٠٦‏/٠٢‏/٢٠٠٧

في قضية الضرب ع القفا: حبس أمين شرطة على ذمة التحقيق وإخلاء سبيل الضابط كريم عبد الله

الجديد في قضية الضرب على القفا

النيابة تأمر بحبس أمين الشرطة أحمد عبد الفتاح تمام 4 أيام على ذمة التحقيق

إخلاء سبيل أمين الشرطة داهش محمود محمد ومندوب الشرطة أحمد عبد العزيز الورداني بضمان وظيفتيهما

إخلاء سبيل الضابط كريم عبد الله من سراي النيابة مع التنبيه عليه بحضور جلسة تحقيق صباح الأربعاء لسماع أقواله في الواقعة وحملت الواقعة رقم 4992 لسنة 2007 جنح قسم إمبابة


تحقيقات النيابة تكشف عن أن المتهم أحمد عبد الفتاح أمين الشرطة بقسم إمبابة هو الذي تعدى بالضرب على "قفا" الضحية إيهاب مجدي فاروق، واعترف المتهم بأنه ضرب المجني عليه بصفعات متتالية على القفا بناء على أوامر من الملازم كريم عبد الله والذي كان يعمل بقسم إمبابة قبل نقله إلى قسم العمرانية

اقرأ المزيد من التفاصيل في عدد اليوم من المصري اليوم

وأيضا في المصري اليوم

خبر عن تبرع ألف من ضباط وجنود الأمن المركزي بدمائهم لمرضى السرطان

(مش كافية عليهم السرطان يا رب... هيبقى سرطان ودم ملوث كمان)

هناك ٢٦ تعليقًا:

غير معرف يقول...

أنا أحسدك
أنا أحسدك
أنا
أ
ح
س
د
ك

^ H@fSS@^ يقول...

تصدقي بالله انك اسخف زرافة شفتها
و مالكيش اي اهمية غير التناحة
و السخافة
روحي يا شيخة تنقلب عليكي كل العيون اللي فقعتيهالناانا من بعد ما اتلغت بلوجي بقيت متشككه


جرجوري ابقى امسح تعليقي على الزرافة الخشب دي بعد ما تمسح تعليقها

باي باي

بص صحيح هما جايين يتشطروا على المجنديين الغلابة اللي مش لاقيين قوتهم و مش بياكلوا غير اي كلام
و مخلينهم يتبرعوا بدمهم
طب والله حرام
يرويحوا ينشطروا على اللواءات الكبيرة الي بتاكل لحمة و فراخ كل يوم

باي

مراقب مصري يقول...

المشكلة الحقيقية يا حفصة إن يكون فعلا زفارة الدم بتاع الأشكال دي بيتنقل ساعتها هيبقى بجد سرطان ودم زفر بتاع أشكال وسخة زي دول يعني من لم يمت بالسرطان مات بتسمم في الدم... وهل داء مصاصي الدماء اللي عند بتوع الإمن المركزي دول هيتنقل للعيال الغلابة اللي عندهم سرطان؟ وهل السادية بتتنقل في الدم؟ وهل غلاظة القلب بتتنقل في الدم؟ وهل وهل وهل وعددي صفات قذارة بلطجية الشرطة في بلادنا وتخيلي إنها ممكن تتنقل للغلابة اللي عندهم سرطانات يوسف والي... كدة نظرية المؤامرة اكتملت أضلاعها... يوسف والي اللي أمه يهودية جاب للشعب سرطان وبتوع الصحة الفاسدين لوثوا الدم ولما نتزنق في دم ما نلاقيش إلا دم كلاب أوسخ من الصهاينة على الأقل الصهيوني ما بيقتلش صهيوني زيه لكن دول بيقتلوا مصريين ويعذبوهم وفي الآخر يتبرعوا بدمهم... طب لا للدم الفاسد ولا للدم العكر ويسقط يسقط حسني مبارك ويسقط يسقط حبيب العادلي

غير معرف يقول...

عزيزي جرجس
كما وعدتك هذة هي مقالات سيد القمني وموقع شفاف الشرق الأوسط اللذي ستجد فية الكثير من المواقف المغايرة اللتي لديها الجرأة لتقف ضد التيار

http://www.metransparent.com/authors/arabic/sayyed_qimni.html

تحيات وشكرا لتدويناتك الجريئة

الأباصيرى يقول...

يعنى انت فاكر أن بتوع الأمن المركزى دول بيتبرعوا بمزاجهم


وبعدين العساكر دول غلابا
دى أوامر ولازم ينفذوها

سواء فى المظاهرات او الأنتخابات أو حتى التبرع بالدم

zenzana يقول...

جرجس زعلتني بوصفك لعساكر الامن المركزي الغلابة اللي بالتأكيد اتبرعوا غصب عنهم بأن دمهم زفر و استخدامك لكلمة الاشكال الوسخة وانهم كلاب.

ومش انت يا جرجوري اللي تعاير يوسف والى ان امه يهودية

tota يقول...

الحج جرجس

يا حج كنت قاسى قوى فى تلميحك المرة دى
الجنود بيمثلوا قطاع من مصر صحيح قطاع غير مفكر عبد الكلمة وعبد الشرطة لكن مكنش فى بديل
لو فى بديل غير التجنيد والبهدلة تفتكر مش كانوا اختاروه
فى النهاية هما بشر يا حج يمكن ظروفهم وعقلهم محدود لكن بشر

وربما التبرع يكون بالعافية ويمكن بموافقتهم الله اعلم بس اعتبره خير حتى لو فرض هو هينقذ روح انسان تاتى

اما القضية ومتابعتها خلينا نشوف هتوصل لفين القضية

تحياتى

ذو النون المصري يقول...

كلامك انا موافق عليه مش كلامك عن لامن و جنوده لا
كلامك عن الفضايح و نتائجها الفعاله
فعلا استحاله كان ييجي يوم اصدق فيه ان الضرب علي القفا في مصر اصبح جريمه
يااااااااه
محاكمه لرجال شرطه بسبب الضرب علي القفا
الله الله يا بدوي جاب اليسري
انا مش منهم لكن فعلا النتائج المبدئيه و الاوليه مرضيه و طيبه جدا
ممكن انشد الان و اقول
اصبح الان عندي بندقيه
اصبح الان عندي مدونه

مراقب مصري يقول...

العزيزة عشتار

أشكرك على الرابط وسأضه قريبا ضمن الروابط الثقافية التنويرية عندي
====================

عزيزي أباصيري

العساكر غلابة طبعا ومجبورين ومش لاقيين اللقمة بس الظباط كمان اتبرعوا ودا أنا معترض عليه.. نفس مبدأ غسيل الأموال ... يعملوا "شو" خيري عشان تغسل بيه عار وساخة جرايم التعذيب بتاعتهم ... ودا مرفوض
=====================

عزيزتي زنزانة

الخبر لم يقل أن الجنود الغلابة بس هما اللي اتبرعوا... الظباط كمان ودول طبعا أشكال وسخة وكلاب وتبرعهم بالدم مرفوض... وبالنسبة ليوسف والي تاريخه وعلاقته باليهود دا واقع لا جدال حوله
====================

عزيزتي توتا

أسلوب حديثي يعتمد على المبالغة كأسلوب بلاغي وهو ما أعطى الانطباع بالقسوة الشديدة وإن كان تركيزي بالأساس على الضباط وليس الجنود... تبرع ظابط أمن مركزي بدمه "الزفر" يساوي بالظبط أداء رقاصة لفريضة الحج ورجوعها بعد كدة للرقص تاني... باب التوبة مفتوح لكن الازدواجية مرفوضة

بالنسبة بقى لمجندي الأمن المركزي... الحدسث عنهم يرجعنا من تاني لفيلم البريء للمبدع عاطف الطيب وبطولة الرائع أحمد زكي... هل مجند الأمن المركزي اللي بيضرب المتظاهرين وبيعذب المساجين مذنب أم ضحية؟ في رأيي كونه عبد المأمور ومضطر وكل دا لا يبرر أنه مذنب وكلب... على سبيل المثال في حادثة الضرب ع القفا... مين الشرطة اللي لبس الليلة ضب إيهاب على قفاه بأمر من الظابط كريم، فهل الأمين بريء؟ لأ طبعا هو مذنب وكلب زي اللي سلطه وعشان كدة محاكمته عادلة ولو أدين تبقى إدانته عادلة... التعذيبوانتهاك كرامة أي إنسان جريمة لا يمكن تبريرها بأي شكل... راجعي قسطة بطيخة وسقراط عند فارس وهتلاقي أنه مفيش مبرر يمكن أن يبرر التعذيب والانتهاك ومن ثم فكل جنود الأمن المركزي - بالاستدلال المنطقي - كلاب وسفلة زي اللي مشغلينهم... واعتصام ألفين واحد منهم من 3 أسابيع بيقول لنا إنهم عشان يبقوا بني آدمين لازم يقولوا لأ للي مسلطينم وإلا فلا احترام ولا تعاطف معهم على الإطلاق... كلاب عبيد كلاب... والمعيار الأخلاقي هنا هو هل ارتكب الشخص جرائم تعذيب أم لا؟ وبما أن قوات الأمن المركزي دول هما اللي ضربوا المتظاهرين السنة اللي فاتت وهما اللي بيعذبوا المساجين وهما اللي اتحرشوا بالصحفيات من سنة ونص وغيره وعيره فحكمي أنهم كلاب إلى أن يثبتوا لنا العكس

طبعا حكمي مبالغ فيه وقاسي لكن له حيثياته ولكني أقبل الاختلاف بالطبع مع الطرح الذي أطرحه
==========================

ذو النون العزيز

أتمنى أن أعرف وجهة نظرك في ما طرحناه هنا عن عسكري الأمن المركزي هل هو ضحية أم مذنب؟ وبطعا لك أن تفخر أنك مدون.... واسمع يا سيدي آخر أخبار الإنجازات التدوينية في العالم العربي
دون جزائري يتبنى حملات مكثفة على مدونته ضد خصخصة إحدى أهم شركات النفط في الجزائر فيجب رئيس الجمهورية الراجع عن خصخصتها بعد تحويل القضية إلى قضية رأي عام ابقى اقرا الموضوع عند عرباوي

zenzana يقول...

جرجس اكيد الالف اللى اتبرعوا كانوا تسماية تسعة وتسعين وظابط واحد
وانت استخدمت ضمير الجمع

بالنسبة ليوسف والى علاقته طبعا معروفة لكن المشكلة ف ان امه يهودية
هو كل الحكاية انه ميفرقش عن ناس تانية كتيير له علاقاته مع اسرائيل
لكن ان يتم التعامل ان دي وصمة عار ان امه يهودية؟
محدش بيختار اهله

غير معرف يقول...

صحيح مش عايز تجرب حكاية الضرب على القفا؟
يالا ياعم فرصه وتسجن ضابط
هاهاهاهاهاها

غير معرف يقول...

يعنى هى حبكت يعنى يا عم جرجس نشتم ونوسخ العساكر الغلابة؟؟

دول على رأى اللى قال
عبد المأمور
طيب سرحهم من الداخلية
واطلب من أى واحد منهم يتبرع بنقطة دم واحدة


يا ابنى دول كلهم اما مصابين بالأنيميا
أو بالضعف العام أو نقص التغذيةميغركش ان اجسامهم جامدة ومتينة ومتحملة الشقا والوقفة بالساعات والضربة من الواحد منهم بتعمل تربنة فى المخ

لكن لاء
دول علشان كلهم قرويين
متعودين على الشقا والالهلكة فى عز الشمس وقرصة البرد فى الغيطان
أو فى شغل الفاعل
دول هم المواطن المطحون بحق بس اعتقد انه لما يلبس الميرى حيترفع له شأنه وخدوده حتحمر من اكل الحكومة

لكن يا عينى أخدوا خازوق
مفيش الا الفتاات
مفيش الا العيش والحلاوة
غير الأوامر بالضرب والاهانة والسب والدعك

بص على وشوشهم كويس يا جرجس
وانت تلاقى الشمس مخططة الشقا على وشوشهم ازاى

وبص لوشوش اللى أمروهم بكدة
وانت تشوف الرفاهية وقعدة المكاتب والبيسين وحفلات الباربيكيو

ومحدش ينسى انها حركة وسخة من الكبار لتجميل صورهم ادام الناس
بس على حساب دم الصغار المساليل


ازيك كدة؟

zenzana يقول...

سيادة المجهول بتاع تجربة القفا شكلها تجربة مذهلة وانك جربتها بدليل سعادتك وانبساطك الزيادة شوية
اعتقد ان جرجس هيكتفي بك كحالة واحد مبسوط لضربه ع القفا

مراقب مصري يقول...

عزيزتي زنزانة

معنديش مشكلة في كون أم يوسف والي يهودية بالطبع وطبعا أنا فاهم أن اليهودية ديانة وليست سبة وليست اليهودية هي الصهيونية... فاهم كل ده لكن القضية هي أو يوسف والي من أمتر الوزراء في تاريخ مصر إفسادا للزراعة المصرية من خلال خدمة الأجندة الإسرائيلية لتدمير بنيتنا الزراعية الأساسية وهو في اعتقادي أحد الأدلة على نظرية المؤامرة الصهيونية لتخريب بلادنا ومن هذا المنطلق تكتشفي أن أصوله اليهودية ليست مجرد جينات يحملها غصبن عنه وخلاص لكنه انتماء حقيقي لإسرائيل وللقضية الصهيونية ومين عارف فيه زيه كام واحد في الوزارات التانية
===================

العزيز المجهول

سيب اسمك ورتبتك وانا أبقى أرد عليك
==================

شهروزتي الغالية

لاحظي في الموضوع الذي نشرته أن كلمة "دم ملوث" كانت تحمل رابطا لو ضغطتي عليه لفهمتي طبيعة الإفيه اللي أنا طرحته من خلال الخبر... الرابط كان هيوديكي على المصري اليوم في مقال بعنوان من الملوث الدم أم النظام

http://12.47.45.221/article.aspx?ArticleID=44678&r=t
والقصد من الربط هنا واضح... أن النظام كله مذنب وابن كلب من أول راس الكرنبة إلى أصغر مخبر أو مجند أمن مركزي في الداخلية... تقولي لي طب دول ذنبهم إيه؟ أقول لك إن ده محور الطرح الاستفزازي اللي أنا بطرحه هنا... هو المجند اللي بيعتدي على مواطن وينتهك عرضه أو يضربه بهراوة أو بحزام أو يدوس على قاضي بالجزمة زي ما حصل مع المستشار محمد حمزة السنة اللي فاتت... المجند اللي يعمل كدة معذور كإنسان بحكم إنه مجبر؟ طب ما هو المفروض إن المجند ده إنسان وعنده عقل ومشاعر وإرادة وبالتالي هو مسئول أمام المجتمع وأمام الله عن أفعاله... وبعدين ما يروحوا يعملوا اعتصام ضد الباشوات اللي مشغلينهم بدل ما يتشطروا على خلق الله ويرهبوهم ولنا في رجالة الأمن المركزي الـ 2000 اللي اعتصموا ضد الممارسات الوسخة ضدهم من رؤسائهم خير مثال... لو بررنا جرايم هؤلاء الكلاب بحجة أنهم غلابة يبقى بنرتكب خطأ أخلاقي مدمر... هؤلاء مذنبون (وبالبلدي كلاب) ومطلوب منهم تصحيح مواقفهم ليقبلهم المجتمع من جديد... ممكن نعمل لهم مراكز لإعادة التأهيل ونفتح الاشتراك فيها لكل رجال الشرطة التائبين لإعادة دمجهم في الحياة الإنسانية من جديد... ومن منبري هذا أدعو السيد وزير الداخلية لأن يكون أول المشتركين في هذا البرنامج التأهيلي على أساس يرجعوا بني آدمين من جديد وممكن بعد كدة نشوف لهم شغلانة شريفة زي كشك سجاير أو كشك لب وساعتها برضه هيفضلوا مرتبطين بالسلطة التنفيذية على أساس إن رئيس الوزرا نفسه هيروح يشتري لب - م اللي بيقزقزه في المجلس - من عندهم وتبقى أشيتهم معدن بدل الشغل البطال اللي بيشتغلوه ده

وإلى أن ينخرطوا في البرنامج التأهيلي للتائبين من رجال - مجزوا رجال يعني - الشرطة هنفضل نقول إنهم كلاب وإنهم أشكال وسخة

والله أعلم
==================

زنزانتي العزيزة

أشكركعلى ردك على سعادة الباشا ومردودة لك في الأفراح... وطبعا معلش نقدر إن فهمه محدود بطبيعة عمله فهو فاهم إن الهرم الوظيفي اللي هو في قاعدته ينطبق على بقية خلق الله وإن زي ما قفاه ملطشة للبشوات اللي فوقيه وينضرب على قفاه ويضحك ويحس بالفخر إن إيد الباشا - النجسة - نزلت على قفاه فبيفكر إن الكل الناس معندهاش كرامة زيه وزي اللي فوقه واللي تحته... بس معلش... رأيك إيه في إدخاله البرنامج التأهيلي لأفراد الشرطة التائبين؟ هياخد مننا وقت في العلاج لأنه أعراض الانسحاب عنده هتبقى عنيفة بسبب افتقاره إلى جرعة الضرب ع القفا اليومية م اللي فوقيه... بس بافكر في نفس الوقت إننا ممكن نكسب فيه ثواب واهو نعمل الخير ونرميه جنب الحيط

zenzana يقول...

طب يا جرجس لو كانت المسألة تتعدي الضرب علي القفاووصلت لحد المقاشات نعالجه ازاي؟

zenzana يقول...

اه نسيت المهاجر كان بيدور عليك عندي في البوكس اللي جنب الزنزانة

غير معرف يقول...

بتحلم يا جرجس
لما تجبر مواطن مقهور انه بتغلب على قهره
طيب احنا ونقدر لأننا نعرف حقوقنا وواجباتنا

لكن هم يقدروا ازاى واكتر واحد فيهم ممعهوش الاعدادية؟
يعنى ميعرفش غير مبدأ عبد المأمور؟؟

أعترض على وصفك لهم بالكلاب للمرة الألف
لأنهم مقهورين زينا
دول عبارة عن كرابيج فى ايد الكبار وبس

اعتصام اية اللى يعملوه؟؟
طيب روح قول كلمة اعتصام دى فى وش واحد فيهم كدة؟؟
اما افتكر انها تحريض وانقلاب على الحكم؟؟ مبقاش أنا


شفت عبدالجبار السجان اللى فى فيلم احنا بتوع الأتوبيس؟؟؟
اللى فاهم ان اللى بيجلدهم كل يوم وبيقتلهم ويعذبهم دول أعداء الشعب؟؟؟
هم دول بالضبط زيهم زيه
ناس مغيبة فى الجهل
عارفين ان الناس دى أعداء الوطن

ضحايا ثقافةعبد المأمور

مراقب مصري يقول...

زنزانة العزيزة

بتوع المقشات دول مالهمش علاج غير الخصي ومقششتهم هما شخصيا على قاعدة الجزاء من جنس العمل
===============

شهروزة العزيزة

يوم 21 يناير اللي فات دا فيه 2000 جندي أمن مركزي اعتصموا بالفعل في غزل المحلة بعد انتحار زميل لهم اعتراضا على سوء المعاملة
دا خبر مش أمنية
وفي عام 1986 ثار جنود الأمن المركزي ثورة كادت تكون انقلابا كاملا ومن ثم فإنني أؤكد أنهم بني آدمين عاقلين وليسوا كرابيج بلا عقل بل هم بشر خلقهم الله بعقل ومشاعر وإرادة وسيحاشبهم بالطبع حسابا عادلا عن كل جرائمهم التي اقترفوها بأيديهم بأوامر من اللي فوقيهم وإذا كان هذا هو الحال فمن حقنا نحن أيضا أن نراهم مجرمين وليسوا "فقط" ضحايا... والدليل على صحة كلامي إن القضاء بيدين اللي ضرب مش بس اللي حرض وعقوبة اللي ضرب بالفعل بتكون أكبر من اللي حرض أو أصدر الأمر... أفضل وصف كلاب عن وصف كرابيج لأنه على الأقل الكلب كائن حي والكرباج جماد ولكن السؤال إمتى الكرابيج دول أو الكلاب يتعالجوا ويبقوا بني آدمين من جديد؟

alnadeem يقول...

حبيبي يا اللي بتتكلم عن القفا
ما تستعجلش يا حبيبي
هانت
فاضل ع الحلو زقه
والكبار يا فالح هيهربوا علي أول طياره
وانتوا يا عيني اللي هتتجابوا من قفاكم
هههههههههههههههههه

غير معرف يقول...

لا خوفتنى منك ليه ليه
الحقيقة مصر ملوثة بأمثالكم. اه لو أعرف هموا سايبنكم تسموا البلد ليه.
أول لما أخد الاشاره بس هاعرفك نفسى ياجرجير . أنت والافندى التانى.
فعلا انا كده ايقنت ان التربية ومستوى التعليم انحط بتخريج ناس امثالكم .
مستنى يا اخويا الحلو
لما نشوف مين اللى هايجيب قفا مين

zenzana يقول...

هاها خا الحق يا جرجس دا طلع قفا بجد من بتوع شوباب امن المخابز

مراقب مصري يقول...

عزيزي المخبر

إنت قلت حقيقتين مهمتين جدا ولازم إنت نفسك تاخد بالك منهم

أول حقيقة إن مصر ملوثة... والسؤال مين لوث مصر؟ وإمتى بدأ تلويث مصر؟ مين بيسرق ومين بينهب؟ المدونين والنشطاء؟ طبعا لأ وإنت عارف... إنت راجل غلبان بتجري على أكل عيشك ومش لاقي تربي عيالك فبتمد إيدك... يعني مضطر للغلط وبتسرق كلام عبيط... آخرك عشرة جنيه فردة من مواطن غلبان زيك والحياة بتمشي لكن الحرامبة الكبار هما اللي واكلين البلد وواكلين قوتك وقوت عيالك والصحة اللي خربوها والزراعة اللي دمروها... فاكر وانت صغير لما كنت تجري وسط الزرع ف بلدكوا... النهاردة الزرع بقى ملوث... ما هو زي ما انت قلت مصر كلها بقت ملوثة... يعني حتى اللي على ملتهم برضه شايف إن مصر ملوثة وإن كنت بسبب العمى مش قادر تشوف مين اللي لوثها ويمكن عشان مش قادر تواجه الحقيقة بسبب الجبن اللي غرسوه جواك... بس مش مشكلة كفاية إنك شايف إنها ملوثة... دا ف حد ذاته شيء كويس لأنه معناه إنه فيه أمل إنك تتغير وترجع بني آدم من جديد

الحقيقة التانية المهمة اللي انت قلتها هي إن التعليم والتربية مستواهم انحط جدا دلوقت ودي بقى ذنب المدونين والنشطاء؟ ولا ذنب برضه اللي ماسكين البلد من ربع قرن وخربوها وقعدوا على تلها... كل واحد فينا نفسه إبنه يبقى أحسن منه... طب في ظل "انحطاط التعليم والتربية" اللي انت بتحكي عنه تفتكر ولادك هيبقوا أحسن منك في شيء؟ طبعا لأ لأننا رايحين من سيء إلى أسوأ... يعني برضه ولادك هيمدوا إيدهم زيك وبرضه هيطاطوا ويرضوا يتركبوا عشان أكل العيش... طب إنت بترضاها لنفسك عشان خاطر عيالك وبتقول مش مشكلة كرامتي عشان خاطر أربي عيالي بس ما هو برضه ولادك هيطلعوا بلا كرامة زيك يعني كرامتك اللي بتتهان دي من غير تمن والولاد في ظل التعليم اللي انت بتقول عليه منحط ومفيش تربية مستقبلهم هيضيع... يبقى لازم تفوق لنفسك وتتوب عن اللي انت فيه ده وتقول لنفسك أنا مش هقبل أطاطي عشان أعيش لأني كدة مش عايش... ومش عايز ولادي يبقوا زيي

صدقني ما باتريق عليك... باتكلم جد وانت عارف إن الكلام جاي لك ع الجرح... يبقى بلاش مكابرة بقى

وربنا يهدي الجميع

مراقب مصري يقول...

عزيزي المخبر تاني

ابقى خش على موضوع أيمن نور تاني هتلاقي عمك وتاج راسك عمر قناوي سايب لك تعليق هناك... روح خده وبالشفا

غير معرف يقول...

جرجير افندى.... الصراحة كنت نفسى اكمل معاكم الاشتغالات بس الرؤساء هنا شايفين ان انتم شوية عيال فاضية وضايعة ومهيسة ماتجيبوش للواحد ترقية على العكس ممكن تجيبوا جزه . على ايه بقى , اللى مافيكم واحد محترم ولا عدل علشان يبقى اسمى عملت حاجه. انما ماتقلقش انا وصيت جنينة الحيونات لما يبقى فيها قفاص فاضيه نبقى نحجزها ليكم. اصل الزنازين عندنا كومبليت
ياخساره مش هاشوفك تانى كان نفسى اكمل تهريج معاك انما معلش. فى اول اجازه بقى. من هنا لحد ماشوفك عايزك تكملها شعارات وصريخ يسقط يسقط ........ هاهاهاهاهاها

مراقب مصري يقول...

العزيز المخبر

هتوحشنا صدقني... بقى كنا هنجيب لك جزا؟؟ هههههههههه دي نكتة فعلا... دا في حد ذاته كان هدفنا وتطفيشك كان هدفنا وجعل رؤساءك يظنوا إننا عيال هايفة وفاضية هو قمة مبتغانا... ممتاز يا ابني... دا آخر حلاوة الكلام ده... بس بيني وبينك إنت الغلطان وإنت اللي جبت لنفسك الكلام والتهزيء (مننا ومنهم) وده لأنك خرجت عن النص وعلقت وافتكرت إننا هنسيبك كدة من غير ما نروقك إنت واللي مسرحينك... يلا مع ألف سلامة يا حبيبي وف ستين غارة إنت واللي مدلدلين رجليهم فوق كتافك... ليلتك سودا ومنيلة على دماغك... غور ياض وما تجيش هنا تاني

zenzana يقول...

هاهاهاهاهاها
طفش؟ واحنا السبب ف الجزا ؟ لولولوليييي
احنا اللي هنقفل مخابز الشوربة هاهاها

لكي لا ننسى دم أحمد علي مبروك