إن ما قدرتش تضحك
ما تدمّعش ولا تبكيش
وإن ما فضلش معاك غير قلبك
إوعى تخاف !!
مش هاتموت ..
هاتعيـــــــش
وإن سألوك الناس ..
عن ضي جوا عيونك ما بيلمعشي
ما تخبيش ..
قولهم العيب مش فيا
ده العيب م الضي !!
وأنا مش عاشق ضلمة
ولا زعّلت الضي
مسير الضي لوحده .. هايلمع
ومسير الضحك لوحده هايطلع
ما بيجرحش ولا يئذيش
كلمات محمد الناصر
وألحان وجيه عزيز
من فيلم هستريا للعبقري أحمد زكي
هناك تعليقان (٢):
برضه غريبه جدا
ده توارد خواطر للمره التانيه علي التوالي
واضح اننا مظبوطين علي موجه نفسيه واحده اليومين دول
تحياتي
يا بن الإيه
إنت كمان هستيريا؟؟؟؟
آه طبعا على نفس الموجة يا زعيم
مش عاوز حاجة من بروكسل يا باشا؟
إرسال تعليق