تحديث هام
تأكد لدينا من مصدر موثوق به أن المدعو محمد أبو زيد الصحفي بالمصري اليوم والذي كتب الخبر بتاع تغطية التظاهرة بتاعتنا في عيد الشرطة لم يحضر أصلا المظاهرة واعتمد في تغطيته الافتكاسية على ما نقله له زميله المصور عمرو عبد الله
سلامات يا مصداقية
والمطلوب من مجدي الجلاد دلوقت حفاظا على مصداقية الجرنان أن يعاقب الصحفي محمد أبو زيد وأيضا أن تتخذ نقابة الصحفيين الموقف القانوني الصحيح من الصحفي الهمام اللي غطى الخبر غيابيا
تأكد لدينا من مصدر موثوق به أن المدعو محمد أبو زيد الصحفي بالمصري اليوم والذي كتب الخبر بتاع تغطية التظاهرة بتاعتنا في عيد الشرطة لم يحضر أصلا المظاهرة واعتمد في تغطيته الافتكاسية على ما نقله له زميله المصور عمرو عبد الله
سلامات يا مصداقية
والمطلوب من مجدي الجلاد دلوقت حفاظا على مصداقية الجرنان أن يعاقب الصحفي محمد أبو زيد وأيضا أن تتخذ نقابة الصحفيين الموقف القانوني الصحيح من الصحفي الهمام اللي غطى الخبر غيابيا
يا جماعة كدة كتير أوي
حتى الجرنان اليتيم اللي كنا بدأنا نحترمه طلع فالصو ومش فارق عن جرايد الحكومة الصفرا
المصري اليوم اللي كانت بتتميز بالموضوعية ولا مؤاخذة المصداقية سقطت في خطأ مهني قاتل
إذ ذكر المحرر محمد أو زيد أننا هتفنا في مظاهرة يوم الخميس هتافات مؤيدة لحسني مبارك
ومنددة بوزير الداخلية
أنا مصدقتش عينيا أنا وعمر واحنا بنقرا الخبر الأصفر ده النهارده
ظنيت أنهم بيتكلموا على مظاهرة تانية غير اللي انا كنت فيها من أولها لآخرها
بس لقيت الصورة المصاحبة للخبر هي صورتنا في المظاهرة على سلم نقابة الصحفيين
قال إيه إننا هتفنا - لأول مرة - تأييدا لمبارك وفي المقابل بسقوط حبيب العادلي
إيه الهطـــــــــــــــــل ده؟؟؟؟
دا كلام مفيش عيل متخلف عقليا يصدقه أبدا
دا احنا هتفنا بسقوط مبارك وأفراد عائلته فردا فردا من أول الهانم لحد الولدين وأي حد من عيلة مبارك حتى الأحفاد اللي لسة ما جوش
دا احنا هتفنا ضد مبارك وكلب مبارك
ودعينا كمان ربنا ياخده ويريحنا منه
وحتى هتافنا الشهير "يصعد يصعد حسني مبارك" معناه واضح ولا لبس فيه وهو دعوة لله أن يأخذ نفس الراجل
فين بقى الهتاف تأييدا لمبارك ياد يا محمد يا ابو زيد إنت ياد؟؟؟
إنت متآمر واهبل؟؟
سقطة المصري اليوم غير مقبولة ومطلوب منهم تصحيحها
وبعدين بالمنطق ياد يا أبو زيد إنت هو مبارك إيه والعادلي إيه؟؟؟
ما هما الاتنين وجهين لعملة واحدة
ومن مدوناتنا نقول للمصري اليوم لموا نفسكم واتعدلوا أحسن
بلاش شغل الهطل بتاع الجرايد الحكومية ده لاحسن تحصلوهم على أقرب مقلة لب وبتاع بطاطا
الخبر الفضيحة أهوه
طب يسقط يسقط حسني مبارك
يسقط كل طاغية فاسد
حتى الجرنان اليتيم اللي كنا بدأنا نحترمه طلع فالصو ومش فارق عن جرايد الحكومة الصفرا
المصري اليوم اللي كانت بتتميز بالموضوعية ولا مؤاخذة المصداقية سقطت في خطأ مهني قاتل
إذ ذكر المحرر محمد أو زيد أننا هتفنا في مظاهرة يوم الخميس هتافات مؤيدة لحسني مبارك
ومنددة بوزير الداخلية
أنا مصدقتش عينيا أنا وعمر واحنا بنقرا الخبر الأصفر ده النهارده
ظنيت أنهم بيتكلموا على مظاهرة تانية غير اللي انا كنت فيها من أولها لآخرها
بس لقيت الصورة المصاحبة للخبر هي صورتنا في المظاهرة على سلم نقابة الصحفيين
قال إيه إننا هتفنا - لأول مرة - تأييدا لمبارك وفي المقابل بسقوط حبيب العادلي
إيه الهطـــــــــــــــــل ده؟؟؟؟
دا كلام مفيش عيل متخلف عقليا يصدقه أبدا
دا احنا هتفنا بسقوط مبارك وأفراد عائلته فردا فردا من أول الهانم لحد الولدين وأي حد من عيلة مبارك حتى الأحفاد اللي لسة ما جوش
دا احنا هتفنا ضد مبارك وكلب مبارك
ودعينا كمان ربنا ياخده ويريحنا منه
وحتى هتافنا الشهير "يصعد يصعد حسني مبارك" معناه واضح ولا لبس فيه وهو دعوة لله أن يأخذ نفس الراجل
فين بقى الهتاف تأييدا لمبارك ياد يا محمد يا ابو زيد إنت ياد؟؟؟
إنت متآمر واهبل؟؟
سقطة المصري اليوم غير مقبولة ومطلوب منهم تصحيحها
وبعدين بالمنطق ياد يا أبو زيد إنت هو مبارك إيه والعادلي إيه؟؟؟
ما هما الاتنين وجهين لعملة واحدة
ومن مدوناتنا نقول للمصري اليوم لموا نفسكم واتعدلوا أحسن
بلاش شغل الهطل بتاع الجرايد الحكومية ده لاحسن تحصلوهم على أقرب مقلة لب وبتاع بطاطا
الخبر الفضيحة أهوه
طب يسقط يسقط حسني مبارك
يسقط كل طاغية فاسد
الصور من عرباوي
هناك ٥٥ تعليقًا:
يادي الخيبه !!!هي دي اخرة ثقتنا فيهم!!!كلهم كده يبقوا زي بعض
مفيش فايده وللا ايه في الناس دي؟؟؟؟
انا احترت !!
ده دليل قاطع أن الصحفى محضرش التظاهرة هو أخد برأى الواد قلفط اللى بينظف العربيات وصدقه
وبعدين هو كتب بطريقه يقدر بيها ياخد نيشان يعنى الموضوع مقصود
غير أن معظم الصحفيين متعينين بنظام الواسطه ومش بيحترموا ميثاق الصحافه ولا حتى عندهم فكر يقدموه
والدليل على كده أنهم بياخدوا مواضيع هابله أنا كتبتها وينشروها
أنا مش بصدق الجرايد عمومآ
وعلى العموم مش مهم هو كتب أيه
ألمهم أنت كتبت وقولت أيه
بس أنا عرفت أنت ليه كنت فى المظاهره
البنات المزز اللى فى الصوره
أشطه يا جرجس
حج جرجس
بصراحة شىء استفزازى ومقدره شعور كل من شارك وحتى لم يشارك ومتأكدة من الهتافات ونوعها
الصحفى لم يتحرى اى دقة فى كلامه وكأنه من خارج الوطن فلا منطقية على الاطلاق ان يهتف احدهم بحياة الرئيس والكل يدعوا الله ان ينهى حياته من الاساس
لك كل الحق فى الشعور بالغضب والغيظ
تحياتى
أنت بتستدرج نواره بنت عمى
دايمآ فضحنى كده
ههههههههههههه
على العموم أنا فهمتها أن قصدك على الرابط
كنت لسه عندها
وارجو انها تقدر تساعدك
عشان أنا اليومين دول عمو أحمد فؤاد زعلان منى ومش طايق كلمنى
عشان عرف أنى أنا ونواره بنشرب سجاير
وكمان فرت
أحنا عيله محافظه أوى
بس نواره هى اللى شربتنى سجاير
وقالتلى دى مفيده وبتقوى النظر
بس بلاش موضوع الشربه وماما فى البيت تعبانه بعدين نيجوا نهدوا المنطجه بتاعتك
ههههههههههههه
سلاموز بقا
سقطه غير مقبوله
ولابد من تصويب من الجريده إذا كانت حريصه علي مصداقيتها أمام جمهورها
عمر قناوي
ذو النون الجميل
فيه واحد صاحبي - بيشتغل زعيم بعد الضهر - قال في يوم إن مصر تحيا عصر الانحطاط في كل شيء... طبعا مافيش كلام يتقال بعد كلام الزعيم طبعا
الأميرة أووسا... لسة واحد صاحبي مكلمني من شوية وبيقول لي إنه شافني في العاشرة مساءا وانا بهتف في المظاهرة ... يعني الموضوع كان متسجل في الدنيا كلها وأقطع دراعي من لغلوغه لو كنا هتفنا تأييدا للراجل... يا دي الوكسة... نهتف تأييدا ليه إزاي بس... مرات الواحد بيبقى أهطل بس مش للدرجة دي... في اعتقادي الخبر مقصود يتقال بالطريقة دي... لأ وإيه يا بت يا أوسة قال إيه إحنا شطبنا المظاهرة بناء على طلب من قوات الأمن اللي كانت محاصرة المكان... إيه الهبل ده... بقى إحنا رايحين أصلا ننكد عليهم عيدهم المجيد ونقوم كدة نشطب بناء على طلبهم؟ أمال كنا متنيلين نازلين ليه أساسا؟؟؟
=============
بقول لك
أنا عايز بجد أتقابل مع نجم... الراجل دا عشقي ليه وهمي... لو ينفع تتوسطي لي عند البت نوارة نعمل معاد مع الراجل يبقى إشطة جدا... وطبعا له حق يزعل لأنكم بتشربوا سجاير فرط... الفاجومي طول عمره حمش وما يحبش الحال المايل... ابقوا اشربوها في السر انتوا التانيين أو في الفَسَحة
رفيقة الفكر توتا
استفزاز ما بعده استفزاز وفي اعتقادي أنه ليس خطأ في الفهم... لأن شعار يصعد يصعد حسني مبارك لم يكن هو الشعار الوحيد الذي هتف فيما يختص بمبارك وعائلته... هتفنا ضده وضد السيدة الفاضلة قرينته وضد نجليه الكريمين وهتافات م الجامدة أوي... يعني الخطأ متعمد ومقصود... ويبدو إننا بنرجع لورا ومن تاني صيغة انتقاد سيادته بتخفت وبيتم التعتيم على أي نقد وهجوم على اسم الرئيس... ودي مصيبة لأننا كدة وبالراحة بنفقد ما اكتسبناه بكفاح ونضال المئات من النشطاء اللي اتحبسوا واتضربوا واتهانوا عشان نوصل للي احنا فيه النهاردة... خسارة بجد يضيع دا كله
عزيزي عمر
مش عارف ليه شامم ريحة مش نضيفة - لكي لا أقول وسخة - في الموضوع ده... شكلهم كرفوا على حكومة خالص
هتافات باسم الرئيس !!!شيء لا يصدق في بر مصر المحروسه كلها
باسم مبارك!!!!علي راي شويكار
شيء لا يسدكه عكل
في اصلها
شيء لا يصدقه عقل
..................................
اعتقد معك ان فيه ريحه مش حلوه في الموضوع !!لو شاع الكذب في الناحيه دي تحديدا و بكثره فمعناه زي
محمد ابو سويلم ما قال:
تبقي الارض ضاعت يا ولاد
ياااااااه يا ذو النون
أبو سويلم هو رمز المرحلة فعلا... لا هي شجاعة م اللي ضرب ولا ضعف منك
أرضنا العطشانة نرويها بدمانا
هاتوا لي الراجل ده
من رجليه
الأرض متباعة من زمان يا باشا
إنسى
معلش اصل كل واحد بيسمع اللي مزاجه وبمزاجه
يمكن انت قلتها يشيخ وانت مش واخد بالك
العيب عليك
ابقي ركز بقي وشوف انت بتهتف بايه
طب يا سي جرجس شيل اللنك العرة بتاع الجنان العرة بدل ما اعملك تفجيرات للمدونة بتاعتك
واللى يشوف محمد ابو زيد
يقوله راندا بتقولك اتفوه، ولو شفتك ف الشارع هسلمك لاسلام نبيه يتصرف فيك بمعرفته، ومعرفكش من النهاردة
ثم يا سي جرجس جريدة رئيس تحريرها مصطفي الجلاد، عاوز يطلع منها ايه؟
انت بتصدق انهم جرنال محترم؟ تبقي واخد مقلب.
بكتب وانا متغاظة
أكيد ياد يا جرجس فهمو كلمة يصعد دى بالمشقلب
من المؤخرة يعنى لا مؤاخذة
ماهم دلوقتى مش ماشيين الا بنظام المؤخرات
أكيدالصحفيين لو كانوا حاضرين فهموا ان يصعد دى المرادف الأفرنجى ليستمر أو يعيش
أو فيفا
وكدة يعنى
مش تبقوا تنقوا هتافاتكم يا حوش؟؟
قال يصعد قال
مش عارفين ان بتوع الصحافة هنا من بتوع محو الأمية والسلاطة الخضرا والبابا برقوق؟؟؟
وكله كوسة ووخيار؟؟
جاتكو نيلة
مليتوا البلد
ما انا قلت لك
المصري اليوم اتضايق عشان هو اللي سجن العيال بتوع الازهر
قام قال: لاااااااااازم اكفر عن خطيئتي
وقال في نفسه ما تصلح ياد ما بين العيال دول وبين الريس
يعني ده جزاتهم انهم بيعملوا معاكوا دقة جدعنة؟!
رغم أنى مداوم على قرايتك و مقاطع التعليق عندك من رذالتك .. كن المره دى متهيألى الحكايه لازم تتعالج كسؤ تفاهم .. و يجب العمل عليه بحكمه و حزم شديد .. فين دين أم منسق كفايه يبقعت تكديب .. محترم و حاسم اللهجه ؟ انتوا هاتقلبوا على حنجورى فى الآخر ؟ واجهوا المشكله بحجمها .. المصرى الوم مازالت جريده محترمه أن لم تكن الوحيده المحرمه حتى الآن .. ياريت نتعامل مع المسأله بذكاء شويه
:(
في بلدنا وكعادة العادة ...الي تحسبة موسى يطلع فرعون بزيادة
وعجبي
يا جرجس يا بني باين اوي ان مستوى ما يسمى بالصحفي متدني في فهم بلاغة و جمال اللغة العربية
و لا اقلك بلاش جمال
حلاوة اللغة العربية و من هنا كان الغلط و اللبس المعنوي الخطير انه فهم يصعد يصعد حسني مبارك
بدل ما تطلع للي خلقها و فهم انها يصعد للحكم اكتر
مع اني مش عارفة يروح فين بعد كده ده تقريبا وصل لسدرة المنتهى بتاعت اي حكم ممكن يوصله حاكم و ان كان غلبه في الفترة و القباحة العقيد الشديد الخطير معمر القذافي
هدي نفسك كده و صلي عالنبي و متفقعش مرارتك على كل كلمة يتفوه بها البهايم ركب الودن الطرشة
ايه يا جرجروي
انا اللي حلعمك الكلام ده
مش كل حاجة تطلع تشهر و تفضح بيها
وحياتك عندي كله ما يستاهل حرقت دمك السكر ده
ماشي؟؟
انا جاية اهدي النفوس
ومادام قلت دراع مرسي يبقى انت بتتكلم صح بس خد شهيق و طلعه زفير او العكس
المهم اعصابك عندي انا اهم من الهبل بتاع المصري اليوم و المصري بتاع امبارح و لغاية مينا نفسه موحد القطرين
ازيك بقى دلوقتي؟؟
صحيح مش رجع اليوزر بتاعي يشتغل
سينا رجعت كاملة لينا و حفصة اليوم في عيد
صحيح
مش كنت تقلي انك رايح نعرض الكتاب
ان اكنت عاوزالي كام كتاب على كام قصة و متخافش كنت حاحاسبك والله اول ما اوصل
بس يلا ملحوقة
سلام بقى
هي مش أول مرة يكون فيه خبر مش مظبوط
كان حقهم يخلوها اسبوعي عشان مش تحصل اللخبطة دي كل يوم ولا اتنين، خصوصا لو الواحد هيفترض انها لخبطة، مش سياسة تحريرية غيرت في الخبر
بالرغم اننى لم اراك مطلقا و لكن عندما علمت عن مدونتك و قرأتها علمت بما فيها من مصداقيه عالية جدا فى حديث ولست اقول هذا الكلام لاننى فرد من افراد المعارضه ولكن اقول هذا الكلام لاننى وجدت الصدق والجدية فى حديثك
و عن ما نشر يا عم جرجس ما هو الا محاولة فاشل من قبل اخونا البعدا مثلما فعلوا مع الكثير و يبقى مسلسل المهازل مستمرا
تحية خاصة
لعم جرجس
دى اول زيارة امدونتك هيا حلوة اوى
بس انا عندى راى احنا بقالنا 25 سنة بندعى عليه طب ايه رايكم نطلع فى مظاهرة ندعى للريس يمكن تحصل المعجزة وربنا ياخده ويريحنا
العزيز دكترة
يمكن يا اخويا الواحد جاله الزايمر ومش فاكر... لكن حتى لو فيه ألزايمر عندي... هيبقى فيه كمان هطل عقلي ف نفس الوقت؟ مفيش حد في الدنيا ممكن يهتف لمبارك - طبعا باستثناء من عنده هطل - دا حتى الأستاذ زكريا عزمي ما يجرؤش يقف في الشارع يهتف لمبارك خوفا من تحرش الجماهير به... وما أدراك بتحرش الجماهير... قوم احنا يا مدونين ونشطاء من كفاية هنهتف لسيادته؟؟؟ عيب أوي يعني
زنزانة العزيزة
صدقيني خايف إن الواد الغلبان دا ما كونش ليه دور في المهزلة دي وإن الديسك بتاع الجرنان يكون صاغ الخبر بالطريقة دي... مش قادر أتخيل إن فيه أي جحش ممكن يكون واقف يومها يتفرج علينا وبيصور أو بيكتب اللي بيحصل ويكتب الهطل الإعلامي ده
بالنسبة للتفافة يا اختي ابقي تفي عليه انتي بنفسك... أنا أصلي مامتشي قالت لي ما تتفش على كلب فيعضك
=======
مين مصطفى الجلاد ده؟؟؟ دا أخو مجدي الجلاد رئيس تحرير المصري اليوم؟ هههههههههه
أنا أعتقد إنه لو رئيس تحرير جرنان اسمه الجلاد يبقى أكيد أنسب رئيس مجلس إدارة ساعتها يبقى إسلام نبيه
بس ليه ما دام الجلاد هو رئيس التحرير يبقى أكيد وحشة؟ ليه بقى بالظبط؟ عندك معلومات محددة تدلي بيها لكفاية حرام؟
شهروزة العزيزة
المشكلة بجد يا شهروز إن يصعد يصعد سلومة الاقرع دا ما كانش الهتاف الوحيد
كان فيه هتافات تانية مباشرة وواضحة ولا لبس فيها... في اعتقادي بجد الموضوع متعمد تحريريا من المصري اليوم وربنا يخلي كلاب أمن الدولة المرابضين في كل الجرايد دون استثناء... الصحافة التقليدية راحت عليها يا وزة
الصحافة الشعبية اللي بيقولوا عليها ما عندهاش مهنية عندها مصداقية أكتر م الهطل ده
نوارة الانتصار الوحيدة في مصر
دقة الجدعنة دي يا ستي إحنا مش عايزينها من وشهم... إحنا عايزينهم بس يكتبوا الحقيقة مش يألفوا بروح امهم... بقى إحنا برضه معقول إننا هنفض المظاهرة بناء على طلب قوات الأمن... على رأي أسماء علي، أمن إيه يا ابو أمن
بالنسبة لموضوع إنهم هما اللي سجنوا الإخوان، أعتقد الحمار اللي أصدر الأمر بالعرض شبه الرياضي ده هو اللي سجن الإخوان... وبعدين الإخوان دلوقت سايبنا إحنا اللي ندافع عن حرية شبابهم في الوقت اللي هما بيدافعوا عن حرية الكلب هاني سرور بتاع الدم الفاسد
الإخوان دول أكبر مقلب - لكي لا أقول خازوق - خده الشعب المصري في هوجة 2005 وما بعدها
أبو الفوارس
المشكلة الحقيقية إن كفاية فعلا مكانش ليها أي دور في المظاهرة دي سعادتك... دي كانت مدونين ونشطاء ودا خطأ تاني متعمد من الجرنان... لما كفاية بتعمل مظاهرة بتنشر دعوتها عندها... دا محصلش ف المظاهرة دي دي كانت مبادرة كاملة من المدونين الناشطين سياسيا... وهما حسبوها على كفاية والإخوان... إخوان إيه بس يا ربي... دي حاجة زفت يا راجل... وبعدين هما استعبطوا بالقصد على توقع إن محدش هيبعت رد أو تكذيب يقول لا خبركم خطأ لم نؤيد مبارك بالعكس شتمناه هو وعيلته... طبعا ساعتها هيبقى تصويب مسخرة
الناشطون السياسيون بتوع مظاهرة الخميس - وطبعا يحطوا بقى الأسماء بحسب العرف الصحفي - يؤكدون للمصري اليوم أنهم لم يهتفوا مؤيدين لمبارك بل هتفوا ضده وشتموه ولعنوا سنسفيله ودعوا الله أن يأخذ روحه والمصري اليوم تعتذر عن هذا الخطأ غير المقصود وها هي قائمة بأسماء من أرسلوا التكذيب
طبعا هيبقى تكذيب مسخرة يا ريس
ونتيجته مش هتكون لطيفة خالص مالص
هتبقى زي نتيجة الصراع بين بطيخة الملطشة وسقراط الأحول في إحدى الأساطير الكلاسيكية من عصور ما قبل الحضارة البشرية
سكوربيو العزيز
شيء محزن إن جرنان كنا بنحترمه جدا وبنحترم مصداقيته يبدأ يهطل على روحه كدة
حفصوتشا العزيزة
إيه ده هو مينا كمان كان عامل المصري مينا اليوم؟ برافو عليه... أنا طول عمري أقول مينا دا أعظم ملك مسك حكم مصر بس مينا دا ها ييجي إيه جمب زعيمنا القادم بعد ستة واربعين سنة عمر قناوي رضي الله عنه وأرضاه وعمر بيحب الشيعة وهيحول عين شمس إلى عين شمس الإسلامية وهيلغي أصلا اسم عين شمس لأنه فيه شبهة وثنية وعبادة الشمس والعياذ بالله
بالنسبة لموضوع تنظيم النفس... ممكن آخد شهيق واطلعه نهيق؟ عادي ما الشعب كله كدة
أما بالنسبة للمعرض يا فاطنة يا بت عمي... المعرض دا طلع حاجة كبير جوي يا بوي... وقعدنا طول الوقت ندور على حلابسة بالليمون والشطة ما لجيناش خالص
سوري اصل كنت بهييس امبارح لان دلوقتي انا ف كامل قوايا غير الهييسية، مصطفي ولا مجدي واحد، المهم جلاد ف النهاية.
يا سيدي دا من محاسيب النظام، ومن الجروب اللي رايح جاي ف طيارة الرئاسة، وافضحها كانت رحلة سيادته من اجل التهليل لملك الترعتين
قصدي البحرين.
جرجس
الراجل بتاع السيبر حدانا قرر يقفل السيبر وبالتالى مش هيكون عندى خدمة الدى أس أل الزباله
متعرفش شركة تانيه أتعامل معاها أنا شخصيآ بس تكون بنفس السعر
حادفع لوحدى 95 جنيه
أنا مسكينه
واااااااااااااااااااء
عبدو باشا
أظن وليس كل الظن إثما بالطبع أنها سياسة تحريرية - نسبة إلى ميدان التحرير - وربما سياسة رمسيسية - نسبة إلى ميدان رمسيس - ويقال إنها سياسة عباسية في إشارة إلى مستشفى الأمراض العقلية اللي هناك
عم بيجاسوس المصري
أشكرك على ثقتك الغالية وتشجيعك... الاختراق الأمني لكل أشكال الصحافة التقليدية... مش عارف كنا هنعمل إيه بس يا ربي من غير التدوين
مصر هي أمي
لا يا عم بلاش الهتافات المعكوسة دي لاحسن الصحفيين بيفهموها غلط ويقولوا اننا بنحبه ولا حاجة
فعلا كلهم جلادون وكلهم قوادون
إذا كانت البحرين بقى ليها ملك يبقى إحنا أكيد فعلا هتفنا للريس واحنا مش واخدين بالنا
ما هو كل شيء جايز حتى حبل العجايز - حتى وإن كانوا ذكورا - نياههههههههااااا
عزيزتي أووسا
أنا ما اقدرش أفيدك أوي لأني بعد ما جبت اللاب توب عقبال عندك ما بقتش أستخدم الحاجات دي خالص... باقعد باللاب توب تحت الشباك ف بيتنا والقط نت من الشارع
هههههههههههه
نصيحتي اشتريلك لابتوب
نياههههااااااا
والمشكلة ان منى الشاذلي في العاشرة مساءاً قالت نفس الكلام وتعجبت وقلت يمكن العيب في أذني وأنها لم تقل ذلك
ونظرا لطبيعة المظاهرة قلت يبقى أذهب أكشف
ولكن بعد كلامك أيضاً الذي رأيته أعتقد أن البعض هو الذي يتوجب عليه معالجة أذنه وغسل نفاقه لرائحته النتنة
بس قوللي الشرطة مضربتش عليكم نار احتفال باليوم دا ولا خلوه يعدي ناشفة
مع تحياتي
حائر في دنيا الله
حتى منى الشاذلي؟؟؟ أنا اصحابي كلموني قالولي إن البرنامج اتكلم عن المظاهرة بس ما قالوليش المهزلة دي... هما بس كل اللي فرق معاهم إنهم شافوني باهتف في المظاهرة... عيال تغيظ... كدة يا معلم يبقى فيه توجه محدد بتضليل الشعب وشكل الكلام ده هيتكرر كتير من هنا ورايح... وش بعيد بعد كدة يقولوا كمان إننا بنشتم الشعب وإننا كفرة وكلام من ده عشان يشوهوا صورتنا
الحرب ممنهجة وشكلهابقت عيني عينك
لأ الصراحة هما كانوا باردين جدا في اليوم السود ده وكانت تناحتهم رهيبة... ربنا يديمها علينا تناحتهم دي... مش طالبة خالص بهدلة يا عم حائر
ماشى يا عم الغنى
بس قولى اللاب توب بكام
وأزاى مش بتستخدم وصلة نت
ولا دى أشتغاله
كنت عند كلبوزه
قريت بوستها الآخير
بصراحه تعليقك هو الوحيد اللى تناول الموضوع بشكل علمى
و كتير من الناس دخلوا الدين فى الموضع
والأخلاق والبتنجان
والواد بيسو اللى أسمه أحمد ساب تعليق عيان زيه
أحييك على تعليقك
بس مش عارفه أخرت البلد دى أيه
منتهى التخلف والرجعيه
للأسف كل يوم أكتشف حاجات غريبه فى التدوين
الناس اللى بتدعى الحريه هى نفسها الناس اللى بتهاجم أفكار الغير
وعلى رأسهم مجموعة الحوارتجيه
لما أرجع لعالم التدوين
أحتمال أفتح النار على الحوارتجيه
و أكشفهم
الحوارتجيه هم السوفسطائيين الجدد
و هم مجموعه معينه تابعت كتاباتهم للأسف لفتره وأكتشفت أنهم كذابين
و هم ماجمع الا لما وفق
هههههه طبعآ عرفتهم
مــجــمع الا لما تنين
كلمة السر
بــمبــى
أوسه
أول مدونه مصريه تتحدث العربيه
العمرانيه الغربيه
ش مشتشفى الصدر
عنبر الكحه
نسيت أقولك
برنامج العاشره مساء
برنامج مسيس
يعنى برنامج تابع للسياسة الدوله
وأن كان توجهه كان عكس كده
وده سبب خلافى مع منى الشاذلى
على فكره نواره بنت عمى صديقه لمنى الشاذلى وأستضافتها مرتين فى البرنامج
مره منهم بخصوص موضوع التحرش فى وسط البلد
وحاولت أنها تغلوش على نواره بس نواره مدفع وأتفتح وكشفت موضوع التحرش وأتكلمت برضه
أنا بفكر أقدم البرنامج ده بدل منى الشاذلى وأخد معايا شهروزه ونواره وسوسه المفروسه
ههههههه ده أحنا نخرب البلد
أوسة القمر
اللابتوبس (جمع لاب توب) فيها حاجة اسمها وايفاي كارد يعني بتلقط الواي فاي كونكشنز اللي حواليها في المنطقة بشرط أن تكون هذه الكونكشن مفتوحة غير مشفرة وهو ما تجدينه في الكثير من المطاعم والكوفي شوبس الآن... الوايفاي كونكشن هي وصلة دي إس إل بس لا سلكية واللابتوبس دلوقت أسعارها نزلت أوي وممكن تلاقي حاجات معقولة تناسب احتياجاتك في حدود 3 إلى 4 ألاف جنيه
بالنسبة للسنيورة منى الشاذلي أنا باحبها جدا وباحترم برنامجها لأنه كثيرا ما كان يتحلى بقدر كبير من الموضوعية... بس مش عارف الشوطة اللي جات للكل دي إيه
هههههههههههههه
سبحان الله
ودارت الدائرة
واصبح من كان يدافع عن المصري اليوم
حينما فعلت تغطية كاذبة لاعتصام طلبة الازهر
ويبرر لاعتقال الطلبة
اصبح الان يطالبها بالاعتذار
هههههههههههههههههههههههههههه
هههههههههههههههههههه
nice blog
http://boggito.blogspot.com
الأخ حسن محمود
فتح عينك كويس هتلاقي في مدونتي البانر بتاع المطالبة بالإفراج عن طلاب جامعة الأزهر المعتقلين واللي قيادات الجماعة باعتهم عشان تلعب بيزنس وسخ مع الحكومة وصفقات مشبوهة من فوق وتحت الترابيزة
النسبة لتغطية المصري اليوم لأحداث جامعة الأزهر واللي الإخوان ابتزوها عشان تعتذر عن ما نشرته الموضوع مختلف تماما عما نطالب به المصر اليوم النهاردة
في أزمة "صامدون" الطلبة عملوا مصيبة سودا وعمرو عبد الله صورها بكاميرته والكاميرا لا تكذب يا عزيزي وأما الاختلاف حول إذا كان العرض عسكري ولا شبه عسكري فدا جدل لفظي محض... لكن صور المصري اليوم لم تكن ملفقة ولا تغطيتها كانت كاذبة... لأن كان بالفعل فيه عرض "رياضي" في قلب حرم الجامعة معمول لإرهاب رئيس الجامعة... المصري يومها غطت حدث بالصور ولو مكانش الولاد غلطوا مكانش القيادات بتوع الجماعة اعتذروا
ابتزاز بعض المدونين للمصري اليوم وقتها كان مؤسس على كلمات جامل بها عمرو عبد الله مصوراتي المصري اليوم زميلته في أحد المواقع الإخوانية بسبب زمالتهما القديمة والواد كان حاسس بالذنب إنه ممكن يكون العيال اتسجنوا بسبب تغطيته للحدث وهو غير صحيحي لأن الحدث كان متصور من كذا جهة إعلامية غير المصري اليوم
السياقين مختلفين تماما
وبعدين فيه اختراع اسمه الموضوعية يعني احنا بنلوم المصري اليوم على خطأ مهني مش بنبتزهم زي ما الإخوان عملوا ولا بنزايد عليهم ولا على حد
Fernando Olmos
أهلا وسهلا
جرجس الا قولي صحيح
هو انت بقيت جماعات اسلاميه انت و الشباب؟؟
ملاحظة ان دقن كل واحد فيكو ماش شاء الله و لا انسان الغاب
لا كده حتخليني اعيد قراري في مقابلتك لو نزلت مصر
احترس بقى
اه اديني وعظتك اهو
حفصوتشا العزيزة
ماهو بسبب دقني أنا وأسد المصري اليوم قررت إن نشطاء من الإخوان كانوا حاضرين ههههههههههههههههههه
مسخرة
ايه يا جماعه انا شايفه الناس واخده الموضوع بجد اوى مش معقول طبعا المصرى اليوم تعمل كده اكيد كانت قصدها تضحكنا خمسه فرفشه ياعنى
اصل مش معقول يعنى يتعمل مظاهره فى مصر قدام نقابة الصحفيين الناس تتجمع والامن يستعد عشان يشكروا فى الريس ويطالبوه بالاستمار
اكيد اكيد المصرى اليوم بتصيع فى الكتابه وقصدها تعمل افيه حلو
انما بقى لو ماكنش ده قصدها يبقى ده الافيه الحقيقى او حاجه تانيه
انك تكون يا جح جرجس رحت مظاهره غلط
يلى ولا يهمك اللى يعيش ياما يشوف
لكن احمد ربنا انهم ما قالوش انك فى المظاهره كنت ماسك صوره الريس عمال تبوس فيها
وتقول ابويا ابويا
دعاء مركز الكون
أنا رأيي نجيب الواد محمد أبو زيت ده وناخده ع الحرية ف مرة وندهوله ونقرره لحد ما يعترف إيه السر بالظبط وهل هي افتكاسة أم جد... لو افتكاسة يبقى خير وبركة لو مش افتكاسة يبقى ليلتو بني محروق
أنا فعلا شكيت في نفسي إن أنا رحت مظاهرة تانية يا دودو... بس فكرة إنهم يقولوا إني كنت ماسك صورة حسني بابوسها واقول أبويا أبويا على قد ما ضحكتني على قد ما كانت هتخليني أرجع من القرف... يعني الواحد يوم ما ربنا يفتح عليه ويبوس يا دودو آخره صورة مبارك يععععععععععع
مين احمد ضياء الدين ده
شفت اليافطة ديه كتير
بالنسبة للبوست
لا تعليق
اياكش تولع
هم تقريبا عملوا غلطة ودخلوا
خبر لم يحدث
في وسط الموضوع
او المحرر معوق
لو قولتلها دودو تاني انا اللي هاخدك عالحرية وادهولك
شوف يا عربي يا حبيبي
أحمد ضيا ءالدين ده مساعد الوزير للشئون القانونية ودا النجم الأوحد في البرامج الفضائية واللي بيدافع عن جرايم الوزارة بكل ما أوتي من قوة ودا اللي كان بيهدد وائل عباس ع الهوا واللي بينضف ورا الوزارة في كل جرايمها... بس كدة
Why would I assume Al Masry Al Youm is lying and believe you?! Al Masry is neutral and you have a position plus you didnt provide enough proof that Abu Zeid wasn't there for me to believe you. You mentioned that you said "yas3ad, yas3ad mubarak", couldn't they have understood it for what it sounds like?!
يا ست الناس
ركزي ف الكلام كويس... دي مظاهرة أنا بنفسي كنت حاضرها وكنت أحد الداعين ليها وكنا كلنا أساسا بتاع أربعين خمسين واحد وشايفين الناس وعارفين مين جه ومين ما جاش... والخبر فعلا مش مظبوط خالص ودي مش أول ولا آخر سقطة مهنية للمصري اليوم... من أول أزمة ميليشيات الأزهر المفتعلة بتاعة الإخوان لحد الحوار الأمني الأهطل بتاع محمود أمين العالم والتنظيم الشيوعي السري الوهمي... المصري اليوم بالفعل فاقدة مصداقيتها في حاجات كتير وإن كانوا بيعرفوا "يلعبوا" مهنية صحفية صح
يا استاذ كفاية حرام انت بتزعق لية انا حاسة من سطورك انك بتنهج وانت بتكتبها اكيد دى ذلة مهنية بس يا استاذ يا محترم يااللى بتدعى انك بتدافع عن الحريات ومومن براى ةالراى الاخر الصحف الحكوميةليست صفراء كما تطلق عليهاولا بيستخدمها بتاع البطاطا دى بتضم كل التيارات المصرية دة لو كنت بتقراء صحف حكومية اقراء فهمى هويدى فى الاهرام وغيرة دة لو كنت بتعرف تقراء وبعدين تقدر تقولى مين اللى شكل افكارك السياسية المصرى اليوم وليدة الامس يبقى انت لسة نونو وبدل ما تقيم الصحف الحكومية روح افهم سياسة واتعلم الحوار المتحضر وكيفية الاختلاف مع الاخر بدل الصوت العالى اللى مش هيسببلك الا التهاب احبالك الصوتية
آه طبعا الصحف الحكومية صحف صفراء وحقيرة ومهنيا زبالة
وأنا الحقيقة باستغرب لكتاب محترمين من أمثال هويدي وغيره اللي لسة شايفين مصلحة ما لكتابتهم في الأهرام وغيرها
فهمي هويدي اتمنع له في الأهرام ما لا يقل عن عشر مقالات في السنتين الأخرانيتين
يبقى أكرم له يسيبها لهم مخضرة
وطظ في الأهرام
وطظ في الأخبار
والجمهورية أتفه بكثير من أن تنال شرف الطظ بتاعتي
روحي يا شاطرة امسحي بيهم....
إزاز العربية
إرسال تعليق