٢٠‏/١٢‏/٢٠٠٦

مرشد الإخوان الملثمون في حوار مهتور في جريدة الدستور




غالبا الدستور هتخش معانا في حملتنا ضد الجرايد الواقعة
نهاره أبيض


(قبل ما تقرا الموضوع دا ... ملحوظة هامة جدا... الهجوم على مرشد الإخوان وعلى الجماعة لا يعني أهمية وحتمية وضرورة الدفاع عن حرية شباب الإخوان في مواجهة القبضة الأمنية المستبدة التي تعتقلهم بلا سند قانوني وستحاكمهم محاكمة غير قانونية وربما يضيع مستقبلهم بسبب هذا الاضطهاد وهذا الظلم... أدعو الجميع للمطالبة بحرية شباب الإخوان والدفاع عن حقوقهم والاحتجاج على ممارسات الأمن المتعسفة ضدهم... اختلاف الرأي لا يعني المصادرة ولا يعني الشماتة... نحن جميعا كوطنيين وأحرار نساند حقكم يا إخوان في التعبير وفي التنظيم وفي الترويج لمعتقداتكم على الرغم من رفض بعضنا الكامل والمطلق لهذه المعتقدات... الحرية لا تتجزأ)


مرشد الإخوان الملثمون في حوار مهتور في جريدة الدستور


في عددها الجديد، جريدة الدستور – التي باتت منبرا إخوانيا عتيدا وخصوصا في أوقات أزمات الإخوان وهي غير قليلة – نشرت حوارا "للأخ" خالد محمود رمضان مع "فضيلة" المرشد العام للإخوان الملثمين في العالم


ملحوظة: "الأخ" خالد محمود رمضان هو صاحب الحوار "المفتكس" الأسبوع الماضي مع الملا عمر بتاع طالبان... تخيلوا الافتكاسة!!! وقابله على النت... مقالناش هو الملا بيستخدم ياهو ولا إم إس إن مسنجر... هههههههه


المهم... الحوار الورنيشي الدستوري (حيث أن الحوار جاء كمحاولة من الدستور ذات "الميل" الإخواني - والصوفي أحيانا - لتبييض وورنشة وجه الإخوان الذين نزلت أسهمهم الأرض بعد افتكاسة العرض شبه العسكري الأخير)... المهم الحوار الورنيشي الدستوري افتقر إلى العديد من جوانب المهنية سواء من جهة احترام الموضوعية المجردة والحياد ولا من جهة حتى التركيز على الحدث الجاري وهو اعتقال عشرات من شباب الإخوان في أعقاب عرضهم العسكري في جامعة الأزهر ... الحوار جاء في صورة رسالة طمأنة للناس التي فزعت بالفعل من تصرف الإخوان كما أنه دعاية "موجهة" للترويج للجماعة ومنهجها وحكمها المستقبلي. يجب أن نذكر في هذا السياق أن نفس العدد من الجريدة نشر مقالا لخيرت الشاطر نائب المرشد المعتقل في إطار رسالة تطمينية من الإخوان بعنوان "لا تخافوا منا". الخلاصة أن الحوار جاء على منهجية الإعلام الموجه الممجوجة والتي بتنا نمقتها من الجميع حكومة ومعارضة وأدعياء الاستقلالية. كان أكرم للمرشد أن يعتذر بوضوح وأن يأخذ وضعية المدافع بتواضع المخطئ ويعلن بوضوح وجلاء نبذه للعنف لا أن ينفش ريشه ويتحدث باستعلاء واضح وزهو بالقوة واستعراض لأبعادها كما جاء في أجزاء عديدة من الحوار. متى يتعلم القادة و"الزعماء" في بلادنا فضيلة التواضع وأدب الاعتذار؟


جريدة الدستور تخصص معظم صفحاتها وموضوعاتها الرئيسية

لتبييض وجه الإخوان وليس المطالبة بالحرية والعدالة لهم



في هذا الحوار "الدعائي" الفج (لا أثق أنه غير مدفوع الأجر) ثمة ملاحظات شخصية لي هي محاولة لقراءة كلام المرشد واستجلاء ما بين سطوره في محاولة للفهم الموضوعي والجاد لهؤلاء الذين يدعون أن لديهم حلا سحريا لكل شيء... (نفس الجريدة بالمناسبة نشرت إعلانا بالطبع مدفوع الأجر على صفحتها الأولى عن "دورة تدريبية في مهارات الحصول على وظيفة" بعنوان "كل مشكلة عندنا لها حل... الإسلام هو الحل"... قشطة نهاره أبيض... الله ينور يا حاج إبراهيم... نهاره عسل يا ابو يحيي... العدد طبعا مفعم بموضوعات بل وصفحات عدة تدافع عن الإخوان وتندد بموقف النظام من الجماعة وتؤكد "مع الجماعة" أن العرض لم يكن عسكريا... وصل عدد الموضوعات التي تناولت الليلة بتاعة الإخوان السكر والنظام الكخة إلى نحو 14 موضوعا منها الحوار الدعائي على صفحة كاملة... ويضاف إليها مقالا "بالمرة" – على هوى الليلة الإخوانية - يفند حيثيات حكم المحكمة بحرمان البهائيين من حقهم كمواطنين من تسجيل ديانتهم في بطاقات هوياتهم، وموضوعا آخر بالمرة يهاجم "الكنيسة" والبابا شنودة ويتهمه بأنه عزل أقباط الصعيد عن إخوتهم المسلمين وسلمهم هدية لمبارك وابنه.


الإعلان بتاع الإسلام هو الحل أنهى أي إمكانية وأي ظن بأن
ورنشة الإخوان والدفاع عنهم هو لوجه المولى عز وجل
(يا خسارة يا ابراهيم)


نيجي بقى للملاحظات على الحوار




نقرا مع بعض كلام فضيلة المرشد (بتاع "المعارضين بالجزمة" و"طظ في مصر" لمن لا يذكر)ـ

يقول المرشد عن العرض العسكري بتاع طلبة الأزهر "العرض الذي نتحدث عنه لم يكن المرة الأولى له، سبق عرضه عدة مرات في مناسبات عدة بنفس الكيفية لتأييد حماس وغيرها، إنما لا يوجد عرض عسكري وأنا لو خططته لكان مخالفا لأن الوقت والمكان غير مناسبين".... س: "هل تعني أن عندك القدرة على ذلك؟ ج:-- عندما توجد دواع لهذا"ـ

إذن الأستاذ مهدي عاكف بيؤكد أن العرض تكرر قبل ذلك مرات عديدة ودي معلومة جديدة ومهمة... واتعمل قبل كدة تأييدا لحماس وغيرها ... قشطة... حماس وغيرها دي معناها إن دلالته سياسية وعسكرية بحتة وتحمل معنى إظهار القوة تأييدا لطرف (حماس وغيرها في المرات السابقة) ضد طرف معتد (غالبا إسرائيل في المرات السابقة) طب والمرة دي اتعمل ليه؟؟؟؟ تأييدا لمين (التأييد ركزوا معانا بالأساس دلالته سياسية وعسكرية) التأييد لسيطرة الإخوان على اتحاد الطلاب ومناصرتهم بدلالة سياسية وعسكرية (متمثلة في العرض الرياضي ذي الدلالات السياسية والعسكرية) ضد طرف ظالم ومفتري وابن حرام (الأمن ورئاسة الجامعة كممثلين للنظام على بعضه)... يتساءل الإخوان إشمعنى المرة دي الأمن أخد موقف؟ إحنا هنستعبط؟ المرة دي بتأيد الطلبة الإخوان تأييدا سياسيا وعسكريا (ولو رمزيا إيحائيا) في مواجهة الدولة معتبرها عدوا (النظام بالفعل عدو وظالم وفيه كل العبر... دا واقع)... ربما العرض العسكري لم يكن مخططا له من قيادة الجماعة وبالتحديد مكتب المرشد... ربما... فالمرشد لا يرفض الفكرة من الأساس!!!! المرشد لا يرفض إمكانية العرض العسكري يا اخواننا... بس بحسب أجندة مصلحة الجماعة... ودا اللي الولاد قروه غلط!! إنما المرشد يؤكد أن لديه القدرة على إقامة عروض عسكرية وإمكانية التخطيط لها "لما يوجد الداعي"ــ نهاره أبيض



وردا على من يشيرون إلى ميليشيات الإخوان يقول عم المرشد "هذا عرض رياضي وكل الأندية فيها كل حاجة اشمعنى احنا حتى الاتهامات مكررة دائما" ـ


طب حد يرد عليه يا اخوانا عشان أنا عندي أعضاء بتتفقع بسرعة... أقصد المرارة يا واد انت هوا اتلموا... يا عم الحاج إحنا هنستعبط... نوادي إيه ونيلة سودا إيه؟؟؟ دا حرم جامعي!!!!! والعرض ههههههههه الرياضي دا اتعمل أمام مكتب رئيس الجامعة لإرهابه واستعراض القوة عليه وعلى إدارة الجامعة... هوه يا إما توكلنا داطورة ونتسطل ونتدهول زي بتوع الدستور يا إما نبقى "جهلاء" كما تتهم معارضيك على الدوام؟؟ روق كدة لاحسن يطق لك عرق



وبسؤاله عما نفاه كثير من الإخوان وقللوا من أهميته وهو تصريحه بقدرته على إرسال 10 آلاف "مقاتل" ... خد لي بالك من كلمة مقاتل وحياتك... أجاب سي مهدي قائلا نعم أنا أعني ذلك وأكثر من هذا... هذا حال الإخوان وأعلن أننا مستعدون لإرسال 10 آلاف ..."ـ

إذا كان شعار الإخوان هو المصحف على حد السيف وأعدوا لهم ما استطعتم من قوة
فمن العبيط الذي ينكر أن منهجية العنف والقوة جزء أصيل من أيديولوجيتهم؟؟؟

بص يا سيدي... بغض النظر عن حيثيات كتيرة في الموضوع... لكن ما ينبغي التأكيد عليه هو أن المرشد "يؤكد" وجود ما لا يقل عن 10 آلاف مقاتل يمكن "إرسالهم" إلى الخارج... فما بالك من لن يسافروا... إذن نفي فكرة الميليشيات كلام أهبل ومناقض للتأكيد بوجود آلاف "المقاتلين" المدربين على فنون القتال والاشتباك (وهو ما استعرضه حفنة من هؤلاء في استعراضهم غير العسكري في حرم الجامعة)... الإخوان المسلمون إذن لديهم معسكرات تدريب قتالية على أعلى مستوى قتالي وربما كانوا مسلحين... وهذا يا أخ مهدي هو ما هدد المصريين وأفزعهم وخصوصا المتعاطفون منهم مع جماعتكم


(شيء مقيت جدا أن يكتب العديد من الكتاب والمدونين المتأخونين كتابات عديدة تسخر من فزع المصريين من استعراض شباب الإخوان القتالي ويبدؤون كعادتهم في التندر والسخرية من كيف يخاف المصريون أُمَّات قلب رُهَيِّف من الأقنعة السودا وحركات الكونج فو والكاراتيه بتاعة الولاد الطيبين ويقارنوا بين تخويف الإخوان المستنكر وتخويف الأمن المسكوت عنه... إيه الهطل دا... إيه العلاقة يا "إخوان" يا عاقلين؟؟؟!!!... العنف من الأمن مرفوض وسافل وواطي... واستعراضاتكم التي توحي بالعنف وإمكانية وشرعية استخدامه سافلة أيضا وبنت كلب... يبقى بلاش نلعب بالوساخة دي بتاعة فرش الملايات... آه طبعا حضراتكوا خسرتوا بغباوتكوا ملايين من المتعاطفين في الشارع مع الإخوان ... ما انتوش قادرين تدركوا إن الناس بتفهم وتميز... ممكن صحيح تمشي وراكم في اللي فيه مصالحها والخدمات اللطيفة اللي بتعملوها لهم... لكن عنف...إنسى يا عمرو!! الشعب دا داق الأمرين من الجماعات الإرهابية اللي التاريخ بيحكي إنها خرجت من تحت العباءة الكبيرة بتاعة الإخوان (أقصد الجهاد والجماعة الإسلامية وغيره من جماعات العنف والقتل)... الشارع هو اللي بيرفضكم النهاردة يا "إخوان" ـ

جزئية هامة جدا يحسم فيها سيادة المرشد قضية انتماء حماس... كثيرون يعتقدون أن حماس تنتمي تنظيميا للإمامة الشيعية في إيران وسوريا ولكن يبدو أن هذا غير دقيق للغاية فصحيح أن ثمة دعما تتلقاه حماس من إيران وسوريا لكن السمع والطاعة عهد البيعة اتضح أنه إخواني تماما... البيه المرشد بتاعنا دا هو اللي بيحرك الست حماس وقياداتها بتوع السمع والطاعة وبوس إيد المرشد يا وله... خد بركة أبوك الحاج... فعن حماس يقول مهدي... لا أكتمك هم إخوان مسلمون... وبعد أن يشيد بأدائهم في الحكومة وفي غيرها يجيب على سؤال ما إذا كان ثمة علاقة تنظيمية أم لا فيقول هم إخوان ونحن إخوان... ويسأل خالد: قيل لي أنك أنت صاحب القول الفصل على حماس... فلا ينفي مهدي بل يجيب: لو أرادوا... فلو هم مختلفون في شيء وعرضوه علي سأتدخل... بصفتي مرشد الإخوان وهذا يحدث في مناطق كثيرة من العالم ـ



وفي جزئية مغازلة ومهادنة من طرفه للنظام يعلن سي عاكف أنه يرى أن المظاهرات والعصيان المدني ليس في صالح الوطن "لأن النظام الاستبدادي الأحادي لا تهمه المظاهرة"... حد يبلغ سي الأستاذ إن إضراب واعتصام 17 ألف عامل في المحلة هما اللي ركَّعوا النظام وخلوه يستجيب لمطالب العمال

ليس ثمة مصلحة للإخوان في أن يولد حل من خارجهم... أي "حل" حقيقي يأتي من خارجهم يهدد كل منهجيتهم القائمة على وهم شعار "الإسلام هو الحل"!! من ثم فمن مصلحتهم إن الشعب يفضل نايم ومؤدب وما يعملش عصايانات ولا إضرابات وإلا ساعتها ستنعدم الحاجة إليهم لأن الشعب هيكون عارف يحقق مصلحته بنفسه... بس دول ما يفرقش معاهم لا مصلحة شعب ولا دين أم الوطن... هؤلاء مهووسون بوهم دولتهم الإسلامية العالمية العظمى التي تتضاءل إلى جوارها كل القوميات وادعاءات الوطنية المحلية ولا مصرية ولا قومية إسلامية إسلامية



وعن جمال مبارك واستلامه الحكم يقول لا فض فوه ردا على ما إذا كان لديه "وجهة نظر" ضد نجل الرئيس... "هي ليست وجهة نظر ضد مجل الرئيس وإنما وجهة نظر محددة بأنه لا يجوز بحال من الأحوال توريث الحكم وهذا مبدأ وإذا كان نجل الرئيس يريد الترشح فأهلا به ولكن وفقا لقواعد الديمقراطية والدستورية" ـ


ههههههههههههههههه
نفس كلام الله يمسيه بالخير حسام بدراوي والسيدة الفاضلة المُزَّة هالة مصطفى بتوع لجنة السياسات... مين قال يا عم الحاج إنه هييجي وراثة ما هو ييجي بالظبط عالمقاس اللي انت حطيته... بالترشيح الحر... ما حد يقول له حاجة... إذا كان نجل الرئيس يريد الترشح فأهلا به!!! إيه النيلة السودة دي

آدي يا وطنيين يا حبايبي رأي سيادة فضيلة غبطة نيافة المرشد في "الأخ" جمال مبارك... يترشح آه لكن يتورث لأ... ما هو يورث بالترشيح وبالانتخاب الحر المباشر وهييجي علينا بالديموقراطية... الراجل دا بجد بينيمنا ودا عيب كدة




بالنسبة للسادة الإخوان اللي هاريين أبونا تريقة لما بنتكلم عن لما الإخوان يمسكوا الحكم ويقعدوا يسخروا من الكلام من أن الإخوان ليس في نيتها مسك الحكم وهي بس يعني بتصلح وتخدم من بعيد لبعيد... خدوا كلام المرشد بقى واخرسوا خالص
الراجل ما نفاش إن في نية ورغبة الجماعة الانقضاض على الحكم فعندما سئل ما إذا كان الإخوان قادرين على تشكيل حكومة ... فأجب بنعم ولكن ليس الآن



أما حديثه عن الأقباط في مصر وأوضاعهم الحالية فيؤكد لنا أن الرجل يحيا في مصر تانية... مش عارف أخبار الولاية اللي اسمها مصر ليه ما وصلتش لجناب الخليفة صح...فهو يقول الأقباط ليسوا محرومين لا اقتصاديا ولا سياسيا ولا اجتماعيا، هم يتمتعون بحريات أكبر من المسلمين!!!!!!!! هههههههههههههههههههههه

كان فيه كذا مدون طلبوا مني أكتب حاجة لايت ومضحكة قبل العيد بعد جرعة الكآبة والتعذيب بتاعة الأسبوعين اللي فاتوا... خدوا أهي آخر نكتة ... صحيح بايخة ورزلة وسمجة لكن معلش نستحمله... يعني هو اشمعنى ده اللي مرض الزايمر مش هيحصله... عادي يعني

المسيحيين دول غالبا اللي بيتكلم عنهم ما هماش مصريين ومكتويين بالحرمان الاقتصادي اللي فيه مصر كلها (يمكن يا ولاد ما وصل لوش لسة إن البلد في أزمة) وكمان غير محرومين سياسيا (غالبا القبطي الوحيد اللي سمع عنه هو يوسف غالي أو نبيل لوقا بباوي) هههههههههه وغير محرومين اجتماعيا (لأ كدة كتير حد يرد عليه)... يا عم الحاج الأقباط مصريين عاديين جدا طالع دين أبوهم سياسيا واجتماعيا واقتصاديا زي المسلمين بالظبط لكن يزيد عليهم كمان التفرقة (لكي لا أقول الاضطهاد) على أساس ديني



وردا على أن بعض الأقباط هددوا بالرحيل إذا وصل الإخوان إلى الحكم لم يحاول المرشد طمأنة هؤلاء المتخوفين بل أجاب في سفالة بالغة "مع السلامة" (دا عند ام أنَّص يا حلاوة إحنا قاعدين على قلبك لطالون)... وفي مزيد من العنجهية وغرور استعراض القوة عندما يسأل عما إذا كان قلقا بشان ما يجري حاليا داخل الكنيسة القبطية (وهو على فكري أمر يشغل كل وطني لأنه بالفعل مقلق للغاية وفاسد للغاية) يرد بتلقائية بالغة وبسماجة متناهية وفي فضح واضح لعدم اهتمامه بالشأن المصري "لا شأن لي ولا أتدخل فيها ولا أعطيها أي أهمية" ـ


يا راجل يا بتاع المدارس يا مثقف يا محترم... مؤسسة تؤثر – بل وللأسف توجه – نحو عشرة إلى اتناشر مليون بني آدم فيكي يا مصر ولا تعطيها أي أهمية!!! يا خبر اسود!!!! يا عم الحاج مش برضه دول هيبقوا بكرة أنفار في العزبة اللي هتمسكها سيادتك؟؟ هيتنيلوا يعملوا إيه طيب؟ "لا أعطيها أي أهمية"... طب يعني مش معترف بمواطنتهم ولا مش معترف أساس بالوطن... "لا أعطيها أي أهمية"... هيا ليلة سودا يا عم الحاج


الله يسامحك يا ابراهيم يا عيسى... هي دي الليبرالية؟ الله يخرب بيت الليبرالية لو هي دي... تعمل يا راجل حوار زي دا وتقبض تمنه بإعلان أول صفحة بتاع الإسلام هو الحل لمشكلة البطالة... هو دا اللي انت حاربت عشانه سنين يا ابو يحيي؟؟؟ هو دا اللي قفلوا الدستور عشان تتفتح تاني عليه؟؟؟ يا خسارة يا ابراهيم يا عيسى... يا خسارة ع الرجالة...


يا ريت لو أي حد م اللي بيقروا بيشتغل صحفي في الدستور يبقى يوصل لإبراهيم عيسى الرسالة دي... قولوا له إنت بتخسر كثير كدة يا ابراهيم... بتخسر نفسك قبل ما تخسر جمهورك

هناك ٦٢ تعليقًا:

غير معرف يقول...

يا واد يا جرجس، اعتر فيك فين النهاردة؟ على العموم انا هكون ف وسط البلد النهاردة على التكعيبة من بعد سبعة ونص لو معندكش حالات ولادة.
هكون مع الواد زكى قدرة أو هبص بصة ع الواد قناوى فى الامبراطورية.
شفت اللنك، هتلاقى حواديت كتير غير الشكاوى كمان، ايوة انا بذاكر دلوقتى علشان اعمل مدونة.
البوست دا بتاعك حلووشكله مسخرة طويل لكن وحياة (...)الحمرا هقراه
دلوقتى مدونتك بقت اول الاصطباحة فى الشغل، وقبل النوم ف البيت، يلا سلام يا مسهرنىىىىىىىىىىىىىى
randa

غير معرف يقول...

عزيزى جرجس انا متفق ومختلف معاك ياباشا
اولا متفق ان الاخوان فقدو كثيراً من شعبيتهم بسبب الهبل الى حصل دة وواضح انة قرار عبيط اخدة واحد مسطول وضارب فحل بصل على الصبح من ابو 6 جنية الكيلو والى دفع تمن القرار الاهبل دة 150 شاب هايضيع مستقبلهم بسبب هبل فى هبل مش بس كدة دول ادو للحكومة الفرصة انها تمسك عليهم ذله وما ادراك مالحكومة يابا كلب ومسك عظمة وهبا الاهرام والاخبار والجمهورية اشتغلو زى النار ميلشيات (ودى هانجيلها بعدين )والشعب يرفض الاخوان وشوية كلام من الى قلبك يحبة وكان الشعب بيرفض الاخوان بس لكن بيحب الحكومة وبيحب حبيب العادلى وبيحب كل الضباط الى طلعو روحنا اهانات واعتداءات واغتصابات لكن منابر الدعارة الحكومية ماشافتش دة شافت بس تصرف الاخوان وعلشان تعرف ان الموضوع دة مستنياه الحكومة من بدرى اولا الموضوع دة اتكرر اكترمن مرة ولكن لاحس ولا خبر اما الان تصوير وافلام وهيصة ياعم الحاج
ثانيا اتفق معاك فى ان المرشد ابتدى يهجص لان اى عيل صغير يقول الرأى دة فيما يتعلق بأذمة الكنيسة يبقى جاهل سياسيا واجتماعيا لان ذى مانت قولت فية على الاقل 10 مليون شخص فى البلد الاذمة دى تهمهم ويتوجة حياتهم وتفكيرهم
ثالثا اتفق معاك ان الاخوان عايزين يوصلو للحكم وكانو ماشيين بخطوات واسعة لدة ولكن الغلطة الاخيرة اعتبرها حفرة حفروها هما ووقعوا فيها هما بردة

اسمح لى بقى اختلف معاك
اولا اختلف معاك فى موضوع معسكرات التدريب والاسلحة والهبل دة لان الكبير مش اهبل ولا هايسمح يحصلوا زى السادات وعايز اقولك ان الموضوع دة انتهى من اواخر التسعينات وبعجين موضوع ال10000 مقاتل دول فنجرة بق وانا كان نفسى الحكومة تقولو اوكى هاتهم واحنا نسفرهم هاتلاقى شوية شباب من الى منضمين للاخوان لكن لاتدريب ولا اسلحة ولا الكلام دة لان وبساطة الكلام دة كان بيحصل فى افغانستان بس لكن من ايام قانون الطوارئ والموضوع دة ميت فى مصر والحمد لله والى اقصى حاجة ممكن تحصل دلوقتى شوية الكاراتية والكونغوفو الى الشباب عملوهم
ثانيا اختلف معاك فى هجومك على ابراهيم عيسى لان الراجل معروف بمصريتة الشديدة ووطنيتة كون الدستور فى هذة الفترة يشعر قارئها انها منبر لللاخوان فهذا لايضر الرجل ولا يعيبة وحتى لو كان اعلان مدفوع الاجر فمن حقة ان ينشر مايريد من منطلق حرية الصحافة ومن حق الاخوان ان يقولو مايريدون من منطلق حرية التعبير عن الرأى ومن حقنا ان نفهم مانريد من منطلق اننا بشر فضلنا الله على باقى المخلوقات بالعقل الذى نميز بة الصح او الخطأ ولا ننكر ان هذا الحوار بالذات اضر بالاخوان مثله مثل الهبل الى حصل فى الجامعة يعنى على رأى المثل جة يكحلها عماها وبعدين خلينا نكون صرحاء مع بعض لو عرض عليك جيمى ولا حتى حبيب العادلى ولا اى واحد من الى انت مختلف معاهم انة يخص مدونتك بحديث حصرى هاتقولو لا ما اعتقدش
اعتقد ان المرشد من الشخصيات الى يتمنى اى اعلام انة يعمل معاه حوار ولا اية ياعم جرجس

غير معرف يقول...

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا كده زعلتني يا حاج!!؟؟
صحيح الحرية للكل لكن معلش لما يكونوا جماعة زي الاخوان دول بيستعرضوا بقوتهم عشان ترويع الاخرين و تخويفهم و بسط نفوذهم يبقى لا
ما دام قرروا " يجاهدوا" يبقى يتحملوا تبعية اللي عملوه
امال هما فاكرينها فرقعة بمب عيد مثلا
مش هما عاوزين يجاهدوا و يموتوا في سبيل ما يعتقدوا انه الشهادة العليا؟؟؟؟
يبقى خليهم يتحبسوا و اهو يمكن يعرفوا ساعتها ان الله حق
صح؟؟و لا غلطانة؟؟
مش فاهمة تعبير عن انهي حرية راي دي اللي انت بتتكلم عليها؟؟
لو كانوا طلعوا في مظاهرة حقولك ماشي ساعتها معاك حق
لكن عمالين بيعملوا عروض قتاليه و كمان مسلحة؟؟
نهار اسود
يبقى مصر ضاعت و بالتلاتة كمان
و كمان العرض حصل كذا مرة؟!!؟؟
الله الله
و لك تقبرني هيك حكومة
خليتني اتكلم شامي من بعد غياب
مش عارفة اعلقلك بايه و لا ايه؟؟؟
بجد
انا حبقى اعلقك كل شوية على كل حته لوحدها
و بعدين مش عارفة ليه من كذا موقع دخلت عليهم غيرك لقيت الكلام عن الموضوع بتاع العروض دع و عن حديث المرشد و ليه حسيته بيتكلم بثقة شديدة عن امساكه لزمام الامور في الحكم قريب اوي؟؟
هل ده نابع من احساسي الارتيكاري الدائم من الاخوان و لا حد شايف نفس الثقة دي غيري؟؟
حد يرد عليا
و بعدين انت عمالك بتلوم على عيسى و اسلوب الدستور اللي اتغير؟؟
انت مش شايفة لعبة البازل اتركبت تاني ازاي؟؟؟
لو مش شايف قلي حبقى اكتبلك في السر عشان انا مش عاوزة اتقفش اول ما انزل المطار
انا وحيدة امي يا بيه و مصطفى هو اللي حيلتي
مالوش غيري

مش عارفة اقلك ايه
خايفه ادعي عليك زيادة و تستجاب دعوتي اصلي مكشوف عني الحجاب
يخرب بيت شيطانك
اهمد بقى و اسكت شوية
يلا روح يا رب النت تفصل عندك يومين عشان تهدى شوية
صحيح توضيح
عمر حماس ما كانت شيعية باي حال من الاحوال و عمرها ما كانت زي حزب الله و مش معنى انها بتاخد تمويل من سوريا(اذا كان من سوريا اصلا) يعني انها نفس توجهات حزب الله
طول عمرها اخوان
و الدليل قالولوه

لو في اي حد زي حزب الله كانوا فعلا ضربوا قنبلة مرة صح و كانت فعلا خافت منهم الدول اياها
لكن عمري ما سمعت ان السعودية مثلا متضايقة من حركات حماس
و عمري ما سمعت ان حماس ضربت او فرقعت قنبلة و فعلا كان فيه خساير
دايما بيضربوا في الهوا
يعني مع كل المنتحرين اللي هما بيطلعوهم متصورين و ماسكين المصحف ( بالشمال خد بالك) بتبص تلاقي المنتحر اياه نقى ازحمها مكان و مع ذلك وقف على جنب و متداري مش عارفة ليه؟؟؟؟؟؟
بجد مش عارفة ممكن حد يرد عليا؟!!؟؟
حاجة اخرى
حد قرا تصريحات لعبود الزمر و غيره من عتاولة الاخوان القدامى المحنكين؟؟؟؟
يعني هما قتلوا السادات الله يرحمه و حللوا دمه و لعنوا سافلينه و دلوقتي اكتشفوا انه قتله كان حاجة مش كويسة ومش حلوة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
:( :0 :(
يعني فيه مثل بيجي في بالي اول ما اقرا اي حاجة يقولها اي مسؤول اخواني لكن م شعارفة
اقوله و لا مقولوش؟؟

بجد على راي مدونة صديكة ضاع عقلي
هو فعلا ضاع و من زمان لاني حاولت افهم الاخوان في اوقات كتيرة
لكن هما الظاهرة الوحيدة اللي عجز عقلي الجبار عن فهمهم
او يمكن فهمتهم لكن بستعبط
:)

غير معرف يقول...

بدايه كلامك يا جرحس جت ناعمه وعاقلة ورزينة وحسست اللي بيقرالك انك فعلا بتتكلم من منطلق الدفاع عن الحريات المنتهكة
ولكن لم تستطع الصمود طويلا
ظهر حقدك وبغضك وكرهك للاسلام والمسلمين سريعا
وتعبيرك مرشد الاخوان الملثمون نرفضه شكلا وموضوعا
اسمهم الاخوان المسلمون يا جرجس
من قال لك ان اسهم الاخوان نزلت لدي المواطن البسيط في الشارع
؟؟؟؟؟؟؟؟؟؟؟؟؟؟؟؟
دي خيالاتك المريضة بتصورلك دة
والاثبات ان شاء الله قادم مع الانخابات النيابية القادمة
وكيف تسمي عرض لطلبه جامعه واعتصام سلمي عرض عسكري
؟؟؟؟؟؟؟؟؟؟؟؟؟؟؟؟؟؟؟؟؟؟؟
انا مشفتش لا دبابات ولا مدرعات ولا قنابل ولا اسلحة
ايوة ايوة يمكن قصدك علي مدرعات الامن المركزي يا جرجس
مش بقلك يا جرجس انت مفقوس اوي
وبعدين احنا لا يمكن نخاف من الاخوان يا جرجس لانهم منا واحنا منهم واحنا عارفين انهم خيرة شباب مصر والطبقة المتعلمه وسيبك من كلامك الخايب بتاع عن اننا اتخضينا واتفزعنا
وبعدين يا متعلم حضرتك عايز اعتذار صريح من المرشد علي عرض شبه مسرحي
طب فين اعتذار قيادتك الحكيمه عن انتهاك الوطن يوميا وسحل المعارضين
؟؟؟؟؟؟؟؟؟؟؟؟؟؟؟؟
انت بتحاول تقلب الحق باطل والباطل حق........................
في هذا الحوار "الدعائي" الفج (لا أثق أنه غير مدفوع الأجر) دي وجهه نظرك؟
؟؟؟؟؟؟؟؟؟
لا اؤوكد لسيادتك ان نشر اي جريدة لاخبار الاخوان ومحاولة الوصول ليهم بتفرق مع الجريدة دي في نسبة التوزيع
يعني من الاخر الدستور بتلعب علي شعبية الاخوان المتجاوزة لحوالي 50مليون مصري ما بين منتمي ومتعاطف
........................
شعار الاسلام هو الحل ليس محل لنقاش او انتقاد يا جرجس
دي احد المسلمات اللي اي مسلم مقتنع بيها
لان الاسلام دين حياه
مش دين كهنوت وكنيسه
..............................
انا شايف ان حضرتك زعلت اوي من الموضوع اللي الدستور هاجمت فيه البابا شنودة
؟؟؟؟؟؟؟؟؟؟؟؟ طب فين حرية التعبير بتاعتك
؟؟؟؟؟؟؟
بتنقح عليك دلوقتي
؟؟؟؟؟؟
وماله يا اخي ما حرية الراي مكفولة للجميع
وحضرتك اهوة بتهاجم المرشد وبتتهمه بابشع التهم
يبقي البابا بتاعك منزلش من السما
لا ده انسان عادي وممكن يبقي فاسد
......................
بالنسبة للعرض ايوة اتكرر كتير في الجامعات المصرية
وفي كل الجامعات واحنا بنشوفة في المظاهرات السلمية للاخوان
وبيبيقي عادي
لا تنتهك حريات احد ولا يعتدي علي احد ولا يستخدم الاخوان دباباتهم ودروعهم
استهبال حضرتك انك متعرفش ان الكلام دة عادي معناه انك في غيبوبه او خريج جامعه موزمبيق
.........
بالنسبة بقي لمناصرة فلسطين والعراق وافغانستان
ايوة يا جرجس احنا بناصرهم
وبنعمل مظاهرات عشانهم وعروض بالشكل دة
واظن دة ميتعبش سيادتك في شئ
........................
كلامك عن حرم الجامعه وقدسيته
لما اتكلمت عن اعتصامات الاخوان
طب ليه متكلمتش عن العساكر الامن المركزي في قلب الحرم الجامعي
ليه متكلمتش عن تزوير الانتخابات
؟؟؟؟؟؟؟؟؟؟؟؟؟؟؟
بالنسبة 10000 مقاتل اللي بتقول ان المرشد اتكلم عنهم
لا هما في الحقيقة اكتر من كدة
يعني ممكن يوصلوا اكتر من مليون شاب مستعدين يجاهدوا في سبيل الله واضعاف العدد لو عايز يا جرجس
....................
بالنسبة للشعار وما تسميه ايدلوجية العنف
فاكر لما المسحيين طلعوا في مظاهرات بيطالبوا شارون باحتلال القاهرة
؟؟؟؟؟؟؟؟؟؟؟؟؟؟؟؟؟؟؟؟؟
عشان كدة احنا بنعد يا جرجس
.......................
حماس احد جماعات الاخوان المسلمين ودة معروف وفخر لينا وفخر للاسلام
ممكن تقولي المسيحيين بتوع كنيسة القيامه عملوا ايه يدافعوا بيع عنها
؟؟؟؟؟؟؟؟؟؟؟؟
مسيحيين فلسطين هم الخونة وهم من يرشد الاحتلال عن اماكن نشطاء الجهاد
ودي معروفة
......................
لما ابوس ايد المرشد دة بيبقي قناعه شخصية
لكن انت وانت بتبوس ايد ابوك القسيس في الكنيسة دة بيبقي مفروض علي اللي جايبينك
وغصب عنك
......................
ونهايه للحوار
غلك وحقدك وكرهك واضحين اوي يا جرجس
احب ابشرك
الزمن القادم لحكم الاخوان شاء من شاء
ورفض من رفض
يعني كلامك المريض وكذبك في سرد الاحداث ومحاولة تغيير الحقائق مش هيجيبوا نتيجة
فاكر يا جرجس
نداء الاقباط علي شارون لتخليصهم من حكم المسلمين في مصر
فاكر
اظن انت لا يمكن تنسي ولا انا كمان هنسي
بالنسبة للمخدوعين اللي هيقوا كلامك
احب بس اقولهم كلمتين
يا ريت اللي يعلق يشوف الحاج جرجس منطلق من اي خلفية
وانه لما بيغلط في رمز زي الحاج مهدي عاكف
يبقي بيغلط في كل مسلم

alnadeem يقول...

هدي أعصابك يا جرجس
قلت لك قبل كده ما تكتبش وانت منفعل يا ابن الناس
يا ريت اشوفك بكره
سلام

غير معرف يقول...

يا جرجس يا حبيبي انت مسخرة، انت لسه بدقق على اونكل عاكف، يا بنى دا عاكف علينا، "الاستهبال هو الحبل" ادى كل التيتة، اه استهبال،خصوصا ايه ان الاقباط واخدين كل حقوقهم، شكل اونكل عاكف بيكلم عن اقباط جزيرة مدغشقر، اى جزر القمر، بعد مقلب انضمامها للجامعة العربية، اونكل عاكف هنا اثبت الحكيكة العلمية الكائلة أن مخ الحمار اكبر من مخ الاخوان الاسلاميين احيانا.
وكفاية بقي سلام
randa

غير معرف يقول...

الاخ حاتم الشرقاوى
تعرف نفسي ف ايه ؟ نفسي ارنلك ضحكة من بتوع تحية كاريوكا على كلامك الهايل دا
يلا بالشفا هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

غير معرف يقول...

اللهى وانت جاهى تنشك فى معاميعك يا جرجس با ابن ام جرجس علشان تتهد شوية
يعنى يا ابنى عاجبك انت المرمطة بتاعتك دى كل شوية؟
ولا انت غاوى تسخنها وتسيبها تولع؟؟

اهو الاخ شرقاوى بتاع الاخوان مسح بيك بلاط البلوج بتاعك

يا متآمر يا صهيونى يا عميل

بقا يا جرجس تعيب فى الذات العاكفية؟؟

بقا يا جرجس تعيب فى جيش الله المختار؟؟
اخس عليك
خسئت وثكلتك أمك

بقا مش عاجبك ان جيش الاخوان بيهدد اسرائيل انه يرسل لهم عشر الاف مقاتل؟؟

ومش عاجبك كمان انه قال البوقين دول لما خلاص حزب الله انتصر واسرائيل خرجت من الجنوب؟

ومش عاجبك انه مقالش البوقين دول فى أول الاجتياح ما حصل ولا على فلسطين ولا العراق ولا افغانستان ولا الصومال ولا الشيشان؟؟

مش عاجبك ان جيش الله المختار لا يسن اسلحته الا على فستان يسرا وعلى بدلة رقص دينا وعلى افيش فيلم خليع وعلى كلام روقا وبــــس؟؟؟

مش عاجبك ان الاخوان المسلمين رضى الله عنهم من يوم ما دخلوا تحت القبة مسمعناش ولا استجواب واحد منهم للحكومة عن أى قضية فساد من اللى بيستجوبها كل جلسة النواب المستقلين؟؟؟

مش عاجبك ان ولا واحد من النواب الاخوان رضى الله عنهم لحد الآن قدم طلب احاطة لوزير أو طالب بمشروع تعميرى لأبناء دايرته؟؟

ومش عاجبك يعملوا اعتصام سلمى علشان يتهجم عليهم الأمن وبالتالى يلغوشوا على قضايا وبلاوى افظع بكتير بتحصل فى البلد ويكسبوا تعاطف الشارع بدون أى انجاز؟؟

ومش عاجبك ان الأخوان اللى فلقوا راسنا ليل ونهار بتعرضهم للاضطهاد والتعذيب ان ولا واحد منهم وقف مع الشاب المنتهك عرضه ولا حتى نخور ولا فحكش ورا كليبات التعذيب او رفع قضية على وزير الداخلية؟؟ ولا كمان عمل قضايا زى دى للاخوان المعتقلين السابقين وسكت وكتم على الخبر ماجور وتفرغوا فقط لقضايا الافيشات والافلام والمسلسلات رمضان والتهجم على الكتّاب و الكتب المناهضة لفكرهم؟؟؟؟

انت بجد جاحد
وميعجبكش العجب ولا الصيام فى رجب

غير معرف يقول...

اولا احب اقول يسلم فمك يا شهروزتي
و يسلم فمك يا راندا


نيجي بقى " للاخ" حاتم الشرقاوي

يعين ربنا يعينا عليك و على امثالك من عميان البصر و البصيرة اللي كل حاجة عندهم بقت من " المسلمات" بجد وكستونا و نيلتونا مليون سنه لورا
انت بقى يا اوخا بتناصر فلسطين بالمظاهرات؟؟؟؟؟
هي دي كده المناصرة؟؟
و الله لو كد يبقى يا سلام سلم و على كده بعد كام عرض عسكري متنيل بنيلة من بتوعكوا حترجعولنا فلسطين؟؟
بص انا اقلك
كل يوم لازم تعملوا ما لا يقل عن عرضين واحد في جامعة القاهرة و التاني في عين شمس
و بكده نضمن انه و في غضون رقعة زمنية لا يعلم مداها الا الله حترجع فلسطين سالمة لينا و تبقى مصر اليوم في عيد

و بعدين بتقول انك مشفتش لا دبابات و لا عروض و لا اسلحة؟؟؟؟
فعلا ما القرد في عين امه غزال
و ببعدين لوحضرتك بتقرا او قريت كل مدونة جرجس و بالذات اخر 5 مواضيع حتلاقيه بيتكلم عن الفساد والتعذيب في البلد
بس طبعا لانك متوجه زي لبعة بزمبرك على مقال بعينه
فانت متهمه بانه متكلمش عن الفساد قبل كده و ايشمعنى جاي دلوقتي يتكلم عن الاخوان

روح يا شيخ قبل ما ادعي عليك

جتكم نيلة مليتوا البلد و خربتوها

غير معرف يقول...

اضحكتنى يا فتى اضحكتنى يا فضيله
الأنوك، الهبنك
دول صفتين لفضيلتك يا جرجس

غير معرف يقول...

نفس الكلام اللي قاله الشرقاوي
في الاول حبتين حلوين من بتوع حرية الرأي وحقوق الانسان

وبعد شوية دخلت في الغويط
وظهرت حقدك الصليبي
على الاسلام والمسلمين
ازااااااي ؟؟
ازاي الدستور تعمل حوار مع احد اقطاب المشكلة اللي حصلت ؟؟

ازاي الاخوان يوضحو وجهة نظرهم من اللي حصل في الازهر ؟؟
وهيا دي تيجي برضه يا راجل

ده حتى جرجس يزعل ويتقمص

اومال هيبقى جرجس ازاي

وطبعا لازم ابراهيم عيسى يبقى خائن وعميل وصوفي واخواني ومطرود من رحمة الرب

بوركت يا جرجس
انتا وشهروزة وحفصتوشا ومعرفش ايه

وابقى روح بوس ايديك ابوح ياولا
خد البركة من ابونا القسيس يا جرجس

alnadeem يقول...

انت يا عم شرقاوي ومن معك
من غير المعقول أبدا أن تتهموا كل من يختلف مع الإخوان أو يرفضهم بأنه صليبي أو عميل أو كل هذه الاتهامات الجاهزه
أولا المرشد ما فيش علي راسه ريشه
هو مواطن عادي جدا زي أي مواطن ومن حق أي حد انه يختلف معاه ويرفض اللي بيقوله
ثانيا الإخوان المسلمون أيضا هم فصيل سياسي وبالتالي أراءهم وسلوكهم من الطبيعي أن تخضع للنقاش والمساءله أيضا خصوصا انهم يروجون لكونهم البديل الذي يملك الحل لمشاكل البلد

ثالثا وقبل ما انسي
الشعب المصري بأكمله تعاطف مع الإخوان المسلمين لأسباب كثيره منها تاريخهم الطويل المملوء بالقمع والقهر من قبل النظام وهذه حقيقه لا ينكرها أحد ولكن أيضا لم يكن الإخوان هم الفصيل الوحيد الذي اضطهد في مصر مع ملاحظه أنه حتي في حدوته الاضطهاد هذه هناك كلام كثير
رابعا ياعم أرجو ان توضح لي ما هو المقصود بكلمه الإسلام هو الحل التي يرفعها الإخوان المسلمين و وتنظيم القاعده وحركه طالبان والشيعه بفصاءلهم
أي إسلام منهم
إسلام طالبان والا القاعده واللي بتكفر الإخوان والشيعه
وبعدين رجاء التوضيح
هل نتحدث عن الإخوان باعتبارهم فصيل ديني
أم تيار سياسي
ولنا عوده

غير معرف يقول...

يا حفصوتشا بما اننا بنفهم شوية شامى انا وانتى فالمثل الفلسطيني حبك معايا لما قريت كلام شرقاوى، وعنتر شايل سيفه قصدى لامؤاخذة وماجد عرابي
اكيد امك فاكرة المثل اللي بيقولوه اهل الخليل "حملوه عنزة، ظرط، قال حملونى كمان اختها"
ويا لا مؤخذة عرابي، انت بتعيب على جرجس انه بيبوس ايد ابونا، طب نعمل ايه اذا كان كل مليشيا الاخوان بتبوس (....)
عاكف اللى اكيد حمرا.
زغردتى يا بت يا حفصوتشا، بكرة يجي علينا الدور ونبوس احنا كمان!!!
بقولك ايه يا عرابي انت خدت البركة ولا لسه مستنى الدور، تبقي كارثة لو عايزينك تبوس حاجة تانية!!
randa

غير معرف يقول...

لا لاء الحقيقة مش هتبقي كارثة ولا حاجة لو عايزينك يا عرابي تبوس حتة تانية
دا هيبقي يا سعدك يا هنناك، وامك داعيا لك أكيد البوسة بحسنة، ولو بنية خالصة اكيد بعشرة امثالها، ويا سلامبقي دى للحج الزغلول عاكف علينا، تخيل كدة واستمخ، دا انت يا راجل هتاخد جزاء القائم بعملية استشهادية، فى اسمها ايه دى فلسطين، وهيبقي لك نصيب ف الحور العين، ولا كله كوم وخمر الجنة دا كوم.
ابقي اكتب لنا والنبي لما يصيبك الدور، و على راي المثل ما يصيبك فى (...)
الا نصيبك. وتصبحوا على هههههههه بوس!!
randa

غير معرف يقول...

bit ya randa
looooooooooooooooooooooooooooool
mawtini ya esmik eih
enti maskharah sokarah

eslam fomik
by the way it is my father whos palestinian and from way up north, safad , sofsaf village
so am not that familiar with gaza's amthal
anyway
all of us r kicked out of the place and for me personally am waiting for dear lovly brother hoods of islam to bring me back my land:)

salam

غير معرف يقول...

ياخسارة الشاى اللى شربتهولك على القهوه الساعه تلاته الصبح عشان افهمك اليله ماشيه ازاى
أنت عبيط يا جرجس .. عموما عشان ارد عليك أنا كتبت موضوع كامل عندى .. تعالى اقرا و يارب تفهم
ياصليبى يا صهيونى

غير معرف يقول...

يا سلام يا بت يا حفصوتشا ابوكى من صفد؟ حقيقي؟ شكله كدة "مزة "محصلتش
على العموم هنيالك مع اصحاب الدقون البلاستيك ، اللى لا مؤاخذة هيرجعولك فلسطين، مع انهم كانوا هناك سنة 1948، ورجعوا (.....)
تجمر عيش، و لذقوها فى الملك الغلبان، وقالوا اسلحة فاسدة،ولما طلعت فشنك قالوا دا بتاع نسوان، طب وايه يعنى هو فى حد يطول يبقي بتاع نسوان.
صباحه عسل يا حفصوتشا
الواد جرجس فين؟ ايه يا روح طنط ام جرجس مش سامعة صوتك ليه؟
ايه خفت؟
طب اظهر وبان عليك الامان..
randa

مراقب مصري يقول...

راندا

سعيد بإني بقيت الاصطباحة بتاعتك بعد ما كنت بدل حباية قبل النوم
يبدو إنك لما بقيتي بتنامي كويس على مدونتي قلتي تصحي عليها كمان
يعني بالليل أنا حباية فاليوم
وبالصبح ماج نسكافه
حلو أوي

جعلنا الله ذخرا لمزاج سعادتك صباحا ومساءا

مراقب مصري يقول...

مصري باشا متغرب

يسعدني تعليقك الواعي الذي يوضح اهتمامك العميق

يسعدني بالطبع اتفاقك معي على ان الاخوان فقدو كثيراً من شعبيتهم بسبب الهبل الى حصل دة

بالنسبة لان الموضوع دة اتكرر اكترمن مرة ولكن لاحس ولا خبر والمرة دي خد كل هذه الضجة ففي حتتين... الحتة الأولانية إن ثمة ريحة صفقة وسخة بين الإخوان والنظام في الموضوع واللي شربها الشباب الغلابة اللي مرميين في السجن النهاردة... في اعتقادي أن صفقات الإخوان مع النظام واقع وفي منتهى السفالة ومرفزعة جدا وأول ضحاياها هم شباب الإخوان المغيبين... اللي لو عرفوا اللي بيعملوه القادة الكبار مع النظام من تحت الترابيزة هيتفوا على أمهم ويخلعوا

سعيد أنك متفق معايا إن المرشد ابتدى يهجص... بس مين من دفعته ما بيهجصشي... إحنا داخلين على أيام سودا بسبب عواجيز الفرح دول


سعيد لاتفاقك معي أن الخاسر الأكبر في استعراض القوة العبيط الأخير هو الإخوان
وفي اعتقادي أن شعبيتهم تتعرض لهزة بسبب هذه الحادثة

أود فقط أن أوضح بعض النقاط التي اختلفت معي فيها

أولا بالنسبة لموضوع القوة العسكرية للإخوان... أنا شخصيا مثلك أظن أن الإخوان لا يملكون القوة العسكرية ولا مراكز التدريب القتالي التي تجعلهم مؤهلين لقلب نظام الحكم أو تجعل النظام يخاف منهم لما يلبسوا "عدة الشغل" وينطوا على بعض في حركات كونج فو وغيره

بس تقول إيه بقى في الراجل اللي اتهطل على كبر وقرر إنه يسير في حماقته إلى النهاية ويزايد على القوة ويقول أيوة احنا عندنا أكتر من عشرة آلاف مقاتل مدربين... أنا نفسي استغربت الكلام جدا... حتى من الناحية الأمنية الكلام ما يتقالش... اللي عنده مقاتلين كدة ما يستخدمهم... ولا هو القتال دا بق وحنجوري ع الفاضي... أنا زيك مش مصدق بس هو مصر على الكلام... يشرب بقى... الحقيقة مش هو اللي بيتنيل بيشرب لكن عشرات الطلاب الغلابة اللي مرميين في السجن بسبب تصريحاته الحمورية

شوف إنت ببساطة قلتها... فنجرة بق... العيال الإخوان الهبل اللي بيعلقوا هنا ما ينفعش يقفوا على أرض الواقع والموضوعية ويقولوا إن المرشد بتاعهم عبيط أو السن مأثر على مخه... لازم ينصروه ظالما بإنهم يأمنوا على كلامه وكأنه منزل... ما يعتذروا ويقولوا أيوة هو للأسف المرشد قال كلام أهبل... بس الإخوان رافضين كلامه... بس هيهات... الموضوع بالنسبة لهم إزاي واحد مسيحي ينتقد المرشد رضي الله عنه... يبقى نفرش الملايات

أشكرك لعمق فهمك ووعيك الرائع

بالنسبة بقى لإبراهيم عيسى
الراجل دا من أكتر اللي أثروا فيا وحببوني في الكتابة وكتير من لغتي الصحفية هتلاقي مفرداتها من دماغ وقاموس إبراهيم عيسى... لا تتخيل أنا بحب الراجل دا قد إيه... وعارف إنه شريف بجد.. بس صعبان عليا اللي بيعمله ف نفسه وفي اللي معاه !!! الراجل ناجح جدا... ومعاه شباب زي الفل... ومضيع نفسه وإمكانياته وإمكانيات اللي معاه بالرهان على رهانات محروقة
دا اللي فارسني وغايظني منه
معنديش أزمة حتى إنه ينتمي للإخوان... بس نبقى واضحين... وندور ع الليبرالية الحقيقية ف حتة تانية... الموضوع مش حوار يا مصري... الموضوع دعاية جوة المواضيع... وده بجد عيب ولما يكون كمان مدفوع يبقى عيب أوي أوي

مراقب مصري يقول...

حفصة العزيزة

مختلف معاكي جدا
إنتي بتقولي
يبقى خليهم يتحبسوا و اهو يمكن يعرفوا ساعتها ان الله حق
صح؟؟و لا غلطانة؟؟

طبعا غلطانة

الحرية لا تتجزأ
ومن تاني... الليبرالية الحقيقية التي نبتغيها تحتمل وجود الجميع وتحتمل تعبير الجميع عن أرائهم بل والترويج لمعتقداتهم... سواء كان هؤلاء الجميع هم الإخوان أو اليساريين أو الناصريين أو الأقباط أو الليبراليين أو ذوي الأراء المطرقعة اللاسعة الحاضة على الراهية كأبو إسلام وكريم عامر

الحرية لا تتجزأ
ولا تقبل القسمة على إتنين
إما حرية أو لا حرية
إما الحرية الكاملة أو الموت

عشان بس اللي بيجيلهم أرتيكاريا من كلمة الحرية الكاملة
الحرية الكاملة لا تعني الانحلال وإنما تعني أن يكون البشر كما خلقهم الله في حرية مطلقة تشمل حريتهم في اختيار أي من البدائل المتاحة... اختيار الإيمان أو اختيار الكفر والفسوق والعصيان... الله يقول وضعت أمامكم الحياة والموت... اللعنة والبركة... فاختر الحياة لكي تحيا... لكنه لن يجبرك على اختيار الحياة والبركة ولن يحرمك حقك في الاختيار بين الخير والشر فإذا كان جل شأنه لن يحرمك من حرية الاختيار فمن أنا ومن أنتي ومن الإخوان ومن أي حد فينا عشان يمنع الحرية

الحرية لا توهب
ولا تعطى
الحرية أصيلة لأنها في طبيعة ذات الله نفسه
وهي عميقة متجذرة في الإنسان لأنها في صلب جبلة الإنسان نفسه المخلوق على صورة الله



شفتي الموضوع بسيط إزاي؟

مراقب مصري يقول...

حاتم الشرقاوي

واضح يا "أخ" إنك ما فهمتش الموضوع بتاع البوست... إرجع واقرا وحاول تفهم.... لا أحد فوق النقد... سواء المرشد بتاعك أو شنودة الثالث أو حسني مبارك

بوس الإيد في أي دين يعتبر فضيحة
سواء لقسيس أو شيخ
بوس الإيد يعد تبعية بغير عقل لإنسان يخطئ ويصيب

وبعدين إهدا لحسن يطق لك عرق
إقرا كلام مصري متغرب وستكتشف إن الإخوان أخطأوا بالعرض وإن سي عاكف أخطأ بالحوار

الموضوع بسيط
ابقى تعال
انت ما بتجيش ليه؟

مراقب مصري يقول...

حاتم الشرقاوي برضه

أسميتهم الملثمون فقط لأنهم كانوا يرتدون اللثام... مش أكتر
وبعدين الملثمون دي مش شتيمة
مش هم اللي اختاروا اللثام

يبقى إخوان ملثمون
إخوان ملثمون
إخوان ملثمون

مراقب مصري يقول...

النديـــــــــم


يا عزيزي أنا مش منفعل ولا كنت منفعل وانا بكتب... بس الليلة على بعضيها عيب أوي... إبراهيم عيسى بيخسر كتير بجد كدة يا عمر

مراقب مصري يقول...

راندا

شفتي موضوع الأقباط اللي واخدين حقوقهم ع الآخر دا؟
دا أسخف نكتة سمعتها الأسبوع دا
أسخف حتى من سؤال عربية السيئات اللي بقى مقرر يومي على ودان سعادتك

إلا بالمناسبة... إنتي مسيحية ولا مسلمة؟
ههههههههههههههههههه
بهزرررررررررررر

مراقب مصري يقول...

شهروووووووووزة

يا بنتي إنتي بتجيبي م الآخر وبتباصي في الجوووووون... إلا بالمناسبة هو فعلا ليه الإخوان بتوع فاروق والحجاب مسمعنالهمش حس ولا خبر في موضوع التعذيب في أقسام الشوربة؟؟
========================


معترض بس على جملة هزارية إنتي قلتيها بأن الأخ الشرقاوي دا مسح بيا بلاط البلوج بتاعي... لأ لأ لأ يا كوكو لأ
ما لكيش حق

ما عاش ولا كان يا أمي

الواد بس محروق م الكلام اللي انا كاتبه على سي الأستا عاكف

وبعدين هيعمل إيه بس
ما أخوكي سوسة وينخرب ع الحاجة الوسخة ويدعبس لحد ما يطلعها ويفضحها وما يسترهاش
والواد أسقط في يده
تصريحات المرشد المتعجرف فضيحة حقيقية
وما عندوش سي الأخ حاتم غير إنه يشتم ويهبل في لكلام على طريقة إن المسحيين طلعوا في مظاهرات بيطالبوا شارون باحتلال القاهرة
؟؟؟؟؟؟؟؟؟؟؟؟؟؟؟؟؟؟؟؟؟
وعشان كدة احنا بنعد يا جرجس

قولي لي وحياتك بالنيابة عني جتك نيلة
بتعدوا يا اهبل عشان إيه؟
تتخلصزا م المسيحيين الخونة؟
جتها نيلة اللي عايزة خلف

روح يا ابني العب بعيد يا شاطر
روح اتشطر ع الشرطة اللي في خدمة الشعب
روح اتشطر ع اللي ساجنين ييجي 10 آلاف إخواني بسبب وبدون
روح اتشطر ع اللي بيعذبوا الشعب المصري ف السجون
روح اتشطر ع اللي بيغتصبوا المصريين في الاقسام

معلهش يا شهروزة يا حبيبتي
الواد دا أصله يفقع المرارة
تصدقي أنا كنت فعلا بدأت أتعاطف مع الإخوان واقول ما نجربهم وبعدين نحكم عليهم

لكن أديكي شايفة الهطل اللي هما فيه

مراقب مصري يقول...

عماد عبده

معلش ترجم
معنديش قاموس صيني

غير معرف يقول...

يادى النيلة كل مل أدخل ألاقى خناقة ....بس علشان ما عنديش وقت أحب أقول ان أى واحد يجيب كلمة اخوان لازم ينتقدوه يعنى صعب قوى واحد مسيحى ينتقدهم فى ظل الطائفية الزفت اللى بنمر بيها كل كلمة منك حاتتفسر تفسير دينى حتى لو مدح ...الأخ الشرقاوى حاسس انك ماسك كرباج سودانى ونازل تلطيش فى الكل ..أى واحد اسمه جرجس تديله على طول ...يا خسارة فعلا ابراهيم عيسى أنا مش عارف ليه بياخد جنب الاخوان عالأخر مع انه أكيد فاهم ان هو ده اللى الحكومة عاوزاه _اما الوطنى أو الاخوان _ وبلع طعم واضح تماما أنا كان عندى أمل أن يبقى له فكره المستقل مش يتحامى فى الاخوان ....معلهش يا جرجس أنا بابوس يد أبونا احتراما وده مش مفروض على زى ما الشرقاوى بيدعى وكمان يا أحبائنا يا مسلمين هناك أباء كثيرين بيسحبوا ايديهم علشان ما حدش يبوسها لأن الأب الكاهن مش بيعتبر نفسه ولى النعم أو أنه أعلى مرتبة من الكل و لكنها وظيفة ممكن ربنا يحاسبه عليها حساب عسير ....يعنى أنا مش عارف ليه الرقابة ماشالتش مشهد بوس ايد يحيى شاهين فى بين القصرين ما دام عيب قوى كده

مراقب مصري يقول...

ريدر

في السريع قبل حتى ما اكمل الردود على باقي المعلقين

بوس الإيدين دا شيء في منتهى السخافة
اعذرني
أبويا قسيس وبيوبسوا إيديه
أنا بالنسبة لي دا قرف ديني
فيه فعلا اللي بيسحبوا إيدهم
وفيه تنحين بيسيبوها
وانا عن نفسي ضد كل هذا الهطل
ودي واحدة من الحاجات الكتير اللي بتخلي الأرثوذكس تحديدا موضوع انتقاد وسخرية وعن حق
سواء التقديس العقيم لأشخاص وجعلهم فوق النقد كالبابا
أو بوس الإيدين وتقديس أشياء بعينها واعتبارها مصدر بركة
دا غباء وتخلف وردة عن أبسط مبادئ الكتاب المقدس
وللأسف الأرثوذكس لو راجعت مواقفهم بأمانة لن تجدهم أقل تخلفا عن سلفية الإخوان وانعدام موضوعيتهم

ربنا يهدي الجميع

مراقب مصري يقول...

ماجد افندي عرابي

بما أنك بدأت حديثك بنفس الكلام اللي قاله الشرقاوي
إذن أرد عليك بـ
إرجع للي قلته للشرقاوي بتاعك

إلا هو الشرقاوي في الهيراركي سيستم بتاعكو دا أعلى منك ترتيبا؟

يلا ما علينا

حلوة حكاية حقدي الصليبي على الإسلام والمسلمين... بالمناسبة... إنت ليك في الكورة؟؟

طب لو لاعب أصيب في رباطه الصليبي يبقى حكم الشرع فيه إيه؟
هل يعالجه وياخد ثواب على علاج المرض؟
ولا يقطعه وياخد ثواب معادة الصليبية؟

يا بني صلي ع النبي كدة واهدا
حقد صليبي إيه ونيلة سودة إيه

المرشد قال كلام أهبل

طب اللي عنده مقاتلين بالآلافات يروح يسيح لهم ويبعتهم أبو زعبل؟

دا بيضحي بيكوا لمصالح دولية
هو بالنسبة له يغوروا شوية العيال... خلي عضمهم ينشف في السجن

بس المهم المخطط الدولي بتاعنا يمشي زي الفل... ونقول بقين حنجوري ع المسا

يا عم قلبك أبيض
لو عندوا يا ابني شورى في الجماعة ما تشوروا على بعض وتشيلوه

طب احنا البابا عندنا زي القدر... ومستحملين غباؤه وقرفه لحد ما ربنا ياخده... طب انتوا بقى حجتكوا إيه؟؟؟
شيلوه ربنا يكرمكوا
ما عندكوا ناس عاقلة زي عصام العريان
(الحقوه قبل ما الكلاب يسجنوه تاني)
أو الراجل السكرة محمد عبد القدوس
(يا أخي أنا ما شفتش حد بينضرب أد الراجل دا... لو تعرفه إبقى ابعت له تحية من القلب بجد)

مراقب مصري يقول...

يا حفصة

فعلا الإخوان الملثمون بيخططوا يرجعوا لك الأرض... بس بعد المهدي ما يرجع
(ههههههههههه... قصدي المهدي عاكف يرجع لعقله)
هههههههههههههه

مراقب مصري يقول...

عمنا الكبير الفارس الأخير

يا ابني إفهم
مش طعم واتبلع
اقرا البوست كويس
بحاول في مدونتي أتابع الأحداث الجارية وقراية الجديد وبحاول أكون متنوع في موضوعاتي
طبعا متفق معاك إن الإخوان أضعف تنظيميا من الفيلم اللي هما عاملينو واللي الحكومة عاملاه عليهم
بس فيها إيه لما نرخم شوية على أمهم

وبعدين فعلا حوار مهدي عاكف ينقط
وانا معملتش معاه إلا الواجب

مراقب مصري يقول...

راندا حبيبة القلب

أنا جيت أهوه

هييييييييييييه

غير معرف يقول...

اسالك سؤال يا جرجس بسيط

انت خفت من اسكتش الاخوان ؟

مبادئ الاخوانجيه هى كالاتى

الاخوان جماعه غير مسلحه ولا تنتهج العنف كمبدئ من مبادئها
وده معروف لجميع مثقفى المجتمع المصرى وجهاته الامنيه ايضا


ارجو يا جرجس ان تعيد قراءه معلومات عن الاخوان وتاريخهم

قبل ان تكتب معلومات غير واضحه او مغلوطه بناءا على افكار مسبقه لديك مصدرها الاعلام الفاسد او مصادر دينيه قد لا تحمل الود تجاه الاسلام او المسيحيه ايضا



- الاهتمام بدور المرأة والرجل، كشريكين في أساسيات بناء المجتمع، الذي يلتزم التكامل والمساواة، والتأكيد على مهمة كل منهما في بناء وتقدم المجتمع.

- الحرية والملكية والمشاركة، وحق الحياة والعمل والأمن حق لكل مواطن، في ظل العدل والمساواة والقانون العادل.

- القيم والمثل من ضمانات الاستقرار، والشدة في محاربة العبث والفساد والإفساد

حدش جاب سيرته السلاح هنا

ولو المرشد قال 10000 مقاتل

يعينى طيب ما يقلب نظام الحكم بيهم

وما تقوليش بيضحى بيهم عشان عضمهم ينشف انا فعلا اتاكدت ان انته دكتور شاطر لازم نضحى بالام والجنين عشان الاب يعيش
انت يا حاج جرجس عايز تقنعنى وانا عقلى على قدى ان المرشد عايز يضحى بجماعته عشان المخطط العالمى يمشى زى الفل
ههه
وهو يعد يعمل ايه يهوى على بيضتاه لامواخذه يعنى

حركه حماس هى الفصيل المسلح لحركه الاخوان المسلمين بفلسطين التى تتبع بكامل كيانتها جماعه الاخوان المسلمين المصريه وهذا لا يعنى بتاتا وابدا ونهائيا تشجيع الاخوان للتطرف والارهاب الا لو كانت المقاومه للاحتلال تطرف وارهاب

حماس ليست سبه وعار لاى فصيل سياسى بل هو شرف يذدان به الراس
ده راى فى حماس واشرف حاجه عند الاخوانجيه اتعملت هى حماس فلسطين مش حماس الازهر


اخطاء الاخوان قليله بجانب اخطاء اخوانها من الحركات والفلسفات الفكريه التى اعتبرها فلسفات هزليه بجانب عظمه فلسفات الفكر الاسلامى

التى قد تكون الاخوان تمثله بنسبه 75%

عند وجود انتخابات حره ونزيهه فى اى دوله عربيه او اجنبيه اسلاميه الاخوان يكتسحون تلك الانتخابات وتحقيق نتائج غير مسبوقه فى انتخابات نزيهه على المستوى العالمى وذلك
لنظافه اليد
وعظمه الفكره الاسلاميه التى يدعون لها

غير معرف يقول...

اجميع الصحف اليوميه والاسبوعيه فقدت احترامها عندك حق


وندخل فى موضوعى اللى عايز اكلمك فيه دون تعصب ودون انتماء للاخوانجيه الذين لا انتمى اليهم ولكنى انتمى للفكر الحر
الذى لا يتعصب الى اى مذهب او فكره سواء كانت فلسفيه او سياسيه او دينيه
ولكن يتعصب لحريه الفرد فى التعبير عن اراءه وحق الاختلاف بين البشر



اسالك سؤال يا جرجس بسيط

انت خفت من اسكتش الاخوان ؟

مبادئ الاخوانجيه هى كالاتى

الاخوان جماعه غير مسلحه ولا تنتهج العنف كمبدئ من مبادئها
وده معروف لجميع مثقفى المجتمع المصرى وجهاته الامنيه ايضا



- الاهتمام بدور المرأة والرجل، كشريكين في أساسيات بناء المجتمع، الذي يلتزم التكامل والمساواة، والتأكيد على مهمة كل منهما في بناء وتقدم المجتمع.

- الحرية والملكية والمشاركة، وحق الحياة والعمل والأمن حق لكل مواطن، في ظل العدل والمساواة والقانون العادل.

- القيم والمثل من ضمانات الاستقرار، والشدة في محاربة العبث والفساد والإفساد

حدش جاب سيرته السلاح هنا

ولو المرشد قال 10000 مقاتل

يعينى طيب ما يقلب نظام الحكم بيهم

ولا كان سفرهم وقال احنا لينا ناس بتحارب هناك

وما تقوليش بيضحى بيهم عشان عضمهم ينشف انا فعلا اتاكدت ان انته دكتور شاطر لازم نضحى بالام والجنين عشان الاب يعيش
انت يا حاج جرجس عايز تقنعنى وانا عقلى على قدى ان المرشد عايز يضحى بجماعته عشان المخطط العالمى يمشى زى الفل
ههه
وهو يعد يعمل ايه يهوى على بيضتاه لامواخذه يعنى



حركه حماس هى الفصيل المسلح لحركه الاخوان المسلمين بفلسطين التى تتبع بكامل كيانتها جماعه الاخوان المسلمين المصريه وهذا لا يعنى بتاتا وابدا ونهائيا تشجيع الاخوان للتطرف والارهاب الا لو كانت المقاومه للاحتلال تطرف وارهاب



حماس ليست سبه وعار لاى فصيل سياسى بل هو شرف يذدان به الراس
ده راى فى حماس واشرف حاجه عند الاخوانجيه اتعملت هى حماس فلسطين مش حماس الازهر



اخطاء الاخوان قليله بجانب اخطاء اخوانها من الحركات والفلسفات الفكريه التى اعتبرها فلسفات هزليه بجانب عظمه فلسفات الفكر الاسلامى

التى قد تكون الاخوان تمثله بنسبه 75%



عند وجود انتخابات حره ونزيهه فى اى دوله عربيه او اجنبيه اسلاميه الاخوان يكتسحون تلك الانتخابات وتحقيق نتائج غير مسبوقه فى انتخابات نزيهه على المستوى العالمى وذلك
لنظافه اليد
وعظمه الفكره الاسلاميه التى يدعون لها


ارجو يا جرجس ان تعيد قراءه معلومات عن الاخوان وتاريخهم

قبل ان تكتب معلومات غير واضحه او مغلوطه بناءا على افكار مسبقه لديك مصدرها الاعلام الفاسد او مصادر دينيه قد لا تحمل الود تجاه الاسلام او المسيحيه ايضا
وتحياتى على مجهودك يا باشا

مراقب مصري يقول...

عزيزي المتحضر ياسر شمس الدين

موضوع البوست ليس نقد الإخوان في العموم
(ممكن بالمناسبة أبقى أعمل دراسة فعلا تاريخية وفلسفية لفكر الإخوان ومنهجيتهم وتاريخهم... صدقني فكرة جيدة)

موضوع البوست تحديدا حوار عمله المرشد في جريدة كنت أحترمها
وأزمتي مع الحوار ما لهاش علاقة خالص بالهطل الإعلامي اللي بيروجه كلاب السلطة
ولا بموقف ديني مسيحي ومسلم وشعللها ولعها

ببساطة الحوار بتاع المرشد أهطل وبيسيء للإخوان... أنا عمري ما استخدمت مثلا في الهوجة بتاعت تصريحاته بتاعة العشرة الاف مقاتل دي ... عمري ما استخدمت المعلومة دي في أي من كتاباتي لأنها هبلة أوي وما كنتش متخيل إنه يقولها وبالتالي كنت شاكك في صحتها خصوصا بعد نفي كتير من الإخوان لها
بس الراجل شكله اتهطل فعلا... دا بيقول إنه العشرة الاف دول "أجل حاجة عنديه" على رأي هنيدي في الجامعة الأمريكية

طب إذا كان المرشد بيقول عندي مقاتلين ومدربين على الحرب والقتال... عايزني أنا أقول لأ كداب؟
طبعا هو كداب
وفنجري بق على رأي مصري متغرب
بس أنا ليا باللي بيقولو
واللي الإخوان ما أنكروهوش وقالوا هو بس الراجل كبر وبيخرف
ولحين ما الإخوان يقولوا معلش المرشد بيخرف
أنا هاتمسك بكلامه... والمثل بيقول خد من دقنه وافتل له
ما انا فاهم إنه بيفنجر بالكلام
بس يشرب بقى

صدقني بأمانة يا ياسر كنت لحد وقت قريب جدا بقول طب ما نجرب الإخوان دا شكلهم بيقولوا كلام معتدل وعاقل
وقلت خطابهم بقى كويس

بس شوف الاستعلائية (مش كلمة أبيحة على فكرة) اللي في كلام سي مرشد... مش ممكن... ما تتواضع يا أخي شوية... لكن إزاي؟؟ لازم يعمل سبع البرمبة... وأنا عندي عشرة الاف مقاتل
وحماس إخوان وأنا المرشد العام لإخوان العالم كله ... اقرا الحوار في الدستور بجد عشان تشوف التوجه بتاعه ومنهجيته في الكلام... كل دا كوم والكنيسة لا أعطيها أي أهمية دا كوم تاني

طب مش احنا هنبقى في يوم خرا من الأيام تحت إمارته؟
طب ما يعطينا أي أهمية حتى عشان عددنا
دا احنا فوق العشرة اتناشر مليون

والنكتة قال إيه المسيحيين لا يعانوا من حرمان اجتماعي ولا اقتصادي ولا سياسي
(بص أنا كل ما الجملة دي بالذات باقولها تاني بقاوم الشتايم الأبيحة بالعافية... ابقى روح اقرا انت واتفقع بدالي)

الإخوان ما هماش منزلين من السما
ينفع ننتقدهم وننتقد مرشدهم ونسخر منه وعادي يعني فين الأزمة
البابا شنودة راجل فاسد... دس وجهة نظري ... من حقي أنتقده وأسلخه في غلطه
الأرثوذكس بيشيطوا ومشاعرهم الدينية بتستفز من الكلام دا؟
كويس
أهي فرصة يفكروا ويرجعوا للكتاب المقدس ويكتشفوا مدى انحراف البابا وتعاليمه وممارساته عن الكتاب
الحرية مطلقة ولا تتجزأ
دا المبدأ يا عم ياسر

نهارك عسل

غير معرف يقول...

ايوة يا واد يا جرجس، كل يوم الصبح ادخل المكتب ارمى الشنطة، وامشي زى البطة لحد المطبخ مع مج نسكافيه والله وافتح مدونة سيادتك، وجنب تقارير الشغل، اقرا شوية بعدين ارجع لك تانى، وهكذا، قلت بلاش الجمعة، لكن قلبي مطاوعنيش،فا صحيت ساعتين بدرى علشان ابص انت كاتب ايه النهاردة،
ولو ان فتح مدونتك قبل صلاة الجمعة مكروه مكروه، بكرة الاخوان هيطلعوا فتوة بكدة، فتوة مش فتوى، ها؟
المهم سيادتك ناوى على حملات ايه علشان احضر نفسي،مقاطعة صحف، ولا اخوان، ولا تعذيب، و نهب، ولا تزوير، ولا و لا؟ لان بصراحة انا على بدايات شيخوخة مبكرة، عيد ميلادى الجاي قرب، ههههههههههههه وهبقي شيوخةةةةةةةةةة خالص، سلام لازم اشتغل شوية حتى يوم الاجازة اليتيم، اوفففف
randa

غير معرف يقول...

ايوا يا استاذ ريدر ، ماشي يا سيدى طالب براحتك انهم يشيلوا مشهد البوس على ايد يحي شا هين ، لكن حسك عينك، تطالب بشيل مشهد بوسه على ايد نادية لطفى، ولا الاخت العالمة التانية، احسن ازعل قوى، دا مشهد بالنسبة لى نصر نسائي، يجب الاحتفال بيه كل ما اشوف الفيلم، مش كفاية امينة المستحية المغلوبة طول الفيلم، اللى فقعت مراراتى كلهم، وهى ساكتة وراضية.
سلام بقي احسن عاوزة افطر، و أمارس الاستبداد، واخلى اخويا النهاردة هو اللى يحضر الفطار، مش كفاية السنين اللى فاتت
randa

غير معرف يقول...

الحج جرجس

طبعا انا عارفة ومتأكدة انت بتكتب هنا بصفتك مين
والمنطقى من كل مواطن مصرى انه يكون اكثر تفهما لمنظور المواطنة مش منظور الديانة
لان فى الاخر الدين لله والوطن للجميع
وده يدى الحق تانى لاى مواطن انه ينتقد الاحزاب والحكومات فى بلده
ويدى الحق للاطراف المعارضة انها ترد على النقد ده بدون الرجوع للشخص واعتنقاته الدينية

يا ترى امتى هنتعلم نكون بنتعامل على مستوى انسانى واجتماعى وثقافى راقى

الفكر الاخوانى على مدار السنوات السابقة واراء المرشد والذى هو بالنسبة للشعب الممثل عن الاخوان وكان بالاحرى بهم لو كان الممثل عنهم ينطق لغوا ان يتبرأوا من اقواله الا اذا كانت كلماته تماما تؤيد فكرهم

الاخوان والسعى الى الحكم غريب فعلا انكار ذلك مع ان نسبتهم فى الترشيح فى الانتخابات وفى تمثيلهم فى المجالس عالي ؟ لماذا اذا كانت لا تسعى الى شىء تساهم بهذا التواجد ؟

العنف ليس وسيلة الاخوان ؟
طبعا الكلام الذى قاله المرشد ينفى عكس ذلك
والاستعراض الغريب للمليشية الذى ننفى دلالته والذى بالفعل افزع اساتذة الجامعة ومنعهم من الخروج من مكاتبهم خوفا من التعرض لاى اذا ؟ كان مجرد لعب عيال لكن الهدف منه ايه يا ترى ؟

لما واحد يرجعنا بفكره لمائة سنة للخلف وهو احنا اساسا اتحركنا كام سنة قدام ولا كام خطوة لما هنرجع اكتر

سلبية الاخوان فى كثير من القضايا العميقة وانبعاث قوتهم فى قضايا تافهة
ده مخيف لكل من يحاول تقييم فكرهم

لما تكون وسيلة مرشد الاخوان الجزمة يبقى هيوصلنا لفين بعد كده نهرب من حكومة العقاب والسحل والتعذيب علشان الاخوان والجزمة

ليه لازم نربط الفكر الدينى بالسياسى

كل واحد حر فى ممارسة شعائره الدينية بالطريقة التى تريحه دون تدخل حكومى

لفترة طويلة كنت متعاطفة مع الاخوان لانى كنت ارى منهجية قوية فى الوقوف فى وجه الحكومة الظالمة وكنت ارى ان من يملك الشجاعة والقوة للمواجهة ويتحمل تبعيتها اشخاص تستحق الاحترام

لكن مواجهة الشعب بالقوة تختلف وارغامى على ابتلاع افكار يختلف والعيش فى ظل معتقداتهم تختلف
نحن لا نرغب فى طاليبان اخرى فى مصر او تنظيم يستبيح دماء الشعب عند مخالفة الرأى

نحن مواطنون بسطاء نسعى الى حكومة عادلة تجمع افكار الشعب لا فكر يمثل فئة منه
من حقى وحق كل مواطن مصرى اى ان كانت ديانته او فكره السياسى ان ينعم بحكومة عادلة لا تتجنى عليه او تعتقله وتهينه لاختلاف الايدولولجيات


وفى النهاية من حقنا جميعا ان نتكلم وان نتناقش وليس كل منا للمرة العشرة الاف مطالب باقناع الاخر اذا لم اقتنع فلا يكون حوارى السب او التجريح

تحياتى يا حج جرجس

مراقب مصري يقول...

رفيقتي الفكرية العزيزة جدا توتا

تعليقك سلس جدا ... وواضح جدا ومباشر جدا ومصيب إلى قلب الهدف دون حيدان ودون مساومة

تعليق كنت أنتظره بالحقيقة وأتمناه
أن يفهم قارئي بوضوح من أنا ومن أي منطلق أتكلم دون اجتزاء أو تشويه

أتمنى أن يرجع الإخوان عن كثير من لغطهم والكثير من غلطهم لينضووا تحت جناح الحركة الوطنية الوليدة التي يمكنها أن تستوعب الجميع طالما وقفنا جميعا على أرضية مشتركة هي أساس المواطنة لا أساس الدين
وأساس الوطن لا أساس الأمة الدينية

أتمنى أن يأتي اليوم الذي نجدهم فيه مواطنين يؤمنون بالوطن وبالمواطنة

خسارة أن بطولاتهم ونضالهم على مدى سبعين سنة أو ما يزيد لم تسفر عن فائدة تذكر للوطن ولا بتغيير أو تنمية حقيقية لمصر

ألا يشعرك هذا بالإحباط؟ أن أكبر فصيل سياسي في تاريخنا الحديث والأكثر شعبية لم يحدث أي فرق في سبيل نهضة هذه الأمة على الإطلاق؟

أنا بالنسبة لي محبط

مراقب مصري يقول...

رفيقتي الفكرية العزيزة جدا توتا

تعليقك سلس جدا ... وواضح جدا ومباشر جدا ومصيب إلى قلب الهدف دون حيدان ودون مساومة

تعليق كنت أنتظره بالحقيقة وأتمناه
أن يفهم قارئي بوضوح من أنا ومن أي منطلق أتكلم دون اجتزاء أو تشويه

أتمنى أن يرجع الإخوان عن كثير من لغطهم والكثير من غلطهم لينضووا تحت جناح الحركة الوطنية الوليدة التي يمكنها أن تستوعب الجميع طالما وقفنا جميعا على أرضية مشتركة هي أساس المواطنة لا أساس الدين
وأساس الوطن لا أساس الأمة الدينية

أتمنى أن يأتي اليوم الذي نجدهم فيه مواطنين يؤمنون بالوطن وبالمواطنة

خسارة أن بطولاتهم ونضالهم على مدى سبعين سنة أو ما يزيد لم تسفر عن فائدة تذكر للوطن ولا بتغيير أو تنمية حقيقية لمصر

ألا يشعرك هذا بالإحباط؟ أن أكبر فصيل سياسي في تاريخنا الحديث والأكثر شعبية لم يحدث أي فرق في سبيل نهضة هذه الأمة على الإطلاق؟

أنا بالنسبة لي محبط

مراقب مصري يقول...

الشيخة راندا
(من الشيخوخة لا من المشيخة)

فتح مدونتي قبل صلاة الجمعة مكروه فقط أم أنه من الكبائر؟
وما العلة في ذلك؟ ألأني نصراني من أهل الذمة؟ أم لأنني علماني من أهل الكفر؟
================


بالنسبة لبوس إيد نادية لطفي هل هو حلال من وجهة نظرك لأنها نادية لطفي؟
أو لأنها امرأة عموما؟
أم بسبب دور الغانية اللعوب الذي كانت تلعبه؟

أفيدينا

غير معرف يقول...

فتح مدونتك قبل صلاة الجمعة ممكن فى رأى علماء وسط البلد، ممكن تبقي من الكبائر، لانها بتجيب سيرة اللى ميتسموش، بما انهم يدفعون دفعا الى الكفر، كمان فتح مدونتك ممكن تبقي جريمة فى حقنا بما انك مسخرة بتفتح عينين الشعب على مصائبه،اما بما انك من أهل الذمة، فبفضل تعريف مفهوم اهل الذمة فى كتب الفقه والتاريخ، واللذى منه، فكلنا اهل ذمة، تقدر تقول ذمة استك، لكن فى النهاية تبقي يا جرجس مسخرة،
اما بالنسبة للبوس بتاع ايد نادية لتفي، فقدر افتى وقول بما ان اى حد بقي يقدر يفتى حتى مشايخ ولا مؤاخذة قناة الناس، فا بوس ايد اى واحدة ست حلال طبعا، اما بالنسبة للفيلم فهو حلال حتى من وجهة نظر اللى ميتسموش نفسهم، بما ان الاستيلاء على اى ست اجنبية، ومصادرتها، يعد غنيمة، واللى مش عاجبه يفتى
صحيح بلد فتاوى
randa

غير معرف يقول...

خسارة أن بطولاتهم ونضالهم على مدى سبعين سنة أو ما يزيد لم تسفر عن فائدة تذكر للوطن ولا بتغيير أو تنمية حقيقية لمصر

ده كلامك يا حاج جرجس صح

يا باشا عايز ازاى حركه وطنيه طالع ميتين ابوها تعمل تنميه

وبعدين مين عمل تنميه للبلد الزفت ديه
ولا عمرها هيتعملها تنميه
الصراحه والله يا جرجس

انا على الاخر من ام البلد ديه

مش عارف انا بحبها ولا اكرهها ولا ايه بالزبط
انت عارف يا جرجس
انا نفسى مصر تقفل وكفايه كده ويروحونا اى بلد تحسسنا ان احنا بنى ادمين
بلد مش عايز حد فيها يحكمنى
بلد مش عايز حد فيها يسرقنا او يعذبنا او ياكل حقوقنا بلد نضيفه مش مليانه زباله ولا عفن
يا اخى انا اخويا عايش بره من يجى 15 سنه كده
نزل اجازه عشرين يوم كده
وكان فى ايد ابنه علبه كانز وعايز يرميها ابنه بيدور على باسكت للزباله وقعد شايل الكانز ربع ساعه مش عارف يرميها فين اخويا اخدها من ايده اخر ما زهقنا وقالى احنا عايشين فى صفيحه زباله هندور نرمى الزباله فين واحنا جوه الصفيحه فكرت لقيت كلامه صح
فعلا مصر بقيت صفيحه زباله

زهقت يا جرجس من الحزب الوطنى ومن تصرفات وسلبيه الاخوان ومن كفايه والصوت الحنجورى و الاحزاب اللى بترجعنا لورا مليون سنه بافكارها اللى خلاص عفا عليها الزمن
ولا الحكومه نافعه ولا الاخوان تنفع بالشكل الحالى ولا غيرهم ينفع يا ريت زى ما قولتلك نقفل مصر وندور على اي بلد تانيه

مراقب مصري يقول...

عزيزي ياسر

كل القوى السياسية في بلادنا زفت
وكل المقولبين زفت
وكل الأحزاب زفت
وكل التيارات خرا

والحل
القوة الجديدة اللي بتتولد
واللي ما لهاش تصنيف من التصنيفات القديمة

لا هي يمين ولا هي شمال
لا هي تيار ديني رجعي
ولا هي يسار تقدمي
ولا حتى ليبرالية تقليدية

هي نبض الناس
هي تيار عطشان حرية وجعان للوطن
هي القوة اللي وقفت في غزل المحلة وما رجعوش إلا لما خدوا حقوق آلاف العمال

هي القوة اللي وقفت قصاد القطر أول امبارح معترضة على الظلم الواقع على سائقي السكك الحديد

هي القوة اللي منها ألف عامل في أسمنت طرة بيقعوا من الجوع عشان إضرابهم ضد الظلم والفساد

هي القوة بتاعة عشرات المدونين اللي فضحوا التنظيم السري للتعذيب في الداخلية ومعاهم قلة من صحفيين مازالوا شرفاء ومحامي بيحب مصر

هي القوة اللي وقفت ورا عماد الكبير لحد ما بقى فيه ضغط دولي رسمي على النظام بمحاكمة مغتصبيه

ولسة
الجاي أكتر
والتقيل ورا
ولسة فيه أمل يا ابو ياسر

واوعى تيأس

غير معرف يقول...

الحاج جرجس احنا اتكلمنا مع بعض قبل كده
كل اللى انا عاوز اقوله حاجة مهمة جدا ان عمر شغل الصحافة ما كان معناه انك بتكون منبر للإخوان او حتى غير الإخوان
وزى ما كان فى حوار للمرشد كان فيه موضوعات بتلبس الغخوان العمة
الموضوع بتاع التنظيم الطلابى على سبيل المثال وموضع الكونغو فو
وفيه مواضيع تانية وكتيير برضه بتنتقد الأخوان
وناس موضوعية زى عمرو الشبكى وحلم النمنم ياراجل
الحكاية كلها بتتلخص
ان فى وجهة نظر تانية لازم تسمعها
انت بتعيب يا اخى على الحكومة انها لا تسمع وجهة نظر الاخرين
قول لنفسك ليه انت مستكتر على شوية ناس او جرنان يكون له وجهة نظر تانية ف قضية الغخوان هى
أنهم فصيل ينتمى لهذه البلد
من حقه ان يعبر وان يشارك ومن حقه الا يضطهد او يسجن
ومن حق الناس ان تحكم عليه مش انت
عموما المشكلة هتبقى قائمة
لان اليسار يرى الاخوان حاجة كخة والاخوان يروا اليسار حاجة زفت
ربنا يسهل والناس تفهم

مراقب مصري يقول...

الأخ أنونيمس

حضرتك بتقول لي إنك اتكلمت معايا قبل كدة... عظيم جدا... طب يعني مش من باب أولى إنك كنت يا سيدي تعرفني باسمك بدل التخفي وراء أنونيمس

أتمنى بالفعل إذا كنت ترغب في مواصلة الحوار أن تكشف عن شخصيتك
محتاج أعرف بس أنا باكلم مين؟

واحد إخوان؟
ولا واحد في الدستور ولا إيه بالظبط؟

تعال بقى للرد على تعليقك الكريم

أولا: متفق معاك إن عمر شغل الصحافة ما كان معناه انك بتكون منبر للإخوان او حتى غير الإخوان ... بس اللي حصل في عدد الدستور الأخير ولنسمه العدد الفضيحة مكانش شغل صحافة... ولا حتى كان شغل منابر... ماهو يا ريت يجيبوا م الآخر ويقولوا احنا منبر للإخوان بدل آفاق عربية وخلاص نبطل نشتريها ونفضها سيرة ... ليه مكانش شغل صحافة؟
لأن الصحافة التزام بآداب مهنة وميثاق لا مؤتخذة الشرف الصحفي... وعلى الرغم من إني ما قريتهوش (كفاية عليا قسم أبوقراط) إلا أنني أعتقد بالبداهة كدة إن نشر حوار مدفوع الأجر من خلال إعلان للجماعة على الصفحة الأول بتاع الإسلام هو الحل لكل مشاكل المخروبة وأولها البطالة دا أعتقد إنه خرق لميثاق الشرف الصحفي والنزاهة والموضوعية ومعاهدة ياخي أحمد الصحفية

ثانيا: حضرتك بتقول إن العدد كان فيه موضوعات بتلبس الإخوان العمة... وبمراجعة العدد كله وجدت إن اللي لبس العمة هو جمهور الجرنان اللي بيحبوا الدستور وبيحبوا ابراهيم عيسى وكتيبة الدستور... وعارف مين كمان لبس العمة؟ شوية العيال الغلابة الصحفيين الأرزقية لتوعالدستور من قطعية الدسوقي رشدي وأميرة فودة وغيرهم م الي مالهمش لا في تور المرشد ولا في طحين عيسى

ثالثا: عمرو الشوبكي؟؟!!! إيه اللي جاب سيرة عمرو الشوبكي؟؟؟ إنت متأكد إنك بتتكلم عن جريدة الدستور؟؟ عمرو مش كاتب حاجة في الدستور الأخير (ومش متذكر إني قريت له قبل كدة في الدستور... يمكن قصدك المصري اليوم؟) وحلمي النمنم ماله يا راجل يا طيب؟ الراجل كاتب عن الكادر الخاص بتاع المعلمين... لأ زعلتني منك... لما تعلق في موضوع ابقى اعرف إنت بتتكلم في إيه أساسا

رابعا: حضرتك بتقول لي إن فيه وجهة نظر أخرة "لازم" أسمعها... غريبة حكاية "لازم" دي!!! مين ألزمني أسمع وجهة النظر "الأخرى" في جريدتي المفضلة؟ يا راجل دا أنا القارئ والمفروض إن الجريدة بتخدمني أنا مش بتخدم جماعات مصالح معينة... الدستور ليها جمهورها - وأنا كنت منهم - من أيام الدستور الأول وما كانش ضمن أجندتها الليبرالية وقتها الترويج لفصيل غير وطني ويرفض المواطنة كأساس لبناء الأمة وهو فصيل الإخوان
حكاية لازم أسمع دي عيب ولو انت صحفي في الدستور يعني أنا العميل بتاعك يبقى سوري دي قلة أدب منك إنك تقول لعميلك "لازم" تسمع... إيه المسخرة دي

خامسا: بلاش لوي لعنق الحقائق... العدد الفضيحة لم يروج لقضية حرية الإخوان في التعبير والإفراج عن الطلبة أو حتى محاسبتهم على قد غلطهم في إطار التأديب الجامعي وحسب... العدد الفضيحة كان تبييضا لوجه الإخوان والمرشد الأهطل

سادسا: بالنسبة لموضوع الكونج فو والتنظيم الطلابي بتوع الأخ دسوقي رشدي موضوعين في قمة الوساخة لأن بتاع الكونج فو بيروج لفكرة خطيرة جدا ألا وهي البعد الروحي وراء ممارسة الإخوان للرياضات الروحية الشرقية كالكونج فو والتي لها تجارب تاريخية ناجحة بالفعل - بحسب دسوقي أفندي - في قلب أنظمة الحكم (ابقى اقرا كويس قبل ما تيجي هنا تعلق)... والموضوع بتاع التنظيك الطلابي بيدافع عن حلاوة وجمال التنظيم في صورته المعاصرة وإنهم بيتبعوا المرشد مباشرة ومش بيرتكبوا أخطاء زي بتاعة زمان... يبدو فعلا إن حضرتك لبست العة في موضوعات العدد الفضيحة ده

سابعا: حضرتك بتقول الإخوان فصيل ينتمى لهذه البلد
من حقه ان يعبر وان يشارك ومن حقه الا يضطهد او يسجن ... متفق معاك ومختلف
كتفق في إنه فصيل موجود في هذا البلد لكنه لا ينتمي لها بدليل طظ في مصر وأبو مصر والجزمة اللي على دماغ الكل
من حقهم يعبروا عن رأيهم طبعا
لكن من الخطأ تضمينهم داخل الحركة الوطنية لأنهما لا يؤمنون بالوطن... هم لمعلومات سيادتك يؤمنون بحاجة وهمية إسم دين أمها الأمة الإسلامية اللي بتشمل الكرة الأرضية كلها ومصر دي ما إلا ولاية صغيرة ضمن دولة الخلافة العتيدة
يعني ما تقوليش فصيل وطني وزفت
وبعدين بروح امه اللي بيقول الأقباط يسيبوا البلد مع السلامة دا لازم يترد عليه بالأفاظ وسخة بس يلا الطيب أحسن من أمه

ثامنا: يعني إيه سيادتك إن من حق الناس تحكم عليه مش أنا؟؟
إيه الهطل ده؟؟
أمال أنا مش من الناس ولا إيه؟؟؟
ما تفوق يا عم الحاج
أنا من الناس ومن حقي أحكم في كل شيء زيي زي بقية الناس
يا ريت الناس تحكم في شيء إلا إنه كل شيء بيتسقي لها بالمعلقة أو بياخدوه لبوس

تاسعا: مين الأهطل اللي قال لحضرتك إني يسار وبالتالي مبحبش الإخوان؟
وبرضه ما تقوليش خلاص يبقى ما بتحبهمش عشان قبطي
لأ يا سيدي مبحبش أمهم بسبب إني مصري ووطني وبحب البلد دي ولسة معتقد إن فيه أمل بشرط إن الناس تفوق من غيبوبتها اللي الإخوان جزء من سببها

عاشرا: يفضل تكشف عن شخصيتك وتتكلم زي الرجالة يا متجيش هنا تاني

شكــــــرا

محمد الدسوقى رشدى يقول...

مساء الفل أو صباح الفل على عيونك ياريس
أولا كان نفسى أعلق على البوست ده بس فجاة لقيتك متهمنى بحاجات كتير فى التعليقات
الموضوع شكله محتاج قعدة لو فعلا عاوز تتناقش فيه
هكون سعيد لو قعدنا مع بعض انا بنزل وسط البلد كتير ممكن نتكلم ونتقابل هناك
سلام

مراقب مصري يقول...

يا لهوي

صديقي العزيز طربوش طلع الدسوقي رشدي

آسف بجد على حدتي في التعامل معاك يا دسوقي... موقفي معاك مش شخصي خالص وبالأساس موقفي من الدستور وإبراهيم عيسى وغيظي م اللي بيحصل مرجعيته الأساسية هو هوسي بادستور من أيام الدستور الأولاني ومن هوسي بإبراهيم عيسى كصحفي وكاتب

ودا اللي مخليني متحسر على الجرنان وعلى إبراهيم

طبعا إنت عارف إني صادق في اللي بقوله وانت نفسك مجرب ازاي أنا بافتكر أساس كل ما يكتب في الجريدة لدرجة إني لمالقيت لك تدوينة في مدونتك مكتوبة قبل كدة في الدستور وكنت وقتها مش عامل التدوينة باسمك الحقيقي أنا ساعتها قلت لك امسك حرامي وقلت لك التدوينة دي مسروقة من صحفي في الدستور وما افتكرتش ساعتها كان مين الكاتب... وساعتها قلت لي إنك إنت الصحفي نفسه ومفترض إننا اصحاب من وقتها مع وقف التنفيذ

سوري يا صديقي اللي ما يعرفك يجهلك
أنا ما ربطتش خالص إن الدسوقي رشدي هو نفسه طربوش
دا طبعا تقصير مني في عدم ويارة مدونتك مؤخرا

انتقادي للموضوعين بتوعك في العدد الأخير جاء في سياق شامل عن العدد الأخير بتاع الدستور واللي أنا اعتبرته فضيحة حقيقية وسقطة مرعبة للدستور ولإبراهيم عيسى وللصحفيين اللي في الجرنان

دعوتك للمقابلة والحديث دعوة كريمة على عيني وعلى راسي من فوق
ابعتلي رقم تليفونك على إيميلي الشخصي
reformer1976@yahoo.com
وأنا هاكلمك نحدد ميعاد في أقرب فرصة

غير معرف يقول...

صباح الفل ياعم جرجس بمنتهي الصراحة من حقك تختلف مع إبراهيم عيسي زي مانت عايز بس من غير إساءة أوتلقيح كلام زي النسوان من عينة غير مدفوع الأجر ومدفوع الأجر والهبل ده بتاع ان أي واحد يختلف معانا يبقي بيقبض وكلام المعاتيه ده
علي فكرة لو انت متابع أبو يحيي كويس كنت عرفت إن تغيره(أنحداره لوانت ضد الإسلاميين وتطوره ورجوعه للحق لوانت معاهم) ماحصلش فجأة ولا حاجة بالعكس ده حصل بمنتهي التدريج والعقلانية والمرونة الفكرية من ناصري إلي ليبرالي يساري إلي أخيرا في اخر سنتيت ليبرالي إسلامي وأيضا لا يوجد أي عيب في أن تصبح الدستور منبرا إعلاميا للإخوان لوانت بتناصر حرية الرأي فعلا مش منظرة لازم تفرح إن تيار فكري مصري حر بعد ما قمعت جريدته آفاق عربية وجد منبرا يدافع عن أفكاره وإلا تبقي عايز تسمع صوتك بس باختصار عشان انا طولت أبراهيم عيسي أول وأثبت من قال لا في وجه هذاالنظام الفاجروالسلطان الجائر شخصياورفع هو وعبدالحليم قنديل سقف الإنتقاد لرئيس الجمهورية نفسه بعد ماكان أخر الجرايد كلها الوزرا والأخوان أكتر ناس ضحوا عشان أفكارهم مش قعدوا يتكتكوا ع الكيبورد ف الطراوة
ملحوظة أخيرة عشان البارانويا(أقسم بالله العظيم أني لا أعرف المدعو إبراهيم عيسي معرفة شخصية ولا أقطن ف القاهرة أساسا وليس لي أي علاقة تنظيمية بالإخوان وإن كان يشرفني جداجدا ذلك كله)

مراقب مصري يقول...

الأستاذ أحمد

في موضوعي الذي تحدثت فيه عن الدستور وإبراهيم عيسى وحوار المرشد لم أسب أحدا ولم أشتم... على الأقل لم أسئ إلى إبراهيم عيسى ولا شتمته

ببساطة لم أشتمه ولن أشتمه ولن أعيب فيه لأني أحبه جدا وأنا من عشاق قلمه وكتاباته وجريدة الدستور الإصدار الأول بالنسبة لي هي أول ما صاغ وشكل توجهاتي الفكرية والسياسية ولست فقط من محبي إبراهيم عيسى بل كنت سابقا من دراويشه ومجاذيبه ولا أجد في ذلك عيبا

بل لو ركزت في أسلوب كتابتي - لو صح القول بأن لي أسلوب أساسا في الكتابة - لوجدته متأثرا جدا بطريقة كتابة إبراهيم عيسى نفسه وبسخريته من الأمور

فإن كنت لم أسب ولم أشتم فلماذا تشتمني أنت؟ ولماذا تترك الموضوع الرئيسي وتتحدث عن بديهيات أعرفها أنا جيدا وأوردتها جملة وتفصيلا في موضوع البوست الخاص بحوار المرشد وكذا في التعليقات على الموضوع

أستطيع الجزم بأنك لما تقرأ الموضوع كاملا بل ربما قرأت المقدمة واتفرجت ع الصور وروحت مديها تعليق

للتعليق أصول... منها أن تقرأ البوست جيدا وأن تقرأ التعليقات السابقة كلها لئلا تجد أن كلامك قيل من قبل أو أنه مردود عليه بالفعل

لقد كان أخي العزيز محمد الدسوقي رشدي أكرم منك في اختلافه وفي نقاشه على الرغم من أنه طاله بعض من قذائف هجومي على الدستور وعلى صحفييه، إلا أنه كان مهذبا للغاية في اختلافه وفي عرضه لوجهة النظر الأخرى

فتحية لرشدي على احترامه
وتقديري واحترامي لك أيضا

وكل سنة وانت طيب يا سيدي

غير معرف يقول...

ماشي ياسيدي هو انت عندك حق ف حاجة واحدة إني فعلا ماقريتش التعليقات بالكامل وده لكترتها لأن الموضوع مستفز ع العموم أنا ماقصدتش أشتمك بالذات وإن كنت بشتم الأسلوب نفسه(إن كل واحد يختلف معاك يبقي بيقبض وبيستفيد إعلانات للحريدة وخلافه يا إما يبقي أهطل زي ما حضرتك قلت ع مرشد الإخوان وده ف رأيي قمة الإعتداء ع أقدار الناس لأن الراجل ده وإن كان كتيرمت تصريحاته متسرعة وبتمسك المترصدين به وبجماعته حجج عليه لكنه ع الأقل راجل مناضل بجد قضي أكتر من نص عمره ف سجون القهر والتعذيب وحكم عليه بالإعدام قبل كده ف سبيل شىء واحد فقط هو أ ف ك ا ر ه اللي سواء اتفقت أو اختلفت معاها ده لا يجعلك تتخلي عن الموضوعيه لأنه رجل مخلص فعلا لمبادئه وع فكرة مش معني كده انه ملاك أو مقدس مثلا هو أو جماعته بالعكس هناك مآخذ كتيرة عليهم أهمها ما يسمونه المواءمة السياسية مما يجعلهم دوما متهمين بعقد صفقاتمع النظام بالإضافة لتقاعصهم عن الدفع بقوتهم الحقيقية إلي الشارع لأنهم الناس الوحيدين الي ممكن ينقلوا مشاهد المعارضة اللبنانية إلي الشارع المصري ويدفعوا بمئات الالاف مش هقول ملايين إلي الشارع بصراحة التراخي ف كده أهم عيوبهم إلا إني بمنتهي الأمانة لم أر منهم طيلة عمري أي إضطهاد أو تمييز تجاه الأقباط أو المرأة أو جنوح للعنف كما تصورهم أبواق النظام و-بصراحة- بتمشي انت وغيرك من المعارضين المخلصين(مش الي زي رفعت السعيد) ( وراهم علي( عماكم حاول تعرض الموضوع ع عقلك وشوف كام أستاذ جامعي أو رجل أعمال ينتمي فكريا لهم تعاملت معه ف حياتك واحكم انت بنفسك عليهم من غير ماتتأثر بحد وانا من كتابتك واثق من رجاحة عقلك بس بعد ماتهدي وطبعا هتلاقي فيهم عيوب زيينا كلنا لكن إذا كانت السياسة هي فن الممكن أنا شايف انهم أنظف الموجودين يدا وأصدقهم وأثبتهم ع مبادئهم فلييه بقي ماندافعش عنهم أنا وانت وإبراهيم عيسي وكل شرفاء البلد ضد من يريدون قمعهم وسحلهم عشان فعلا مانقولش في يوم زي العادة العربية "أكلت يوم أكل الإخوان"
أتمني أكون وصلتلك وجهة نظري بهدوء وياريت أسمع ردك بموضوعية ومن غير تعصب

مراقب مصري يقول...

أستاذ أحمد

وعليكم يا راجل السلام ورحمة الله وبركاته
أهو كدة الحديث شفت بقى هادي وتحضر إزاي؟ كدة ينفع ناخد وندي وحضرتك نفسك تحليت بكثير من الموضوعية التي لم تكن متوفرة بهذا القدر في تعليقك السابق
طبعا الهدوء والتعقل حلو
يعني مبدئيا الهدوء والتعقل وصلنا لأرضية مشتركة بنتكلم منها اسمهاإن انت وانا وكثيرين غيرنا نحسب ضمن شرفاء هذا البلد... دا في حد ذاته رائع إننا نتكلم من منطلقه

بص يا سيدي الفاضل
أنا أحترم تمسك الإخوان بفكرهم وبالنضال لأجل فكرهم وأدافع عن حريتهم في الوجود وفي التعبير... حلو لغاية كدة؟
مهم نكون مصدقين بعض
بمعنى أن انا مش بقول الكلمتين بتوع الحرية للإخوان وكل الليلة دي عشان أرضي حد ولا عشان أخدع حد
دي بالفعل قناعتي
حرية وجود الجميع وحرية التفكير عن جميع الأفكار بما فيها الأفكار الغريبة بل والجانحة للتطرف منها كأفكار الإخوان مثلا وحتى اليسار المتطرف

وطالما القضية هي فكر إذن مواجهته تكون بالفكر
لو بتحارب بالكلمة سأحاربك وأقضي عليك وبالكلمة أيضا

إمتى المفروض يتسجن مواطن بسبب موقفه الفكري أو السياسي؟
فقط لو استخدم السلاح أو لجأ الى العنف... هنا الموضوع مش مراجعات فكرية بقى... لأ دا قانون عقوبات جنائي

كدة نبقى واضحين في حتة الحرية المطلقة
(الإخوان في المقابل بالمناسبة لا يؤمنون بحرية الأفكار وحرية الأديان ولا الدولة كذلك)

بالنسبة لاتهامي لابراهيم عيسى بإنه جريدته قابضة في حوار المرشد من الإخوان لم يكن اتهاما من النوعية الواطية اللي حضرتك تكرمت وأشرت إليها... الاتهام كان مستند على دليل مادي وهو الإعلان الإخواني... الشرف الصحفي كان يقتضي إنه يمتنع عن قبول مثل هذا الإعلان بالذات لو كان عايز ساحته تبقى بريئة... لكن دي أول مرة ينشر إعلان زي ده ويا سلام ع الصدف في نفس يوم نشر حوار المرشد

نقطة كمان: بالنسبة لشتيمة المرشد... المرشد على حد قول سيادتك بيقول كلام يتمسك عليه من قبل المتربصين... حلو جدا... أنا برضه قلت لبعض الإخوان كدة... يا جماعة لو هو مش بيعبر عن الإخوان صح احجروا عليه أو اعزلوه أو سكتوه... لكن طول ما هو مرشد وطول ما انتوا إخوان وطول ما هو بيهرتل (بنص كلام أحد الإخوان في أحد الحوارات معي) يبقى اشربوا بقى... كلامه بيمثل الجماعة وهيفضل يمثلها لحد ما تبان لكوا شخصية ونشوف السمع والطاعة دي هتوديكوا - واحنا معاكوا - لأنهي داهية

بالنسبة للمرشدين والإخوان والأقباط... راجع تصريح مصطفى مشهور السافل (التصريح وليس الرجل)
الذي أفتى فيه سيادته بأنه لا يجوز دخول الذمي الجيش عشان هيخون بلده لو الصليبيين المسيحيين هاجموها
(رد إنت وحياتك على هذه السفالة)
إذن القضية ليست أن عاكف خرف
ولا مشهور خرف
مش ممكن يكونوا قاصرين منصب المرشد على مجموعة معاتيه
إستحالة
المشكلة إن هؤلاء المرشدين والكثير من الإخوان غيرهم بس بيوضحوا حقيقة تفكيرهم بالنسبة لموضوعات عديدة كموضوع الأقباط اللي البيه عاكف بيقول عليهم بالسلامة

نقطة كمان: الإخوان لا يمكنهم إن أنا وانت وابراهيم نضمهم معانا ضمن شرفاء الوطن لأنهم شرفاء فعلا بس في وطن آخر ... اي الوطن الإسلامي اللي مصر مجرد ولاية فيه
(راجع تصريح طظ وراجع حديثهم عن أولوية الانتماء الديني على الانتماء الوطني سياسيا)

نقطة كمان: لهم حرية الوجود والتعبير ولكن على كل وطني شريف ألا ينخرط معهم بل يجب عزلهم فهم كالوباء والطاعون والجدري... لماذا هذا الهجوم الضاري؟ لأنهم لا ينتمون إلى وطني مصر... لأنهم يرون أن حكم أي محتل مسلم لمصر لا مشكلة فيه البتة طالما كان صالحا

من فضلك فكر معي
لا تصدق ما تقوله أبواق الإعلام الحكومي من أنه لو سقط مبارك ونظامه لا يوجد بديل آخر سوى هؤلاء المتطرفين
(الذين يمثلون الاعتدال كما أشرت أنت عملا بمذهب التقية الشيعي)
يوجد بديل آخر هو الحرية
حرية الوطن
حرية المواطن
حرية العقل

هؤلاء لا يؤمنون بالوطن ولا المواطنة ولا العقل بالطبع... دول بتوع غلق باب الاجتهاد يا أستاذي

من فضلك أفيق قبل أن تقع الواقعة

مازلت أحلم بأن أرى إبراهيم عيسى يفيق هو الآخر وأن يتحرر من هذا القيد الذي وضعوه حول رقبته وحول رقبة الوطن

الحرية هي الحل
فتحرروا

مراقب مصري يقول...

العزيز المحترم المجهول

مش قادر بجد أفهم موقفك بإرسالك هذا الموضوع الخاص بحوار مفتكس - آخر - مع الملا عمر وهذه المرة الموضوع جاي من صحيفة أمريكية كبرى وهي نفسها تشكك في مصداقية الحوار في النهاية بجملة
انه من المستحيل التحقق من ان هذه الاجوبة صادرة فعلا عن الملا محمد عمر الذي يقول انه يختبىء في افغانستان بينما يعتقد بشكل عام انه في باكستان.
الافتكاس مرفوض سواء أتى هذا الافتكاس من نيويورك تايمز أو من خالد محمود رمضان... والحاجة التانية إن الخبر كما ورد في النص الإنجليزي الذي تفضلت سياتك بإرسال الرابط له يقول أيضا - وهو ما حذفته حضرتك في الترجمة - ما ترجمته فيما يعد كأول حوار من نوعه مع صحفي منذ اختبائه منذ خمس سنوات... إلخ

إذن أنا محتار بجد... إنت مع مين ضد مين
أنا قارنت بين موضوع الدستور المضروب وموضوع النيويورك تايمز المضروب بتاريخ أحدث ووجدت أن كلاهما ضارب نفس القصة وعن طريق نفس المصدر وكل منهما يدعي السبق العالمي التاريخي في الانفراد بالحوار مع الملا الهارب اللي محير الإف بي أي والسي آي أيه وف نفس الوقت خالد رمضان واسماعيل خان هما اللي جابوا الديب من ديله وعملوا "تشات" مع الملا الهارب (بيفكرني بالغوريلا الهاربة في فيلم البحث عن المتاعب بتاع عادل إمام) وفي نفس الوقت مش عارف حضرتك باعت لي الموضوع ده ليه ... يا إما حضرتك خالد محمود رمضان نفسه وعايز تقول لي إن مش لوحدك اللي افتكست حكاية حوار الملا دي ودا مردود عليه بإن الموضوع نفسه بيدينك لأن الجريدة الأمريكاني بتقول إن ده أول حوار لو صح مع الملا بما يؤكد إن موضوعك مفتكس

أو إنك صحفي في الدستور - حاليا أو سابقا - ومغلوب على أمرك ونفسك الدنيا تولع على دماغ ابراهيم عيسى بأي طريقة وهنا أقول لحضرتك ... الصراعات بين الشرفاء لا تدار بهذه الطريقة الواطية... وابقى قول اسمك لو عاوز تعمل صاحب موقف

أو الاحتمال التالت إنك أمن وهنا يبقى وقعت يا حلو وما حدش سمى عليك لأن الموضوع اللي انت جايبه تافه وبايت وبرضه مش هينفع تولع الدنيا وتشعللها بالطريقة الهبلة دي... موت بغيظك

أو لو انت مش أي حاجة م التلاتة دول فيا سيدي ما تعرفنا بنفسك وساعتها يتوجب لك حق الضيافة وواجب الكرم... أهلا بيك في كل الأحوال

بس ما عنديش حاجة في الموضوع دا أقولها وبالتالي المعلومة بتاعتك محروقة أوي

ابعت حاجة تكون أهم شوية من الهطل ده

غير معرف يقول...

مصيبةالجاهل أنه لا يعلم أنه جاهل
ومصيبة الأحمق أنه كلما رغب فىالمعرفة اذداد حمقا
ولا حول ولا قوة الا بالله
الاعتراف بالخطأ فضيلة
وعيب تقول هطل
انت متربى ولا تربى

مراقب مصري يقول...

عم الأنونيمس تاني

يا سيدي مالك محموق كدة وواخد الليلة على سدرك؟
خد على سدرك وطلع من مناخيرك
وبعدين ما ناقشتش ليه الرد بتاعي بدل ما تقعد تنظر؟
والحاجة التانية سعادتك
طول ما انت بتكتب تحت اسم مجهول ما تتوقعش معاملة عادية لطيفة زي بقية خلق الله اللي متا بيخافوش يكتبوا اسمهم

ولو انت خالد محموء رمضان عادي ولا يهمك ما تتكسفش... ودي فيها إيه يكسف دي؟ عادي خد نفس عميق وافرد سدرك وقول قدام المراية أنا حديد أنا تمام أنا معنديش مشكلة في حياتي... كلهم معقدين نفسيا وبيحقدوا عليا... تلاتين مرة في اليوم وهتبقى زي الفل

قشطة يا مان؟

مراقب مصري يقول...

على فكرة يا عم المجهول من تاني
بالنسبة لكلمة الهطل أنا لم أكن أصفك أنت بها ولكن كنت أصف ما أرسلته
وكلمة الهطل هي من الكلمات الأثيرة لدى إبراهيم عيسى لو كنت بتقرا له
وأظن الراجل متربي وابن ناس جدا
ولا انت ليك رأي تاني؟

غير معرف يقول...

ثاني انت بتهاجم الاخوان والدستور انت في الحقيقه بتهاجم الاسلام ومش عاجبك ان الاسلام هو الحل او ان حد يقول كده وكمان حد يسوق لكده يا استاذ ارجو قبل ان تتكلم عن
الاسلام ان تدرسه دراسه موضوعيهوعن طريق عالم مسلم وتفهم ان كان هذاحل يرضيك ام لا وان كان لايرضيك فانت حر فبما تعتقد
لم ستطع ان اقرا كلامك كل مقالك المبتزل لاني حسيت بكميه كبيره من الهيافه الفكريه والسطحيه في تناول الامور انت بتستظرف وللاسف بتلاقي ناس معجبه بهذا الاستظراف ولكن لا تفعلها مع الاساتذه فهم اكبر منك حجما ومقاما ومكانا

مراقب مصري يقول...

بص يا أستاذ خالد

لعبة إن أنا بهاجم الإسلام مش الدستور والمرشد دا كلام وضيع أوي وعيب تلعب اللعبة الوسخة دي... كلامي كان موضوعي جدا على الرغم من أسلوب السخرية اللاذع وأتحداك أن تجد ي ما يسيء للإسلام في كتاباتي... ابقى اقرا كويس يا "أستاذ" والعبها صح.... وبلاش وساخة في اللعب

غير معرف يقول...

أعترف بأن كفاية تلفت النظر إليها لانها نموذج رفع الصوت عاليا فى أكبر الميادين المصرية . وللنظر والتمعن فى رجالات كفاية هنا يكمن ضعفها وهشاشة بنيانها فكلهم ممن يقال عنهم النخب المثقفة التى لاتعرف لها لاشكلا ولا مضمون تبحث عن دورا فلا تجده ترفع شعار كفاية وهى به مخلصة للنظام اكثر مما هو حاصل فى الحزب الوطنى ز أما أن قيادات كفاية العلمانيون ومجهولوا الهوية العقائدية فهذه هى المصيبة المفجعة التى لايطمئن لها أحدا . والسؤال لرجالات كفاية على أية مبدأ أنتم ضد النظام . أنتم مسلمون ومسيحيون شىء جميل وعظيم ولكن المسلمون الذين يهاجمون الإتجاه الإسلامى فعلى أى أساس يهاجمون هذا الإتجاه الذى يمثله الإخوان أليس هذا إتجاه مثلما أنتم إتجاه سياسي أم المشكلة فى الإسلام أقول لكم أيها التائهون لابد أنتم تممون أفواهكم وأقول لكم كفاية تضليل لأنكم لا تحافظوا على هوية هذه الامة وتماسك هذه الامة بمسلميها ومسيحيها أنتم الادينيون سوف تفتفتون هذه البنية واقول لكم أن الغخوان هم عصب الأمة المصرية وأنه لا أمان للاقباط إلا فى ظل الحكم الإسلامى لهذه الامةوإذا وإذا كانت الامور غير مواتية لسبب فينا فلعل المستقبل يفضح ما تخططون له من علمانية وضياع ولعل أن يهديكم الله وتعرفون بأن الامة اساسها الدين وفيها ينشأ الرجال المخلصون لدينهم وامتهم فلا خير فى رجال يرفعون رايات الادين والعلمانية الخادعة واليبرالية التى تعتمد على إستيراد الالفاظ الجوفاء التى لا تناسب اهل هذه الأمة التى أنتم لستم منها أنت ولا النظام الذى تحمونه بعداءكم للدين ومن هم مخلصون للدين

غير معرف يقول...

[url=http://firgonbares.net/][img]http://firgonbares.net/img-add/euro2.jpg[/img][/url]
[b]microsoft software price, [url=http://firgonbares.net/]buy macromedia contribute[/url]
[url=http://firgonbares.net/][/url] adobe photo editing software microsoft office professional 2007 student discount
software buying advice [url=http://firgonbares.net/]cheapest place to buy software[/url] adobe acrobat 9 pro upgrade
[url=http://firgonbares.net/]student discount on computer software[/url] an oem software
[url=http://firgonbares.net/]student discounts software[/url] insight software reseller
acdsee free [url=http://firgonbares.net/]pc software to buy[/b]

غير معرف يقول...

[url=http://vonmertoes.net/][img]http://vonmertoes.net/img-add/euro2.jpg[/img][/url]
[b]buy computer softwares, [url=http://vonmertoes.net/]7 Mac Poser[/url]
[url=http://vonmertoes.net/][/url] buy cheap software reviews office computer software
buy language software [url=http://vonmertoes.net/]nero burning software[/url] 9 Advanced Mac
[url=http://vonmertoes.net/]purchase oem software[/url] microsoft office 2007 oem software
[url=http://vonmertoes.net/]pet store software[/url] microsoft office 2003 code
office applications software [url=http://bariossetos.net/]education software sales[/b]

غير معرف يقول...

Your method of explaining the whole thing in this article is really nice, every one be capable of without difficulty understand it,
Thanks a lot.

My blog xn--80az1a.xn--p1ai

لكي لا ننسى دم أحمد علي مبروك