٢٦‏/١١‏/٢٠٠٦

ألف مبروك ... القبض على أحد زبانية التعذيب وتقديمه للمحاكمة

الجديــــــــــد
.
في موضوع تنظيم التعذيب السري بالداخلية
جريدة الفجر تتوصل إلى هوية الشاب ضحية جريمة الاغتصاب البشعة بعصاية المقشة
ـ
ـ
ـ
.
اقرأ التفاصيل عند أسد
.
.
.
.
الشاب اسمه عماد محمد علي كبير سائق بموقف ناهيا وقد أرشد عن أسماء من اغتصبوه وهتكوا عرضه وصوروه بالفيديو وهما إسلام نبيه معاون مباحث قسم بولاق الدكرور وأمين الشرطة المدعو رضا فتحى السيد الذي صور الجريمة بكاميرا الموبايل
.التفاصيل كشفها الصحفي بالفجر وائل عبد الفتاح بمشاركة كمال مراد , تستطيعون قراءتها كاملة عند شرقاوي
شكرا من جديد لدماغ ماك أول من نشر الفيديو وللمدون أسد وللمدون شرقاوي وبالطبع لجريدة الفجر ووائل عبد الفتاح
.
تحديث هام
اقرأ عند شرقاوي
الموضوع لسة ما خلصشي ولسة مكمل ولسة احنا مكملين

أول الغيث قطرة كما يقولون

وأول حجر رفعه طفل صغير عام 1987 في فلسطين هو ما تنامى ليصير جبلا من الانتفاضة الشعبية التي احترمها العلم كله وتعاطف العالم كله مع القضية الفلسطينية وقتها عندما شاهدوا في الصور وعلى شاشات التليفزيون ذلك المنظر الذي صار معتادا بعد ذاك وهو مشهد الطفل الفلسطيني الأعزل رافعا حجره في وجه دبابة أو جرافة إسرائيلية

لا أريد أن يقول لي متنطع أن الأشياء الصغيرة لا تؤثر في مجريات الأحداث الكبيرة.... بل على العكس كانت انتفاضة الحجارة أقوى وأشرف بكثير من انتفاضة انتحاريي الأقصى بعد ذلك بثلاثة عشر عاما... تعاطف العالم مع حجر في يد طفل ولم يتعاطف مع المدفع والوجه الملثم الكئيب لانتحاري يقتل مدنيين


الأشياء الصغيرة تصنع فرقا
(الصورة لحنظلة الفلسطيني يلقي حجرا من رسومات ناجي العلي)


الأشياء الصغيرة تصنع فرقا

كلماتنا تصنع فرقا

وقفاتنا تصنع فرقا

قولنا لا وكفاية يصنع فرقا

منذ بضعة أشهر ليست بكثيرة نشر وائل عباس في وعيه المصري فيديو كليب قصير لضابط شرطة يهين كرامة أحد المواطنين داخل قسم شرطة... الفيديو كان ولا يزال متداولا على أجهزة الهاتف النقال ويُرى فيه ضابط الشرطة وهو يهوي على وجه المواطن (الذي وقف ذليلا خانعا ضعيفا مقهورا) بالصفعات الواحدة تلو الأخرى ... وفي إحدى المرات التي كان يكاد يهوي بيده على وجه الرجل استبدل الصفعة بحركة بذيئة من إصبعه في وجه الرجل... يحدث هذا وأحد زملاء الضابط يصوره بكاميراالموبايل. ويظهر وجه الضابط المجرم وهو يتلذذ بإذلال المواطن ويهوي على وجهه يالصفعات المتتالية بينما زميله يشجعه "اضربه يا مصطفى"... ويأخذ الكليب طابع تصوير الفيلم السينمائي فيصرخ الضابط الزميل ستوب ... أجين بينما يقع المواطن منهارا (بدنيا ونفسيا ) على الأرض من وطأة الصفعات المتتالية... وينتهي "الفيلم"ـ

بعدها بشهور شاهدنا أيضا على مدونة وائل عباس الوعي المصري (نقلا عن مدونة دماغ ماك الذي كان أول من نشر الفيديو على مدونته) الفيديو الشهير للمواطن الذي يتم اغتصابه داخل قسم شرطة باستخدام عصا مقشة ويصرخ المواطن "معلش يا باشا... الله يكرمك يا باشا" وتكاد تتقيأ وأنت تسمع صرخات الألم والانكسار تخرج مدوية من ذلك المواطن بينما يهتك عرضه ويتم تصوير ذلك لتتم معايرته بعد ذلك "بين زملائه في الموقف" الذي يعمل به سائقا!!!ـ

كتبنا جميعا عن الموضوع وتصدر بعضنا وتحديدا وائل عباس ومالك وشرقاوي ومدونة التعذيب في مصر والمدون دماغ ماك وغيرهم الكثيرون منا للموضوع وكتبنا ونشرنا وأثرنا القضية وكان البعض يحبطوننا بأنه "ما فيش فايدة" وإنه "إيه الجديد... ما التعذيب بيحصل من زمان وعادي يعني محدش اتحاسب"... الجديد يا حلو إن بعد الضجة التي أحدثها نشر الفيديوهات هذه على المدونات أولا وبعض أن تحدثت عنها بعض الصحف المستقلة وبالطبع بعد أن كتب الأستاذ الكبير فهمي هويدي مقاله الذي منع من النشر في الأهرام ونشرته المصري اليوم وأعدت نشره هنا في مدونتي والذي تحدث فيه ضمن ما تحدث عن مقطعي الفيديو هذين تحديدا (فيديو الصفعات وفيدو اغتصاب مواطن) اكتسب الموضوع زخما إعلاميا ضخما انتهى بحمد الله إلى القبض على الضابط مصطفى ضابط الصفعات بقسم الهرم وتقديمه للمحاكمة وجاري الآن التوصل إلى الضابط السافل الآخر الذي اغتصب المواطن الآخر بعصا المقشة
الخبر نشرته جريدة الفجر في عددها الجديد والذي نشره هو الأستاذ وائل عبد الفتاح وقد علمنا بالخبر من مدونة شرقاوي ومدونة الوعي المصري اللتين كان لهما السبق في نشر الخبر نقلا عن جريدة الفجر. ألف تحية للأستاذ وائل عبد الفتاح ولشرقاوي ووائل عباس

ما تحقق هو نصر لكل مدون ولكل صحفي شريف على أرض هذا الوطن


دلالة الموضوع كبيرة وهامة جدا... فالبعض يتساءلون في عته "إيه المشكلة ما هو مسكوا قبل كدة ناس برضه وحاكموهم ومحصلشي حاجة" ولهؤلاء أقول ثمة أمر مختلف هنا... الفرق هنا أننا تكلمنا ونشرنا ولم نصمت ولم نكن سلبيين، ولم يرهبنا أحد... والأمور الصغيرة صنعت فرقا... تصريحات شرقاوي عن تعذيبه بدنيا وجنسيا صنعت فرقا، إصرار وائل عباس على فتح قضايا التعذيب ومعه مالك ومدونة التعذيب في مصر ودماغ ماك وجميعنا معهم صنع فرقا... كتابة واحد محترم زي فهمي هويدي صنع فرقا، اهتمام جريدة مستقلة كالفجر بالموضوع صنع فرقا ومنذ شهور أيضا اهتمام جريدة مستقلة أخرى هي الدستور بما نشر على مدونة وائل (تحديدا فيديو الصفعات) وإعادة نشره لديها صنع فرقا... المصري اليوم ونشرها لمقال فهمي هويدي صنع فرقا

وأخيرا نقول لجريدة الأهرام التي كانت كبيرة "لقد صغرتم جدا وكبر الآخرون... تضاءلتم في قيمتكم ومصداقيتكم وسما الآخرون بمصداقيتهم وصدقهم وحرصهم على الحقيقة... روحوا اقفلوها أحسن!!"ـ

أخيرا أقول للمدونين ولبعض الصحفيين الذين لا يزالوا شرفاء ومستقلين مبروك .. لقد نجحنا وسنواصل النجاح وسنظل نصنع فرقا معا

وأقول لكل مواطن انتهك عرضه أو أهينت آدميته في قسم شرطة أو على يد ضابط شرطة فاسد (وليس كلهم فاسدين بالمناسبة) أقول لقد بدأ موسم حصاد رؤوس الفساد... فتقدم بشكواك... راسلنا واذكر قصة الاعتداء أو الإساءة وأين ومتى واسم من اعتدى أو أساء إليك وسنعاود من جديد نحرك القضايا وننشر ونفضح فسادهم واحدا تلو الآخر

(سنوالي إمدادكم بالمزيد في مدوناتنا فتابعونا.... كما سنوافيكم بالعناوين والأماكن وجهات الاتصال التي تلجأون إليها حال وجود شكوى من تعذيب أو اعتداء أو إساءة معاملة من قبل أي فاسد داخل جهاز الشرطة)ـ

وختاما نقول لكل ضابط شريف يرفض هذه الممارسات القذرة والحقيرة... ارفع صوتك معنا وطالب بالتغيير... قالها بعضنا وما زلنا نقول "نعرف أن ثمة ضباطا كثيرين شرفاء وأحرار... ونريد أن نرى قريبا تجمع لضباط من أجل التغيير"ـ


ألف مبروك وعقبال الباقين
تحديث
لقراة مقال الأستاذ وائل عبد الفتاح في الفجر كاملا وفيه المزيد من التفاصيل الهامة الخاصة بالموضوع اضغط هنا

هناك ١٠٣ تعليقات:

tota يقول...

العزيز الحج جرجس

كنت مثلك قبل ان يبحر بداخلك امل جديد لتغير مدونتك من كفاية حرام الى لسه فى امل
كنت اظن ان الكلمة ليس لها صدى والاسوء انه لن يكون لها صدى بعد اليوم
لا انكر عليك مدى فرحتى بهذا الحدث لاول مرة اشعر ان الكلمات لها معنى وتأثير وانه لا يموت حق وراءه مطالب وان اهانة المواطن المصرى لا يجب ان تمر مرور الكرام فيعاد اهانته مرات ومرات حتى يستباح بهذا المنظر الذى رأيناه جميعا
ان فضح السياسات القمعية الشاذة بالكلمات والصور والفديوهات كان ن فعالا
التصدى للخوف كان فعالا
مقولة لا للقهر الانسانى كانت فعالة

والنتيجة هى بداية اتمنى ان يستمر الامل ولا تكون مجرد حدث لتهدئة الرأى العام اتمنى ان تكون بداية لمتابعة لوبى التعذيب فى الداخلية
اللوبى الشاذ المريض الذى يمتد متشعبا لا يجد رادعا
اتمنى ان تكون بداية ردع لا رد فعل لحدث

تحياتى وسعادتى اشارك بها

غير معرف يقول...

رغم عدم إيماني بوجود مثل هذه الحلول
وقناعتي الشخصية بانه مفيش امل
لكن فعلا اتفق معاك ان دلالات الواقعة دي بالذات مهمة جدا

مش لمجرد انه ظابط سادي فاسد تم اعتقاله لاعتداءه على بني آدم مهما كانت جريمته
ولكن لان من فضح الامر كان بعض من ينتمون لما يمكن ان نطلق عليه مصطلح الصحافة الشعبية او بعض من يهتمون بالمادة الاخبارية على الانترنت ومن يسمونهم نشطاء على الانترنت

وارى ان ده نوع من الانتصار او تحقيق المكاسب للصحافة المستقلة والشعبية
وقدرتها على الضغط على الصحافة التقليدية ووسائل الاعلام التي بدورها قامت بالضغظ على دوائر صناعة القرار كما دفعت بعض الجهات الاخرى للتحرك (زي المنظمات الحقوقية المحلية والجماعات المعنية بحقوق الانسان وغيرها) لاتخاذ خطوات قانونية على ارض الواقع لدفع السلطات على اتخاذ قرار والتصرف حيال الواقعة

وده في حد ذاته انتصار مش للمدونين ولكن للصحافة المستقلة والعمل الشعبي وقدرته على التأثير .. ده اهم انجاز للواقعة الاخيرة ولازم يتم استثماره اكتر واكتر

غير معرف يقول...

Just curious,Who is suing the police officer? and who told you?
Was it published in a paper?

have a great day

alnadeem يقول...

عمي الحاج
ألف مبروك علي هذا النصر يا وحش
الانتصارات جايه كتير طول ما في إراده نصر
واحنا ورا اللي خلفوهم

tota يقول...

اسمحلى يا حج جرجس
ولو ان انا مش من مشجعى الاحتلال
بس عايز ارد على الاخ الانيمونوس
ايوه منشورة فى جريدة الفجر
ايوه فى محامى واسمه ناصر امين رافع قضايا على وزير الداخلية
http://sharkawy.wordpress.com/
فى تدوينة التعذيب والداخلية وجريدة الفجر
مذكور الكلام عند الشرقاوى فى اللينك اللى فوق مرفق بصورة طلب الاستدعاء وعند الوعى المصرى
وعند بلو ستون الى فوق
وعند كتير من المدونين
هو خبر انتشر بسرعة البرق لاننا كنا نتمنى اى نصرة للمظلومين
رديت عنك يا جرجس لانك تعلم ان الخبر اسعدنى جدا جدا

مراقب مصري يقول...

عزيزتي توتا

الداخلية لم تلجأ لمحاكمة الضابط لقناعتها بأنه مخطئ أو لأن الوزارة خضرة الشريفة وما بتحبش السفالة بتاعة الفاسدين اللي فيها... الوزارة لم تتحرك سوى تحت الضغط الذي سببه الزخم الإعلامي الذي قمنا به كمدونين بشكل أساسي

الوزارة (ممثلة في أمن الدولة) هي التي منعت مقال هويدي في الأهرام وهذا إن دل فلا يدل سوى على أن الوزارة لن تنصر مصريا على شرطي... بل ستنظره ظالما كان أو مظلوما وستنصره ظالما ليس بالطبع بأن تنهاه عن ظلمه بل بالطرمخة على ظلمه وربما مكافأته وترقيته
الوزارة رضخت تحت ضغوطنا التي حركت الرأي العام وحركت النخبة
ومن ثم فما يضمن استمرارية نفس التوجه هو استمرارنا نحن في فضح كل قذارات الفاسدين من الضباط وغيرهم
وتشجيع المواطن العادي على ألا يخاف
إذا كانت الشرائط كان لها أثر جانبي تخويفي على نفسية الناس ومزيد من الرعب من جهاز الشرطة (وده طبعا في مصلحتهم) إلا أن القبض على الضابط وفصله ذلهم وجاب مناخيرهم الأرض... والناس هتتشجع وخوفها هينكسر
منظومة متكاملة إحنا جزء منها

أتمنى أن جرعة التشجيع تكون كافية بالنسبة لك عشان تبدئي تدوني بقى

مراقب مصري يقول...

القهوة العالية

هوا دا الكلم وهي دي أهمية الحدث الحقيقية
دورنا بقى فاعل بجد
ومتفق معك في أهمية استثمار الحدث أكثر
وعشان كدة أنا بادرت بدعوة أي وكل من تعرض لاعتداء مشابه أن يبلغنا
غالبا محتاجين نتفق مع بعض كمدونين على نشر دعوة ذات صيغة موحدة وتثبيت وسائل اتصال محددة للإبلاغ عن أي حوادث اعتداء من قبل جهاز الشرطة

وصدقيني الحدث دا بيقول إنه ينفع يكون فيه فايدة ويكون فيه أمل

مراقب مصري يقول...

Anonymous

أعتذر عن عدم توضيح المصدر الذي نقلت عنه الخبر وذلك حدث سهوا
لقد أصلحت الخطأ وأضفت فقرة توضح مصدر الخبر اللي هو شرقاوي والوعي المصري نقلا عن جريدة الفجر
كذلك دعمت الموضوع باللنكات التي تأخذك إلى تلك المصادر مباشرة

تحياتي
================


توتا من تاني

شكرا عزيزتي لأجل ردك السريع (في غيابي) على الأنونيمس اللي سأل عن المصدر... أشكرك حقا لحافظ على المصداقية
المشكلة إني عملت البوست دا بسرعة الصبح قبل ما انزل على الشغل وكان تركيزي الأساسي على دلالات الخبر أكثر حتى من الخبر نفسه الذي افترضت أن الناس عرفته من شرقاوي والوعي والفجر
شكرا يا أختي العزيزة

مراقب مصري يقول...

النديم

بجد الواحد يا عمر سعيد بشكل تحفة
مااحناش بندن في مالطة يا ريس
كلمتنا بتأثر وبتغير

حبة صبر حبة حماس
يبقى الحلم صورة وصوت
لو بطلنا نحلم نموت
لو عاندنا نقدر نفوت
لو عدينا مرة.. خلاص
لو ردينا ضاع الخلاص

واحنا قررنا نفوت ونعدي وما هنرد أبدا لورا
ولسة يستنوا كل يوم من دا

غير معرف يقول...

Thank you Tota And Reformer1976.

مراقب مصري يقول...

العفو يا سيدي أو يا ستي

أتمنى فقط أن تضع اسما (أي اسم) عند تدوينك لجعلنا نشعر بأنك كائن حي وليس مجرد كائن مجهول لا اسم له فهذا يجعل التواصل أفضل

تحياتي
من الممكن حتى أن توقع بأي اسم في نهاية التعليق
فقط سيكون هذا أفضل من مجرد أن أناديك بأنونيمس والتي تعني حرفيا اللي ما يتسماش

غير معرف يقول...

اعيد الكومنت تانى بدل اللى اتمسح

ليس مسموحا لك ايا ما كنت تقييم الانتفاضه الفلسطينيه وانت راقد خلف لوحه مفاتيحك وبلاش الكلمتين التانين
الوجه الملثم القبيح الذى ذكرته
هو خير من مائه الف من الذين يدفنون وجوههم فى التراب
وينتظرون عوده المسيح لتحرير مدينه الرب

عماد عبد الكريم

مراقب مصري يقول...

الأستاذ عماد عبد الكريم

لولا أنك وضعت اسما أناديك به لكنت قد محوت تعليقك هذا كسابقه
بص يا سيدي

حكاية ليس مسموحا دي ما ينفعش تقولها لي على الإطلاق... من حق أي شخص أن يقيم أي تجربة وأعتقد أن حق الاجتهاد يا سيد عماد مكفول حتى في صميم الدين الإسلامي حيث المجتهد المصيب له أجران بينما المجتهد المخطئ له أجر واحد

أنا لا أكتب على لوحة مفاتيحي من الوضع راقدا (فهو وضع قتالي) بل من الوضع جالسا (وهو وضع التفكير العميق والتقييم الدقيق)ـ

أحب أن أذكر هنا الكلمتين الوسخين اللي انت قلتهم في بوستك السابق فقط ليشهد القارئ عليك وعلى تجاوزك حدود الأدب في تعليقك غير المحترم

لقد قلت فض فوك أن الشخص الانتحاري أفضل من مائة ألف كلب مسيحي أو يهودي لم نسمع عنهم أنهم ضحوا بحياتهم في سبيل أوطانهم ... إلخ

بذمتك يا شيخ مش دا كلام وسخ وبيقطر عيبا؟
على فكرة أمنحك فرصة هنا في بيتي أن تعتذر عن هذه البذاءة فلربما أبدأ أتحاور معك كشخص يحترم نفسه قبل أن يحترم الآخرين

راجع تقييمي للتجربة الفلسطينية وستكتشف أنني لم أصف التفجيريين الانتحاريين بأنهم إرهابيون على الإطلاق (كما ذكرت أنت في تعليقك الذي محوته)
لقد كنت محايدا في وصفي ولم أستخدم كلمة إرهابي وليس مطلوبا مني أن أسميه استشهاديا... فقط وصفت الفعل الذي يفعله (بغض النظر عن الدوافع والتقييم الأخلاقي) فهو يقتل نفسه (في آخرين) ومن ثم فهو منتحر

بل أن الإمام الأكبر في بلادنا أفتى بأن الانتحاري ليس شهيدا بل هو قاتل نفس
وهذه ليست مشكلتي
اذهب راجع فضيلته

في تعليقك المحذوف انتقدت قولي أن الانتفاضة الأولى كانت في نظر العالم أقوى (آثارها كان إجبار إسرائيل على الجلوس للمفاوضات مع الفلسطينيين لأول مرة في تاريخهم) وكانت أشرف (بالطبع صورة الطفل والحجر كانت قضية شريفة وعادلة أمام العالم كله) من انتفاضة الانتحاريين المسلحة
الانتفاضة المسلحة لم ولن تأتي بحل
أتت بفقداننا لشرعية قضيتنا أمام العالم
أتت بإدانة دولية لقتلنا النساء والأطفال
شفت انتفاضة الحجر كانت مكسب أد إيه وانتفاضة السلاح كانت خسارة كبيرة أد إيه؟

بالطبع من حقك الاختلاف معي في هذا الطرح ولا يمكنني أن ألومك على وجهة نظر أخرى ... لكنني ألومك على قلة الأدب وعلى الألفاظ البذيئة التي تقيأتها على أرضية مدونتي

أتمنى أن أسمع منك اعتذارا واضحا عن سوء تعبيرك وعن سبك العنصري لأتباع الديانات السماوية

يا أخي دا حتى قرآنك اللي ما بتعملشي بيه بيقول لك عن اللي بتقول عليهم كلاب دول
"لتجدن أقرب الناس للذين أمنوا الذين قالوا أنا نصارى ذلك بأن منهم قسيسين و رهبان و أنهم لا يستكبرون "ـ

تب عن ضلالك وعن وضاعة تعبيرك وارجع إلى قرآنك

لئلا تصيبوا قوما بجهالة فتصبحوا على ما فعلتم نادمين

مراقب مصري يقول...

الرجاء من الأفاضل والفضليات المعلقين والمعلقات التركيز في موضوع البوست وهو القبض على أحد زبانية التعذيب بقسم الهرم... هذه هي القضية الأساسية وكيف أن الأشياء الصغيرة تصنع فرقا

ما علاقة هذا بأي جدل عقائدي ديني عقيم؟؟؟؟؟

شكرا للتجاوب

مراقب مصري يقول...

بالنسبة للسيد عماد من تاني

واضح إنك محتاج نضارة جديدة ... يا عم انت بتدعي عليا كلام ما قلتوش؟
بقى أنا قلت الوجه المبثم القبيح؟؟؟
يا راجل اتقي الله
أنا قلت الوجه الملثم الكئيب وثمة فرق كبير لو كنت بتفهم لغة عربية ولكن كيف تفهم العربية وأنت لا تعرف القرآن وأحكامه ... اقرأ القرآن من جديد فهو خير معلم للغة الضاد
يبدو أنك كنت ضعيف في اللغة العربية في المرحلة الإبتدائية ولم تكن تحفظ المحفوظات القرآنية كما كنا نحفظها صغارا حتى صرنا نقرأ جيدا ونفهم جيدا ونعلق جيدا وبأدب

غير معرف يقول...

Reformer1976,
Anonymous in this context means; whose name is withheld.
not illy mayetsamash, thank you for your attempt to enlighten me, I did not like the aggressive tone though.

Have a good evening
Previously known as Anonymous

3rby يقول...

بص يا كوهين
انا موافقك علي كل حاجة غير تصوير الاستشهادي بانتحاري
واحد لو قعد في بيته هايموت ولو نزل الشغل هايموت بس لو فجر نفسه هايبقي قتل ناس كان ممكن تقتله
اسرائيل قائمة علي ارض فلسطين
ومالهاش الحق
والمدنيين اللي بتقول عليهم دول محتلينهم
كمان نظام التجنيد في اسرائيل بيشمل رجالة وستات وكل سنة فيه فترة خدمة
يعني لو واحد لابس بودي بكره هايلبس لبس عسكري
ارجو انها تكون غلطة

غير معرف يقول...

جرجس عاد يشاغب من جديد

ايه يا عم الخناقات ديه اغيب شويه الاقيك ماسك فى خناق الناس

جرجس اسمحلى ارد على عماد

بص يا حاج عماد كلام جرجس ده اتقال يوم الجمعه اللى فات بس على العراق من محمد حسنين هيكل ان الغرب بيتاثر من منظر الطفله الفلبينيه اللى حرقها النبالم وما بيتعاطفش مع العراقين عشان اظهروا دبح رقاب وكده لاخره


مش كلام جديد يعنى المهم

ومعروف ان المسيحيين كانوا بيحربوا جنب المسلمين فى حرب 73

يا جرجس باشا

ايه رايك لما اسرائيل لحتلت سيناء كنا لمينا شويه عيال وقعدنا نحدف عليهم طوب
يمكن ده يكون اشرف من حرب 73
ولا انت خايف على اليهود لا يموتوا

وبعدين الله يكرمك ما تقوليش منظرنا قصاد العالم والشرعيه الدوليه
والكلام ده لاخره عشان لما نحرب بالحجر هنبقى حلوين وطعمين

هى فين بقى الشرعيه الدوليه والامم المتحده ودول العالم المتقدم ومنظمه الثمانيه ودول عدم الانحياز وكل مؤسسه دوليه فى العالم اجمع لما اسائيل ضربت قانا مره واتنين لما اسرائيل قتلت محمد الدره لما اسرائيل عملت مجازر بيت حنون وصبرا وشتيلا ليه مقولناش يا اسرائلين يا محتلين يا وحشين اضربوا بالحجاره بس عشان منظركم قصاد العالم عشان احتلالكم يدوم ويكسب تعاطف ايه يا حاج الكلام ده


ثانيا

انتفاضه انتحارى الاقصى

يعنى ايه انتحارى وايه الفرق بينه وبين الاستشهادى ويعنى ايه مقاومه ويعنى ايه ارهاب
مش هدخل معاك فى جدليه فكريه عن مصطلحات هى شارحه نفسها وانا اظن ان التوفيق خانك فى التعبير عن انتفاضه المدافعين عن المسجد الاقصى وعن كنيسه القيامه المجيده باجسادهم

ثالثا المدنيين الاسرائلين والوجه الملثم الكئيب

اولا الانجليز لما كانوت محتلين مصر دول كان يتقال عليهم مدنيين
لو قلت مدنيين يبقى باب الحوار معاك اتقفل
الاسرائيلى محتل واخد بيت الفلسطينى
يعنى مثلا لو انا جيت خرجتك من بيتك
واخذته غصب ان عنك هتوقف تحدفنى بالطوب والا تستنانى على قمه الشارع وانت لابس قناع الفلسطنيين ده عشان تغزنى
معروف ان المقاوم الفلسطينى
لابس اللثام عشان ما يتقبضش عليه
وحكايه مدنيين ديه راجع نفسك فيها ومش عيب انك تغلط فى تعبير وتتراجع عنه

ده عشان النص الاول من البوست اللى انت كاتبه

النص التانى انت رائع فيه وفعلا بتعرف ترسم ابتسامه على وجوه من يقرا لك
سواء باخبارك الجميله او تعليقاتك الساخره
تحياتى

وبطل خناق هى مش ناقصه حرقه دم كفايه حرقه الدم اللى كلنا عايشين فيها مش هتبقى فى الحته الوحيده اللى بنحس بيها بهوا الحريه

مراقب مصري يقول...

Dear Moe-New York
I am so sorry about misexpressing my self in a way that sounded aggressive to you. It was rather meant to be sarcastic especially after being insulted by another anonymous who commented after you & cursed christians & jews for no reason & without a name. On the other hand, I have a very good impression about you. You are a very objective person seeking the truth with credibility. That made me learn a lesson to be more & more careful every time I post something new to support it with the references & the links & so on. Sorry again for this misscommunication from my own side. Wish you good luck & wish to see you always in my blog

Greetings & God bless you

مراقب مصري يقول...

يا عم عربي

العيال الإخوانجية اللي نرشقة في المدونات معندهمش حس دعابة ومش هيفهموا هزارك خالص

أولا أهلا بيك بعد غيبة طويلة في مدونتي المتواضعة ... إنت فين يا عم من زمان وأخبار السانوية بالسين معاك إيه؟

فيه أولا عتاب
يا راجل التدوينة دي عن القبض على الكلب بتاع التعذيب والنقطة اللي بنركز عليها هي أن الأشياء الصغيرة بتصنع فرقا
والمثال اللي انا استخدمته هو انتفاضة الحجارة وشرحت إزاي من وجهة نظري أنها كانت أقوى وأكثر تأثيرا وأشرف من الانتفاضة المسلحة

قوم انت يا راجل تسيب كل القصة الأساسية والنقطة الجوهرية وتيجي في الهايفة وتصدر؟
لأا مش أخلاقك دي يا راجل

بص يا عم قمحاوي
متعومشي على عوم اللي بيعوموا

ركز من تاني في الكلام الأساسي
الأشياء الصغيرة تصنع فرقا
انتفاضة الحجر أدت لتعاطف عالمي مع قضية كانوا لا يرون فيها سوى "الحق الإسرائيلي" في إقامة وطن قومي!! دا اللي العالم شايفه ومقتنع بيه على مدى عقود... قوم الواد أبو حجر دا أقنع العالم إن العرب دول أتاريهم بني آدمين وعندهم أطفال وهما كمان من حقهم يعيشوا ويلعبوا ويكون لهم بيت ووطن... الواد ابو حجر أعزل دا قصاد الدبابة أقنع العالم الأهطل الظالم بعدالة القضية... يا بني افهم... العالم الغربي بعد سنة 45 عايش في ذنب اضطهاد اليهود وهتلر والنازي والمحرقة والكلام الفارغ ده... بس الفارغ دا بياكل مع الغرب... والصهاينة اللي ما لهومشي حق باعوا قضيتهم كويس واكتسبوا التعاطف الدولي وغموا عينين الشرعية الدولية لمدة أربعين سنة وزيادة

لما جه الطفل أبو حجر وقف قدام الدبابة اتفضحوا قدام العالم!!! وكسبنا موقف!!! هذا الموقف خلاهم يجبروا على مناقشة حقوقنا لأول مرة!!ـ

كلمة انتحاري بقى اللي حارقاك أوي دي يا سيدي هي الكلمة المحايدة والموضوعية
في الغرب بيسموه إرهابي (وده مش موضوعي) والعرب بيسموه استشهادي (وده غير موضوعي) هنا انت بتصر إنك تحمل على الكلمات معاني ذاتية غير موضوعية ودي مش مشكلتي... أنا بشكل مهني جدا قلت انتحاري وهو توصيف لفظي لما يقوم به الشخص الذي يقتل نفسه بالمتفجرات (وبالمناسبة عادة ما بيموتش إسرائيلين في الحوادث دي ممكن بالكتير يتصاب اتنين أو تلاتة بسبب الاحتياطات التأمينية) هذا الشخص يقتل نفسه وهذا لغويا اسمه انتحار بغض النظر عن الدافع.... كان فيه في أيام حرب الاستنزاف بتاعتنا مع إسرائيل ناس بتروح تعمل عمليات في أرضنا المحتلة وكان اسمهم برضه موضوعي إلى حد بعيد ... كان اسمهم فدائيين... يعني بيموتوا منتحرين فداء الوطن ون أجل ضرب أهداف عسكرية للمحتل

الإمام الأكبر نفسه قال إن الانتحاري ليس شهيدا فإذن الموضوع بتاع الشهادة دا مختلف عليه وهو في علم الله... وبما أني لم استخدم لفظة إرهابي يبقى متحاسبنيش

بالنسبة للنظرية اللي انت بترددها ببغائيا يا أستاذ عربي بتاعة إن كل إسرائيلي هو مجند تحت الاحتياط فين مصدر المعلومة؟؟؟ معنديش مانع إنها تطلع صح بس هات لي مصدر محايد مستقل يأكدها لنا

الأكيد يا عربي إن الطفل دون العاشرة ليس مجندا بأي داهية
وأي شيخ فوق الستين أكيد برضه ليس مجندا
وأكيد لو واحدة حامل ما هتبقاش في الخدمة

لما أقتل شيخا أو عجوزا أو طفلة أو امرأة حبلى، أهذا عمل عسكري ومقاومة مشروعة؟؟

مراقب مصري يقول...

بص يا أستاذ ياسر شمس الدين

لا لوم لدي على الإطلاق على من يؤمن بالخيار المسلح في المواجهة مع المحتل الإسرائيلي أو أي محتل في أي مكان... قتال الجنود المحتلين في ساحات القتال أمر مشروع تماما حتى لو قامت به قوات أو ميليشيات شعبية ومقاومة شعب بورسعيد عندنا خير مثال

الجندي المحتل يعني جندي... يعني أضربه وهو ماسك مدفعه أو راكب دبابته أو جرافته مش وهو في بيته وسط عياله... حتى الحرب لها أخلاق!!! هم لا يلتزمون بأخلاق في المعركة... عظيم جدا هذه هي فرصتي في كسب القضية... لو درست التاريخ لأدركت أنه ليس ثمة قضية وطنية أو قضية تحرير في العصر الحديث تم كسبها دون كسب تعاطف العالم واقتناعه بحقوقي... راجع دور مصطفى كامل وغيره... راجع دور جميلة بوحريد وتعذيبها والدور الإيجابي الذي لعبه تعذيبها هي وآخرين أكثر من الدور الذي لعبته مقاومتها المسلحة!!! كسبت بعجزها ما لم تكسبه بالمدفع!! كسبت بما رآه الغاشمون ضعفا أضعاف ما كسبته للجزائر بقنبلة مولوتوف هبلة لم تكن لتحرر الجزائر ولا حتى مدينة واحدة منها

انظر إلى غاندي... الرجل الذي حرر الهند من أقوى استعمار في العالم دون قطرة دم واحدة... ليس ضروريا أن تؤمن بما أؤمن به... فأنا أقدر لك حق الاختلاف... لكن لا تسفه من فضلك من أعظم ما حدث في تاريخ الشعب الفلسطيني وتاريخ قضيته لتختزله في عبارة معيبة تقول
لمينا شويه عيال وقعدنا نحدف عليهم طوب
إنت عارف إن الانتفاضة بتاعة الحجارة دلالاتها كانت أعمق من هذا المعنى الركيك

أتمنى أن يكون المعنى قد وصل
الخيار المسلح في المقاومة هو أحد البدائل طالما لا تقتل طفلا أو شيخا أو امرأة أو ناس في بيوتها ف وسط عيالها
(اعترض براحتك من حقك)
لكن حتى خيار المقاومة المسلحة مش هو الخيار الوحيد
وطبعا خيار الريس الاستراتيجي مش هو الحل اللي اتكلم عنه ... بالعكس أنا بتكلم بلغة مش عارف ليه مش عارفين تفهموها؟؟؟؟؟؟؟

حنظلة صنع فرقا
ناجي العلي لم يقتل إسرائيليا واحدا
لكنه فضح إرهاب الدولة على أوراقه وعلى الحيطان وسافر بقضيته إلى العالم وإلى أوربا وغيرها ليبين قضية حنظلة للعالم كله


نرجع للموضوع الأصلي الله يكرمكوا ما تنكدوش علينا فرحتنا

تدويناتنا الصغيرة هذه أقوى وأنبل وأشرف وأطهر من الكلاب الإرهابيين اللي عارضوا الحكم بالسلاح في الثمانينات والتسعينات
تدويناتنا وكل مجهودات الشرفاء الصغيرة مجتمعة ستؤدي إلى شيء كبير
ستغير وجه الحياة في بلادنا دون أن تشوه الحياة ولا أن تريق الدما

فهمت فين الربط يا أستاذ؟

مراقب مصري يقول...

أخشى أن يجيء اليوم الذ يخرج علينا المتنطعون (من بين النخبة الخرائية) ليراجعوا موقفهم من الجماعات الإرهابية بتاعة التمانينات والتسعينات ودا طبعا هيبقى بحجة إن الحاكم الفاسد تجوز محاربته وإنه محتل ويبدأ خلط المعاني عشان نوصل في الآخر إننا نعتبر كلاب الإرهاب بتوع التمانينات والتسعينات شهداء هما راخرين على أساس إنهم كانوا بيقاوموا دولة الظلم

ثم ما تركزوا معانا في اللي بنتكلم فيه الله يكرمكوووووووووووووا

غير معرف يقول...

مش وهو في بيته وسط عياله

جرجس انت فاهم الموضوع غلط

بيته ده ارض وبيوت الفلسطينين

الا اذا كنت تعتقد ان اليهود لهم حق مشروع فى فلسطين ديه نقطه تانيه

نتفق مع بعض على حاجه عشان ما افضلش اتكلم فى موضوع وانت تتكلم فى موضوع تانى

هل تتفق معى فى النقاط التاليه
ان الاسرائيلى مغتصب لارض فلسطين على حدود1948
ان ليس لليهود اى حقوق فى ارض فلسطين
ان الفلسطينيين لهم حق استخدام كافه الوسائل المناسبه لتحرير ارضهم مثلما فعل المصريين والسوريون واللبنانيون

الوضع الحالى ليس حربا بين دولتين بل بين دوله عظمى تملك جيش قوى وبين عزل من السلاح
فلو كانت العمليات الاستشهاديه تؤثر تاثيرا عظيما على الوضع الايجابى للمفاوض الفلسطينى على المستوى الدولى لارتكانه الى مصدر قوه فلتكن
وده مش راى لوحدى اقرا لمحمد حسنين هيكل اتفاقيات اوسلو


وبعدين انا ما قلتش ان الانتفاضه الاولى لمينا شويه عيال ونحدف طوب انا قولتلك ايه رايك لو كنا عملنا كده فى احتلال سينا
وانته لسه ما بتقراش اللى بكتبه كويس واللا ايه يا حاج

وبعدين غاندى والناس الحلوين اللى اتكلمت عليهم دول كانو بيقاوموا محتل متنقل وليس محتل استيطانى واكيد انت عارف الفرق

على فكره الطفل اللى اتكلمت عليه وهو بيحدف الدبابه انا كاتب عنه فى مدونتى عن فلسطين وهو اسمه فارس عوده ومتهيالى مجهود فارس ده ما قدرش يحرر بيه شبر من الارض ولا حد يقدر يحرر بحجر ارضه ديه كانت بدايه بس والمقاومه هناك بتستغلها عشان تنتقى افرادها من المواجهات التى تحدث بالحجاره

سيبك من فكر الناس اللى عارضوا الحكم بالسلاح فى مصر وما تربطش ديه بديه دول ناس غلطوا وعارفين انهم غلطوا

فيه نقطه كمان اطفال اليهود وشيوخهم وستاتهم فى عنين المقاومه بس هما اللى بيجوا غلط فى سكه العمليات
ومش هيكونوا اعز من محمد الدره وفارس عوده وغيرهم كتير
وما تخافش عليهم للدرجه ديه يا حاج جرجس

انا قولتلك قبل كده ان النص التانى من البوست رائع واتفق معاك فيه عشان ما تقوليش انا باستخدم رمز والكلام الجامد ده

يا ريت تكون فهمت

غير معرف يقول...

وبعدين هنكسب القضيه من مين من مجلس الامن ولا الاممم المتحده
صبح صبح يا عم الحاج

ولا يمكن امريكا هنكسب القضيه عندها لما الفلسطينين يرموا اليهود بالحجارره
صباحك فل يا سيدى

مراقب مصري يقول...

يا أستاذ ياسر

في السطر الأخراني بتاعك إنت لخصت كل الأزمة ولا اعتراض عندي بس لازم تبقى الدنيا بقى واضحة

في السطر الأخير حصرت القضية بين الفلسطينيين وإيه؟ واليهود!! متشكرين جدا
قضيتك (ودا مش عيب) قضية دينية بحتة
قضية فلسطينيين ويهود
مع إن اليهود دي مش جنسية وانت فاهم كدة
اليهود ديانة
مش بالعب معاك قل ولا تقل
عامل القضية الفلسطينية معاملة دينية يبقى طبيعي جدا توصل للنتايج الدوجماتية والبراجماتية بل والميكافيللية اللي واضحة في حديثك

مش محتاج تنفي إن القضية من منظورك دينية أو تدافع... دا في الآخر توجهك وفهمك للقصة زي ما ملايين من العرب شايفينها كدة

بس أنا بقى مش شايفها كدة ودا حقي برضه

دينيا إنت ليك وجهة نظر في طرد الإسرائيليين (اللي انت بتسميهم اليهود) من على الأرض وإعطائها للفلسطينيين... وطردهم ده مش هيحصل إلا بالحرب طبعا
ماشي يا سيدي براحتك
اقرا الموضوع زي ما انت نفسك فيه

أنا الموضوغ بالنسبة لي مدني بحت
دولتين عضوين في الأمم المتحدة ... الواقع بيقول إنهم أمتين وشعبين ولازم يعيشوا مع بعض... ولازم الاتنين يعيشوا في أمن وسلام
اللي انا بقوله دا رأي أكتر من نص الفلسطينيين
أهو يا سيدي جربوا جنة حماس بعد الانتخابات
إيه اللي حصل؟
باشوات حماس مقضيينها في أوربا ومهيصين والشعب يتحرق
وحماس حرامية وفسدة زي فتح بالظبط والشعب يتحرق
(طبعا هلاقي واحد إخواني يتنطع بالدفاع عن حماس وقرفها)
الصراع ديني بالنسبة لك وحله بدولة واحدة اسمها فلسطين والتخلص من "اليهود" أو جعلهم إيه خدامين عند الفلسطينيين؟ ماشي يا عم صلاح الدين فين العالم اللي هيسيبك؟؟

الصراع مدني وشعب عايز يعيش؟
الموضوع بقى مختلف
إرادة الحياة هتبقى أقوى من الرغبة في الموت
لا حل سوى بالسلام الشامل والعادل والدائم
(دا اعتقادي المتواضع)
وحياة أبوك يا شيخ نرجع للموضوووووووووع الأصلي
يا سيدنا الشيخ ياسر من حقط يا سيدي تروح تولع في إسرائيل بجاز
خلاص ارتحت؟
بس برضه ابقى قابلني لو شبر اتحرر
الأرض اللي حررتها بالسلام اتاخدت مني بسبب المقاومة
ارتحت؟؟؟
يا ياسر الفصائل الفلسطينية دول مرتزقة
كلهم
كلهم
كلهم
والشعب هو اللي طالع دين أمه
حيات أبوك يا شيخ نرجع للموضوووووووووع الأصليييييييييي

مراقب مصري يقول...

الفلسطينيين لهم حق استخدام كافه الوسائل المناسبه لتحرير ارضهم مثلما فعل المصريين والسوريون واللبنانيون

معلش بس بلاش تقول لي السوريون اللي لم يطلقوا طلقة ضد العدو الإسرائيلي في حياتهم... هما كفاية يموتوا واحد زي الحريري أو الجميل

يا عم الحاج دول أشكال زبالة ... تجار
بياعين سلاح ونخاسين
كان فين منشار الأسد لما الطيران الإسرائيلي حلق فوق بيته ومفتحش بق أمه... وبعدين يتهم القادة العرب أنهم أمصاف رجال

دي حاجة زفت يا راجل

عايز حل بجد للأمة العربية كلها؟
يا تتحرر بجد عقليا ونفسيا وسياسيا يا تروح تموت وتدفن روحها بالحيا

غير معرف يقول...

يا حاج جرجس كده الصبح هيطلع علينا واحنا قاعدين نبعت كومنتات لبعض

اولا انا مش صلاح الدين ولا باخد الموضوع بنظره دينيه يا جرجس باشا

الاول كويس اوى ان احنا بنتتناقش

بص يا حاج جرجس

اولا الاسرائيلى محتل

وديه مش نظره دينيه ده واقع

السلام الشامل والعادل

ده كلام التسعينات يا جرجس

اولا عشان تعرف اسرائيل الدوله الوحيده اللى مالهاش حدود فى العالم لانها دوله توسعيه
يعنى مالهاش خريطه
ومرسوم على الكنيسيت خريطه من النيل الى الفرات وممكن تدخل تشوفها على اى موقع بتكلم عن الموضوع ده

واسرائيل دوله معتديه بطبعها

فليس من الطبيعى ان برد على القوه بمنطق ضعيف وهو اراده الحياه واحنا نمشى جنب الحيطه وخلينا نربى العيال اللى حيليتنا

المنطق اللى بتتكلم بيه ده

ده استسلام لمحتل ورفع رايات بيضاء فوق البيوت
وترك ارض وترك مسجد اقصى وترك كنيسه بيت لحم

ده البابا شنوده وهو راجل انا بحترمه مش راضى يحج الا لما ترجع الارض لصحابها

ازاى تقولى يعيشوا مع بعض وخلاص لا يا جرجس انا اختلف معاك يا حاج

ومش معنى كده ان كل حاجه نستخدم السلاح لا

السلاح يستخدم لفرض اراده القوه

زى ما عمل حزب الله لولا حزب الله كانت بيروت دلوقتى مرفوع على القصر الرئاسى علم اسرائيل وبعد كده نقعد نتفاوض لكن تفاوض بدون قوه لا يا جرجس ما ينفعش


وديه اراء كل المفاوضين

فيه كتاب اسمه التفاوض هبقى اجبلك اسم المؤلف
وكتب هيكل اللى بتتكلم على اتفاقيات اوسلو وما بعدها

كتب بس ديه بالروسيه عن اسلوب المفاوضين الروس فى الحرب البارده
كلها بتتكلم عن التفاوض من موقع قوه افضل من التفاوض من موقع ضعف

والحجر مش قوه

ekraammalik يقول...

السلام عليكم
بعثت تعليق يوم امس وبسبب ضعف النت لم ينشر... عموما سأحاول أعادته اليوم يارب اتذكره كما كان بالامس..

عندنا بالعراق مثل يقول " زعل العصفور على بيدر الدخن زاد طغار" واعتقد ان كل الكلام واضح في المثل الا الكلمة الاخيرة وهي طغار وتعني مقياس وزن... وحتى لاا اخرج عن موضوعي واشرح المقاييس الوزنية التي كانت سائدة في العراق ايام هذا المثل أسترسل في موضوع المدونة وقد اتطرق الى انتفاضة الحجارة (التي لم اتطرق اليها بالامس في تعليقي الممسوح)
قصد المثل ان العصفور بحجمه الصغير وبدأبه المتواصل في زيارة بيدر الدخن وصل الى نتيجة ان حقق لنفسه حصة لايستهان بها من البيدر.... يستهين الناس بحجمه وبكم الطعام الذي يمكن ان يستهلكهه من البيدر الا ان النتيجة اثبتت عندما زعل العصفور على بيدره ان تحقق وزنا اضافيا لأصحاب البيدر...

الربط هنا انه ربما حجم المدونين سلطويا صغير الا ان تواصل السعي والاصرار اثبت لهم وزنا من خلال النتيجة التي قد تظهر للبعض انها بسيطة باعتقال واحد من كم الف الا انها عموما نتاج عصفورين او ثلاثة فكيف اذا اجتمعت كل العصافير على البيدر الواحد؟

بارك الله بكل من كان له دور في كشف هذه الوقائع وليتعلم البقية من العصفور ان التواصل يثبت وزنا وياريت كلنا نتواصل حتى نحدث التغيير

تبريكاتي

3rby يقول...

كوهين:
اول حاجة كلامي لا يتناقد مع موضوعك
زي ماقلت الاشياء الصغيرة تصنع فرقا
انت ليه مقتنع ان الغرب ممكن يتعاطفوا معانا زي الظباط
الاتنين اوسخ من بعض
وبعدين حكاية انهم زعلانين اوي وعايشين بذنب اضطهاد اليهود ده كلام بيتقال علي لسانهم
طيب مالحد النهارده فيه عنصرية تجاه السود مع ان فيه قوانين حمياهم
الغرب تخلص من اليهود اللي طول عمرهم بيسببوا مشاكل وطول عمرهم سبب للحروب وهم من اسباب حرب مات فيها ملايين
بدليل ان روسيا اعترفت باسرائيل وبدات تهجر اليهودوكان المفروض انها تسيبهم علشان تعوض خسائرها البشرية علشان ال3 مليون اللي ماتوا منها مليون في الحرب العالمية التانية وبعدين ادوا اسلحة لمصر علشان نموتهم
اليهود دول افة العالم
والظباط دول افة مصر
باقول كده وانا اعرف مناصب كبيرة في الداخلية
مدير امن المنيا يبقي ابو صاحبي
بياخد من الاحراز حشيش ويشرب
وابن خالي بيقولي انهم بيعزبوا وعندهم اود في الاقسام معزولة بالصوت وماحدش من مفتشين حقوق الانسان يعرف انها موجودة
علما بانه ابن مستشار في وزارة العدل وكان بيكره السلطة المصرية زيي وزيك
بس بيدخل كلية الشرطة يتبنج

3rby يقول...

اولا ارد علي المتخلف اللي شتم في المسيحية
لو الكلام اللي انت بتقوله صح يبقي المفروض نولع في بعض
وبعدين انا وانت مؤمنين بالاسلام وكوهين مؤمن بالمسيحية وممكن نجيب واحد يهودي
مافيش حد منا مؤمن بكل اللي بيقوله التاني والا كانت تبقي ديانة واحدة
في كل ديانة من دول في نصوص بتقول انها الصح
لو قريتهم التلاتة هاتصدق مين؟؟؟
يا ريت نسيب كل واحد يؤمن باللي مؤمن بيه وبلاش هبل

ثانيا...كوهين بقه
لو نعيش مع بعض في سلام والفصائل رمت السلاح...تفتكر اسرائيل هاتسيبهم...اي دولة بتضعف اسرائيل بتفشخها...وافتكر اجتيحها للبنان في الثمانينات
وبعدين لو عملوا سلام مع الفلسطينيين ممكن يجوا يفشخوا مصر ويجوا يحتلوا القاهرة وبعدين يقعدوا في شقق ويقولك احنا مدنيين ولازم نعيش مع بعض في سلام

ثالثا:اسمهم يهود لان الديانة شيء مشترك ما بين اليهود..وده اللي جزب يهود اوربا وامريكا
وطن اليهود
مش هم يسموا نفسهم حاجة وانت تيجي تقولي عيب
قولهم هم عيب
صحيح فيه يهود محترمين زي ارثر ميلر وناعوم تشومسكي
بس فيه يهود عرب ولاد وسخة زي شامعون بيرتس(مغربي)
بعد الكلام اللي قلته ده جبتلي فرصة تثبيت كوهين عليك
اصبر لما احط اللنكات تاني

غير معرف يقول...

يا نهاري عليك يا جرجس الحاج
كل ما ادخل عندك يكون فيه عندك عك و لت كتير
دايما فيه عندك مشاكل و ردود
انتوا بتتكلموا في ايه النهاردة؟
حد يلخص لي عشان انا مرارتي مفقوعة حبتين

سلام

ده اذا مكنش عندك مانع تلخصلي الحاصل

غير معرف يقول...

shokran ya 7ag gerges 3ala mosandetak..we fekretak beta3et makan wa7ed el nas teb3atlena 3aleh gamda bas 3ayza tansee2 agmad
belmonasba,,,ana elly nashart vedio el sawak elly byet3azeb mesh wa2el 3abas..howa na2alo menny..mesh zay ma enta kateb ya3ny
yareet te2oly tasawor akbar lefekretak ma3a tafasel 3alshan neshof hane3melha ezay
thanx

عشتار يقول...

جرجس
هذا الخبر مشجع جدا وأعتقد أن التدوين في مصر اخذ مكانتة محليا وعالميا وفرض نفسة كمرجع لا يقل عن الصحافة الرسمية
تحيات

مراقب مصري يقول...

عربي

لما تكلمني من فضلك نادني باسم ريفورمر أو الحاج جرجس
غير كدة مش مقبول
(إلا إذا دعبست في بوستاتي السابقة وطلعت اسمي الحقيقي)

هههههههههههه
======================

ارجع تاني لما قلته في ردودي عليك وعلى ياسر واقراها كويس عشان ما أكررش الكلام
======================


ياسر شمس الدين

ارجع تاني اقرأ ما أوضحته في ردودي عليك وعلى عربي لئلا أكرر من جديد ما قلته
======================



عربي وياسر مع بعض

أنا لم أنكر على أحد عدم الإيمان بالسلام وأنه لا بديل سوى الحرب
بس ده مش رأيي ومش قناعتي
والحرب اللي بتتكلموا عليها هتكون على أساس ديني ودي مشكلة

من حق الآخرين يا بشمهندزين أن يفكروا فكرا آخر غير فكركما

هيا الحكاية بتاعة الفكر الآخر دي صعبة أوي عشان تبقى مش لابسة في دماغكوا كدة؟

مراقب مصري يقول...

العزيزة إكرام العراقية

الله ينور عليكي
والله يكون في عون الشعب العراقس الحبيب

3rby يقول...

انا برضه اللي بامسك في الهايفة وباتصدر
وبعدين انت كده عنصري ضد اليهود ههه
ماتبقاش قفاش كده
انت كوهين ولا رجعة عن هذا الاسم
اشمعني جرجس يعني اللي عجبك اوي
طيب مش عاجبك كوهين
اسميك بيريز؟

مراقب مصري يقول...

عم دماغ ماك يا جميل

يا سيدي الفاضل لم ينكر أحد (حتى وائل) عليك حقك في أنك أول من نشر الفيديو ونقله عنك الآخرون كما نقلنا جميعا عن أسد الفلاش اللي عمله وريحنا من قرف المواقع اللي كل شوبة بتشيل الفيلم
أنا لم تخرج مني كلمة تقول بأن وائل أول من وضع الفيلم عنده... قلت أننا شاهدناه على مدونة وائل
بس عندك حق اللي يقرا الجملة يبان وكأن وائل هو اللي كان ليه السبق عشان كدة أنا عدلت ف البوست وأضفت جملة نقلا عن دماغ ماك
أنا بحترم جدا حقوق الملكية
على الأقل ما ينفعش نسلب شخصا ما حقه المعنوي في سبقه أو ملكينه لحق معلومة ما... شكرا على التنويه وحقك يا معلم
===========================

بالنسبة للمبادرة بتاعة دعوة أي واحد اتعرض لتعذيب إنه يبلغ ف مكان موحد

الصياغة عايزينها تبقى بسيطة وواضحة
وليكن بصيغة نداء إلى كل مصري
أصل صيغة عزيزي المواطن دي استعلائية أوي وتفكرك بإعلانات الداخلية والضرايب
المهم
نتفق على صيغة بتدعو فيها المصريين للتقدم ببلاغات عن أي انتهاكات من قبل أجهزة الشرطة وتقديم هذه البلاغات إلى إلى إحدى الجمعيات الحقوقية التي تنسق معنا لأجل هذا الأمر
الفكرة الأساسية يكون فيه خط تليفون محدد وبريد إلكتروني محدد وصندوق بريد عادي محدد تصل إليه الشكاوى
توحيد حهة التلقي هيكون بيسهل ويبسط الدنيا جدا على المواطن
الدعوة ممكن تبقى حملة نتبناها كلنا وممكن نعمل لها موقع أو مدونة خاصة بها تكون مخصصة للترويج للحملة دي
القصة ببساطة إني عايز استغل اللي حصل في تحقيقي المزيد من خلال تشجيع المواطن العادي إنه فيه فايدة وممكن ياخد حقه ولكلب اللي اعتدى عليه ممكن يطلع دين أمه وساعتها القضية هتكتسب زخما فظيعا
بس عشان نلعبها صح لازم تتعمل من خلال مركز حقوقي ومركز محاماة رسمي ومرخص لأن الموضوع هتكون ليه جوانب قانونية وأمنية لابد من وضعها في الحسبان
فخطوتنا الأولى المفروض تكون التنسيق مع أحد المراكز اللي نتفق عليها
وليكن المركز بتاع الأخ ناصر أمين أو ما شابه

بعد كدة تتعمل الدعوة في صورة لوجو أو بانر ينزل على هتمل كود بحيث نقدر نحطه في السايد بار بتاع مدوناتنا زي حملات عديدة تبنيناها من قبل
وساعتها التركيز هيكون على العناوين والتليفونات اللي تلجأ ليها كمواطن حال تعرضك لأي انتهاك من قبل الشرطة

مراقب مصري يقول...

حفصوصة العزيزة

لأ دا كان فيه خناقة بسيطة هنا من شوية ... بس عدت على خير
هيا ما كانش فيها شتيمة الحمد لله ... كانت سنج ومطاوي بس
والبعض استخدم الحجارة في الخناقة والبعض قالوا لأ الحجارة ضعف ولازم السنج والمطاوي
وأنا أهدي في النفوس ودول أبدا لازم يقطعوا بعض

بس الحمد لله رشينا مية ومشينا العيال كلهم

أهلا بيكي في وطنك

مراقب مصري يقول...

عشتار الغالية

الصحف الرسمية فقدت مصداقيتها خلاص
الأهرام تم سحقها تثبيت أكتاف في القصة دي
يعني خلاص ممكن نغني لهم الشعار الرياضي

كفاااااية حراااااام
قاعدين لييييه ما تقوموا تروحوا

غير معرف يقول...

ya 7ag gerges...howa el post lesa mat3'ayarsh feh 7aga zay ma enta 2olt...and u dont know about wa2el...wa2el nafadly neha2eyan lola enny ba3atelo comment 2oltelo mesh keda ya 3am wa2el am dayef esmy we mase7 el comment men 3ando..
el mohem...sada2ny el mawdo3 mesh mawdo3 esmy etzakar wala la2..walahy ma hamemny..bas el no2ta en madam hanozkor 7ad yob2a manensebsh fadl 7aga le7ad tany ..bas
le2eny 3omry ma nasabt fadl mawdo3 leya..mahma kan el mawdo3 da eh
zay nas tanya men 3'eer zekr asamy ba2a hamaha el shohra we bas we betro7 maslan el e3tesamatwala el mozahrat te3mel leka2at we tebayen nafsaha we bas...
feh wa7ed katab 3andy en feh modawenen ay kalam mesh hamemhom ella el shohra we bas
bas el kowayesen aktar we el nas de betes3a begad le watan afdal
shokra ya 7ag gerges...enta esmak lazez moooooooooot

مراقب مصري يقول...

دماغ ماك

أنا كنت باعمل التعديل وانا بكتب التعليق
ودلوقت المفروض تشوفه

غير معرف يقول...

جرجس اولا لازم تحترم الناس اللى بتعلق عندك وما تستخدمش كلامته فى الرد على حد تانى انا ما قولتش استخدام سنج مطواى انت بتقول لازم السهود يعيشوا مع الفلسطنين وكفايه قتل وضرب وانا قولتلك لا انت فاهم غلط وعلى فكره نظرتك للامر نظره دينيه بحته وانا بقولك كده وانا عارف بتفكر ازاى ما تقوليناش احنا اللى نظرتنا دينيه

ثانيا

عايز تدى اليهود ولا الاسرائلين ارض فلسطين قولها كده بصراحه ما تلفش وتدور


ديه ارض اليهود من زمان

ومذكور الكلام ده فى سفر القضاه لما شمشون الجبار نزل وضحك على اهل فلسطين واخد تلاتين دينار
واكيد انته عارف القصه

فما تقوليش انك بتفكر بعقليه الغرب

والغرب مش كل حاجه بيفكر بيها بتبقى صح الا لو كان عندك عقده الخواجه

ومن الاخر السنج والمطاوى اللى بتتكلم عليهم للبلطجيه مش للمقاومين

ولا مش فاهم يعنى ايه مقاوم

ارجع ذاكر القضيه الفلسطينيه وادرس الخيارات اللى كانت متاحه قدامهم وافهم قبل ما تتكلم عن حاجه اكبر من انك تنتقدها

واللى شتم فى المسيحيه ده انا عايز اقوله
ان المسلم اولى بالمسيحيه من اهلها ده دينا
وعيب تشتم فى اهل الذمه او المسيحيين عشان جرجس ما يزعلش
وعلى فكره لو فيه يهود فى مصر هيتعاملوا بحسن نيه معامله جيده هى مش فكره يهودى ومسيحى لا
فكره محتل
ولو ما تعرفش يعنى ايه محتل ممكن

تقراها فى كتاب عسكرى

سلام يا حاج جرجس عشان انا هقرا سوره العصر هنا فى مدونتك

مراقب مصري يقول...

يا عم ياسر شمس الدين

يا ابني انت ما عندكش حس دعابة خالص؟؟؟؟؟؟؟

بنهزر
بنهزر
بنهزر
(زي سنحارب سنحارب سنحارب كدة)
ههههههههههه

يا عم اضحك وخليك فريش إحنا في رحلة

ولعلمك الشخصي
تخمينك غلط في حتة إيماني بالصهيونية المسيحية
أنا عقيدتي ضد الصهيونية المسيحية على طول الخط
لو انت فاهم يعني إيه مسيحية صهيونية يبقى هتفهمني لو قلت لك إن عقيدتي اللي باؤمن بيها هي إن إسرائيل بعد أن صلبوا المسيح ورفضوا خلاص الله المرسل إليهم في المسيح وهو خلاص روحي يرجعهم من جديدي في عهد روحي مع الله
وهم أرادوا المسيح ملكا أرضيا يحقق أطماعهم السياسية
منذ ذلك الحين انقطع أي معنى روحي لإسرائيل كدولة وانتهى العهد القديم الذي كان عهد الله بالأمة الإسرائيلية ليصير العهد الجديد بين الله وبين كل من يؤمن به من أي جنسية ومن أي عرق ومن أي أمة وتنتهي بذلك كل أساطير تحاول أن تتصور عهدا بين الله ودولة اسمها إسرائيل
فيه قطاع من المسيحيين البروتستانت في الغرب يؤمن بهذا الرهط العقائدي المهووس
باسترداد إسرائيل الدولة كمقدمة لمجيء المسيح وكل هذا الهطل
إسرائيل التي تحدث عنها الكتاب هي أمر روحي في العهد الجديد (عهد ما بعد ولادة المسيح) وليس حرفيا على الإطلاق... وصارت الوعود الإلهية الموجودة بالكتاب المقدس كلها روحية وصارت للمؤمنين الحقيقيين بالله من كل أمة ومن كل شعب ومن كل لسان

لو انت فاهم أصلا يعني إيه مسيحية صهيونية زي ما قلت لك هتفهم اللي أنا قلته صح
ولو مفهمتش مفيش مشكلة... المهم متفهمشي غلط يا يسور يا جميل

بس إيه رأيك في الدخلة الشمال اللي دخلتها في اللي اسمه عماد الشتام ده؟؟

كبسته بالآية بتاعة أقرب الناس مودة
وتوبيخي له بأنه لا يعرف القرآن
الواد غالبا مات فيها لأنه ما رجعش تاني

سيبك إنت من كل هذا اللغط

رأيك إيه في المبادرة بتاعة تشجيع الناس للإبلاغ عن الاعتداءت؟
قول لي تصورك ممكن نعملها إزاي

مراقب مصري يقول...

إيبي السكرة

شكله لسة فيه أمل بس ضعيف
زي اللمبة السهاري

ملحوظتك أخذت في الاعتبار
أنا لقيت العيال اصحابي كلهم عاملين البوب أب ده قلت ده أكيد موضة
فعملت واحد بوب أب

فشكله جاب معايا على بوب كورن
ههههههههههههه

جاري التغيير

مراقب مصري يقول...

عينيا ليكي يا إيبي يا سكرة

غير معرف يقول...

انت تركب زفت موديريتور يا زفت انت عشان القرف اللى بيتبعت على مدونتك ده .. واضح أنك بقيت هدف جذاب جدا لمدمنى الأستمناء السياسى و الدينى
أولا مبروك على البوست .. و فعلا انتصار للمدونين اللى فضحوا الموضوع قبل مايكون انتصار للعداله .. و أخيرا حد اتحرك و عمل حاجه .. و أقصد بكده المحامى المحترم اللى رفع القضيه و بلغ النيابه
بالنسبه للأفندى اللى شتمك على أساس عنصرى ناتج عن معتقداتك و فهمك للموقف السياسى .ز أسأله سؤال واحد .. مشايخ الرياله بتوعك اللى رفعوا قضايا حسبه على نصر حامد أبو زيد و القمنى و اغتالوا فرج فوده .. كانوا فين ساعة ما كرامة الأنسان اتهانت و اتبهدلت ؟ اقولك أنا .. كبسوا العقال على دماغهم و عملوه طرحه و قعدوا زى النسوان .. جرجس المسيحى بيدافع عن المسلمين المصريين أكتر من أى واحد فى مشايخك المنسونين .. اتنيل بقى و اشكر المسيحى المحترم اللى بيحافظ على حقوق أخوانه المصريين بدون عنصريه
بالنسبه للأنتفاضه .. مش قادر اتفق معاك يا جرجس للآخر .. و اقترح نستنى رأى حد من اخواننا الفلسطينيين .. لكن بوجه عام .. اشتباك الفصائل الفلسطينيه مع بعضها قدام العالم كله .. كان قمة المشكله الأساسيه اللى بتعانى منها المقاومه الفلسطينيه بوجه عام .. انتفاضة الحجاره حركت السياسه .. العمليات الفدائيه المفروض أنها كانت تحرك الوضع لصالح القضيه .. لكن واضح عجز المقاومه بوجه عام عن الاستفاده الحقيقيه من قدرة الفدائيين

مراقب مصري يقول...

عزيزي فارس قديم

مازلت مش عايز أركب موديراتور لأني عايز الناس شوية بشوية تتعلم يعني إيه احترام وأدب وأخلاق من نفسها
ولأني للأسف مؤمن بالليبرالية الحقيقية
وحق التعبير

يلا ما علينا سيبك

أنا سعيد جدا بإنه فيه حاجة إيجابية حصلت نتيجة لتغطية المدونين لهذه القضايا

تعال بجد نروج لمبادرة تشجيع المواطنين على الشكوى لمكان محدد نحدده بالتنسيق مع بعض الجمعيات الحقوقية للشكوى من الاعتداءات البوليسية أو ما شابه

أنا نفسي نسمع رأي عشتار فيما قلته بخصوص الانتفاضتين وأنا بأطمئنها إنه محدش يقدر يصادر رأيها هنا في بيتي مهما كان
وأم العيال الفلسطينية
وأيضا حفصة لها أصول فلسطينية فالدعوة أهي للفلسطينيين اللي نعرفهم ييجوا بجد يقولوا لنا رأيهم
وساعتها ممكن دا يكون بوست كامل نحكي فيه براحتنا في الموضوع دا
ويكون تركيزنا الأساسي على فكرة المكاسب الحقيقية اللي بتعود على الشعب من فعل المقاومة

غير معرف يقول...

انا معاك يا حاج جرجس وانت شكلك زعلت عربى عشان كده ما رجعش تانى بالنسبه للبلاغات عايزين مكان يكون مؤثر الناس تنشر فيه البلاغات ديه زى ممكن يكون عند وائل عباس او دماغ ماك او عند الحاج جرجس او تبقى مجموعه تكون مدونه او موقع معين للبلاغ عن اى اعتداء

بص يا جرجس انا فعلا بحب مدونتك وبحب اشارك فيها
وممكن اكون باخد الموضوع على صدرى وبطلعه من مناخيرى ولو مش عارف انك مؤمن بالليبراليه ما كنتش علقت عندك
او اتناقشت معاك لانى عارف انك بتعرف تكتب باسلوب يعبر عن حاجات جوه الواحد وحاجات لازم نختلف فيها مع بعض
وانا بقولك قصاد الناس اللى بتعلق عندك
وللعلم يا جرجس انا فعلا بتاثر بكلامك يمكن ما بعلقش عند حد بالكم ده او الكيف ده لانى عارف انك دماغك كبيره ونقدر نتكلم مع بعض ونعرض افكارنا ونناقشها فلو زعلت منى فى اى موضوع انا اختلفت معاك فيه انا بعتذرلك قصاد الناس كلها ماشى يا جرجس يا عسل وتسمحلى اضيف مدونتك عندى بعد اذنك يعنى

مراقب مصري يقول...

يا واد يا ياسر إنت بتحرجني بجد
يعني كلامك الكويس دا يخليني لازم أغفر لك أي إساءات سابقة
أنا بجد كنت زعلان جدا أكتر حاجة من تكذيبك حادثة الاعتداء على أبي
ده شيء كان جارح جدا ومسيء جدا
بس يلا المسامح كريم
وبعدين إنت بتعتذر اعتذار علني وأنا مقدرش غير إني أقدر خلقك الكريم
وأهلا بك
----------------
ورد في تعليقك
وللعلم يا جرجس انا فعلا بتاثر بكلامك يمكن ما بعلقش عند حد بالكم ده او الكيف ده لانى عارف انك دماغك كبيره

فاكر لما مرة قلت لك يا ابني انت ما تعرفشي دماغي شكلها إيه
وساعتها حضرتك اتريقت وقلت لي تكونشي دماغك سمبوكسة
ماشي يا عم
أديك شفت دماغي وعرفت أنها كبيرة
بالمناسبة طلعت سمبوكسة ولا قلب أحمر؟؟

نهاره أبيض

غير معرف يقول...

أنت يا بلوريتاريا يا كحيان زى ريسك .. تعالى زرنى بسرعه كتبت موضوع جديد و عكلت لينك لموضوعك
ألا قولى .. هو راس العبد بيدفى فى الشتا ؟

3rby يقول...

كوهين
ياسر برضه هو اللي ماعندوش حس دعابة
عالعموم انا مش زعلان منك
كل اليهود كده...من سماتهم يعني انعدام الدعابة

مراقب مصري يقول...

عم الفارس القديم
شفت الواد شرقاوي؟
عامل إعلان بيرة مسخرة
بيغري الواد رامي عشان يظهر

إحنا بقى نعمل إعلان راس العبد
هههههههههههه

مراقب مصري يقول...

يا واد يا عربي
أنا معنديش أزمة في الهزار
بس انت عارف "إخوانك" البعدا
لما مش طايقني وانا جرجس
هيتنيلوا يعملوا إيه وانا كوهين

هههههههههههه

غير معرف يقول...

يا جرجس دماغك فله يا عم ده انت طلعت سوداوى يا جدع انته لسه فاكر مش البوست ده خلص من زمان ولا ايه ويا عم سلملى على والدك وبوسلى ايده ولا تزعل يا حاج صباجك زى الفل
عربى الصراحه كانت جامده كوهين ديه اوى
وكمان كملتها ببريز جرجس مش كده اوى يعنى

نص نص

اضحك يا جرجس بهزر معاك يا جدع

مراقب مصري يقول...

موضوعك بتاع العربية بترجع للخلف حلو وإن كان فيه حد في الدستور أذكر كتب العنوان نفسه والفكرة قبل كدة
بس الموضوع لطيف وشغال طول ما العربية لسة شغالة في رجوعها للخلف

مراقب مصري يقول...

اللي عايز يضحك من قلبه
يشوف اللقب اللي أطلقه عليا الصديق العزيز (اللدود سابقا) ياسر شمس الدين
في قائمة بلوجاته الجامدة
الباشا ياسر أطلق علي اسم
الحاج جرجس رسول الليبرالية في التدوين
طبعا جملة الحاج جرجس رسول دي لوحدها كافية بإن الإخوان المسلمين يروحوا يكفروه وقد يقيموا عليه حد الردة

عموما شكرا جزيلا يا أخ ياسر
ومكتوب على ورق الحلاوة ما محبة إلا بعد عداوة

هههههههههههه
-----------------

بالمناسبة الأستاذ رأفت من نيويورك في إضافته لي في ركن أصحاب المهاجر في مدونته جريدة المهاجر المصري أطلق على اسم
جرجس ... المثير للجدل

ههههههههههههه
شكرا يا عم المهاجر وتدوينتك الأخيرة بتاعة تعددت الأسباب والسجن واحد مسخرة بجد
نهاره أبيض

غير معرف يقول...

Dear Reformer1976,
Excuse my ignorance, I found out about Egyptian blogs only this week. So I am surfing and asking questions here and there. Excuse my Irrelevant question, did you choose the bald eagle Picture randomly?.

مراقب مصري يقول...

I dunno if it has a special political meaning... but I chose the eagle in general coz it has strong meaning... sharp sight, strength, flying freely & of course the power to devour... There is one awesome thing about the eagle that there is a supposed fact pertaining to the eagle, about its renewing its strength and vigor in old age.

That s all about eagles for me. I know that Eagle is one of the strong symbols in the US but what significance does it have?

غير معرف يقول...

This answers my question,thanks.
You actually chose the bald eagle
(Haliaeetus leucocephalus), which is officially the National Bird Of The US.I would like to reiterate that my question was random and irrelevant to the above heated arguments.

غير معرف يقول...

نقلا عن مدونة عمر القناوي عشان متقولش اني مش بسمع الكلام

الدكتور الهمام اللي شايل هم البلوجرز كلهم على كتافه / الحاج جرجس

بجد مش مصدقة نفسي انا جيالي دعوة عشان اجي في المدونة عندك لا و ايه منك شخصيا ... ده كثير اوي يا جماحة .. بس للعلم فقط انا فعلا بشوف المدونة عندك على طول بس كل ما افكر اعلق عندك تجيلي حاجة تشغلني .. بس خلاص يا فندم .. كلام سيادتك أوامر .
اما الجزء الخاص بالباسوورد ... فأنا عندي اقتراح جديد .. انا جاهلة بعلوم البلوجات الى حد كبير .. يعني يادوب عملت المدونة بتاعتي بالعافية .. فانا اتعب سيادتك و تعملي واحدة جديدة و ساعتها هاستغلك عشان تعلمني أب تدوين .. لو مش في مانع يعين :):)و تبقى شركة ما بينا ... ايه رأي سيادتك ؟؟

عشتار يقول...

جرجس
لم أكن اريد التعليق على الحوار الدائر بالنسبة للقضية الفلسطينية لأن الانونيموس اللي شتمك في الأول واللذي ادعى انك تحكم على الامور وانت جالس من وراء شاشة الكمبيوتر
هو نفسة قاعد ما وراء شاشة الكمبيوتر ولا يدري معاناة الشعب الفلسطيني في الداخل ولا يدري ان العمليات الانتحارية اعادت الشعب الفلسطيني سياسيا واقتصاديا
واجتماعيا عشرات السنين الى الوراء ولا يدري ان حماس تشتري ارواح هؤلاء الشباب بالاموال ولا يدري أن سياسة حماس اوصلت الشعب الفلسطيني الى حافة الجوع وحافة الحرب الاهلية
سلام

غير معرف يقول...

مبروك يا حاج جرجس
وعقبال يارب جميع موظفين السجل المدنى اللى مش عاوزين يطلعلو لى بطاقه

مراقب مصري يقول...

ريكا دافئة المشاعر

ولا دكتور همام ولا نيلة وحكاية شايل هم البلوجرز دي جات عايا صدفة لما النديم دعاني للقاء التلفزيوني وانا ما إلا لبيت الندا (سيدن النديم دعاني يا سيد قمت البي الندا... إنتي طالق يا أمينة)ـ

ههههههههههههه

خطوة عزيزة يا ستي

معنديش مانع أساعدك تطوري بلوجك
بس المشكلة إني أنا كمان خيبان خالص
يدوب بافك الخط
بس ممكن أساعدك بكام نصيحة
خشي ع البروفايل عندي هتلاقي إيميلي
ابعتيلي ونشوف إيه اللي ممكن يتعمل
المدونة بتاعتك جميلة جدا على فكرة وأغنية أنغام تحفة طبعا

مراقب مصري يقول...

عشتار الجميلة

كلماتك أصدق من أي تحليل وتنظير لأي منا
فاكرة البوست بتاع حواس فلسطينية في مدونتك لما أظهرتي لنا إزاي الفلسطينيين عايزين يعيشوا
عايزين الحياة
بتفاصيلها
الماجرة بالقضية واقع أليم من أول ياسر عرفات نفسه وأرصدته في زيورخ بانك لحد خالد مشعل وإقامته المرفهة في أوربا
كله بيبع ويكسب من لحم الفلسطينيين
أنا معنديش وصفة سحرية للحل طبعا
لكن ع الأقل مش أعمى وعاوز اشوف الحقيقة

أستأذنك يا عشتار في أن أكتب هنا عناوين ولنكات أهم التدوينات التي كتبتيها تتحدث عن الحالة الفلسطينية من واقع الأرض

دا عنوان التدوينة بتاعة حواس فلسطينية
http://orientaleve.blogspot.com/2006/11/blog-post.html

وده عنوان تدوينة أخرى من قلب فلسطين اسمها مشاهد فلسطينية
http://orientaleve.blogspot.com/2006/09/blog-post_24.html

أشكركم لقراءة هاتين التدوينتين الرائعتين
وارجعوا تاني ونكمل حوار
بس ما حدش يتكلم قبل ما يروح ويقرا كويس

مراقب مصري يقول...

المهاجر المصري

قول آمين

المواطن المصري العبيط يقول...

أشك، أصل احنا في بلد لازم الكل فيها يشك من كل حاجة بتتقال فيها

تحياتي في الزيارة الأولى لك يا حاج جرجس

مراقب مصري يقول...

المواطن المصري العبيط

متفق معاك
لكن
اللي هيحدد مصداقية ما حدث ليس هما بل نحن

بمعنى أنه لو فرحنا باللي حصل وسكتنا نبقى عبط
(مع الاعتذار لسيادتك طبعا)
لازم نكمل السكة اللي بدأناها
ولازم نضغط ونفضح ونجاهد إلى النهاية
ولازم نتكاتف
ونتعاون
ونزيد نسبة المشاركة من جميع الأطياف السياسية والاجتماعية
فارس قديم عامل بوست جامد بينتقد فيهكل قوى المجتمع اللي ما فيها دكر اتحرك كرد فعل للأفلام والمقالات الخاصة بالتعذيب.. ووحده ناصر أمين المحامي هو الذي فعلها

دورنا إعادة الأمل لكل ناصر أمين في هذا البلد

إنسى كل القوى التقليدية من إخوان لأحزاب لكفاية لبلا أزرق
بجد التحرك اللي جاي شعبي بجد
من تحت لفوق بجد

ودي الدلالة الحقيقية بتاعة انتصارنا الصغنطوط ده

أهلا بيك ضيفا بل صاحب مكان عزيزا وكريما

غير معرف يقول...

الهمه يا جرجس .. نظم مسألة الدعوه العامه لمناصرة ناصر أمين و مكتبه .. و بسرعه نرتب زى ما اتفقنا .. و ياريت تكلمنى و نتقابل قريب جدا عشان نعرف هانعمل أيه .. نتحرك أحنا كمصرين .. أم الحكومه على أم المعارضه .. كلهم قاعدين زى النسوان ماتحركوش .. خلينا احنا اللى نكمل زى ما ابتدينا

غير معرف يقول...

يااااااااه
عبال ما خلصت قراية نسيت الموضوع كان عن ايه

اولا
اقترح انشاء مدونة لريفورمر و شمس الدين بس ينتاقشوا فيها هما الاتنين لوحدهم عشان ميخدوش من مساحة التعليقات هنا

ثانيا
خبر الامساك بالضابط مكن يكون بعتلي شوية امل في ازازة شاردونيه معتقه لكن هل فعلا حتحصل حاجة؟
الكويس ان الموضوع اتفجر من معشر المدونيين و ده الشئ الوحيد اللي اثلج قلبي

ثالثا
امتى حنبطل احتشكان؟؟
ليه ايه كلمة تيجي من طرف مغاير نلطم عليها؟
احتشكان بيؤدي لانتفاخ الجسم من غير لازمةو بيمنع سريان الدم بشكل سليم و بيعوق الحركة
لو يتطبق ده على مستوى ردود افعال كثيرة هنا يبقى معناها انها تعليقات غير سارية المفعول من التفكير الواعي الجيد
وما هي غير احتشكانات في احتشكانات
و دلوقتي كلامي للمحتقنين
كتر الاحتقان مش كويس
لانه ممكن في يوم من ايام الاسبوع يجي دبوس صغير رفنتوع يفسي كل الانتفاخ ده
فالمنظر مش حيكون حلو
صدقوني شفتهم قدامي بيتفسوا و مكنتش حاجة ظريفة
بلاش انتفاخات
الشاطر حيفهمني

رابعا
كواحدة نصي فلسطيني و الغربة بقت موجودة في جينات عيلتنا شئنا ام ابينا
احب اوجه الف تحية للمقاومة الحجرية السلمية الطفولية
و احب اوجه الف لعنه على كل انتحاري يعتقد انه بيستشهد في سبيل الله اعتقادا منه انه بكده حيرجع فلسطين بينما هو بيقدم احلاها خدمة لدولة اسرائيل و بيخليها تحط بطيخة صيفي في بطنها
لانها دايما حيكون عندها السبب لمزيد من المجازر بحق شعبي
و لان اللي عايز يحرر بلده بجد بيبص لقدام و بيعمل شغل يفيده و يفيد اللي جايين من بعده
لكن اللي راح انتحر ده فهو خربها و اندفن على تلتها
و خسر القضية الفلسطينية العقيمة اي امل في الانجاب و ذلك لانه هتك جدار رحمها و افقدنا اي امل من زرع بويضات جديدة تنبئ باحتمال وجود غد اجمل
و اللي مش مصدق يتفرج عالاخبار و يحللها
ايه نتيجة العمليات الارهابية؟؟
المزيد من سفك الدماء لمواطنين عزل
المزيد من الفقر و القتل و الظلم لناس لا جرم لهم الا انهم محصورون هناك
خامسا
القضية الفلسطينية قضية قومية يا سادة مش قضية دينية و ارجوكوا انسوا صلاح الدين شوية و ذلك لاختلاف الاوضاع لاسباب كتيرة
القضية الفلسطينية قضية شعب فلسطيني بجميه طوائفه من مسلمين و مسيحين و ازيدك من الشعر بيت و من اليهود العرب الفلسطينين
هل سمعت عنهم قبل كده؟
اعتقد لا
ايوة فيه يهود عرب زيهم زي اليهود المصريين والمغاربة و غيرهم
و للعلم لا يرضون بالحتلال الصهيوني و موقفهم ازبل من الزبالة
و من انشط المدافعين عن القضية الفلسطينية و من اكثرهم وعيا
السيدة حنان عشراوي
و هي تدافع عن وطنهاوليس دينها
و ايضا الكنائس هناك لا تسلم من القذف و لا يسلم المسيحيون هناك من الاذى
لكن لا تتعاطف معاهم كاميرات التلفزة لاسباب كثييييييييييييييرة لا حصر لها لكن ممكن جرجس يبقى يفتحلها مقال لوحدها
يعني متصدقوش الصورة اللي باينة عالشاشه
تسألوا شوية ايه اللي بره الاطار؟

اخيرا عزيزي جرجس
شوف مش ححاول اكون الانسانة اللي بتنادي برفع الظلم عن البشر ايا كان ايه هما
لكن شعوري كالاتي
لا يفرق معايا كم من مدنيين يقتلوا في قذف او غيره من المستوطنين الاسرائليين لانه بالمقابل يموت الملايين كل يوم من جانبنا نحن دون ان يتحرك اي شخص و الكلام ده من قبل فقدان المصداقية
و لعلمك العرب بتوع 48 اللي لسه عايشين في الشمال مثلا
عرفت انهم اتقصفوا لما السيد حسن نصر الله كان بيقصف اسرائيل
ممكن يكون منهم اموات؟
يمكن
ربنا يرحمهم
لو كانوا يهود يبقى ماتوا دفاعا عن ما يعتقدوه ارضهم حتى لو ممسكوش المدفع بايدهم
و اذا كانوا مسلمين او مسيحين فمعلش مافيش حرب من غير خساير و دايما بيبقى فيه ضحايا

معلش ممكن كلامي يكون غير معقول و قاسي
انا نفسي حاسة بيه
لكن هل بقى اي امل في ان حد يعمل حاجة كويسة لفلسطين و يحطها عالخط الصحيح؟
شخصيا انا في الموضوع ده عندي اكتئاب مالوش وصفة لدرجة اني بدعي ان الموقف ينهار اكتر من كده عشان يسرع بالخلاص

فهمتني ؟
اذا فهمتني يبقى معلش استحملني
و اذا مفهمتنيش يبقى حقك عليا و يبقى للكلام بقية
اعطر تحياتي

غير معرف يقول...

بعد اذنك يا حاج جرجس يا عسل ارد على حفصوتشا

دوخناكى معانا يا حفصه انا والحاج جرجس فى مظاهره الوحده الوطنيه اللى احنا عاملنها ديه بس
زى ما قال الحاج جرجس مكتوب على ورق الحلاوه لا محبه الا بعد عداوه

واصلا ما فيش عداوه كل الموضوع كان اختلاف فى الراى مش اكتر ولا ااقل

الحاج جرجس
وزى ما قلت قبل كده عند الحاج جرجس برضه ان مصر بلد الكنافه
ما تعرفش فيها يا جرجس ايه الموضوع يعنى مثلا اقولك
يوم الظباط يقبضوا على المدونين ويوم على الشيوعيين
ويوم للاخوان ويوم لكفايه ويوم للى مالوش فى اى حاجه
بس كمان بيتقبض على الظباط
بلد غريبه

البلد ديه كلها تقريبا مقبوض عليها

بس يا ترا فى رايك ممكن المقشات يستخدموها مع الظابط -ابو اصبع
مصطفى
حلوه مصطفى ابو صباع ديه
يا ريت حد يصوره وهو بيتقش بالمقشه

مراقب مصري يقول...

الفارس القديم

متفق جدا معك في إن التحرك اللي احنا محتاجينه هو ده
التحرك اللي من تحت
التحرك الشعبي اللي على ابوه
(يا ابني ما قلنا لك من زمان الحل في دكتاتورية البروليتاريا بس انت اللي مبتسمعشي الكلام)
بص يا عم الحاج البورجوازي
قالوا في الأمثال يا مستني السمنة من بطن النملة عمرك ما هتْقَلِّي
وبالمثل يا مستني الحركة من قوى وأحزاب ومعارضة عندها شلل رباعي عمرك ما هتتنيل على عينك وتشوف خير بروح خالتك

يبدو إنه مكتوب علينا نكون جوكر نلعب كل الأدوار
نكتب ونتظاره
وننزل الشارع
ونحل محل المعارضة
والمجتمع المدني
وكل الحبشتكانات دي
كان الله في عوننا
المفروض نلم بدل تفرغ م الأشكال الزبالة دي على أساس إن احنا بنشتغل وهم بيأنتخوا
يومين كدة وأنسق مع الواد شرقاوي وننزل بمبادرة محترمة

مراقب مصري يقول...

حفصوتشا باشا

مش عارف اسم حفصوتشا دا إداني إحساس إن نصك مصري ونصك فلسطيني ونصك التالت تركي

أنا رأيي من رأيك تماما تماما تماما
الإخوة الحماسيون في فلسطين (وعلى فكرة أوامرهم بياخدوها من جهات ثلاث محددة أولها على عكس ما يعتقد البعض من مكتب مرشد الإخوان هنا في القاهرة وبعد كدة سوريا اللي خالد مشعل هايص في نعيمها وبعد كدة إيران) الإخوة بتوع حماس دول يا ستي طلع إنهم بيحاسبوا الأخ الفدائي (عشان مانقولش انتحاري ونتعب السادة المحتشكنين) وعيلته قبل وبعد العملية... وعادة ما تصرف الفلوس اللي خدها الانتحاري وعائلته على إعادة بناء البيت اللي بتهدمه بعد كدة قوات الاحتلال انتقاما من الولد ومن عائلته ومن المنطقة كلها

طبعا مش محتاج أقول لسيادتك إن الموضوع كله بزنس
الفتحويون ماشية معاهم حلاوة وقشطة بالعسل وأرصدة في سويسرا وصبح صبح يا عم الحاج وبتوع حماس اللي في وقت احترمناهم وقولنا دا شكلهم ناس محترمين طلعوا لا يقلوا خرائية عن الإخوة الفتحويين النصابين
وكله بيبيع ويكسب
ويولع بجاز أم الشعب الفلسطيني اللي عايز يعيش
ياريت الشباب الحنجوريين بتوعنا اللي عايزين يشيلوا إسرائيل من ع الخريطة ومتصورين الحل بتاع الحرب المقدسة هو الحل وبيطلعوا في مظاهرات ضد إسرائيل
يا ريت كدة نبقى نشوفهم في مظاهرات ضد الأشكال اللي مطلعة دين أم المصريين
يا ريت المظاهرات اللي طلعت عشان روقا العبيط شتم في الحجاب نبقى نوجهها صح ونقول لهم مين اللي محتاجين نتظاهر ضدهم
الحكومة بتاعتنا محتاجة إسقاطها مش عشان كافرة وعلمانية
(يا ريتها كانت علمانية ولا أي حاجة ليها طعم ولن ورائحة)
غايزة إسقاط عشان حكومة ظالمة ومفترية وبنت حرام
لو نقرا الليلة (أي ليلة) صح... ساعتها الحياة هتختلف تماما

مراقب مصري يقول...

عم ياسر شمس الدين
(اللي جايب لنا الكلام)

على بلد المقبوض (عليه) وديني
زي بلد المحبوب كدة

اقرا آخر بوست للمهاجر المصري
بعنوان تددت الأسباب والسجن قادم
وكانت اللازمة التي استخدمها الساخر جدا رأفت الشهير بالرأفتاني
هي يلا إركب البوكس
ردا على أي كلمة أو أي دفاع من أي واحد مش هارش الليلة أو هارشها

حضرتك ضد الإسلام (الله يمسيك بالخير يا زفت يا عبكريم) يلا إركب البوكس... حضرتك بتدافع عن الإسلام (الله يمسيك بالخير يا عصام يا عريان) برضه يلا إركب البوكس
حضرتك يسار إركب البوكس
يمين إركب البوكس
وكمل إنت بخيالك الواسع مقاس دوبل إكس لارج
يعني م الآخر كله هيركب
وبوكس مصر واسع أوي ويساع م الحبايب سبعين مليون
بس يقال والعهدة على الراوي إنه شبابيك البوكس ضيقة وإنه الجو خنقة جدا دا بخلاف الأشكال الزبالة اللي هتلتصق بيهم إجباريا داخل البوكس
راجع آخر بوست لأيوب المصري بعد خروجه من السجن وانت تعرف المزيد من التفاصيل
بكرة كدة يا عم ياسر بعون الله انت كمان تطلع من اللومان يا حبيبي وتبقى تحكي لنا مذكراتك
وبرضه الأخ العزيز شرقاوي هيبقى يستنى رجوعك بالبيرة الساقعة وصورتك تنزل على إعلانات ستلا وسقارة العشرة في المية
(لفهم ما أقول راجع بوست شرقاوي الأخير الذي يغري فيه أيوب المصري بالظهور من جديد بشوية أزايز بيرة ساقعة مشبرة)
إنت بس ما تقلقش
خش السجن بأي سبب م الأسباب اللي فاتت أو اللي ما فاتتش لسة واحنا هنظبط لك كل حاجة
بالنسبة لظبط الظباط وتظبيطهم بعصيان المقشات
(الكلام اللي عندي لا يصلح للنشر)
ههههههههههههههههه

3rby يقول...

من منبري هذا اعلن تغيير جرجس الي كوهين
واللي مش هايقولوا كوهين هاسميه هو كمان اسم غريب

مراقب مصري يقول...

إلى المدعو عربي أو أحمد عزت
الشهير بالقمحاوي
أو قمحة

تستاهل يا ابني اللي كانوا العيال والمسات (جمع مس) بيعملوه فيك وانت عيل صغير في المدرسة لما طلعت معقد وكلكع وبتيجي تعمل اسقاطاتك النفسية على خلق الله في عالم التدوين
ومن منبري أنا هذا كشفت راسي ودعيت عليك
قلبي وربي غضبانين عليك ليوم الدين بروح خالتك
هي خالتك بالمناسبة اسمها إيه

مراقب مصري يقول...

يا واد يا قمحاوي
شفت يا وله التلاجة اللي في آخر الصفحة بتاعتي؟
عليها حروف ماجنت ممكن تحركها من تحت لفوق وتسيب رسالة وتعمل سيف مسج
تكنولوجيا بقى بعيد عنك
مش عارف ليه مخدش باله منها

3rby يقول...

انا اللي معقد يا بتاع الابعاد الميتا-فيزيقية والسيكسو-نفسية والكلاكيع ديه؟
خلاص انا بدات في الدعوة
وهانعمل غزوة هنا وناخد سبايا

هذه ليي

غير معرف يقول...

روح يا جرجس يا ابن أم جرجس
الهى يوجع دماغك ويجيبلك كالوو وارم فيها
انا توهت من التعليقات

وانت يا ياسر
ما بتصدق يخويا انت وعربى تمسكوا فى كلمة من الواد جرجس؟؟
كشفت راسى ودعيت عليكم انتوا التلاتة
========
المهم بقا
واحد برضة بيعلق عندى اسمه الطير المهاجر بس مش مدون
اقترح عليا حاجة زى دى بس تكون قناة خاصة بالمدونين ويكون فيها بث مباشر وبرامج ساخنة وكلام كبير من دة
بس انا لقيت اننا حنروح فى الكازوزة ببلاش لو عملناها
اذا كنا يا دوب بنكتب وخلاص والعيال يا عينى بيتعكشوا على أمن الدولة ويتعذبوا ويتبهدلوا

لما انت بقا اقترحت عمل مدونة او مكان مخصص هنا لتلقى شكاوى الضحايا وتبنيها
اقتراح حلو جدااا
بس خد فى اعتبارك ان الدعوة دى حتقتصر بس على زوار المدونات ومتصفحى الانترنت الجاد بعيد عن الشات والهوت ميل والبالتوك والانسبيك والسكاى بى وخلافه
يعنى حاجة كدة عالضيق
ومعظم المتصفحين ان لم يكن كلهم مش ضحايا تعذيب أو معتقلين أو زى ما ظهر فى الفيديوهات الشهير بتاعت التعذيب
يعنى الموضوع عاوز دعاية عاامة فى العالم الواقعى
وكمان تكون الدعاية فى الآوساط اللى تقترب من العشوائية والبسيطة وطبقة الفقراء والنصابين والحرامية والمجرمين
بجد صدقنى
هم دول اللى اتعذبوا فى السجون وفى الأقسام
محدش ببدلة ولا من شباب المستقبل بتوع الجمعية اياها تلاقيه دخل قسم شرطة من أصله

خد فى اعتبارك القاعدة الشعبية
وانا اضم ايدى لايديكم لو مفيش مانع
اصلى أعرف كتير من الناس دول بالمناسبة يعنى
بس على الله الخوف مش يسيطر عالقلوب والنفوس من بعبع الداخلية
احسن الناس دلوقتى بقا حالها يصعب عالكافر
========
بالنسبة لموضوع بقا الجدل الكبير هنا بتاع المساْلة الفلسطينية
فبكل ايجاز واختصار أقولك
مش متفقة معاك فيه
دة رأيى الشخصى
المقاومة بكل سبلها مشروعة
والا اسلب الشرعية دى ومن ايد الاسرائيليين
وانزع منهم القنابل والاسلحة المحرمة دوليا والتى تستخدم لأول مرة فى الساحة الفلسطينية ولا تؤدى للموت فى أغلب الاحيان
لكن للعجز والبتر والتقطيع
يعنى لتخليق شعب جديد
معوق
مقطوع الأطراف
كل وسيلة مباحة لدى اسرائيل
ومن وجهة نظرى المتواضعة
كل وسيلة لازم تكون مباحة للفلسطينى الأعزل
ولازم حييجى يوم رغم تشوية العالم كله لتلك الوسائل انها تثبت مفعولها
لاننا وقت انتفاضة الحجارة استنكرناها عليهم
والعرب استهجنوا واتريأوا وقالوا حتة حجر حيعمل اية فى الدبابة ولا الطيارة
دلوقتى بنستشهد بقوة الحجر فى ايد الطفل

سبل مقاومة الفلسطينيين فرضتها عليهم طبيعة حياتهم وتخللى الكل عنهم
يبقا ملناش أى حق انا نحرمهم منها
طرقهم كلها مبتكرة
وأعتقد ان أى حد دلوقتى بيحترم ثقافة الكاميكاز اليابانية اللى اتبعت فى الحرب العالمية الثانية وكلفت الحلفاء خسائر فادحة كانت ستؤدى الى اعلان امريكا الاستسلام فى الحرب
لولااااااااااا
استخدام النووى اللى قلب العالم كله لحد لدوقتى

بالضبط
الكاميكاز هو معادل للاستشهادى الفلسطينى
ما تيسر له من المقاومة

تحياتى

ام العيال يقول...

اخي العزيز جرجس
اولا :انا والله مش زعلانه منك ولاحاجه بس المشكله انتي اشتغلت وعامله زي ال...في الساقيه بدور طول النهار بقرأ تدويناتك بس مش لاقيه وقت اعلق لاني بكون مستعجله بس اوعدك مش حطول كده تاني
ثانيا: بالنسبه لموضوع الشعب الفلسطيني دعني اسألك سؤالا:لو جاء رجل ما ودخل عليك بيتك و بكل وقاحه اتمدد علىالكنبه و قعد يطلب منك و من والدك و والدتك المحترمين تعملو حاجات لسيادته و بعدين طلب منكم تطلعو بره حتعملو ايه ؟؟؟
الاول : العقل حيشتغل انت مين و عايز ايه و علشان ايه
بس بعد كده لو مفيش تفاهم بالايد و لو استهبل فيها ممكن تموته علشان تطاول عليكم في عقر داركم
صح
احنا كشعب مسالم حاولنا نتفاهم لكن مفيش فايده
الانتفاضه يا سيدي اخذت كتير جدا و سابت معاقين اكتر علشان اليهودي لما كان يمسك الواحد فينا ياريت كان يموتو
لأ ده كان يقولو دي الايد الي انت رميت فيها حجاره وفين يوجعك لحد ما تحس انو عظمو اصبح فتات او رجليه
لما الواحد فينا يشوف امه الكبيره في السن تتهان تترفص و تتداس بالارجل يتكتم؟
لما تحاول تحمي ابنك و انت مش قادر فتموت قبله علشان ما تشوفوش و هوالطفل البرئ بيتقتل ؟
و لما لما
انت يا جرجس لما والدك رجل الدين المحترم حصلو الي حصل و هو في العربيه و من ولاد بلدك دمك غلي و كنت مستعد تعمل الهوايل عشان ترجع لوالدك حقه
ما بالك بشعب مستهان حقا ووطنا و ارضا ومن مين من اليهود الشعب الذي لعنه الله
الشباب دول فاض بيهم خلاص ماعادوش عارفيش يعملو ايه مش عارفين يقعدو يتفرجو لازم يعملو حاجه وده الي في ايديهم و هم مش كئيبين الكئيب الي قاعد بيتفرج ومش بيعمل حاجه
فلسطين القدس الشريف قبله المسلمين الاولى
فلسطين بيت لحم وكنيسه القيامه بيت السيد المسيح و السيده مريم البتول
فلسطين بتتهان من اليهود و اي حد بيعمل اي حاجه مش حرام فيهم
و سلام اليك

غير معرف يقول...

ezayek ya 7ag gerges...ana lesa 2ary 3and el sharkawy en el zabet beta3 el haram lesa fe sho3'loh we mesh fahem ay 7aga

غير معرف يقول...

انت فيــن يا حــاج جـــرجس

روحت تعمل عمره ولا ايه؟؟؟

طمنى عليك يا مان

ذو النون المصري يقول...

يخرب عقلك يا جرجس انت هنا وانا عامل خناقات بسببك عند سوسه
انت فينك ؟ انا قربت اشيل مطوه و انا داخل النت بسببك
توقعت اني اجد وضع اخر هنا عندك لكن اللي فيك فيك هنا او هناك
عموما لو كنت وجدتك علي غير الصوره دي كنت غيرت رايي فيك
مبروك يا اخ جرجس و مبروك لنا كلنا هذا الخبر
و استمر علي هذا الشغب فنحن في حاجه اليه لانه هو الوسيله المثلي للضغط علي العقول المتحجره كي تتغيراو تنكسر
بالمناسبه انت الظاهر صديق لعربي
انا شتمته عند سوسه بسببك برضه بسبب تسميته لك بكوهين
اصل التسميه و اقتراحه كان في سياق من السب و القزف فظننت انه واحد منهم
لك تحياتي
ومره تانيه و عاشره الف مبروك

مراقب مصري يقول...

عربي

من جديد... ما تعتقده هزارا وبديهيا ومفهوما للناس بأنه هزار لا يعتقده الآخرون كذلك وهذا ليس سوء فهم منهم - وهنا لا أتكلم عن نفسي - بل هو قراءة ما تقوله في سياقات معينة فيعطي معاني غير ما تقصدها
من تاني أقول لك في موضوع تسميتي كوهين
الموضوع بجد دمه مش خفيف
وخصوصا لما تدخل في مدونة الناس فيها كانت بتسب لي الدين وتقول لناس موتورة أنا قررت أسميه كوهين ههههههه
الناس دي مش هتاخد اللي بتقوله على إنه هزار لطيف بينك وبين صديق ليك
الناس دي أشكال زبالة وهتفهم على طول إنك يعني بتاخد دورك في مزد اللي يشتم جرجس أكتر ياخد ربع جنيه في اللفة
ودا اللي خلى الأخ الفاضل ذو النون يفهم على الفور إنك إخواني وبتشتمني
الموضوع لطيف كهزارة بيني وبينك
بس مش في مدونة بيتسب لي فيها الدين يا أستاذ
الحاجة التانية لما يبقى اليهود مكروهين من معظم المصريين وتيجي تسميني كوهين دا يبقى هطل
ما احناش المجتمع المنفتح اللي انت متخيله
أتمنى ما أكونش أحرجتك بس بجد فيه هزار عبيط ما ينفعش
وبعدين هزر معايا في بيتي
مش في كل مدونة أعرفها حضرتك سايب هذا التعليق الأهطل
سوري بس دا بالنسبة لي مكانش مقبول
لكن بتعلق في مدونة سبوا لي فيها الدين ومتوقع إيه؟
هارد عليك؟
يا ابني أنا أصلا بطلت أعلق هناك أصلا لتدني لغة الخطاب ولسلبية صاحبة المدونة
خلي عندك شوية حنكة وحكمة
ما زلت أحترمك وأقدرك
بس نعقل شوية
ولا إيه؟؟

مراقب مصري يقول...

شهروزة العزيزة

بصي يا ستي... أنا حاولت قدر استطاعتي أن أجعل الناس تركز في تعليقاته على صلب الموضوع وبعدين قلت لنفسي إيه الهطل ده؟
الناس من حقها تناقش اللي هي عايزاه ومن حقهم طبعا ينتقدوا ما كتبت وخصوصا إذا ما كان جدليا بهذه الدرجة
ما فيش حاجة في التدوين اسمها إن البيه صاحب المدونة يتنطط على أم القراء ويقول لهم اللي عايز يعلق يتكلم في كذا وكذا بس
إيه الهطل ده؟
أمال حرية إيه وتعبير إيه ونيلة زرقة إيه... ما ينفعش المدون يتنطط على خلق الله ويصادر رأيهم
وده اللي مخليني مازلت بحاول إني لا أضطر للجوء للموديراتور
خلي الناس تعبر
بالعكس حوار الأخ ياسر وجدله معي في رأيي كان مثمرا جدا
مداخلات عشتار وحفصة وأم العيال كانت مهمة جدا جدا باعتبارهم من قلب القضية ولا يتكلمون وإيديهم في المية الباردة مثل أغلبنا
--------------------


بالنسبة لموضوع اقتراحي بتوحيد مركز واحد لتلقي الشكاوى في موضوع التعذيب
بالطبع لقد أسيء فهمي
لم أقل أن يكون هذا المكانالموحد هو مدونة أو أي شيء على الواقع الافتراضي
أنا قلت أنه لابد من التنسيق مع أحد المراكز الحقوقية ووضع عنوان بريدي ثابت ورقم تليفون ثابت (دا إيه علاقته بالنت) وساعتها دا هيتعمل في صورة إعلان ينزل في الجرايد اللي بتقول إنها مستقلة ومحترمة
خير كويس
ماشي مسدقينكوا
خدوا بقى وانشروا الإعلانات دي بحملة مكثفة واالي مش هينشر هيروح النار وكدة
وطبعا الإعلان من باب أولى هيبقى لوجو هتمل كود يتحط في مدوناتنا كلها
وده اللي يخلي الموضوع يكمل بالزخم المطلوب
يقال إن الولد بتاع الهرم مازال في شغله يعني فيه احتمال طبيخ في الليلة
الرد على قلة الحيا دي فقط من خلال مواصلة جهودنا ووراهم والزمن طويل
-------------------


في القضية الفلسطينية رأيك على عيني وعلى راسي بس إيه أخبار إنك برضه تحاولي تقري الموضوع من زوايا مختلفة؟
مش لازم تغير قناعاتك بس فكري من زوايا عملية شوية
من زاوية مصلحة شعب
من زاوية واقعية
ومن برة لوحة الشطرنج مرات
ممكن ترجعي بتأكيد أكبر لقناعاتك
خير وبركة
بس نفكر يا اخواننا هي دي القضية

مراقب مصري يقول...

العزيزة جدا أم العيال

عود أحمد ونورتي المطرح كله
وهشعلق الزينة وافرش المدونة رمل وورد فوق الرمل لأجمل أم عيال فلسطينية حرة وذات قلب حر وروح جميلة

دعيني أبدأ بأن أقتبس من كلماتك التي كالعادة تلمس القلب وتجعله ينزف ألما من فرط حقيقية ما تكتبينه ومن فرط معايشتك لما تكتبينه (عرف أن كل فلسطيني حتى في الغربة لا يزال يحيا بقلبه داخل حدود الوطن الحبيس المغتصب فلسطين الحرة) لذلك دعيني أبدأ بالاقتباس الموجع الآتي

لما الواحد فينا يشوف امه الكبيره في السن تتهان تترفص و تتداس بالارجل يتكتم؟
لما تحاول تحمي ابنك و انت مش قادر فتموت قبله علشان ما تشوفوش و هوالطفل البرئ بيتقتل ؟

وجعتني الكلمات جدا جدا
فكرتيني بالدرة وأبوه
فكرتيني بالبنت الرقيقة ذات الاثني عشر ربيعا التي قتلوا أفراد عائلتها جميعا أمام عينيها ورأيناها على الجزيرة تتحدث شاردة ذاهلة ومذهولة

فكرتيني بوجع مئات الآلاف من بني وطنك المغتصب الذين عانوا الأمرين من سفالة الأنظمة (بل وللأسف الشعوب عشان نجيب م الآخر) العربية وأيلول الخرا الأسود مش بعيد عن ذاكرتنا

فكرتيني بذكرياتك عن يوم زواجك في الشهر العقاري وكأنها عملية شراء "قطعة أرض" أو "شقة مفروشة" يتم تسجيل عقدها في الشعر العقاري... كلما تذكرت هذه الجزئية تحديدا كان قلبي يدمع ويقطر بدل الدموع دما

هذا تحديدا ما كان في ذهني وقلبي وأنا أكتب الكلمات التي أثارت كل هذا الجدل (الذي لا أراه عقيما) كنت أفكر في أطفال فلسطين وفي شبانها وفي الفتيات في سن الزواج وفي شعب كامل يحلم بالحياة ولا يتمنى الموت... إرادة الحياة لدى شعبك البطل هي ما كان يشغلني ولم يزل

كتبت عشتار يوما عن الشعب الفلسطيني المسكين الذي يتم دقه بين مطرقة الاحتلال الإسرائيلي وسندان فتح وحماس
(وكليهما فاسد وابن كلب)
ورددت على عشتار وقتها بأنني لست متأكدا مما إذا كانت المطرقة لإسرائيل والسندان لفتح وحماس أم وصلنا بسبب قذارة وفساد الجبهتين إلى أن المطرقة صارت لفتح وحماس والسندان لإسرائيل؟
سيبك من كدة
ماذا أثمرت حماس بعملياتها الفدائية ضد إسرائيل؟
السؤال ليس حول شرعية المقاومة!! افهموني بقى
السؤال حول ما تحصلين عليه بهذا الثمن الباهظ؟؟؟؟؟

ليه كلب إسرائيلي أساوم عليه بألف فلسطيني؟؟؟؟؟؟
ألا تشعرين معي بالعار؟؟؟؟
طبعا فاهم إن حرية الألف دول أهم من سؤالي الذي قد يراه البعض خائبا

بس تركيزي الله يكرمكوا معايا هو على أن قيمة أي كلب في إسرائيل (التي للأسف ديمقراطية وتحترم الإنسان الفرد) لا تقدر بمال ولا بثروة الدنيا كلها... وعندهم حق!! قيمة حياة إنسان واحد تساوي الدنيا وما فيها... أيا كان دين هذا الإنسان أو لونه أو عرقه أو انتمائه السياسي

إحنا البني آدم عندنا رخيص
الدم العربي رخيص
واللحم العربي أرخص
الشرف العربي مختزل في غشاء وبقعة دم
بينما شرف الأمم الحقيقي في كرامة أبنائها
فين كرامة الفلسطيني اللي أعطتها له زفتة الطين فتح ولا هبابة البرك حماس
كله بيبيع في لحم الفلسطيني بالرخيص ويقبض التمن
بتوع فتح نصابين اولاد كلب ومن يومهم بياعين قضية وحسابات زيورخ بنك تشهد
وبتوع حماس مصلحة سوريا وإيران هي الي بتحركهم وفتاوي مرشد طظ في الأوطان هي التي ترشدهم وليذهب الفلسطينيون إلى الجحيم (أو الجنة مش فارقة معاهم) المهم جنتهم هما اللي بيأسسوها ع الأرض

عارفة يا ام العيال الانتفاضة الحقيقية إيه؟
مش الحجر ومش المدفع والقنبلة
الانتفاضة اللي بجد
تحرير الإنسان
إحنا عايزين نعيش بجد
لو عندك جرية بجد (زي اللي في إسرائيل) ولو عندك البني آدم غالي مش رخيص هينفع بجد ساعتها تحطي صباعك في عين التخين... حماس والجهاد الإسلامي نصابين أكتر من فتح وكله شغال في النخاسة
واللي بيخسر وبينكوي بنار القرف ده كله هو الشعب الفلسطيني

فاهماني؟؟؟

مراقب مصري يقول...

الرأفتاني الجميل

ومالها العمرة؟ اعترض بقى واكفر!!! ولا كمان تقول إن العمرة كل سنة بتكلفنا كذا مليار وان اللي يعوزه البت يحرم ع الجامع؟ إخص عليك زنديق وكافر... مدام الإخوة هنا سموني الحاج جرجس يبقى طبيعي إن الحاج يعمل عمرة
مرة واتنين وتلاتة كمان كل سنة وبعدين يا سيدي ما المليارات على قفا مين يشيل (يشيل ويبعت على سويسرا طبعا) فيعني جت ع الحاج جرجس ووقفت يعني؟

أخبارك إيه يا عم؟

مراقب مصري يقول...

صديقي العزيز جدا ذو النون المصري

أهلا بيك في مدونتي
على فكرة
فاكر البوست بتاع أبويا اللي انت سبت فيه تعليق وتصورت إني مش هشوفه؟
أنا رادد عليه من تاني يوم بعد ما انت نزلته... أنا يا باشا دبة النملة في مدونتي باعرفها قبل حتى ما النملة تتجرأ وتدب عندي
(شوفت الحتة المخابرات دي؟)
ههههههههههه

زي ما انت شايف يا عم الحاج في حواراتنا هنا الكلمة هي السلاح الوحيد اللي في إيد كل واحد فينا... وبجد أنا مؤمن بحرية كل فرد في أن يعبر عن رأيه وعن ما يعتقده دون مصادرة من أحد ودون تسفيه من أحد

إنني أحاول قدر ما أستطيع أن أستفز الناس على فعل التفكير وممارسة حقهم المشروع في التساؤل حول أي شيء في الحياة

إنسى حكاية إن فيه حد من حقه يتكلم في حاجات معينة وحد تاني مش من حقه... دا هطل وتخلف... أظرف حاجة إن اللي بيجادلوا بهذا الهطل يقولوا لك لو إحنا انتقدنا الكنيسة إنت مش هتسكت... الحقيقة الكنيسة كمؤسسة دينية مؤثرة في المجتمع وفي جزء من ثقافته لابد من تقييمها ومن نقدها ومن مراجعتها ومحاسبتها من قبل المجتمع الذي تؤثر فيه بغض النظر عن اللي بينقدني مسيحي ولا مسلم
بس فيه فرق بين النقد بكل حدوده وبين سب الدين والإزدراء بالأديان
طبعا فاهمني

كنت في لقاء مع الدكتور سيد القمني وفي سياق الحديث انتقد الرجل الهوس الديني الذي في البلد على كافة الأصعدة واستشهد بالموقف الأهطل للبابا شنودة الذي "يمنع" و"يحرم" الأقباط من زيارة القدس والآثار المسيحية في القدس لأسباب سياسية بحتة وكيف أن هذا تعدي صريح على مفهوم المواطنة واستبداله بمفهوم الرعية والراعي بغض النظر عن موقفنا السياسي كأفراد من رفض أو قبول السفر للقدس وهي تحت الاحتلال. فرق كبير إنك تختار إنك ما تروحش كقبطي وإنك تجبر باسم الدين على إنك ما تروحش... والمصيبة إن المثقفين بيهللوا لهذا القرار... الدكتور القمني في هذا اللقاء معه انتقد الموقف الأهطل ( ووصف الموقف بالأهطل هو وصفي أنا وليس وصف الدكتور سيد له هكذا) للبابا عندما أعلن أن الأقباط (وكأنهم أنفار في عزبة والده) يبايعون الرئيس مبارك
هنا لما أنتقد موقف البابا سواء أنا مسم أو مسيحي فين العيب في كدة؟؟
فين سب الدين في كدة؟؟

أنا تابعت بقايا سيول السباب والتهجم السافل على شخصي وعلى ديني عند الدكتورة سوسة وأسفت جدا لهذا التدني والوضاعة التي وصل إليها مستوى حديث الناس ورأيت ردك على أولئك الشتامين الذين أوقفوا عقولهم عن التفكير ووقفوا فقط عند كوني مسيحيا لا يجوز لي الحديث في ما يتحدثون
والدكتورة صاحبة المدونة حاولت لعب سياسة إرضا جميع الأطراف ولكنني رفضت القبول بتلك المهزلة منها والتي شجعت هي على استمرارا بصمتها السلبي المقيت
يا سيدي أنا لو واحد اتشتم في بيتي وهو ما غلطش في حد أنا لن أرحم من يفعلها وغير كدة يبقى أنا ساكت عن الحق يعني شيطان أخرس

ولذلك كان طبيعيا أن أسقط الثقة عن تلك المدونة وأزيلها من قائمة المدونات التي تخشها على ضمانتي حفاظا على قدر المصداقية الذي أبتغيه في هذه المساحة الحرة

لماذا كل هذا الحديث إليك صديقي ذو النون؟
لأني أعرف عنك استقامة القلب وموضوعية الحكم على الأمور... ما يزال سيل الشتائم المجانية في تلك المشتمة (التي سمحت صاحبتها بوصولها إلى هذا لدرك) منهمرا علي هناك ولم أكن قد قرأت شتائم الشات بوكس التي أشرت أنت إليها هناك... ومن جديد أتعجب وأستغرب... هل إلى هذه الدرجة من العمى عن الحق وصل هؤلاء؟؟؟؟

صدقني يا ذو النون قضيتي ليست شخصية على الإطلاق
بل مزيد من التأمل... هؤلاء الذين جاهروا بإخوانيتهم في تلك المشتمة... وهم لا يختلفون في هذا عن مرشدهم الفاضل بتاع طظ والجزمة... تخيل أننا كوطنيين في مصر كنا مستعدين (وما يزال أغلبيتنا) مستعدين أن نضع أيدينا في أيديهم كشركاء لأجل تغيير هذا المجتمع والانتقال إلى مرحلة أفضل

كم كنا مخدوعين؟؟!!!ـ
نحن لسنا في حساباتهم على الإطلاق
بل كما قال لا فض فوه عاكف أفندي أنهم لما هيمسكوا هيضربوا معارضيهم بالجزمة

نهاره أبيض يا عم الحاج

دول لابد من إقصائهم من أي عملية سياسية في الوقت الحالي وفي المستقبل أيضا

هم لديهم أجندتهم والتي لا يضعون فيها أي منا ولا يضعون مصر نفسها فيها فمصر مجرد إمارة أو ولاية في الإمبراطورية الكبيرة وطظ فينا كلنا

يا عم خليني ساكت
(دا المعتدلين اللي زيك هيبقوا أول من سيكفرونهم)

مراقب مصري يقول...

دماغ ماك

بص يا سيدي
نحن لا نعول كثيرا على جدية الداخلية
وحتى لو بيحاولوا يطرمخوا ع الموضوع دا مش معناه إننا لم نؤثر
بل بالعكس الطرمخة تعني أنهم في وضع زي الزفت
بس احنا وراهم يا معلم

ذو النون المصري يقول...

انا ذاهب للتعليق القديم و راجع كي اقراء كلامك هنا من جديد لاني محتاج اركز فيه قليلا
سلام
و لك تحياتي

مراقب مصري يقول...

ذو النون
مستنيك
ههههههه

غير معرف يقول...

صباح الخير يا حاج جرجس ... ايه يا دكتور كل ما تروح مكان تقلبه راسا على عقب و تمشي و تسيب الحرب دايرة هناك .. لا فعلا ملكش حق خالص .. انت زنديق :):):) انا بهرج يا حج براحة بس ..انا معاك في كل اللي قلته .. و اعتقد ان سوسا لما سابت المناقشة تحمى اظن ان هي فعلا مش كانت عارفة تعمل ايه او يمكن مش كانت عايزة تدخل نفسها في الحوار ده كله لأن من وجهة نظرها لا ناقة لها و لا جمل في الحوار و هي من الأول حطت انذار ان الموضوع يبعد عن النظرة الدينية .. بس انا برده معاك في موضوع انها غلطت لما سكتت او من وجهة نظري سكتت كثير يعني كان ممكن تدخل في بداية الحوار ده و تحاول توقفه .. ما علينا .. و اذا كان على التكفير فعادي يعني .. يا حج جرجس انا مرة دافعت عن واحد من زمايلي و هو مسيحي و ساعتها كفروني برده عشان هو اتخانق مع واحد مسلم برده من زمايلي بس لما عرفت اللي حصل لقيت ان زميلي الأولاني على حق فعشان كده وقفت في صفه و ساعتها عينك ما تشوف إلا النور يا دكتور ... بس الحمد لله عدت على خير .. هو ده بقى حال مصر حاليا .. بدل ما نشوف اللي بيجمعنا بجد ( غير نانسي و هيفا و متش كورة ) مع عدم اعتراضي ان الكورة تجمعنا .. بس مش تبقى ده الحاجات الاساسية .. احنا بقى بنتفنن ازاي نلاقي اللي يفرقنا .. و أخيرها و ليس آخرها موضوع السنة و الشيعة في مصر ..يا رب يكون كلامي أثلج صدرك و عرفك انك مش لوحدك.

ذو النون المصري .. أحييك على موضوعيتك و انك معتدل في الحياة .. ربنا يكملك بعقلك.

حج جرجس .. لا تقطع عننا آخر المستجدات في موضوع الضابط اللي خسارة فيه اسمه أصلا .و فعلا ممكن تكون الناس نجحت على الاقل انها تحرك المياه الراكدة و البقية تأتي انشاء الله

سلام

مراقب مصري يقول...

العزيزة ريكا

طبعا متفق في طرحك من أن الدكتورة المذكورة أخطأت بسكوتها ولكن منظوري لهذا الخطأ ليس في كونها فقط لم توقف الحوار الدائر وهذا حقها
بصي خلينا نبقى واضحين في حاجة
ممكن توقفي حوار في مدونتك دا حقك
بس ما ينفعش تشرطي عليا أتكلم في إيه وما اتكلمش في إيه؟
فهمتيني؟
الحاجة التانية الخطأ الذي أخطأته صاحبة المدونة اللي بتحكي عليها كان في كونها شيطان أخرس ساكت عن الحق الذي كان واضحا جدا في كل الحوار ومن خلال ناس محايدة جدا وموضوعية جدا كأخي العزيز ذو النون الذي أقر بأني لم أخطئ في أحد ولم أهن أحدا ولا دينا ولا عقيدة
من أجل ذلك استحقت صاحبة المدونة المذكورة بجدارة السقوط من قائمة المصداقية والموضوعية ولتبتهج وتفرح بجماعة طظ والجزمة الذين سيطروا على مدونتها

تلك الأزمة التي أثيرت في تلك المدونة إن دلت على شيء أبعد من أي شيء شخصي هي إنما تدل على أزمة هوية يعاني منها شعبنا
وأزمة عقلية استبد بها التخلف والرجعية والهوس
لا للتفكير
امشي زيك زي بقية القطيع
انبحي زي بقية الكلاب بس انبحي بأدب
يا عزيزتي جميعنا صرنا ننبح كالكلاب دون أن نعض أحدا بعد أن كسروا لنا أنيابنا
الله يكون في عون الشعب المصري المطحون بين مطرقة الاستبداد السياسي وسندان الاستبداد الديني
(الإسلامي والمسيحي على حد السواء)
لك الله يا مصر
(ومعه حفنة قليلة من الرجال المخلصين)

3rby يقول...

والله يا جرجس انا ماشوفتش التعليقات ديه غير بعد ماكتبت لاني ماقريتش التعليقات بسبب عدم توقعي لان الموضوع يتفتفح لان سوسة قفلته في البوست
انا اسف

3rby يقول...

بس تعرف رب ضارة نافعة
الخناقة ديه والله انقذتك من اسم جامد
انا علقت عند سوسة بعد ما قريت وبعدين مسحته علشان ماقومش الخناقة تاني

ذو النون المصري يقول...

و الله الست سوسه يعني اتاخرت فعلا في ردودها و هذا سمح للحوار انه يتحرك في اتجاهات غير مرغوبه
لكن هناك شيء مهم اري ان تسمعه عني
المدونات من خلال اطلاعي عليها في شهرين صارت كل واحده منها تتميز بميزات تخصها عن غيرها
فاغلب المدونات حسب لغة العلوم و الطب اشبه ما تكون بشريحه
طوليه في النسيج الحي فهي تبرز نوع واحد من الخلايا(في التدوين ....نوع واحد من الفكر كالمعارضه مثلا بل احيانا تجد مدونات زوارها غالبا ذكور)و هناك مدونات اشبه ما تكون بشريحه عرضيه في النسيج الحي (في التدوين....الاتجاهات الفكريه السائده في المجتمع ككل)و هذا هو الوضع الذي اراه في مدونة سوسه
و انا اعتبرها ميزه ان يوجد عندها التيار الاسلامي المتشدد و المتعقل وممثل الدين المسيحي المتعقل ايضا و بنات متفتحات ........و هكذا
لذلك اري غيابك عن المدونه هو غياب لميزه من مميزاتها
و ارجو ان يكون هناك فرصه لاصلاح الخطا
العزيزه ريكا
اشكرك جدا علي زوقك و ياريت مصر كلها يتحسن حالها
بالمناسبه يا حج
لفظ خراج الذي تفضله في وصف احوالنا في ايامنا الحاليه هو ادق بكثير جدا من لفظ مرض لان المرض يمكن تحمله اما الخراج فمؤلم جدا علاوه علي كونه مقرف و مقزز
تعرف ؟انا مدرس تربيه فنيه و انا تلميذ كانوا يدرسون لنا ارسم مصر كما تتخيلها و كنا نرسم امراه جميله كبيره جدا تحمل بحنيه اولادها الكثار جدا و كانت متلفعه بعلم مصر
الان لا استطيع اقناع التلاميذ برسم موضوع كهذا
جلست افكر في الخراريج الكثيره جدا التي ملات وجه الوطن و كل جسده و حاولت اتصور ممكن تترسم بواقعيه ازاي؟
وجدت ان المنظر قبيح جدا
تذكرت علي الفور منظر نجم فيلم المومياء قبل ان يتم جسده

مراقب مصري يقول...

عربي

مفيش مشكلة إننا نغلط
المهم إننا نتعلم من الغلط
جميعنا نحتاج إلى الحكمة واللياقة
وبعضنا تعوزه الحكمة واللياقة ولا يتعلمها حتى مع الزمن
لومي عليك كان سببه محبتي وتقديري لك

يا ريت المجتمع بتاعنا مكانش بعذا القدر من المرض والغباء الذي لا يتيح حتى الهزار والتهريج والذي لا يرى الحياة سوى معركة بين ما أؤمن به وما لا أؤمن به ... الناس محتاجة تفهم إن الحياة مش معركة وإن الحياة تعايش
بس عبثا باقرا في سورة عبس

3rby يقول...

هاشرب اللبن قبل ما انام وهاسمع كلام بابا وماما وانكل

مراقب مصري يقول...

عربي تاني

بص يا أستاذ عربي يا كبير
بالنسبة لشرب اللبن طبعا دا مفيد جدا لعضمك ا حبيبي وانت عارف طبعا إن انت في مرحلة نمو (ودي مرحلة خِطْرَة زي ما انت عارف)
وبالنسبة لسماع كلام بابا وماما
فطبعا إنت أدرى مني يا شيخنا أن الإسلام وصانا بالوالدين
وبالوالدين إحسانا

أما إنك تسمع كلا أنكل
فلأ وألف لأ
أنكل دا يا حبيبي اللي ودانا ف داهية
مش كفايا إن أنكل هيمسك ابنه زمام العزبة كله؟
لأ يا عربي صحيح أنكل ده متجوز أمنا كلنا... بس مش أخلاقنا إنه أي حد يتجوز أمي أقول له يا أنكل
دا حتة عيب
وشرعا حرام
راجع نفسك يا ابني وربنا يهديك
أو يهدك أيهما أقرب

ههههههههههههه

مراقب مصري يقول...

عزيزي جدا ذو النون المصري
متفق معاك في طرحك في أن المدونة المذكورة كانت بالفعل مدونة مهمة وذات تقدير واحترام مني حتى أنها كانت على قائمة مدوناتي اللي تخشها على ضمانتي ولكن يبدو أنك لا تعرف الناس حقا إلا في المواقف
والمواقف أثبتت عدم مصداقية الدكتورة المذكورة ولا موضوعيتها
ومن جديد أقول لك أن الساكت عن الحق شيطان أخرس
ومن ثم فلا تراجع عن عدم التعاطي مع تلك المدونة بفتح النون وكسر النون أيضا يا عم ذو النون
موقف الدكتورة كان واضحا تماما
هي تريد أن تساوم على الحقيقة وألا تخسر أحدا وتمسك بجميع العصي من المنتصف
شكرا
فقدتي مصداقيتك
فقدتي موضوعيتك
لا يوجد حل وسط يرضي جميع الأطراف فيما يتعلق بالحق والباطل
والظلم والإنصاف

لقد كنت أنت موضوعيا جدا في قراءتك وحكمك
ولقد قبلت بحكمك ومازلت
لو وجدتني مخطئا في حق أحد في تلك المشتمة أو أن ثمة إساءة وردت مني نحو شخص أو دين أو عقيدة فرجاء بلغني لكي أعتذر إن كنت مخطئا أو أن أوضح أي سوء تفاهم إذا لم أكن مخطئا
أما إذا كانت ساحتي خالية حقا قهل الحل أن يكون من خلال تأنيب الجميع ولومهم لوما خفيفا كما فعلت الدكتورة - ولها تقديري رغم كل شيء - على طريقة ليه كدة يا ولاد... خلاص كلكوا غلطتوا ما تعملوش كدة تاني

طب بالذمة قول لي انت ده يبقى اسمه إيه؟؟؟؟؟؟؟؟؟؟؟؟؟

ذو النون المصري يقول...

انا لا اعتقد انك اخطات في البوست السابق عند سوسه .و علي فكره صدي الموضوع لازال يتردد في البوست الجديد هناك
لكن اعتقد ان موقف سوسه السلبي كان له خلفيه من موقف هي ربما اتخذته مع الزائرين عموما
فبعض المدونين يتخذون من مدوناتهم بيوتا فيطردون منها من يتجاوز حدوده و انت منهم
لكن اخرون يعتبرونها فضاء مملوك للكل او غير مملوك لاحد و طالما المكان مفتوح للجميع فلا شان للمدون بها و بالخناقات التي قد تحدث فيها طالما اتاح الحريه للجميع
ربما كان في ذلك توضيح لموقف سوسه لانها لم تتدخل علي اساس ان الكل كان المكان مفتوح امامه
انا اعرف ان ما حدث امر خطير جدا و ليس من عاش كمن شاهد و انت عشت الحدث و انا شاهدته فقط لذلك يختلف التقدير بيني و بينك حوله
فيه نقطه مش عارف اقول لك فيها ايه ؟
الانسان موقف هذا صحيح لكن لا يمكن الحكم علي انسان من موقف واحد
الحكم يكون عند انهاء عمر الانسان هنا يمكن الحكم عليه من خلال موقف من حياته و سوسه لازالت انسه لا يمكن ان نعتبر ما حدث هو حكما ابديا عليها لانها لها مواقف كثيره و العمر قادم و فيه الكثير


لك تحياتي
سلام

مراقب مصري يقول...

ذو النون المصري الأصيل

بص يا سيدي
كلامك مظبوط جدا
مش كل الناس ببتعامل مع مدوناتها زي بعض... بس بالنسبة للدكتورة المذكورة هي لا تتعامل مع مدوناتها بمنكق الفضاء المفتوح وأي حد يقول أي حاجة وكله عادي في المعادي...

أتذكر في أول تعليقاتي عندها في موضوع كان اسمه يهدي من يشاء وثار فيه جدل ما وكانت هذه بداياتي في التدوين وبالمناسبة دا كان البوست اللي جدو وشهروزة وعربي سموني فيه الحاج جرجس

المهم في هذا البوست علقت متحدثا عن نفاقنا الديني وريائنا المظهري فيما يتعلق بالدين بينما قلوبنا شريرة فقلت أننا شعب يدعي التقوى بينما قلبه أنجس من فوطة ألويز مستعملة ولم تمر الكلمة
ليس لأن أحدا أراد أن يناقش المحتوى وهو فكرة الرياء
بل اعتراض الناس ومن بينهم صاحبة المدونة كان فقط على كلمة فوطة ألويز ... إذن تلك المدونة ليست من المدونات التي تتدث عنها كالوعي المصري وعلاء ومالك حيث يتناقش المعلقون مع بعضهم ويشتمون بعضهم بعضا وصاحب المدونة مالوش دعوة
ففي معركة فوطة الألويز تلك أصر الجميع على خطئي بسبب قول تلك الكلمة في مدونة واحدة بنت والمدونة هي بيت المدون... كنت جديدا في التدوين وتعلمت تلك القاعدة
واعتذرت وقتها لصاحبة المدونة وكان اعتذاري علنيا في مدونتي وفي مدونتها وأقر كل منا بفهمه لموضوع مدونتي هي بيتي
كنت أتمنى أن أقول لك أيوة صح عندك حق
بس في الحالة دي تحديدا
لأ
هي بتعتبر المدونة بيتها
والأساتذة اللي بيشتموا ويقلوا أدبهم عندها هي بسكوتها بتعتبر مرحبة بأرائهم وبشتيمتهم ومن ثم فهي اختارت بالفعل موقفها
فهي قالت أن عبدالله مفتاح لم يخطئ
وأنت أدرى بأوجه خطئه
وقالت أن من تطاولوا تطاولهم مبرر بسبب ما رأوه مني من هجوم على الإسلام
إذن هي رأت أنني هاجمت الإسلام وبررت موقف الشتامين الإخوانيين
وبرأت ساحة صديقها مفتاح
وادعت بأنني أخطأت وهاجمت الدين
ويشهد الله ويشهد العديدون وأنت منهم أنني لم أخطئ إطلاقا في تلك المدونة لا في حق شخص ولا دين ولا عقيدة
=============

بالنسبة لما قلته عن أنني أطرد البعض من المدونة عندي أود فقط توضيح أنني في الحالتين الوحيدتين اللتين فعلت فيها ما أشرت إليه وفعلته تحديدا مع مدون اسمه كازانوفا وآخر اسمه واحد من الناس
فعلت ذلك بمنتهى الأدب والاحترام ولم أطردهما بل طلبت بأدب ألا يدونا عندي وألا يتواجدا في ساحتي "الحرة" وهي المدونة
أهلا وسهلا بالجميع
ولكن عايز تيجيني وانت غلطان في حقي يبقى الأخلاق إن الكلمة الوحيدة المقبولة هنا هي آسف أنا غلطان وبعدين ناخد وندي
===========

بالنسبة لموضوع أن الحياة مواقف وأن الدكتورة لم تأخذ فرصتها بعد
أتمنى أن تراجع الموضوع كله وستجد أنني صبرت طويلا دون حكم على الدكتورة بسبب موقفها ثم عندما رديت على تعليقها حاولت من جديد أن أعطيها فرصة تصحيح المواقف ... ولكن سلبيتها جعلتها من جديد تكتب بوستها الهروبي الذي زيفت فيه الحقائق وتحدثت عن الضغط النفسي بسبب إن "الكل" بيعتبوا عليها أنها لم تقف في صف جانب من الجانبين
إيه ده؟؟؟
مين عتب عليها غيري؟؟
مين أهين غيري؟
بالعكس شباب الإخوان خد بالك إنهم ردوا عليها في بوستها الأخير إنه لا أحد منهم يعاتبها أو يلومها وأنها لم تخطئ في موقفها
حتى محاولتها الهروبية وادعاء الحيادية فشلت على أيدي حلفائها الذين أكدوا لها أنها كانت معهم ومنهم وؤأيها رأيهم وكله فلة يا معلم
=================


بص يا ذو النون
الموضوع دا تحديدا معدي معايا الحتة الشخصية

الموضوع شديد العمومية
بمعنى إيه؟
القضية بالنسبة لي الآن هي قضية منظومة التفكي الهوسية الدينية التي تحكم أغلبية مجتمعنا
عندما تابعت كيف يفكر هؤلء الشباب الشتامون
رأيت حجم المأساة التي نحن عليها مقبلون
فداحة الحل الجحيمي الذي يبشروننا به كحل وحيد لبلادنا
أتحدث عن الخيار الديني السياسي
أتحدث عن أسلمة مصر سياسيا
أتحدث عن حكم التيار الإسلامي عموما والإخوان خصوصا
في وقت ما كنت بالفعل أطرح مثل العديدين من أطراف الحركة الوطنية فكرة أنه لماذا لا نفكر فيما يطرحه الإخوان؟
واضح أنهم بيغيروا خطابهم ومشروعهم مش وحش
وعلى الأقل أفضل م القرف الحالي
وتعال نديهم الفرصة وهكذا
إلى أن رأيت بنفسي نوعية العقلية التي يفكر بها هؤلاء ويديرون بها الحياة
وما ذلك البوست "الجدلي" عند الدكتورة المذكورة سوى "مثال" عملي

اليوم أنا على قناعة أن الحل الإسلامي هو بديل مرعب حقا ومفزع جدا لكل وطني
وكما قلت سيادتك
إحنا محروقين أصلا لسة تاني هنتلسع
وكما ترى
الآن دعوتي للجميع هي إقصاء التيار الإسلامي تماما من أي لعبة سياسية ومن أي حركة وطنية
فهم كما نرى
لا يؤمنون بالوطن
(راجع تصريح المرشد بتاع طظ في مصر)
ولا يؤمنون بالمواطنة
(راجع تصريحات مشهور عن إعفاء الأقباط من التجنيد عشان ما يتخالفوش مع الأعداء في الحرب)
ولا هم يؤمنون بالمعارضة ولا بالحرية
(راجع تصريحات جزمة البيه المرشد)
===========


شفت البوست بتاع الدكتورة دا فتح مواضيع أد إيه؟

واخد بالك أنها رجعت تاني للإختباء حينما اشتد الجدل من جديد؟

ربنا يهدي

غير معرف يقول...

Nice new logo.

مراقب مصري يقول...

Moe-New York

Thank you for your hint
I like the eagle & if the eagle is a national symbol in the US I just remembered that we have our eagle as well as our national symbol. Yes our flag is having an eagle as a symbol of the "missing" pride of our nation.
Belss you

لكي لا ننسى دم أحمد علي مبروك