رفعت السعيد... إنها حقا حمراء

أبناء مصر - حزب التجمع يرفض المشاركة في اضراب 4 مايو

عاش الزعيم المنادل الدكتور اللواء رفعت باشا السعيد
يسقط نضال العيال الفافي بتوع الفيسبوك
عاشت البراغماتية السياسية في ظل اضمحلال الإيديولوجية وتفكيك المادية الجدلية

عزيزي المنادل الكبير اللواء رفعت باشا السعيد "ثورتك" حمرا!!!

قولوا لمهدي عاكف يخش ينام شوية

اقروا الخبر ده

مهدي عاكف: اعتقال إسراء كشف ان مصر مقبلة علي انفجار

سعادة البيه بعد موقف جماعته العرة (العرة وصف للموقف وليس للجماعة) في إضراب 6 أبريل
وقبله موقفهم العرة في إضراب أساتذة الجامعة في 23 مارس (وتطاول الأساتذة المنتمين لجماعته على جماعة تسعة مارس)
بينَظَّر على أم اللي جابونا وقال إيه مصر مقبلة على انفجار... هع هع هع
يا رااااااجل!!!
عرفتها لوحدك دي يا عم الحاج؟؟؟
ويعني هو اعتقال إسراء بس اللي بيقول إنها على وشك الإنفجار؟ ولا بس عايز تنقذ شوية ماء وجه ممكن يكونوا لسة باقيين وقلت تنتهز الفرصة وتقول بقين؟؟؟!!
طب ما هي مصر في حالة غليان من بدري يا حدق وغطا حلة الوطن البرستو محكم الغلق والصمام مقفول... يبقى طبيعي وبديهي إن مصر في طريقها إلى الانفجار...

القضية دور سيادتك ودور جماعتك إيه بقى في مرحلة الغليان السابق للانفجار؟
دور معفن وعرة وجربوع ومشين وبرجماتي نفعي انتهازي قذر

يبقى روح موت بقى جنب بقية الجثث اللي مالية البلد

مع تحياتي واحترامي لفضيلتك