١٨‏/٠٩‏/٢٠٠٦

بنيدكت والإسلام... هي المشرحة ناقصة قتلا؟

مات حوار الأديان

أعجبني جدا ما قاله الأستاذ الكبير محمد سليم العوا في برنامج العاشرة مساء على دريم. الرجل كان يتحدث عن أزمة محاضرة البابا بنيديكت السادس الذي اقتبس فيها حديثا قديما لإمبراطور بيزنطي من العصور الوسطى يهاجم بها الإسلام دينا ونبيا ومنهجية فكرية. ما أعجبني في حديث العوا كان الكثير، منه الآتي



- الرجل لم يأت إلى البرنامج يتحدث عما لا يعلم (كالكثيرين)، بل أتى وفي يده نص المحاضرة الكامل بحسب ما صدر عن الفاتيكان نفسه (قمة المهنية).


- الرجل أوضح أنه درس المحاضرة بالكامل ولم يستقطع منها أقوالا خارج سياقها، وبالتالي ينتفي تماما أي تصور عن "سوء فهم" لما جاء بالمحاضرة (منتهى التدقيق).


- أوضح الدكتور العوا أن الإساءات للإسلام لم تكن فقط في الجمل المقتبسة بل في جمل قالها أيضا البابا بنفسه دون اقتباس من أحد أو عن أحد (هذا ليس تصيدا للأخطاء بل تحليل موضوعي سليم).


- أكد الدكتور العوا أن الإساءة واضحة ومثبتة بل ومبيتة النية إذ لا يعقل أن رجلا بحجم بابا الفاتيكان وتأثيره وتبعية الملايين له يصيغ محاضرة علمية ومنهجية (الموضوع إذن ليس تصريحات صحفية) دون دراسة مستفيضة تجعله مسئولا ليس فقط عن مضمون المحاضرة بل عن كل كلمة فيها (كلام معقول جدا).


- حصر الدكتور العوا أزمة المسلمين ليس مع المسيحيين عموما ولا حتى مع المسيحيين الغربيين ولا حتى مع الكاثوليك بوجه خاص، بل مع بابا الفاتيكان ومع من يؤيده من الكنائس التابعة له (منتهى الموضوعية والاتزان).


- لم يفت الدكتور العوا التأكيد على أن تصريح البابا شنودة بشأن الموضوع لم يكن كافيا ولم يحوِ الإدانة الواجبة لإساءات بنديكت (بصراحة عنده حق، التصريح كان ضعيف وهلامي جدا عامل زي الجيلي).


- أدان الدكتور العوا ما قيل أنه اعتذار الفاتيكان مؤكدا أن البابا بندكت لم يعتذر عما قاله بل عن "سوء فهم المسلمين له" وهو ما يعد إساءة جديدة للمسلمين واتهاما لهم بسوء الفهم (عين العقل يا دكتور سليم). الدكتور العوا – وهذا ما أعجبني بالأكثر في هذا السياق – رفض أساسا فكرة الاعتذار، وطالب بالسحب الكامل لكلام الرجل وحذفه من النسخة المحدثة للمحاضرة (دا كلام ناس محترمة وعندها كرامة).


- أعلن الدكتور العوا أن البابا بنيدكت – بكلامه المسيء هذا – أغلق الباب أمام حوار الأديان الذي استمر ستة وأربعين عاما، وأنه حتى إشعار آخر فقد أعلن الدكتور العوا أن الحوار بين الإسلام والفاتيكان قد مات (يا شماتتك فينا يا صمويل يا هنتجنتون!!)


كل هذا كوم وما أكد عليه الدكتور محمد سليم العوا في ختام حديثه عن الأزمة كوم آخر. الرجل كان صريحا جدا ومباشرا جدا في طرحه، وأكد أنه ليس عنده أي مشكلة في أن يكون ما قاله بندكت هو بالفعل ما يؤمن به عن الإسلام. وليس عنده أدنى مشكلة أن الرجل حتى يعتقد أن محمدا – من وجهة نظره - نبيا كذابا، فالجميع يعرفون أن المسيحيين لا يؤمنون بنبوة محمد. ومن ثم فالمشكلة – عند العوا -ليست في القناعات اللاهوتية للبابا أو للمسيحيين بشأن الدين الإسلامي وأرائهم فيه، بل المشكلة هي في الافتقار إلى اللياقة والأدب في التحدث عن ديانة يتبعها مليار وشوية من البشر في العالم.


الدكتور العوا أكد بوضوح أن لا مشكلة لديه على الإطلاق في اللاهوت المسيحي الذي ينكر صحة نبوة الإسلام ويناقض عقيدته ولا يعترف حتى بنبيه، وأكد أن هذا حق لكل دين ومذهب أن يتمسك باعتقاداته. ودلل على ذلك بأنك ستجد نفس الشيء في علم الكلام الإسلامي والذي ستجد فيه ما يثبت ويفند صحة الدين الإسلامي وفي المقابل ينكر صحة الأديان الأخرى ومن بينها المسيحية. وأكد تماما أن المشكلة هي أنه عندما يتحدث شخص في مكانة بابا روما حديثا عاما وهو شخص على هذا المستوى من التأثير فلابد عليه من الالتزام بأدب الحديث والحوار. الحقيقة عداك العيب يا دكتور العوا.


الدكتور العوا لم يفته أن الإسلام واضح وضوح الشمس في تكفير المسيحيين بسبب إيمانهم بألوهية المسيح، وفي الوقت ذاته يؤكد أن هذا لا يمنع الحوار، وأن هذا لا يمنع الاحترام المتبادل، مؤكدا أن الهدف من الحوار ليس الوصول إلى تغيير القناعات اللاهوتية والفكرية لأي من الطرفين، بل بالأساس، لأجل التواصل الإنساني البناء بين أبناء الأديان السماوية التي تعبد إلها واحدا هو الله، لأنه لا بديل عن التواصل والمودة والتراحم بين أبناء الديانتين إلى يوم القيامة (بجد كلام محترم).


تعالوا هنا نركز على الجزئية الأخيرة. دعونا نكون صرحاء. لا يوجد مسلم واحد يؤمن بالمسيح ربا ومخلصا كما يؤمن به المسيحيون. ولا يوجد مسيحي واحد يؤمن بمحمد نبيا أو رسولا كما يؤمن به المسلمون. إيه الفتاكة دي؟ فين الاكتشاف بقى؟ الاكتشاف إنه على الرغم من أن المسيحي كافر – بحسب صحيح الدين ونص القرآن – بالنسبة للمسلم، وبالرغم من أن المسلم هو شخص غير مؤمن – بحسب تعريف الإنجيل للمؤمن – بالنسبة للمسيحيين، إلا أننا لا نزال نعبد إلها واحد هو الله الخالق، وهو ما يجعلنا نحترم بعضنا بعضا ونحترم اختلافنا معا، ونقر بحق كل منا في أن يؤمن بما يؤمن به (بحرية وباختيار إرادي غير منتقص).


الحل بجد في وجود منظومة قيم تؤكد على إنسانية الإنسان وحريته وحقه في الاعتقاد والتفكير. في بلادنا لو مسلم اتنصر هيطلع دين أمه ولو أهله ما قتلوهوش، هيعيش طول عمره مطارد (طبعا لحد ما بيحصلوا في النهاية على حق اللجوء الديني ويهجوا على أستراليا)، والبنت المسيحية لو أسلمت غالبا ما يتم اعتقالها في دير بقية عمرها لحد ما تعرف إن الله حق. في بلادنا التي كانت يوما شيعية بالكامل تقريبا صارت الأغلبية تكفر الشيعة وتحتقر عقائدهم. في بلادنا البهائيون مرفوض أن يحصلوا حتى على بطاقة شخصية. في بلادنا لو واحد أرثوذكسي مسيحي تحول إلى البروتستانتية يعتبره أهله خرج عن الملة وارتد عن "الإيمان الصحيح" الذي تحتكره الكنيسة الأرثوذكسية!


إذن دعونا نؤكد من جديد إنه بالفعل عندنا مشكلة. وإن الحقد يملأ قلب معظمنا – على الجانبين – ودعونا نؤكد أن الحل ليس في موائد الإفطار بتاعة الكاتدرائية ولا في أحضان الشيخ والقسيس.


أنا ضد تماما الحركات القرعة بتاعة بوس الدقون وأحضان العمم. كفاية بقى بوس وأحضان من بتاع طنطاوي وشنودة، وكأن المسلمين مع المسيحيين سمن على سكر (والحقيقة إنهم للأسف أبعد ما يكونوا عن كدة). نعم نحن مختلفون. نعم من حق كل منا أن لا يعتقد بصحة فقه الآخر ولاهوته ومفاهيم وعقائده. ولكن في النهاية يوجد إله واحد، هو الله الخالق. ولا أقول أننا نعبده جميعا لأن من بين المسيحيين من لا يؤمنون، ومن بين المسلمين كذلك من لا يؤمنون. (وحتى من لا يؤمنون لهم حق الاختلاف، ألم يسمح لهم الله أساسا بإنكاره ولم يبدهم؟! إذا كان الله يسمح ويكفل بحرية الاعتقاد ولا يبيد حتى الملحدين ومن ينكروا وجوده شخصيا، فمن أكون أنا حتى أرفض وأنكر حريتك في الاعتقاد؟!)


إننا بحاجة كشعب إلى مراجعة أفكارنا الدينية فيما يختص بالآخر وقبولنا له.


نحتاج أن نتخلى عن مناظيرنا الضيقة في رؤية الأمور لنرى الاتساع في الأفق الذي وفره الخالق لنا لأجل أن نتمم قصده الأساسي في إعمار الأرض وإصلاحها. كفاية تفاهة شوية وخلونا نركز في البلاوي اللي بتحصل في بلادنا ونحاول نصلَّح!


نحتاج أن نكف عن الشرك بالله الذي نمارسه يوميا بأن نضع أنفسنا مكان الله لنفحص قلوب الآخرين وندينهم.


قال المسيح "لا تدينوا كي لا تدانوا".


أفلا نتعلم بقى أن نكون مؤدبين ومحترمين شوية!!
(طبعا المقصود بالجملة الأخيرة هو البابا بنديكت الذي تجاوز بتصريحاته السخيفة حدود أدب الحوار واللياقة)

هناك ٢٧ تعليقًا:

غير معرف يقول...

ياباشا وانت طيب وبخصوص الفانوس تمام وبشمعه كمان مش صينى اما موضوع صورتنا الخارجية فانا شايف زى مانت قولت ان موضوع الفتنة اصلا لعبة امنية قذرة علشان يبعدو عين الناس عن حاجة وسخة من حاجاتهم الى بيعمولوها والمشكله الى موديانا فى ستين داهية ان مافيش حد بيسمع وان احنا شعب متخلف ولو عايز ادله موجودة خد مثلا الراجل الى قالوا عنة سفاح طلع برىء لكن اقارب الضحايا مصممين يقتلوة مش عارف لية ؟
الخلاصة احنا شعب اهبل وعلشان مانقولش على نفسنا هبل بنقول مصطلح اخف شوية وهو احنا شعب عاطفى يعنى مثلا خناقة بين اتنين جيران وبالصدفة واحد منهم مسيحى هب يبقى الموضوع فتنة طائفية وممكن الجيران الاتنين يتصالحو ا بس تفضل الفتنة مشتعلة خلاصة الكلام ان احنا اصلا العلاقة بينا وبين بعض طبيعية جدا حسبما ارى ولو اتحدنا علشان صورتنا الخارجية فى اتحادنا دة لوحدة تحسين لصورتنا الداخلية وعموما عمرك ماتقدر تشيل او تلغى معتقدات كل طرف بالنسبة للاخر زى مانت قولت وانا متفق معاك تماما بس كمان مش هاتقدر تنكر ان البلد بقالها سنين ماحدش بطل يتعامل مع شخص بسبب انه من دين تانى يعنى انا شايف ان التوتر او الحساسية داخلية فقط وبنسب متفاوتة حسب تربية كل شخص ومعتقداتة اما خارجيا فالحياة عادية نعمل فيها معا مسلمين ومسيحين ونتزاور ونتهادى
انا طولت وماعلقتش على البوست الجديد بس تعليقى الوحيد هو دة الدكتور العوا راجل معتدل متمكن ومثقف وتعليقك علية متفق معاك فية تماما بس زى ماقلت هايفضل كل واحد ومعتقداتة يعنى هايفضل المسيحى الى حاسس بالاضطهاد من كل مسلم موجود وهيفضل المسلم الى حاسس ان المسيحى واخد حقة عنة فى البلد موجود بس الغالبية العظمى وخصوصا فى الاحياء الشعبية مش فارقة معاها الموضوع دة وبيتعاملو بأصول الجيرة والزمالة والصداقة مش الديانة

3rby يقول...

الموضوع موضوعي جدا(لا مش موضوعي انايا خفيف)....وانا متفق معاك جدا


انا بس عاوز اسالك سؤال في المسيحي...قمة المهنية...بس يا ريت ماتقرنيش غلط.....انت قلت ان المسيحيين بيؤمنوا بالوهية المسيح...وبعد شوية قلت اننا بنعبد اله واحد...ازاي بقي



خدت بالك من اخر كلمة...نفسها تقريبا عندنا"كما تدين تدان"

3rby يقول...

يا عم مغترب انا اللي قلت كده...ولا علشان في مدونة جرجس هاتبقي كل حاجة ليه؟:)



انا اسف جدا جدا يا جرجس لو حسيت ان سؤالي سببلك حساسية

غير معرف يقول...

ولا يهمك ياعم عربى
انا بس برد على جرجس لانة اتفق معاك فى ردك وساعتها ابقى برد عليك بطريق غير مباشر
وبعدين اعزمنى ياعم فى مدونتك وانا اجى ومعايا اتنين كيلو برتقال كمان

3rby يقول...

يا باشا اتفضل في اي وقت انت والبرتقال

Gid-Do - جدو يقول...

يادكتور
تشكر انك نقلت ما قال الدكتور محمد سليم العوا على الاقل لواحد زى حلاتى مشفش البرنامج ـ بس انك تكتب فى الاخرـ أفلا نتعلم بقى أن نكون مؤدبين ومحترمين شوية ـ انا شايف انه مش من اللياقة انك تتهم الراجل تهمتين هما الحقيقة شتيمة اكتر من انهم تهم على كل حال مقام الدكتور محمد سليم العوا مش حيهتز من كلمتينك دول
انا كتبت رد عند مدونة فريدة استشهت فية بنص القران والمفروض انى لا استشهد معاك بنص كتاب انت لاتؤمن بية اصلا ولكنك فى كلامك استشهت بقول المسيح علية السلام وبالتالى سوف اخذ حذوك واستشهد بالقران الكريم وحنقل هنا اللينك والنص مرة تانية ونسمع رايك

مدونة فريدة وتعليقى رقم اتنين من اعلى

ـ نشوف رب الكون قال اية
الله عز وجل قال فى الاية 62 من سورة البقرة
بِسْمِ اللّهِ الرَّحْمَنِ الرَّحِيمِ
إِنَّ الَّذِينَ آمَنُواْ وَالَّذِينَ هَادُواْ وَالنَّصَارَى وَالصَّابِئِينَ مَنْ آمَنَ بِاللَّهِ وَالْيَوْمِ الآخِرِ وَعَمِلَ صَالِحاً فَلَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ
62)
صدق الله العظيم

ويقول الله فى الاية16 ـ17 ـ 18من سورة
الحج
بِسْمِ اللّهِ الرَّحْمَنِ الرَّحِيمِ
وَكَذَلِكَ أَنزَلْنَاهُ آيَاتٍ بَيِّنَاتٍ وَأَنَّ اللَّهَ يَهْدِي مَن يُرِيدُ (16

إِنَّ الَّذِينَ آمَنُوا وَالَّذِينَ هَادُوا وَالصَّابِئِينَ وَالنَّصَارَى وَالْمَجُوسَ وَالَّذِينَ أَشْرَكُوا إِنَّ اللَّهَ يَفْصِلُ بَيْنَهُمْ يَوْمَ الْقِيَامَةِ إِنَّ اللَّهَ عَلَى كُلِّ شَيْءٍ شَهِيدٌ ـ17
أَلَمْ تَرَ أَنَّ اللَّهَ يَسْجُدُ لَهُ مَن فِي السَّمَاوَاتِ وَمَن فِي الْأَرْضِ وَالشَّمْسُ وَالْقَمَرُ وَالنُّجُومُ وَالْجِبَالُ وَالشَّجَرُ وَالدَّوَابُّ وَكَثِيرٌ مِّنَ النَّاسِ وَكَثِيرٌ حَقَّ عَلَيْهِ الْعَذَابُ وَمَن يُهِنِ اللَّهُ فَمَا لَهُ مِن مُّكْرِمٍ إِنَّ اللَّهَ يَفْعَلُ مَا يَشَاء (18

صدق الله العظيم

اظن الكلام واصح جدا ومش محتاج تعليق
وملخصة ان الله عز وجل وليس غيرة هو صاحب الكلمة الاولى والاخيرة بين كل الناس

واليك النص القرانى عن المسيح وهناك نصوص عن عيسى اذكرها لك اذا طلبت ذلك
بِسْمِ اللّهِ الرَّحْمَنِ الرَّحِيمِ
الاية 45 من سورة العمران
إِذْ قَالَتِ الْمَلآئِكَةُ يَا مَرْيَمُ إِنَّ اللّهَ يُبَشِّرُكِ بِكَلِمَةٍ مِّنْهُ اسْمُهُ الْمَسِيحُ عِيسَى ابْنُ مَرْيَمَ وَجِيهًا فِي الدُّنْيَا وَالآخِرَةِ وَمِنَ الْمُقَرَّبِينَ (45
صدق الله العظيم
الايات 157ـ158ـ171ـ172من سورة النساء
بِسْمِ اللّهِ الرَّحْمَنِ الرَّحِيمِ
وَقَوْلِهِمْ إِنَّا قَتَلْنَا الْمَسِيحَ عِيسَى ابْنَ مَرْيَمَ رَسُولَ اللّهِ وَمَا قَتَلُوهُ وَمَا صَلَبُوهُ وَلَكِن شُبِّهَ لَهُمْ وَإِنَّ الَّذِينَ اخْتَلَفُواْ فِيهِ لَفِي شَكٍّ مِّنْهُ مَا لَهُم بِهِ مِنْ عِلْمٍ إِلاَّ اتِّبَاعَ الظَّنِّ وَمَا قَتَلُوهُ يَقِينًا (157
بِسْمِ اللّهِ الرَّحْمَنِ الرَّحِيمِ

بَل رَّفَعَهُ اللّهُ إِلَيْهِ وَكَانَ اللّهُ عَزِيزًا حَكِيمًا (158
بِسْمِ اللّهِ الرَّحْمَنِ الرَّحِيمِ
يَا أَهْلَ الْكِتَابِ لاَ تَغْلُواْ فِي دِينِكُمْ وَلاَ تَقُولُواْ عَلَى اللّهِ إِلاَّ الْحَقِّ إِنَّمَا الْمَسِيحُ عِيسَى ابْنُ مَرْيَمَ رَسُولُ اللّهِ وَكَلِمَتُهُ أَلْقَاهَا إِلَى مَرْيَمَ وَرُوحٌ مِّنْهُ فَآمِنُواْ بِاللّهِ وَرُسُلِهِ وَلاَ تَقُولُواْ ثَلاَثَةٌ انتَهُواْ خَيْرًا لَّكُمْ إِنَّمَا اللّهُ إِلَهٌ وَاحِدٌ سُبْحَانَهُ أَن يَكُونَ لَهُ وَلَدٌ لَّهُ مَا فِي السَّمَاوَات وَمَا فِي الأَرْضِ وَكَفَى بِاللّهِ
وَكِيلاً (171
بِسْمِ اللّهِ الرَّحْمَنِ الرَّحِيمِ
لَّن يَسْتَنكِفَ الْمَسِيحُ أَن يَكُونَ عَبْداً لِّلّهِ وَلاَ الْمَلآئِكَةُ الْمُقَرَّبُونَ وَمَن يَسْتَنكِفْ عَنْ عِبَادَتِهِ وَيَسْتَكْبِرْ فَسَيَحْشُرُهُمْ إِلَيهِ جَمِيعًا (172
الايات 17ـ72ـ75ـمن سورة المائدة
بِسْمِ اللّهِ الرَّحْمَنِ الرَّحِيمِ
لَّقَدْ كَفَرَ الَّذِينَ قَآلُواْ إِنَّ اللّهَ هُوَ الْمَسِيحُ ابْنُ مَرْيَمَ قُلْ فَمَن يَمْلِكُ مِنَ اللّهِ شَيْئًا إِنْ أَرَادَ أَن يُهْلِكَ الْمَسِيحَ ابْنَ مَرْيَمَ وَأُمَّهُ وَمَن فِي الأَرْضِ جَمِيعًا وَلِلّهِ مُلْكُ السَّمَاوَاتِ وَالأَرْضِ وَمَا بَيْنَهُمَا يَخْلُقُ مَا يَشَاء وَاللّهُ عَلَى كُلِّ شَيْءٍ قَدِيرٌ (17)
بِسْمِ اللّهِ الرَّحْمَنِ الرَّحِيمِ
لَقَدْ كَفَرَ الَّذِينَ قَالُواْ إِنَّ اللّهَ هُوَ الْمَسِيحُ ابْنُ مَرْيَمَ وَقَالَ الْمَسِيحُ يَا بَنِي إِسْرَائِيلَ اعْبُدُواْ اللّهَ رَبِّي وَرَبَّكُمْ إِنَّهُ مَن يُشْرِكْ بِاللّهِ فَقَدْ حَرَّمَ اللّهُ عَلَيهِ الْجَنَّةَ وَمَأْوَاهُ النَّارُ وَمَا لِلظَّالِمِينَ مِنْ أَنصَارٍ (72
بِسْمِ اللّهِ الرَّحْمَنِ الرَّحِيمِ
مَّاالْمَسِيحُ ابْنُ مَرْيَمَ إِلاَّ رَسُولٌ قَدْ خَلَتْ مِن قَبْلِهِ الرُّسُلُ وَأُمُّهُ صِدِّيقَةٌ كَانَا يَأْكُلاَنِ الطَّعَامَ انظُرْ كَيْفَ نُبَيِّنُ لَهُمُ الآيَاتِ ثُمَّ انظُرْ أَنَّى يُؤْفَكُونَ (75

والنص الاخير لسيادتكم اية 30من سورة التوبة
وَقَالَتِ الْيَهُودُ عُزَيْرٌ ابْنُ اللّهِ وَقَالَتْ النَّصَارَى الْمَسِيحُ ابْنُ اللّهِ ذَلِكَ قَوْلُهُم بِأَفْوَاهِهِمْ يُضَاهِؤُونَ قَوْلَ الَّذِينَ كَفَرُواْ مِن قَبْلُ قَاتَلَهُمُ اللّهُ أَنَّى يُؤْفَكُونَ (30
صدق الله العظيم

غير معرف يقول...

شكرا يا أخ جدو على التكفير !!!!!

غير معرف يقول...

الاول بس احب اوضح حاجة على حسب ما انا فهمت من البوست دة
ياجدوو
السطر الاخير مش شتيمة للدكتور العوا
دة لينا احنا كمصريين وكعرب
لينا لاننا احنا اللى خلينا واحد زى بنديكيت وامثاله يقضوا سنين وشهور فى تحضير خطاب زى دة وهم عارفين متأكدين تمام التأكد انه حيهز اركان العالم الاسلامى
وطبعا بكل لا مبالاة ودون احترام لمشاعر الاخر اترمى الخطاب على مسامع العالم
ومش مهم الناس اللى حتهيج دى
حيتنططولهم شوية والحكاية حتتنسى زى كل مرة
واية المشكلة؟؟
هو دة اللى وصلنى من الكلام
--------
وااد يا جرجس
تصدق باللة؟
انا ما همنى ولا كلمة من كلام الراجل ابو عمة اللى اسمه بنديكيت دة
لانها حاجة مش جديدة يعنى ولا مذهلة للدرجة دى يعنى
انا كل اللى همنى
تهنئة الاحبار اليهود له على الخطاب المذهل واللى محصلش زيه قبل كدة دة
واللى فرسنى بزيادة
استغراب الكاردينالات اللى حواليه من رد فعلنا ..زى ما يكونوا اتعودوا مننا على الامبالاةفى حياتنا وادق امورها وبالاخص عقيدتنا
تعرف؟ لما واحد باحس انه جاهل ومدعى علم
ولا بيفرق معايا انه يعرف او ميعرفش او يفهم
مش مشكلة هو دة بنديكيت
المفترض فيه معرفة كل الاديان اللى بيتخاطب معاها
الاسلام واليهودية والبوذية والزرادشتية والهندوسية والسيخ
طالما انه قبل بمنصب زى دة يخليه يكلم كل واحد على حسب معتقده
لكن للاسف
هو لم يخرج عن جلدة العهد الجديد والقديم
-------
بس اللة ينور
دماغك عالية ياد انت
انا كمان مش باكل من الحركات القرعة يتاعت عاش الهلال مع الصليب وسعد سعد يحيا سعد دى
كلام تعبان وتعب الناس معاه
--------
طيب ما انا وانت اهو كل مرة نشد شعر بعض ونقطع بعض تعليقات
ولا بيهمنى يعنى ولا مؤاخذة
وسميتك كمان عم الحاج جرجس
وحش الاسم يعنى؟؟
والنعمة لايق عليك
ابقا تعالى
مش تبقا تيجى؟؟؟

3rby يقول...

انا مش عارف الناس بتهمشني ليه في البلوج ده...يا بنتي انا اللي سميته كده....وبعدين دول مش بيلبسوا عمم...باروكة.....وكمان علي فكرة الحاخمات انتقدوه مش هنوه...انتي بتسمعي النشرة بالمشقلب ولا ايه...علشان كده فتحوا الارشيف بتاع الكنيسة الكاثولكية...بيشدوا ناعم مع اليهود

غير معرف يقول...

ظاد يا عربى
انت قلت اسمه غبريال
انا مامشيش معايا فى الطاسة بتاعتى غبريال
اللى مشى فى نفوخى جرجس زى الواد جرجس جارنا
اصله شبهه
بس جاج جرجس بقا واصل ودااكتور اد الدينيى
الواد جرجس جارنا دابلون صنايع وبيصلح تلافيزيونات بس
دااكتور الاااكتارونى يعنى
-----
معلش يا جرجس الولا عربى بينكشنى عندك
------
تعالا ياد يا عربى نتخانق عندى ووسع السكة هنا للناس الكبيرة عشان مش نزاحمهم هنا ويضحكوا علينا واحنا بنتخانق على جرجس يا فالح
يالاااا يااد تعالى نكمل خوناق عندى

غير معرف يقول...

اااة نسيت كمان
واد يا عربى
انا عارفة يا فالح عصرك واوانك ان بنديكيت بيمد طاولة لليهود
لانه يا فتك المانى الاصل والابعد بقا بيغطى على كونه احد كوادر الحزب النازى الالمانى لما كان صغنون
فاحسن حاجة يعملها ومحدش حيقوله انت عملت كدة لية ولو بالتلميح انه ينكشنا احنا واحنا غاطسين فى همومنا
اشى احتلال واشى فساد واشى حرب اهلية واشى حرب طائفية واشى انحلال خلقى
كللللل البلاوى دى خلاته يفتكر ان الكلام حيعدى على رقابنا واحنا نايمين
بس ولاد الحلال مسكتوش
لاااازم تشعلل وتولع
قال يعنى خلاص
لحقنا نفوق من حدوتة الدنمارك
لما ينط لنا عم بندق دة كمان
------
يخويا انا مش باسمع نشرات
انا باجيب الاخبار من المصدر رأسااا
ههههههههه
سلام يا جرجوستى

Mongey يقول...

بص يا عم بص يا جدعان بقي كلكم
مسيحيين يهود مسلمين اي حاجة
الموضوع مش موضوع الاحترام
ولا ادب بصراحة انا لا اهتم بكلام شخص مثل البابا و لا بكاركتير الدنمارك ولا غيره برضة
الموضوع اكبر من الدين
كل شي بيتركز حول السياسة السياسة و هاقولها مليون مرة السياسة الكلام ده كله غرضه سياسي

انا لا اهتم بتصحيح صورتنا في الغرب بصراحة
ليه ؟؟
ليه ببساطة ان اصلا الصورة وحشة من زمان
وبعدين متوقع ايه من ناس استعبدونا سنين و خدوا خير بلدنا
و قتلوا ولادنا
اهم شي هو العمل و بناء قوتنا فوق كل شي

انا ماليش دعوي البابا يقول ميقولش

في حاجات كتييير جدا اهم

مش عايز اقول كمسلميين
خلينا نقول كدول تعبانة

هنفضل لغايت امتي تحت رحمتهم مش فاهم انا
الموضوع مش موضوع دين
دين ايه
ديه معركة سياسة و اطماع و حاجات

و الي بيقول ده كل الي عملوا ان الكلام ده بيتعمل عليه تسليط اعلامي رهيب
و تحصل فتنة عندنا و كل و احد يطلع يجعجعله كلمتين و يروح و خلصت الليلة

كفاية كلام في الدين بقي يا جماعة كل واحد يعبد الي هوا عايزه مش مشكلة شخص

و قولي صحيح ايه رايك في الحركات التبشيرية في افريقيا كلها كلها ؟

رمضان كريم

Gid-Do - جدو يقول...

بعد اذن الدكتور صاحب المدونة
ارد على تعليق
Reader
حضرتك قلت
شكرا يا أخ جدو على التكفير ـانتهى !!!!!
وانا برد اقول ياريت تكون استوعبت كل اللى اتكتب ومن حقك انى اجوبك على النقطة ديةـ اقول لسيادك
انت قلت كدة من منطلق ان القران كتاب من تاليف محمد ـ علية الصلاة والسلام ـ وبالتالى يبقى المسلمين اتباع محمد بيكفروا الديانات الاخرى وبكدة تبقى العلاقة بين بشر مخلوقين بيكفروا بشر زيهم مخلوقين ـ وتكفير بشر لبشر شئ انا ارفضة تماما لان مفيش انسان احسن من انسان كلنا اتخلقنا من طين ـ
فى حين ان المسلم يؤمن ان القران منزل من عند خالق الكون وخالق الكون هو اللى اتخذ الحكم فى هذة القضية واصبحت العلاقة هنا بين خالق ومخلوق وبالتالى ما جاء فى القران لايمثل رائىّ الشخصى ولا راى المسلمين ولا راى نبى المسلمين دة قرار الخالق ومفيش مخلوق يقدر يغير حكم الخالق عز وجل
وهذا الكلام ينطبق على ماجاء فى كل الكتب السماوية الاحكام فيها من خالق الكون الى كل من خلق وما علينا الا الطاعة ـ موت ياعبد سمعا وطاعة يارب حد يقدر يغير دية؟ وبالتالى يبقى انا برئ من اتهامك ليا بتكفيرك فانا بشر لايملك لنفسة شئ ويمكن انت الله عز وجل يدخلك الجنة بعمل ما وانا ومليون مسلم نتحط فى النار برضة لعمل ما مين منا يملك انه يغير ارادة الخالق عز وجل ـ
الاية 82 من سورة يس
بِسْمِ اللّهِ الرَّحْمَنِ الرَّحِيمِ
إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ (82
صدق الله العظيم
تحياتى

مراقب مصري يقول...

عم الشباب المصري المتغرب
كل سنة وانت طيب أولا
موضوع المسيحي والمسلم دا قتل بحثا
والأزمة ليستأزمة دين معين
الأزمة أزمة فكر عقم يحكم مجتمعاتنا
الأزمة أزمة تخلف حضاري لم يسبق له مثيل
والمصيبة إن هذا التخلف بيلبس طاقية الدين ويسمي نفسه سلفيةوهذه هي الأزمة الحقيقية
السلفية هي منهجية فكرية قاتلة لكل تفكير واجتهاد
وهي شيء مختلف عن الأصولية
وبالمناسبة الأصولية هي أمر جيد
وهي باختصار العودة للأصول الأولى
والدقة التي تأتي بها هذه الأصول ومن ثم تطبيق هذه الأصول ولكن في إطار المواكبة للعصر
والأصولية كمصطلح أطلق أول ما أطلق على مصلحي عصر النهضة في أوربا
بقيادة الرائد العظيم مارتن لوثر
وهذه الأصولية هي التي أتت بالنهضة المذهلة التي لا تزال أوربا والغرب كله ينهل من تبعاتها على كل المستويات من أول الإصلاح الديني إلى الإصلاح السياسي والاجتماعي وما تبعه من نهضة شاملة في الفنون والأدب وغيره من جوانب الحياة
السلفية على العكس من ذلك
تروج للحياة على نهج من سبقونا
والذين بدورهم يعيشون على نهج من سبقوهم وبالتالي هي منهجية حياة تجعلك تعيش أنماط حياة مستهلكة
وهي أبعد ما يكون عن الأصل الدقيق وتطبيقه الصحيح المواكب للزمن ومعطيات المعاصرة والحداثة
فأنت تحيا صورة منقولة عن صورة عن صورة عن صورة إلى أن تجد نفسك تعيش حياة سكند هاند
عاشها من قبلك ومن قبلهم ومن قبل قبلهم رجوعا إلى الخلف عشرات القرون للوراء تحت مسمى التقليد في النسحية مثلا
ونحت مسمى السلفية في الإسلام
وتحت مسمى الدوجما في السياسة والقتصاد وغيره
نحتاج بحق أن نتحرر من قيود وأنيار التقليدية القاتلة
نحتاج أن نتحرر فكريا وعقليا وروحيا
نحتاج أن نصل للمرحلة التي فيها يختار المرء دينه وعقيدته الدينية والسياسية والفكرية ويكون الإنسان من جديد إنسانا
كما خلقه الله وأراد له أن يكون
وإلى أن يحدث ذلك لنا الله
وعلينا كل هؤلاء الأوغاد الذين يحكمون حياتنا باسم الدين تارة وباسم الحكمة السياسية وخبرة السنين تارة أخرى
وعليه العوض فيكي يا بلد وعليه الهوض فيك يا إنسان
===================


صديقي عربي
سؤالك منطقي وبسيط ولم يؤذ مشاعري على الإطلاق
(هو إيه حكاية الناس اللي مشاعرها بتتئذي عمال على بطال دي وفي الآخر بندعي إننا ناس بتفهم وبتفكر)
موضوع لاهوت المسيح دا موضوع كبير جدا
وما ينفعش يتبسط بطريقة واحد زائد واحد يساوي اتنين
هذا الموضوع هو صلب الإيمان المسيحي على مر العصور وبشهادة التاريخ
ولا يمكن لمسيحي أن ينكره
وحرب المسيحية على مر التاريخ كانت دائما ومنذ بداية المسيحية
هي مواجهة من يدعون بإنكار إلوهية السيد المسيح أو بشريته
وبما أن الموضوع كبير وكونه إيمانيا بحتا
ففي رأيي لا مجال لشرحه خارج هذا السياق ولا هو مجال للمناظرات الهبلة بتاعة ديدات وسويجارت وأمثالهما
في الحوار بين المسلم والمسيحي يجب أن نبحث عن الأرضية المشتركة
التي فيها نعبد الله الواحد الوحيد
الذي خلق السموات والأرض
والذي هو الديان العادل الذي يدين قلوب البشر والذي سيقف الجميع يوما أمام عرشه للحساب والقضاء
نعم إيماننا مختلف
ولا يمكن أن نكون على صواب على كلا الجانبين في وقت واحد
ولكن إيه علاقة دا بالأدب ولاحترام والمودة وفي نفس والوقت الوقوف على ما تيسر من أرضية مشتركة؟
هذه هي القضية
هناك الكثيرون من المسيحيين الذين يشتمون الإسلام بقلة أدب ويزعمون أن هذا هو الموقف الصحيح لمواجهة ما يرون أنه أكاذيب قام عليها الإسلام
ودا موقف سيئ وكريه
وهناك كثيرون جدا من المسلمين
سواء علماؤهم أو عامتهم ممن يكفرون المسيحيين علنا ويسبون دينهم وإلههم ويطعنون في صحة كتابهم المقدس بأسلوب بذيء يدل على قلوب سوداء لا تعرف سوى الحقد
وهذا أيضا موقف زي الزفت
موقف بندكت كان قلة أدب
ولكن ماذا نقول عن شيوخ الجوامع الكبيرة وشيوخ الزوايا الصغيرة على حد السواء الذين يسخرون من المسيحيين في كل خطلة جمعة
والذين لعد أن يكفروهم يصبوا عليهم وابل الدعاء السفيه من نوعية
خرب بيوتهم
عقم نساءهم
وما إلى ذلك من سخافات تقال من على المنابر؟
ماذا تقول عن المدرسين الذين يسحقون الطلبة المسيحيين ويسخرون من معتقداتهم أمام بقية الأطفال في الفصل؟
ماذا تقول عن الآباء الذين يرضعون أبناءهم احتقار المسيحي وكراهيته؟
وفي المقابل تجد المسيحيين يربون أبناءهم على ذات الكراهية في مخالفة لتعاليم المسيح القائل أحبوا أعدائكم باركوا من يلعنونكم وصلوا لمن يبغضونكم
هذا هو مجتمعنا
وهذه هي عقليتنا التي تستاهل الحرق بجاز
البابا قل أدبه وهذه حقيقة
والمسلمين حقهم يزعلوا
بس إيه أخبار ملايين الأقباط في مصر الذين عانوا الاحتقار والتفرقة على مدى قرون؟
خلينا موضوعيين للآخر بقى
ونفتح الجراح كلها بالمرة ليس بغية المزيد من المرارة بل بغية التطهير والعلاج
وكل سنة وانت طيب
ورمضان كريم
================



عزيزي بابا جدو
أعتذر لسوء الفهم الذي حدث بسبب السطر الأخير من المدونة والذي أسأت فهمه معتقدا أنني أصف به الأستاذ الفاضل العوا
لذلك أضفت سطرا توضيحيا يوضح أن إساءة الأدب وقلة الاحترام أتت عن الراجل اللي شتم المسلمين وأساء لهم

بالنسبة للقضية اللاهوتية التي تثيرها
طبعا أولا أؤكد لك حقك في استخدام آيات الذكر الحكيم في مدونتي
بيتك ومطرحك
ما تقوله هو ما أكده الدكتور العوا
أن الإسلام يختلف مع المسيحية في منظورها للمسيح وهذا لن يتغير
سواء ما يعتقده المسلون بحسب كتابهم المقدس أو ما يؤمن به المسيحيون جميعا بحسب كتابهم المقدس
وكما أوضحت في ردي على عربي
إيمان المسيحيين بلاهوت المسيحية هو قضية روحية إيمانية بحتة
لا يمكن شرحها وفهمها خارج السياق الروحي والإيماني الخاص بالحق الذي يعلنه الكتاب المقدس بشأن المسيح
فكلمات ومصطلحات الإيمان المسيحي مثل
ابن الله
وتجسد الكلمة
وعقيدة التثليث والتوحيد
وعقيدة موت المسيح وقيامته فاديا ومخلصا للبشر لا يمكن فهمها إلا في السياق الوحيد الذي تأتي فيه وهو سياق الكتاب المقدس
سواء العهد القديم أو العهد الجديد
وبالطبع ليس متوقعا أن يفهم المسلم أو يقبل في سياق معتقداته التي يؤمن بها
ما يطرحه الكتاب المقدس في منظوره عن فداء البشر وخلاصهم من خلال تجسد المسيح كلمة الله
ومن ثم فالمناظرات في هذا الموضوع والتي فيها يتكلم الطرفان من منظورين وفي سياقين مختلفين تمام الاختلاف
هو أمر عقيم وسخيف ولا يولد سوى مزيد من سوء الفهم والعداوة بين الطرفين
وهذا هو واقع الخبرة والتاريخ في هذا المجال
دعونا نبحث عن أرضية مشتركة نتمكن منها من التعايش في محبة ومودة إنسانية حضارية
لا يحاول فيها الواحد إثبات إنه افضل وأجدع وأحكم من الآخر
بل نعيش معا ونبني معا ونعمر الأرض معا
للرب قصد في الأرض
وهو إصلاح الأرض بعد أن فسدت
ودور كل متا هو أن نسهم في هذا الإصلاح
وما أعظم أن نكون جزءا من خطة الله لإعمار هذا الكوكب
مش دا أشرف لنا من قضاء حياتنا القصيرة على الكزكب في خلافات غبية لا طائل منها سوى البغضة والكراهية
تحياتي لك يا عم جدو يا جميل
ومن أعماق القلب تهانئي بالشهر الفضيل
كل سنة وانت طيب وجميل
================



عزيزتي شهروزة
إنتي جاية تولعيها؟
لأ يا ستي مش باشتم العرب والمسلمين ولا باتهمهم لعدم الإحترام وقلة الأدب
بابا روما أخطأ ويستاهل اللي يجراله
بس خلاص
على فكرة مش انتي اللي أطلقتي عليا اسم الحاج جرجس
الاسم العبقري دا من إبداع حبيب قلبي الرجل الرائع بابا جدو
وراجعي المدونة بتاعةمسيحي ومسلم عشروميت مرة وانتي هتعرفي
وبجد ممتن ليكي لاهتمامك بالمدونة بتاعتي
بجد وجودك بيدي طعم للمدونة
بحبك جدا يا سكرة
================



عزيزي الغريب
كلمتك الأخيرة تلخص كل شيء نعاني منه في هذا البلد
فراغ فكري بعيد عنك
================




الأستاذ ريدر
جدو لم يكفر أحدا
القرآن الكريم ينص على تكفير من يشرك بالله ومن يعبد من هو دون الله
ولأن الفقه الإسلامي لا يرى أن الله المثلث الأقانيم في المسيحية يمكن أن يبقى واحدا في ظل القول بالتثليث
فمن ثم يعتبر أن المسيح إله آخر في نظر من يعبدونه وهذا ما لا يقول به المسيحيون ولا يقبلونه
فالله المثلث الأقانيم هو إله واحد
في منظور المسيحيين
ومن ثم فالمسيحيون لا يشركون في الحقيقة بالله على الإطلاق
بل يعتقدون في ما يسمى بالوحدة الجامعة داخل ذات الله
الذي هو الآب والابن والروح القدس
ولكن لا يمكن أن يفهم هذا الكلام سوى في السياق الخاص بمنظور الكتاب المقدس
وبالتالي ليس ثمة لوم على من لا يؤمن بما تؤمن به ومن ثم لا يرى الأمور كما تراها أنت
وفي كل الأحوال القضية من تاني
هي أنه رغم اختلافنا الجوهري إلا أنه ليس ثمة بديل عن المحبة والمودة والاحترام المتبادل بين الطرفين
====================



عزيزي مونجي
أتفق معك من جديد في تحكم السياسة للأسف على الكثير من المواقف الدينية للكبار أمثال بابا روما وأمثال بوش ومهاويس المسيحية الصهيونية
وعلى الجانب الآخر لا يخلو الأمر من هوى سياسي كذلك لدى دراويش الدولة الدينية والخلافة من الإسلاميين البراجماتيين الذين لا يحترموا الوطنية ولا القومية اللهم إلا الوطن والدولة والقومية الإسلامية الكبرى التي ستحكم العالم كله
يعني هناك ما يمكننا أن نطلق عليه هوس الصهيونية الإسلامية
وهو ما يتجلى في كلمات المرشد العام للإخوان المسلمين الذي حقر من الانتماء للقومية المصرية في مقابل القومية الإسلامية الكبرى قائلا
طظ في مصر وأبو مصر واللي في مصر
أتفق تماما معك في أن حاجتنا الحقيقية ليست في تغيير صورتنا الزفت لدى الغرب
لكن في أن نتغير بجد من جوانا ونرجع من تاني نبقى نبقى بني آدمين
====================




أتمنى أن يفهم كلامي ةردي على الجميع في محله وفي سياقه
وكل سنة واحنا جميعا طيبين

Gid-Do - جدو يقول...

يادكتور
اولاـ اشكرك من كل قلبى على توضيح الجملة الاخيرة من مدونتك ويؤسفنى اننى فهمتها خطا فارجو قبول اسفى لذلك
ثانياـ انا اول مرة فى عمرى الطويل نسبيا اقابل مسيحي مصرى بيناقش المحظورات Taboo
بهذة الروح والثقافة العاليه والفهم النابع عن دراسة واعية لكلا الجانبين وبدون تشنج ـ وهمة الاساسى ـ واسمحلى استعير كلاماتك هنا ـ
دعونا نبحث عن أرضية مشتركة نتمكن منها من التعايش في محبة ومودة إنسانية حضارية
لا يحاول فيها الواحد إثبات إنه افضل وأجدع وأحكم من الآخر
بل نعيش معا ونبني معا ونعمر الأرض معا
للرب قصد في الأرض
وهو إصلاح الأرض بعد أن فسدت
ودور كل منا هو أن نسهم في هذا الإصلاح
وما أعظم أن نكون جزءا من خطة الله لإعمار هذا الكوكب ـ انتهى

يادكتور انت شئ نادر فى بر مصر بس انا متاكد ان مش انت الوحيد اكيد فية زيك كتير على الجانب المسيحى وبرضة على الجانب المسلم فية كتير ولو اجتمع الجانبين بالروح دية راح تعود مصر الى عهدها السابق اللى انا اتربيت فية كلنا مصريين كلنا قبط ايام مكنش فيها شيخ ازهر يحضن البابا بتوجيهات الرئيس

لك خالص تحياتى وعظيم احترامى وتقديرى لشخصك واشكرك واتمنى ان تدوم الصداقة والمحبة والسلام
اعتقد انى حنديك كدة بقلب جامد باللقب اللى انا اطلقتة عليك وانت دفعت عن حقى فية مع شهروزة وهو الف شكر ياحاج جرجس

3rby يقول...

خلاص...انا مش اناني...انت اطلقته وانا ماكنتش اعرف...لانه كان قال لاروي الطويل(مواطن تفجيري-جرجس فوزي)بس انا اللي نشرته

غير معرف يقول...

تحياتى للجميع :
معلهش يا جدو أنا يمكن صدمت من حجم الأيات اللى أنت استعملتها و كان فيها تكفير الاءشكال اللى أنا شايفه أنه لما يبقى فيه اجتماع معين و المسلمين عاوزين يهدؤا الجو فيستخدموا أيات معينة من القرأن مثل : ان النصارى أقرب مودة للذين أمنوا و لما يبقوا غاضبين يستعملوا أيات أخرى مثل : و لن ترض عنك اليهود و النصارى الى أخر الأية و هذا حدث من اثنين علقوا فى نفس اليوم على قناة الجزيرة باعتبار ان كل أية بتمثل اجابة شاملة على البابا .
يعنى أنا قرأت فى الأهرام الأسبوع الماضى حديث مع شيخ حول وجوب كراهية الكفار فى الله تقربا له أو أنظر عدد الذين سبوا ولعنوا البابا حتى اليوم ( قرأت تعليق أنه يعبد قرد مسلوخ على الصليب ) أو تعليق شهروزة بانه أبو عمة طيب ما اشيخ الشعراوى قال كتير و لم ننتقده ....يا اخواننا أتركوا مساحة للحوار فقد كلن له موقف من الرسومات و قبلا موقف الفاتيكان من حرب العراق و ازاى عرفتى أنه قعد سنين و شهور يحضر وان اليهود يؤيدوه حتى لما اتولى المنصب كانت اسرائيل معترضة لأنه خدم فى منظمة شباب هتلر .
طيب ما تيجى ( كما علقت سابقا على الأخ عربى ) تبقى فيه منطقة محايدة بعيد عن الدين و هى المعيار الأنسانى يعنى ما نتفق عليه هو الانسانية و هو موجود فى أوروبا حاليا بعد أن أعيتهم الحروب ( بالذات بين البروتستانت و الكاثوليك ) و نعمل زى ما عملوا على ما أعتقد منشور الحرية الدينية للطوائف و تعالى نشيل خانة الديانة من البطاقة و تعالى نعلى قيمة الضمير و نعتبر ان ده هو الأقرب لله مثلا .بديلا لقيم القبلية و التحزب .
المشكلة هنا أن بعض المسلمين يعتبروا أن هذا الحياد هو تفريط فى الاسلام ....لهذا يتمسك المسيحيون دائما بأقوال أشخاص محترمين من أمثال رفعت السعيد

Gid-Do - جدو يقول...

الحاج جرجس
حسب وعدى لعربى بعد ما زرت مدونتة لاول مرة النهاردة
انا بقول انى متنازل
لعربى
واعتبر ان عربى هو اللى اطلق اسم الحاج جرجس على مدونة الدكتور وانه ساعد على انتشار مدونة الدكتور كمان , والسبب ان عربى من الجيل الجديد اللى لازم يشيل الراية

سؤال للحاج جرجس
كلنا عارفين ان شيخ الازهر والبابا بيبوسوا بعض بتوجيهات الرئيس طيب اخينا دة
د‏.‏ نبيل لوقا بباوي
أستاذ القانون الجنائي
دايما وابدا بيكوس للحكومة بسبب اية؟
تحياتى

مراقب مصري يقول...

عزيزي عربي
أنت من أطلقت علي جرجس بعد ما أنا كنت استخدمت هذا الاسم في تعليق ساخر على تعليق أروى الطويل اللي مضيت في الآخر فيه باسم مجاهد تفجيري جرجس بطرس
ولكن جدو هو من أضاف كلمة الحاج إلى الاسم ومن ثم فحقوق الطبع محفوظة لنا نحن الثلاثة معا في تركيب وتكوين الاسم
لكن يبقى أن جدو هو من صاغه في صورته النهائية الشديدة الدلالة
ألا وهي الحاج جرجس
أضف إلى ذلك أن الرائعة شهروزة عندما أضافتني إلى اللنكات الموجودة بمدونتها
لم تستخدم لا اسمي ريفورمر ولا اسم المدونة كفاية حرام
بل استخدمت اسم عم الحاج جرجس
ودا كان طبعا من دواعي سروري
كفاية إن هي الوحيدة اللي عملت لي أدد
بالمناسبة الوحيدين اللي يعرفوا اسمي الحقيقي هم صديقي فارس قديم وصديقته عشتار وصديقنا المشترك عمر قناوي
======================


عزيزي ريدر
موضوع الدين دا بقى أزمى حقيقية في هذا البلد
أنا مصر على استخدام مصطلح "الهسس الديني" لوصف ما يحدث في هذا البلد
الناس عندها هسس حقيقي مع الدين
لا يرى المرء في هذا البلد أي شيء في الحياة إلا من خلال منظور واحد ضيق جدا ألا وهو الحلال والحرام، الكفر أو الإيمان وينطبق هذا على الجميع سواء مسلمين أو مسيحيين
سيبك إنت شفت الجون اللي جابوا البابا شنودة في الليلة بتاعة إساءة بابا الفاتيكان دي؟
الإخوان والحكومة جابوا له جون جميل بمنع عرض شفرة دافنشي وهو رد الجون بإدانته بابا الكاتوليك
واهو كله مصائب قوم عند قوم فوائد
==========================


العزيز جدو
نبيل لوقا بباوي بيبوس بوس من النوع الجامد أوي اللي احنا منقدرش عليه
دا بوس براجماتي من العيار الثقيل
ثمة ظاهرة طفحت على مجتمعنا حديثا وكانت موجودة قديمة هي الدعارة السياسية واهو بوس ودلع وهشك وطبطب
(ومش هقدر أكمل)
وهتلاقيها مشيت معاك وبقت حلاوة
ألم تسمع بأن سبب بقاء نظيف في منصبه بعد أن كان عتاولة السياسات على وشك خوزقته وقلشه من المنصب
كان السبب هو حديثه الحميم جدا عن حكمة الرئيس التي لا يدانيها حكمة
والراجل الكبير عجبته الحركة
بالرغم إنه عارف إنها حركة قرعة
إلا أنه رد التحية بأفضل منها وأبقى نظيفا في منصبه بل وأشاد بأدائه معلنا أنه من بين أفضل ثلاثة رؤساء وزراء خدموا معه
وبعد كدة جاي تسألني بباوي دا بيكوِّس للحكومة ليه!!
مسااااااااء الخيييييييير

3rby يقول...

انا مش باقولك عم الحاج جرجس...انا باقولك جرجس الكافر...وبعدين انت هاتمثل...مانا عاملك لينك من زمان باسم جرجس الكافر...وعالعموم مش هانختلف...ده حتي اسم من اسماء الكفار:)

بس انا عاوز اقول ان حتي لو البابا شنودة بيجامل الحكومة ويبوس في شيخ الاذهر....بس موقفه مش شايفه مجامله...راجل محترم جدا...انت تعرف ان لما بتاع كنيسة المقطم ده انشق ادايقت اوي...شنودة بيرفض الحج للقدس طول ماهي محتله...لكن الراجل بتاع المقطم يوافق...الواحد ينزل اسرائيل ويتنقل بين القدس الشرقية والقدس الغربية....ياخي...لا مؤاخذة

غير معرف يقول...

طيب بقا اقسم باللة ان اللقب من تاليفى انا
لانى مع الاعتذار لجدو مقريتلوش اى بوست غير اللى بيكلم حفيدته بس فيه
ومصممة على احتفاظى بالحق بتاعى ومش حاتنازل عنه الا على رقبة جرجس
وبينى وبينكم محاكم التفتيش بقااا
واللى حيعترض حادبحلكم جرجس
اية رايكم بقاااااا؟؟
هااااااة
-----
ومحدش يزعل بقا
اللقبببب بتااااااااعى اناااااااا
وباعلنها من منبرى هذا اللى ناوية اهده على راس الواد جرجس
انى انا صااحبه الاختراااااااااع
-------
وانتوا حرين شدوا فى شعر بعض زى ما انتوا عاوزين يخويا
بس بعيد عن اختراعى
--------
انا مباولعهاش يا فالح
انت صاحب شعار شعللها وولعها
انا بس كنت باهدى النفوس
ههههههههه
---
وانا باموت فيك يا جرجوستى
قوللى ياد انت؟؟
ما تيجى نعمل اتحاد كونفيدرالى واستعوض ربنا فى نفسى و اخدك شركة انا واوساا
هاااا؟ اية راايك؟؟
نجنن احنا الجوز صح؟؟
اوووووعى تقول بم
هااااة..انت حر
وربنا اجيبهالك هنا اوسا تقلبهالك ضلمة

مراقب مصري يقول...

شهروزة
كيف أقول لكي بم؟
ياريت إنتي وأووسة تاخدوني واهو حتى تكسبوا فيا ثواب
دا يبقى يوم الهنا
اسكتي مش أنا قابلت فارس قديم وعمر وعشتار
الناس دي طلعت حكاية
أجمل عقول في البلد
فارس بيقترح إننا في رمضان نعمل لقاءات للمدونين في أي مكان
هو وعشتار هيجيبوا لنا أسعار حلوة
فكري في الموضوع
وقولي لي رأيك

غير معرف يقول...

يا ابنى فارس دة دماغ متعمرة لوحدة
وعشتار ثورجية من الناس المتينة ودة استشفيته من كتاباتها
عمر بقا كدة شكله بيحب يعمل فى صمت زى ما بيقولوا
ماهو يا ضنايا انا لو من نفس المحافظة مكنتش سبتكم
كنت لزقت فيكم طول ايام رمضان
هو فيه اجمل من الصحبة الحلوة فى ايام مفترجة زى دى؟؟
وكمان اية؟؟ حنخطط لانقلاب
ولقلب نظام الحكم؟؟
يا لهووووووى دة احنا حنكسب اكبر ثواب فى المخروبة دى
هههههههه حتروحوا فى داهية من تحت راس لسانى...انا عارفة
كان نفسى واللة
لكن بقا ما باليد حيلة
ابقا احكيلى على اللى حتعملوه
واعملى نشرة مختصرة كدة للى قلتوه وامرى للة اقضيها تهيؤات
ولو انه مش كويس على عقلى الباطن يعنى
-------
الا ياد انت بجد دكتور حريمى؟؟
ولا بتاع لوز ومناخير وبتتمحك كدة فى الحريمى؟
ههههههههههههه
باطمن بس
----------
ليلتك فل يا باشاا

الأميره أوسه يقول...

هههههههههههههه
أنت مستخبى ليه عندك
أمبارح كتبت تعليق كبير
وفجأه النور أتقطع
أنت سعلان منى ولا حاجه
المهم كل سنه وانت طيب
برضه تجيب فانوس وتيجى تغنى معانا
سيبك أنت مفيش أحسن من تكبير الجمجمه
هو أنت صحيح دكتور بجد
يعنى خريج كلية مكرونه قسم لسان عصفور
يا أبن الأيه بتشكف على الستات
زمانك قرفت من الشغلانه من البنات
أنا بفكر أشتغل دكتورة أى تخصص
وأفتح عياده أو أشتغل فى مشتشفى أستثمارى
أنت عارف فى واحده قريبتى دكتوره ماتت
بس مش عارفه ليه
المهم أنت شغال فى أى مستوصف
ولا دكتور حر زى حلاقين الصحه
طيب باى بقا

مراقب مصري يقول...

حبيبة ألبي أووووسة وأيضا معشوقتي شهروووزة
نعم أنا طبيب ونعم مسجل ماجستير في النسا والتوليد عقبال عندك
وأما الكشف على الستات فدا أمر يا أختي خاضع لقسم أبوقراط وشرف المهنة
والدكتور مننا ليه يا أوختشي غير شرف المهنة؟
أما حكاية إننا ممكن أكون قرفت من البنات فدا اللي مش ممكن أبا ولا أفكر فيه أبدا أبدا
أنا بعشق البنات
وفي عشق البنات أنا فقت نابليون كما يقول الساحر منير
أنا أدوب عشقا في كل ما هو أنثوي
مش قصدي قلة أدب
بس بجد أنا بحترم جدا الست وبحبها وبقدرها
والمرأة بالنسبة لي لغز وكنز وأحلى وأجمل ما خلق الله في أرضه
يا لهوووويييي
أمت بشتغل فين فدي قصة طويلة
ولكن نهايتها كانت الاستقالة من وزارة الصحة والتفرغ لأكون طبيب حر
(زي حلاقين الصحة يا ست أووووسة)
فيه حفلة لعمر خيرت في ساقية الصاوي يوم 28 سبتمبر ما تيجوا نتجمع ونروح؟

غير معرف يقول...

اااة يا جرجس
انا باموت فى عمر خيرت
يا ريتنى كنت معاكم
ماشية معاكم قشطة فى العاصمة
مهيصيين عالاخر
كل سنة وانت طيب يخويا
ولو ان الواد عربى مطلع عليك اوشاعة بتقول ان انت كافر
بس يلاااا اكسب حسنات على قفاك
--------
عارف طبعا انى باهزر يا رفيق جرجس
باقولك اية؟؟
فكروا كدة تيجوا عندى اعزمكم على اكلة سمك ورز صيادية لحد ما تقعوا من طولكم من حلاوته
شووو رايكم؟؟

مراقب مصري يقول...

أيوووووه من بحري وبنحبوووووه
أموت في السمكمك

لكي لا ننسى دم أحمد علي مبروك