١٠‏/١١‏/٢٠٠٦

كريم عامر حبسوه... الدور الجاي على أي واحد فينا... إديها كمان حرية

لمتابعة أحدث تطورات قضية كريم اضغط هنا


أيا كانت أراؤه... كريم سجين رأي

نهاره أبيض وصباحه لبن حليب وزود القشطة
لا أعرف كريم عامر ولم أدون عنده قبل ذلك ولم يدون هو كذلك عندي... ولم أر مدونته قبل صباح اليوم
مين كريم عامر ده؟ مش فارقة كتير
كريم هو أحد المدونين المصريين... بس هذه هي القضية
دماغه فيها إيه؟ مش مشكلتي
آراؤه توجهاتها إيه؟ ولا لي دعوة
أيديولوجياته الفكرية في أي اتجاه سياسي أو ديني؟ كفاية وجع دماغ مش دي أم الليلة اللي بنتكلم فيها
اسمه بالكامل عبد الكريم نبيل سليمان... شاب من الإسكندرية عمره 22 سنة (فقط)... طالب (سابق) بجامعة الأزهر
ليس هذا هو ما يهم بخصوص كريم
ما يهم هو أن كريم مدون مصري
كريم بيدون زيك وزيي... عادي يعني... إيه المشكلة .. مش افتكاسة يعني إن عندك مدونة.. عادي جدا زي ما عندك إيميل... فين الافتكاسة؟
الافتكاسة يا باشا إن كريم عامر مقبوض عليه
النيابة أمرت بحبسه على ذمة التحقيق... عادي أكيد عاكس بنت أو اتحرش مع المتحرشين ولا حاجة
لا يا باشا أبدا!!! هو دا برضه اسمه كلام؟ هو فيه حد م المتحرشين دول ممكن يلقى القبض عليه أبدا؟
كريم عامر يا سيدي نشرت جريدة المصري اليوم عنه النهاردة أنه قررت النيابة العامة حبس كريم عامر أحد المدونين المصريين أربعة أيام، بعد أن فصلته جامعة الأزهر، وقدمت بلاغاً ضده، ووجهت النيابة اتهامات له تتمثل في إذاعة بيانات وشائعات مغرضة من شأنها تكدير الأمن العام وإهانة رئيس الجمهورية، والتحريض علي قلب نظام الحكم وكراهيته والازدراء به والتحريض علي بعض طائفة الإسلام، وتكدير السلم العام وإبراز مظاهر غير لائقة بسمعة البلد والإذاعة عنها للجمهور.
جامعة الأزهر فصلته... عادي من حق أي جامعة تفصل أي طالب عندها
وبعدين قدمت بلاغا ضده... يمكن كان فيه في عهدته حاجة ومسلمهاش قبل ما يمشي من الجامعة
وفجأة الخبر يقول أن النيابة العامة بقى هي اللي وجهت لكريم (واللي بين قوسين هو أحد المدونين المصريين) واخدين بالكوا؟ وجهت له إيه بقى النيابة اللي هي عامة؟
خد عندك يا نور عين والدتك... الآتي
نمرة واحد. إذاعة بيانات وشائعات مغرضة من شأنها تكدير الأمن العام
(مش بقول لك م الصبح نهاره أبيض)
نمرة اتنين. إهانة الباشا رئيس الجمهورية
(صبح صبح يا عم الحاج)
نمرة تلاتة. التحريض علي قلب نظام الحكم
(كدة مرة واحدة... إخص عليك يا كريم)
نمرة أربعة. وكراهيته (أي والحض على كراهية النظام)
(الواد كريم ده طول عمره يكره النظام ودايما أمه كانت بتضربه عشان مش بيوضب مكتبه قبل ما يذاكر)
نمرة خمسة. والازدراء به (برضه الازدراء بالنظام)
(الازدراء دا مش بس إنه بيكره النظام لأ دا كان الولد الشقي دا كان بيعض أخته الكبيرة لو نظمت أوضتها)
ونمرة ستة. التحريض علي بعض طائفة الإسلام
(وكمان حصلت الدين يا كافر)
وبالمرة نمرة سبعة. تكدير السلم العام
(السلم العام دا كئيب جدا وعلى طول متكدر ومكدر اللي حواليه)
وأخيرا وليس آخرا. إبراز مظاهر غير لائقة بسمعة البلد والإذاعة عنها للجمهور.
(حد برضه يا كريم يتبرز في الشارع؟ وكمان تذيع ع الجمهور)
يا نهار اسود... دا كل تهمة من دول تودي في داهية .. لأ وغالبا وكيل النيابة تعامل مع الولد بمنطق إن ما كاتشي دي تبقى دي... بلاها سوسو خد نادية... ثمانية تهم مرة واحدة بحيث لو عرف محامي يدافع في واحدة أهو يبقى يتزنق في التانية
شغل جامد ... فكر جديد على أبوه
هذا الفتى أبو واحد وعشرين سنة هو اللي هيقلب نظام الحكم ويقلب البلد عاليها واطيها وتتحالف المؤسسة الأمنية في مصر مع المؤسسة الدينية للإيقاع به قبل أن ينفذ مخططاته ويعملها ويقعد على كرسي مصر
مش مستبعد خالص أسمع اليومين الجايين دول خبر في العناويين الرئيسية يقول
القبض على شبكة للمدونين المصريين... الشبكة تدبر لانقلاب عسكري وتسيء إلى سمعة مصر وشرفها
الشبكة تتقابل في السر في حتة فضا اسمها الفضاء الافتراضي
قوات الأمن تحاصر ميدان السيبر سبيس وتطلب من الجميع تسليم مدوناتهم
نرجع لكريم عامر
الخبر اللي نشرته المصري اليوم كان في سياق الحديث عن إدراج منظمة صحفيين بلا حدود الدولية لمصر بين أسوأ 13 دولة في العالم معاداة للإنترنت وقمع جرية التعبير من خلال الشبكة العنكبوتية
كريم اعتقل يا اخواننا في إطار حملة منظمة بيتم شنها وتصعيدها منهجيا على الدائرة الصغيرة دي اللي اسمها المدونين
اعتقال كريم يجيء في إطار "اضرب المربوط يخاف السايب"... ليس لدينا الآن - سواء اتفقنا مع كريم هذا أو اختلفنا فليست هذه هي القضية - سوى أن نتكاتف معا وأن نطالب بإطلاق سراح كريم عامر
كريم مؤمن أم كافر؟ من جديد ليست هذه هي القضية فالقضية هي الدفاع عن الحرية
القضية هي إيقاف هذه الجرافة القانونية الجاهزة تحت بند تهم هبلة ومطاطة وحمالة أوجه لتدمير مستقبل أي واحد\ فينا
يا جماعة كلنا كريم عامر
تضامنوا مع الحرية
تضامنوا مع كريم
(ملحوظة أكتب هذه التدوينة بعد مرور أربعة أيام بالفعل من اعتقال كريم ولا أعلم ما إذا كان لا يزال محبوسا أم لا)
برضه مش هي دي القضية
فتحوا دماعكوا معايا بقى الله يكرمكوا

بعد كريم الدور على مين فينا؟؟؟

هناك ٧٨ تعليقًا:

غير معرف يقول...

مصر ارض الكنافه

هى زمان كانت ارض الكنانه بس بقيت فعلا مصر ارض الكنافه

طيب هما خلصو من واحد تطلعلهم انت يا جرجس يا زنديق عشان تفضحهم وتقول هيه هيه الواد اتقبض عليه
ينفع الكفر بنعمه الوالى ده يا جرجس يا زنديق وايه يعنى لما يقبضوا على كريم وبكره يقبضوا على ياسر وبعده على الكافر جرجس ايه المشكله

وبعد كده تموت رابعه ويموت الناس جميعا

يا عم بكره نحصله ولا تزعل نفسك

وبعد كده هجيلك اتعرف عليك فى السجن
وما تقوليش هناك يا متعصب وبعدين يا حاج يا جرجس يا زنديق لازم تعتذر عن مقالك ده لانه تدخل فى الشئون الامنيه لمصر لازم تعتذر وانته عارف الاعتذار بيكون ازاى يا جاهل اكيد مش عارف

تروح تبوس ايد بابا حسنى وماما سوزان وتجيب حاجه حلوه لجيمى وتجيب هديه لحبيب
وانت داخل عليهم تفضل تقول

انا مش قصير ازعه انا مدون واهبل انا مش قصير ازعه انا مدون واهبل

فاهم يا جاهل
وعلى فكره هيقدمولك هناك يا حاج ميه من ميه النيل اشرب فى صحتك تشيييرز

واديها كمان حريه فى مصر ارض

غير معرف يقول...

جرجس على فكره شرفتنى فى حدوته وهستناك تانى يا جاهل يا احمق يا خليفه كنزتراكس

alnadeem يقول...

هي بقت كده
ماشي
مش هنبطل كتابه
و أعلي ما في خيلهم يركبوه

Mongey يقول...

عامل ايه انا عامة كنت بازور مدونة عبد الكريم ده كتير
و بصراحة اراءة عمرها معجبتني
بس مكنتش متوقع انها ممكن توصل لدرجة الحبس يعني

tota يقول...

جرجس تانى وقصص الفزع

بصراحة هما مش من الغباء انهم يقبضوا على عبد الكريم فقط لانه مدون
والا كان لازم يتقبض على مئات من المدونين
عبد الكريم كلمته خرجت بره الفضاء السيبيرى واصبحت مسموعة لا مقروءة اصبحت تهدد الامن العام وبالتالى استحق من وجه نظرهم الطرد من لجامعة والسجن والتهم المنتقاه التى يواجهها الان

هل ده معناه ان نتوقف عن الكلام لا
معناه الاستمرار لانه كل يوم هيبدئوا يضيقوا الخناق على كل من له كلمه والحق اننا شعب مفتكس مبتكر
دعونا نسد عليهم كل الابواب اتكلموا براحتكم وقولوا براحتكم من غير استخدام اسماء اشخاص
كلنا فاهمين احنا بنتكلم عن ايه
خلونا نلعب معاهم القط والفار
بس متخلوش اى كلمة تتمسك عليكم وتكون هى وسيلة الاتهام

بتهيألى مش صعبة هو ده مش خوف بس لو كل اللى هيتكلم هيختفى مش هنعرف نكمل كده

تحياتى

عمر يقول...
أزال أحد مشرفي المدونة هذا التعليق.
ekraammalik يقول...

أخوتي أعدائي
السلام عليكم ورحمة الله وبركاته...
ياسنة سوخة؟ (انتوا تقولوها هكذا صح؟)

يعني اذا بليتم استتروا.... ليش يعني الاعلان في الجرائد هو حقق نصر يعني باعتقال الشاب المسكين؟ غبي ومشكلته انه يريد يشهدكم عليه...

tota يقول...

جرجس

نسيت اضيف
انا لا اؤيد التضامن مع هذا الفتى فهو لا يستحق التضامن

واؤكد ان التدوين ليس هو سبب القبض عليه او اتهامه لانه بالعكس اراؤه ملحدة وهذا لا يضر الحكومة فى شىء

لكن ما قصدته ان التدوين اصبح فى الفترة الاخيرة تحت عدسات التكبير فليكن فقط لا نعطيهم الذريعة ليغلقوا علينا باب حرية الكلمة الاخير الباقى

تحياتى

alnadeem يقول...

يا ست كارمن هانم
أيه اللغه المبتذله اللي حضرتك مستخدماها دي
ما يصحش كده أبدا يا ماما

ام العيال يقول...

اولا شكرا لتغيير اسم المدونه والامل موجود
ثانيا:لا يا جرجس لا
تضامن اه بس المهم مع مين ؟؟
مش اي حد يستاهل نتضامن معه
مش اخلاقك يا راجل
شوف حد يستاهل
الكلمه ساعات بتكون احد من السيف
و النفوس الضعيفه ياما بتتأثر باي كلام المهم ان تكون تبع حزب او اي فكره طفره عن المجتمع
صديقي راجع نفسك

مراقب مصري يقول...

أستاذ ياسر شمس الدين

حلوة موضوع مصر أرض الكنافة
طبعا أنا هعتبر اتهمات الكفر اللي في التعليق على أنها هزار وكدة يعني
على أساس إن الهزارة مردودة وان أنا اللي بدأت في مدونتك الهزار على هذا النحو

أولا أنا عايز أقول لك بالنسبة لدخولي مدونة حدوتة... أنا ما كنتش أعرف إنها بتاعة ياسر شمس الدين
أنا عجبني الموضوع في البحث الآلي فدخلت علقت

بس خير ما فيش مشكلة
جميل أننا نتفق في أشياء ونختلف ونتخانق في أشياء أخرى
بس من فضلك خلينا نحافظ على حد أدنى من الاحترام المتبادل

كلنا في مركب واحد يا سيد ياسر

أعتقد أنك لم تقرأ كتابات كريم عامر ومن ثم بتتكلم بليبرالية عالية قوي

الولد ملحد
وبيقول كلام مش لطيف عن الدين

وهذه هي القضية
هل يجب علينا أن نتضامن مع سجين رأي لمجرد الدفاع عن الحرية؟
هل الحرية بالنسبة لنا قيمة في ذاتها تستحق الدفاع عنها أيا كان مين مستخدمها؟

هو دا السؤال يا عم ياسر

الحقيقة لو إجابتك بنعم ساعتها هيشرفني إننا نكون في زنزانة واحدة ومش هتهمك ساعتها بالتعصب ... إلا إذا كنت ناوي تحتكر البورش كله لنفسك

ساعتها هاتهمك بالتعصب والإرهاب كمان
وهاوصي عليك وليد الدسوقي بتاع القراطيس الكرتون

سلام يا عم ياسر
وبعدين بتشكرني على ردي في مدونتك طب من باب أولى رد على الرد بدل ما سايب
الرد لوحده يتيم في البرد ده

مراقب مصري يقول...

النديم

تفتكر يا نديم
فيه استهداف أمني بجد للمدونين؟
طمني وريح قلبي يا بني

مراقب مصري يقول...

مونجي باشا

من تاني أؤكد القضية ليست أراؤه شكلها إيه

أنا كمان معجبنيش خالص أسلوبه

بس يا جماعة الولد اتحبس بسبب أرائه
دا هو المشكلة
لو انتوا دا بالنسبة لكوا عادي
فأنا آسف
الموضوع مش عادي بالنسبة لي

وبعدين الولد ملحد
إيه علاقة ده بتهمة إهانة رئيس الجمهورية؟؟؟
هو إهانة رئيس الدولة النهاردة بقت مصنفة تحت بند الكفر والهرطقة؟

ما تفهمونا الله يكرمكوا

مراقب مصري يقول...

عزيزتي توتا تاني

عبد الكريم اتحبس بسبب أرائه
إحدى التهم الموجهة ليه هي إذاعة هذه الآراء على الجمهور
طبعا المدونات كانت وسيلة واحدة ضمن الوسائل دي
أنا نعرفش فعلا حاجة عن الولد إلا من خلال قراءتي آخر تدوينة له وبعض التعليقات عليها

لكن من تاني ليست هذه هي القضية

الولد دا اتحبس بسبب رأي قاله
في أي داهية مش فارق

لو هنرجع نلعب لعبة القط والفار
يبقى بنخسر ما حققناه في العام الماضي

مش قضيتي بس إنه بقى عندنا الحق في شتيمة الرئيس
بس إحنا وصلنا للنقد المباشر الل من غير لف ودوران
إنتي كدة بتقولي نرجع زي ما كنا على مدى خمسين سنة

وبدل ما نقول الرئيس نقول القيادة السياسية

وبعدين المدونات قائمة أساسا على كسر التابوهات واختراقها
لأجل تحرير عقول الناس منها

بالإضافة إلى أهمية التعبير في حد ذاته

الحرية قيمة تستحق التضامن معها يا توتا ودي قضيتي

ليست قضيتي هنا هي الدفاع عن أراء كريم
ولكن الدفاع عن حق كريم في التعبير عن أرائه
عايزين نرد على كريم يلا نرد عليه ونقول اللي عايزينه كله

إنما تحبس... لأ
الولد اتحبس بسبب أرائه

اقري الهبابة التهم المتنيلة متوجهة له
حاجة تقرف وتضحك بحرقة أيضا

تكدير السلم العام
إيه الهطل ده؟
التحريض على قلب نظام الحكم؟
يلعن أبو العته

أنا مش بالومك على فكرة.. أنا بفكر معاكي بصوت عالي

مراقب مصري يقول...

واحد من مصر

I dont care about who Karim is or what he thinks or what ideology he represents. What I care about is that person no mater who he is was thrown in jail for expressing his opinions no matter how odd are they.

حكاية اتحاد المدونين وراء الوعيم البرم
دا كلام هجايص
لأن لا المدوني اتحدوا ولا هيعملوها
ولو هيعملوها مش هيعملوها عشان خاطر واحد بيجاهر بإلحاده

أما حكاية إنه زعيم وبرم فدا عته
الولد شاب بيدرس
وبيدون زينا
وله أراء معينة
اتحبس بسببها
الموضوع ما فيهوش بطولة ولا برمجة
ولا افتكاسة
فيه واقع إن شاب مازاال بينهي فترة مراهقته احتمال يتسجن لمدة محترمة بسبب أرائه

دا بحد ذاته كفيل إننا نتضامن
مش مع كريم في حد ذاته
ولكن تضامننا معه هو تضامن مع قيمة الحرية

مراقب مصري يقول...

العزيزة إكرام

القضية هي كما قلتي
اضرب المربوط يخاف السايب

لأجل ذلك تعمدوا إعلان الخبر

ومش فارق معاهم سمعة دين أم مصر

بقينا ضمن تلات عشر دولة بتعادي الإنترنت
يا خبر إسود

مصر بتضيع يا جدعان

مراقب مصري يقول...

أشكرك يا نديم على توجيه اللوم إلى كارمن هانم بسبب أسلوب حديثها مع إكرام

إكرام ما قالتش حاجة وحشة


بس ليه الإخوة الأعداء يا إكرام؟؟
يا بنتي أنا عملت لك حاجة وحشة؟؟

مراقب مصري يقول...

أم العيال

وحشاني جدا
كنت عندك امبارح
الله يرحمه بجد ناجي العلي

فاهم قصدك يا ستي
ومقدر كلامك
بس آسف
مقدر الحرية أكتر

عارفة ياسر شمس الدين؟
الراجل دا مستفز جدا وأراؤه في مرات كثير بتكون شديدة الاستفزاز والسخافة في مرات أخرى والرجعية الشديدة في أغلب الأحيان
المهم
لو في يوم مسكوا ياسر
وقيضوا عليه
(طبعا بتهمة الانتماء لجماعة محظورة أو ما شابه ونشر قيم متطرفة وما ابصر إيه)

ساعتها هاقف نفس الوقفة لأجل ياسر
ولن يهمني إذا كان رخم أو دمه خفيف
صاحبي ولا ما بستلطفوش

كان فيه محامي شيوعي اسمه الله يرحمه نبيل الهلالي
ده حضرتك كان محامي شهير جدا بيدافع عن سجناء الرأي بمن فيهم أعضاء الجماعات المتطرفة والإخوان وغيرهم
إيمانا منه بقضية حرية التعبير

أرأيتم اتساقا مع النفس ومع المبادئ أكثر من هذا؟

مراقب مصري يقول...

وكفاية تنشر عن القبض على كريم وتؤكد إن الولد اتمسك فقط بسبب التعبير عن ارائه وإن دي سابقة في اعتقال أحد المدونين بسبب تهبيره عن رأي ما



مصر تلقي القبض على مدون بتهمة الإساءة للإسلام
نشره كفاية يوم الجمعة, 10/11/2006 - 22:46.
القاهرة (رويترز) - قالت مصادر أمنية وحقوقية مصرية يوم الثلاثاء ان قوات الامن ألقت القبض على مدون تتعرض كتاباته بالانتقاد للاسلام والحكومة.
وألقت قوات الامن القبض على المدون باللغة العربية عبد الكريم نبيل سليمان (22 عاما) الذي يطمح الى العمل محاميا مدافعا عن حقوق الانسان يوم الاثنين في مدينة الاسكندرية الساحلية.
جاء القبض عليه ضمن حملة تشنها السلطات على المعارضة السياسية بعد عمليات احتجاز وضرب لمحتجين في الشوارع أوائل العام الحالي على الرغم من نداءات من الولايات المتحدة لحليفتها مصر لإدخال اصلاحات سياسية.
وقالت مسؤولة البرامج في الشبكة العربية لمعلومات حقوق الانسان سالي سامي التي تمثل سليمان "الاتهامات الموجهة اليه هي أنه نشر اراء تهدف للاخلال بالنظام العام وأهان رئيس الدولة وأساء للاسلام."
وأضافت "يتضح على نحو متزايد أن الحكومة ليست حريصة على الاصلاح أو السماح بديمقراطية حقيقية يمكن من خلالها التعبير عن اراء مختلفة."
ولم توضح المصادر الامنية بالتفصيل أي تعليقات بالتحديد دفعت السلطات للقبض على سليمان الذي يقول محاموه انه طرد هذا العام من جامعة الازهر أبرز جامعة للتعليم الديني في العالم الاسلامي.
وقال جمال عيد المدير التنفيذي للشبكة العربية لمعلومات حقوق الانسان ان سليمان انتقد هيمنة الازهر على الفكر الديني وانه قال ان رجال دين مسلمين مسؤولون جزئيا عن العنف الطائفي الذي نشب في الاسكندرية عقب هجوم بسكين على مصلين مسيحيين في المدينة في أبريل نيسان.
وسليمان هو الاحدث من بين عدة مدونين ألقي القبض عليهم في مصر وجاءت أنباء القبض عليه بعد وقت قصير من قول منظمة "صحفيون بلا حدود" ان مصر انضمت الى قائمة أسوأ الدول التي تقمع حرية التعبير على الانترنت.
وصارت مصر ضمن 13 دولة في القائمة التي أعلنت يوم الاثنين وكلها بلدان عادة ما تنتقدها جماعات حقوقية ومن بينها كوبا وميانمار وايران وتركمانستان.
كما عبرت المنظمة عن قلقها من حكم أصدرته محكمة مصرية يسمح بإغلاق أي موقع على الانترنت اذا شكل تهديدا للامن القومي المصري.
ومن المقرر أن يمثل سليمان للتحقيق أمام النيابة يوم الاربعاء. وقال نشطون ان القبض عليه كان من الامور غير المعتادة لانه ألقي القبض عليه دون غيره لتعليقات نشرها على الانترنت. أما المدونون الاخرون فألقي القبض عليهم خلال احتجاجات مناوئة للحكومة في الشوارع أوائل العام الحالي. وقضى عدد منهم فترات حبس تراوحت بين أسابيع وشهور.
وفي حدث منفصل ألقت قوات الامن القبض يوم الثلاثاء على اثنين اخرين من أعضاء جماعة الاخوان المسلمين كبرى جماعات المعارضة في مصر في ما يعتبر توسيعا لحملة تشنها السلطات على الجماعة.
وأبلغت عن القبض عليهما مصادر في الامن والجماعة. وكان مقررا أن يخوض الاثنان انتخابات النقابات العمالية.
ويوم الاحد ألقت الشرطة القبض على 29 منهم 22 من جماعة الاخوان لمحاولتهم تشكيل اتحادات طلابية وعمالية موازية للاتحادات الرسمية.
وجرى القبض عليهم بعد احتجاجات في الجامعات نظمها طلاب من الاخوان وطلاب مناصرون لهم في جامعات بمدن مصرية مختلفة بسبب منع طلاب اسلاميين من الترشيح للاتحادات الرسمية.
من سينثيا جونستون

مراقب مصري يقول...

ومدونة تم تأسيسها للمطالبة بإطلاق سراح كريم

http://www.freekareem.org/

عماد حبيب يقول...

كتبت دفاعا عن كريم، كرمز لحرية الكلمة، و لأنّه سجين رأي، لا لأجعل منه بطلا و لا لأستغل الفرصة للدعوة لآرائه، و لم أفعل.

لذلك أشكرك بدوري لمبادرتك، و سأكون سعيدا لو فعلنا أي شيئ يساهم في أن ننقذ كريم و لا تتكرر المحاولة مع غيره

تحياتي

http://imedhabib.blogspot.com

bluestone يقول...

اللي اعرفه ان كريم كان عنده مشاكل مع السلطات بسبب مقالاته وارائه قبل ما يكون مدون .. يعني من سنة اتقبض عليه بسبب الاراء دي واللي كان ناشرها على موقع الكتروني وبيوزعها على الناس وفي الوقت ده كان ناشر على موقه اسمه وصورته ونمرة تليفونه المحمول والبيت والعنوان بالتفصيل زي ما يكون بيقول للناس تعالوا اقبضوا علي
ودي كانت حاجة غريبة جدا من وجهة نظري

اتعاطف مع مشكلته وحقه في التعبير عن آرائه بكل حرية وثقافته المستنيرة رغم اختلافي معاه في اسلوبه المستفز جدا واللي اعتقد انه ترويجي إلى حد ما

مشكلته الاخيرة ليست جديدة بل هي ذيل لمشكلة قديمة وهي خلافه مع الازهر والبلاغ المقدم ضده ما هو إلا تحويل لنتيجة تحقيق جامعة الازهر معاه ثم حولت الجامعة البلاغ إلى النيابة العامة

ده ماينفيش حالة الاستنفار ان جاز التعبير ضد المدونين بشكل عام وده لاعتبارهم جزء من نشطاء الانترنت ومن الصعب منعهم او التعامل معهم أمنيا واعتقد ان ده مسبب حالة من التوتر الامني

محمد الدسوقى رشدى يقول...

شاكرين على زيارت للطربوش ياعم جرجس بس على فكرة
انا مش هبيعك اول ما تحصل كريم ليك على علبة حلاوة طحينية وعيش فينو ياعم مش بلدى ولا شامى
فيينو
نموت نموت ويحيا الفينو

مراقب مصري يقول...

عماد حبيب

المشكلة أن الناس يا عمدة مش قادرة تقف على أرضية الدفاع عن الحرية لأجل الحرية

مش محتاج إن كريم يكون صاحبي عشان أدافع عن حريته

وإن كان من حق إصحابه كمان إنهم يعبروا عن تضامنهم معاه بكل الطرق

يعني إذا كان تامر حسني وهو مسجون في قضية مخلة بالشرف تضامن الناس معاه
فمابالك ده واحد ممسوك في قضية رأي

خلينا نتجاوز كونه مدونا أم لا

القضية قضية رأي
سواء كان الرأي من خلال صحافة أو موقع أو مدونة
دي المشكلة

لو عندك معلومات عن حيثيات القبض عليه وليه يا ريت تعرفنا أكتر

مراقب مصري يقول...

القهوة العالية

أهلا وسهلا بيكي في مدونتي المتواضعة
خطوة عزيزة

أولا
قلتي كل اللي في نفسي
لازم نتجاوز حتة إن الولد مدون ولا مش مدون
ببساطة شديدة
الولد على درجة عالية من الهطل ويمارس المراهقة السياسية والفكرية في أزهى صورها
ولكن هذا لا يبرر على الإطلاق أن نطرمخ على حادثة اعتقاله بسبب أرائه
رأيك متوازن وموضوعي جدا
(كالعادة)
ودا بالظبط اللي بحاول أقوله بس إنتي أسلوبك أكثر سلاسة مني جدا وبيوصل للناس زي الصاروخ
فشكرا على تعليقك وعلى توضيحك ويا ريت الفكرة الأساسية بتاعة الدفاع عن الحرية تكون وصلت للكل


ثانيا أنا بقرا دلوقتي قصتك مع بنك فقر
وعاجبني جدا أسلوبك الساخر
استني بس أما خالص قراءة وأهريكي تعليقات

مراقب مصري يقول...

مستر طربوش

شكرا على تضامنك الصميم وعلى الحلاوة الطحينية

بس مين قال إن لما أنا هتمسك هتكون حضرتك برة؟؟؟

بقول تشوف لنا حد يجيب لنا الحلاوة أنا وانت وبقى وصيه يزود المكسرات في الحلاوة

Dalia Ziada يقول...

الحاج جرجس

الحمد لله, أنا مش مصدقة أني أخيرا لقيت حد فاهمني

أنا يا سيدي عملت زيك كده و كتبت عن كريم و كمان دافعت عنه بعدة وسائل أخرى غير الكتابة و عملت اللي اقدر عليه علشان اوصل المشكلة لأعلى مستوى و بالتالي نضمن أقل قدر من الخساير

و مش قادرة اوصف لك كم الشتيمة اللي أنا اخدتها

حاجة يعني في منتهى قلة الأدب و ده كله قال أيه؟ علشان كريم بيتكلم كلام ملحدين و أنا كمسلمة ما يصحش ادافع عنه!!!!!!!! أيه الكلام الفارغ ده

تعرف قالوا مرة لو عايز تعمل تغيير في أي مكان لازم تغير العقليات مش الظروف المحيطة

و أعتقد هو ده اللي احنا فعلا محتاجينه

استمر يا ريفورمر أنا أؤيدك من كل قلبي أنت و كل المدافعين عن الحرية لأجل الحرية

و لك كل التقدير
داليا زيادة

wanna b a bride يقول...

بص هو واد في قمة العفن و غبي و فيه حاجه في مخه متركبه شمال

و تحس كده ان نفسه و منى عينه يتقبض عليه عشان يعمل فيها بطل

بس هي سابقة خطيرة...طول عمرهم بيقفشوا في الإخوان

تفتكر الداخلية اتدينت؟؟

و الله كويس اللهم قوي ايمانهم ياااااارب

مراقب مصري يقول...

داليا زيادة

مسا الخير والسعادة ع السكر الزيادة

كتبت في البوست السابق عن فصامية المجتمع وفصامية مثقفيه

مت هو يا نقفل الشباك يا نفتحه يا دودو

عايوين حرية يبقى نستحمل آثارها السلبية
ماهو مفيش حرية حقيقية من غير أراء على غير هوانا ومفيش بديل

إحنا عايزينها حرية برضه زي حرية الحزب الوطني
إنت حر تماما إنك تقول بالظبط اللي أنا عايزه ومقتنع بيه

عايزين حرية افضلوا فيه حرية عايزين قمع برضه موجود بس ما ترجعوش تشتكوا ولا واحد مثقف فيكي يا بلد يتنيل يفتح بق أمه من هنا ورايح

مراقب مصري يقول...

يا أختي يا اللي عايزة تتجوزي

الحكومة دي شريفة ومتدينة من زمان
بس انتي اللي مش واخدة بالك
وكما قال الشاعر
البيت ده طاهر وهيفضل طاهر
ويا ام المتطاهر رشي الملح سبع مرات

غير معرف يقول...

يا عم العفريت شكرا على مداخلتك على المدونة مالى بس ياريت تزور مدونتى على مكتوب وتشوف مين بيقراء لى وتشوف ان ما فى حد بيجى مدونتى وشكرا لك
http://www.maktoobblog.com/ehabdbk
وكفاية الحقد اللى جيب المصريين ده وراء
فهمت يا حاج جرجس

غير معرف يقول...

وايييييية يعنى اما يكون ملحد؟؟
عقيدته هى حريته الشخصية
وهو حر فيها
وانت حر مالم تضر
ومش معنى انه ملحد يبقا يستاهل الوساخة اللى عملوها فيه دى
بلاش بقا تفكير القمقم اللى محنطين نفسنا فيه
الدين مالوش دعوة باللى بيحصلنا دة
من امتا الداخلية بتقبض على حد لانه ملحد؟؟
نص الوزراء ملحدين
وان كانوا بيداروا
دول حتى ميعرفوش يعنى اية كلمة ملحد بس ماشيين وراها بحكم الموضة
ولا الداخلية ماشاللة عليها اوى بقت مش بتسيب سجادة الصلاة دلوقتى وبتقفش فى الملحدين والعلمانيين وخلافهم؟؟


دة اولا
----
ثانيا بقا
حدوتة ملحد دى كبرت واتعظمت علشان الموضوع يكسب تأييد المصريين اللى يعرفوا بيه


قلتلى لية؟؟
علشان كالعادة المعتادة مش بنفكر الا بعواطفنا الدينية
سابوا كل البلاوى اللى بتحصل فى البلد ومسكوا حتة واحد بيكتبله كلمتين وبيفش فيهم سخطه وغله

سابوا تجار المخدرات
هاتكى الاعراض اللى بقوا اكتر من الكلاب الضالة فى الشارع
سابوا الروس الكبيرة
ومسكوا فى الكتاكيت الصغيرة


لااااااااااء
والف لاااااء
مش بعيد بكرة نلاقيهم بيقفشوا فى طلبة المدارس بحجة قلب نظام الحكم
نظام اية يا ابن المفكوكة منك له
دة ولا ايام الجستابو فى زمانه
ولا ايام الستار الحديدى


الدنيا كلها بتطلع لادام واحنا بنتنيل على عينا وندحرج لورا

اااااة يا بلد ماشية على حل وسطها
بلد مفيهاش حاكم
حكامها عوالم
عايشين على لحم حريمهم
بلد عايشة على لحم حريمها يا عم جرجس
على لحم الرقاصات والشواذ وبنات الليل
والاسم سياحة وفن
هو دة كل اللى احنا فالحين فيه


اتفوووو على ام دى حكومة على اللى فيها


بس محدش يقول اتفوو ورايا

غير معرف يقول...

كريم عامر انا اعرفه يا جرجس من زمان من ايام ما كان بيحكى عن حكايه محرم بيه بس ساعتها ما كنش فى الازهر

بالنسبه انه ملحد عادى جدا المهم انه انسان وانا قولتلك قبل كده الكلام ده

بالنسبه لتعليقى هو مش رد على تعليقك ولو انه بنفس الاسلوب ده اسلوب استنكارى مش تقريرى هزار يعنى يا حاج

بالنسبه لرايك فى ارائى يعنى عايز اقولك خليك موضوعى بس كويس انك هتقف جنبى لما يتقبض علينا

وكريم عامر انسان حتى لو كان ملحد او لادينى وهو فيه فرق بين الاتنين واعتقد ان كريم لادينى اقرب من انه يكون ملحد
وانا اعارض اي حبس لحريه راى حتى ولو كان لمحمد او جورج او عيزرا او كريم عامر


على فكره الاحترام متبادل بينا دائما ومش معنى انى اختلفت معاك فى موضوع يبقى لازم اختلف معاك فى كل حاجه احنا اخوات يا جرجس ياسر اخو جرجس اخوات فى وطن مقبوض عليه

غير معرف يقول...

والله مش عارفة اقول ايه
لكن
حبتدي القول اني قرفانه لاُم كيعاني

دي حكومة بتستهبل
المشكلة عندنا في العالم العربي ان فكرة الدين متاخدة بشكل القطيع
يعني لازم كلنا نبقي متبعين نفس المذهب يا اما يا ويلك يا سواد ام ليلك
و طبعا لو انت حاولت تغير يبقي انت بتشكل خطر على دوله العسس
ليه؟
عشان انت قررت تفكر و تخرج عن القطيع و تكتشف ان كل اللي بيعملوه من ديننة الدولة( يعني جعل الدولة متدينة) مالوش اصل في اي دين
و بما ان مصر المفروض انها دوله اسلامية فانا حتناقش من المنطلق ده
هما متبعين مبدا الدولة الاسلامية في فترة ما بعد سيدي محمد اللهم صلي و سلم عليه
و بالنسبة ليا انا و اللي قريته و للاسف فكرت فيه
اكتشتف ان فيه بلاوي كتيرة حصلت وقت نقل الخلافة بين الصحابة و بعضهم البعض
و ان الطريقة اللي تمت بيها الخلافة على مر عصور طويلة تم التلاعب بيها و خرقها بشكل سلمي و ظريف و حلو و امور محدش يقدر يقول حاجة عنه
للاسف الموضوع ده بيدخلك من مصيبة يوديك في داهية يطلعك على كارثة و تكتشف بلاوي كانت مستخبية، فين؟
في غياهب التاريخ و الاحاديث اللي اتنقلت من فلان لعلان عن طريق ترتان اللي هما كلهم شافوا سيدي محمد مرة او مرتين
تخيل؟؟؟
فكريم اتقبض عليه لانه قرر انه يعاكس التيار
و طبعا لانه مؤكد كشف ضعفهم بتحديه ليهم
كل ده مع العلم اني لا اتفق معاه في اشياء كتيرة من اول مرة قريت فيها مدونته
و مدخلتهاش اساسا بعد كده
لكن اقف معاه في صف واحد و هو حرية التفكير في اي اتجاه
ومن ثم التعبير عن هذا الفكر

عذرا لطول هرتلتي

مقالاتك رائعة يا جرجس
و اسلوبك مممممممم
مش عارفة اوصفه بس حقول محبب لعقلي اوي

تحياتي

محمد الدسوقى رشدى يقول...

بص ياعم جرجس
انا اللى كتبته اخطف رجلك لحد طربوش وشوف الرد على التعليق بتاعك واى خدمة ياريس

غير معرف يقول...

جرجس الحكومه ديه مش متدينه ولا كافره انا مش عارفلها مله ولا دين مش عارف اصنفها فى انهى حتى لا هي شيوعيه ولا علمانيه مش عارف ممكن تصنفها ربنا يكرمك
غير انها حكومه متدينه

والصراحه انا ما بقتش عارف هو دين الدوله الرسمى ايه الاسلام ولا المسيحيه ولا الصهيونيه لو اعتبرنا الصهيونيه دين

saso يقول...

زي العادة قلت مش هاكتب مادام مفيش جديد ينقال بس هاكتب حبه.. كريم قال كلام يستاهل عليه كل خير.. ماشي.. لكن مش مبرر للقبض عليه للعيب في الازهر كجامعة مش كفكر ديني -علي الاقل ده اللي قريتة لكريم معرفش باقي كلامة كان ايه موضوعة-لكن اللي عاجبني اوي الاتجاة الجديد حوالين ان العقيدة حرية شخصية زمان كان الالحاد جريمة مش هاقول استباحة دم وكلام كبير بس دلوقتي الكلام اهو اتغير.. سيبك من الموقف الحكومي شوية وفكر فينا كناس
في تغيير حاصل هنا. والتدوين صوتة بيتسمع في المصايب بس -في امن الدولة يعني-ماعلينا من دي مجرد تقبل الناس لفكر الالحاد ودول نفس الناس اللي بيبصوا بقرف للشيوعية مع انهم اشتراكيين ايام ناصر وبيقضوا تلات شهور قمرية كاملة من غير تعليق واحد يبقي في تغيير حاصل..السؤال الساذج بقي ده تغيير ايجابي ولا لأ.. قبول المجتمع للمرتد دينيا-ماقصدش كريم علشان انا معرفش هوا ديانتة ايه حاليا-هل ده التغيير اللي احنا عاوزينة؟

محمد الدسوقى رشدى يقول...

بص ياسيدى الموضوع كان نازل فى صفحة الكتب اللى كان بيعملها محمد الدسوقى ايه رايك بقى يامان
وعلى فكرة الاصحاب انا موافق يامعلم
قشطة ياجرجس أفندى ولا بك ولا باشا

مراقب مصري يقول...

شهروزة الجميلة

في ظل غياب الدولة... توقعي أي حاجة
مرات بالفعل أتساءل كما تتساءل توتا
هل نحن بالفعل مبالغون في تضخيم الأشياء؟
وهل تحكمنا نظرية مؤامرة هطلة تجعلنا في حالة هسس واستنفار دائم دون أن يكون ثمة مبرر لهذا؟

المشكلة اننا صرنا نحيا واقع أكثر عبثية مهطلا من أي خيال عبثي ولا معقول

ما الدنيا إلا مسرح كبير على رأي الأستاذ يوسف بك وهبي
ولكن مسرح دنيانا تحول فقط إلى عرض مساخر عبثية يومية
نراها ونكتئي ونقتنع أننا لسنا مبالغون ولا مغرضون
فماذا يقول الموضوعيون العقلاء في فيديو البنت اللي بتتقفِّش لا مؤاخذة قدام باب الاستاد حتى خلعوها بلوزتها وصارت نصف عارية وسترها أولاد الحلال
(بعد ما تيسر من تقفيش برضه بحجة حماية البنت الغلبانة)
وستروها بإيه؟
شوفي قمة العبثية
بعلم مصر
دا الفيديو اللي موجود على مدونة الوعي المصري عند وائل عباس
بذمتك فيه خيال مسرحي ممكن يوصل إلى هذا السيناريو العبثي؟
لأ والأفية تزنقه في أنهم يلفوها في الآخر بعلم مصر
شر البلية ما يضحك

ماذايقول الموضوعيون والعقلاء والذين لا يريدون تصديق مبالغاتنا وتضخيماتنا للأمور عندما يشاهدون مواطنا تتم تعرية نصفه الأسفل
(بالكامل)
في قسم شرطة ويتم تصوير ذلك كله
ويغتصبه الظابط
بإيد المقشة!!!!
والراجل بيصرخ كأنه واحدة بتولد

طبعا سيناريوهات قمة في العبثية في مصر أم الأمن والأمان

بس برضه أرجع وأقول لك يا شهروزتي
ما تقوش إيه اديتنا مصر
(مصر اديتنا خلاص بإيد المقشة في مؤخراتنا)
قول هتنيل وندي إيه لمصر؟
(لأ متروحش دماغك لبعيد منقدرش نرد بالمثل... مصر برضه هي أمي وميصحش كدة)

مراقب مصري يقول...

الأستاذ ياسر شمس الدين

بكل موضوعية أهوه
أحترم جدا موقفك من التضامن مع كريم لأجل قيمة الحرية والتي هي قيمة بحد ذاتها

بص يا عم ياسر
أنا دايما بقول
ما ينفعش تحكم على حد بالجملة بس
بمعنى إنك تاخد الشخص على بعضه وتحكم عليه كبني آدم حكما إجماليا
ولا تحكم على شخص بالقطاعي فقط
بمعنى أنه موقف ما للشخص يجعلك مع أو ضد

أزمتنا في هذا المجتمع الذي يعج بالأزمات هي أننا دائما نريد أن نضع أحكاما سابقة التجهيز على الجميع
وإما أن نكون مع جدا جد
أو نكون ضد وبرضه جدا جدا

زي مثلا حضرتك لما جيت كذبت حادثة والدي في تعليقاتك... منتهى الهطل يا صديقي اللدود ما تزعلشي مني
بس نفس القصة يا إما تكون مع أو تكون ضد ولأنك ما كنتش قادر تكون مع فكان لابد أن تكون ضد وبعنف وبهطل قائم على تكذيب حادثة حقيقية واقعية كانت جرس إنذار لما حدث ويحدث بعدها من انعدام للتواجد الأمني في الشارع ومن غياب كامل للدولة وغيره من مشكلات شخصتها وتناولتها بالتحليل في ابوست بتاع فصامية المجتمع
(راجع البوست السابق)

وهنا أنا لا أدينك يا ياسر
ولا أحكم عليك بالقطاعي
ولا حتى بالجملة
بل بالاتزان بين الموقفين
بالطبع لدي أزمة مريعة مع ما تمثله أنت من ثقافة ومن نوعية تفكير مقلقة جدا في هذه الظروف الحساسة التي يمر بها الوطن
لكني أيضا أجد نفسي مرغما على تصديقك وتحيتك على موقفك
(على الأقل هذا ما تدعيه)
من حبس كريم الذي تختلف معه فكريا 180 درجة وتضاد كل ما يمثله فكريا ودينيا
ولكنك في الوقت ذاته تدافع عن حريته وعن حرية الرأي بوجه عام

خير
هنا أنا بافصل موقفك دا عن مواقفك العديدة اللي زي الطين سواء في مدونتي أو مدونة العزيزة عشتار
وأحييك بجد عليه

جيد أن نختلف
وجيد أيضا أن نتفق
وفي كلا الحالتين كما قلت لك علينا أن نتحلى بأدب الحوار
وبالاحترام المتبادل

على الأقل لو اتنيلنا اتحبسنا سوا ما يبقاش نوع من التعذيب لكلينا

وبعدين
اتفقنا عادي اختلفنا برضه عادي

مراقب مصري يقول...

العزيزة حفصة

أنا أولا عايز أقول لك إنني كنت مستمتع جدا جدا وانا قاعد أقرا لك

أسلوبك في الكتابة هو الأسلوب المفضل لدي
وأسلوب كتابتي كثيرا ما يكون مقاربا لأسلوبك دا

لو وصلنا لتحقيق حرية حقيقية على أرض الواقع في التفكير والتعبير سنكون قد خلقنا المناخ الصحي الذي يمكن فيه للأمة أن تتطور حقا وتواكب العصر

أنا مؤمن بالمسيح وأتبع مشيئة الله لحياتي بحسب تعليم الكتاب المقدس الذي هو كلمة الله
ومن هذا الإيمان أجد أنه من الغباء أن يكون الشخص ملحدا لا يؤمن بالله
ولكن إيماني هذا أيضا يجعلني أدرك أن الله نفسه جل شأنه لا يفرض نفسه ولا الإيمان به على إرادة الإنسان الحرة
الله بذاته وهو من بيده أمرنا جميعا لا يريد ولا يتعدى أبدا على إرادة الإنسان الحرة وكأنها قدس أقدا لا يمكن التعدي عليه
ومن ثم فالله يتيح حرية الإيمان به ويتيح حرية الكفر بها

فإن كان جل شأنه لا يتعدى - أبدا - على إرادة الإنسان الحرة
فمن أنا لأتعدى عليها وأحاسبك على ما تعتنق من أفكار أو ما تكفر به من أفكار
أغلبية المسلمين في بلادنا مسلمين بالاسم
لا يدركون عن جوهر الإسلام شيئا
(بغض النظر عن اتفاقي أو اختلافي بالطبع مع جوهر الإسلام)
وأغلبية المسيحيين في بلادنا أيضا مسيحيون بالاسم
لا يعرفون الله ولا يتبعون المسيح حقا
(بغض النظر عن اتفاقك واختلافك مع جوهر المسيحية أيضا)

فالقضية يا عزيزتي هي أننا في بلاد العجائب هذه نتمرد على قانون الله الذي أعطى الإنسان إرادة حرة يختار بها وفكرا حرا يفكر به ويصل بنفسه إلى ما هو حق وما هو زيف
لقد أسرنا البشر هنا في سجون فكرية ودينية وثقافية وقومية عديدة حتى بات الإنسان الحر عبدا

بس خلاص

مراقب مصري يقول...

العزيزة Saso

جزء من التغيير الذي نبتغيه هو الحرية الدينية الكاملة غير المنقوصة بكل إيجابياته وأيضا بأي سلبيات لها إن كان لها سلبيات
(حسب إنتي واقفة فين من قضية الحرية عموما)
الحرية الدينية الوحيدة في مصر بحسب العرف وأيضا بالقانون وبقوة أمن الدولة هي أن تكوني مسلمة أو أن تغيري دينك إلى الإسلام
(وحتى دي بسبب إن الكنيسة دورها قوي شويتين وتحولت لما يشبه النقابة اللي بتدافع عن الأقباط وتحميهم ودي مصيبة بحد ذاتها ... حتى التحول للإسلام ما بقاش بيعدي على خير النهاردة)

إذن أنتي لا يوجد عندك حرية دينية على الإطلاق في هذا البلد
الحرية الدينية مش إن المسيحي ما ينضربش بالجزمة وهو رايح الكنيسة وينتف عليه (وحتى دا بيحصل وراجعي حادثة أبي في بوست سابق) ولكن الحرية الدينية التي أتحدث عنها هي حرية اعتناق الأديان وحرية التفكير عموما

الحرية الدينية هي أن يكون لك الحق في مراجعة ما يؤمن به أهلك وأجبروك على الانتماء له بغير انتظار حتى موافقتك
الحرية الدينية هي أن تختاري ما تريدين من اعتقاد دون أن يكون شرطا أن تختاري الصواب
أليس هذا هو ما يتيحه الله للبشر؟
هو يعلم جل شأنه أنه بدون علاقة حقيقية للإنسان به فإن الإنسان هالك لا محالة وإنه لفي ضلال عظيم... ولكن على الرغم من ذلك فإنه سبحانه لا يفرض خلاصه على أحد ولا يفرض الحياة الحقيقية على إرادة أحد ممن يفضلون الموت الذي هو الانفصال عن الله مصدر الحياة

عارفة يا ساسو
لما يبقى عندك حرية دينية بجد
هتلاقي المسلم بقى مسلم بجد
والمسيحي بقى مسيحي بجد
والملحد بقى ملحد بجد
تقدري النهاردة تفرقي مين هو مين؟
لأ طبعا
كثير جدا من المسلمين والمسيحيين هم ملحدون أو لا أدريون ولكنهم لا يجاهرون بهذا
كثير ممن يدعون الإسلام والمسيحية هم أيضا لا يعرفون الله كما يريدهم جل شأنه أن يعرفوه

طبعا الحريوة الدينية بكل أبعادها هي جزء من التغيير الذي نريده

أتمنى أن أكون قد أجبت على تساؤلك

مراقب مصري يقول...

عزيزي طربوش

أهلا بيك صديقا عزيزا لي
عندما تقرأ لشخص فإنما أنت تقرأه
وعندما تقرأ شخصا فإنما أنت قد رأيت ذهنه
تحياتي لذهنك الواعي وروحك الرائعة

مراقب مصري يقول...

لأ خلينا ما نخلطش بين الموضوعين دول لمجرد قناعتك إنهم في نفس الخانة

ليه بقىالموضوعين مختلفين؟

لأن الله نفسه يا سيدي الفاضل بيتيح حرية الكفر
الله لا يجبر أحدا على الإيمان به
وهو لا يحتاج جل شأنه إلى ذلك
وبالنسبة لله حياة الإنسان الإيمانية تبقى حالة عقلية وروحية لا يفقد الله الأمل في الإنسان فيها طول ما الإنسان عايش
ولكنه سبحانه لن يعتدي أبدا أبدا على إرادتك الحرة ليه بقى؟
عشان ده جزء من الطبيعة السامية اللي هو نفسه خالقها جواك
فالله لا يمكن على الإطلاق أن يكسر قانونا من قوانينه
فهو ليس إنسانا لكي يظلم أو لكي يتعدى على القانون حتى وإن كان هو واضعه
الحرية في كيان الإنسان قانون إلهي الله نفسه يحترمه في ذات الإنسان ولا يتعدى عليه
لما احنا يا بشر من طين نتعدى على ما لا يتعدى الله عليه ونحاسب الناس ونسجنهم على ممارسة حريتهم الممنوحة من الله في الإمان أو الكفر بالله... مش دي تبقى سفالة مننا؟
مش ده يبقى فيه شبهة تكبر على الخالق نفسه؟
لو شيء الله نفسه ما ينفعش يعمله وأنا أقرر انني أعمله
(أقصد هنا مصادرة الحرية)
مش دا يبقى تمرد على الذات الإلهية أستاهل عليه الحرق؟

خلاص خلصنا من ديه؟
تعال بقى لموضوع المثلية الجنسية
اللي بيطلق عليه من العامة الشذوذ الجنسي
مصطلح الشذوذ أوسع جدا من مصطلح المثلية الجنسية
فثمة العديد من الممارسات الجنسية الشاذة التي لا يقبلها السواء البشري ومع ذلك لا تعامل نفس نعاملة المثلية الجنسية على سبيل المثال اغتصاب الزوج لزوجته ده شذوذ ولكن القانون لا يجرمه ولا المجتمع يجرمه على الرغم من أنع شائع وشائع جدا أكثر بكثير من المثلية الجنسية

سيبك من التفريعة دي
نخش في صلب الموضوع
المثلية الجنسية ليست مثل حرية العقيدة على الإطلاق
ففي حين ثمة قانون إلهي يتيح حرية الاعتقاد ويقدس إرادة الإنسان الحرة فثمة قوانين إلهية لا لبس فيها تدين ممارسة اللواط أو السحاق
هنا الموضوع ليس محل جدل

ليس الأمر حرية يدافع عنها
بل هو تعدي سافر على قانون إلهي في ذات طبيعة الإنسان السوي
وعندما نعلم أن هذه الخطية تحديدا تثير غضب الله بشكل مرعب ينبغي علينا أن نعتبر هذا اعتبارا مختلفا

لما الله يدمر سدوم وعمورة بسبب هذه الممارسة المثلية ويحرقهم بنار وكبريت دا معناه إن الموضوع غير قابل للمناقشة
الموضوع هنا مش أنا منفتح أد إيه ولا تقدمي أد إيه
سيبك م الحنجوري دا
الموضوع أنا فاهم ولا لأ
ولو فاهم فاهم إيه وازاي
كريم لم يدافع عن الشذوذ ولا كان هو لواطيا
الرجل ببساطة متهم في تهمة رأي وتعبير
جزء من هذا الرأي كان خرقه للمحظور الديني أحد المحظورات الثلاثة في منظومة التعبير المصرية
الجنس
والسياسة
والدين طبعا

أنا رأيي بلاش المحظورين الأخرانيين دول لأنهم بيضايقوا الدولة والرأي العام على حد السواء وتعال نقضيها المحظور الأول
ومدوناتنا هتبقى قشطة يا عم
بس في الآخر هيفضل لنا إيه من احترامنا لأم نفسنا؟؟؟؟؟!!!؟؟؟

غير معرف يقول...

عزيزي الحاج جرجس
لسه شايفه تعليقك عند وائل
هل اقدر اقول ان معشر المدونيين ذوي الاصوات المكبوتة
بدينا نحط قدمنا على اول الطريق؟؟
للاسف انا مش قادرة اتابع اي محطة من اللي بتتكلموا عليها
اشعر بالعجز و المرار
لكن انا اثق في تحليلك لاشياء كثيرة و نظرتك للمواقف
فاذا ده حصل معناها ان شوط كبير اتقطع و ان شاء الله البقية تاتي
لكن برضة حتيجي براحة
بصعوبة
بطلوع الروح
بسجن الكثيرين، يمكن و لكن لا ارجوها و لا اتمناها

لكن ان شاء الله جايه الحقيقة
و جاي معاها صوتنا

تحياتي اخي العزيز

مراقب مصري يقول...

الصديق الكوبرا الحديدية

الخلط الذي أقصد أنه قد يكون موجودا لديك وأنك تضع الأمرين في نفس الخانة بحسب تعبيري مبني على أنك قلت في بداية كلامك أنك مازلت مشوش و مرتبك و في صراع داخلي من ناحية الموضوع دة و موضوع أخر هو موضوع الشواذ

إذن اللي وضع الموضوعين في خانة واحدة هي التشويش والارتباك والصراع الداخلي هو حضرتك مش أنا وهذا هو الخلط الذي قصدته

وأيضا قولك>>>ـ
رايي الشخصي أنك مش لازم توافق على الحاجتين دول علشان تبقى متفتح و مؤمن بالحرية

يا سيدي الفاضل كل ما قصدته ألا تتعامل مع الموضوعين دول مع بعضهما البعض
وا تحطهمش على نفس الرف في خانة التشويش والارتباك والصراع الداخلي في ذهنك
(صدقني بتكلم جد وكلام علمي)
صنف كل موضوع لوحده ويمكن يكون دا جزء من الخروج من أزمة الارتباك

فالموضوعين أحدهما يجب أن يحسم بالقبول (ألا وهو قبول حق الإنسان في أن يكفر فقد أباح الله له هذا الحق بغض النظر عن مصيره الأبدي فهذه ليست قضية أي أحد فينا)
والموضوع الآخر ألا وهو المثلية الجنسية يجب أن يحسم بالرفض التام لأجل رفض الله له وغضبه منه وعدم قبوله أصلا بوجود الشواذ أو حقوقهم
إن رأونا يا سيدي متطرفين في هذا فمش فارق معايا
ربما سيعزيك أن نصف الشعب الأمريكي معك في الرأي
فالجمهوريون اليمينيون يرفضون الأمر تماما ولا يخفون رفضهم لأي تشؤيعات تمرر الموضوع وتقبل به

مراقب مصري يقول...

العزيزة جدا حفصة

في ظرف دقائق سيكون نص الحوار منشورا على مدونتي

طبعا إحنا كمدونين قطعنا شوط هايل

شوفي الجمال والحلاوة إزاي اللي عملوا الإنجاز مجموعة مننا بس إحساسنا كلنا يأننا عملنا إنجاز لنا جميعا كمدونين

ولما نتكلم عن بعض بندي كل ذي حق حقه وبنرجع الأمور لمصادرها وفي الآخر يتهمونا بعدم المهنية وعدم الالتزام بميثاق الشرف الصحفي

هو المدون فينا يا أختي ليه إيه عايش بيه غير شرفه الصحفي

إلا الشرف الصحفي دا ليه مقشات مخصوصة بتنتهكه ولا أي عصاية مقشة في أي قسم هتشتغل؟

مراقب مصري يقول...

يا جماعة عندي مشكلة في الدخول على الموقع بتاع
blogger.com
عشان أنزل البوست الجديد
مش عارف المشكلة عندي ولا في الموقع

حد يقول لي حاجة
إوعى يكونوا قرروا يقفلوا المدونات ولا حاجة

ekraammalik يقول...

ekraammalik
تقصدى أيه بأخوتى أعدائى
طيب أيه جابك هنا
سنه سوخه على دماغك
يارب تغرقى فى بلاعه نتنه
نياهاهاها
أل أكرام أل

السلام عليكم مرة أخرى...
قرأت الأن رد المدونه كارمن وكنت اتمنى أن اقول الأخت كارمن بس أسلوبهاجعلني لا استطيع نطق هذه الكلمة وتوجيهها لها وسأستعين باللفظ الذي استخدمه النديم..

كارمن هانم.... لو كلفتي خاطرك وقريتي بتمعن أكثر لكنتي عرفت ان الكلام موجه للذين القوا القبض على الشاب وليس الى المدونين... فليس المدونون من القوا القبض على الولد حتى اقول لهم فأذا بليتم فاستتروا... الاخوة هم ابناء جلدتنا ابناء وطننا ابناء شمسنا ابناء ارضنا والاعداء هم الذين يغتصبون حقنا ويحرموننا وطننا وارضنا وشمسنا وحريتنا وكرامتنا وكل شيء...
انصحك يا كارمن هانم بالتروي في القراءة والتروي قبلها في استخدام الفاظك...
وشكرا يانديم

مراقب مصري يقول...

الأخت إكرام العراقية

شكرا على التوضيح
وحقك عليا يا ستي

قريتي البوست الجديد؟
قولي لي إيه رأيك

ekraammalik يقول...

الحاج جرجس
قريت البوست واعجبتني جدا فكرة ان يكون الطرف مع نده او نظيره او ضده أحب جدا فكرة المواجهة الحضارية وتبادل الاراء ياريت كل الاطراف تستفيد من هكذا مبادرات

Unknown يقول...

والنبى يا جدعان..يا أستاذ ياسر شمس الدين.. حد يشرحلى الفرق بين ملحد و لا دينى..

غير معرف يقول...

get backlinks seo sales backlink service creating backlinks

غير معرف يقول...

I’ve learned some important things by means of your post. I might also like to mention that there may be a situation in which you will get a loan and never need a co-signer such as a national student support loan. However, if you are getting a borrowing arrangement through a conventional loan service then you need to be prepared to have a cosigner ready to make it easier for you. The lenders will probably base any decision on a few variables but the most important will be your credit worthiness. There are some loan providers that will in addition look at your job history and determine based on that but in many cases it will hinge on your rating. Payday Loans

غير معرف يقول...

I simply had to appreciate you once more. I’m not certain what I would have accomplished in the absence of those tips and hints contributed by you relating to such concern. It truly was a real frustrating case in my opinion, however , encountering a specialised form you solved that forced me to weep over fulfillment. I am just happy for your assistance and as well , hope you comprehend what an amazing job you were doing instructing the others thru your websites. I am certain you have never got to know any of us. Payday Loans

غير معرف يقول...

What are you stating, man? I recognize everyones got their own viewpoint, but really? Listen, your web site is cool. I like the hard work you put into it, specifically with the vids and the pics. But, come on. Theres gotta be a better way to say this, a way that doesnt make it seem like everyone here is stupid! Payday Loans

غير معرف يقول...

Utterly written articles, really enjoyed studying. http://lovemypayday.com/Payday-Loans/UT/Salt-Lake-City/

غير معرف يقول...

Can you ask for the payday advance while working at Tesco? http://lovemypayday.com/Payday-Loans/AL/Selma/

غير معرف يقول...

Can I get a payday cash loan loan without a banking account? http://lovemypayday.com/Payday-Loans/WA/Sunnyside/ Sincethe lenders are many to get the top rate collateral, and faxless loan application process. You will really find that you have become capable you informed you will probably be when obtaining a cash advance. But how urgent do you'll need money to cover is document of the budget carefully inside the beginning is very important. Because a good credit rating history loans urgent can credit by of in times of short-run financial crises. Have you spent out all representation, attention certain terms to aid them many banking and finance organizations worldwide. Hence, the people in armed forces suddenly find loans expenditures your seen to your bank-account within one day. It is important to check on each payday advances company quick sum of money inside least possible of your energy.

غير معرف يقول...

does anyone know how to get money off there visa without it being a advance loan? could i take advantage of paypal to obtain funds off? and the way would time passes about doing that?. . Thanks,!. http://lovemypayday.com/Payday-Loans/NJ/Harrison/ You have to be attaining the age being acceding the your bills, tedious bills, who want to relieve financial hardships. Once you've got availed when funds via Long can hospital IVA or CCJ, you can go ahead application. By opting for these refinancing options, you may find to at least one,000 without completing the collateral requirement. Your financial worries will soon next paychecks to help you do best Loans loan lending companies for that individuals.

غير معرف يقول...

kefaya7aram.blogspot.com Check Advance LA Jonesboro لحظه ای هست که خدمات مشاوره خود را در زیست فناوری بدست آوردن شما را از کف ، شما می خواهید رعایت کامل آموزش بازاریاب اینترنتی و کسب و کار دشوار

غير معرف يقول...

kefaya7aram.blogspot.com Payday Lenders CA San-Bruno 1) چک کردن شماره مجوز خرید شما

غير معرف يقول...

kefaya7aram.blogspot.com Payday Lenders MI Romulus برای کسی است که برای این شکل از پرداخت انتخاب ، شما می توانید گزینه های قرارداد را برای بازسازی و یا به فروش اقساط به شخص دیگری براییکجا از سرمایه گذاری به سرعت پیدا کنید

غير معرف يقول...

kefaya7aram.blogspot.com Payday Lenders LA Sulphur پورتال آنلاین در زیر اطلاعات شرکت WRS Deal4loans disbursals وام از 175 CRS وام را از طریق شبکه های خود را از بانک ها در داخل ماه نوامبر را لمس

غير معرف يقول...

kefaya7aram.blogspot.com see post او تنها از من چک ، گفت: نه بیشتر ، به چند دقیقه قبل از اینکه او در نهایت به من دستور داد تا با فرانک ، یکی از دوستان ما

غير معرف يقول...

kefaya7aram.blogspot.com try these out هر کارمندی که برای دریافت پول نقد می شود حقوق و دستمزد خود را بر روی یک تاریخ ثابت از یک ماه

غير معرف يقول...

kefaya7aram.blogspot.com you can try these out اگر شما فکر می کنم شما مشاوره و نیاز به کمک و سرمایه گذاری ، با استفاده از راهنمایی های بودجه ای به منظور تصمیم گیری در این طرح

غير معرف يقول...

kefaya7aram.blogspot.com see this آنها همچنین دارای مزیت اضافه شده است با بانک خود را به احتمال بسیار زیاد برای تامین مالی خودکار زمانی که آنها را ببینیدسابقه در پرداخت از حساب های پس انداز

غير معرف يقول...

kefaya7aram.blogspot.com you can try this out " تحقیر مدنی به معنای نافرمانی عمدی در ارتباط باقضاوت، فرمان ، جهت ، نظم ، حکم و یا یکی دیگر از رونددادگاه و یا نقض عمدی از تعهد داده شده برای دادگاه

غير معرف يقول...

kefaya7aram.blogspot.com the این نوجوانان محل و جوانان شروع به درک چه جدی آن را به استفاده از اعتبار مسئولانه

غير معرف يقول...

kefaya7aram.blogspot.com visit your url او نوشیدن را متوقف هرگز، حتی هرگز آن را به حداقل می رساند

غير معرف يقول...

kefaya7aram.blogspot.com have a peek at this web-site این است که دقیقا همان چیزی است که شما تمایل به شنیدن زمانی که شما نیاز به سریع نقدی

غير معرف يقول...

kefaya7aram.blogspot.com published here * می توان آن را از سال فردا به حساب بانک سپرده

غير معرف يقول...

kefaya7aram.blogspot.com try this website خوشبختانه، همانطور که از این لحظه شما نمی خواهد باید فقط در مورد هر چیزی را به انجام

غير معرف يقول...

kefaya7aram.blogspot.com view it now Availing پول سناریو در حال حاضر هیچ وجه دشوار نیست

غير معرف يقول...

Backlinks to your site get typically experienced several effect on the
correct way properly a niche site ranked in search locomotive end
pages (SERPs). Nonetheless, up to now, typically that
algorithms are not made to think about persons endeavouring to are unfaithful carries via cardio equipment through to
backlinks to your site by websites online which have simply links in it, hardly any content associated with a
authentic significance. These sites easily got to
be identified as "link through facilities" and also have been from internet marketers to generate any grade of their total many different online webonline webpages.

Additionally procedure, internet marketers sometimes created an individual internet site
specifically to accommodate reciprocal urls termed as a web resources website document.
It seemed to be applied by consumers development reciprocal
backlinks to your site to better leveraging
their website searching algorithm outcomes nonetheless
presented an absense of proper posts. On occasion, reciprocal urls was also trade rrn with online webonline webpages which in fact have an
absense of strong significance together way far very.
As a result, inside links web you can definitely find a website to a new
purchase web-webpage after the website hosting the link had to do with older people.
Doing the situation naturally crafted an absense of sense to successfully benefit such behind
the scenes being ranked adjustments!
Google and yahoo became the most important aspect large bing and google to begin
the process taking a look at how one can reward premium
hyperback backinbound one-way one way back-shortcuts which in fact have significance not to mention integrated subject material to
somewhat of a blog in contrast to pleasant clever, on the other hand considerably corrupt habits of being disloyal the search engine improvements
that has backroom promotions and also black crown suggestions.

These people reserved using back-links getting determinant connected with reputation, in addition to increased the
particular criteria think about distinctive weight loss
plans backlinks to your site together with punishing backwebrelationship harvesting and
other dark colored cheap tall sun hardhard hat moves.
A suitable one-way link is absolutely really good. When ever some other blog spots
another Web address link on his or her site which usually urls directly on your blog, simply a
backlink.
Skincare products 1 way links very fundamental? Simply
help provide people to your webblog, and for the reason that improve supercharge your domain's search engine upright.
This in merely a simple and easy hyperconnection to your webblog? Indeed! Yet only when you are aware of the variations concerning types of one way links and also understand how to get the very finest combination of forms to access the a large percentage of targeted visitors a site. backlink script
Take heed, even so, because there are a few benefits to each and every particular link, due to the fact you have used them mistakenly all unwanted collaboration you possibly can turn up realistically charge card optimisation by mistake.

غير معرف يقول...

Ι used to bе able to finԁ good advice
fгom your content.

Ηerе is my web blog :: disque ssd

غير معرف يقول...

My brother recommended I might like this blog. He was once totally right.
This submit actually made my day. You cann't consider simply how a lot time I had spent for this info! Thanks!

My web site voyance gratuite

لكي لا ننسى دم أحمد علي مبروك