24‏/09‏/2006

لكي ما يكون رمضان... كريما !!

رمضان كريم
كل سنة وبني شعبي طيبين
هل هلالك شهر مبارك
أهلا رمضان
مرحبا من جديد بالفوانيس
وزينات الشوارع
مرحبا بالياميش والقطايف
والمسلسلات اللي على كل صنف ولون
كل سنة والجميع طيب وبخير
يا رب السنة الجاية منبقاش في الزنقة السودة اللي مصر مزنوقاها دي
ويا رب السنة الجاية البلد دي يبان لها راس من رجلين
ويا رب ميكونش السنة الجاية جمال مبارك هو رئيس مصر
ويا رب السنة الجاية يفك حبسة أيمن نور
ويا ريت ما يفكش حبسة تامر وهيثم
خلي الولاد يتربوا شوية
حتى السجن إصلاح وتهذيب
يا رب السنة الجاية بنو شعبي يبطلوا نفاق
ويبطلوا رياء في كل شيء حتى الدين
ويدركوا أن التغيير الحقيقي هو الذي يبدأ من الداخل وينعكس إلى الخارج
وليس العكس
يا رب السنة الجاية الناس في بلادي يبطلوا تكفير دين أم
بعضهم البعض
ويا رب السنة الجاية تنقرض ثقافة الضرب بالجزمة
وثقافة طظ
يمسيك بالخير يا مهدي يا بو عاكف
يا رب السنة الجاية المختلين عقليا يعيشوا في أمان
وما يروحوش يحرقوا كنايس ولا يقطعوا أعضاء بني قريتهم
يا رب السنة الجاية قسم المختلين عقليا في وزارة الداخلية
يقفلوه والوزير بالتالي يسرحوه
وبما أنك يا رب رب قلوب
فلتهدي إذن قلبو بني شعبي
فيعيشوا حقيقيين
ويموتوا حقيقيين
وكفاية زيف
وكفاية خداع
وكفاية سطحية
وكفايق قرف
وكفاية عفن
وبمناسبة الصيام يا بني شعبي
أهديكم هذه الكلمات الخالدة التي ربما كانت أعمق ما قيل في التاريخ عن الصيام
من له آذان للسمع فليسمع
ومن له عقل للفهم فليفهم
قال السيد المسيح في عظته على الجبل

وَمَتَى صُمْتُمْ
فَلاَ تَكُونُوا عَابِسِينَ كَالْمُرَائِينَ
فَإِنَّهُمْ يُغَيِّرُونَ وُجُوهَهُمْ لِكَيْ يَظْهَرُوا لِلنَّاسِ صَائِمِينَ
اَلْحَقَّ أَقُولُ لَكُمْ: إِنَّهُمْ قَدِ اسْتَوْفَوْا أَجْرَهُمْ.
وَأَمَّا أَنْتَ
فَمَتَى صُمْتَ فَادْهُنْ رَأْسَكَ وَاغْسِلْ وَجْهَكَ
لِكَيْ لاَ تَظْهَرَ لِلنَّاسِ صَائِماً
بَلْ لأَبِيكَ الَّذِي فِي الْخَفَاءِ.
فَأَبُوكَ الَّذِي يَرَى فِي الْخَفَاءِ يُجَازِيكَ عَلاَنِيَةً.
أتمنى أن تكون الرسالة وصلت ووصلت صح
كل سنـــــــــــــــــــة وأنتـــــــــــــــــــــم بألــــــــــــــــــــــف خيـــــــــــــــر
تحياتي
صوما مقبولا وإفطارا شهيا

هناك 19 تعليقًا:

ام العيال يقول...

كل سنه و انت طيب
و الناس طيبين
المنافقين لأ لأ
تامر خلاص طلع
في داهيه
مين تامر ده الي احنا عملنالو مولد
المهم
يارب يحقق امانينا
كلنا مسلمين و مسحيين
بلدنا واحد اصلنا واحد
دمناواحد
و الي مش عاجبه يبقى تاني مش من
الواحد
ينعاد بالخير عليك يارب
امين

غير معرف يقول...

ويا رب ميكونش السنة الجاية جمال مبارك هو رئيس مصر
هاهها فكرتني بساعة لما كانوا جايبنوا في برنامج علي القناة الاولي والست تسالة
تقولوا انت هتبقي الرئيس قالها لا قالتلوا ولا في الفين وسبعة قالها ولا الفين و عشرين بس هتلاقيها نزولا علي رغبة الجماهير انما هو مش عايز هاا هاا

علي العموم رمضان كريم مش مبارك علي راي وائل عباس

كل سنة ومصر بخير وامان ورفاهية رخاء
الريس قال الفين وسبعة سنة الرخاء
تبقي سنة الرخاء
سلام

alnadeem يقول...

وانت بالصحه والسلامه يا معلم يا كبير
أولا إنت يا واد طلعت كاتب كبير واحنا مش واخدين بالنا فنصيحتي ليك وانا زي والدك طبعا إنك تركز في الكتابه الساخره لأنك هتكسر الدنيا

ثانيا حسابك عسير معايا بس لما اشوفك بقي تضحك عشتار عليه ماشي وبعدين أيه اللي جاب سيره أم راس العبد هي ناقصه فضايح

كــــــازنــوفــا يقول...

أنت ليه بتيجى تزهقنى فى البلوج بتاعى
مش أنا حرة يا جرجس يا أبنى
على العموم هاسيبك المره دى بس
عشان خاطر أم العيال

Reformer1976 يقول...

عزيزتي أم العيال
البلد دي ما عدش نافع لها صيام ولا صلاة
دي خلاص بقت عايزة الحرق بجاز وسخ
(رجاء ارجعي إلى أولى تدويناتي هتلاقي الحل... كان اسمها هو فيه إيه وكانت تحكي عن غلو البنزين وعلاقته بالجاز الوسخ)
تامر يا عين أمه طلع؟
عقبال جلعاد شاليط
ربنا ما يحرم أي كتكوت من حضن أمه
أو من حضن البوي فرند بتاعه
=======================



عزيزي مونجي
طبعا فطرت على كوباية عصير
وطبق جيل
صح؟
يابني الجل اللي بتاكله دا هو اللي مطلع مصارين دماغك مترين قدام بأم الطريقة المعفنة دي
ماله جمال مبارك أيها الحشرة؟
على الأقل متربي تربية أمريكاني وعاه جنسية إنجليزية
وابن أصول متربي في بيت الرئاسة لمدة 30 سنة
يعني شارب الرئاسة بالمعلقة
(لأ يا كلب المعلقة دي مش مش كلمة أبيحة)
الرئاسة دي في جيناته
الرئاسة دي صفة سائدة في آل مبارك
(ودا طبعا عشان دين أم الكرامة بقت صفة متنحية في جينات أم الشعب المصري)
الولد الله يكرمه أعلنها صريحة يا كلاب وقال لا عنده نية ولا رغبة
يا تهار اسود!!!
لا نية ولا حتى رغبة؟؟؟
(الله يكون في عونك يا خديجة يا جمال)
رغبة أم الجماهير الوسخة
(اللي هي جماهير تانية مش احنا)
هي اللي تخليه يمسك
وكله بالقانون يا كلاب
واحنا دولة قانون
وسيادة القانون
والنية لأ
والرغبة لأ
ورقصني يا جدع
========================



بالعند فيك هناديك واقول لك النديم
شوف يا عم نديم
قديما قالت العرب
(واخد بالك من هذه المفارقة أنه العرب دايما كانت مؤنثة وعمرها ما كانت دكر!)
المهم قديما قالت العرب
هو انت ما تجيش غير على راس العبد وتشمها؟
وكما قال الراحل العظيم مدبولي
مشيها راس العبد
وأيضا قالت العرب
اللي معاه يحني راس جحشه
(مشيها برضه راس جحشه)
(واضح أن أغلب ثقافة العرب كانت مهتمة بالبنية التحتية)
أنا أكتر حاجة بجد عجبتني في رواية ما بعد أم الحداثة بتاعة الصبح دي كان تعيين أسامة فؤاد وزيا للموسيقى والترفيه وغنائه رباعية أنا قلبي كان شخشيخة أصبح جرس

ماشي يا عم الوفاء والأمل
بقى عجبد أوي إنك هتتخلص من الفارس القديم ومني
أما عشتار فدي حاجة تانية خالص
آه يا خلبوص يا بتاع الستات

قديما برضه قالت العرب
إن قعدة الراجل بمليون ست
وإن جت الست يغور مليون راجل
ونعم المبادئ
ولك أن تفخرا
(نعم أنت ف خرا)
أنك عربي
وبرضه رقصني يا جدع
============================



يا كارمن يا حبيبي أو يا حبيبتي
أنا بجد أكتر ما يستفزني في الحياة هو دين أم الخداع
حتى في الحاجات الصغيرة
يعني لو انت راجل قول أنا راجل
لو انتي ست قولي بروح خالتك أنا ست
بس حكاية نصي اللي فوق ست
ونصي اللي تحت راجل دي مقرفة أوي
(ولو ان دا بقى حال البلد كلها)
(جميع عموم أهل المحروسة طلعوا خنثى لا مؤاخذة)
وبعدين إيه حكاية مدونتك دي؟
هو النبأ الوطني اللي انتي فاتحاها دي اسمها مدونة؟
ما شاء الله ما شاء الله
يلا خلي الشباب ينبسط
وبرضه رقصني يا جدع

عشتار يقول...

مع انك انهيت ملحمة عمر قيناوي باعدام عشتار بس اهو زرت مدونتك دعاء جميل واجمل حاجة فية انقراض ال طظ
كل سنة ونتو طيبين
تحيات

Reformer1976 يقول...

عشتار الجميلة
جميعنا في حالة غربة
وجميعنا تدويناتنا مبعثرة
وحياتنا متقاطعة
شكرا لتشريفك المدونة

Reformer1976 يقول...

عشتار الجميلة تاني
على فكرة عمر اعترض على إعدامك
طبعا هو عجبه جدا إعدام فارس وجرجس اللي هو أنا
بس جه عند عشتار وقال
"لا عشتار دي حاجة تاني"
ماشي يا ستي
شكلك في الآخر هتعتنقي مذهبه وتبقي الرفيقة عشتار

شــهــروزة يقول...
أزال أحد مشرفي المدونة هذا التعليق.
شــهــروزة يقول...

واد يا جرجس
ما تسيب كارمن فى حالها
اهى فاكاها على شوباب كتير مش بيعرفوا يعملوا حاجة غير البص وبس
--
طيب دة انا بيجينى من اصحابى المقشفرين شوية اعجابات بكارمن؟؟
وبيقولوا لى انى اطالبها بالمزيد والى الامام والكلام البطيخ دة
ربنا ما يخليك من قطاعين الارزاق
مجلات البلاى بوى بقت غالية على الشوباب
سيبهم يشوفوها مجانى
------
كل سنة اونت طيب يخويا
وصلت الروسالة كوويس
ولو ان يا جرجس يخويا صعب تتحقق الامنية اللى انت اتمنيتها دى






قلت لى ليه
علشان احنا بنتربى على ثقافة الراياء دى من صغرنا من اول ما تبتدى تروح ام مدرستك الاوبتودائى
لما تلاقى المدرس بتاعك ومثلك الاعلى بينافق فى ناظر المدرسة وفى مديرها ادام الطلبة فى الفصل
واول ما الراجل يدير ضهره ياخد من المنقى يا خيار شتيمة
ولما العمك المدرس يفضل الطلبة على بعض مش من باب التفوق
تؤ تؤ تؤ تؤ
من باب تحية ونفاق ومسح جوخ للبابا بتاع الولد دة
اللى ابوه مدير مرحلة تعليمية
واللى ابوة مدرس زميله
واللى ابوة دكتور فىالجامع عند ابنه
واللى ابوة كذا وكذا
تبقا وقتها وانت عيل مفعوص كدة عاوز تقوم تنتحر على رؤوس الاشهاد فوق سطوح التختة بتاعتك
-------
احنا يا ضنايا بنزرع بذولا الرياء فى نفوس البراعم الصغنونة بتاعتنا
الشاطر بقا الى يخنقها ويمنعها انها تكبر
العبيط بقا او الملحلح هو اللى بيرويها وينميها
وكله عشان
يمشى مصلحته
واقعدوا بالعافية منك له له لها

saso يقول...

كل سنة وانت طيب
ولو ان موضوع السنة اللي اية ده صعب اوي ممكن نقول الميه سنة اللي جايه تبق مفهومه غلي اساس ان يانا اموت يا الملك يموت يا الحمار يطلع من لجنه السياسات

الجزء التاني بقي هو اللي وقفني بجد
اتخاذ وضعية الصائم،، نزلت الشغل 9 الصبح الناس مفرهده وبتتجنبني كاني مستعمرة جذام متنقله علشان رمضان طب انتوا لحقتوا تجوعوا وتفرهدوا تسعه الصبح،، بلاش الأخ المحترم اللي اقترح عليا اني اتهد ف بيتنا علشان يعرف يصوم ،، ارد عليه ازاي وانا صايمه من غير ما اتاخد إثارة شغب !!وكل ماتناقش حد يقولك هوا رمضان كده روحة ضيقه !! يا سلااام دي حكمه الصيام كنت فاهماها غلط خالص

يلا ما علينا انا مش باعمل كومينتس عندك لان غالبا رأيي بيكون اتقال قبل كده بس قلت كل سنه وانت طيب مالهاش دعوه بالملل
صح ؟

Reformer1976 يقول...

يا شهروزتي الغالية
بافرح أوي زي العيل الصغير لما ألاقي كومنت زي بتاعك كدة وصلته الرسالة صح وبالكامل وبيرد على جوهر الكلام مش ظاهره
فرحان وقلبي بيهفهف ويرجع يطير
من كتر حلاوة كلامك
ياللي جمالك فاكهة وجمالك فيتامين
الرياء
الرياء
الرياء
لعنه الله في كل ملة ودين وعقيدة سياسية واجتماعية
تسميه عشتار الانفصام في الشخصية في المجتمعات العربية
كلامنا مع بعضنا ده يا شهروزة هو اللي بيدي أمل في غد مختلف
ربنا يفك سجنك يا زعيم الغد يا أيمن يا ابن عبد العزيز نور
==============



الغالية ساسو
وحياة أبوكي يا شيخ إوعي تحسي أو تفكري إنك هتقولي كلام مكرر أو معاد أو مالوش لازمة
اتكلمي وحسسينا بالحياة
إدينا أمل في الكتابة وفي جدوى إخراج أفكارنا إلى النور
(إخراج دي مش كلمة وحشة ولا عيب)
بقى رمضان روحه ضيقة؟
يا ولاد المنافقة
أشكال زبالة بعيد عنك وروح أمهم ضيقة
وما بيشوفوش في الست غير لا مؤاخذة
أعضاء مثيرة متركبة فوق بعض
عيشة زفت
دول يا أمي بيلوثوا الهوا اللي بنتنفسه أكتر من عادم العربيات وإخراج البهايم
(هنا إخراج بمعناها العيب وأبو ريحة وحشة ومنظر ما يسرش)
تسعدني مشاركتك
وما تحرميناش من كلامك المشجع ده
ربنا يتقبل منك
وسأزورك في مدونتك قريبا جدا

3rby يقول...

يااه...انت لسه عايش...ما خلاص تامر طلعوه....رمضان كريم يا نجرسكوا"الاسم ده بتاعي بقه"

3rby يقول...

علي فكرة تقريبا كده اللي اسمه منجي ده مش مونجي بتاعنا...ده واحد ماعندوش بلوج...بيقلد يعني....مونجي نايم لحد الفطار"مش نافعله صيام"لما يصحي هاخليه يدافع عن كرسي الحكم...قال بني شعبي قال...مش كفاية حبيب الملايين

3rby يقول...

انته ياااض غير الاسم لالوشك:)...لتكونش من عيلة المونجي باشا جد مونجي؟

Reformer1976 يقول...

بتتكلم جد يا عربي؟
أنا فاكر إن دا مونجي اللي معاك
يعني دا بياكل جل ولا مبياكلشي؟

3rby يقول...

مابيكلش...انا الاول قلت يمكن التعليق قديم من ساعة لما مونجي غير صورته...وبعدين دخلت عالبروفايل بتاعه لقيته فاااضي....يعني مش مونجي...بس بيتكلم زيه بالظبط....شكله عاوز يسبكها وبعدين يشتم في خلق الله باسم مونجي

Reformer1976 يقول...

وبعدين بيتكلم على وائل عباس
مين وائل عباس دا؟

3rby يقول...

علشان تعرف منجي الاصلي من مونجي الصيني...بص عالعلامة...هاتلاقيها مطبوعة عليه من تحت:)

ادخل البلوج بتاع اوسه الجديد

لكي لا ننسى دم أحمد علي مبروك