17‏/11‏/2006

النديم والحاج جرجس على الهواء مباشرة

ـ
النديم والحاج جرجس يطالبان بحماية حقوق المدونين
ـ
ـ

برنامج شارع الكلام على النيل الثقافية يطرح قضية ضم المدونين إلى نقابة الصحفيين
وحماية ملكيتهم الفكرية من سطو بعض الصحفيين على المدونات
ـ
كتب الحاج جرجس:ـ
ـ

أمس الأول أرسلت إلي توتا رسالة قصيرة مفادها " عمر عايزك تكلمه ضروري"... تأخرت في فتح الرسالة والتجاوب مع محتواها... المهم اتصلت بعمر الساعة السادسة مساء الأمس الأربعاء لأجده يقول لي "البس وتعالى لي دلوقت... هنروح نصور في التليفزيون في قناة النيل الثقافية في برنامج بيتكلموا فيه عن التدوين والمدونات"ـ

ـ

ـ

وصلنا موقع التصوير بالمقطم وفوجئت بأن البرنامج هيتذاع على الهوا ومش هيكون مسجل... الواد عمر كان عارف وما قاليش على حكاية الهوا دي... أصل الهوا دا كله مشاكل يعني تخيل مثلا الجلالة خدتك ع الهوا وروحت قايل بقين جامدين شوية ... ساعتها تخرج من ع المقطم على لاظوغلي على طول... أو مثلا وانت ع الهوا طلبت معاك تهييس ومحدش عرف يلمك برضه تبقى الليلة ضربت يا معلم ومش بعيد يستعملوا معاك عصاية المقشةـ ـ

ـ

ـ

قبل التصوير المُعِدَّة (بضم الميم وكسر العين بعيد عنك) بتسألني وحضرتك يا دكتور اسم مدونتك إيه؟ طبعا بتلقائية بلهاء أجبتها في ثقة: "كفاية حرام دوت بلوج سبوت دوت كوم"... طبعا البنت صدمت وقالت لي خلاص بلاش تقول اسم المدونة ع الهوا... قلت لها "لأ ما انا خلاص غيرت الاسم وخليته لسة فيه أمل" حسيت إن البنت ارتاحت وقالت لي أهو دا معقول...ـ

ـ

يلا مش فارقة كفاية حرام ولا لسة فيه أمل فكما قالهاعرفة الشواف في وجهة نظر... "والله.. والله ما بتفرق معانا الأسماء"ـ

ـ

ـ

البرنامج كان اسمه "شارع الكلام" والموضوع اللي كانوا مستضيفينا عشانه كان عن التدوين والمدونين وهل يحق لنا كمدونين المطالبة بعضوية نقابة الصحفيين. الضيف الذي كان يمثل جبهة الصحفيين كان الأستاذ محمد عبد الحافظ نائب رئيس تحرير جريدة الأخبار وكان من المفترض أن يحضر أيضا الأستاذ جمال فهمي ممثلا عن نقابة الصحفيين لكنه اعتذر ولم يحضر.ـ

ـ

المذيعة الجميلة نهى توفيق افتتحت الفقرة بمقدمة جيدة تحدثت فيها عن المدونات باعتبارها "صحافة شعبية" في ثوب إلكتروني وأنها (أي المدونات) انتقلت من كونها في الأساس وسيلة للفضفضة والتنفيث إلى أن أصبحت مساحة حرة للتعبير بلا قيود ولا محظورات تقليدية يمكنها فتح كل الملفات ومناقشة جميع الموضوعات من كافة الأبعاد بما جعلها مصدرا صحفيا هاما حتى صارت الكثير من وكالات الأنباء والقنوات الفضائية تنقل عنها باعتبارها مصادر هامة تصف ما يحدث في مصر الآن، بل وصل الأمر إلى أن العديد من الصحفيين صاروا ينقلون موضوعات من المدونات لتنشر في جرائدهم دون حتى الإشارة إلى مصدر الموضوع وإحقا الحق لصاحب المدونة المنقول عنها وشبهت حال المدونين في ظل عدم تمتعهم بحماية حقوقهم الفكرية بالقطار الذي يسير دون قضبان، ومن ثم فقد طرحت مدى أحقيتنا كمدونين في أن يكون لنا تمثيل داخل نقابة الصحفيين أو حتى تأسيس نقابة أو كيان مستقل لحماية المدونين وحماية حقوقهم الفكرية ـ

ـ

المذيعة الجميلة نهى توفيق ومقدمة جيدة لموضوع مهم

ونائب رئيس تحرير الأخبار يعدد أسباب عدم ضم المدونين للنقابة

بدأ الأستاذ محمد عبد الحافظ نائب رئيس تحرير الأخبار حديثه بأن عَدَّل للمذيعة ما قالته من أن المدونات قطار بلا قضبان ليصفنا بأننا قطار بلا فرامل ولا قيود ولا ملتزمين بميثاق الشرف الصحفي ولا محاذير مما يلتزم به الصحفيون في الصحافة التقليدية... وفي رده على الطرح الخاص بإمكانية ضم المدونين إلى عضوية نقابة الصحفيين فقد علق بقوله أن هذا الأمر غير ممكن لأسباب قانونية بحتة فضم المدونين - يضيف عبد الحافظ - إلى النقابة يحتاج إلى تعديل تشريعي فالقانون الحالي لا يسمح بهذا... وأما عن حقوق الملكية الفكرية فهناك قوانين تحمي الملكية الفكرية بالفعل ويمكن لأي مدون تتم سرقة أعماله من أي صحفي أن يذهب بشكواه إلى نفابة الصحفيين ليشكو بحق من أتى هذه السرقة.... ولكن الأستاذ عبد الحافظ قلل من شأن الادعاءات بسرقة أعمال المدونين من قبل صحفيين بأن قال بأن هذا لا يحدث في الصحف الكبرى كالأهرام والأخبار والجمهورية وأي جريدة تحترم نفسها ـ

ـ

الزميل عمر قناوي يؤكد أن السرقات الصحفية

تحدث حتى داخل الجرائد الكبرى

توجهت الأستذة نهى بالحديث إلى عمر قناوي صاحب مدونة النديم وقد أكد عمر - الذي هو أصلا صحفي- بأن سبب توجهه للتدوين هو أن الصحافة التقليدية لا تتيح المساحة الكافية من الحرية بالإضافة إلى المحاذير والقيود التي تضعها كتدخلات رئيس التحرير أو الديسك وغيره. وكان تعليقه على قول عبد الحافظ بأن مثل هذه السرقات لموضوعات المدونين وأفكارهم لا تحدث في الصحف الكبرى فقد أكد عمر للرجل أنها تحدث وأكثر من ذلك أيضا نشر أخبار غير صجيجة وأحداث لم تحدث أصلا وبينما نفى عبد الحافظ حدوث السرقات، فإنه لم ينف كتابة أخبار غير صحيحة وأمور لم تحدث!!ـ

ـ

أكد عمر كذلك على أن المطالبة الأساسية للمدونين ليس عضوية النقابة في حد ذاتها بل حماية أفكارهم وموضوعاتهم من السرقة وإقرار حقوق الملكية الفكرية لهم. ركز عمر على فكرة أن المدونين وعالم التدوين في مصر يشهد نقلة نوعية وتطورا كبيرا بدليل حصول المدونين المصريين في كل سنة على جوائز دولية في الاختبار والمفاضلة بين أفضل المدونين على مستوى العالم، وكذا رد الفعل الضخم الذي تشهده الموضوعات التي تثيرها المدونات. وفي إطار رده على فكرة انضمام المدونين إلى نقابة الصحفيين فقد أيد قناوي حق المدونين في أن يكون لهم اليوم كيانا يحمي حقوقهم وليكن كيانا نقابيا بسبب ما حققته بعض المدونات الناجحة التي تقدم خدمات صحفية حقيقية ـ

ـ

وفي ذات السياق تحدث الحاج جرجس صاحب مدونة لسة فيه أمل عن أن الموضوع له بعد عام وهو المدونات عموما وتأثيرها ودلالاتها وسبب إثارة كل هذا الحديث والجدل حول التدوين والمدونات وكيف أن المدونات حققت سبقا صحفيا في العديد من الموضوعات التي أثيرت فقط على المدونات - وقد أضافت نهى توفيق بقولها أن هذه الموضوعات لم تثر بصراحة وبشفافية إلا من خلال المدونات- ومن ثم فالتركيز الأساسي يعود إلى ما يميز المدونات والعمل التدويني ألا وهو غياب القيود التي تكبل الصحافة التقليدية ....ـ

والحديث عن الفرامل والقيود والمحاذير هو ما انتقده الحاج جرجس في كلام الأستاذ عبد الحافظ من أن كلامه ركز بالأساس على كلمات مثل أن القطار بلا فرامل وبلا قيود وكأن التركيز الحقيقي لدى التقليديين هو وضع القيود وفرض المزيد منها على المدونين الذين لا توجد لديهم مثل هذه القيود... ومع الإقرار بالفعل بصحة مصطلح الصحافة الشعبية وإطلاقه على العمل التدويني - يضيف الحاج جرجس-... فيصير طبيعيا أن نطالب كصحافة شعبية بحماية حقوق ملكيتنا الفكرية ليس من خلال اللجوء إلى القضاء -كما يطرح الأستاذ عبد الحافظ- بل من خلال آلية مستمرة تضمن لي هذه الحقوق وهو ما يتوفر من خلال الكيان النقابي ... ـ


ـ

الحاج جرجس محتجا: كل ما يهمكم هو القيود؟؟

وقد أوضح الحاج جرجس عدم صحة أخذ المدونات كحزمة واحدة دون تفريق وتصنيف... فليست كل المدونات ذات طبيعة صحفية بمعنى التوجه الإخباري أو التحليلات الفكرية والسياسية... فالبعض يدون لمجرد الفضفضة وكتعبير عن نفسه فمثل هذا الشخص لا يمكننا اعتباره صحفيا لمجرد امتلاكه لمدونة فالمدونة ما إلا وسيط لا أكثر... فأن يكون لديك مدونة ليس إلا كأن يكون عندك إيميل... ولكن في الوقت ذاته ثمة مدونات هامة ذات توجه صحفي لا يمكن سوى أن نصفها بأنها تقدم صحافة حقيقية - وهو ما كان قد أكده عمر قناوي بالفعل- ومثل هذه المدونات هي ما تحتاج إلى كيان نقابي يكفل ويضمن حماية الملكية الفكرية لهؤلاء المدونين الذين يتميزون بالتأثير الواسع والتعبير الصحفي بلا قيود ـ

ـ

وعقب الأستاذ محمد عبد الحافظ بأن ثمة فرامل وقيود شرعية كميثاق الشرف الصحفي ... وأوضح أن القانون في الأساس يُسن لأجل غير الأسوياء فالأسوياء لا يحتاجون إلى قانون وأنه يؤيد بالفعل أن يكون للمدونين كيان قانوني وإن كان ليس بالضرورة أن يكون هذا الكيان هو نقابة الصحفيين ـ

ـ

وفي إشارة إلى الأحداث العديدة التي أثارتها المدونات بشكل حصري عقبت الأستاذة نهى بأن المدونين يناقشون ويفتحون بشفافية وصراحة موضوعات يتناولونها من كافة جوانبها وهذه الموضوعات قد تحاول الصحافة التقليدية والمجتمع كله التعتيم عليها. وفي ترجيح لكفة الصحافة الشعبية على التقليدية أقرت نهى بأن الأخيرة تميزت بسبب القدر الأكبر من الحرية الذي يعد ميزة للمدونين غير متاحة للصحافة والإعلام القليدي ـ

ـ

وهذه الميزة هي ما سألت عنها الأستاذ عبد الحافظ الذي أجاب بتلقائية بأن الميزة هي أن المدون يكتب ما يشاء!! ـ

ـ

أشارت نهى هنا أن المدون قيوده وحدوده تنبع من داخله ولا تفرض عليه

ـ

بينما أشار عبد الحافظ إلى الفوضى التي تنجم عن ذلك كأن تنشر صور غير لائقة

ـ

تعقب نهى بأنه ليس ثمة خطوط حمراء يحظر على المدون تناولها

ـ

في السياق نفسه انتقد الأستاذ عبد الحافظ الحاج جرجس في قوله بتقسيم المدونات إلى مدونات خبرية ومدونات رأي والخبري منها هو ما يمكن ضمه للنقابة وغير الخبري لا ينطبق عليه ذلك... وعلق بأن هذا سيؤدي إلى فوضى... فبالقياس إلى الصحافة التقليدية لا تقسم الصحف إلى خبرية أو صحف رأي... بل بمجرد التحاق الصحفي بصحيفة ما يصير عضوا في نقابة الصحفيين... ولو طبقنا هذا على المدونين فإن كل صاحب مدونة سيصبح عضوا في نقابة الصحفيين وده ما ينفعش... ـ

يتدخل قناوي في الحوار ليوضح أن الحاج جرجس لم يكن يقصد هذا على الإطلاق .... بل أن كل ما نقصده هو وضع معايير محددة يتم تطبيقها على المدونات التي تقدم بالفعل خدمات صحفية حقيقية وهو ما لا ينطبق على كل المدونات فثمة أنواع لا تعد ولا تحصى من المدونات ... ولكن من بين المدونات ما يُنظر إليه محليا وعلى مستوى العالم باعتبارها مصدر خبري مهم يصف بدقة ما يحدث في مصر.... ـ

ـ

تضيف نهى أنه حتى وكالات الأنباء ومحطات التليفزيون العالمية تنقل عن المدونات وتأخذ أخبارا عنها كمصدر إخباري رئيسي

ـ

وهنا يعقب الحاج جرجس ضاربا المثل بمدونة كـجريدة الوعي المصري الإلكترونية التي يحررها الزميل وائل عباس والتي أصبحت بالفعل مصدرا خبريا مهما على المستوى المحلي والدولي

ـ

تقاطع نهى ضاحكة: هذه المدونة عاملة مشاكل كتيرة على الإنترنت وبرة الإنترنت

فيقول عبد الحافظ تلقائيا: هي دي اللي فجرت أخبار أحداث وسط البلد

فتضيف نهى: دا الكلام أيضا كان معاه الصور كمان

ـ

وفي تعقيبه على دور المدونات في الكشف عن أحداث وسط البلد عقب الحاج جرجس أنه في تلك الواقعة تحديدا كان أن تصادف وجود الزميل وائل عباس ومعه سبعة أشخاص بينهم مصور لوكالة رويتر ومصور بجريدة مستقلة ومدونين آخرين في موقع الأحداث وصوروا ما حدث وعلى الرغم من أنهم لم يستطيعوا الوصول والدخول داخل الدوائر البشرية التي كانت تصنع من المتحرشين للإحاطة بمن يتحرشون بهم إلا أنهم كتبوا وأثاروا الموضوع في الدنيا كلها... والنهاردة بينزلوا فيديو جديد لتحرشات حصلت في احتفالات كاس الأمم الأفريقية بحيث يصدق من لم يصدق أن هذه الأشياء لا يمكن أن تحدث... ويضيف أن مثل هذه النماذج لمدونين مثل وائل أو مالك أو شرقاوي صار لها اعتبارا تخطى حدود المحلية إذ تُقرأ على مستوى مصروالعالم الخارجي كمصدر خبري يظهر ما يحدث في مصر الآن... ـ

ـ

وفي ختام الفقرة تسأل نهى عمر قناوي ما إذا كان في النهاية يطالب بتأسيس مؤسسة ما تحمي حقوق المدونين الفكرية أو أنه يطالب بضم المدونين إلى نقابة الصحفيين؟

ـ

عمر يؤكد: كل ما نطلبه هو إعادة النظر والاعتبار للمدونين


أكد عمر أن حماية حقوق الملكية الفكرية للمدونين هو أمر في غاية الأهمية ولكن النقطة الأخرى هي أنه إذا كانت الدوائر العالمية تنظر إلى كثير من المدونات المصرية والمدونين المصريين بالتقدير فلابد أن تنظر النقابة تحديدا بعين الاعتبار كذلك إلى هؤلاء المدونين فهذا هو القصد وليس القصد إجمالا ضم جميع المدونين لنقابة الصحفيين فبالطبع نحن لا نطالب بهذا الأمر وهو مستحيل ـ

ينتهي وقت الفقرة وتشكر المذيعة ضيوفها:ـ

الأستاذ محمد عبد الحافظ نائب رئيس تحرير جريدة الأخبار

الأستاذ عمر قناوي صاحب مدونة النديم

والدكتور مينا زكري صاحب مدونة لسة فيه أمل


ـ




ملحوظة:ـ

بعد كتابة هذا البوست قرأت في المصري اليوم موضوعا عن نفس القضية... يبدو أن الأمر بدأ يأخذ زخما إعلاميا أراه ضروريا ومواكبا للأهمية التي بدأ العمل التدويني يكتسبها كأحد الوسائط الإعلامية الحديثة التي تفتح أفاقا غير محدودة أمامنا كأشخاص عاديين جدا لنا اهتمام بالشأن العام ونريد أن نعبر عن هذا الشأن وأن نطرح جميع القضايا دون محظورات ودون قيود ولكن في إطار من الالتزام بأساسيات ومعايير المصداقية والنزاهةـ

وأنقل عن المصري اليوم هنا أراء بعض من تكلموا عن موضوع المدونين وتمثيلهم نقابيا:ـ

الأستاذ سلامة أحمد سلامة قال:ـ

ومن الوسط الصحفي يري الكاتب الصحفي سلامة أحمد سلامة أن ظاهرة المدونات والمدونين ليست بجديدة وتوجد في العالم كله ولعبت دوراً مهماً جداً خاصة في الفترة الأخيرة أثناء حرب العراق، لأنهم كانوا ينقلون ما يحدث داخل الحرب إلي العالم الخارجي. إلا أنه من الناحية الصحفية يصعب التأكد من صحة ما يقال في هذه المدونات خاصة إن تعلق الأمر بحقائق أو بيانات إلا إذا نزل الصحفي بنفسه وتأكد مما تم طرحه في تلك المدونات. لذلك لا نأخذ المدونات علي أنها حقائق نهائية أو ثابتة إنما هي دائما مشكوك فيها.
وعن المطالبة بمساواة المدونين بالصحفيين والسماح لهم بالانضمام إلي نقابة الصحفيين، يقول سلامة: لا يجب عليهم أن يفكروا في ذلك بأي شكل من الأشكال لأن تطبيق ذلك من الممكن أن يجعل أي شخص بدون أي مؤهلات يلتحق بالمهنة. فالمدونات بعيدة تماما عن قيم وضوابط العمل الصحفي والإعلامي، مضيفا أنه من الممكن أن يستعين الصحفي بهذه المدونات، بحيث يطلعون علي ما جاء فيها ثم يقومون بالتحقق منه. فمسؤولية الصحفي ألا يأتي بمعلومة لم يتحقق منها.

وأما عن الموقف داخل النقابة نفسها وتحديدا لجنة القيد:ـ

وعلي العكس من ذلك، يري الصحفي جمال فهمي، عضو لجنة القيد في النقابة أن المدونين هم مجموعة من الشباب النشط الذي يستخدم وسائط الاتصال الجديدة بكفاءة عالية لإثارة القضايا المهمة وكثيرا ما يتحقق لهم السبق بالمعني المهني والصحفي وكثيرا ما ينشرون بيانات ومعلومات لم تنشر حتي في الصحف. وبالتالي فهم يقدمون خدمة صحفية ممتازة.
ولا يمانع فهمي في اعتبار المدونين صحفيين إضافة إلي التحاقهم بالنقابة قائلا: «يجب علينا أن نعترف بأن الصحافة الإلكترونية أصبحت واقعا وحقيقة قائمة فعلا، فهناك صحافة جادة حقيقية علي شبكة المعلومات الدولية. ويطالب بسن تشريع جديد يجعل ممارسي الصحافة الإلكترونية أعضاء في نقابة الصحفيين. مؤكدا أنه في ظل القانون المعمول به حاليا في النقابة هناك استحالة لانضمامه». فنحن في حاجة إلي تعديل تشريعي.

ومن المدونين أنفسهم تنقل الجريدة عن أحدهم:ـ

البراء أشرف صاحب مدونة «وأنا مالي» لا يعتبر المدونين صحفيين إنما ينتمون إلي ما يسمي «صحافة المواطن» وهو اتجاه إعلامي موجود في جميع أنحاء العالم. حيث يسير المواطن بكاميرا الموبايل، يصور الأحداث التي تجذبه ليضعها علي مدونته بعد ذلك ليقدم شهادته الحية علي الأحداث . فهو لديه وعي إعلامي لكنه ليس بالضرورة صحفياً.
ويدعو البراء الحركات السياسية إلي الاستفادة من المدونات حيث تطرح المدونات أفكاراً ذات طابع مختلف، أفكاراً بديلة تتميز بأنها خارج ما هو سائد، مثل فكرة كنس السيدة التي طرحتها المدونات ونفذتها الحركات السياسية. ويقول «المدونون ينقصهم الوعي السياسي والاجتماعي إلي جانب القدرة علي الحشد، فلا يستطيعون حشد عدد كبير من الأشخاص مثلما تفعل الحركات السياسية. فهي تحتاج إلي تدعيم واحتواء هؤلاء المدونين وتنفيذ أفكارهم».

واضح إن الموضوع مكمل والمناقشة والجدل سيبقيان مستمرين ـ

هناك 66 تعليقًا:

alnadeem يقول...

يا جرجس
صورتي اللي كنت حاططها الأول كانت احسن

Reformer1976 يقول...

اسكت دا أنا طلع عيني على ما نزلت البوست دا

غير معرف يقول...

اولا من الصبح كان في حاجه غلط في الدخول والتعليق عندك يا حج جرجس

الاسباب مجهولة الهويه ؟؟!!يمكن الشهرة

تانيا بما انك عدلت البوست وزوقته كده حتى يليق بسعادة الرئيس ونائبة

في فقرات مكررة يا جرجس يا زميلي وبقولك يا زميلي لاني في الحكومة الجديدة منصبي حيكون مهم وان كنت عايز تتاكد ممكن نسال الرئيس بالمعلومة دي

:)

المهم انا مبسوطة فيكم قوي واحنا كشعب فخور فيكم انكم قدرته توصلو صوتكم الحر للراي العام وتدافعو عن حقوق المدونين

فخورة لانكم تستحقو الفرصة دي وفرص كتير كمان لان ما تحتويه عقولكم وقلوبكم يجب ان يفيض للناس

كان نفسي اشوفكم بس للاسف ملقيتش المحطة
بس عمنا جرجس اطلعنا على الاخبار وعلى ارائكم
منه للامام يا شباب مصر
ولا لسرقة حقوق المدونين
ونعم للراي الحر والتعبير عنه
انا كده حروح احارب احسن لي اروح انام
يلا سلام كان عندي كلام كتير بس الكلام راح من الصبح نفسي اعلق ومكنتش راضيه تفتح المدونة يلا المرة الجاية

بس مبسوطة جدا فيكم
سلام

Reformer1976 يقول...

الرقيقة رشا

كان فيه مشكلات تقنية مش لاقيلها سبب
يبدو كمان إن السرفر كان فه مشكلة
راجعت البوست بالفعل وأزلت الفقرات المكررة

معلهشي يا ستي... لسة جديد ع التكنولوجيا

أخيرا عرفت أحط صور على المدونة... دا في حد ذاته إنجاز رهيب بالنسبة لواحد أمي إلكترونيا زي حالاتي

عندي بس مشكلة إني بعد ما عملت البوست دا اكتشفت تفاهة ما أكتب عنه بعد أن قرأت أخبار القبض على نادية مبروك ووليد صلاح
هما صحيح أفرجوا عنهما بس برضه كان إحساسي إيه الهطل اللي بكتب عنه دا ... التدوين مش قضيته وضع رسمي ولا اعتراف حكومي ولا أي بلا أزرق

التدوين هيفضل صرخة مدوية بلا تزويق وبلا رتوش وفضح لكل قرف في المخروبة إلى أن تعمر من جديد

إلى ذلك اليوم فلا تصالح مع المؤسسات ولا مع الكيانات المستنطعة والمستفعة من أم النظام بفساده وقرفه بما في ذلك النقابات والمؤسسات الصحفية كلها سواء الحكومية منها أو التي تدعي أنها مستقلة

يبدو أني هرجع تاني للاسم الأول للمدونةوهو الأكثر ثورية والأكثر تعبيرا ربما عن الواقع الحالي

كفاية حرام
على الرغم منإنه برضه

لسة فيه أمل
(وعمر طبعا)ـ
:)

غير معرف يقول...

كل اللي عاوز اقوله ان في مجموعة من المدونين بتثبت كل يوم انها شوية صيع مش لاقية شغلانة تلمها............ لا و عاوزين كارنية نقابة الصحفيين مرة واحدة...... و الدليل ان انتوا مش عارفين بتقولوا ايه الاخ اللي بيقولك نقسم المدونات و فيه مدونات تستاهل الكارنيه و مدونات ماتستاهلش........ و الله كلام الراجل بتاع النقابة افحمكو و انتو مش حاترتاحو الا لما تخربوها و تؤعدو على تلها

alnadeem يقول...

الأستاذ الفاضل اللي حتي خايف يقول إسمه
أظن ان في لغه أرقي من كده الناس بتتكلم بيها
وثانيا يا سيدي الفاضل
الضيف اللي كان معانا إحنا ما كناش بنتخانق معاه عشان تقول أفحمنا أو ما أفحمناش
هو شخص في منتهي الاحترام واحنا اتفقنا معاه في حاجات واختلفنا في حاجات وده عادي وطبيعي
الحياه مش خناقه يا عزيزي
إلا في نظر المتخلفين فقط
تحياتي

غير معرف يقول...

حاج جرجس هو انت الل بنضارات
؟؟؟

Reformer1976 يقول...

Anonymous

أضيف إلى ما قاله عمر أنه من سيخربها (وهنا أعتقد أن الحديث يكون عن الصحافة التقليدية) ومن ثم سيقعد على تلها ليس المدونون بل فسدة المهنة من كهان الصحافة الحكومية وحنجورية الصحف المستقلة

كثير جدا من الصحف التقليدية النهاردة بتفقد مصداقيتها واحدة ورا التانية
من أول التلاتة الكبار بتوع الحكومة لحد للأسف الصحف المستقلة من نوعية الدستور وحتى الكرامة

اقرأ ما كتبه صحفيون من جوة الليلة نفسها عن المستوى التي آلت إليه المهنة وأنت تعلم ما أقصد
خد الرابط دا تحت عنوان
الصحافة التقليدية بتشلق في فضاء الصحافة الشعبية
http://www.manalaa.net/al_destour_flame_war
وأيضا حملة قاطعوا الصحف المشبوهة التي تتلق أموالا من ليبيا
http://misrdigital.blogspirit.com/archive/2006/09/22/رمضان-كريم.html

سواء كنت أيها المخفي
شخصا عاديا أو مواطنا بدرجة صحفي ممن يعتقدون أن على راسهم ريشة
فاسمع يا هذا
لما يا شاطر تبقى عندك جرأة إنك تعرف نفسك زي أي بني آدم محترم ابقى تعالى اتكلم يا عسل
وإلى ذلك الحين
روح العب بعيد يا شاطر

غير معرف يقول...

يا حالولي يا حالوللي الحاج جرجس و النديم عالتي في
والله مش عارفة اقول ايه
بس انا بجد فرحانه و منشكحة اوي بالرغم من كم الاكتئاب اللاارادي اللي عندي

محتوى الكلام كله عاجبني و باين ان الحوار تم بشكل متحضر من جانبكوا بالرغم من افتتاحية الاخ التاني
انا لو مكانكوا مكنتش فضلت هادية بتاتا

المهم مشوار الالف ميل يبدا بخطوة
و ما نيل المطالب بالتمني و لكن تؤخد الدنيا غلابا

انا بجد فرحانة اوويييييي

سلام و تحياتي

Reformer1976 يقول...

حفصة الغالية

على فكرة الراجل نائب رئيس تحرير الأخبار دا كان في منتهى التأدب والأخلاق حتى إنه أصر على توصيلنا بعد التصوير إلى وسط البلد ليكمل الحديث معنا

قبل الحلقة قال لي الأستاذ عبد الحافظ إنه أنا معجب بيكم أوي واللي انتوا عاملينوا هايل فعلا وكان مستغرب جدا أن أنا طبيب وفي نفس الوقت بادون
وأضاف قبل دخول الاستوديو قوله لي بأن الصحفيين غيرانين منكوا جدا بسبب اللي انتوا عاملينوا

والحلقة زي ما انتي شايفة كدة ما كانتش من نوع خناقات المصاطب وفرش الملايات
لو تلاحظي أن الأستاذ محمد لم يجزم برفض فكرة انضمام المدونين إلى النقابة بل هو أكد أنه لازم يكون لهم كيان يحميهم بس مش سالضرورة يكون نقابة الصحفيين

أنا فوجئت تاني يوم بصراحة برأي جمال فهمي عضو لجنة القيد بالنقابة اللي أكد حقنا كمدونين نقدم خدمات صحفية متميزة بالانضمام إلى النقابة

أنا كنت مستبعد جدا إنه ممكن يقول دا
بس دا اللي قاله في المصري اليوم

لسة فيه أمل يا حفصة

غير معرف يقول...

الحاج جرجس العزيز
اشكرك لتشريفك مدوتي ذات الصوت الخافت
انا بجد متشرفة و مكنتش مصدقة نفسي انك سميتني بملهمتك!!!
على ايه يا راجل
على العموم اشكرك على الكلمات الرائعة و لو تقدر تعدي كمان مرة تشوف انا رديت قلتلك ايه

ههههههههههههههه
:')

تحياتي

عشتار يقول...

اعزائي النديم والحاج جرحس
فعلا التدوين في مصر ارتقى الى مستوى يشهد لة العالم بأجمعة والكثير من وكالات الانباء العالمية أصبحت تعتمد علية كمرجع صحفي
قرأت مقال في صحيفة أجنبية على لسان بروفيسور مختص بالصحافة في جامعة ويليامزتاون ماس يقول فية أن المدونين المصريين استطاعوا الارتقاء بالتدوين الى مستوى العمل السياسي المنظم
ومن حق هؤلاء المدونين علينا أن نطالب بحقوقهم وأنا فخورة بأنة تم اختياركم للتحدث باسم المدونين وفخورة بمستوى الحوار اللذي قمتم بة
برافووووووووووووووووووو

Reformer1976 يقول...

العزيزة عشتار

أولا هابي بيرثداي تو يو
سنة حلوة يا جميل

كنت أتحدث مع العزيزة توتا منذ دقائق عن حاجتنا كمدونين لمزد من الموضوعية ومزيد من الانضباط الداخلي حتى تكون المدونات بالفعل لا تشوبها شائبة

بكل أسف على الرغم من أهمية وجودة المضمون الذي تقدمه العديد من المدونات إلا أنه في مرات الاستخدام غير المبرر للغة بذيئة في المدونات وفرضها على القارئ وكأن دا الطبيعي وبيتي وانا حر فيه واللي مش عاجبه يشد ف حواجبه
هذا الاستخدام للغة البذيئة والذي لن أناقش حق المدونين في استخدامها في مدوناتهم أم لا
ولكن على الأقل باخسر قطاع كبير من المحافظين الذين لن يستفيدوا مما أقدمه والمفترض أنني لا أقدمه لنفسي فقط

لو هنخاطب الناس يبقى لازم نقدر طبيعة الناس وما يتقبلونه أو ما لا يتقبلونه وإلا هاخسر الشارع

tota يقول...

الحج جرجس والعزيز النديم

طبعا لا انكر عليكم غضبى لانكم لم تبلغونا حتى يتثنى لنا مشاهدة البرنامج
ثانيا ماشى اهى عدت المرة دى بس كان خبر جميل جدا

اعتبر ده نوع من انواع الايجابية التى يفتقر اليها عالم التدوين
المطالبةان يصبح هناك هوية وحقوق للمدونين هذا امر ايجابى جدا
يستحق السعى وتستحقون الشكر عليه

الاستاذ مجهول الهوية اذا كان يتوغل فى
التدوينات فيجب ان يعرف انها مثل الصحافة بعضها يستحق القراءة والبعض الاخر لا يشترى من الاساس
التدوينات ايضا البعض منها سىء ولا يرقى لاى مستوى ويعد فى حد ذاته اساءة للتدوين
والبعض ذاتى النزعة و فضفضة والبعض الاخر يناقش قضايا فكرية وسياسية ودينية هامة
فكيف تتساوى كفة هذه المدونات مع بعضها البعض
وكيف يتساوى كلهم طالما ما زال البعض يسىء الى التدوين بالكتابة باسلوب لا يرقى الا ان يقرأه فئة اعتادت بذائة الالفاظ تحت مسمى الحرية الشخصية
فى الصحف القومية والغير قومية من
الصعب ان تجد هذه الالفاظ لان هناك رادع لها اما فى عالم التدوين فلا يوجد هذا الرادع وعندما يتم جمع كل هذا فى بوتقة واحدة سوف يكون سبة فى جبين التدوين ككل ووقتها لن يذكر تدوينة فلان او تدوينة علان جيدة بل ستنتقد التدوينات عامة لاننا فتحنا الباب بوجود اخطاء وتركناها مشاعا لهم ليلتقطوها بمنتهى السهولة
اذا لم تصنف المدونات ويوضع لها معايير معينة بعيدا عن جوهر الفكرة سوف تنئى عن الوصول لاى جوده فالمعايير هى التى تدفع كل شخص الى الوصول الى قمتها ليحظى بارقى قيمة لها

الاستاذ المجهول واضح انه صحفى من نوعية المحتكرين لمهنة الصحافة اى ان تكون فقط الصحافة لحملة الكارنيه وكأن الكلمة والفكرة هى حكر للصحفيين
عفوا سيدى الكلمة من حق المواطن واذا لم تشأ ان تسمعها او تقرئها فسد اذانك واسمع فقط ما تشتهيه


الحج جرجس
التدوين من الاساس تعبير يهمنا يوصل لكل الناس علشان كده لازم نصرخ علشان الصوت يوصل

تحياتى

وائل عباس يقول...

فل يا باشا
معاك وائل عباس
متشكرين على مرورك الكريم وتعليقك في الوعي المصري
ولو انك عملتلي مشاكل لما نشرت حكاية باباك يوم الوقفة
ما تتخيلش كمية قلة الأدب اللي وصلتلي
عموما شكرا لكم
وعلى فكرة أنا ومالك رسميا بقينا ممنوعين من دخول مبنى التلفزيون أو الظهور في اي برامج
واحب جدا اشوف الحلقة وأحاول أطلعها على النت
بس قوللي اخد الشريط ازاي

وائل عباس

Mongey يقول...

مبروك يا رجالة
علي الظهور في النيل الثقافية
و عقبال القناة التانية

كلام كويس يدل برضة بشكل ما ان العالم
المدونين دول بقي ليهم صوت واصل و بيتسمعوا

بس عايز اقول حاجة
مش عارف انا مش شايف ان في ضرورة
لانضمام المدونين الي النقابة
سواء كانت خبرية او غير خبرية

لان ده هيقلل من حرية المدونين دول
و كمان مش هو ده الي هيحميهم

و في جزئية السرقة دي ماعتقدش ان اي حد
يقدر يمنع السرقة

لكن ممكن نعمل شي من داخل المدونات عبارة عن موقع مدونة

نحط فيه الموضوعات الي عرفنا انها مسروقة
و كدة يعني
هو ده مش كفاية بس الكلام عن منع السرقة صعب اوي

يعني

سلام

Reformer1976 يقول...

ما أنا قلت يا توتا لازم نصرخ سوا بس انتي اللي مش عاوزة تصرخي معانا
;)

Reformer1976 يقول...

وائل باشا عباس

منعك من الظهور في تلفزيونهم دا شرف ليك
أنا البوست دا يعتبر تفريغ شبه كامل للحلقة... لكن اسطوانة الفيديو مفترض إنها هتكون متاحة عند عمر قناوي تقدر توصل له وتاخدها منه

مننحرمش منك يا عم الحاج

محتاج بس أفهم منك إيه علاقة موضوع أبويا ونشره عندي بقلة أدب توصل لك إنت؟
ما فهمتهاش دي من فضلك وضحهالي عشان ما لبستشي في دماغي حلو

غير معرف يقول...

دكتور مينا
(هو انت دكتور ؟؟ في ايه بالظبط؟) مش عارفة اعتقد انك مهندس .. ما علينا

فيه نقطة مهمة جدا أثارتني في الحوار وهي مسألة انضمام المدونين لنقابة الصحفيين او انضمام بعضهم او زي ما ورد في البوست وضع شروط ومعايير على المنضمين وهكذا

اسمح لي اختلف معاك ومع الرأي القائل بانضمام المدونين او بعضهم للنقابة ..
التدوين في حد ذاته ليس حركة ولا كيان محدد الابعاد
هو مجرد نشاط .. انه الكتابة على الانترنت .. نشاط واسع جدا
غير قابل للتصنيف ولا للاحتواء ولا التنظير
استاء جدا حينما يلقب احدهم بانه مدون كما لو انه ليس لديه اي صفة في الحياة سوى انه يكتب على صفحة باسمه في الانترنت ايا كان ما يكتبه ...
ولماذا مثلا لا يلقبون الناس بانه صاحب إيميل مثلا ...

الموضوع وااااااااااسع جدا وغير قابل للاحتواء ... وده اجمل واروع ما في التدوين انه غير قابل للاحتواء ولا القولبة .. لسنامجتمع له شكل محدد .. ولا نريد ذلك ..

وضع معايير سيشبه وضع قيود واحنا مش ناقصين
ممكن تكون المدونات بتقدم أدب بديل أسلوب جديد في الكتابة صحافة شعبية صحافة بلا قيود مساحات افتراضية للبوح والدردشة .. أي حاجة .. ولا يقل احدها اهمية عن الاخرين .. ولا يوجد اي قواعد تصلح لاحتواء هذا الامر

يا دكتور
جمال التدوين في انه مجرد نشاط إنساني متعدد الاهداف
ربما ممكن يكون الحل في تشريع ما يبيح الاعتراف بالملكية الفكرية عبر الانترنت .. أو وجود إدارة ما في نقابة الصحفيين تقبل شكاوى اي شخص كتب محتوى ما وسرقه صحفي منه .. وان يكون الدليل هو ان صاحب هذا المحتوى قد نشره على الانترنت قبل ان ينشره الصحفي في الصحيفة .. ويحق لهذا الشخص صاحب المحتوى الاصلي المطالبة بتعويض
سواء كان يدون او يكتب في منتديات او مجموعات بريدية .. ايا كان ..

بس كده
ده رأيي ببساطة
واعذرني لاني عندي فوبيا طبيعية من كل اشكال التصنيف والقولبة ووضع القواعد لاي شيء يحقق شهرة لانه بيكون في طريقه للفساد واحنا ما صدقنا لقينا مساحة من الحرية قبل ما نتخنق

Reformer1976 يقول...

عزيزي مونجي عايزين فعلا ندعو المدونين كلهم إنهم يحصروا السرقات اللي حصلت ونجمعها ونفضح أمهم

Reformer1976 يقول...

القهوة العالية

متفق معاكي طبعا مليون في المية
وأنا نفسي قلت في الحوار إن كونك صاحب مدونة دا لا يزيد في معناه عن كونك صاحب إيميل هكذا بدأ التدوين وهذه هي فكرته ... أنا بحب كلمة مدون لأن ليها دلالاتها الجيدة ليس في كونها وظيفة أو مهنة بل لأجل روعة فعل التدوين ذاته وهو الكتابة

المدونات دي زي البحر الكبير... عوالم متعددة ومتباينة ولا يمكننا أن نتناولها كحزمة واحدة

بعض المدونات في بلادنا تجاوزت الحدود العادية والطبيعية للتدوين وشرخت

وبسبب الافتقار إلى المصداقية والشفافية والنزاهة في كل (يعني جميع يعني بلا استثناء) الصحف التقليدية حكومة ومعارضة ومستقلة تميزت الخدمة الصحفية التي يقدمها بعض هؤلاء المدونين بشكل خارق لفت انتباهالعالم كله

الناس دي لما نقول حماية لحقوقهم الفكرية يبقى عندنا ألف حق في ظل عدم وجود ثقافة احترام حقوق النشر أساسا في بلادنا
ولما البعض يطالب بعضوية النقابة التي هي ليست كيانا حكوميا بل هي كيان يمثل فئة معينة من المواطنين

بعض المدونين (زي بعض المواطنين) هم صحفيين سواء معاهم كارنيه أو لأ
الكارنيه تحصيل حاصل

الفكرة التانية ... عمر ما القيود ما كانت بتيجي من النقابة

نحن لا نزال نثق ببعض الكيانات القليلة في هذه البلد ومن بينها نقابة الصحفيين ومن بينها نادي القضاة ونقابة المحامين عشان المحامين مش عشان نقيبها

النقابة لا تعني الرقابة يا جماعة
بل تعني كيان يمثلك قانونيا
يعني التضامن معاكي لما تترمي في الحبس بسبب أرائك
يعني حماية حقوق ملكيتك الفكرية وهكذا

النقابة تعني مزيد منالمهنية لهؤلاء الذين يقدمون خدمات صحفية متميزة جدا ولا ينقصهم سوى بعض المعايير المهنية التي تضفي عليهم مزيدا من الموضوعية ومن ثم المصداقية لدى القارئ العادي

عاوزين بس نعبر عن نفسنا؟ دا مهم طبعا
بس عايزن ودا الأهم نوصل للشارع
في أحداث وسط البلد الشارع دخل المدونات
دا إنجاز
عايزين نكمل في دا ولا نفضل نخبة بتخاطب نخبة؟

أعتقد إنه من مصلحتنا إننا أو على الأقل البعض مننا اللي بيقدموا خدمة صحفية إلكترونية من خلال التدوين من مصلحتنا إننا نوصل للشارع ونكسبه
ساعتها الشارع لنا هتكون حقيقة مش شعار

طب أعمل دا إزاي من غير موضوعية ومهنية عالية تضاف للمصداقية اللي أصلا عندي؟
يبقى أنا محتاج تحديدا أكون منتمي أو مرتبط بكيان نقابي طبعا المكان الطبيعي هو نقابة الصحفيين لمثل هؤلاء المدونين الصحفيين أما المدونين غير الصحفيين فمش محتاجين أكتر من حماية حقوقهم الفكرية بس دي جزء من ثقافة مجتمع لا يؤمن أصلا بحقوق الطبع والنشر
=============================

غالبا انتي الوحيدة اللي خدت بالها إني خلاص كشفت اسمي وهويتي الحقيقية من خلال اللقاء التليفزيوني دا ومن ثم كان طبيعي أحط الاسم من باب الموضوعية
بس طبعا كنت حاطه كدة متداري عشان ما حدش ياخد باله

ههههههههههههههه
=============================

أيوة يا ستي أنا طبيب
ومسجل ماجستير نسا وتوليد
بس لله أعلم إن كنت هكمل السكة دي ولا العمل الصحفي هيلحس دماغي

هوا انا صحيح دكتور بس عندك حق دماغي شكلها هندسة خالص

وعلى فكرة بقالي سنتين أكل عيشي الرئيسي هو العمل كمترجم

معندكيش حاجة عايزة تترجم؟
إنجليزي عربي/ عربي إنجليزي كله شغال

نهاره أبيض
على فكرة انبسطت جدا بترجمتك الحوار الفضيحة بتاع الراجل الكبير مع الجريدة الروسية
يا نهار اسود
تصلب الشرايين دمر دماغه خالص
محتاج ينزل له ويندوز من جديد
ويقال إن آخره ويندوز 95 لأن البروسيسور بتاعه تعبان والماذربورد بتاعته من الموديلات بتاعة قبل ما يقولوا يا بنتيوم أساسا

عمرو غربية يقول...

حقوق الملكية مشكلة عند بعض المدونين، بينما لا تزعج آخرين على الإطلاق. أنا مثلا أستخدم رخصة تسمح للآخرين بإعادة نشر ما على مدونتي بشرط الإشادة بالمصدر، و الحفاظ على المحتوى، و على أن لا يكسب الناقل من وراء النقل. ما عدا ذلك، يتعين على الناقلين قانونيا الرجوع إلي.

المدونات تنشر على وب، لذا فجمهورك هو جمهور وب، و ليس جمهور الشارع. جمهور وب في مصر على فكرة عدده 6 ملايين، يعني أكبر من الإخوان المسلمين بعدة أضعاف، لذا فهم ليسوا نخبة. ما قد نرغب في عمله هو تحويل هؤلاء من مدردشين و متجولين في المنتديات العربية إلى مساهمين في حركة صحافة شعبية.

أختلف معك في نقطة أن نقابة تجمع المدونين تساوي بالفعل الرقابة--إلا أنها رقابة تنفيذها أضعف كثيرا من الرقابة على الصحافة المطبوعة، مما يجعلها بلا فائدة. رأيي في هذا الموضوع شرحته مطولا في تدوينة عندي.

شــهــروزة يقول...

والله انا ما مصدقة اللى بيجرى لنا دة؟؟
بقا من شوية كلمات منطورة على الويب كدة وبنقرا لبعض وشوية ناس تانية فضولية سمعت عن التدوين دخلت تشوف اية الحكاية
لمرة واحدة تى فى وحوارات ونقلب نظام الحكم وووائل ومالك يتمنعوا من الاذاعات وكامن كريم يتقبض عليه

لاء لاء لاء
دة كتير عليا يا اخوانناا
=====
الف الف مبروك يا جرجس انت وعمر
انتم أحسن مثل اختاروه للمقابلة دى
ومش حتتخيل فرحت كانت أد اية لما عرفت الخبر الرائع دة
وكمان لما عرفت من تعليق عشتار بكلام الخواجات عن التدوين فى مصر


والله رجعتولنا الأمل تانى بعد ما كان الواحد خلااااااص
الاحباط نال منه ما ناله
وان كلامنا فى الهوا وعالفاضى
وأنا فخورة انى أقدر أساهم ولو مساهمة متواضعة جدا فى التغيير اللى بيحصل دة

عقبال ما تقوزوا يا رب بجايزة افضل مدونات
يكون عندنا خمس او ست مدونات من العشرة
يكونوا مصريين

قولوا امييين
=====
نقابة؟؟؟
لااااااااء
أنا أرفض مجرد الانضمام أو التبعية لأى منظومة أو نقابة
وكويس ان عمل نقابة صعب
وبركة يا جامع
========
الانميموس
كلامك يدل عنك
ولا تعليق

غير معرف يقول...

مبرووووووك أنت و الزعيم المفدى عمر قناوى .. بس على فكره أنا متفق مع القهوه العاليه .. أى محاوله لتأطير التدوين هاتفتح الباب للقيود .. و ده اللى يعتبر هدم لمبدأ التدوين من اساسه .. أعتقد المدخل هو أن فيه مدونات صحفيه بالفعل .. زى وائل عباس .. مثلا كل أنتاجه بالفعل تحقيقات صحفيه .. و ممكن اعتبار مدونته مجله حقيقيه .. لكن مدونه زى بتاعتى مثلا . أو مدونة شهرزوده أو عشتار أو القهوه العاليه .. كتابه لمجرد الكتابه و فتح ابواب المناقشه .ز و تعليق على أحداث تم نشرها بالفعل فى ماهو صحافه سواء مقروئه ورقيا أو من على النت .. التأطير أعتقد ممكن يعمل أزمه
مبروك تانى .. و نتقابل ضورى .. حتى نعمل حفلة عيد ميلاد عشتار على آخر الأسبوع

غير معرف يقول...

الاخ جرجس
موضوع النقابه ده مش كويس .. الناس دى عاوزه تعمل علينا رقابه مش نقابه.. يعنى بعون الله كده بقانون الصحافه الجديد..انت ممكن تتحبس بتاع خمسين سنه..علشان البوست اللى فات.. احنا فرحانين بيكم كده لا احنا عايزين كارنيه ولا رخصه.. وبعدين لما نطلع البطاقه الشخصيه الاول..
تحياتى من نيويورك

ألِف يقول...

أتفق مع منجي و بلوروز في معظم ما قالاه.

أتفق مع الحاج جرجس في أن التدوين وسيلة للتعبير ليس أكثر. لا تختلف عن الكلام. و أن صفته التقنية لا تجعله نشاكا مختلفا كما أن البريد الإلكتروني في مضمونه لا يختلف عن الحمام الزاجل في أن كلاهما وسيلة للتراسل، و في أن حماية الملكية الفكرية لما ينشر على إنترنت هي جزء من عقلية يجب أن تسود (و أزعم أننا بعيدين عنها).

لكني أختلف مع الحج في أن الكيان القانوني مطلوب للدفاع عن المدونين. المطلوب هو أن يكون حق التعبير هو الأصل المكفول للجميع، من لهم نقابة و من ليس لهم، من يحملب منهم الدكتوراة و من لم ير فصل مدرسة من الداخل في حياته.
من يرى أن الكتابة و الرأي أصيحا أو سيصبحا حرفته، فسيكون عليه عندها أن يسلك الطرق التي تسلكها المشتغلون بالرأي و الصحافة، دون أي اعتبار للوسيلة التي ينشر بها، رقمية كانت أو على جثث الشجر.
الوضع الحالي للنقابات و الاتحادات و تنظيم المهن في مصر هو أقل من المقبول بكثير.
كما أن الوصول للشعب و الشارع و تفادي النخبوية لن تساعد عليه النقابات، في رأيي، على أن طبيعة وسط النشر تحتم - حتى الآن - محدودية المتلقينن كما علق صاحب الأشجار. احنا اكتشفنا أن معظم ال عندهم نت ما بيتعبوش نفسهم في الفهم و محاولة النقاش و بيتناولوا ما يمتبه معظمنا بسطحية شديدة. النت في حد ذاتها لا تضمن التفوق العقلي في القراء.

أعترض:
- على المطالبة بإنشاء نقابة.
- على الانضمام إلى نقابة الصحفيين.
- على طلب الحماية الفكرية من نقابة الصحفيين.
- على أهلية نقابة الصحفيين بشكلها الحالي في تحديد من هو الصحفي و احتكارها لذلك.
- على كلام سلامة أحمد سلامة. لأن التعبير عن الرأي لا يحتاج إلى مؤهلات.
- على اعتبار التدوين فعل غير عادي يتطلب تقنينا و تنظيما و تكتلا و تشريعات خاصة غير ما يكفل حرية التعبير في عمومها.
- على محاولة تقسيم المدونات إلى فئات حسب ما ينشر فيها. و هو مستحيل عمليا و إلا ما لجئت المجمعات إلى شحذ كل جهدها لمحاولة تسهيل تصنيف محتوى المدونات.
- على وجود الصحفيين التقليديين الذين نقابلهم في كل مكان و يرعون في أتة الحكومة المحلولة في المؤسسات الصحفية المدعومة، و معظمهم يفتقر إلى أدنى قدرات التحليل و النقد و التعبير الواضح عن الافكار.

Reformer1976 يقول...

العزيز صاحب الأشجار

عندما دعيت إلى هذا اللقاء المتلفز لم أكن قد سمعت قبلا بموضوع دعوة بعض المدونين ومطالبتهم بالانضمام للنقابة
(نقابة الصحفيين تحديدا)
ولكن لما طرح الموضوع وجدت أن له مبررات وجيهة من جهة
وعليه تحفظات كثيرة من الجهة الأخرى

أتفق مع ما طرحته في مدونتك التي ناقشت فيها الموضوع بشكل شامل من أن الأصل في الأشياء هو حرية التعبير
فهو لا يحتاج إلى تصريح وليس هو امتيازا نسعى للحصول إليه بل هو حق أصيل لكل إنسان والمدونات كانت خير مكان للمارسة هذا الحق الطبيعي الذي تراه وأراه معك فعلا طبيعيا شديد البداهة كالمأكل والمشرب
نعم هكذا التعبير وحريته هي فعل إنساني طبيعي وبديهي وحق لا نزاع حوله ولا حاجة لتشريعه أو لتقنينه

ولكن تبقى قضيتان أساسيتان
كما أشار أحمد غربية في رده على تدوينتك القضية الأولى هي حماية حقوق الملكية الفكرية للمدونين وهي جزئيا أزمة عامى لا تخص المدونين وحسب بل تخص مجتمعا كاملا لا يؤمن ضمن منظوته القيمية (هذا إن صح القول أن مجتمعاتنا بها منظومة قيمية أساسا) مفهوم حق الملكية الفكرية أو حقوق الناشر

القضية الثانية هي قضية بعض وأقول بعض المدونين الذين تقدم مدوناتهم خدمات صحفية حقيقية
مثل هؤلاء لابد لهم من الانضمام إلى نقابة الصحفيين
لابد لهم من التمتع بميزات عضوية النقابة التي يكفلها الدستور للصحفيين بما يسهل عملهم الصحفي وتسهيل مهامهم الصحفية ومزيد من السلاسة في تغطية الأحداث وفي تضامن النقابة معهم في حال تعرضهم لمشاكل أمنية أو حال اتهامهم بأي ما يتعلق بممارستهم الصحفية

بمعنى اننا سنتفق على أن التدوين ليس مهنة بذاته بل كونك مدونا يشبه أن نقول بكونك مواطنا
ولكن كما أن ثمة مواطن يعمل صحفيا فإن ثمة مدونين يقدمون خدمات صحفية ويمارسون عملا صحفيا حقيقيا يستوجب معه الانضمام لنقابة الصحفيين واعتبار مدوناتهم هذه (وهي ليست هنا سوى حالات خاصة) كوسيط صحفي وخدمة صحفية حقيقية يحميها الدستور (قبل القانون)ـ

إذن الحالة الخاصة هي حالة بعض المدونات الصحفية والتي تحتاج إلى إعادة اعتبار من النقابة لأن هذه المدونات ومعها الصحف الإلكترونية هي صحافة المستقبل
بعد عشرين سنة من النهاردة لا أتوقع أساسا استمرار الصورة التقليدية للجريدة التي على ما تكون نشرت الخبر يكون الخبر أصبح قديما ومحروقا ويكون المواطن العادي أتيح ليه أن يرى بالصون والصورة الحدث وما بعد الحدث وتداعياته وتحليلاته والتعليق عليه وما إلى ذلك وكل دا والجريدة التقليدية لسة ماثلة للطبع

بالطبع الوسيلة الصحفية الوحيدة التي ستواكب هذا الزخم الإعلامي الإخباري الفضائي المرعب هي الصحافة الإلكترونية التي تضم طبعا المدونات الإخبارية

اللي بنتكلمك فيه دا المستقبل يا اخوانا

يا ريت الإخوة الصحفيين التقليديين يعرفوا من دلوقتي إنها هتروح عليهم قريبا جدا

الحاجة التانية
معظم الجرايد في العالم النهاردة لها نسخة إلكترونية تشبه كمدوناتنا كثيرا بينما نتميز نحن حتى عن كثير من هذه الصحف الإلكترونية بمساحات الحرية المذهلة وإمكانية الكتابة التفاعلية من خلال البوستات والتعليقات

الحاجة التالتة
شوف كم الصحفيين اللي النهاردة بيخشوا عالم التدوين بسبب عدم إشباع الصحف التقليدية لرغبتهم في التعبير بلا حدود وبلا قيود

التعبير حق لكل مواطن
التدوين حق لكل مواطن
بعض المدونين صحفيون أردنا أو لم نرد
ومن حق هؤلاء الانضمام لعضوية نقابة الصحفيين

بس خلاص

وائل عباس يقول...

ماهو أنا أخذت البوست بتاعك
ونشرته في المجموعات البريدية
فناس ردت عليا بقلة ادب
وان انا بانشر اشاعات
ومصر ما بيحصلش فيها كده
والوحدة الوطنية والبطيخ
زي بالضبط موقف الحكومة في موضوع التحرش

Reformer1976 يقول...

العزيزة شهروزة

الموضوع بتاع النقابة ده واضح إنه مطروح من زمن بين المدونين القدامى

طبعا تأثيرنا كمدونين النهاردة بقاش محل جدال ... ولو ما لناش تأثير ما كانوش هاجمونا كل هذا الهجوم ولاتهام بعد المهنية وعدم المصداقية

وبيستخدموا الراجل الغلبان سلامة أحمد سلامة في الهجوم علينا والتشكيك فينا على أساس إنه من الوجوه المقبولة بين النخبة المثقفة
بس بجد عيب اللي الراجل بيعمله ده ودي سقطة في حقه
هو بيتكلم بشكل يبدو لك أنه موضوعي في حين إنه بيستخدم من آخرين للتشكيك في مصداقية المدونين ودا كله طبعا بعد زلزال فضيحة التحرش الجنسي الشعبي في وسط البلد وفضيحة الحماية الأمنية للمتحرشين فالموضوع وهو بيثار بالطريقة دي بيثار إثارة أمنية بحتة

هي دي القراءة الصح
بس هم ما ينفعش يعتمدوا على عملاء الأمن من نوعية كرم جبر لأن ما لهمش مصداقية عند حد
لكن سلامة كلامه تقيل ومؤثر

في رأيي إن رأي جمال فهمي وهو من يمثل النقابة كان لطمة على وجوههم
لأنه حرق عليهم الفيلم كله
جمال اتكلم بمنتهى الموضوعية وهو صحفي تقليدي قبل أن يكون نقابيا

وأقر بأن بعض المدونين مدوناتهم عي بالفعل تقدم خدمات صحفية متميزة ومتفوقة على الصحافة التقليدية بل وطالب بتعديل تشريعي لأجل تمكين مثل هؤلاء المدونين من الانضمام للنقابة

بحاول بس أقرأ معاكي الموضوع صح
الزلزال دا اللي لازم يشكروا عليه هم وائل ومالك والشرقاوي

فضيحة إن وائل ومالك يتمنعوا من دخول التلفزيون
فاهمة قراءتي لليلة؟

Reformer1976 يقول...

أستذ وائل عباس

الحقيقة لما تتشتم في قضية زي حادثة أبويا (اللي هي بالقطع لا تقل على الإطلاق في عموميتها وليس خصوصيتها عن أحداث سعار وسط البلد) يبقى شرف ليك
الحادثة حقيقية وأنا أعلم تماما أنها حقيقية زي ما انت تعلم أن أحداث التحرش اللي حصلت قدام عينيك حقيقية

أنا كمان اتشتمت في البوست دا واتهمت بالكذب واتهمت بالإساءة المتعمدة للإسلام
وبالمناسبة عاتب عليك من يومها في قولك في تعليق في ذلك البوست أنك مستعد لتحمل وزر تكفير أي حد يقول أن هذا هو الإسلام
لأن البوست دا كان عنوانه لو تفتكر
أهذا هو إسلامكم؟ شكرا!ـ
الحقيقة فهمت من كلامك أنك تجيب على سؤالي الاستنكاري بهذا الرد التقريري وصدمت من فكرة أن وائل عباس بوعيه المصري أساسا بيطرح فكرة التكفير من حيث المبدأ

طبعا يا صديقي أذكر هذا الأمر وهذا العتاب من باب الشيء بالشيء يذكر
وطبعا لم يكن عندي فكرة إطلاقا بأن انت شخصيا اتشتمت بسبب البوست المذكور

Reformer1976 يقول...

عزيزي الفارس القادم

متفق مع ما تقول يا فيلسوف يا جامد
بس هو كان مهم إثارة الموضوع والرد على المدعين بعدم مصداقيتنا

الموضوع فيه هجوم بشكل أساسي من تحت لتحت على مصداقية المدونين
ودا اللي احنا بالأساس كنا بصد مواجهته

قضية النقابة قضية فرعية على الرغم
من أهميتها إلا أن القضية الأساسية هي المدونات كوسيلة للتعبير ومدى تأثيرها بل والزلزال التي أثارته مؤخرا في أكثر من موضوع

Reformer1976 يقول...

العزيز ألِف

أعجبني جدا تعليقك الجامع المانع
ولاحظت أنك رافض ومعترض على الجميع
:)
معترض على المؤيدين وعلى المعترضين أيضا

فاهمك يا باشا يا عم المعترضين
اعتراضاتك كلها موضوعية
ومتفق مع جوهرها بغض النظر عن بعض الاختلافات في الشكل

أعتقد أنه على الرغم من اعتراضاتك إلا أنه يبقى واقع أن الموضوع مهم وجدير بالجدل الدائر حوله

الأزمة من تاني وتالت ورابع لم يثرها المدونون بل أثارها بالحقيقة الحكوميون وكل ما نحن فيه من جدل واهتمام إعلامي بالليلة بتاعة التدوين لها كدة على بعضها من تبعات زلزال الوعي المصري بتاع تحرشات وسط البلد

سمعت آخر نكتة؟
بس دي نكتة بجد
يعني شر البلية وكدة
بص يا سيدي
جمال مبارك عمل مدونة!!!ـ
إيه وسعت دي؟
طب بجد جمال مبارك عامل مدونة
عنوان المدونة
جمال مبارك مصر دوت بلوج سبوت دوت كوم
http://jamalmobarakegypt.blogspot.com/
طبعا اللي ماسك المدونة واحد من رجالة الباشا اسمه أحمد بيه قرة
(لا يكون قريبكوا ولا حاجة)
واسم الكدونة نكتة أخرى
فاسمها مركز المصداقية والشفافية
اللطيف في القصة إنه المدونة
معمولة بقالها أكتر من شهر
وفيها إسهال بوستات
وكلها إما دعوات لتأييد جمال مبارك أو شتيمة خصومه والتريقة عليهم
النكتة الأكبر هي إن عدد التعليقات على كل البوستات ثابت وهو....
صفر

ههههههههههه

فكرت أرد على بعض البوستات وأبهدلهم
بس عجبتني أكتر فكرة أن الصفر يبقى صفرا

روحوا اتفرجوا واضحكوا بس اوعى حد يحرك الصفر
=================


هذه المدونة ترد على من يهاجموننا بأن لا مصداقية لنا
بأن حتى ولي العهد غيران من المدونين
ونفسه حد يعبره برد أو تعليق
لكن المحصلة صفرا كبيرا
بينما بش على مدوناتنا وشوفوا الزيارات والتعليقات أد إيه

مالك ضرب الرقم القياسي في التعليقات
حواي 800 تعليق في موضوع التحرش
والوعي المصري زارها نصف مليون في فترة الأحداث بتاعت التحرش برضه

والبيه مدونته رصيدها صفر
ولا حتى العيال بتوع الحزب الوطني بيروحوا يعلقوا عنده

هههههههههههههههههههههههه

ألِف يقول...

أرجوك تمسك بقدسية الصفر!
أنا أيضا كنت أدعو إلى الحفاظ على الصفر في مدونات بعض الصحفيين، إلا واحدة لأحد مسوخ الجمهورية لم أتمالك نفسي فيها، و كان آخرون سبقوني إلى التعليق عليها حقيقة من فرط سخافتها.

الصفر قيمة برضو.

(شفت المدونة المذكورة للتو..مسخرة فعلا)

غير معرف يقول...

معاك ان كلمة مدون ليها روعتها لارتباطها بفعل الكتابة الفاعلة واقصد انك تكتب ويقرأ لك الاخرون
او حتى ان تكتب وتزيح عن صدرك
قبل اكتشاف التدوين كنت احيانا اشعر باختناق الكتابة داخلي حتى حد الصراخ

كل ما يخيفني ان يدخل الامر في نطاق القواعد والقوانين .. وانت عارف اي حاجة في بلدنا لما بيعلمولها قانون لازم تخرب

المدونين عاملين قلق مش في مصر بس في الصين والسعودية وتونس ومحدش عارف يسيطر عليهم لانهم ببساطة شديدة فضحوا مجتمعاتهم بمنتهى المصداقية والدقة وبلا هدف او سعي لمكسب شخصي لانهم ببساطة ليس لديهم ما يعرف في عالم الصحافة ب(تارجت ريدر)
TARGET READER
او القارئ المستهدف اللي بيكتبوا من اجله
انا مش معترضة ابدا على حماية الحقوق .. قانون الملكية الفكرية موجود وباقي اننا نقدر نطبقه ونوصل انه يطبق على المحتوى المكتوب على الانترنت
ممكن يبقى فيه جماعة حقوقية مثلا ننتسب ليها كمدونين ويكون فيها بعض المحامين والمتخصصين لمساندة أي مدون او اي شخص يسجن لانه أدلى برأيه على موقع أو مدونة على الانترنت وتكون جماعة أهلية ويتم تمويلها من قبل تبرعاتنا مثلا .. حاجة زي كده

ياسيدي الفاضل النقابة دي موال طويييييييل صدقني وفيها من الصراعات ما فيها ولا ارى انها قامت يوما بمساعدة اي صحفي مسجون بصورة قوية واغلب ما يسعى لعضويتها يكون من اجل الفوائد المادية والادبية العائدة من ذلك .. كما ان الانضمام ليها شبه مستحيل لمليون سبب قانوني وفني وواقعي

كما ان طبيعة التدوين لابد ليها من تشريع مخصوص يؤهل اصحابها لعضوية النقابة .. كما انه هيتعين على المدون اللي ينضم ان يخضع لعدد من الشروط هيتم تفصيلها لاجل المدونين للسيطرة عليهم وبكده هينفصل المدون من كيان المدونين ويتحول لكيان صحفي على الانترنت تابع للنقابة وخاضع لقواعدها
وعلى فكرة دخول اي مدون النقابة هيخليه يخضع لشروط وقوانين الصحافة ومنها مثلا انه لازم يجيب وثائق وأدلة على كل كلمة يقولها وان يمنع من سب الشخصيات العامة واستخدام بعض الالفاظ
يعني من الاخر هيبقى جرنال أونلاين


-اسمح لي اختلف معاك في مسألة الكيانات الموثوق فيها .. عن تجربة وقناعات شخصية انا لا اثق في اي كيان جمعي في بلدنا من اي نوع لا نقابة ولا حزب ولا حركة .. اؤيد مواقف وقرارات منفصلة ولكن لن اتبع ولن اثق في اي كيان بصورة مطلقة ابدا لا محامين ولا صحفيين ولا قضاة ولا غيره .... كله يا صاحبي حركات


ماهي المشكلة يا حاج يا اخويا في عايزين دي .. احنا مين؟؟؟
وعايزين ايه؟؟
مين اللي بتتكلم باسمهم ؟
وايش ضمنك ان كل واعني كل المدونين يريدون الوصول للشارع او عايزين اي محتوى سياسي او اجتماعي من اي نوع؟؟

============================
معلش بقى اخدت بالي من الاسم
بحكم الشغل الواحد عينه بتقع على التفصيلة المهمة في اي نص
وبحكم ان للاسماء المألوفة وقع ما
فالواحد عينه مابتقدرش تعديه
========================

صحافة إيه يا بني
خدها مني نصيحة (نصيحة مجرب)
سيبك من الصحافة وقرفها
في حد يشتغل في الهم
احنا شغلتنا مصايب الناس وهمومها .. بنشتغل في وجع القلب

خليك في الطب
داوي آلام الناس احسن ما تشتغل فيها
انا شخصيا كانت امنية حياتي ان اكون طبيبة .. بس طول عمري أدبي والصحافة لحست مخي من أيام الدراسة

====
بالنسبة للترجمة حاولت اشوف لك إيميل عشان ابعت لك عليه ما امكنش .. مالقيتش إيميل .. كنت عايزة اسألك على شوية حاجات في الموضوع ده يمكن يكون عندي فعلا ...

========
متشكرين يا سيدي ..
دي شغلتنا بس مش من الروسي طبعا
دي كانت النسخة الانجليزي بتاعة الجرنال

ويندوز ايه
ده لازم يشيلو له العدة

وبعدين الاجهزة القديمة دي بتهنج لو نزلها ويندوز جديد

===

غير معرف يقول...

ازيك يا جرجس معرفش ممكن تكون فاكر كازانوفا اللى كان عالطول ضدك فى مدونة سوسة ولا لأ المهم انا شايف انك تظهر على التلفزيون وانك تروحلهم لحد هناك برجليك وتتطلع فى برنامج تبع قناة من قنوات الحكومة انك سهلتلهم انهم فى وقت ممكن اعتقال عالطول ياباشا ياريت يا جماعة نكون حذرين اكتر من كده شوية ونركن الشهرة والكلام الفاضى ده على جنب

كازانوفا®

غير معرف يقول...

انا عارف انك رايح هناك دفاعا عن المدونين والحقوق الفكرية ليهم ومش قصدى الشهرة انى انتا هتحبث عنها لأ انا قصدى كل مالواحد هيبقى مشهور هيزيد الطين بله وهيتعرف اكتر وانا شايف انى عالم المدونين كبير ومش محتاجين تلفزيونهم فى حاجة وادى وائل عباس اتمنع والبقية تأتى

تقبل تحياتى
كازانوفا®

alnadeem يقول...

عزيزي كا زانوفا
مع كل احترامي لوجهه نظرك بس انا شايف العكس تماما
انا شايف ان الصح هو ان احنا نتكلم ونعبر عن نفسنا في أي فرصه تيجيلنا في الشارع او التليفزيون أو مع الناس ع القهوه
يا جماعه الناس لازم تسمع صوت بيقول كلمه الحق في الزمن ده
الناس لازم تتعلم تتكلم بشجاعه وصوت عالي لأن ده هو اللي هيغير البلد
أما حدوته انهم يقبضوا علينا بسبب اللي بنقوله
فمالهمش عندنا غير كلمه واحده
طظ
ثم طظ

خصوصا ي أستاذي إن احنا في مصر يعني هما مش محتاجين سبب عشان يقبضوا علي حد وانت عارف كويس انهم ممكن يقبضوا علي واحد لمجرد ان شكله مش عاجب سعاده البيه المخبر
طيب مادام كده كده الواحد معرض للسجن
يبقي يتسجن عشان حاجه بجد بقي

Reformer1976 يقول...

النديم

ياااااااااااااااه
أخيرا النديم خرج عن صمته يا رجالة!!!ـ

يا عم فينك؟
سايبني أرد ع البشر دي كلها لوحدي؟
هو البوست دا مش برضه شرك وكدة؟
أنا تعبت وعملت البوست يبقى انت يا حلاوة ترد وتوجب مع الزباين
وبعدين عم وائل عباس عايز الشريط
خلي أخوك يبعته من قنا إنشالله بواسطة شركة شحن زي ميدل إيست مثلا
بياخدوا كلام فاضي وبيجيبوا لك الحاجة خلال 24 ساعة

ابقى بالمناسبة خش بص على مدونة الوريث واضحك شوية بس اوعى تعلق

Reformer1976 يقول...

القهوة العالية

يا ستي أنا تقريبا متفق تماما مع كل ما قلتيه... بس أنا بجد مستمتع بالحوار الداير ده وبالأخد والعطا حوالين الموضوع
كل دا بيضيف ويثري للتجربة التدوينية أكثر وأكثر

مش معنى إن التدوين والكتابة فعل عادي وطبيعي إنه غير مؤثر
بالعكس هو فعل أصلي وأصيل وحق
ولذا فهو مؤثر متى كان صادقا ويلمس احتباجات الناس أو واقع حياتهم
====================


عشان خاطرك الإيميل جاهز وموجود في البروفايل
ومنتظر إيميلاتك

هو انتي مترجمة برضه؟
مع إن برضه شكلك مهندسة
;)

alnadeem يقول...

إنت يا ابني
إديني عنوان مدونه الوريث خليني ادخل وانبسط شويه

Reformer1976 يقول...

أستاذ كازانوفا

طبعا فاكرك يا عم الحاج
إلا قول لي بالمناسبة؟
بعد أحداث وسط البلد.... وبعد ما المحجبات والمنقبات تم انتهاك أعراضهن هل ما زلت عند قناعتك بأن المشكلة إن البنات بتلبس زفت؟
(دي حتة شكل على الماشي يا باشا)
============

ردا على وجهة نظرك
أضيف على ما قاله النديم ما يأتي
القضية ليست قضية شهرة بل قضية تأثير

من البديهي في الفضاء الافتراضي استخدام أسماء غير حقيقية وهكذا
لكن لما أُسأل سؤال مباشر في لقاء تلفزيوني مدونتك يا دكتور فلان اسمها إيه؟ يبقى لازم أجاوب حتى لو دا كشف هويتي للناس
القضية قضية اتساق مع النفس
أنا بجد عايز اللي بقوله يوصل ويؤثر في الناس؟
ولا بس عايز أنفث؟
كما قال عمر هنستغل كل الطرق المتاحة أمامنا للتعبير
سنناضل بالكلمة
سنناضل بالمظاهرات
سنناضل بالكتب والوعي
سنناضل بعملنا الجاد كل في مجاله
مش هنخليهم يمسكوا علينا غلطة
النتيجة إيه؟
مزيد من التحلل والتفكك لمنظومة أكل عليها الدهر وشرب واتكرع ونام

خلصت يا حلاوة
النهاردة بجد محتاجين الناس اللي بتفهم تعمل كل اللي تقدر عليه في إطار أخلاقي ودستوري طبعا

وسنناضل ... سنناضل.. سنناضل
(حلوة الحتة الحنجوري دي)
;)

Reformer1976 يقول...

عمي وعم عيالي

النديــــــــــم

خش يا باشا وفرفش

jamalmobarakegypt.blogspot.com

بس اوعى عقلك يطاوعك وتعلق
التعليقات هناك صفر وعايزينها تفضل صفر

دي نكتة الموسم بجد

tota يقول...

جرجس

بصراحة قريت تدوينات تحفة فى بوست مشابه لبوست جمال بس مقدرتش امسك نفسى من الضحك من التعليقات اللى بتتكتب عنده
القى نظرة عليه
http://thenewegypt.blogspot.com/
بجد فعلا حدث يذكر فى التدوين
والجميل ان فى تعليقات والاجمل انه مؤدب ومش بيرد على اى تعليق

تحياتى

Reformer1976 يقول...

توتا

شكرا شكرا شكرا
you made my day
كما يقولون في الإنكليزية
لقد دخلت إلى المدونة المذكورة
وبعد حرقة دمي من البوستات
فتحت التعليقات وضحكت حتى استلقيت لى قفايا
الواد علاء السادس عشر دا طلع كارثة
لأول مرة أستعذب الشتيمة وأشعر أنها حلال في حد
هههههههههههههههه

نهاره أبيض يا عسل

alnadeem يقول...

جرجس
إلحق بسرعه
انا دخلت علي مدونه غير اللي انت بعتتهالي
إسمها مدونه جمال مبارك
وبيدعي فعلا انه جمال مبارك وعامل مدونه عشان يتفاعل معانا
إدخلوحاول تفهم

Reformer1976 يقول...

الحقني طب بالعنوان يا باشا

alnadeem يقول...

هي إسمها الوريث
gamalmobarak.blogspot

Reformer1976 يقول...

النديم

بس الواد اللي عاملها دا ولد
الفكرة على الرغم من أنها فقيعة بس حمست الناس إنها تتعامل على أنها بتاعته فعلا
فيه حد قال في تعليق أنه مين عارف يمكن جمال الحقيقي يقرا المدونة دي وساعتها تبقى الرسالة وصلت

سوري يا نديم بس أنا بلغت جيمي عليك وقلت له إنك كنت عايز تجندني وتخليني أكتب الفصل التالت م المسرحية وانا اللي رفضت
طبعا هو مش دا الي حصل بس انت قلبك كبير وعارف إن قصاد الباشا المخبر كلنا بنبقى لا مؤاخذة


سي يو ألا بورش مون امي

غير معرف يقول...

please someone help, am away from my computer and am not able to log to msn messanger,PLEASE TELL ME IF IT IS TRUE THAT RAMI IS ARRESTED OR NOT? IF HE IS WHEN DID THIS HAPPEN? WHY ? HE CAME BACK FROM FRIDAY'S SIT IN AND IT WAS OK, GERGES WILL U PLEASE TELL ME ANYTHING? I HAVE BEEN TRYING TO CALL HIS HOME NUMBER FOR THE LAST DAY AND NOONE IS ANSWERING, ITS the only number i hVE I Hv eno other contact with him, please someone tell me what is going on , am dieing out of worries, pleeeeeeease,

alnadeem يقول...

يا حفصه
ما تقلقيش علي رامي
هو اتمسك امبارح من الشارع تحري
لأن حضرته كان ماشي الساعه 4 الفجر
الموضوع بسيط
ما تقلقيش

غير معرف يقول...

SENT U AN EMAIL
check it
confirm upon receipt
sorry for the annon

لعنة الله على البلوجر والبيتا
والجهل التقني أيضا
:)

حفصة رامي اتمسك امبارح بعد الفجر لانه لانه كان فيه حملة امنية عشان الريس بيخطب في مجلس الشعب عقبالنا جميعا
المهم انه اتضح ان فيه تشابه بين اسمه وبين اسم واحد عليه حكم سجن
وان شاء الله ما ان يتضح اللبس هيخرجوه ماتقلقيش الموضوع بسيط
وان شاء الله خير

القهوة العالية
http://resstlesswaves.blogspot.com/

Reformer1976 يقول...

حفصة

أتمنى أن يكون كلام النديم والقهوة العالية طمأنك شوية

طبعا لا يوجد شيء مطمئن حقيقة في بلدنا بلد الأمن والأمان لكن أهو اتمسك تحري دي أحسن شوية من إنه يكون اعتقل

يلا السجن للجدعان
وما بلدنا إلا سجنٌ كبير

طبعا ما فيش استهداف للمدونين على الاطلاق ولا حتى استقصاد

فأي واحد مدون هيتمسك من هنا ورايح لازم تبقي عارفة إنه اتمسك لأسباب لا علاقة لها بالتدوين
بس دا ما يمنعش إنه هيتمسك

شوفي ازاي احنا بقى ظالمينهم ومتصورين إنهم بيتمسكوا عشان التدوين
وكإننا أصلا بني آدمين أو فيه حد إحنا فارقين مع أمه أساسا

غير معرف يقول...

شكرا للنديم و صاحبة القهوة العالية لكن
انا متخشش في ذمتي حكاية ان اسمه متشابه مع اسم واحد تاني عليه قضية
انا كتبت حاجة صغيرة عندي في المدونة بتاعتي

دي اسمها سياسة تنويمنا في العسل
عذرا لا احب التلزيق او اللحوسة

الحرية لرامي مهما كانت الاسباب ان شاء الله كان سارق جرام جبنة من عند البقال و احنا حنتصرف فيه بعد كده لكن
الحرية لرامي
الحرية لرامي
الحرية لرامي

saso يقول...

ليه التقسيم وكارنية صحافة والكلام ده..يادي العقل لما احنا بنكتب علشان نكتب بطريقتنا وبراحتنا في كيان منفصل ما كنا كتبنا في الجرايد اللي بتطلع كل عشر دقايق وخلاص
انا عن نفسي لا مع التقسيم ولعبة الكاتيجوري دي عمري ماحبيتها
مدونة اجتماعية ومدونة سياسية ومدونة-ماتسالنيش يعني ايه-ذاتية!!طب والباقي ايه يعني مستلفينها

عن الملكية الفكرية فمتهيالي احنا عارفين واحنا بنكتب انها صفحة مجانية واللي بيتعرض جواها متاح والا نسجلة
اتضايقت ساعة مثلا لما تدوينة اتحطت من غير اسمي في جورنال علي قده بعد كده نسيت ماهي متاحة كده كده
ممكن تتسهل عملية التسجيل للي يحب يحمي تدويناتة لكن ميثاق صحفي دي واسعة اوي

soosa el-mafroosa يقول...

ايه ده ايه ده

ايه الحلاوة دي يا عم

اتشهرت باه و ماحدش هيعرف يكلمك

مش هنعرف نكلمك ليه..ماحنا مش هنعرف نروحلك المعتقل ..هو احنا وش معتقلات و الا ايه؟

بالنسبة لموضوع النقابة...يا عم بلا قيود و خنقة و بقعدوا يقولولك هات مستندات و بلاش تعدي الخطوط الحمرا

يا عم فكك

بس حلوة الحتة الجلد قوي..م العتبة دي يا جرجس والا ايه

قوللي لو سمحت لكام عشان أعنل جمعية و اجيب للواد أخويا حتة زيها

آه ..شكرا يا باشا ع التوليع اللي في المدونة

دا حتى عبدالله مفتاح بأه رايق و شكلكوا هتبقوا صحاب

لكن انت ظهرلك أصدقاء جداد..كازانوفا وواحد من الناس
ادعيلي باه اني بعرفك ع الناس الحلوة دي اللي بيشبعوا هوايتك في التوليع


تحياتي يانجم

غير معرف يقول...

أنت يا زفت ياجرجس .. قاعد تحتفل هنا و سايبنى فى العك اللى انت عكيته عند سوسه ؟ المهم .. كلمنى ضرورى عشان نرتب يوم الخميس .. و اتصرف فى القرف اللى انت فتحته هناك ده .. جتك نيله فيك وفى ريسك الحالى أو المستقبلى

Reformer1976 يقول...

الملهمة العزيزة حفصة

طبعا الموضوع كله تلزيق ولحوسة ولغوصة وهي دي سياسة المرحلة

والمدونون في رأيي هيتمسكوا واحد ورا التاني واحد لأنه قليل الأدب وبيشتم في الأديان (ودي تهمة ما لهاش علاقة بأنه بروح أمه مدون) وواحد هيتاخد تحري (حد قال له يمشي الساعة اربعة الصبح في بلد الأمن والأمان؟) وواحد هيتمسك لأن ليه ملف أداب قديم (راجعي اتهامات مساعد وزير الداخلية للزميل عباس والتي توحي بأن ساعته قربت) وواحد هيتمسك في مظاهرة وواحد هيتمسك في شقة مفروشة والسمعة بتاعة المدونين هيتم تلطيخها عمدا والدم هيبقى للركب

وكله مالوش علاقة بالتدوين
على فكرة أنا من هذا المنبر أعلن اقتناعي بكل الأطروحات التي طرحها الزملاء من رفض تقنين التجربة التدوينية وتهذيبها وقصقصة جناحاتها تحت أي مسمى رسمي

هذه البلد لا يمكنك أن تثقي فيها في أي مؤسسة ومن هنا جاءت صرخة عالم التدوين بثوريتها وتمردها وخروجها عن النص... في اعتقادي سيسجل التاريخ يوما ما إنه في هذه البلد وقف بعضنا وقالوا لا وفضحوا كل فساد المؤسسات سواء السياسية أو الاقتصادية أو حتى الدينية

وسنظل نناضل بالكلمة وبالمظاهرة وبالعمل الجاد وبالتنمية الحقيقية حتى الموت

سنناضل سنناضل سنناضل
وبجد مش هزار

والحرية لرامي ولكريم
الحرية لرامي والحرية لكريم

الحرية لكل معتقل رأي في دين أم المخروبة دي

مش ناوية تيجي أجازة قريب؟؟

alnadeem يقول...

إنت يا فارس يا أخير
إللي يتكلم عني انا والحاج يتكلم بأدبه
إحنا شخصيات عامه دلوقتي ولينا كلمتنا المسموعه في البلد

Reformer1976 يقول...

ساسو

أتفق معك 100 % في طرحك
من الهطل أن نراهن اليوم على أي مؤسسة

كلهم ولاد لذينة عايزين الحرق

الصحافة التقليدية انهارت وفقدت كل مصداقيتها
عايزين تجربتنا تفضل في تطورها ونموها بإيجابياتها وسلبياتها بقوتها وبضعفاتها
وستنمو نموها الطبيعي
في اعتقادي أن المستقبل لهذه النوعية من الكتابة الإلكترونية
وهذا هو سبب غيرتهم منا
لا لضم المدونين لأي مؤسسة
لا لتدجين هذه الفئة التي منذ البداية ترفض التدجين
لا لقمع الحريات باسم التقاليد والفرامل والقيود المهنية
لا نريدها مهنة بل نريدها كما هي ... صرخة
صرخة في وجه الظالم والمفتري وابن الحرام
كفاية قرف بقى

Reformer1976 يقول...

العزيزة سوسة

أهلا بيكي في بيتي
يا ستي لا شهرة ولا نيلة
هي بس الصدفة
بس كان لقاء لطيف وسلامه عليكم عليكم السلام وخلاص
يعني أحمد فضل هو الحاج أحمد

بالنسبة لموضوع زيارتك لي في المعتقل
أنا هبقى أوصيهم في اللوبي يخلوكي تنزلي في قاعة كبار الزوار
إنتي بس ابقي ساعتها تعالي زوريني وأنا هخليهم يعملوا معاكي الواجب


بالنسبة لموضوع النقابة
رأيك مظبوط
إذا كنا إحنا يا مدونين مش عارفين نستحمل أراء بعضينا هم اللي هيستحملونا
إذا كان المدونين عندهم خطوط حمرا بيشرشحوا للي يعديها
يبقى المؤسسات هي اللي هتحمينا؟
نبقى نتعلم ألف باء حرية وأخلاق الاختلاف الأول وبعدين ندور على الملكية الفكرية


بالنسبة للزاكتة الجلد دي تفصيل مش جاهزة زعاملة ربعميت جنيه ودفعتهم قسط مش كاش
ههههههههههههه


بالنسبة للتوليع في المدونة
لم أكن أتصور وأنا اثير هذا النقاش إن الحديث سينحدر إلى هذا الدرك السافل من الردح والشرشحة وأخص بالذكر الشتام كازانوفا والمتخلف واحد من الناس
ألا يمكن لأمثال هؤلاء أن يتعلموا الأدب في النقاش؟
ألا يمكن أن يتعلموا كيف تتناقشين بموضوعية؟
موضوع فرض الحجاب على النساء جميعا وقسرهم على ارتدائه موضوع يمسني كمواطن في هذا البلد في قلب بيتي وتقسيم نساء بلدي إلى بارة أو فاسقة بحسب لبسها يمس مواطنتي ومواطنة أختي وأمي ولن أسمح لأحد أن يكمم فمي ويسلبني حقي في مناقشة الأمر والجدل بشأنه
أما فحوى حديثي ومباحثتي فلم يكن فيها شبهة إساءة للإسلام ولا للمسلمين
أما الذين ردوا فأساءوا لشخصي وللدين المسيحي وتحدثوا بسفالة وتدني أخلاقي لا مثيل له
أتمنى أن تراجعي كل ما قلته عندك في مدونتك وتبلغيني إن وجدت إساءة في كلامي لأحد

لك مني كل تحية واحترام وإنني لآسف أن أجد من يدعون الثقافة والاستنارة من أمثال هؤلاء المدونين الوضعاء وقد حولوا كل نقاش بالعقل إلى ساحة قتال ومنبرا لتكفير الجميع والازدراء بالأديان والتهكم على الآخر

لك الله يا مصر لو كانت هذه هي نخبتك!!ـ

Reformer1976 يقول...

الفارس القديم

يا أخي الواحد كل ما يقول إنه لسة فيه أمل في هذه المخروبة يرجع يلاقي الأشكال الوسخة اللي قلعت مخها من رجليها من سنين ودارت حفيانة فيرجع يقول
كفاية حرام
أتحدى لو وجدت أي عك في ما قلته عند سوسة
كل ما قلته كان منطقيا جدا ومرتبا جدا
أزمتهم الوحيدة إزاي واحد مسيحي يناقشهم في ما يعتقدونه ثوابت وتابوهات
بما أن الأمر يمسني ويمس مواطنتي فلا ثوابت ولا تابوهات ولا خطوط حمراء
هم اختاروا مرجعية سلفية مدمرة وقاتلة للعقول والأذهان دي مشكلتهم هما مش مشكلتي
وليشرب الوطن
وآه عليكي يا مصر

Reformer1976 يقول...

فخامة الرئيس النديم

الولد دا يا ريس نسي نفسه
هذا الإمبريالي المتعفن اللي عايز يحتل ليبيا والسودان جاي يتكلم على البروليتاريا الحاكمة بهذه الوضاعة

ألا يعلم هذا المتعفن أن الحتمية التاريخية تؤكد انهيار دولة رأس المال تحت أقدام البروليتاريا الكادحة؟ ألا يعلم أن مآله هو وأمثاله إلى مزبلة التاريخ؟

معلهشي يا ريس يا حبيبنا
عيل بورجوازي وغلط

mohamed يقول...

انا من رأيى ان قوتنا فى عدم انضمامنا لأى نقابه احنا نفضل كده احسن احنا لا عايزين فلوس ولا دعم ولا حتى رعايه صحيه

غير معرف يقول...

سيد تركي,
الف مبروك ع الظهور لاول مرة علي التي في و ان كان دة ظهور اتاخر كتير,دة اولا.
ثانيا:
اقتراح ممكن نناقشه لما نتقابل قريب في و سط البلد و هو فكرة تكوين رابطة من صحفيي الجرائد الورقية غير النقابيين و صحفيي النت الحقيقيين.و نحاول ندور لها علي اي صيغة حقوقية او قانونية.و نتناقش مع الناس خصوصا و ان النقابة داخلة علي انتخابات و دي فرصة كويسة لممارسة نوع من الضغط عليهم.
اوك يا ريس
لنا قعدة مع قناوي.سلام يا حاج

Reformer1976 يقول...

عزيزي محمد

أهمية موضوع النقابة كانت في أن يكون للمدونين كيان يضمهم ويحمي حقوقهم وليس أن يكون قيدا عليهم وهو بالتأكيد ألأمر له إيجابياته ومجرد المطالبة بنقابة أو تمثل نقابي - لبعضهم على الأقل ممن يمثلون صحافة شعبية - أمر مهم بالطبع

Reformer1976 يقول...

عم سيد يا تركي

خد تليفوني من عمر وكلمني ونتفق نتقابل مع بعض في أقرب فرصة للحديث عن الموضوع

لكي لا ننسى دم أحمد علي مبروك