٠١‏/٠٩‏/٢٠٠٦

تغيير وزير العدل

وزير العدل غيروه!! أصل صحته تعبانة! يا ريت دي تبقى شوطة كل الل صحتهم عليلة يغيروهم... وزير العدل اتغير عشان سافر يعمل شوية فحوصات... الدور والباقي على عم الحاج اللي تصلب الشرايين خلاه مش مركز ولما جم يسألوه على حرب لبنان قال على حزب الله "البتاع ده"... على أيامنا كلمة البتاع ده كان تعتبر كلمة أبيحة وفيها إشارات وتلميحات جنسية صريحة!!! بس اللهم لا اعتراض!!

الراجل الكبير لما من سنتين سافر يعمل عملية الغضروف ما حدش ساعتها طالب بإقالته لظروف صحية... صعبان عليا يا ابو الليل!!! ما علهش يا بني هي كدة خدمة الغز علقة!! (يعني غُز؟) ولا يهمك غُزُّهم كلهم في نضارتهم!!

وزير العدل اتغير وقيل أنه أقيل بسبب تقاعسه في تحقيق العدل لضايا قطار قليوب!!! أما وزير النقل فتم شكره بسبب أدائه المتميز في "نقل" جثث الموتى وأجساد الضحايا!! يقال أن عربية الإسعاف كانت من جنرال موتورز!! (يملك الوزير بتاع النقل 15 % من أسهم جنرال موتورز)

يقال أن الشهر دا هيشهد خطوة مفاجأة في مؤتمر الحزب الوثني والواد قلبه بيوجعه وعايز حد يدلعه... يقال أن الواد هيتدلع رسمي في المؤتمر دا وبحضور ديفيد ولش اللي هو مساعد وزيرة الخارجية الأمريكية كوندوليزا رايس لشئون "البتاع دا" الشرق الأوسط.... نلتقي بعد الفاصل

هناك ٢٦ تعليقًا:

غير معرف يقول...

شوف يا عم الحاج
الاول قاعدة معروفة فى الخروبة بتاعتنا دى
شاور بصوابعك العشرة على اى فاسد وقدم مستنداتك بكدة وقول لهم شيلوه
تانى يوم حتلاقيه بقا رئيس وزرا
شاور على اى واحد ماشى تمام كدة وكويس
تانى يوم حتلاقيه فى ديل وزير العدل
عبيد كان كدة وقعد على قلبنا لحد ما قلبنا وقف من التخمة اللى فيه
كمال الجنزورى اتزحلق علشان كان ماشى بحق ربنا
انت خليك فاسد فى البلد دى وانت تعيش ملك ورئيس وزرا كمان
ثانيا بقا معنى كلمة الغز دى اللى هم الغوازى ولا مؤاخذة بس بالمختصر المفيد
ثاالثا بقا يا عمنا
الواد اللى بيتدلع دة طلع فى الاخر واحد من بتوع السياسات فى الحزب اللى بالع البلد بيقول ان الواد بجلالة قدره هو المرشح الاول لرئاسة المجهورية بعد طويل العمر يطول عمره ويزهزه عصرة وينصره على مين يعاديه ...هااااى هيىء
ادينى بقا عقلك وامشى حافى...اية لزوم بقا مؤتمر الفشر والمعر بتاع رايس ووالش دة
مين الناس دى؟؟ نوع سنيكرز جديد فى السوق؟؟

مراقب مصري يقول...

انتي عارفة يا شهروزة... كلامك مظبوط جدا... الراجل الكبير بقى عنيد جدا قولي على أي وحش ولازم يتشال أو حتى قولي أنه فيه نوايا رئاسية (دي غير نواية البلح) بإقالة فلان ... فالجل دا تحديدا هو اللي ها يقعد ويقال عنه أن أداءه كويس وبيعجبه!! دا تحديدا اللي حصل الإسبوعين اللي فاتوا لما اتقال عن السيد أحمد نظيف أن النظام خلاص ها يحلق له بعد الحركة النص كم اللي عملها في آخر زيارة ليه لأمريكا.. حيث يبدو أنه استغل جهل الوفد المرافق له باللغة الإنجليزية وابتدى يقول كلام واطي للجماعة بتوع الإدارة الأمريكية من نوعية أنا عتريس... أنا عشرين عتريس في بعض.. أنا وحش، أنا مفتري، أنا جامد أوي وانفع أبقى الوريث بدل الواد قلبه بيوجعه وعاوز حد يدلعه بس الخازوق إن أصدقاءه الأمريكان عملوا بأصلهم وبلغوا عتريس بالحركة الواطية دي... ولما رجع اتبهدل يا عيني آخر بهدلة وعتريس قال له بقى كدة برضه تعمل كدة كدة فيا... وانا اللي دخلتك بيتي يا كلب!!! وكان خلاص على وشك يطيره... غيرشي اولاد الحرام هما اللي سربوا الخبر يا شهروزة إلى الجرايد الصفرا (هما بيقولوها كدة صفرا تبقى صفرا) من نوعية الدستور والكرامة وعنها!!! جابوا الموضوع من ديله واتكلموا عن رشيد محمد رشيد اللي هيمسك مكان نظيف أو العقدة (فاروق العقدة) وكلام فاضي من اللي بيقولوا عليه تكهنات... وطبعا لما الخبر اتسرب قام عتريس (فاكرة شيء من الخوف؟) عمل فيهم كلهم مغرس وهوب!! راح سايب نظيف وأشاد بأدائه!! وطلع لسانه للكل وراح مغير وزير العدل!!! شوفتي لعبها ازاي؟

3rby يقول...

ازيك يا جرجس.....والله انا نفسنا عزرائيل هو اللي يدلعهم اخر دلع

مراقب مصري يقول...

سمعت - والله أعلم - أنه عزرائيل واخد أجازة وما بيروحش الحتت اللي هما فيها

الأميره أوسه يقول...

أنت يا مسخناتى
كده زعلت أروى
تعالى زورنى
فاهم
ولا أزعق لك

مراقب مصري يقول...

شوف يا أخ غريب... الحل إيه... هممممممم قديما قال شكسبير في رائعته الخالدة "هاملت": تو بي أور نوت تو بي تلك هي المسألة... والشعب الزفت دا (بحسب كلام جمال حمدان في كتابه الكئيب شخصية - لامؤاخذة - مصر) إختار من آلاف السنين إنه "نوت تو بي"... طب تعمل إيه في شعب كهذا؟ أغير الشعب يعني؟؟ أما حكاية البتاع ده فدا موضوع تاني... حبيب ألبي حتى لو غيرت البتاع (لأ مش أصدي قلة أدب) برضه هيطلع لك بتاع تاني مكانه!!! ماهو هذا الشبل هايكون برضه من ذاك البتاع!! القضية مش قضية تغيير البتاع دا!! طب ما احنا نقلنا رمسيس وجبنا مكانه مبارك... فيه تغيير حصل؟ يقول جمال حمدان في خلاصة كتابه الكئيب (يقال إنه بعد ما قعد يكتب فيه عشرين سنة اكتشف إن مافيش فايدة وانتحر!) يقول أن الشعب دا عمره ما ثار ثورة شعبية في يوم من الأيام وان كل الحركات (القرعة) اللي أطلق عليها ثورات كانت ما إلا حركات نخبوية وليست شعبية (كلها دون استثناء كانت كدة)!!! ودي مصيبة يا عم غريب!! قديما قالوا أن الضغط يولد الانفجار... واليوم حطوا للضغط ميت ألف بلف (من نوعية مصطفى بكري، وعادل حمودة، والشيخ رجب حميد’) وهذه البلفات للتنفيث فيبقى فيه عندك ضغط لكن عمره ما يولد انفجار!!! والمهم الرغيف المعفن يفضل بشلن والسجاير الكلوباترا متزيدش إلا بالقطارة، والبنزين التمانين يفضل على سعره وماتشات الكورة نجيب لها وصلة وأهو كله تنفيث!!!

إذن ما هو الحل؟ (طبعا شعار الإخوان المسلمين بتاع الإسلام هو الحل كلام فارغ لأن حتى في الإسلام مكتوب أن الله لا يغير ما بقوم حتى يغيروا ما بأنفسهم!!) الحل يا عبقري هو إن الشعب دا يتغير من جواه!! دماغ أم الشعب دا تنضف!! ودا هو الإصلاح الحقيقي!! ودا عشان يحصل لابد أن تنسف حمامك القديم (اللي هو عقليتك القديمة في هذه الحالة بعد أن تحولت عقلية البلد إلى مراحيض عامة)... الأمر يشبه الموت والقيامة من جديد!! (فاكرين أغنية منير في جمهورية زفتى لما قال أنا بتولد من جديد بتولد من جديد .. يخلقني تنهيدي!) هيا دي يا باشا... موت عن منهجية قديمة أكل عليها الدهر وشرب وحشش ونام... وولادة جديدة إلى حياة فيها دماغ نضيفة وفكر مختلف ومنهجية حضارة مختلفة تماما عن القرف والوساخة اللي احنا عايشين (مجازا عايشين) فيها!!

أنا كنت شيء وصبحت شيء ثم شيء
شوف ربنا قادر على كل شيء
هز الشجر شواشيه وشوشني قال
لابد ما يموت شيء علشان يحيا شيء
وعجبي
(طلعا للجهلة والأغبياء دي رباعية من رباعيات الراحل العبقري صلاح جاهين)

مراقب مصري يقول...

حبيبتي أوووسة يشرفني زيارتك
بجد يا جماعة أنا اكتشفت أن التدوين دا عالم تاني!!! أنا بدأت أخش العالم دا من أقل من أسبوع بس!!

سي يو يا قمر في مدونتك

Shower-Mirror يقول...

الله ..الله

بقى حضرتك بقالك اسبوع بس بتدون .. و ابتديت تخبط فى الحلل الكبيره كده مره واحده

قاعد تكتب براحتك كده ..و رجليك واخده على المطرح

اسلوبك عاجبنى موت ..مع انى ماحبش التخبيط فى الحلل لأنى باحب الاكل مووت ....

انا قريت محاضرتك عن الاقباط عند ماما أوسه ..كلامك موزون ياواد ..براوه عليك ...اصل انا اساسا شبراوى و بينى و بين الاقباط عيش و ملح و كفته ...

ابقى تعالى زورنى و اكتب اى حاجه انشالله تكتب اسمك و تجرى .... تشاو

قلم جاف يقول...

1-شيفروليه هو الراعي الرسمي لمجلة الإذاعة والتليفزيون في لوكها الجديد .. نظرة سريعة للإعلان التليفزيوني للمجلة تؤكد لك هذه المعلومة دون تحملك عناء قراءة نسخة من تلك المجلة التي تحولت إلى جناح جديد للقومجية (غير القوميين) عل غرار الست روزا!

2-محدش اتكلم ليه على وزير التعليم اللي ما بيفوتش مؤتمر لسيمبا الصغير؟ محدش سأله عن استراتيجيته للتعليم المصري؟

محدش ليه بيسأل الناس دي عن تصوراتها وخططها؟ ولا دي خطط سرية بنت أم سرية (على غرار مسلسل ملفات سرية)؟

Gid-Do - جدو يقول...

بص انا مليش فى السياسة لكنك ياحكيم الزمان معرفش لية لايق عليك قوى اسم جرجس اللى انت مبتحبوش وانا شخصيا علشان تبقى مصرى حنت زى حلاتى حسميك الحاج جرجس وبكدة يكون عندك مرونة فى الحركة تروح يمين ولا شمال تبقى فى بيتك ـ اية رايك ؟ ـ ارجو ان احنا نبقى اصحاب فى حب مصر والباب مفتوح علشان نعرف ماهو الاخر ومنبقاش غرب عايشين مع بعض ـ انا من زمن معظم اصحابى وحبايبى كانوا من المسيحيين ـ وياريت تجاوب على اوسة وتقول اية الاسم الصح انا عارف ان كلنا كمصريين مسلمين ومسيحيين نبقى اقباط لكن اتباع السيد المسيح علية وعلى محمد الصلاة والسلام نسميهم اية حسب كلامك ألجديد جدا علىّ ـ تحياتى يابن بلدى وزميل فى الحرفة

Gid-Do - جدو يقول...

الحاج جرجس
تصحيح معلومة ـ الدكتور جمال حمدان لم يثبت انة انتحر الرجل مات فى حادث انفجار انبوبة بوتاجاز وهو فى منزلة لانستطيع ان نسمى دة انتحار بغير دليل والمسلم يعلم ان الانتحار كفر بقضاء الله وعقابة الخلود فى نار جهنم ـ معايا ؟

Mongey يقول...

بص يا حج جرجس يا اكبر دليل علي الوحدة الوطنية . عجبني الموضوع و بيعجبني اكتر اسلوبك الناقد الساخر ال استطعت بفضله الحصول علي اسم جرجس ثم تحولت الي الحاج جرجس و كده احلي كتير

مراقب مصري يقول...

الأخ العزيز شاور ميرور (أو يمكن أخت.. أتمنى!)

شوف يا سيدي حكاية التخبيط في الحلل دي هواية قديمة بدأت أعراضها في الظهور لدي من وانا في بطن الست الوالدة...
خد عندك خبطة في حلة سيادتك.... فيه حد يا راجل يسمي نفسه مراية الحمام؟؟ دا على أساس إنك تفهمنا إنك "نظيف" وبتستحمى؟ ماشي يا عم "نظيف"" عينتك "بتاع دا" رئيس وزرا في حكومة الأميرو أوووسة... ابقى خليها تنفعك!!

آه بالمناسبة يا شباب... زوروا مدونة عربي، كاتب تعليق مبهدل فيه الواد مونجي حبيبي ومسيح له على الملأ... قال إيه الواد بيقترح إننا نغير حروف لغتنا العربية إلى الحروف الإفرنجية... معلهشي ما انتوا عارفينه زنديق وبتاع جل من يومه... فينك يا أروى يا طويل!!


الصديق العزيز قلم جاف

من الواضح يا عزيزي إن عندك مشكلة عويصة في تلافيف المخ... استراتيجية إيه يا عم الحاج اللي بتقول عليها للتعليم المصري؟ إنت مفكر إنه في وزير في مصر يعرف معنى الكلمة الأبيحة دي؟ دي بالنسبة لهم بدعة - وطبعا انت عارف طل بدعة إيه؟ ضلالة وطل ضلالة في النار - آل استراتيجية آل!!! الحاجة الوحيدة اللي في منها استراتيجي عندنا هي الخيار... ودا أحسن خيار متاح أدام حضرتك ... الخيار الاستراتيجي دا يا باشا ما فيش زيه (يلا مش طالبة أباحة ع المسا) وعموما يا عم قلم جاف الدنيا كلها ما هي إلا خيارة استراتيجية كبيرة ... يوم في إيدك ويوم فين؟ برافو عليك !! في السلطة طبعا!!


الصديق الجديد عليا جدو

شوف يا سيدي... أنا عايز أشكرك جدا أنك بتتنطط ورايا من مدونة لمدونة ويتقرا تعليقاتي... دا يشرفني... أما حكاية اننا نبقى اصحاب في حب مصر فدا لا مؤاخذة كلام عيب أوي وانت عارف ليه!! مصر دي يا بابا جدو تبقى أمي!! وانت بقى عايز تصاحبني عشان توصل لأمي ؟!! ياخي أحمد!!! لأ داحنا صعايدة وورانا رجالة تاكل الحديد (دا كان قبل ما عز يحتكره) تاكل الزلط!!...
الموضوع بتاع المسيحيين أو النصارى أو الأقباط المفروض الصح نسميهم إيه... هممممم بص يا سيدي هو في سفر أعمال الرسل اللي بيحكي التاريخ المبكر للكنيسة الأولى كان المؤمنين بالمسيح (دا الاسم اللي أنا شخصيا بافضله) يسمون بأتباع الطريق وكانوا هم يسمون أنفسهم "الإخوة" (توجد طائفة مسيحية معاصرة تسمي نفسها يهذا الاسم "الإخوة") ... ولكن كما قلت قبلا - بناء على سفر أعمال الرسل برضه - أنه في أنطاكية دعي "الإخوة" أولا "مسيحيين" بمعنى أن هذه التسمية أطلقها عليهم الوثنيون في أنطاكية عليهم ومشيت معاهم على طول (زي ما خلاص أنا اسم جرجس لزق معايا كده بعد أن ثبته عليا بعض الزنادقة)... أما نسمي المسحيين النهاردة إيه؟ يا عم سميهم مشمش!! مش القضية "الاسم" يا فرحتي بواحد اسمه مسيحي ولا يتبع تعاليم المسيح!! ما هو تلات اربع البلد دي كدة!! مسلمين بالاسم ومسيحيين بالاسم... لأجل ذلك أنا أفضل إلغاء خانات الديانة من كل المعاملات الرسمية وإرجاع الأشياء إلى أصولها... الدين الحقيقي هو علاقة بين المرء وربه، ينتج عنها تغيير جذري راديكالي في الشخصية فتكون إنسانا أفضل!! غير كدة انت منافق سواء اسمك محمد أو بطرس أو شمعون أو كونفوشيوس!!!



أخيرا وليس آخرا الصديق الحبيب كبير الزنادقة موووونجي
بجد شكرا لتشجيعك وكلامك الإيجابي عن أسلوبي وعن الموضوع (وإن كنت مش عارف أنهو موضوع من كتر ما بكتب تعليقات أكتر ما بكتب بوستات جديدة) ... إنت والواد عربي ما لكوش حل في الكتابة والمشاغبة!!!
مدونتكم كانت أول مدونة أقراها بعد ما دخلت دنيا التدوين (شوفت دخلت دنيا دي ؟!!) معاكشي كلينكس عشان الواد عربي بيعيط؟

تحياتي للجميع
الحاج جرجس

Mongey يقول...

ملحوظة
الكلام السابق ده ما فيهوش حرية تعبير يعنى اللى مش متفق معايا ما يكتبش كومنت احسن
اخر سطر في اخر موضوع لاروي الطويل
بتحجر علي حرية الراي

مراقب مصري يقول...

سوري يا منجي بس أنا بجد ما فهمتش الملحوظة الأخيرة مقصود بيها إيه
أنا عمري ما بانتقد ولا بحجر على حرية الرأي والتعبير
أنا معنديش أزمة على الإطلاق مع أروى الطويل... أروى ما إلا رمز لعقلية أغلبية بتشوف الأمور كلها في الحياة من منظور ضيق جدا اد كدهو... وهتلاقي زيها الأستاذ عبدالله مفتاح وغيرهما الملايين من بني شعبي

مراقب مصري يقول...

هممممم
فهمتك يا عم مونجييييي
جي تهدي نفوس بيني وبين أروى حبيبتي
كان نفسي أكسفك واقول لك وإيه يعني أم حرية الرأي وكله يهون عشان خاطر سيدتي أروى الطويل
بس للأسف مش قادر يا نفيسة
إنت جيت لي ع الجرح
خش يا عم عندها واتفرج
وخلينا نتفق إنها لو مسحت التعليق بتاعي هنسيحلها في كل المدونات الصديقة ونخرج في مظاهرات كفاية أروى كفاية يا طويل
للقهر الأرووي!! لا للكبت !! لا لأروى الطويل

مراقب مصري يقول...

الصديق العزيز جدو آسف إذا كنت هزرت معاك ببواخة... أنا كنت فاكر اسم جدو دا اشتغالة، أتاريك جدو بجد... سوري الواحد متعود على الشباب الصغيرين اللي بينفع يرخم عليهم براحته ... طبعا يسعدني صداقتك وتشرفني

Gid-Do - جدو يقول...

Reformer
ماشى ياعم حصل خير ـ شيفك بتقول لاوسة انك ولعتها عند سوسة ـ انا لسة مرحتش اشوف فية اية ـ وانا شايف ان ليك هدف واضح غير التوليع وهو تعليم الناس ودة انا معاك فية لابد من ان الناس اللى عايشة فى بلد واحد يعرفوا بعض فتقل الحساسية وطول عمرنا كنا عايشين كدة لكن التطرف من الناحيتين خلها مسخة جدا وولعها كمان ـ فى جنوب افريقيا قعد السود مع البيض والبشوب توتو كان لية دور ممتاز فى اعطاء فرصة للجروح انها تلم
انا معاك فى حذف خانة الديانة من البطاقة وكمان خانة الوظيفة وخانة الحالة الاجتماعية ـ علشان ميكونش فية تفرقة فى معاملةالمسلم والمؤمن بالمسيح والفلاح والدكتور ومابين المطلقة والمتزوجة ـ بمناسبة المؤمن بالمسيح هذا التعريف بهذة الصيغة يشمل المسلمين لان كل المسلمين لازم يؤمنوا بالمسيح وطبعا ايمان يختلف عن ايمان المسيحى بالسيد المسيح علية السلام ـ شايفك موقع باسم الحاج جرجس رغم انك مقلتش موافق او غير موافق فهل دة موافقة ضمنية على الاسم انا مرضيش استعملة لكن يظهر انة عجبك وحبدء استعملة ـ لك تحياتى وسلملى على امك مصر وان كنت صعيدى من اسيوط فانا صعيدى من طما وطهطا وديروط كامااان ـ تحياتى

مراقب مصري يقول...

يا أجمل جدو في الدنيا

أشكرك جدا على الكومنت الجميل دا... إنت الوحيد - على ما يبدو - اللي فهم حكاية أن التوليع مش هدفي في حد ذاته لكن إن الناس تتعلم وتفهم ودماغها تنضف... أنا عارف طبعا إن فيه تجاوزات حصلت (تجاوزات في استخدام ألفاظ محددة كانت غير لائقة في الموضوع)، لكن الناس سابت الفكرة الرئيسية ومسكت في الكلمتين اللي ما لهمش لازمة حتى سوسة نفسها عملت كدة!! أنا مقدر حساسية الموضوع... ويبدو أن الأزمة الحقيقية هي ان مسيحي بيناقش بصراحة مشاكل همه شايفين إنها مشاكل مسلمين في بعضيهم في حين أن القضية ودا اللي حاولت أوضحه كانت أن دي مشكلة شعب كامل ووطن في أزمة!!!
أنا اعتذرت بوضوح عن استخدام ألفاظ غير لائقة... وخصوصا في بيت أخت عزيزة هي سوسة... اتعلمت منك على فكرة (كان بعد فوات الأوان) إن مدونتي هي بيتي.. ومدونات الآخرين هي بيوتهم اللي ليها حرمتها... قبل ما أقرا دا عندك ما كنتش شايف الموضوع كدة خالص... كان عندي انطباع إن الكدونات كلها قهوة قاعدين عليها سوا!!! منكم نستفيد ومن خبرة الحياة نتعلم منكم
أستأذنك ممكن أنشر التعليق بتاعك في مدونة سوسة؟ عايز حد محايد وعاقل زي حضرتك يشهد في حقي أن أزمتي ليست شخصية ولا دينية على الإطلاق وإنما محاولة مني - بطريقتي الساخرة - لتشخيص المرض توطئة لبدء مراحل العلاج

طبعا موضوع استخدامي للقب الحاج جرجس ما هو إلا موافقة ضمنية عليه... أنا مش فاكر إنك سألتني عن رأيي فيه أصلا... هوا الواد عربي ثبته عليا... وانا من غباوتي نسيت أحق لك الحق في أنك مبدع الاسم... والاسم عميق جدا في دلالته وباحييك عليه وشكرا يا جدو يا عظيم

مراقب مصري يقول...

راجعت التدوينة تاني ولقيت إنك فعلا سألتني عن رأيي... جل من لا يسهو!! نسيت أشكرك على تصحيحك لي لمعلومة وفاة جمال حمدان... أن لم أقل أنه انتحر... قلت أنه قيل أنه قد يكون انتحر وإن كان البعض ذهبوا إلى أن وفاته كانت مدبرة ... وانت عارف الأوشاعات...
بالنسبة لموضوع إن المنتحر هيخش النار وكدة... أتفق معك في أن الديانات السماوية تحرم قتل النفس وتعامله نفس معاملة قتل الآخر... ولكن عندما نقول عن شخص أنه انتحر ليس المقصود شيئا أكثر من أنه انتحر... ليس للحكم على إيمانياته ولا لإدانة ما فعله فلسنا سوى بشر لا حق لنا في إدانة مخلوق... فقط نقر بواقع أن فلانا انتحر أما مصيره الأبدي فهو بيد واحد أحد لا سواه وهو الله... يقال أن صلاح جاهين انتحر ... هل يقلل هذا من مكانته في قلوبنا؟ ويقال نفس الشيء عن سعاد حسني، فهل يجعلنا هذا نكرهها؟ بل سنظل ندعو لهما بالحمة والمغفرة ونذكر محاسن موتانا بغض النظر عن التفتيش في ضمائرهم (مش كفاية التفتيش في ضمائر الأحياء هندور كمان في ضمائر من ارتاحوا من هم الدنيا الفاني!) تحياتي لك

أذكرك قبل ما امشي بالرباعية الرائعة التي أعشقها لرجل قيل أنه أنهى حياته منتحرا من قرف البلد وبلاويها:

الدنيا أودة كبيرة للانتظار
فيها ابن آدم زيه زي الحمار
الهم واحد والملل مشترك
ومفيش حمار يحاول الانتحار

عجبي بجد!!!!

غير معرف يقول...

Howdy! Ι'm at work browsing your blog from my new iphone 3gs! Just wanted to say I love reading through your blog and look forward to all your posts! Keep up the great work!

My page :: devis fenetres

غير معرف يقول...

Yоu're so interesting! I do not think I've trulу reаd anуthing liκe
that beforе. Ѕο wonderful tο discоνeг somеone wіth ѕome originаl
thoughts on this issue. Really.. many thankѕ
for starting thiѕ up. Thіs site іs ѕοmеthing that's needed on the web, someone with a bit of originality!

My homepage ... disque dur SSD

غير معرف يقول...

Does your site have a contact page? I'm having problems locating it but, I'd like to send
you an e-mail. I've got some ideas for your blog you might be interested in hearing. Either way, great site and I look forward to seeing it improve over time.

Feel free to surf to my homepage; Roland Garros

غير معرف يقول...

Whеn I oгiginally commented Ӏ ѕeem to havе clicked on the -Νοtifу me ωhen new commеnts aгe adԁeԁ- checkboх and noω whenеver
a comment іѕ aԁded I gеt 4 emailѕ with
thе sаme comment. Peгhaps therе is a way уou can remoνе
mе frοm thаt servicе?
Cheers!

My blоg ... meuble salle de bain pas cher

غير معرف يقول...

Hello there, just became aware of your blog through Google, and found that it is truly informative.

I am gonna watch out for brussels. I'll be grateful if you continue this in future. Lots of people will be benefited from your writing. Cheers!

My web blog ... voyance par telephone

غير معرف يقول...

Hi there I am so grateful I found your web site, I really found you by mistake, while I
was browsing on Askjeeve for something else, Anyways I am here now and would
just like to say thanks a lot for a incredible post and a all round exciting blog (I
also love the theme/design), I don’t have time to
look over it all at the minute but I have saved it and also added in your RSS feeds, so when
I have time I will be back to read a great deal more, Please do keep up the fantastic jo.



Feel free to surf to my page: voyance

لكي لا ننسى دم أحمد علي مبروك