تحياتي وشكرا على التهاني الرمضانية المعلنة على مدونتك الشيقة كلام صلاح جاهين كله حلو ،، وكله حكم ومشاعر مصرية صرفة ـ بس عامله زي المخدرات ـ ان تماديت فيها وتعاطيتها بغير حرص ـ ها تتملك منك وتخليك ماشي تايه، وبعدين تضرك .. تحياتي . اه ، الأخ العزيز ـ كما ينادوك ـ جرجس، ولو سمحت هل لي ان اعرف : انت مسيحي حقاً ؟؟
يامصر أكتب اليك جوباتى أيوه جرجس مسيحى قبطى نصرانى يسارى من أنصار كفايه ومعادى للساميه وللست فتـحيه البرجوازيه ومندس وبيجيله تمويل من الخارج تقريبآ من كفر الدوار وبيشتغل تمرجى فى مستشفى الهرم وبيشتغل بالليل تباع على ميكروباز مكافح يعنى بص يا جرجس أنت مش مذاكر عشان تعمل أضافة لينكات الموضوع بسيط وكله فى السايدر بار وعشان تفهم الموضوع ده لينك عملاه بنت مصريه فيه شرح بسيط وشامل عن المواضيع دى بس أقراه بشويش عشان ذكائك الحاد كيف تنشأ مدونه يا حاج جرجس
يا مصر أكتب إليكي رسائلي عاجبني جدا الاسم دا بس يحزنني أقول لك إن المرحومة ما عدتش تستقبل رسائل بعد ما الورثة باعو العشة اللي كانت الله يرحمها عايشة فيها على النيل وعملوا مكانها نايت كلوب كان نفسي أقول لك العنوان ونروح نهيس هناك سوا بس انت عارف في رمضان بيقفلوا الأماكن الموبوءة دي طبعا سؤالك البريء جاوبت عليه حبيبتي أووووسة بالتفصيل بس على فكرة أن كنت داكتوور أد الدنيا غيرشي الزمن طلع دين أمي تخيل إني كنت طبيب تحدير في زمن ما وكان مرتبي 180 جنيه في الشهر وكنت باقعد تلات شهور من غير مرتب ويدوني مبلغ تلات شهور متحوشة مع بعض برضك بيفهموا والنظرية فيما يبدو إنهم كانوا بيحوشوا لي مبلغ ضخم على بعضه لأنهم عارفين إني سفيه وهاصرف هذا المرتب العظيم على ما يغضب ربنا أوم أنا من سفاهتي مستحملتش السياسة الحكيمة بتاعتهم دي واستقلت وبقيت طبيب حر يعني في الشارع والحمد لله بالنسبة لتعاطي رباعيات جاهين متفق معاك بس أعمل إيه؟ أنا أدمنت خلاص!!! إلا تعاطي صلاح جاهين في نهار رمضان يفطر الصائم؟ لو دا صحيح يبقى للصائم تلات فرحات مش بس فرحتان الفرحة التالتة هي طبعا تعاطي رباعية ملفوفة في ورقة بفرة قبل حتى الواحد ما يضرب كوباية قمر الدين المتينة على ريق الصيام أهلا بيك عزيزي في مدونتي المتواضعة ======================
يا قرة العين وسؤدد الفؤاد أميرة قلبي وكليتيَّ والفشة والطحال الأميرة أووووسة بقى أنا تومرجي في مستشفى الهرم؟ هو عشان بتشوفيني دايما باتسكع في شارع الهرم يبقى دا معناه إني بشتغل هوناك؟ أما بالنسبة للميكروباز فدي إسمها فراسة ودا للأن مكشوف عنك الحجاب والنقاب كمان ولن أقول لك سوى كلمة واحدة بتبص على إيه يا عبيط؟ الحلوة دي بالتقسيط شكرا على اللنك وتاني مرة عشان البيه يفهم على أده أومال إيه =================
شهروزتي البديعة جوووووون جميل والحلوة نقول عليها حلوة مخدتش بالي إطلاقا من إن الرابعية فيها طظ غير لما إنتي يا نور عيني لفتي إنتباهي بس بذمتك ودينك يا شيخ طظ صلاح جاهين زي طظ عاكف؟ مش كل كل ولا طظ طظ ولا أي قط يتقال له يا مشمش دي طظ في الجون طظ في الطير العالي في السما ومفتكر إن ربنا مصطفيه وهو برضط بياكل دود وللطين يعود يمص فيه يا حلو ويمص فيك صلاح جاهين أكبر من أي تعليق بعده وكلمة عجبي العميقة جدا بتاعته تلخص آلاف من التعليقات مش معنى إن أوووسة سابت لي لنك هنا إن إنتي ما تبعتيليش على إيميلي السري ولقد تركته لكِ في مدونتك يا جمرة (لأ مش الجمرة الخبيثة) بحبك يا بت ========================
عم مونجي كان الله في العون تلاقيك كتبت الكومنت بعد الفطار واللحمة لسة طابقة على مراوحك نصيحتي بعد اللحمة حلي بطبق جل ==================
وأخيرا وليس آخرا الحبيب بابا جدو في كل مرة بشوف تعليق ليك عندي بحس إن الدنيا بخير إن شا الله تقول ريان يا فجل تفتكر ممكن ربنا يستجيب لدعايا تيموتيكي تيموتيكي كدة؟ معتقدش مكتوب إن الله لا يغير ما بقوم حتى يغيروا ما بأنفسهم
إيه رأيك المهم في الاقتباس من إنجيل متى بتاع الصوم الحقيقي؟
الحق يتقال البت شهروزة طلعت نميسة جابت فيا جون محترم وف توقيت صح وبسبب خطأ دفاعي رهيب أنا اللي سبت الشبكة مفتوحة والدفنس كان طالع أدام أعمل إيه أنا مش بتاع دفاع أنا الفريق عندي كله راس حربة وفراودة أكم يجعله عامر بحسك يا قمر
إنت في مصر ولا ف أمريكا اليومين دول؟ لو في مصر ما ينفعش تمشي من غير ما تعزمنا على سحور مفتخس في الحسين رمضان كريم
رديت علىّ تقول تفتكر ممكن ربنا يستجيب لدعايا تيموتيكي تيموتيكي كدة؟ معتقدش مكتوب إن الله لا يغير ما بقوم حتى يغيروا ما بأنفسهم
وارد عليك اقول ان الله عز وجل قل ادعونى استجب لكم يعنى نغير فى نفسنا ونطلب العون من الله بالدعاء والدعاء مخ العبادة والاقتباس من الانجيل عن الصيام على عينى وراسى ـ نحن المسلمين نؤمن بالله وملائكتة وكتبة ورسولة لانفرق بين احد من رسولة والاسلام مجاش علشان يلغى المسيحية واليهودية ولكن جاء يكمل الرسالة من الله لكل البشر ويكون الدين الخاتم لكل الرسالات
انا بكل اسف فى امريكا ـ واحلى مسلسل بتفرج علية السنة دى هو مسلسل اوسا وعربى وشهروزة ضد الحاج جرجس فكاهة على اعلى مستوى خاصة جون شهروزة الاخير انت يادوب شوت الكرة وكانت شهروزة لبدة ليك وحطت الجون فى المقص وانت واقف مزهول ومش متخيل ازاى الجون دة اتحط بصراحة ولا جون من بتوع زيدان فى كاس العالم برفوا شهروزة هاردلك حاج جرجس
العزيزة رشا مدام جيتي المدونة عندي تبقي عزيزة وتبقي حللتي أهلا ونزلتي سهلا وزرينا دايما تجدي ما يسرك صلاح جاهين دا كان فنان بجد ولما اكتشف إن الثورجية الضلالية نصبوا عليه وإنهم خلوه يغني على الناس بدل ما يغني للناس طق من جنابه جاهين وجيله متقدريش تفهميهم وتقريهم صح إلا في ضوء فهم سياق النكسة أي الهزيمة والوكسة في 67 واللي أطاحت بأحلام أمة لحد النهاردة قاعدين نحاول نرممها ونلزقها جنب بعضيها
أشكرك على إطرائك على كتابتي سأزورك في مدونتك قريبا جدا رمضان كريم
انا من محبينه واسمى حاجه بيوصلها الانسان هو انو يعرف اخطاؤا قبل حسناتو
ودي قمة الحكمة والصفاء True wisdom comes to each of us when we realize how little we understand about life, ourselves, and the world around us." شكرا على تزويدي بمعلومات لم اكن اعرفها
عزيزتي أم العيال بعد ما دخلت مدونتك وشفت رقة الإحساس والذوق الرفيع الذي تتمتعين به لا يمكنني سوى أن أضيفك إلى مدوناتي المفضلة طبعا على ضمانتي سعيد بصداقتك ===================
النديم دا مش احتلال دا تداول سلطة وتعالى نعمل انتخابات ونشوف الشعب هيختار مين
معنديش مانع شوف كمان الفارس القديم ادعيه هو أصلن متحمس جدا لموضوع لقاء المدونين دا الفارس وعشتار ممكن يجيبوا لنا تخفيضات في أماكن كويسة نسق معاه أو الأسهل نتقابل كلنا بعون الله في أمن الدولة بلاظوغلي
حاج جرجس نقلت مقالة انيس منصور هنا علشان لو مكنتش شفتها تبقى اديك شفتها كان المفروض اعمل لينك لكن بكل اسف لو عملت لنك مش حينفع لان عن تجربة الاهرام بيغر المواضيع تحت نفس اللنك
أعمدة 43763 السنة 131-العدد 2006 اكتوبر 1 8 من رمضان 1427 هـ الأحد مواقف بقلم : أنيس منصور نفرض مجرد فرض أنني أخذت بلدياتي فاروق العقدة بالحضن. وقبلته وقبلني عشرين مرة, هل يترتب علي ذلك ان ينقل نصف اموال البنك المركزي الي رصيدي؟
نفرض انني اخذت الانبا بسنتي صديقي بالحضن: وحشتني والله لك وحشه. انا كنت آخذك بالحضن عندما رأيتك في المانيا وكنت قادما من كندا, وأنا من مصر.. هل لو حدث ذلك اصبحت أنا مسيحيا وأبونا مسلما؟
ومنذ يومين شاهدت في روما مهرجان اختيار ملكة جمال ايطاليا. اختاروا مائة جميلة ثم عشرين من المائة, ثم عشرة من العشرين ثم خمسا ثم ثلاثا ثم واحدة وقالوا: ليقم واحد في سن والدها ومن مصر ليقبلها هنا مرة وهنا مرتين ويهدي لها تحيات نفرتيتي ونفرتاري وزاهي حواس هل لو حدث ذلك احصل علي نصف جمالها ودلالها؟
ومادام هذا لايحدث ولايمكن ان يحدث فما معني هذه المسخرة التي نسميها( افطار الوحدة الوطنية). يعني إيه؟ يعني إذا أكلنا من طبق الانبا شنودة, ومن طبق الامام الدكتور طنطاوي ووضعنا ملحا من عند المشير طنطاوي وفلفلا من عند د. نظيف ثم عصرنا ليمونا من عند سويرس وغبور. هل لو حدث ذلك اصبحنا سمنا علي عسل. وحبايب وبالروح بالدم نفديك يامصر؟
إيه الكلام الفارغ ده؟ الوحدة الوطنية ليست الاكل من طبق واحد, لاننا نفعل ذلك كل يوم ونحن مصريون علي ارض واحدة وتحت سماء واحدة, وهمومنا واحدة. وأنا مالي ومال دينك وأنت مالك ومال ديني. نحن مصريون أولا وأخيرا, إنها اكذوبة وخرافة الطبق الواحد في اليوم الواحد كل سنة قادر علي اصلاح ما فسد بيننا.
إن لي اصدقاء بالمئات: ريمون وميخائيل وروفائيل وانيس وجورج وتمضي الشهور لا أراهم. وقد تمضي السنوات ايضا, ولكنهم اعز اصدقائي ولا أكلنا من طبق واحد, ولا شربنا, ولا في نيتنا. أما هذا العبث السنوي فهو آخر فوازير رمضان التي يجب ان تختفي.
الحج جرجس راس الحربة الاول فى فريق المدونيين القومى منتحل شخصية عمر قناوى الشهير بالنديم طبيب التخدير المستقيل عن عمر يناهز الكام وعشرون عاما لسوء الاحوال المالية وفى مقولة اخرى طبيب امراض نسا
تشرفت بزيارة مدونتك بس ملقتش عزومة ولا مائدة رحمن وكده مع انك صاحب واجب
صلاح جاهين الحاضر بكلماته الغائب بجسده مفيش مناسبة مش هتلاقى كلمة من كلماته تغطى الحدث واختيارك كان حلو المرة دى بس زى ما قلت دفاعك كان محتاج تقوية بدل ما شهروزة تجيب فيك جون سهل كده
بس خيرها فى غيرها قدامك اجوان كتيير تسددها مستنينك يا هداف تحياتى
عم الحاج جدو الجميل مقالة أنيس منصور لخصت تقريبا تلات أربع تدويناتي الخاصة بالموضوع دا وجابتها ببساطة شديدة لا يمكن التعليق عليها الناس قرفت من الأونطة يا عم الحاج وزهقت من بوس الدقون (والمصيبة إن اللي في القلب في القلب!) إقرا النهاردة كمان مقالة حمدي رزق في المصري اليوم عن واحد اسمه الأنبا بيشوي كبير الصقور في الكنيسة الأرثوذكسية المصرية لن تجد اختلافا بين منهجيته ومنهجية سلفيي الإخوان وربما جماعة الجهاد الراجل ببساطة في مؤتمر للقسوس التابعين له في مدينة الفيوم تحت عنوان تثبيت العقيدة يأمر بمنع قراءة المسيحيين لمجلة روزاليوسف (سيبك طبعا من النهاردة على إيد عبد الله كمال وكرم جبر المجلة بقت عرة وبقى حرام قراءتها) لكن دي مصيبة إن سعادة الأنبا الجليل يقرر منع المسيحيين من قراءة مجلة يا خبر اسود هي حصلت!!! دة ردة حضارية خبطة دين أم البلد من كل الجهات هنلاقيها من الإخوان ولا من متطرفي الأقباط
الليه يسامحكوا أو يحرقكوا ======================
وأخيرا العزيزة توتا في مدونتي وكمان منت عليا بلقب راس الحربة الأول في فريق المدونين إيه الشرف دا!!
يا عزيزتي زيارتك عندنا تسوى الدنيا بحالها أشكرك على ذوقك وجمال كلامك وانتي بس مش واخدة بالك أنا عزمتكوا بالفعل من مدونة عمر (بس إيه رأيك في الانقلاب اللي عملته عند عمر؟ عمر هيتجنن... كل شوبة بيلاقيني ناطط له وبكتب هناك أكتر ما بيكتب هو لأ وحكاية احتلال مدونته دي قصة والرد على التعليقات اللي بتجيله وأخيرا دعوة المدونين لزيارة مكتبتي (اللي هي طبعا مكتبته) أنا بصراحة عمر صعبان عليا بس مخبيش عليكي أول ما بقابله ببقى مؤدب وعامل زي الفار لحسن يطلع عليا القديم والجديد ويخليني أدفع أنا مشاريب القهوة كلها)
شوفتي التثبيتة اللي ثبتتها لي شهروزة؟ جوون جامد أوي بتاع طظ دا
يا ابن اللذينة يا نديم!!! الأسلوب فعلا أسلوبي والكلام يبدو فعلا إنه كلامي ممكن أكون عندي فصام وعملت العملة دي وانا مش واخد بالي؟ أنا مش فاكر إني عملت كدة بس الفكرة افتكاسة المشكلة إنه كيف سأكتب الجزء الثاني لو لم أدخل من جديدي في حالة الفصام لأتذكر اليوسر نيم بتاعك واكمل القصة.... إدعيلي يا بني إن الحالة تجيني تاني عشان نكمل القصة أو حال انت تكملها وخلاص صحيح مش هتعرف تكتب زي كتاباتي العبقرية بس يلا على الأقل يكفيك شرف المحاولة إقرا البوست الأخير بتاعي ونبقى نتكلم
هناك ٣١ تعليقًا:
تحياتي وشكرا على التهاني الرمضانية المعلنة على مدونتك الشيقة
كلام صلاح جاهين كله حلو ،، وكله حكم ومشاعر مصرية صرفة ـ بس عامله زي المخدرات ـ ان تماديت فيها وتعاطيتها بغير حرص ـ ها تتملك منك وتخليك ماشي تايه، وبعدين تضرك .. تحياتي .
اه ، الأخ العزيز ـ كما ينادوك ـ جرجس، ولو سمحت هل لي ان اعرف :
انت مسيحي حقاً ؟؟
يامصر أكتب اليك جوباتى
أيوه جرجس مسيحى قبطى نصرانى
يسارى من أنصار كفايه
ومعادى للساميه وللست فتـحيه البرجوازيه ومندس وبيجيله تمويل من الخارج تقريبآ من كفر الدوار
وبيشتغل تمرجى فى مستشفى الهرم
وبيشتغل بالليل تباع على ميكروباز
مكافح يعنى
بص يا جرجس أنت مش مذاكر عشان تعمل أضافة لينكات الموضوع بسيط وكله فى السايدر بار وعشان تفهم الموضوع ده لينك عملاه بنت مصريه فيه شرح بسيط وشامل عن المواضيع دى بس أقراه بشويش عشان ذكائك الحاد
كيف تنشأ مدونه يا حاج جرجس
واد يا جرجس
شفت اوسا قالت لك اية؟؟
اهو بقا يا حلو لو معرفتش تفهم حاجة من عند نصايح بنت مصرية
تعالالى يا جمر انت يا جمر وانا افهمك تاتا تاتا
استبينا؟؟
-----------
اسئوستى
يختشى عليكى وانتشى بتحطى غوووج فى الموراية كدة
ودة غووج مصرى من العتبة ولا مستورد من بنها؟؟
بالمناسبة
حلوة التربيعة بتاعت جاهين دى
بس مش ملاحظ حاجة؟؟
انها رجعتك لحزب طظ
ههههههههههه
كل طظ.....اواواواو.......اقصد كل سنة وانت
زى ما انت وخلاص
تشااااو
هيه هيه
ده ايه الخفة الي انت فيها ديه
هااهاهاا
عايز اضحك بس مش قادر بافطر محشي بقالي يومين
سلاام يا صديكي
الحاج جرجس
دة تعليق بروحين على المدونة اللى فاتت لانى جيت متاخر واقلك ربنا يحقق احلامك ورمضان الجاى مش بيعيد على الله يحقق كل اللى كتبتة
على التدوينة دية
انا عجبتنى شهروزة فى تعليقها
انت حطيت نفسك مع حزب طز ـ ملعوبة وفى الجون من شهروزة تحياتى لكل من سيرك عاكف وسيرك الحلو ياحلو
يا مصر أكتب إليكي رسائلي
عاجبني جدا الاسم دا
بس يحزنني أقول لك إن المرحومة ما عدتش تستقبل رسائل بعد ما الورثة باعو العشة اللي كانت الله يرحمها عايشة فيها على النيل وعملوا مكانها نايت كلوب
كان نفسي أقول لك العنوان ونروح نهيس هناك سوا
بس انت عارف في رمضان بيقفلوا الأماكن الموبوءة دي
طبعا سؤالك البريء جاوبت عليه حبيبتي أووووسة بالتفصيل
بس على فكرة أن كنت داكتوور أد الدنيا غيرشي الزمن طلع دين أمي
تخيل إني كنت طبيب تحدير في زمن ما وكان مرتبي 180 جنيه في الشهر
وكنت باقعد تلات شهور من غير مرتب ويدوني مبلغ تلات شهور متحوشة مع بعض
برضك بيفهموا
والنظرية فيما يبدو إنهم كانوا بيحوشوا لي مبلغ ضخم على بعضه لأنهم عارفين إني سفيه وهاصرف هذا المرتب العظيم على ما يغضب ربنا
أوم أنا من سفاهتي مستحملتش السياسة الحكيمة بتاعتهم دي
واستقلت
وبقيت طبيب حر يعني في الشارع والحمد لله
بالنسبة لتعاطي رباعيات جاهين
متفق معاك بس أعمل إيه؟
أنا أدمنت خلاص!!!
إلا تعاطي صلاح جاهين في نهار رمضان يفطر الصائم؟
لو دا صحيح يبقى للصائم تلات فرحات مش بس فرحتان
الفرحة التالتة هي طبعا تعاطي رباعية ملفوفة في ورقة بفرة قبل حتى الواحد ما يضرب كوباية قمر الدين المتينة على ريق الصيام
أهلا بيك عزيزي في مدونتي المتواضعة
======================
يا قرة العين وسؤدد الفؤاد
أميرة قلبي وكليتيَّ والفشة والطحال
الأميرة أووووسة
بقى أنا تومرجي في مستشفى الهرم؟
هو عشان بتشوفيني دايما باتسكع في شارع الهرم يبقى دا معناه إني بشتغل هوناك؟
أما بالنسبة للميكروباز
فدي إسمها فراسة
ودا للأن مكشوف عنك الحجاب والنقاب كمان
ولن أقول لك سوى كلمة واحدة
بتبص على إيه يا عبيط؟
الحلوة دي بالتقسيط
شكرا على اللنك
وتاني مرة عشان البيه
يفهم على أده
أومال إيه
=================
شهروزتي البديعة
جوووووون جميل
والحلوة نقول عليها حلوة
مخدتش بالي إطلاقا من إن الرابعية فيها طظ غير لما إنتي يا نور عيني لفتي إنتباهي
بس بذمتك ودينك يا شيخ
طظ صلاح جاهين زي طظ عاكف؟
مش كل كل ولا طظ طظ ولا أي قط يتقال له يا مشمش
دي طظ في الجون
طظ في الطير العالي في السما ومفتكر إن ربنا مصطفيه وهو برضط بياكل دود
وللطين يعود يمص فيه يا حلو ويمص فيك
صلاح جاهين أكبر من أي تعليق بعده
وكلمة عجبي العميقة جدا بتاعته تلخص آلاف من التعليقات
مش معنى إن أوووسة سابت لي لنك هنا إن إنتي ما تبعتيليش على إيميلي السري
ولقد تركته لكِ في مدونتك يا جمرة
(لأ مش الجمرة الخبيثة)
بحبك يا بت
========================
عم مونجي
كان الله في العون
تلاقيك كتبت الكومنت بعد الفطار واللحمة لسة طابقة على مراوحك
نصيحتي
بعد اللحمة
حلي بطبق جل
==================
وأخيرا وليس آخرا
الحبيب بابا جدو
في كل مرة بشوف تعليق ليك عندي بحس إن الدنيا بخير إن شا الله تقول ريان يا فجل
تفتكر ممكن ربنا يستجيب لدعايا تيموتيكي تيموتيكي كدة؟
معتقدش
مكتوب إن الله لا يغير ما بقوم حتى يغيروا ما بأنفسهم
إيه رأيك المهم في الاقتباس من إنجيل متى بتاع الصوم الحقيقي؟
الحق يتقال البت شهروزة طلعت نميسة
جابت فيا جون محترم وف توقيت صح
وبسبب خطأ دفاعي رهيب
أنا اللي سبت الشبكة مفتوحة والدفنس كان طالع أدام
أعمل إيه أنا مش بتاع دفاع
أنا الفريق عندي كله راس حربة
وفراودة أكم
يجعله عامر بحسك يا قمر
إنت في مصر ولا ف أمريكا اليومين دول؟
لو في مصر ما ينفعش تمشي من غير ما تعزمنا على سحور مفتخس في الحسين
رمضان كريم
هههههههههه
اخجلتونى يا جدو انت والواد جرجس
هو انت لسة شفت حاجة؟؟
دة انا حاطلع عينك
حاجيب فيك كمان رمية ثلاثية
بس ربنا يدينا الصحة والنظر كدة
ل سنة وانتوا طيبين
ألا انت صحيح موسيحى ولا مؤاخذة؟
ههههههههه
باستعبط
عزيزتس شهروزة
بموت فيكي
الحاج جرجس
رديت علىّ تقول
تفتكر ممكن ربنا يستجيب لدعايا تيموتيكي تيموتيكي كدة؟
معتقدش
مكتوب إن الله لا يغير ما بقوم حتى يغيروا ما بأنفسهم
وارد عليك اقول ان الله عز وجل قل ادعونى استجب لكم يعنى نغير فى نفسنا ونطلب العون من الله بالدعاء والدعاء مخ العبادة والاقتباس من الانجيل عن الصيام على عينى وراسى ـ نحن المسلمين نؤمن بالله وملائكتة وكتبة ورسولة لانفرق بين احد من رسولة والاسلام مجاش علشان يلغى المسيحية واليهودية ولكن جاء يكمل الرسالة من الله لكل البشر ويكون الدين الخاتم لكل الرسالات
انا بكل اسف فى امريكا ـ واحلى مسلسل بتفرج علية السنة دى هو مسلسل اوسا وعربى وشهروزة ضد الحاج جرجس فكاهة على اعلى مستوى خاصة جون شهروزة الاخير انت يادوب شوت الكرة وكانت شهروزة لبدة ليك وحطت الجون فى المقص وانت واقف مزهول ومش متخيل ازاى الجون دة اتحط بصراحة ولا جون من بتوع زيدان فى كاس العالم برفوا شهروزة هاردلك حاج جرجس
شاف الطبيب جرحى وصف له الأمل
وعطانى منه مقام يا دوب ما اندمل
مجروح جديد يا طبيب وجرحى لهيب
ودواك فرغ منى وإيه العمل؟؟
عجبى !!!!!
صلاح جاهين دا بجد ادمان بس ادمان يصحيك على الواقع مش ينسيك :)اسلوبك في الكتابة بصراحة مختلف ولكنه صحيح كده زي جاهين يدخل الى عمق المواضيع
العزيزة رشا
مدام جيتي المدونة عندي تبقي عزيزة
وتبقي حللتي أهلا ونزلتي سهلا
وزرينا دايما تجدي ما يسرك
صلاح جاهين دا كان فنان بجد
ولما اكتشف إن الثورجية الضلالية نصبوا عليه وإنهم خلوه يغني على الناس بدل ما يغني للناس
طق من جنابه
جاهين وجيله متقدريش تفهميهم وتقريهم صح إلا في ضوء فهم سياق النكسة
أي الهزيمة والوكسة في 67
واللي أطاحت بأحلام أمة
لحد النهاردة قاعدين نحاول نرممها
ونلزقها جنب بعضيها
أشكرك على إطرائك على كتابتي
سأزورك في مدونتك قريبا جدا
رمضان كريم
ملحوظة
هناك رباعية رائعة كتبها جاهين تلخص ما قلته الآن
أنا قلبي كان شخشيخة أصبح جرس
جلجلت به صحيوا الخدم والحرس
أنا المهرج قمتوا ليه.. خفتوا ليه
لا ف إيدي سيف ولا تحت مني فرس
وعجبي!!!
قمة الصدق مع الذات وقسوة الاعتراف بالخطأ
أنا المهرج
هكذا اكتشف ما كان يفعله طوال سنين الثورة
وصورة صورة صورة كلنا كدة عايزين صورة
وغيرها من الدعاية الرخيصة اللي اتورط فيها
لذلك فالرباعيات تحديدا أصفى وأصدق ما كتب
انا من محبينه واسمى حاجه بيوصلها الانسان هو انو يعرف اخطاؤا قبل حسناتو
ودي قمة الحكمة والصفاء
True wisdom comes to each of us when we realize how little we understand about life, ourselves, and the world around us."
شكرا على تزويدي بمعلومات لم اكن اعرفها
ربنا يحميك
رشا الرقيقة
إيه الرقة اللي انتي فيها دي؟
حاسبي على نفسك
دا ممكن تتاكلي أكل من كتر حلاوتك ورقتك
وذوقك
إنشالله ميرسي
دكتور جرجس
الف مبروك تطور المدونه
يا رب ابقى على ضمانتك
سلام بقه
انت يا عم الحاج ياللي احتليت المدونه بتاعتي تحذير أخير هعلن عليك الحرب
إنسحب احسن لك وإلا
رمضان كريم
عزيزتي أم العيال
بعد ما دخلت مدونتك وشفت رقة الإحساس والذوق الرفيع الذي تتمتعين به
لا يمكنني سوى أن أضيفك إلى مدوناتي المفضلة
طبعا على ضمانتي
سعيد بصداقتك
===================
النديم
دا مش احتلال
دا تداول سلطة
وتعالى نعمل انتخابات
ونشوف الشعب هيختار مين
باقولك ايه يا حج جرجس...ايه رايك في دعوة المزاجنجي بيك؟
مالو المزجنجي؟
أنا مشفتش دعوته؟
فين دي؟
نتلم في يوم في رمضان في اي مكان وقت الفطار...نفطر ونتعرف شخصيا
معنديش مانع
شوف كمان الفارس القديم ادعيه
هو أصلن متحمس جدا لموضوع لقاء المدونين دا
الفارس وعشتار ممكن يجيبوا لنا تخفيضات في أماكن كويسة
نسق معاه
أو الأسهل نتقابل كلنا بعون الله في أمن الدولة بلاظوغلي
رمضااااااان كرييييييييم
حاج جرجس
نقلت مقالة انيس منصور هنا علشان لو مكنتش شفتها تبقى اديك شفتها كان المفروض اعمل لينك لكن بكل اسف لو عملت لنك مش حينفع لان عن تجربة الاهرام بيغر المواضيع تحت نفس اللنك
أعمدة
43763 السنة 131-العدد 2006 اكتوبر 1 8 من رمضان 1427 هـ الأحد
مواقف
بقلم : أنيس منصور
نفرض مجرد فرض أنني أخذت بلدياتي فاروق العقدة بالحضن. وقبلته وقبلني عشرين مرة, هل يترتب علي ذلك ان ينقل نصف اموال البنك المركزي الي رصيدي؟
نفرض انني اخذت الانبا بسنتي صديقي بالحضن: وحشتني والله لك وحشه. انا كنت آخذك بالحضن عندما رأيتك في المانيا وكنت قادما من كندا, وأنا من مصر.. هل لو حدث ذلك اصبحت أنا مسيحيا وأبونا مسلما؟
ومنذ يومين شاهدت في روما مهرجان اختيار ملكة جمال ايطاليا. اختاروا مائة جميلة ثم عشرين من المائة, ثم عشرة من العشرين ثم خمسا ثم ثلاثا ثم واحدة وقالوا: ليقم واحد في سن والدها ومن مصر ليقبلها هنا مرة وهنا مرتين ويهدي لها تحيات نفرتيتي ونفرتاري وزاهي حواس هل لو حدث ذلك احصل علي نصف جمالها ودلالها؟
ومادام هذا لايحدث ولايمكن ان يحدث فما معني هذه المسخرة التي نسميها( افطار الوحدة الوطنية). يعني إيه؟ يعني إذا أكلنا من طبق الانبا شنودة, ومن طبق الامام الدكتور طنطاوي ووضعنا ملحا من عند المشير طنطاوي وفلفلا من عند د. نظيف ثم عصرنا ليمونا من عند سويرس وغبور. هل لو حدث ذلك اصبحنا سمنا علي عسل. وحبايب وبالروح بالدم نفديك يامصر؟
إيه الكلام الفارغ ده؟ الوحدة الوطنية ليست الاكل من طبق واحد, لاننا نفعل ذلك كل يوم ونحن مصريون علي ارض واحدة وتحت سماء واحدة, وهمومنا واحدة. وأنا مالي ومال دينك وأنت مالك ومال ديني. نحن مصريون أولا وأخيرا, إنها اكذوبة وخرافة الطبق الواحد في اليوم الواحد كل سنة قادر علي اصلاح ما فسد بيننا.
إن لي اصدقاء بالمئات: ريمون وميخائيل وروفائيل وانيس وجورج وتمضي الشهور لا أراهم. وقد تمضي السنوات ايضا, ولكنهم اعز اصدقائي ولا أكلنا من طبق واحد, ولا شربنا, ولا في نيتنا. أما هذا العبث السنوي فهو آخر فوازير رمضان التي يجب ان تختفي.
الحج جرجس
راس الحربة الاول فى فريق المدونيين القومى
منتحل شخصية عمر قناوى الشهير بالنديم
طبيب التخدير المستقيل عن عمر يناهز الكام وعشرون عاما لسوء الاحوال المالية وفى مقولة اخرى طبيب امراض
نسا
تشرفت بزيارة مدونتك بس ملقتش عزومة ولا مائدة رحمن وكده مع انك صاحب واجب
صلاح جاهين الحاضر بكلماته الغائب بجسده مفيش مناسبة مش هتلاقى كلمة من كلماته تغطى الحدث واختيارك كان حلو المرة دى بس زى ما قلت دفاعك كان محتاج تقوية بدل ما شهروزة تجيب فيك جون سهل كده
بس خيرها فى غيرها قدامك اجوان كتيير تسددها
مستنينك يا هداف
تحياتى
عم الحاج جدو الجميل
مقالة أنيس منصور لخصت تقريبا تلات أربع تدويناتي الخاصة بالموضوع دا وجابتها ببساطة شديدة لا يمكن التعليق عليها
الناس قرفت من الأونطة يا عم الحاج
وزهقت من بوس الدقون
(والمصيبة إن اللي في القلب في القلب!)
إقرا النهاردة كمان مقالة حمدي رزق في المصري اليوم عن واحد اسمه الأنبا بيشوي كبير الصقور في الكنيسة الأرثوذكسية المصرية
لن تجد اختلافا بين منهجيته ومنهجية سلفيي الإخوان وربما جماعة الجهاد
الراجل ببساطة في مؤتمر للقسوس التابعين له في مدينة الفيوم تحت عنوان تثبيت العقيدة يأمر بمنع قراءة المسيحيين لمجلة روزاليوسف
(سيبك طبعا من النهاردة على إيد عبد الله كمال وكرم جبر المجلة بقت عرة وبقى حرام قراءتها)
لكن دي مصيبة إن سعادة الأنبا الجليل
يقرر منع المسيحيين من قراءة مجلة
يا خبر اسود
هي حصلت!!!
دة ردة حضارية خبطة دين أم البلد من كل الجهات
هنلاقيها من الإخوان ولا من متطرفي الأقباط
الليه يسامحكوا
أو يحرقكوا
======================
وأخيرا العزيزة توتا في مدونتي
وكمان منت عليا بلقب راس الحربة الأول في فريق المدونين
إيه الشرف دا!!
يا عزيزتي زيارتك عندنا تسوى الدنيا بحالها
أشكرك على ذوقك وجمال كلامك
وانتي بس مش واخدة بالك أنا عزمتكوا بالفعل من مدونة عمر
(بس إيه رأيك في الانقلاب اللي عملته عند عمر؟
عمر هيتجنن... كل شوبة بيلاقيني ناطط له وبكتب هناك أكتر ما بيكتب هو
لأ وحكاية احتلال مدونته دي قصة
والرد على التعليقات اللي بتجيله
وأخيرا دعوة المدونين لزيارة مكتبتي
(اللي هي طبعا مكتبته)
أنا بصراحة عمر صعبان عليا
بس مخبيش عليكي
أول ما بقابله ببقى مؤدب وعامل زي الفار لحسن يطلع عليا القديم والجديد ويخليني أدفع أنا مشاريب القهوة كلها)
شوفتي التثبيتة اللي ثبتتها لي شهروزة؟
جوون جامد أوي بتاع طظ دا
لا والله ؟
اعرف واحد في ميدان طلعت حرب كلت عنده من اسبوعين كده...بتاع مخ وكبدة
رد بسرعة علشان نقرر بسرعة
عزيزي عربي
شكرا على الأرقام
نمرة عصام العريان فيها رقم زيادة برجاء المراجعة
برجاء محو التعليق أيضا ومعه الأرقام
شكرا
أتمنى أن تعطيني رقم والدك لربما استطعنا معا ترتيب بعض اللقاءات
راسلني على إيميلي الشخصي
dr_mnzekry@hotmail.com
هي حصلت يا عم جرجس تقتحم المدونه بتاعتي وتسرق اليوسر نام وتكتب وتكتب فيها مسرحيه كمان ماشي
مش قلتلك هحبسك
إبقي انتحل شخصيه النديم تاني يا فالح
يا ابن اللذينة يا نديم!!!
الأسلوب فعلا أسلوبي
والكلام يبدو فعلا إنه كلامي
ممكن أكون عندي فصام وعملت العملة دي وانا مش واخد بالي؟
أنا مش فاكر إني عملت كدة بس الفكرة افتكاسة
المشكلة إنه كيف سأكتب الجزء الثاني لو لم أدخل من جديدي في حالة الفصام لأتذكر اليوسر نيم بتاعك واكمل القصة....
إدعيلي يا بني إن الحالة تجيني تاني عشان نكمل القصة
أو حال انت تكملها وخلاص
صحيح مش هتعرف تكتب زي كتاباتي العبقرية
بس يلا على الأقل يكفيك شرف المحاولة
إقرا البوست الأخير بتاعي
ونبقى نتكلم
إرسال تعليق