيعمل ومن بعده ولده الى تعديلات الدستور متفصله عليه يامعلم
متعدد الجنسيه - تأديه الخدمة العسكريه
والله انا كان نفسى يقول ان رئيس الجمهوريه الجاى هو جمال وخلاص
اى على الاقل كدة تبقى متغطية شوية
عموما الايام القادمة تؤكد ان هو الرئيس الجاى وبعدة محمد او احمد جمال وبعدة هيثم محمد جمال وهكذا الى ان نصل الى لؤى هيثم محمد أحمد جمال

والمشكله ياعزيزى انهم هايوصلونا ان احنا نطلب بنفسنا ان جمال هو الى يمسك ونطلع فى مظاهرات بالروح بالدم نفديك ياجمال
وبعدين هو يقول امام ضغط الجماهير قررت قبول هذا التكليف

واحنا نهتف بالروح بالدم نفديك ياجمال

zenzana يقول...

يا مصري يا متغرب انتوا بتظلموا الناس خصوصا، جمال يا بنى دا لسه بيكون نفسه عشان يتجوز!!
لما يتجوز يبقي يحلها، دا اذا انتوا اقتنعتوا انه هيتجوز
و لما يتجوز الله اعلم هيطلع بيعرف و لا مبيعرفش؟
ويا ترى لو طلع بيعرف ،المهم بيعرف ايه؟
ومع مين؟
دى الاهم
يعنى موضوع ولي العهد(هيتم و لا توتو جمال) لسه بدري، يدينا ويديكم طولة العمر، لو عاوزين نسرع شوية
ممكن نلم من بعض ونساهم ف مشروع العبور الى المستقبل اللى هو بلا شك زواج جمال المبارك
وبكرة نقعد جنب الحيطة ونسمع الزيطة
بس برده انا مازلت اشجع المهراجا العندي ابو فيل بمبي
ههههههههه

Reformer1976 يقول...

أنتوك العزيز

لأ لأ ما لكش حق تشكشك في مسدائية التعديل الدستوري... دي "أوسع" تعديلات حصلت ع الدستور من سنة 80 دا من وسعها خايفين إنها ما تجيش مقاس البلد وهوب تتسلت منها وهيا ماشية وتبقى بلدنا بعد ما التعديلات الواسعة تتسلت من عليها تمشي زلط ملط ونبقى فضيحة بين الأكابر في دول العالم المحترمة منها والغير محترمة

Reformer1976 يقول...

مركز الكون دعاء عادل عندنا

يا دي النور اللي مغطي على نور الاستوديو لدرجة إن الفيلم كله وقف والممثلين بطلوا تمثيل بحثا عن مصدر هذا النور العجيب

عندك حق جدا في كلامك ويبدو أن هذا الشعب سيبقى في عبوديته هذه يتم تسليمه من طاغية إلى طاغية إلى أن يتعلم كيف يكتب السيناريو بتاع الفيلم لنفسه وألا يكتفي بإنه يكون شوية هوا يعدوا في الكادر إممممممممم
ولازم كمان ما يخافش م الرقابة ويدب كمان مقص الرقيب ف عين الرقيب نفسه
أما مشكلة تمويل الفيلم وإنتاجه فعادي ممكن نلم من بعض ونعمل جمعية... المهم يا دودو إننا نحقق أسطورتنا الذاتية بقى

(إيه بتشبهي على الكلام وللا حاجة؟)

:D

Reformer1976 يقول...

مصري متغرب

الحقيقة أنا كنت متصور إن سؤالي هل مكن أن يحكمنا إسرائيلي يوما هيستفز الناس ويضايقهم ويقض مضاجعهم لكن الحمد لله السؤال لا استفز ولا ضايق ولا قض إذن أتوقع إن المرحوم هرتزل سعيد جدا في قبره بالنتيجة العبقرية دي... المصريون لا يمانعون من أن يحكهم إسرائيلي بحجة إن اللي بيحكمهم دلوقت غالبا إسرائيلي متنكر

زمان لما كنا نتخانق مع أمي كان أبويا يزعق فينا ويحسم خناقاتنا بكلمة واحدة تكهرب الجو وتجعلنا نجري جري نعتذر لماما... كان - ربنا يديله طولة العمر - يقول... أجيب لكوا أم من إسرائيل يعني؟؟؟ طبعا وقتها ما كناش نعرف هي إسرائيل دي وحشة ليه بس الطريقة اللي كان بيقولها بيها تدل إنها وحشة أوي وخلاص

دلوقت الراجل بيعدل الدصطور وبيحط لنا بند بيقول - في سره - أجيب لكوا رئيس من إسرائيل؟؟؟؟ فاحنا نخاف ونكش من دا الوش ونقول له لا ملك لنا إلا قيصر... قصدي لا رئيس لنا إلا بسلامته ... عاش بسلامته عاش

Reformer1976 يقول...

زنزانة العزيزة

أعتقد إن بسلامته بيعرف... وبيعرف كويس أوي... بدليل اللي عامله في الشعب المصري كله... ولو مش مسدئاني اسألي جموع الشعب المفعول به المنصوب (عليه)

مصرى متغرب يقول...

زنازينو
حتى لو ماعرفش الحكومة هاتتصرف دى الحكومة بتعرف كل حاجة مش هاتغلب يعنى فى حتة ولى عهد فلحوسة
اما عزيزى جرجس

صدقنى والله لو اسرائيلى الى ماسك التلعيم علشان يفسده عمرة ماهايوصل للى عمله حسين كامل بهاء الدين
ولو اسرائيلى الى ماسك الجيش علشان يضعفه عمرة ماهايعمل زى طنطاوى

يحى احنا عندنا اكتفاء زاتى من الفساد مش محتاجين اسرائيل تحط حد عندنا لان هما لو حطم حد ممكن مايوصلش للنتايج الرهيبة الى احنا وصلنلها من غير تدخلهم
عرفت لية السؤال ما استفزناش

Sampateek يقول...

من ضمن التعديلات
ان يكون المرشح اسمه جيمي
و تكون امه اسمها سونة
و يكون ابوه عجلاتي



اه ماهو نافخنا



تحياتشي

Reformer1976 يقول...

المصري المتغرب العزيز

عندك حق فعلا... واللي اسماعيل سلام عمله ف أم الصحة ما يتحسبش ولا إيه؟

طبعا يوسف والي مش هنحسبه بسبب أصوله اليهودية فالراجل إسرائيلي حرفيا وليس مجازيا على أساس إم العرق بيمد لسابع جد وطبع طبع يا عم الحاج لما طلع على جتتنا بالسرطان والفشل الكلوي

Reformer1976 يقول...

كلبوزة السمباتيك في مدونتي أخيرا

أكاد لا أصدق عينيا

طبعا عجلاتي والمنفاخ ما بيتغيرش من مريض لمريض عشان كدة فيه ييجي عشرين مليون جالهم فيروس سي بسبب عدم تغيير مبسم المنفاخ

يا مرحب بيكي في كفاية حرام

whyme يقول...

لو خيرونى ما بين حكم الفساد او حكم مهدى عاكف
فاختارى هيكون اسرائيل لانها ارحم من الاتنين
و لو كان لازم يعنى اوى اختار فاكيد حكم الفساد ارحم من حكم مهدى عاكف امير التخلف
تحياتى
واحد بيحب الفساد و اسرائيل لو كان البديل مهدى عاكف

Reformer1976 يقول...

عزيزي واي مي

ممكن احذف الإجابتين واختار الحرية؟؟؟

Ironcobra يقول...

يا أخي دة حتى هنا في أمريكا لازم يكون معاك الجنسية و مش بس كدة و لكن تكون مولود في أمريكا أيضا يعني لو أنت أمريكاني أبا عن أما عن سابع جد و لحظك المنيل أتولدت مثلا في أنجلترا لأن أبوك و أمك كانوا مثلا في رحلة سياحية لأوروبا ساعة ماولدتك أتزنقت في ظلتك مايحقيلكشي تترشح ( هي حتة من حتة الغباء الكتيرة سواء في الدستور أو القانون الأمريكي اللي أحنا بنحاول نحاكية بل و نتفوق علية-في الغباء بس- تقولش قرآن ولا أنجيل ).
بس على الأقل الدستو الأمريكي بيقول أن أنت عشان تترشح لرئاسة الجمهورية لازم تكون أمريكي الجنسية بالميلاد مش بالتجنس ( يعني أنا مش من حقي أبقي رئيس أهئ أهئ أهئ بس ولادي ممكن ) دي أول حاجة , تاني حاجة تكون مولود على تربة أمريكية ( هي حتتة غباوة كدة بس لها خلفية تاريخية و أنتهت و المفروض تتغير , بس دة يدللك على أد أية هما بيتعاملوا مع الدستور بجدية و تقديس و أن عشان يغيروا فية حاجة أسهلهم أنهم يروحوا يحاولوا يحركوا الجبل أحسن , مش العالم اللي بتتعامل مع الدستور كأنة عزبة أبوهم و بيوسعوا و يضيقوا فية عشان يبقى على مقاسهم و أية في قعدة ) .
الدستور الأمريكي لا يشترط أن يكون الأب و الأم من أصل أمريكي-بيشترط أن يكون معاهم الجنسية أة لكن مش من أصل أمريكي-دة و اية أحنا بنتكلم على أكبر دولة في العالم أساس ها هو الهجرة و المهاجرين , مش دولة مابتديش حتى الجنسية للي أتولد و عاش و مات و أتدفن فيها و معرفلوش بلد غيرها و كل دة عشان أية , عشان حظ أمة المصرية الأغبر خلاها تتجوز واحد مش مصري .
الحتة دي في الدستور للي لسة مافقسش فولتها جاية مخصوص عشان تحلل لاسم النبي حارسة الأستيلاء على تكية أهلة , يعني حلقة جديدة في مسلسل التوريث .

Epitaph يقول...

عزيزي الحاج جرجس
انا المرادي جاية اعلق علي الفيديو

بتاع الحمار و لا مؤاخذة شفته قبل كدة ع الميل و بيؤكد قد ايه الناس لسة في قلوبها رحمة..و ايمان و احترام...و ادب و اخلاق و اهتمام بحقوق الانسان لاخيه الحيوان

الفيديو التاني بتاع صدام حسين
الله يسامحك انا اتخضيت
الكاميرا و هي بتقرب
باقول ايه ده
الراجل مش شبهه
لقيت الصريخ
قلت
اشتاتا اشتوووووووت
انس و لا جن
حفريت!!!!
ابقي بخر المدونة يا حاج
و اعمل عروسة و احرقها

الفيديو التالت بتاع الريس
انت متغاظ منه صح؟؟
مضايقك
عشان انت مش كنت بتشجع مصر ساعتها
كنت بتشجع كوت ديفوار
اانا شفتك يومها في الاستاد
وانت زعلان ان مصر كسبت و ان كماااااااان ماما سوزي بتبوس بابا حس حس بوسة عفيفة كدة
بوس الواو

و بعدين
بذمتك و الله
مش الراجل كنت تحس في الماتش النهائي ده مغيب و تعبان اوي و حالته متأخرة و مش مركز مين بيلعب مين كسب و انا مين و ايه اللي جابني هنا
ردة فعله قاتلة
ان كان ليه رد فعل اصلا

تحياتي
واعتذر ع الاطالة

tota يقول...

الحج جرجس
طيب لعلمك ده قرار حكيم جدا زيه زى القرارات الحكيمة ( الدكتورة يعنى) الاخرى اللى اتعودنا عليها
ببساطة لما واحد مختلف من جنسية مختلفة وفكر مختلف يرشح نفسه ويا حبذا لو كسب واتصلح حال البلد على ايديه هيثبت لينا كلنا ان المصريين كلهم عقولهم ما تنفعش فى اى حاجة وان ولا واحد فيكى يا مصر ينفع يحكمك ولازم نفضل محكومين بس

صح البيه بيضرب نفسه بالقلم على وشه علشان يثبتلنا كلنا فكرة اسلام نبيه لو كان فيكى راجل يا بولاق
هو نفس المبدأ لو كان فيكى راجل يا مصر

انا موافقة على فكرة انها تكون ست يمكن برده الحال يتصلح وان ما تصلحش عنه ما انصلح هو كان انصلح على ايد راجل لما ست هتصلحه بس نوع من التغيير علشان منحسش بالعنصرية برده ويبقى لطيف لو طلع اسمها سعيدة علشان التهانى بس
الواحد خرج عن كل شعوره وكتب بطريقة عجيبة
معلش انا اسفة بس يعنى هو الدستور هيطلع منه ايه غير كده
تحياتى

zenzana يقول...

فين لينكات صلاح جاهين
الفاجومي ، امل دنقل؟

Reformer1976 يقول...

عزيزي الكوبرا الحديدية

كلامك الحقيقة طول الليل امبارح شاغلني جدا وقاعد أقارن بين مصر وبين بقيت خلق الله المحترمة... حاجة غريبة جدا سعادتك... الدستور عندنا فعلا تحسه كأنه صانية بسبوسة باللوز تقطع منها وقت ما تحب وممكن كمان تجيب البسبوسة على حتة قشطة أد كداهو وتكور وتلقف
تكور وتلقف
آه ما اهو أصل دستورنا أول سايز والحكومة شعارها دستوري وانا حرة فيه أفرده أكويه أقصره أطوله... خلي الشعب النايم يتفرج على حكومتنا الميمونة - زي القرد ميمون كدة - وهي بتبيع وتشتري في دين أمنا كدة يمكن الشعب دا يحس على دم اللي خلفوه ويبدأ يتحرك بقى

كفـــــــاية
حــــــــرام

Reformer1976 يقول...

العزيزة توتا بتهيس

يا ألف نهار مبارك
يا ألف ليلة سعيدة
القرارات بتاعة الست حكيمة أخرجت ستنا توتا اللي هي ستنا وتاج راسنا عن شعورها حتى أنها بلغت من التهييس مقدارا محمودا... دا حدث جلل ودلالاته خطيرة... يا مثبت العقل والدين يا رب... أنا بقى في رأيي لا مبارك يحكم ولا الست سعيدة... هي الحكيمة بعينها ما فيش أحسن منها

انتخبوا ميييييين
الحكيمة
حبيبتكم مييييين
الحكيمة

لا جنسية ولا دين
الرئيس لغا الاتنين

يا موساد فينك فينك
الدستور بقا بيننا وبينك

وهكذا بقى هتافات تتقال في مظاهرات تأييد الدصطور الجديد

نهاره أبيض

Reformer1976 يقول...

عزيزتي إيبيتاف

فيديو الحمار أنا عارف إنه مش جديد وأنا شخصيا جاني ع الميل برضه لكن خشي اتفرجي عليه مرة تانية وانتي بتدركي بعد الإسقاط السياسي اللي فيه
ومن هنا أحب أهديكي وكل حبايبي المدونين أغنية بحبك يا حمار ولعلمك يا حمار أنا بزعل أوي لما حد يقول لك يا حمار والسؤال هو من المقصود بالحمار في هذه الكلمات وهذا الفيديو

بالنسبة لفيديو صدام
ثمة بعد فلسفي وراء عرضي له في السايد بار بتاع المدونة... أولا إثبات إنه وإن مات الدكتاتور - أي دكتاتور - هيفضل صباعه بيلعب - زي الزمار بالظبط - وثانيا: حبيت أقطع خلف الرجالة اللي ف بلدنا اللي عاملين رجالة وهم مش رجالة... يعني تخيلي كدة لو الراجل الكبير اتفرج على الفيديو بتاع صدام ده وهو متوقع إن صدام مات ويلاقيه بيصرخ ف وشه... مش دا هيخليه يطب ساكت ونخلص؟ قولي يا رب يخش يتفرج ونرتاح بقى

بالنسبة لفيديو البوسة أنا أولا باعتذر لوجود مثل هذه المواد الإباحية على مدونتي... أنا آسف إذا كانت مشاعرك قد تأذت بسبب تلك البوسة الإيروتيكية التي رفضها الرجل الكبير بإباء وشمم وتحسي إنه كان هيرجع على نفسه بعد ما اتباسها... طبعا الراجل كان مغيب في الماتش ده لأنه بالأساس مغيب من الماتش بتاع 81 اللي لسة ما انتهاش لغاية دلوقت بالرغم من إننا بقالنا 25 سنة في الوقت بدل الضايع

ادعي معايا وقولي يا رب الحكم يصفر بقى

بقول لك
إنتي ما شفتيش الفيديو بتاع عمرو أديب لما اتجنن كمان ولا إيه؟؟؟ دا عمر أصلا بيتهمك بأنك جندتيني عشان أعرض الفيديو ده... لأ لأ لازم تخشي تشوفيه وتيجي تقولي لي رأيك فيه إيه

Reformer1976 يقول...

العزيزة المثقفة زنزانة

علم وجاري التنفيذ يا فندم

غير معرف يقول...

جرجس
مش جاية اعلقلك على شئ ولا جاية اقلك اي حاجة غير حسبي الله و نعم الوكيل فيك و منك لله على الفيديو كليب بتاع شبيه صصدم لاني بجد قلبي وقف و قطعت الخلف
منك لله مش جعرف اتجوز دلوقتي

عااااااااااااااااااااااااا

اتسرعت يخرب بيت شيطانك

حفصة
من غير مدونة

ذو النون المصري يقول...

ياعم الحاج جرجس/الحمار الموجود اعلاه ده انت جايبه هنا ليه كده انت بتجرسه علي حاجه هو ملوش زنب فيها وبعدين انا حاسس ان الحمار ده اشبه برمز للشعب المسكين اللي هو احنا طبعا من كتر ما هو شايل و محمل خلاص تعب و بطل مشي لا و كمان الحموله رفعته عن الارض و علقته في الهوا و خلاص هو كده بالتعليقه التجريسيه بين حمير العالم دي اصبح مرتاح و مبسوط
الحمار ياعم لسان حاله بيقول بعد هدة حيله (انا مبسوط كده...انا مرتاح كده...)
هو وضع مضحك جدا و ايضا محزن جدا في نفس الوقت ،،،،فعلا الخبير النفسي الذي قال شر البلية ما يضحك قال كلام صح
----------------------------------
و بعدين يا اخي انت مش ناوي ترحم امنا شويه !!!خلي عندك رحمه لازم تغمنا بحمارين في بوست واحد واحد فوق وواحد تحت ؟
كفاااااااايه ....حماااااااااار

Aoossa يقول...

صلاح جاهين

الموقع ده فى شعراء كتير
منهم صلاح جاهين وآخرين تحت تصنيف شعر عامى

ahmEd_H يقول...

حسبى الله و نعم الوكيل

ربنا يخرب بيوتهم

Reformer1976 يقول...

أبو حميد المصري

يا خوفي بس لا بيوتهم تخرب فوق دماغ اللي خلفونا... دول لازم يتحاكموا

لكي لا ننسى دم أحمد علي مبروك