٢٤‏/١٢‏/٢٠٠٦

هيومان رايتس ووتش تطلب محاكمة ضباط العنف الجنسي بمصر

نقلا عن الجزيرة
طالبت منظمة هيومان رايتس ووتش المدافعة عن حقوق الإنسان السلطات المصرية بمحاكمة ضباط شرطة صوروا أنفسهم بالفيديو وهم يعتدون جنسيا على سجين ثم وزعوا نسخا من الشريط لترهيب سائقي الحافلات المحليين
.
.
.
وقال بيان المنظمة التي تتخذ من نيويورك مقرا لها، نقلا عن الضحية عماد الكبير -وهو سائق حافلة نقل ركاب صغيرة من منطقة بولاق الدكرور وهي الضاحية الشعبية في الجيزة، جنوب القاهرة
.
.
.
إنه تم توقيفه في 18 يناير/كانون الثاني على أيدي ضابطين بلباس مدني إثر شجار نشب بينهما وبين ابن عمه.وبحسب الضحية فإن الضابطين قاما بضربه في الشارع قبل أن يقتاداه إلى مركز شرطة بولاق الدكرور حيث قاما بضربه بالسياط.بعدها قام الضابطان بنزع ثيابه وبممارسة العنف الجنسي بحقه بينما كان أحدهما يصور الواقعة بواسطة هاتف محمول، على ما أكد بيان المنظمة الذي أضاف أن إطلاق سراح الرجل تم بعد 36 ساعة من الاعتقال من دون أن توجه إليه أي تهمة
.
.
.
وأكدت مديرة قسم الشرق الأوسط في منظمة هيومان رايتس ووتش سارا ليل ويتسون، أن "الأشخاص المسؤولين عن هذه الجريمة المقززة يجب أن يحاكموا"ـ
.
.
.
وأفادت المنظمة بأنه تم تناقل الفيديو من هاتف محمول إلى آخر قبل أن ينشر على الإنترنت في نوفمبر/تشرين الثاني 2006، مما أثار استياء عاما بين المصريين وفي الصحافة
.
.
.
وأكدت المنظمة أن "التعذيب أمر شائع في مراكز التوقيف المصرية" مضيفة أن على الحكومة المصرية تغيير "الثقافة التي تجعل من التعذيب ممارسة روتينية في السجون"ـ
.
.
ويقول المحامي ناصر أمين من مركز استقلال القضاة إن الكبير التزم الصمت حتى بعد أن وزعت الشرطة على سائقي حافلات آخرين شريط الاعتداء عليه، لكنه قرر في النهاية الكشف عن نفسه عندما احتجز شقيقه في نفس قسم الشرطة.وقال أمين إن الضباط هددوا الكبير وعائلته بعد أن قدم شكوى لدى السلطات وأجبروه على سحب الشكوى وهددوا بمقاضاة صحيفة نشرت روايته عن الواقعة
.
وقد استطاع أمين أن يقنع الكبير بإحالة القضية إلى النائب العام وجرى استجواب الضباط وأطلق سراحهم لاستئناف عملهم.
.
.
(إيه رأيكوا؟ مش كدة بقت حلوة أوي؟ وبعون الله مناخير أمهم هتيجي الأرض ؟)
صدقني طلعت أرجل من كل الأشكال الوسخة دي يا عماد يا كبير

هناك ٢٥ تعليقًا:

غير معرف يقول...

rololololllllllliiiiiiiiii

ya 2alf nahar abyad ya alf nahar mabrouk
the real work started to kick on ya wad ya gerges

ya manta kareem ya rab

am happy
am so happy
el3egl we2e3
hato elskieenah

غير معرف يقول...

رغم سعادتي البالغة بفضح العالم دي
وان اللي ساهم في ده كانوا ناس بيكتبوا في مدونات .. وان المدونات يوم عن يوم بتاخد صدى مهم في مصر اكثر من اي دولة عربية أخرى .. بل انها اصبحت اداة فعالة للاحتجاج السياسي الا ان ما يقلقني حقا هو الضحايا
وحياتهم فيما بعد تفجر القصة

يعني مكانش فيه اي طريقة من اي نوع لاخفاء هويات الضحايا تجنبا للفضيحة وحتى يكملوا حياتهم دون ان تصير وجوهمم معروفة لدى الجميع ...
في المحاكمات الكبيرة التي تتورط فيها شخصيات عامة او انظمة كاملة يتم ابقاء هوية الضحايا سرا حفاظا على خصوصيتهم وحياتهم بعد انتهاء تلك القضايا

غير معرف يقول...

جرجس
رانده فين؟؟
مختفية بقالها كام يوم
ممكن حد يشيك عليها
و يطمني؟؟
سلام يا صديكي

غير معرف يقول...

الحج جرجس

كده بالفعل بدأ العدل يظهر على الساحة صحيح بقوة الكلمة وبمجاهدة لكن ظهر

تصور خايفة افرح زى ما فرحت فى موضوع مصطفى بتاع الهرم وهو لسه فى قسم الشرطة بيمارس مهامه
عايزة افرح بتأثير مجهود ناس وصل لضغوط اكبر مما تخيلنا
بس هفرح برده هفرح علشان لسه فى دايما امل

شكرا على المتابعة يا جرجس
تحياتى

غير معرف يقول...

انا هنا يا روحى، يا حفصوتشا، بس من اثار ضرب عمر واسلام، مخستعة شوية، كمان جرجس سابنى اضرب يرضيكى كدة؟ كنت بفكر اخاصمه لكن قلبي مطاوعنيش، بعدين كنت بحاول افتكس فكرة حلوة لمدونتى، وامبارح بس اتشنكلت فيها، كنت عاوزة ابعتلك تفاصيل علشان تقولى لى رأيك.
مش قادرة، عيانة جدا، صوتى ضايع بسبب البرد، وحاجات كتير شربتها ف اخر يومين، لكن عمر الشقي بقي.
دا احنا اللى قتلنا الحنش .
randa

غير معرف يقول...

يا سلام عليك يا واد يا جرجس
دلوقتى يقولوا عليك حاجة من اتنين، يا واد مجابتوش ولادا، او عميل، هيجت الرأى العام العالمى الحقوقى، (حلوة هيجت دى عاملة زى هيجت شباب واقعة وسط البلد ع البنات)
لكن ف كل الاحوال برافو يا واد يا جرجس، دلوقتى اقدر افتخر بك وقول الواد جرجس دا صاحبي، وساعتها تبقي امك داعية لك، واكتب لك قصر ف الجنة (دا اذا كان...(
عقابا لك بما انك تعرفنى
سلام احسن انا بهيس من تأثير ارتفاع درجة حرارتى.

مراقب مصري يقول...

حفصوتشا

معاكي سكينة زيادة؟
============


القهوة العالية

عماد الكبير بطل والانتهاك الذي تعرض له لم يكن أمرا شخصيا لأنها ليست حالة فردية كما نعلم جميعا
عماد الكبير هو الشعب المصري كله الذي تنتهك أعراضه يوميا بعصا النظام الغليظة

عماد هو البطل وكلنا كومبارس
تفتكري الحيوان اللي انتهك رجولته (واللي النهاردة عامل زي الكلب الجربان بيبوس رجل عماد نفسه عشان يرحمه) تفتكري مين أرجل؟ مين الراجل بجد؟ (الرجولة كقيمة وليست الذكورة هي ما أقصده بالطبع) طبعا السؤال موجه وإجابته واضحة... عماد الكبير أرجل من كل دكورة الداخلية

دائما ما أذكر جملة خالدة من فيلم الأرض
مشهد ضرب محمد أبوسويلم وحلق شاربه (رمز الذكورة أم الرجولة؟)
الشيخ يوسف في الفيلم قال له بنبرة قوية وصوت جهوري وكأنه إعلان ثورة
"لا هي شجاعة م اللي ضرب ولا ضعف منك"

طبعا نفسية عماد متدمرة من شهر يناير اللي فات... وخصوصا بعد ما الكلاب نشروا الفيديو بتاعه وسط زمايله وقرايبه... يعني الخصوصية انتهكت من زمان من أول ما الكلب رضا فتحي صور بموبايله الحيوان إسلام نبيه وهو بيغتصب عماد الكبير

نشرنا للتفاصيل وللفيلم مختلف
إحنا بنرد لعماد شرفه
وحفه
وكرامته

صدقيني مافيش علاج نفسي أفضل لعماد من العدالة والحق

الولد خرج الأسبوع اللي فات من سراي النيابة ولأول مرة من سنة وهو فرحان ومليان بالأمل وبالأمــــــــــــان

مش دا أحسن علاج ليه؟
أبوه مات من حسرته من ظلم إبنه
مش اللي احنا بنعمله دا يخلي دم محمد علي الكبير أبو عماد ما يروحش هدر

ربما كانت مصادفة إن أبو عماد هو محمد على الكبير
وباني مصر الحديثة أيضا هو محمد على الكبير

صدقوني ما كنت بابالغ لما قلت قضية اغتصاب عماد هي قضية اغتصاب وطن بأكمله وعصاية النظام أخيرا هاتخرج من مؤخرتك يا مصـــــر

مراقب مصري يقول...

توتا الجميلة

ملحوظتك في محلها
بس فيه كذا نقطة

قضية التنظيم السري للتعذيب في الداخلية هي قضية متاكملة ومنظومة قوية وكلابها بالطبع متابعين اللي بيحصل وغالبا بيقروا كلامنا هنا دلوقت

ما يتفعش نتعامل مع قضايا المنظومة القذرة دي بالقطاعي... دي منظومة كاملة... فلما نقول أمجد حسي وكمين الزعفرانة وعزل الظابط اللي أهانه دي خبطة في دعائم التنظيم... ولما نقول فضح مصطفى شحاتة (بتاع الأقلام) وإنه بقى ماشي بيكلم نفسه يبقى خبطة تانية... ولما نقول الكلب إسلام بتاع العصاية خلاص مش عارف يفلفص م المصيدة ... يبقى خبطة تالتة

هي بتتحسب بالجملة مش بالقطاعي يا قمر

ممكن جدا الواد إسلام يتهرب برة مصر... بس جرائم التعذيب لا تسقط بالتقادم... وعفريت عماد هيطلع له من تحت سريره في أي حتة على سطح الكورة الأرضية

واحنا مكملين
ووراهم بعصاية الحق لما تطلع من عينيهم

إشطة كدة؟

مراقب مصري يقول...

العزيزة راندا

أعتقد أنه من تاني من يستحق الشكر والإشادة في الحقيقة هو وائل عبد الفتاح ومعه ناصر أمين المحامي
وطبعا الشكر الأهم
لعمــــاد الكبيـــــر نفسه

غير معرف يقول...

بردون يا عزيزى، بابا راجل قاسي، اوبس قصدى الزمن اسي قوى يا واد يا جرجس، أصحابي اتفقوا النهاردة أنى فعلا أنا مسحوبة من لسانى، ، والواد أحمد زكى، طردنى من عند عمر، أديني أتعديت منك ، النهاردة أتشنكلت ف واحد من أصحاب الدقن البلاستيك، وكانت خناقة.أنا مش سعيدة بالخناقة لانها كانت فضيحة بجلاجل أن بعض مثقفى الامة، وبطيخ النخبة المصرية، يعلنوا صراحة تضامنهم مع المحاكم الاسلامية فى الصومال طالما انها حطيط اليافتة، على باب الدكان، وبتقول فيها أنها تناضل ضد الامبريالية الامريكية، وكانت الفضيحة الاكبر أن يتم وضع طالبان والمحاكم، وأمثاله مع حركات المقاومة فى سلة واحدة ، تخيل التخلف وصل لحد فين، أنا بس كان مالى؟بقالى سنتين ونصف مرتاحة من الخرة اللى أسمه جرايد مصرية، وندوات لا مؤاخذة النخبة، كان نفسي أصرخ بكلمة قليلة الادب جداوأنا ماسكة الميك ف الندوة، وأعمل حركة بصباعى الوسطى، أتعلمتها من صديق صايع، بس ، أنا بصراحة متغاظة و مولعة، ومصدومة ف بعض الناس،
أفيدنى يا جرجس يا بن طنط أم جرجس
randa

ذو النون المصري يقول...

انا قلت مره ان الحل و النور قادم انشاء الله
انا فتحت علي الجوجل الان (موسيقي تصويريه)اول نتيجه كانت عن موسيقي (عمر خيرت)و باسمع الان اغنية (ولا ينتهيش النصر في اكتوبر النصر لازم تعرفه الاجيال)انا عيني بتدمع و انا باسمع الاغنيه
انا شايف ان الناس دي و الزعيم اولهم لازم تنضرب بروح اكتوبر بالجزمه
روح اكتوبر لازم تكون ضدهم
لازم

ذو النون المصري يقول...

انا ناوي اسمع بعدها بانوراما اكتوبر

غير معرف يقول...

أفيدونا يا حفصوتشا يا ذو النون، هل ممكن أن تكون يافطة "الحرب ضد الامبريالية الامريكية" هو المعيار الذي نحدد به خندق أصدقائنا، أو أعدأنا؟
عبروني بقي و ردوا عليا..
المهم،
happy christmas all of you
BOUNE Natale a tutti, e AUGURRI
UN ANNO BELLO E CONTENTO

RANDA

غير معرف يقول...

حذر فزر يا جرجس يا واد يا جرجس
أنا بتفرج علي أيه؟

على الاستاذ المحترم يحيي شاهين، بيبوس ايد نادية لطفي، فى الفيلم أياه
وبالتالي دا نصر نسائي، لما أروح احتفل بقي و أغنى الاغنية أياها
اوعى تكلمنى بابا جاى ورايا، بردون يا عزيزي بابا راجل أسي، يعنى قاسي، و ليس أس بالعنجليزي
سلام بقي كفاية
حرام
RANDA

غير معرف يقول...

Randa dear
of course we cant make it the criteria for knowing our enemies or alliances
but what shall u do with some motkhalfeen zai dool
u know just coz am mo7ajabah everybody thinks that am qdeesah,but am very normal person. thats our problem, we put labls for EVERYTHING, so if they say they fight america, then they r good, if am putting 7ejab then am a good person, if not then am a bad girl.
when r u going to open ur blog??
7ahadidik that this will be the last time to answer u if u continue posting without having a blog

:):):):)

salam ya to7fah

ذو النون المصري يقول...

روح اسمع الموسيقي فورا ياجرجس
روحوا اسمعوها كلكم
نا باسمعها الاندمي بيسخن
الله اكبر الله اكبر .....الموسيقي العسكريه لخيرت نار نار نار

ذو النون المصري يقول...

الشعار يا اخت راندا لا يمكن يكون مبرر لتحديد العدو و الصديق الا عند المغفلين و المستغفلين بفتح و كسر الفاء
كل مره يظهر الاصدقاء اصحاب الشعارات بالوعود الورديه
وبعد مده قصيره يبداوا يجندوا النساء المنتقبات و المختمرات و الاعلام يصورهم طوابير قال ايه النساء عازمون علي القتال حتي الاطفال احيانا شفنا الكلام ده في العراق و افغانستان و الصومال اخيرا
المجندات بصورهم المزريهكل واحده عامله عصابه علي راسها مكتوب عليها الشهادتين و الله اكبر و كانها مقاتله فعلا
دول رجالهم اقل من مره مدربه تدريب حقيقي فما بالك بالنساء
دا كله استعراض سخيف رخيص
مش عارف ليه النسوان دي بتعمل كده ومين بيقنعهم بده
اكيد دول ناقصات العقل و الدين
ده اسمه استغلال مشاعر ناس بسطاء لا ناقة لهم ولا حمار في الموضوع

ذو النون المصري يقول...

انا باتغم و باحزن كل ماسمع ان دول مجاهدين
و الله النبي نفسه لو راهم لانكرهم
النبي لا يشرفه ان دول يكونوا مناظر اتباعه و دي تكون مهاراتهم
وليه اصلا النساء تدخل في الموضوع بالصوره المتكررهدائما التي لم يفلت منها نظام مسمي باسلامي حتي الان
الناس المسؤله طبعا يهمها حشد التاييدبالصوره لا بالواقع

ذو النون المصري يقول...

جهزي نفسك لحمل السلاح من الان يا ست راندا

ذو النون المصري يقول...

علي فكره الموسيقي العسكريه لخيرت بتحسسني ان لسه فيه امل لكن الامل فين لا ادري لكن تجعلني اثق بانه موجود في مكان ما
اذا لم نراه فالعيب فينا لا في الامل

غير معرف يقول...

لا ء يا سي ذو النون لن أحمل السلاح لانى واخدة أعفى من الجيش، كمان أهلى مش هيسمحوا لى أحمل أى حاجة ، دى كانت تبقي فضيحة!!
حفصوتشا يا حبيبتى حضري نفسك تحملى تانى اوبس قصدى تحملى السلاح، وكمان تغطى راسك، ومش مهم اذا كنتى عايزة تفتحى بير السلم، طالما هتقفلي الشباك، قصدى راسك

يعنى محدش شاف جرجس، يا واد ياجرجس، يا واد انت فين، تكونش عنده حالة ولادة هنا ولا هناك؟
randa

ذو النون المصري يقول...

هو جرجس تخصصه في الطب ولاده
انا كنت فاكره جراح

غير معرف يقول...

يا رب ده يحصل يا رب بين وبينك يا عم جرجس الشرطة المصرية كلها المفروض تتحاكم لسه شادى دلوقتى حكى لى حتة حكاية سمعاها من أخته شافت فى محطة الدقى الشرطة الوسخة ماسكين مواطن وحبسينه جوه ونزلين فيه ضرب ووهو بيضرخ صراخ فظيع أخت شادى اعصابها تعبت جداً ومش قادرة تتلم على نفسها من ساعتها ، أنا لو أطول احكم عليهم لأحكم عليهم باحكام بشعة عشان الناس دول المفروض الواحد مايتبعش معاهم الرحمة هو زى الكلب اللى أسمة إسلام نبيه أهو ده نفسي كده يتحاكم فى ميدان عام ويتم إعدامه زى سليمان الحلبى بالخزوقة

لكن زى ما بيقولوا مشوار الألف ميل بيدأ بخطوة ربنا معانا لغاية ما نوصل للخطوة الألف ونطهر الشرطة المصرية ويكون الشرطة فى مصر هدفها فعلاً فى خدمة الشعب مش ترهيب الشعب

مراقب مصري يقول...

أعزائي راندا الجميلة وحفصة الرائعة وذو النون المصري الأصيل

عاجباني جدا جدا جلسات حواراتكم في ما أسمته حفصة صالون الحاج جرجس
الحوار حتى وإن كان خارج موضوع البوست لكنه مهم وثري ويعكس احتياجنا إلى صالونات ثقافية حقيقية سواء في الواقع أو على الإنترنت

اسمحوا لي أقترح إقتراح وقولي لي رأيكم
هل تحبوا إني أعمل صفحة خاصة داخل مدونتي وأسميها صالون الحاج جرجس وتبقى ملتقى لينا نقول فيه اللي احنا عايزينه وكل واحد يطرح أي موضوع هو عايزه؟
لو الفكرة لاقت قبول لديكم قولوا لي وأنفذها من النهاردة

تحياتي لكم يا منورين البلوج

مراقب مصري يقول...

العزيز إسلام

بيني وبينك الشرطة مزوداها أوي أوي
دول تشوفهم دلوقت ماشيين في الشارع في عنطزة وفي تحفز وكأن ولاد الكلب المواطنين دول خدامين أبوهم وعبيد اللي خلفوهم

بس الأزمة في مصر مش أزمة شرطة بس
أزمة منظومة متكاملة
أزمة نظام قيمة قبل ما تكون أزمة نظام حكم
أزمة عقلية شعب محكوم قبل ما تكون أزمة عصابة حاكمة وحسب

عايزين نغير يبقى نغير كل دا في عملية تغيير راديكالية من الجذور

نهاره عسل

لكي لا ننسى دم أحمد علي مبروك